MEIKANDAR INSTITUTE &
SPIRITUAL SCHOOL OF LEARNING

chulinks.in

Home



This part of web page is available as android app

* We need to pay for the server
* For operation we need funds
* Cosider helping us
* Support us by making a donation
* Donation allows us to work for you
* Donate via Paypal  

    திருநாவுக்கரசு சுவாமிகள் அருளிச்செய்த
    தேவாரப் பதிகங்கள்
    ஐந்தாம் திருமுறை முதற் பகுதி
    பாடல்கள் (1- 509)

    5.001 கோயில் (1-11)
    5.002 கோயில் (12-21)
    5.003 திருவரத்துறை (22-31)
    5.004 திருவண்ணாமலை (32-41)
    5.005 திருவண்ணாமலை (42-51)
    5.006 திருவாரூர் (52-61)
    5.007 திருவாரூர் (62-73)
    5.008 திருஅன்னியூர் (74-83)
    5.009 திருமறைக்காடு (84-93)
    5.010 திருமறைக்காடு (94-104)
    5.011 திருமீயச்சூர் (105-114)
    5.012 திருவீழிமிழலை (115-125)
    5.013 திருவீழிமிழலை (126-135)
    5.014 திருவிடைமருதூர் (136-146)
    5.015 திருவிடைமருதூர் (147-152)
    5.016 திருப்பேரெயில் (153-163)
    5.017 திருவெண்ணியூர் (164-174)
    5.018 திருக்கடம்பந்துறை (175-184)
    5.019 திருக்கடம்பூர் (185-195)
    5.020 திருக்கடம்பூர் (196-205)
    5.021 திருவின்னம்பர் (206-215)
    5.022 திருக்குடமூக்கு (216-225)
    5.023 திருநின்றியூர் (226-235)
    5.024 திருவொற்றியூர் (236-245)
    5.025 திருப்பாசூர் (246-256)
    5.026 திருவன்னியூர் (257-265)
    5.027 திருவையாறு (266-275)
    5.028 திருவையாறு (276-285)
    5.029 திருவாவடுதுறை (286-295)
    5.030 திருப்பராய்த்துறை (296-306)
    5.031 திருவானைக்கா (307-316)
    5.032 திருப்பூந்துருத்தி (317-326)
    5.033 திருச்சோற்றுத்துறை (327-337)
    5.034 திருநெய்த்தானம் (338-347)
    5.035 திருப்பழனம் (348-357)
    5.036 திருச்செம்பொன்பள்ளி (358-367)
    5.037 திருக்கடவூர்வீரட்டம் (368-378)
    5.038 திருக்கடவூர்மயானம் (379-386)
    5.039 திருமயிலாடுதுறை (387-397)
    5.040 திருக்கழிப்பாலை (398-406)
    5.041 திருப்பைஞ்ஞீலி (307-316)
    5.042 திருவேட்களம் (317-326)
    5.043 திருநல்லம் (327-337)
    5.044 திருவாமாத்தூர் (338-347)
    5.045 திருத்தோணிபுரம் (348-357)
    5.046 திருப்புகலூர் (358-367)
    5.047 திருவேகம்பம் (368-378)
    5.048 திருவேகம்பம் (379-386)
    5.049 திருவெண்காடு (387-397)
    5.050 திருவாய்மூர் (398-406)
    பாடல்கள் ( 510 -1016 )

    5.051 திருப்பாலைத்துறை (510-520)
    5.052 திருநாகேச்சரம் (521-530)
    5.053 திருவதிகைவீரட்டம் (531-542)
    5.054 திருவதிகைவீரட்டம் (543- 552)
    5.055 திருநாரையூர் (553-562)
    5.056 திருக்கோளிலி (563-572)
    5.057 திருக்கோளிலி (573 -582)
    5.058 திருப்பழையாறைவடதளி (583 -592)
    5.059 திருமாற்பேறு (593 -601)
    5.060 திருமாற்பேறு (601-610)
    5.061 திருஅரிசிற்கரைப்புத்தூர் (611 -620)
    5.062 திருக்கடுவாய்க்கரைப்புத்தூர் (621-630)
    5.063 திருக்குரங்காடுதுறை (631-641)
    5.064 திருக்கோழம்பம் (642-652)
    5.065 திருப்பூவனூர் (653-663)
    5.066 திருவலஞ்சுழி (664-673)
    5.067 திருவாஞ்சியம் (674- 680)
    5.068 திருநள்ளாறு (681-690)
    5.069 திருக்கருவிலி (691 -700)
    5.070 திருக்கொண்டீச்சரம் (701-710)
    5.071 திருவிசயமங்கை (711-720)
    5.072 திருநீலக்குடி (721-730)
    5.073 திருமங்கலக்குடி (731-740)
    5.074 திருஎறும்பியூர் (741 -750)
    5.075 திருக்குரக்குக்கா (751- 760)
    5.076 திருக்கானூர் (761-769)
    5.077 திருச்சேறை (770-779)
    5.078 திருக்கோடிகா (780-786)
    5.079 திருப்புள்ளிருக்குவேளூர் (787-795)
    5.080 திருஅன்பில்ஆலந்துறை (796- 805)
    5.081 திருப்பாண்டிக்கொடுமுடி (806-810)
    5.082 திருவான்மியூர் (811-820)
    5.083 திருநாகைக்காரோணம் (821-830)
    5.084 திருக்காட்டுப்பள்ளி (831-840)
    5.085 திருச்சிராப்பள்ளி (841-844)
    5.086 திருவாட்போக்கி (845-854)
    5.087 திருமணஞ்சேரி (855-864)
    5.088 திருமருகல் (865- 874)
    5.089 தனி (875-884)
    5.090 தனி (885-894)
    5.091 தனி (895-900)
    5.092 காலபாராயணம் (901-914)
    5.093 மறக்கிற்பனே என்னும் (915-924)
    5.094 தொழற்பாலனம் என்னும் (925-935)
    5.095 இலிங்கபுராணம் (936-946)
    5.096 மனத்தொகை (947-956)
    5.097 சித்தத்தொகை (957 -986)
    5.098 உள்ளம் (987-996)
    5.099 பாவநாசம் (997-1006)
    5.100 ஆதிபுராணம் (1007-1016)



    ----------

    5.1 கோயில் - திருக்குறுந்தொகை


    திருச்சிற்றம்பலம்

    1 அன்னம் பாலிக்குந் தில்லைச்சிற் றம்பலம்
    பொன்னம் பாலிக்கு மேலுமிப் பூமிசை
    என்னம் பாலிக்கு மாறுகண் டின்புற
    இன்னம் பாலிக்கு மோவிப் பிறவியே. 5.1.1
    2 அரும்பற் றப்பட ஆய்மலர் கொண்டுநீர்
    சுரும்பற் றப்படத் தூவித் தொழுமினோ
    கரும்பற் றச்சிலைக் காமனைக் காய்ந்தவன்
    பெரும்பற் றப்புலி யூரெம் பிரானையே. 5.1.2
    3 அரிச்சுற் றவினை யால்அடர்ப் புண்டுநீர்
    எரிச்சுற் றக்கிடந் தாரென் றயலவர்
    சிரிச்சுற் றப்பல பேசப்ப டாமுனம்
    திருச்சிற் றம்பலஞ் சென்றடைந் துய்ம்மினே. 5.1.3
    4 அல்லல் என்செயும் அருவினை என்செயும்
    தொல்லை வல்வினைத் தொந்தந்தான் என்செயும்
    தில்லை மாநகர்ச் சிற்றம் பலவனார்க்
    கெல்லை யில்லதோர் அடிமைபூண் டேனுக்கே. 5.1.4
    5 ஊனி லாவி உயிர்க்கும் பொழுதெலாம்
    நானி லாவி யிருப்பனென் னாதனைத்
    தேனி லாவிய சிற்றம் பலவனார்
    வானி லாவி யிருக்கவும் வைப்பரே. 5.1.5
    6 சிட்டர் வானவர் சென்று வரங்கொளுஞ்
    சிட்டர் வாழ்தில்லைச் சிற்றம் பலத்துறை
    சிட்டன் சேவடி கைதொழச் செல்லுமச்
    சிட்டர் பாலணு கான்செறு காலனே. 5.1.6
    7 ஒருத்த னார்உல கங்கட் கொருசுடர்
    திருத்த னார்தில்லைச் சிற்றம் பலவனார்
    விருத்த னார்இளை யார்விட முண்டவெம்
    அருத்த னார்அடி யாரை அறிவரே. 5.1.7
    8 விண்ணி றைந்ததோர் வெவ்வழ லின்னுரு
    எண்ணி றைந்த இருவர்க் கறிவொணாக்
    கண்ணி றைந்த கடிபொழில் அம்பலத்
    துண்ணி றைந்துநின் றாடும் ஒருவனே. 5.1.8
    9 வில்லைவட் டப்பட வாங்கி அவுணர்தம்
    வல்லைவட் டம்மதின் மூன்றுடன் மாய்த்தவன்
    தில்லைவட் டந்திசை கைதொழு வார்வினை
    ஒல்லைவட் டங்கடந் தோடுதல் உண்மையே. 5.1.9
    10 நாடி நாரணன் நான்முக னென்றிவர்
    தேடி யுந்திரிந் துங்காண வல்லரோ
    மாட மாளிகை சூழ்தில்லை யம்பலத்
    தாடி பாதமென் னெஞ்சுள் இருக்கவே. 5.1.10
    11 மதுர வாய்மொழி மங்கையோர் பங்கினன்
    சதுரன் சிற்றம் பலவன் திருமலை
    அதிர ஆர்த்தெடுத் தான்முடி பத்திற
    மிதிகொள் சேவடி சென்றடைந் துய்ம்மினே.
    5.1.11

    திருச்சிற்றம்பலம்


    5.2 கோயில் - திருக்குறுந்தொகை



    திருச்சிற்றம்பலம்

    12 பனைக்கை மும்மத வேழ முரித்தவன்
    நினைப்ப வர்மனங் கோயிலாக் கொண்டவன்
    அனைத்து வேடமாம் அம்பலக் கூத்தனைத்
    தினைத்த னைப்பொழு தும்மறந் துய்வனோ. 5.2.1
    13 தீர்த்த னைச்சிவ னைச்சிவ லோகனை
    மூர்த்தி யைமுத லாய ஒருவனைப்
    பார்த்த னுக்கருள் செய்த சிற்றம்பலக்
    கூத்த னைக்கொடி யேன்மறந் துய்வனோ.
    5.2.2
    14 கட்டும் பாம்புங் கபாலங் கைமான்மறி
    இட்ட மாயிடு காட்டெரி யாடுவான்
    சிட்டர் வாழ்தில்லை யம்பலக் கூத்தனை
    எட்ட னைப்பொழு தும்மறந் துய்வனோ. 5.2.3
    15 மாணி பால்கறந் தாட்டி வழிபட
    நீணு லகெலாம் ஆளக் கொடுத்தவன்
    ஆணி யைச்செம்பொன் அம்பலத் துள்நின்ற
    தாணு வைத்தமி யேன்மறந் துய்வனோ. 5.2.4
    16 பித்த னைப்பெருங் காடரங் காவுடை
    முத்த னைமுளை வெண்மதி சூடியைச்
    சித்த னைச்செம்பொன் அம்பலத் துள்நின்ற
    அத்த னையடி யேன்மறந் துய்வனோ. 5.2.6
    17 நீதி யைநிறை வைமறை நான்குடன்
    ஓதி யையொரு வர்க்கு மறிவொணாச்
    சோதி யைச்சுடர்ச் செம்பொனின் அம்பலத்
    தாதி யையடி யேன்மறந் துய்வனோ. 5.2.6
    18 மைகொள் கண்டனெண் டோ ளன்முக் கண்ணினன்
    பைகொள் பாம்பரை யார்த்த பரமனார்
    செய்ய மாதுறை சிற்றம்ப லத்தெங்கள்
    ஐய னையடி யேன்மறந் துய்வனோ. 5.2.7
    19 முழுதும் வானுல கத்துள தேவர்கள்
    தொழுதும் போற்றியுந் தூயசெம் பொன்னினால்
    எழுதி மேய்ந்தசிற் றம்பலக் கூத்தனை
    இழுதை யேன்மறந் தெங்ஙனம் உய்வனோ. 5.2.8
    20 காரு லாமலர்க் கொன்றையந் தாரனை
    வாரு லாமுலை மங்கை மணாளனைத்
    தேரு லாவிய தில்லையுட் கூத்தனை
    ஆர்கி லாவமு தைமறந் துய்வனோ. 5.2.9
    21 ஓங்கு மால்வரை ஏந்தலுற் றான்சிரம்
    வீங்கி விம்முற ஊன்றிய தாளினான்
    தேங்கு நீர்வயல் சூழ்தில்லைக் கூத்தனைப்
    பாங்கி லாத்தொண்ட னேன்மறந் துய்வனோ. 5.2.10

    திருச்சிற்றம்பலம்


    5.3 திருவரத்துறை - திருக்குறுந்தொகை



    திருச்சிற்றம்பலம்

    22 <ஸ஼ௗ நே௬ஸ஼ ௖௻஦ே௘ ி௯்௱஼
    உடலு ளானையொப் பாரியி லாதவெம்
    அடலு ளானை அரத்துறை மேவிய
    சுடரு ளானைக்கண் டீர்நாந் தொழுவதே. 5.3.1
    23 கரும்பொப் பானைக் கரும்பினிற் கட்டியை
    விரும்பொப் பானைவிண் ணோரு மறிகிலா
    அரும்பொப் பானை அரத்துறை மேவிய
    சுரும்பொப் பானைக்கண் டீர்நாந் தொழுவதே. 5.3.2
    24 ஏறொப் பானையெல் லாவுயிர்க் கும்மிறை
    வேறொப் பானைவிண் ணோரு மறிகிலா
    ஆறொப் பானை அரத்துறை மேவிய
    ஊறொப் பானைக்கண் டீர்நாந் தொழுவதே. 5.3.3
    25 பரப்பொப் பானைப் பகலிருள் நன்னிலா
    இரப்பொப் பானை இளமதி சூடிய
    அரப்பொப் பானை அரத்துறை மேவிய
    சுரப்பொப் பானைக்கண் டீர்நாந் தொழுவதே. 5.3.4
    26 நெய்யொப் பானைநெய் யிற்சுடர் போல்வதோர்
    மெய்யொப் பானைவிண் ணோரு மறிகிலார்
    ஐயொப் பானை அரத்துறை மேவிய
    கையொப் பானைக்கண் டீர்நாந் தொழுவதே. 5.3.5
    27 நிதியொப் பானை நிதியிற் கிழவனை
    விதியொப் பானைவிண் ணோரு மறிகிலார்
    அதியொப் பானை அரத்துறை மேவிய
    கதியொப் பானைக்கண் டீர்நாந் தொழுவதே. 5.3.6
    28 புனலொப் பானைப் பொருந்தலர் தம்மையே
    மினலொப் பானைவிண் ணோரு மறிகிலார்
    அனலொப் பானை அரத்துறை மேவிய
    கனலொப் பானைக்கண் டீர்நாந் தொழுவதே. 5.3.7
    29 பொன்னொப் பானைப்பொன் னிற்சுடர் போல்வதோர்
    மின்னொப் பானைவிண் ணோரு மறிகிலார்
    அன்னொப் பானை அரத்துறை மேவிய
    தன்னொப் பானைக்கண் டீர்நாந் தொழுவதே. 5.3.8
    30 காழி யானைக் கனவிடை யூருமெய்
    வாழி யானைவல் லோருமென் றின்னவர்
    ஆழி யான்பிர மற்கும் அரத்துறை
    ஊழி யானைக்கண் டீர்நாந் தொழுவதே. 5.3.9
    31 கலையொப் பானைக்கற் றார்க்கோ ரமுதினை
    மலையொப் பானை மணிமுடி யூன்றிய
    அலையொப் பானை அரத்துறை மேவிய
    நிலையொப் பானைக்கண் டீர்நாந் தொழுவதே. 5.3.10

    திருச்சிற்றம்பலம்


    5.4 திருவண்ணாமலை - திருக்குறுந்தொகை



    திருச்சிற்றம்பலம்

    32 வட்ட னைமதி சூடியை வானவர்
    சிட்ட னைத்திரு வண்ணா மலையனை
    இட்ட னையிகழ்ந் தார்புர மூன்றையும்
    அட்ட னையடி யேன்மறந் துய்வனோ. 5.4.1
    33 வான னைமதி சூடிய மைந்தனைத்
    தேன னைத்திரு வண்ணா மலையனை
    ஏன னையிகழ்ந் தார்புர மூன்றெய்த
    ஆன னையடி யேன்மறந் துய்வனோ. 5.4.2
    34 மத்த னைமத யானை யுரித்தவெஞ்
    சித்த னைத்திரு வண்ணா மலையனை
    முத்த னைமுனிந் தார்புர மூன்றெய்த
    அத்த னையடி யேன்மறந் துய்வனோ. 5.4.3
    35 காற்ற னைக்கலக் கும்வினை போயறத்
    தேற்ற னைத்திரு வண்ணா மலையனைக்
    கூற்ற னைக்கொடி யார்புர மூன்றெய்த
    ஆற்ற னையடி யேன்மறந் துய்வனோ. 5.4.4
    36 மின்ன னைவினை தீர்த்தெனை யாட்கொண்ட
    தென்ன னைத்திரு வண்ணா மலையனை
    என்ன னையிகழ்ந் தார்புர மூன்றெய்த
    அன்ன னையடி யேன்மறந் துய்வனோ. 5.4.5
    37 மன்ற னைமதி யாதவன் வேள்விமேற்
    சென்ற னைத்திரு வண்ணா மலையனை
    வென்ற னைவெகுண் டார்புர மூன்றையுங்
    கொன்ற னைக்கொடி யேன்மறந் துய்வனோ. 5.4.6
    38 வீர னைவிட முண்டனை விண்ணவர்
    தீர னைத்திரு வண்ணா மலையனை
    ஊர னையுண ரார்புர மூன்றெய்த
    ஆர னையடி யேன்மறந் துய்வனோ. 5.4.7
    39 கருவி னைக்கடல் வாய்விட முண்டவெந்
    திருவி னைத்திரு வண்ணா மலையனை
    உருவி னையுண ரார்புர மூன்றெய்த
    அருவி னையடி யேன்மறந் துய்வனோ. 5.4.8
    40 அருத்த னையர வைந்தலை நாகத்தைத்
    திருத்த னைத்திரு வண்ணா மலையனைக்
    கருத்த னைக்கடி யார்புர மூன்றெய்த
    அருத்த னையடி யேன்மறந் துய்வனோ. 5.4.9
    41 அரக்க னையல றவ்விர லூன்றிய
    திருத்த னைத்திரு வண்ணா மலையனை
    இரக்க மாயென் உடலுறு நோய்களைத்
    துரக்க னைத்தொண்ட னேன்மறந் துய்வனோ. 5.4.10

    திருச்சிற்றம்பலம்


    5.5 திருவண்ணாமலை - திருக்குறுந்தொகை



    திருச்சிற்றம்பலம்

    42 பட்டி ஏறுகந் தேறிப் பலஇலம்
    இட்ட மாக இரந்துண் டுழிதரும்
    அட்ட மூர்த்திஅண் ணாமலை கைதொழக்
    கெட்டுப் போம்வினை கேடில்லை காண்மினே. 5.5.1
    43 பெற்ற மேறுவர் பெய்பலிக் கென்றவர்
    சுற்ற மாமிகு தொல்புக ழாளொடும்
    அற்றந் தீர்க்கும்அண் ணாமலை கைதொழ
    நற்ற வத்தொடு ஞானத் திருப்பரே. 5.5.2
    44 பல்லி லோடுகை யேந்திப் பலஇலம்
    ஒல்லை சென்றுணங் கல்கவர் வாரவர்
    அல்லல் தீர்க்கும்அண் ணாமலை கைதொழ
    நல்ல வாயின நம்மை அடையுமே. 5.5.3
    45 பாடிச் சென்று பலிக்கென்று நின்றவர்
    ஓடிப் போயினர் செய்வதொன் றென்கொலோ
    ஆடிப் பாடிஅண் ணாமலை கைதொழ
    ஓடிப் போகுநம் மேலை வினைகளே. 5.5.4
    46 தேடிச் சென்று திருந்தடி யேத்துமின்
    நாடி வந்தவர் நம்மையும் ஆட்கொள்வர்
    ஆடிப் பாடிஅண் ணாமலை கைதொழ
    ஓடிப் போம்நம துள்ள வினைகளே. 5.5.5
    47 கட்டி யொக்குங் கரும்பி னிடைத்துணி
    வெட்டி வீணைகள் பாடும் விகிர்தனார்
    அட்ட மூர்த்திஅண் ணாமலை மேவிய
    நட்ட மாடியை நண்ணநன் காகுமே. 5.5.6
    48 கோணிக் கொண்டையர் வேடமுன் கொண்டவர்
    பாணி நட்டங்க ளாடும் பரமனார்
    ஆணிப் பொன்னினண் ணாமலை கைதொழப்
    பேணி நின்ற பெருவினை போகுமே. 5.5.7
    49 கண்டந் தான்கறுத் தான்காலன் ஆருயிர்
    பண்டு கால்கொடு பாய்ந்த பரமனார்
    அண்டத் தோங்கும்அண் ணாமலை கைதொழ
    விண்டு போகுநம் மேலை வினைகளே. 5.5.8
    50 முந்திச் சென்றுமுப் போதும் வணங்குமின்
    அந்தி வாயொளி யான்றன்அண் ணாமலை
    சிந்தி யாஎழு வார்வினை தீர்த்திடுங்
    கந்த மாமலர் சூடுங் கருத்தனே. 5.5.9
    51 மறையி னானொடு மாலவன் காண்கிலா
    நிறையும் நீர்மையுள் நின்றருள் செய்தவன்
    உறையும் மாண்பின்அண் ணாமலை கைதொழப்
    பறையும் நாஞ்செய்த பாவங்க ளானவே. 5.5.10

    திருச்சிற்றம்பலம்


    5.6 திருவாரூர் - திருக்குறுந்தொகை



    திருச்சிற்றம்பலம்

    52 எப்போ தும்மிறை யும்மற வாதுநீர்
    முப்போ தும்பிர மன்றொழ நின்றவன்
    செப்போ தும்பொனின் மேனிச் சிவனவன்
    அப்போ தைக்கஞ்சல் என்னும்ஆ ரூரனே. 5.6.1
    53 சடையின் மேலுமோர் தையலை வைத்தவர்
    அடைகி லாவர வைஅரை யார்த்தவர்
    படையின் நேர்தடங் கண்ணுமை பாகமா
    அடைவர் போல்இடு காடர்ஆ ரூரரே. 5.6.2
    54 விண்ட வெண்டலை யேகல னாகவே
    கொண்ட கம்பலி தேருங் குழகனார்
    துண்ட வெண்பிறை வைத்த இறையவர்
    அண்ட வாணர்க் கருளும்ஆ ரூரரே. 5.6.3
    55 விடையும் ஏறுவர் வெண்டலை யிற்பலி
    கடைகள் தோறுந் திரியுமெங் கண்ணுதல்
    உடையுஞ் சீரை உறைவது காட்டிடை
    அடைவர் போல்அரங் காகஆ ரூரரே. 5.6.4
    56 துளைக்கை வேழத் துரியுடல் போர்த்தவர்
    வளைக்கை யாளையோர் பாக மகிழ்வெய்தித்
    திளைக்குந் திங்கட் சடையிற் திசைமுழு
    தளக்கஞ் சிந்தையர் போலும்ஆ ரூரரே. 5.6.5
    57 பண்ணின் இன்மொழி யாளையோர் பாகமா
    விண்ணி னார்விளங் கும்மதி சூடியே
    சுண்ண நீறுமெய்ப் பூசிச் சுடலையின்
    அண்ணி யாடுவர் போலும்ஆ ரூரரே. 5.6.6
    58 மட்டு வார்குழ லாளொடு மால்விடை
    இட்ட மாவுகந் தேறும் இறைவனார்
    கட்டு வாங்கங் கனல்மழு மான்றனோ
    டட்ட மாம்புய மாகும்ஆ ரூரரே. 5.6.7
    59 தேய்ந்த திங்கள் கமழ்சடை யன்கனல்
    ஏந்தி எல்லியுள் ஆடும் இறைவனார்
    காய்ந்து காமனை நோக்கின கண்ணினார்
    ஆய்ந்த நான்மறை யோதும்ஆ ரூரரே. 5.6.8
    60 உண்டு நஞ்சுகண் டத்துள் அடக்கியங்
    கிண்டை செஞ்சடை வைத்த இயல்பினான்
    கொண்ட கோவண ஆடையன் கூரெரி
    அண்ட வாணர் அடையும்ஆ ரூரரே. 5.6.9
    61 மாலும் நான்முக னும்மறி கிற்கிலார்
    கால னாய அவனைக் கடந்திட்டுச்
    சூல மான்மழு வேந்திய கையினார்
    ஆலம் உண்டழ காயஆ ரூரரே. 5.6.10

    திருச்சிற்றம்பலம்


    5.7 திருவாரூர் - திருக்குறுந்தொகை



    திருச்சிற்றம்பலம்

    62 கொக்க ரைகுழல் வீணை கொடுகொட்டி
    பக்க மேபகு வாயன பூதங்கள்
    ஒக்க ஆட லுகந்துடன் கூத்தராய்
    அக்கி னோடர வார்ப்பர்ஆ ரூரரே. 5.7.1
    63 எந்த மாதவஞ் செய்தனை நெஞ்சமே
    பந்தம் வீடவை யாய பராபரன்
    அந்த மில்புகழ் ஆரூர் அரனெறி
    சிந்தை யுள்ளுஞ் சிரத்துளுந் தங்கவே. 5.7.2
    64 வண்டு லாமலர் கொண்டு வளர்சடைக்
    கிண்டை மாலை புனைந்தும் இராப்பகல்
    தொண்ட ராகித் தொடர்ந்து விடாதவர்க்
    கண்டம் ஆளவும் வைப்பர்ஆ ரூரரே. 5.7.3
    65 துன்பெ லாமற நீங்கிச் சுபத்தராய்
    என்பெ லாம்நெக்கி ராப்பக லேத்திநின்
    றின்ப ராய்நினைந் தென்றும் இடையறா
    அன்ப ராமவர்க் கன்பர்ஆ ரூரரே. 5.7.4
    66 முருட்டு மெத்தையில் முன்கிடத் தாமுனம்
    அரட்டர் ஐவரை ஆசறுத் திட்டுநீர்
    முரட்ட டித்தவத் தக்கன்றன் வேள்வியை
    அரட்ட டக்கிதன் ஆரூர் அடைமினே. 5.7.5
    67 எம்மை யாரிலை யானுமு ளேனலேன்
    எம்மை யாரும் இதுசெய வல்லரே
    அம்மை யாரெனக் கென்றென் றரற்றினேற்
    கம்மை யாரைத்தந் தார்ஆரூர் ஐயரே. 5.7.6
    68 தண்ட ஆளியைத் தக்கன்றன் வேள்வியைச்
    செண்ட தாடிய தேவர கண்டனைக்
    கண்டு கண்டிவள் காதலித் தன்பதாய்க்
    கொண்டி யாயின வாறென்றன் கோதையே. 5.7.7
    69 இவண மைப்பல பேசத் தொடங்கினாள்
    அவண மன்றெனில் ஆரூர் அரனெனும்
    பவணி வீதி விடங்கனைக் கண்டிவள்
    தவணி யாயின வாறென்றன் தையலே. 5.7.8
    70 நீரைச் செஞ்சடை வைத்த நிமலனார்
    காரொத் தமிடற் றர்கனல் வாயரா
    ஆரத் தர்உறை யும்மணி ஆரூரைத்
    தூரத் தேதொழு வார்வினை தூளியே. 5.7.9
    71 உள்ள மேயொன் றுறுதி யுரைப்பன்நான்
    வெள்ளந் தாங்கு விரிசடை வேதியன்
    அள்ளல் நீர்வயல் ஆரூர் அமர்ந்தவெம்
    வள்ளல் சேவடி வாழ்த்தி வணங்கிடே. 5.7.10
    72 விண்ட மாமலர் மேலுறை வானொடுங்
    கொண்டல் வண்ணனுங் கூடி அறிகிலா
    அண்ட வாணன்றன் ஆரூர் அடிதொழப்
    பண்டை வல்வினை நில்லா பறையுமே. 5.7.11
    73 மையு லாவிய கண்டத்தன் அண்டத்தன்
    கையு லாவிய சூலத்தன் கண்ணுதல்
    ஐயன் ஆரூர் அடிதொழு வார்க்கெலாம்
    உய்ய லாமல்லல் ஒன்றிலை காண்மினே. 5.7.12

    திருச்சிற்றம்பலம்


    5.8 திருஅன்னியூர் - திருக்குறுந்தொகை



    திருச்சிற்றம்பலம்

    74 பாற லைத்த படுவெண் டலையினன்
    நீற லைத்தசெம் மேனியன் நேரிழை
    கூற லைத்தமெய் கோளர வாட்டிய
    ஆற லைத்த சடைஅன்னி யூரரே. 5.8.1
    75 பண்டொத் தமொழி யாளையோர் பாகமாய்
    இண்டைச் செஞ்சடை யன்னிருள் சேர்ந்ததோர்
    கண்டத் தன்கரி யின்னுரி போர்த்தவன்
    அண்டத் தப்புறத் தான்அன்னி யூரரே. 5.8.2
    76 பரவி நாளும் பணிந்தவர் தம்வினை
    துரவை யாகத் துடைப்பவர் தம்மிடங்
    குரவம் நாறுங் குழலுமை கூறராய்
    அரவ மாட்டுவர் போல்அன்னி யூரரே. 5.8.3
    77 வேத கீதர்விண் ணோர்க்கும் உயர்ந்தவர்
    சோதி வெண்பிறை துன்று சடைக்கணி
    நாதர் நீதியி னாலடி யார்தமக்
    காதி யாகிநின் றார்அன்னி யூரரே. 5.8.4
    78 எம்பி ரான்இமை யோர்கள் தமக்கெலாம்
    இன்ப ராகி இருந்தவெம் மீசனார்
    துன்ப வல்வினை போகத் தொழுமவர்க்
    கன்ப ராகிநின் றார்அன்னி யூரரே. 5.8.5
    79 வெந்த நீறுமெய் பூசுநன் மேனியர்
    கந்த மாமலர் சூடுங் கருத்தினர்
    சிந்தை யார்சிவ னார்செய்ய தீவண்ணர்
    அந்த ணாளர்கண் டீர்அன்னி யூரரே. 5.8.6
    80 ஊனை யார்தலை யிற்பலி கொண்டுழல்
    வானை வானவர் தாங்கள் வணங்கவே
    தேனை யார்குழ லாளையோர் பாகமா
    ஆனை யீருரி யார்அன்னி யூரரே. 5.8.7
    81 காலை போய்ப்பலி தேர்வர் கண்ணார்நெற்றி
    மேலை வானவர் வந்து விரும்பிய
    சோலை சூழ்புறங் காடரங் காகவே
    ஆலின் கீழறத் தார்அன்னி யூரரே. 5.8.8
    82 எரிகொள் மேனியர் என்பணிந் தின்பராய்த்
    திரியு மூவெயில் தீயெழச் செற்றவர்
    கரிய மாலொடு நான்முகன் காண்பதற்
    கரிய ராகிநின் றார்அன்னி யூரரே. 5.8.9
    83 வஞ்ச ரக்கன் கரமுஞ் சிரத்தொடும்
    அஞ்சு மஞ்சுமோ ராறுநான் கும்மிறப்
    பஞ்சின் மெல்விர லாலடர்த் தாயிழை
    அஞ்ச லஞ்சலென் றார்அன்னி யூரரே. 5.8.10

    திருச்சிற்றம்பலம்


    5.9 திருமறைக்காடு - திருக்குறுந்தொகை



    திருச்சிற்றம்பலம்

    84 ஓத மால்கடல் பாவி உலகெலாம்
    மாத ரார்வலங் கொண்மறைக் காடரைக்
    காதல் செய்து கருதப் படுமவர்
    பாத மேத்தப் பறையுநம் பாவமே. 5.9.1
    85 பூக்குந் தாழை புறணி அருகெலாம்
    ஆக்கந் தானுடை மாமறைக் காடரோ
    ஆர்க்குங் காண்பரி யீர்அடி யார்தமை
    நோக்கிக் காண்பது நும்பணி செய்யிலே. 5.9.2
    86 புன்னை ஞாழல் புறணி அருகெலாம்
    மன்னி னார்வலங் கொண்மறைக் காடரோ
    அன்ன மென்னடை யாளையோர் பாகமாச்
    சின்ன வேடம் உகப்பது செல்வமே. 5.9.3
    87 அட்ட மாமலர் சூடி அடம்பொடு
    வட்டப் புன்சடை மாமறைக் காடரோ
    நட்ட மாடியும் நான்மறை பாடியும்
    இட்ட மாக இருக்கும் இடமிதே. 5.9.4
    88 நெய்த லாம்பல் நிறைவயல் சூழ்தரும்
    மெய்யி னார்வலங் கொண்மறைக் காடரோ
    தையல் பாகங்கொண் டீர்கவர் புன்சடைப்
    பைதல் வெண்பிறை பாம்புடன் வைப்பதே. 5.9.5
    89 துஞ்சும் போதுந் துயிலின்றி ஏத்துவார்
    வஞ்சின் றிவலங் கொண்மறைக் காடரோ
    பஞ்சின் மெல்லடிப் பாவை பலிகொணர்ந்
    தஞ்சி நிற்பதும் ஐந்தலை நாகமே 5.9.6
    90 விண்ணு ளார்விரும் பியெதிர் கொள்ளவே
    மண்ணு ளார்வணங் கும்மறைக் காடரோ
    கண்ணி னாலுமைக் காணக் கதவினைத்
    திண்ண மாகத் திறந்தருள் செய்ம்மினே. 5.9.7
    91 திருவி னார்செல்வ மல்கு விழாவணி
    மருவி னார்வலங் கொண்மறைக் காடரோ
    உருவி னாளுமை மங்கையோர் பாகமாய்
    மருவி னாய்கங்கை யைச்சென்னி தன்னிலே. 5.9.8
    92 சங்கு வந்தலைக் குந்தடங் கானல்வாய்
    வங்க மார்வலங் கொண்மறைக் காடரோ
    கங்கை செஞ்சடை வைப்பது மன்றியே
    அங்கை யில்லனல் ஏந்தல் அழகிதே. 5.9.9
    93 குறைக்காட் டான்விட்ட தேர்குத்த மாமலை
    இறைக்காட் டியெடுத் தான்றலை ஈரைந்தும்
    மறைக்காட் டானிறை ஊன்றலும் வாய்விட்டான்
    இறைக்காட் டாயெம் பிரானுனை ஏத்தவே. 5.9.10

    திருச்சிற்றம்பலம்


    5.10 திருமறைக்காடு - திருக்குறுந்தொகை



    திருச்சிற்றம்பலம்

    94 பண்ணி னேர்மொழி யாளுமை பங்கரோ
    மண்ணி னார்வலஞ் செய்ம்மறைக் காடரோ
    கண்ணி னாலுமைக் காணக் கதவினைத்
    திண்ண மாகத் திறந்தருள் செய்ம்மினே. 5.10.1
    95 ஈண்டு செஞ்சடை யாகத்துள் ஈசரோ
    மூண்ட கார்முகி லின்முறிக் கண்டரோ
    ஆண்டு கொண்டநீ ரேயருள் செய்திடும்
    நீண்ட மாக்கத வின்வலி நீக்குமே. 5.10.2
    96 அட்ட மூர்த்திய தாகிய அப்பரோ
    துட்டர் வான்புரஞ் சுட்ட சுவண்டரோ
    பட்டங் கட்டிய சென்னிப் பரமரோ
    சட்ட விக்கத வந்திறப் பிம்மினே. 5.10.3
    97 அரிய நான்மறை யோதிய நாவரோ
    பெரிய வான்புரஞ் சுட்ட சுவண்டரோ
    விரிகொள் கோவண ஆடை விருத்தரோ
    பெரிய வான்கத வம்பிரி விக்கவே. 5.10.4
    98 மலையில் நீடிருக் கும்மறைக் காடரோ
    கலைகள் வந்திறைஞ் சுங்கழ லேத்தரோ
    விலையில் மாமணி வண்ண வுருவரோ
    தொலைவி லாக்கத வந்துணை நீக்குமே. 5.10.5
    99 பூக்குந் தாழை புறணி அருகெலாம்
    ஆக்குந் தண்பொழில் சூழ்மறைக் காடரோ
    ஆர்க்குங் காண்பரி யீர்அடி கேள்உமை
    நோக்கிக் காணக் கதவைத் திறவுமே. 5.10.6
    100 வெந்த வெண்பொடிப் பூசும் விகிர்தரோ
    அந்த மில்லி அணிமறைக் காடரோ
    எந்தை நீயடி யார்வந் திறைஞ்சிட
    இந்த மாக்கத வம்பிணி நீக்குமே. 5.10.7
    101 ஆறு சூடும் அணிமறைக் காடரோ
    கூறு மாதுமைக் கீந்த குழகரோ
    ஏற தேறிய எம்பெரு மானிந்த
    மாறி லாக்கத வம்வலி நீக்குமே. 5.10.8
    102 சுண்ண வெண்பொடிப் பூசுஞ் சுவண்டரோ
    பண்ணி யேறுகந் தேறும் பரமரோ
    அண்ண லாதி அணிமறைக் காடரோ
    திண்ண மாக்கத வந்திறப் பிம்மினே. 5.10.9
    103 விண்ணு ளார்விரும் பியெதிர் கொள்ளவே
    மண்ணு ளார்வணங் கும்மறைக் காடரோ
    கண்ணி னாலுமைக் காணக் கதவினைத்
    திண்ண மாகத் திறந்தருள் செய்ம்மினே. 5.10.10
    104 அரக்க னைவிர லாலடர்த் திட்டநீர்
    இரக்க மொன்றிலீர் எம்பெரு மானிரே
    சுரக்கும் புன்னைகள் சூழ்மறைக் காடரோ
    சரக்க விக்கத வந்திறப் பிம்மினே. 5.10.11

    திருச்சிற்றம்பலம்


    5.11 திருமீயச்சூர் இளங்கோயில் - திருக்குறுந்தொகை



    திருச்சிற்றம்பலம்

    105 தோற்றுங் கோயிலுந் தோன்றிய கோயிலும்
    வேற்றுக் கோயில் பலவுள மீயச்சூர்க்
    கூற்றம் பாய்ந்த குளிர்புன் சடையரற்
    கேற்றங் கோயில்கண் டீரிளங் கோயிலே. 5.11.1
    106 வந்த னையடைக் கும்மடித் தொண்டர்கள்
    பந்த னைசெய்து பாவிக்க நின்றவன்
    சிந்த னைதிருத் துந்திரு மீயச்சூர்
    எந்த மையுடை யாரிளங் கோயிலே. 5.11.2
    107 பஞ்ச மந்திர மோதும் பரமனார்
    அஞ்ச ஆனை யுரித்தன லாடுவார்
    நெஞ்சம் வாழி நினைந்திரு மீயச்சூர்
    எந்த மையுடை யாரிளங் கோயிலே. 5.11.3
    108 நாறு மல்லிகை கூவிளஞ் செண்பகம்
    வேறு வேறு விரித்த சடையிடை
    ஆறு கொண்டுகந் தான்றிரு மீயச்சூர்
    ஏறு கொண்டுகந் தாரிளங் கோயிலே. 5.11.4
    109 வெவ்வ வண்ணத்து நாகம் வெருவவே
    கவ்வ வண்ணக் கனல்விரித் தாடுவர்
    செவ்வ வண்ணந் திகழ்திரு மீயச்சூர்
    எவ்வ வண்ணம் பிரானிளங் கோயிலே. 5.11.5
    110 பொன்னங் கொன்றையும் பூவணி மாலையும்
    பின்னுஞ் செஞ்சடை மேற்பிறை சூடிற்று
    மின்னு மேகலை யாளொடு மீயச்சூர்
    இன்ன நாள்அக லாரிளங் கோயிலே. 5.11.6
    111 படைகொள் பூதத்தன் பைங்கொன்றைத் தாரினன்
    சடைகொள் வெள்ளத்தன் சாந்தவெண் ணீற்றினன்
    விடைகொ ளூர்தியி னான்றிரு மீயச்சூர்
    இடைகொண் டேத்தநின் றாரிளங் கோயிலே. 5.11.7
    112 ஆறு கொண்ட சடையினர் தாமுமோர்
    வேறு கொண்டதோர் வேடத்த ராகிலுங்
    கூறு கொண்டுகந் தாளொடு மீயச்சூர்
    ஏறு கொண்டுகந் தாரிளங் கோயிலே. 5.11.8
    113 வேதத் தானென்பர் வேள்வியு ளானென்பர்
    பூதத் தானென்பர் புண்ணியன் றன்னையே
    கீதத் தான்கிள ருந்திரு மீயச்சூர்
    ஏதந் தீர்க்கநின் றாரிளங் கோயிலே. 5.11.9
    114 கடுக்கண் டன்கயி லாய மலைதனை
    எடுக்க லுற்ற இராவணன் ஈடற
    விடுக்க ணின்றி வெகுண்டவன் மீயச்சூர்
    இடுக்கண் தீர்க்கநின் றாரிளங் கோயிலே. 5.11.10

    திருச்சிற்றம்பலம்


    5.12 திருவீழிமிழலை - திருக்குறுந்தொகை



    திருச்சிற்றம்பலம்

    115 கரைந்து கைதொழு வாரையுங் காதலன்
    வரைந்து வைதெழு வாரையும் வாடலன்
    நிரந்த பாரிடத் தோடவர் நித்தலும்
    விரைந்து போவது வீழி மிழலைக்கே. 5.12.1
    116 ஏற்று வெல்கொடி ஈசன்ற னாதிரை
    நாற்றஞ் சூடுவர் நன்னறுந் திங்களார்
    நீற்றுச் சந்தன வெள்ளை விரவலார்
    வேற்றுக் கோலங்கொள் வீழி மிழலையே. 5.12.2
    117 புனைபொற் சூலத்தன் போர்விடை யூர்தியான்
    வினைவெல் நாகத்தன் வெண்மழு வாளினான்
    நினைய நின்றவன் ஈசனை யேயெனா
    வினையி லார்தொழும் வீழி மிழலையே. 5.12.3
    118 மாடத் தாடு மனத்துடன் வைத்தவர்
    கோடத் தார்குருக் கேத்திரத் தார்பலர்
    பாடத் தார்பழிப் பார்பழிப் பல்லதோர்
    வேடத் தார்தொழும் வீழி மிழலையே. 5.12.4
    119 எடுத்த வெல்கொடி யேறுடை யான்றமர்
    உடுப்பர் கோவண முண்பது பிச்சையே
    கெடுப்ப தாவது கீழ்நின்ற வல்வினை
    விடுத்துப் போவது வீழி மிழலைக்கே. 5.12.5
    120 குழலை யாழ்மொழி யாரிசை வேட்கையால்
    உழலை யாக்கையை யூணும் உணர்விலீர்
    தழலை நீர்மடிக் கொள்ளன்மின் சாற்றினோம்
    மிழலை யானடி சாரவிண் ணாள்வரே. 5.12.6
    121 தீரன் தீத்திர ளன்சடைத் தங்கிய
    நீரன் ஆடிய நீற்றன்வண் டார்கொன்றைத்
    தாரன் மாலையன் றண்ணறுங் கண்ணியன்
    வீரன் வீழி மிழலை விகிர்தனே. 5.12.7
    122 எரியி னாரிறை யாரிடு காட்டிடை
    நரியி னார்பரி யாமகிழ் கின்றதோர்
    பெரிய னார்தம் பிறப்பொடு சாதலை
    விரியி னார்தொழு வீழி மிழலையே. 5.12.8
    123 நீண்ட சூழ்சடை மேலோர் நிலாமதி
    காண்டு சேவடி மேலோர் கனைகழல்
    வேண்டு வாரவர் வீதி புகுந்திலர்
    மீண்டும் போவது வீழி மிழலைக்கே. 5.12.9
    124 பாலை யாழொடு செவ்வழி பண்கொள
    மாலை வானவர் வந்து வழிபடும்
    ஆலை யாரழல் அந்தண ராகுதி
    வேலை யார்தொழும் வீழி மிழலையே. 5.12.10
    125 மழலை யேற்று மணாளன் திருமலை
    சுழல ஆர்த்தெடுத் தான்முடி தோளிறக்
    கழல்கொள் காலிற் றிருவிர லூன்றலும்
    மிழலை யானடி வாழ்கென விட்டதே. 5.12.11
    திருச்சிற்றம்பலம்


    5.13 திருவீழிமிழலை - திருக்குறுந்தொகை



    திருச்சிற்றம்பலம்

    126 என்பொ னேயிமை யோர்தொழு பைங்கழல்
    நன்பொ னேநலந் தீங்கறி வொன்றிலேன்
    செம்பொ னேதிரு வீழி மிழலையுள்
    அன்ப னேயடி யேனைக் குறிக்கொளே. 5.13.1
    127 கண்ணி னாற்களி கூரக்கை யாற்றொழு
    தெண்ணு மாறறி யாதிளைப் பேன்றனை
    விண்ணு ளார்தொழும் வீழி மிழலையுள்
    அண்ண லேயடி யேனைக் குறிக்கொளே. 5.13.2
    128 ஞால மேவிசும் பேநலந் தீமையே
    கால மேகருத் தேகருத் தாற்றொழுஞ்
    சீல மேதிரு வீழி மிழலையுள்
    கோல மேயடி யேனைக் குறிக்கொளே. 5.13.3
    129 முத்த னேமுதல் வாமுகி ழும்முளை
    ஒத்த னேயொரு வாவுரு வாகிய
    சித்த னேதிரு வீழி மிழலையுள்
    அத்த னேயடி யேனைக் குறிக்கொளே. 5.13.4
    130 கருவ னேகரு வாய்த்தெளி வார்க்கெலாம்
    ஒருவ னேஉயிர்ப் பாய்உணர் வாய்நின்ற
    திருவ னேதிரு வீழி மிழலையுள்
    குருவ னேயடி யேனைக் குறிக்கொளே. 5.13.5
    131 காத்த னேபொழி லேழையுங் காதலால்
    ஆத்த னேஅம ரர்க்கயன் றன்றலை
    சேர்த்த னேதிரு வீழி மிழலையுள்
    கூத்த னேயடி யேனைக் குறிகொளே. 5.13.6
    132 நீதி வானவர் நித்தல் நியமஞ்செய்
    தோதி வானவ ரும்முண ராததோர்
    வேதி யாவிகிர் தாதிரு வீழியுள்
    ஆதி யேயடி யேனைக் குறிக்கொளே. 5.13.7
    133 பழகி நின்னடி சூடிய பாலனைக்
    கழகின் மேல்வைத்த காலனைச் சாடிய
    அழக னேயணி வீழி மிழலையுள்
    குழக னேயடி யேனைக் குறிக்கொளே. 5.13.8
    134 அண்ட வானவர் கூடிக் கடைந்தநஞ்
    சுண்ட வானவ னேஉணர் வொன்றிலேன்
    விண்ட வான்பொழில் வீழி மிழலையுள்
    கொண்ட னேயடி யேனைக் குறிக்கொளே. 5.13.9
    135 ஒருத்தன் ஓங்கலைத் தாங்கலுற் றானுரம்
    வருத்தி னாய்வஞ்ச னேன்மனம் மன்னிய
    திருத்த னேதிரு வீழி மிழலையுள்
    அருத்த னேயடி யேனைக் குறிக்கொளே. 5.13.10

    திருச்சிற்றம்பலம்


    5.14 திருவிடைமருதூர் - திருக்குறுந்தொகை



    திருச்சிற்றம்பலம்

    136 பாச மொன்றில ராய்ப்பல பத்தர்கள்
    வாச நாண்மலர் கொண்டடி வைகலும்
    ஈச னெம்பெரு மான்இடை மருதினிற்
    பூச நாம்புகு தும்புன லாடவே. 5.14.1
    137 மறையின் நாண்மலர் கொண்டடி வானவர்
    முறையி னான்முனி கள்வழி பாடுசெய்
    இறைவன் எம்பெரு மான்இடை மருதினில்
    உறையும் ஈசனை உள்குமென் உள்ளமே. 5.14.2
    138 கொன்றை மாலையுங் கூவிள மத்தமுஞ்
    சென்று சேரத் திகழ்சடை வைத்தவன்
    என்று மெந்தை பிரான்இடை மருதினை
    நன்று கைதொழு வார்வினை நாசமே. 5.14.3
    139 இம்மை வானவர் செல்வம் விளைத்திடும்
    அம்மை யேற்பிற வித்துயர் நீத்திடும்
    எம்மை யாளும் இடைமரு தன்கழல்
    செம்மை யேதொழு வார்வினை சிந்துமே. 5.14.4
    140 வண்ட ணைந்தன வன்னியுங் கொன்றையுங்
    கொண்ட ணிந்த சடைமுடிக் கூத்தனார்
    எண்டி சைக்கும் இடைமரு தாவென
    விண்டு போயறும் மேலை வினைகளே. 5.14.5
    141 ஏற தேறும் இடைமரு தீசனார்
    கூறு வார்வினை தீர்க்குங் குழகனார்
    ஆறு செஞ்சடை வைத்த அழகனார்க்
    கூறி யூறி உருகுமென் உள்ளமே. 5.14.6
    142 விண்ணு ளாரும் விரும்பப் படுவர்
    மண்ணு ளாரும் மதிக்கப் படுபவர்
    எண்ணி னார்பொழில் சூழிடை மருதினை
    நண்ணி னாரைநண் ணாவினை நாசமே. 5.14.7
    143 வெந்த வெண்பொடிப் பூசும் விகிர்தனார்
    கந்த மாலைகள் சூடுங் கருத்தனார்
    எந்தை யென்னிடை மருதினில் ஈசனைச்
    சிந்தை யால்நினை வார்வினை தேயுமே. 5.14.8
    144 வேத மோதும் விரிசடை அண்ணலார்
    பூதம் பாடநின் றாடும் புனிதனார்
    ஏதந் தீர்க்கும் இடைமரு தாவென்று
    பாத மேத்தப் பறையுநம் பாவமே. 5.14.9
    145 கனியி னுங்கட்டி பட்ட கரும்பினும்
    பனிம லர்க்குழற் பாவைநல் லாரினுந்
    தனிமு டிகவித் தாளு மரசினும்
    இனியன் றன்னடைந் தார்க்கிடை மருதனே. 5.14.10
    146 முற்றி லாமதி சூடும் முதல்வனார்
    ஒற்றி னார்மலை யாலரக் கன்முடி
    எற்றி னார்கொடி யாரிடை மருதினைப்
    பற்றி னாரைப்பற் றாவினை பாவமே. 5.14.11

    திருச்சிற்றம்பலம்


    5.15 திருவிடைமருதூர் - திருக்குறுந்தொகை



    திருச்சிற்றம்பலம்

    147 பறையின் ஓசையும் பாடலின் ஓசையும்
    மறையின் ஓசையும் வைகும் அயலெலாம்
    இறைவன் எங்கள் பிரானிடை மருதினில்
    உறையும் ஈசனை உள்குமென் உள்ளமே. 5.15.1
    148 மனத்துள் மாயனை மாசறு சோதியைப்
    புனிற்றுப் பிள்ளைவெள் ளைம்மதி சூடியை
    எனக்குத் தாயையெம் மானிடை மருதனை
    நினைத்திட் டூறி நிறைந்ததென் னுள்ளமே. 5.15.2
    149 வண்ட ணைந்தன வன்னியும் மத்தமுங்
    கொண்ட ணிந்த சடைமுடிக் கூத்தனை
    எண்டி சைக்கும் இடைமரு தாவென
    விண்டு போயறும் மேலை வினைகளே. 5.15.3
    150 துணையி லாமையிற் றூங்கிருட் பேய்களோ
    டணைய லாவதெ மக்கரி தேயெனா
    இணையி லாஇடை மாமரு தில்லெழு
    பணையி லாகமஞ் சொல்லுந்தன் பாங்கிக்கே. 5.15.4
    151 மண்ணை யுண்டமால் காணான் மலரடி
    விண்ணை விண்டயன் காணான் வியன்முடி
    மொண்ணை மாமரு தாவென்றென் மொய்குழல்
    பண்ணை யாயமுந் தானும் பயிலுமே. 5.15.5
    152 மங்கை காணக் கொடார்மண மாலையைக்
    கங்கை காணக் கொடார்முடிக் கண்ணியை
    நங்கை மீர்இடை மருதரிந் நங்கைக்கே
    எங்கு வாங்கிக் கொடுத்தார் இதழியே. 5.15.6

    இப்பதிகத்தில் 7,8,9,10,11-ம் செய்யுட்கள் சிதைந்து போயின.

    திருச்சிற்றம்பலம்


    5.16 திருப்பேரெயில் - திருக்குறுந்தொகை



    திருச்சிற்றம்பலம்

    153 மறையு மோதுவர் மான்மறிக் கையினர்
    கறைகொள் கண்ட முடைய கபாலியார்
    துறையும் போகுவர் தூயவெண் ணீற்றினர்
    பிறையுஞ் சூடுவர் பேரெயி லாளரே. 5.16.1
    154 கணக்கி லாரையுங் கற்றுவல் லாரையும்
    வணக்கி லாநெறி கண்டுகொண் டாரையுந்
    தணக்கு வார்தணிப் பாரெப் பொருளையும்
    பிணக்கு வாரவர் பேரெயி லாளரே. 5.16.2
    155 சொரிவிப் பார்மழை சூழ்கதிர்த் திங்களை
    விரிவிப் பார்வெயிற் பட்ட விளங்கொளி
    எரிவிப் பார்தணிப் பாரெப் பொருளையும்
    பிரிவிப் பாரவர் பேரெயி லாளரே. 5.16.3
    156 செறுவிப் பார்சிலை யால்மதில் தீர்த்தங்கள்
    உறுவிப் பார்பல பத்தர்கள் ஊழ்வினை
    அறுவிப் பாரது வன்றியும் நல்வினை
    பெறுவிப் பாரவர் பேரெயி லாளரே. 5.16.4
    157 மற்றை யாரறி யார்மழு வாளினார்
    பற்றி யாட்டியோர் ஐந்தலைப் பாம்பரைச்
    சுற்றி யாரவர் தூநெறி யால்மிகு
    பெற்றி யாரவர் பேரெயி லாளரே. 5.16.5
    158 திருக்கு வார்குழற் செல்வன சேவடி
    இருக்கு வாய்மொழி யாற்றனை யேத்துவார்
    சுருக்கு வார்துயர் தோற்றங்க ளாற்றறப்
    பெருக்கு வாரவர் பேரெயி லாளரே. 5.16.6
    159 முன்னை யார்மயி லூர்தி முருகவேள்
    தன்னை யாரெனிற் றானோர் தலைமகன்
    என்னை யாளும் இறையவ னெம்பிரான்
    பின்னை யாரவர் பேரெயி லாளரே. 5.16.7
    160 உழைத்துந் துள்ளியும் உள்ளத்து ளேயுரு
    இழைத்து மெந்தை பிரானென் றிராப்பகல்
    அழைக்கும் அன்பின ராய அடியவர்
    பிழைப்பு நீக்குவர் பேரெயி லாளரே. 5.16.8
    161 நீரு லாநிமிர் புன்சடை யாவெனா
    ஏரு லாவனங் கன்றிறல் வாட்டிய
    வாரு லாவன மென்முலை யாளொடும்
    பேரு ளாரவர் பேரெயி லாளரே. 5.16.9
    162 பாணி யார்படு தம்பெயர்ந் தாடுவர்
    தூணி யார்விச யற்கருள் செய்தவர்
    மாணி யாய்மண் ணளந்தவன் நான்முகன்
    பேணி யாரவர் பேரெயி லாளரே. 5.16.10
    163 மதத்த வாளரக் கன்மணிப் புட்பகஞ்
    சிதைக்க வேதிரு மாமலைக் கீழ்ப்புக்குப்
    பதைத்தங் கார்த்தெடுத் தான்பத்து நீண்முடி
    பிதக்க வூன்றிய பேரெயி லாளரே. 5.16.11

    திருச்சிற்றம்பலம்


    5.17 திருவெண்ணி - திருக்குறுந்தொகை



    திருச்சிற்றம்பலம்

    164 முத்தி னைப்பவ ளத்தை முளைத்தவெந்
    தொத்தி னைச்சுட ரைச்சுடர் போலொளிப்
    பித்த னைக்கொலும் நஞ்சினை வானவர்
    நித்த னைநெரு நற்கண்ட வெண்ணியே. 5.17.1
    165 வெண்ணித் தொன்னகர் மேயவெண் டிங்களார்
    கண்ணித் தொத்த சடையர் கபாலியார்
    எண்ணித் தம்மை நினைந்திருந் தேனுக்கு
    அண்ணித் திட்டமு தூறுமென் நாவுக்கே. 5.17.2
    166 காற்றி னைக்கன லைக்கதிர் மாமணி
    நீற்றி னைநினைப் பார்வினை நீக்கிடுங்
    கூற்றி னையுதைத் திட்ட குணமுடை
    வீற்றி னைநெரு நற்கண்ட வெண்ணியே. 5.17.3
    167 நல்ல னைத்திகழ் நான்மறை யோதியைச்
    சொல்ல னைச்சுட ரைச்சுடர் போலொளிர்
    கல்ல னைக்கடி மாமதில் மூன்றெய்த
    வில்ல னைநெரு நற்கண்ட வெண்ணியே. 5.17.4
    168 சுடரைப் போலொளிர் சுண்ணவெண் ணீற்றனை
    அடருஞ் சென்னியில் வைத்த அமுதினைப்
    படருஞ் செஞ்சடைப் பான்மதி சூடியை
    இடரை நீக்கியை யான்கண்ட வெண்ணியே. 5.17.5
    169 பூத நாதனைப் பூம்புக லூரனைத்
    தாதெ னத்தவ ழும்மதி சூடியை
    நாத னைநல்ல நான்மறை யோதியை
    வேத னைநெரு நற்கண்ட வெண்ணியே. 5.17.6
    170 ஒருத்தி யையொரு பாகத் தடக்கியும்
    பொருத்தி யபுனி தன்புரி புன்சடைக்
    கருத்த னைக்கறைக் கண்டனைக் கண்ணுதல்
    நிருத்த னைநெரு நற்கண்ட வெண்ணியே. 5.17.7
    171 சடைய னைச்சரி கோவண ஆடைகொண்
    டுடைய னையுணர் வார்வினை தீர்த்திடும்
    படைய னைமழு வாளொடு பாய்தரும்
    விடைய னைநெரு நற்கண்ட வெண்ணியே. 5.17.8
    172 பொருப்ப னைப்புன லாளொடு புன்சடை
    அருப்ப னையிளந் திங்களங் கண்ணியான்
    பருப்ப தம்பர வித்தொழுந் தொண்டர்கள்
    விருப்ப னைநெரு நற்கண்ட வெண்ணியே. 5.17.9
    173 சூல வஞ்சனை வல்லவெஞ் சுந்தரன்
    கோல மாவருள் செய்ததோர் கொள்கையான்
    காலன் அஞ்ச வுதைத்திருள் கண்டமாம்
    வேலை நஞ்சனைக் கண்டது வெண்ணியே. 5.17.10
    174 இலையி னார்கொன்றை சூடிய ஈசனார்
    மலையி னாலரக் கன்றிறல் வாட்டினார்
    சிலையி னான்மதி லெய்தவன் வெண்ணியைத்
    தலையி னாற்றொழு வார்வினை தாவுமே. 5.17.11

    திருச்சிற்றம்பலம்


    5.18 திருக்கடம்பந்துறை - திருக்குறுந்தொகை



    திருச்சிற்றம்பலம்

    175 முற்றி லாமுலை யாளிவ ளாகிலும்
    அற்றந் தீர்க்கும் அறிவில ளாகிலுங்
    கற்றைச் செஞ்சடை யான்கடம் பந்துறைப்
    பெற்ற மூர்தியென் றாளெங்கள் பேதையே. 5.18.1
    176 தனகி ருந்ததோர் தன்மைய ராகிலும்
    முனகு தீரத் தொழுதெழு மின்களோ
    கனகப் புன்சடை யான்கடம் பந்துறை
    நினைய வல்லவர் நீள்விசும் பாள்வரே. 5.18.2
    177 ஆரி யந்தமி ழோடிசை யானவன்
    கூரி யகுணத் தார்குறி நின்றவன்
    காரி கையுடை யான்கடம் பந்துறைச்
    சீரி யல்பத்தர் சென்றடை மின்களே. 5.18.3
    178 பண்ணின் இன்மொழி கேட்கும் பரமனை
    வண்ண நன்மல ரான்பல தேவருங்
    கண்ண னும்மறி யான்கடம் பந்துறை
    நண்ண நம்வினை யாயின நாசமே. 5.18.4
    179 மறைகொண் டமனத் தானை மனத்துளே
    நிறைகொண் டநெஞ்சி னுள்ளுற வைம்மினோ
    கறைகண் டனுறை யுங்கடம் பந்துறை
    சிறைகொண் டவினை தீரத் தொழுமினே. 5.18.5
    180 நங்கை பாகம்வைத் தநறுஞ் சோதியைப்
    பங்க மின்றிப் பணிந்தெழு மின்களோ
    கங்கைச் செஞ்சடை யான்கடம் பந்துறை
    அங்க மோதி அரனுறை கின்றதே. 5.18.6
    181 அரிய நான்மறை ஆறங்க மாயைந்து
    புரியன் தேவர்க ளேத்தநஞ் சுண்டவன்
    கரிய கண்டத்தி னான்கடம் பந்துறை
    உரிய வாறு நினைமட நெஞ்சமே. 5.18.7
    182 பூமென் கோதை உமையொரு பாகனை
    ஓமஞ் செய்தும் உணர்மின்கள் உள்ளத்தாற்
    காமற் காய்ந்த பிரான்கடம் பந்துறை
    நாம மேத்தநந் தீவினை நாசமே. 5.18.8
    183 பார ணங்கி வணங்கிப் பணிசெய
    நார ணன்பிர மன்னறி யாததோர்
    கார ணன்கடம் பந்துறை மேவிய
    ஆர ணங்கொரு பாலுடை மைந்தனே. 5.18.9
    184 நூலால் நன்றா நினைமின்கள் நோய்கெடப்
    பாலான் ஐந்துடன் ஆடும் பரமனார்
    காலால் ஊன்றுகந் தான்கடம் பந்துறை
    மேலால் நாஞ்செய்த வல்வினை வீடுமே. 5.18.10

    திருச்சிற்றம்பலம்


    5.19 திருக்கடம்பூர் - திருக்குறுந்தொகை



    திருச்சிற்றம்பலம்

    185 தளருங் கோளர வத்தொடு தண்மதி
    வளருங் கோல வளர்சடை யார்க்கிடங்
    கிளரும் பேரிசைக் கின்னரம் பாட்டறாக்
    களருங் கார்க்கடம் பூர்க்கரக் கோயிலே. 5.19.1
    186 வெலவ லான்புலன் ஐந்தொடு வேதமுஞ்
    சொலவ லான்சுழ லுந்தடு மாற்றமும்
    அலவ லான்மனை யார்ந்தமென் றோளியைக்
    கலவ லான்கடம் பூர்க்கரக் கோயிலே. 5.19.2
    187 பொய்தொ ழாது புலியுரி யோன்பணி
    செய்தெ ழாவெழு வார்பணி செய்தெழா
    வைதெ ழாதெழு வாரவர் எள்கநீர்
    கைதொ ழாவெழு மின்கரக் கோயிலே. 5.19.3
    188 துண்ணெ னாமனத் தால்தொழு நெஞ்சமே
    பண்ணி னான்முனம் பாடல துசெய்தே
    எண்ணி லாரெயில் மூன்றும் எரித்தமுக்
    கண்ணி னான்கடம் பூர்க்கரக் கோயிலே. 5.19.4
    189 சுனையுள் நீல மலரன கண்டத்தன்
    புனையும் பொன்னிறக் கொன்றை புரிசடைக்
    கனையும் பைங்கழ லான்கரக் கோயிலை
    நினையும் உள்ளத் தவர்வினை நீங்குமே. 5.19.5
    190 குணங்கள் சொல்லியுங் குற்றங்கள் பேசியும்
    வணங்கி வாழ்த்துவர் அன்புடை யாரெலாம்
    வணங்கி வான்மலர் கொண்டடி வைகலுங்
    கணங்கள் போற்றிசைக் குங்கரக் கோயிலே. 5.19.6
    191 பண்ணி னார்மறை பல்பல பூசனை
    மண்ணி னார்செய்வ தன்றியும் வைகலும்
    விண்ணி னார்கள் வியக்கப் படுவன
    கண்ணி னார்கடம் பூர்க்கரக் கோயிலே. 5.19.7
    192 அங்கை ஆரழ லேந்திநின் றாடலன்
    மங்கை பாட மகிழ்ந்துடன் வார்சடைக்
    கங்கை யானுறை யுங்கரக் கோயிலைத்
    தங்கை யாற்றொழு வார்வினை சாயுமே. 5.19.8
    193 நங்க டம்பனைப் பெற்றவள் பங்கினன்
    தென்க டம்பைத் திருக்கரக் கோயிலான்
    தன்க டன்னடி யேனையுந் தாங்குதல்
    என்க டன்பணி செய்து கிடப்பதே. 5.19.9
    194 பணங்கொள் பாற்கடல் பாம்பணை யானொடும்
    மணங்க மழ்மலர்த் தாமரை யானவன்
    பிணங்கும் பேரழல் எம்பெரு மாற்கிடங்
    கணங்கள் போற்றிசைக் குங்கரக் கோயிலே. 5.19.10
    195 வரைக்கண் நாலஞ்சு தோளுடை யான்றலை
    அரைக்க வூன்றி அருள்செய்த ஈசனார்
    திரைக்குந் தண்புனல் சூழ்கரக் கோயிலை
    உரைக்கும் உள்ளத் தவர்வினை ஓயுமே. 5.19.11

    திருச்சிற்றம்பலம்


    5.20 திருக்கடம்பூர்க்கரக்கோயில் - திருக்குறுந்தொகை



    திருச்சிற்றம்பலம்

    196 ஒருவ ராயிரு மூவரு மாயவன்
    குருவ தாய குழகன் உறைவிடம்
    பருவ ரால்குதி கொள்ளும் பழனஞ்சூழ்
    கருவ தாங்கடம் பூர்க்கரக் கோயிலே. 5.20.1
    197 வன்னி மத்தம் வளரிளந் திங்களோர்
    கன்னி யாளைக் கதிர்முடி வைத்தவன்
    பொன்னின் மல்கு புணர்முலை யாளொடும்
    மன்னி னான்கடம் பூர்க்கரக் கோயிலே. 5.20.2
    198 இல்லக் கோலமும் இந்த இளமையும்
    அல்லற் கோலம் அறுத்துய வல்லிரே
    ஒல்லைச் சென்றடை யுங்கடம் பூர்நகர்ச்
    செல்வக் கோயில் திருக்கரக் கோயிலே. 5.20.3
    199 வேறு சிந்தை யிலாதவர் தீவினை
    கூறு செய்த குழகன் உறைவிடம்
    ஏறு செல்வத் திமையவர் தாந்தொழும்
    ஆறு சேர்கடம் பூர்க்கரக் கோயிலே. 5.20.4
    200 திங்கள் தங்கிய செஞ்சடை மேலுமோர்
    மங்கை தங்கும் மணாளன் இருப்பிடம்
    பொங்கு சேர்மணற் புன்னையும் ஞாழலுந்
    தெங்கு சேர்கடம் பூர்க்கரக் கோயிலே. 5.20.5
    201 மல்லை ஞாலத்து வாழும் உயிர்க்கெலாம்
    எல்லை யான பிரானார் இருப்பிடங்
    கொல்லை முல்லை கொழுந்தகை மல்லிகை
    நல்ல சேர்கடம் பூர்க்கரக் கோயிலே. 5.20.6
    202 தளரும் வாளர வத்தொடு தண்மதி
    வளரும் பொற்சடை யாற்கிட மாவது
    கிளரும் பேரொலி கின்னரம் பாட்டறாக்
    களரி யார்கடம் பூர்க்கரக் கோயிலே. 5.20.7
    203 உற்றா ராயுற வாகி உயிர்க்கெலாம்
    பெற்றா ராய பிரானார் உறைவிடம்
    முற்றார் மும்மதி லெய்த முதல்வனார்
    கற்றார் சேர்கடம் பூர்க்கரக் கோயிலே. 5.20.8
    204 வெள்ளை நீறணி மேனிய வர்க்கெலாம்
    உள்ள மாய பிரானார் உறைவிடம்
    பிள்ளை வெண்பிறை சூடிய சென்னியான்
    கள்வன் சேர்கடம் பூர்க்கரக் கோயிலே. 5.20.9
    205 பரப்பு நீரிலங் கைக்கிறை வன்னவன்
    உரத்தி னாலடுக் கல்லெடுக் கல்லுற
    இரக்க மின்றி இறைவிர லாற்றலை
    அரக்கி னான்கடம் பூர்க்கரக் கோயிலே. 5.20.10

    திருச்சிற்றம்பலம்


    5.21 திருவின்னம்பர் - திருக்குறுந்தொகை



    திருச்சிற்றம்பலம்

    206 என்னி லாரும் எனக்கினி யாரில்லை
    என்னி லும்மினி யானொரு வன்னுளன்
    என்னு ளேஉயிர்ப் பாய்ப்புறம் போந்துபுக்
    கென்னு ளேநிற்கும் இன்னம்பர் ஈசனே. 5.21.1
    207 மட்டுண் பார்கள் மடந்தையர் வாட்கணால்
    கட்டுண் பார்கள் கருதுவ தென்கொலோ
    தட்டி முட்டித்தள் ளாடித் தழுக்குழி
    எட்டு மூர்த்தியர் இன்னம்பர் ஈசனே. 5.21.2
    208 கனலுங் கண்ணியுந் தண்மதி யோடுடன்
    புனலுங் கொன்றையுஞ் சூடும் புரிசடை
    அனலுஞ் சூலமும் மான்மறிக் கையினர்
    எனலும் என்மனத் தின்னம்பர் ஈசனே. 5.21.3
    209 மழைக்கண் மாமயி லாலும் மகிழ்ச்சியான்
    அழைக்குந் தன்னடி யார்கள்தம் அன்பினைக்
    குழைக்குந் தன்னைக் குறிக்கொள வேண்டியே
    இழைக்கு மென்மனத் தின்னம்பர் ஈசனே. 5.21.4
    210 தென்ன வனென்னை யாளுஞ் சிவனவன்
    மன்ன வன்மதி யம்மறை யோதியான்
    முன்ன மன்னவன் சேரலன் பூழியான்
    இன்னம் இன்புற்ற இன்னம்பர் ஈசனே. 5.21.5
    211 விளக்கும் வேறு படப்பிறர் உள்ளத்தில்
    அளக்குந் தன்னடி யார்மனத் தன்பினைக்
    குளக்கும் என்னைக் குறிக்கொள வேண்டியே
    இளக்கும் என்மனத் தின்னம்பர் ஈசனே. 5.21.6
    212 சடைக்க ணாள்புன லாள்அனல் கையதோர்
    கடைக்க ணால்மங்கை நோக்கிம வான்மகள்
    படைக்க ணாற்பரு கப்படு வான்நமக்
    கிடைக்க ணாய்நின்ற இன்னம்பர் ஈசனே. 5.21.7
    213 தொழுது தூமலர் தூவித் துதித்துநின்
    றழுது காமுற் றரற்றுகின் றாரையும்
    பொழுது போக்கிப் புறக்கணிப் பாரையும்
    எழுதுங் கீழ்க்கணக் கின்னம்பர் ஈசனே. 5.21.8
    214 விரியுந் தண்ணிள வேனலில் வெண்பிறை
    புரியுங் காமனை வேவப் புருவமுந்
    திரியும் எல்லையில் மும்மதில் தீயெழுந்
    தெரிய நோக்கிய இன்னம்பர் ஈசனே. 5.21.9
    215 சனியும் வெள்ளியுந் திங்களும் ஞாயிறும்
    முனிவ னாய்முடி பத்துடை யான்றனைக்
    கனிய வூன்றிய காரண மென்கொலோ
    இனிய னாய்நின்ற இன்னம்பர் ஈசனே. 5.21.10
    திருச்சிற்றம்பலம்


    5.22 திருக்குடமூக்கு - திருக்குறுந்தொகை



    திருச்சிற்றம்பலம்

    216 பூவ ணத்தவன் புண்ணியன் நண்ணியங்
    காவ ணத்துடை யானடி யார்களை
    தீவ ணத்திரு நீறுமெய் பூசியோர்
    கோவ ணத்துடை யான்குட மூக்கிலே. 5.22.1
    217 பூத்தா டிக்கழி யாதேநீர் பூமியீர்
    தீத்தா டித்திறஞ் சிந்தையுள் வைம்மினோ
    வேர்த்தா டுங்காளி தன்விசை தீர்கென்று
    கூத்தா டியுறை யுங்குட மூக்கிலே. 5.22.2
    218 நங்கை யாளுமை யாளுறை நாதனார்
    அங்கை யாளொ டறுபதந் தாழ்சடைக்
    கங்கை யாளவள் கன்னி யெனப்படுங்
    கொங்கை யாளுறை யுங்குட மூக்கிலே. 5.22.3
    219 ஓதா நாவன் திறத்தை யுரைத்திரேல்
    ஏதா னுமினி தாகும் மியமுனைச்
    சேதா ஏறுடை யானமர்ந் தவிடங்
    கோதா விரியுறை யுங்குட மூக்கிலே. 5.22.4
    220 நக்க ரையனை நாடொறும் நன்னெஞ்சே
    வக்க ரையுறை வானை வணங்குநீ
    அக்க ரையோ டரவரை யார்த்தவன்
    கொக்க ரையுடை யான்குட மூக்கிலே. 5.22.5
    221 துறவி நெஞ்சின ராகிய தொண்டர்காள்
    பிறவி நீங்கப் பிதற்றுமின் பித்தராய்
    மறவ னாய்ப்பார்த்தன் மேற்கணை தொட்டவெங்
    குறவ னாருறை யுங்குட மூக்கிலே. 5.22.6
    222 தொண்ட ராகித் தொழுது பணிமினோ
    பண்டை வல்வினை பற்றற வேண்டுவீர்
    விண்ட வர்புரம் மூன்றொரு மாத்திரைக்
    கொண்ட வன்னுறை யுங்குட மூக்கிலே. 5.22.7
    223 காமி யஞ்செய்து காலம் கழியாதே,
    ஓமி யஞ்செய்தங் குள்ளத் துணர்மினோ
    சாமி யோடு சரச்சுவ தியவள்
    கோமி யும்முறை யுங்குட மூக்கிலே. 5.22.8
    224 சிரமஞ் செய்து சிவனுக்குப் பத்தராய்ப்
    பரம னைப்பல நாளும் பயிற்றுமின்
    பிரமன் மாலொடு மற்றொழிந் தார்க்கெலாங்
    குரவ னாருறை யுங்குட மூக்கிலே. 5.22.9
    225 அன்று தானரக் கன்கயி லாயத்தைச்
    சென்று தானெடுக் கவுமை யஞ்சலும்
    நன்று தான்நக்கு நல்விர லூன்றிப்பின்
    கொன்று கீதங்கேட் டான்குட மூக்கிலே. 5.22.10

    திருச்சிற்றம்பலம்


    5.23 திருநின்றியூர் - திருக்குறுந்தொகை



    திருச்சிற்றம்பலம்

    226 கொடுங்கண் வெண்டலை கொண்டு குறைவிலைப்
    படுங்க ணொன்றில ராய்ப்பலி தேர்ந்துண்பர்
    நெடுங்கண் மங்கைய ராட்டயர் நின்றியூர்க்
    கடுங்கைக் கூற்றுதைத் திட்ட கருத்தரே. 5.23.1
    227 வீதி வேல்நெடுங் கண்ணியர் வெள்வளை
    நீதி யேகொளப் பாலது நின்றியூர்
    வேத மோதி விளங்குவெண் தோட்டராய்க்
    காதில் வெண்குழை வைத்தவெங் கள்வரே. 5.23.2
    228 புற்றி னார்அர வம்புலித் தோல்மிசைச்
    சுற்றி னார்சுண்ணப் போர்வைகொண் டார்சுடர்
    நெற்றிக் கண்ணுடை யாரமர் நின்றியூர்
    பற்றி னாரைப்பற் றாவினைப் பாவமே. 5.23.3
    229 பறையின் ஓசையும் பாடலின் ஓசையும்
    மறையின் ஓசையும் மல்கி அயலெலாம்
    நிறையும் பூம்பொழில் சூழ்திரு நின்றியூர்
    உறையும் ஈசனை உள்குமென் உள்ளமே. 5.23.4
    230 சுனையுள் நீலஞ் சுளியும் நெடுங்கணாள்
    இனைய னென்றென்று மேசுவ தென்கொலோ
    நினையுந் தண்வயல் சூழ்திரு நின்றியூர்ப்
    பனையின் ஈருரி போர்த்த பரமரே. 5.23.5
    231 உரைப்பக் கேண்மின்நும் உச்சியு ளான்றனை
    நிரைப்பொன் மாமதில் சூழ்திரு நின்றியூர்
    உரைப்பொற் கற்றைய ராரிவ ரோவெனிற்
    திரைத்துப் பாடித் திரிதருஞ் செல்வரே. 5.23.6
    232 கன்றி யூர்முகில் போலுங் கருங்களி
    றின்றி ஏறல னாலிது வென்கொலோ
    நின்றி யூர்பதி யாக நிலாயவன்
    வென்றி யேறுடை எங்கள் விகிர்தனே. 5.23.7
    233 நிலையி லாவெள்ளை மாலையன் நீண்டதோர்
    கொலைவி லாலெயில் எய்த கொடியவன்
    நிலையி னார்வயல் சூழ்திரு நின்றியூர்
    உரையி னாற்றொழு வார்வினை ஓயுமே. 5.23.8
    234 அஞ்சி யாகிலும் அன்புபட் டாகிலும்
    நெஞ்சம் வாழி நினைநின்றி யூரைநீ
    இஞ்சி மாமதில் எய்திமை யோர்தொழக்
    குஞ்சி வான்பிறை சூடிய கூத்தனே. 5.23.9
    235 எளிய னாமொழி யாஇலங் கைக்கிறை
    களியி னாற்கயி லாய மெடுத்தவன்
    நெளிய வூன்ற வலானமர் நின்றியூர்
    அளியி னாற்றொழு வார்வினை யல்குமே. 5.23.10

    திருச்சிற்றம்பலம்


    5.24 திருவொற்றியூர் - திருக்குறுந்தொகை



    திருச்சிற்றம்பலம்

    236 ஒற்றி யூரும் ஒளிமதி பாம்பினை
    ஒற்றி யூருமப் பாம்பும் அதனையே
    ஒற்றி யூர வொருசடை வைத்தவன்
    ஒற்றி யூர்தொழ நம்வினை ஓயுமே. 5.24.1
    237 வாட்ட மொன்றுரைக் கும்மலை யான்மகள்
    ஈட்ட வேயிரு ளாடி இடுபிணக்
    காட்டி லோரி கடிக்க எடுத்ததோர்
    ஓட்டை வெண்டலைக் கையொற்றி யூரரே. 5.24.2
    238 கூற்றுத் தண்டத்தை அஞ்சிக் குறிக்கொண்மின்
    ஆற்றுத் தண்டத் தடக்கு மரனடி
    நீற்றுத் தண்டத்த ராய்நினை வார்க்கெலாம்
    ஊற்றுத் தண்டொப்பர் போலொற்றி யூரரே. 5.24.3
    239 சுற்றும் பேய்சுழ லச்சுடு காட்டெரி
    பற்றி யாடுவர் பாய்புலித் தோலினர்
    மற்றை யூர்களெல் லாம்பலி தேர்ந்துபோய்
    ஒற்றி யூர்புக் குறையும் ஒருவரே. 5.24.4
    240 புற்றில் வாளர வாட்டி உமையொடு
    பெற்ற மேறுகந் தேறும் பெருமையான்
    மற்றை யாரொடு வானவ ருந்தொழ
    ஒற்றி யூருறை வானோர் கபாலியே. 5.24.5
    241 போது தாழ்ந்து புதுமலர் கொண்டுநீர்
    மாது தாழ்சடை வைத்த மணாளனார்
    ஓது வேதிய னார்திரு வொற்றியூர்
    பாத மேத்தப் பறையுநம் பாவமே. 5.24.6
    242 பலவும் அன்னங்கள் பன்மலர் மேற்றுஞ்சுங்
    கலவ மஞ்ஞைகள் காரென வெள்குறும்
    உலவு பைம்பொழில் சூழ்திரு ஒற்றியூர்
    நிலவி னானடி யேயடை நெஞ்சமே. 5.24.7
    243 ஒன்று போலும் உகந்தவ ரேறிற்று
    ஒன்று போலும் உதைத்துக் களைந்தது
    ஒன்று போலொளி மாமதி சூடிற்று
    ஒன்று போலுகந் தாரொற்றி யூரரே. 5.24.8
    244 படைகொள் பூதத்தர் வேதத்தர் கீதத்தர்
    சடைகொள் வெள்ளத்தர் சாந்தவெண் ணீற்றினர்
    உடையுந் தோலுகந் தாருறை யொற்றியூர்
    அடையு முள்ளத் தவர்வினை யல்குமே. 5.24.9
    245 வரையி னாருயர் தோலுடை மன்னனை
    வரையி னால்வலி செற்றவர் வாழ்விடந்
    திரையி னார்புடை சூழ்திரு வொற்றியூர்
    உரையி னாற்பொலிந் தாருயர்ந் தார்களே. 5.24.10

    திருச்சிற்றம்பலம்


    5.25 திருப்பாசூர் - திருக்குறுந்தொகை



    திருச்சிற்றம்பலம்

    246 முந்தி மூவெயி லெய்த முதல்வனார்
    சிந்திப் பார்வினை தீர்த்திடுஞ் செல்வனார்
    அந்திக் கோன்றனக் கேயருள் செய்தவர்
    பந்திச் செஞ்சடைப் பாசூ ரடிகளே. 5.25.1
    247 மடந்தை பாகம் மகிழ்ந்த மணாளனார்
    தொடர்ந்த வல்வினை போக்கிடுஞ் சோதியார்
    கடந்த காலனைக் கால்கொடு பாய்ந்தவர்
    படர்ந்த நாகத்தர் பாசூ ரடிகளே. 5.25.2
    248 நாறு கொன்றையும் நாகமுந் திங்களும்
    ஆறுஞ் செஞ்சடை வைத்த அழகனார்
    காறு கண்டத்தர் கையதோர் சூலத்தர்
    பாறி னோட்டினர் பாசூ ரடிகளே. 5.25.3
    249 வெற்றி யூருறை வேதிய ராவர்நல்
    ஒற்றி யேறுகந் தேறு மொருவனார்
    நெற்றிக் கண்ணினர் நீளர வந்தனைப்
    பற்றி யாட்டுவர் பாசூ ரடிகளே. 5.25.4
    250 மட்ட விழ்ந்த மலர்நெடுங் கண்ணிபால்
    இட்ட வேட்கைய ராகி யிருப்பவர்
    துட்ட ரேலறி யேனிவர் சூழ்ச்சிமை
    பட்ட நெற்றியர் பாசூ ரடிகளே. 5.25.5
    251 பல்லில் ஓடுகை யேந்திப் பகலெலாம்
    எல்லி நின்றிடு பெய்பலி யேற்பவர்
    சொல்லிப் போய்ப்புகும் ஊரறி யேன்சொலீர்
    பல்கு நீற்றினர் பாசூ ரடிகளே. 5.25.6
    252 கட்டி விட்ட சடையர் கபாலியர்
    எட்டி நோக்கிவந் தில்புகுந் தவ்வவர்
    இட்ட மாவறி யேனிவர் செய்வன
    பட்ட நெற்றியர் பாசூ ரடிகளே. 5.25.7
    253 வேத மோதிவந் தில்புகுந் தாரவர்
    காதில் வெண்குழை வைத்த கபாலியார்
    நீதி யொன்றறி யார்நிறை கொண்டனர்
    பாதி வெண்பிறைப் பாசூ ரடிகளே. 5.25.8
    254 சாம்பற் பூசுவர் தாழ்சடை கட்டுவர்
    ஓம்பல் மூதெரு தேறு மொருவனார்
    தேம்பல் வெண்மதி சூடுவர் தீயதோர்
    பாம்பு மாட்டுவர் பாசூ ரடிகளே. 5.25.9
    255 மாலி னோடு மறையவன் றானுமாய்
    மேலுங் கீழும் அளப்பரி தாயவர்
    ஆலின் நீழல் அறம்பகர்ந் தார்மிகப்
    பால்வெண் ணீற்றினர் பாசூ ரடிகளே. 5.25.10
    256 திரியு மூவெயில் செங்கணை யொன்றினால்
    எரிய வெய்தன ரேனும் இலங்கைக்கோன்
    நெரிய வூன்றியிட் டார்விர லொன்றினாற்
    பரியர் நுண்ணியர் பாசூ ரடிகளே. 5.25.11

    இத்தலம் தொண்டைநாட்டிலுள்ளது.
    சுவாமிபெயர் - பாசூர்நாதர்,
    தேவியார் - பசுபதிநாயகி.

    திருச்சிற்றம்பலம்


    5.26 திருவன்னியூர் - திருக்குறுந்தொகை



    திருச்சிற்றம்பலம்

    257 காடு கொண்டரங் காக்கங்குல் வாய்க்கணம்
    பாட மாநட மாடும் பரமனார்
    வாட மானிறங் கொள்வர் மணங்கமழ்
    மாட மாமதில் சூழ்வன்னி யூரரே. 5.26.1
    258 செங்கண் நாகம் அரையது தீத்திரள்
    அங்கை யேந்திநின் றார்எரி யாடுவர்
    கங்கை வார்சடை மேலிடங் கொண்டவர்
    மங்கை பாகம்வைத் தார்வன்னி யூரரே. 5.26.2
    259 ஞானங் காட்டுவர் நன்னெறி காட்டுவர்
    தானங் காட்டுவர் தம்மடைந் தார்க்கெலாந்
    தானங் காட்டித்தன் றாளடைந் தார்கட்கு
    வானங் காட்டுவர் போல்வன்னி யூரரே. 5.26.3
    260 இம்மை அம்மை யெனவிரண் டும்மிவை
    மெய்ம்மை தானறி யாது விளம்புவர்
    மெய்ம்மை யால்நினை வார்கள்தம் வல்வினை
    வம்மின் தீர்ப்பர்கண் டீர்வன்னி யூரரே. 5.26.4
    261 பிறைகொள் வாணுதற் பெய்வளைத் தோளியர்
    நிறையைக் கொள்பவர் நீறணி மேனியர்
    கறைகொள் கண்டத்தர் வெண்மழு வாளினர்
    மறைகொள் வாய்மொழி யார்வன்னி யூரரே. 5.26.5
    262 திளைக்கும் வண்டொடு தேன்படு கொன்றையர்
    துளைக்கை வேழத்தர் தோலர் சுடர்மதி
    முளைக்கு மூரற் கதிர்கண்டு நாகம்நா
    வளைக்கும் வார்சடை யார்வன்னி யூரரே. 5.26.6
    263 குணங்கொள் தோளெட்டு மூர்த்தி இணையடி
    இணங்கு வார்கட் கினியனு மாய்நின்றான்
    வணங்கி மாமலர் கொண்டவர் வைகலும்
    வணங்கு வார்மனத் தார்வன்னி யூரரே. 5.26.7
    264 இயலு மாலொடு நான்முகன் செய்தவம்
    முயலிற் காண்பரி தாய்நின்ற மூர்த்திதான்
    அயலெ லாம்அன்ன மேயும்அந் தாமரை
    வயலெ லாங்கயல் பாய்வன்னி யூரரே. 5.26.8
    இப்பதிகத்தில் 9-ம் செய்யுள் சிதைந்து போயிற்று. 5.26.8
    265 நலங்கொள் பாகனை நன்று முனிந்திடா
    விலங்கல் கோத்தெடுத் தானது மிக்கிட
    இலங்கை மன்னன் இருபது தோளினை
    மலங்க வூன்றிவைத் தார்வன்னி யூரரே. 5.26.10

    திருச்சிற்றம்பலம்


    5.27 திருவையாறு - திருக்குறுந்தொகை



    திருச்சிற்றம்பலம்

    266 சிந்தை வாய்தலு ளான்வந்து சீரியன்
    பொந்து வார்புலால் வெண்டலைக் கையினன்
    முந்தி வாயதோர் மூவிலை வேல்பிடித்
    தந்தி வாயதோர் பாம்பர்ஐ யாறரே. 5.27.1
    267 பாக மாலை மகிழ்ந்தனர் பான்மதி
    போக ஆனையின் ஈருரி போர்த்தவர்
    கோக மாலை குலாயதோர் கொன்றையும்
    ஆக ஆன்நெய்அஞ் சாடும்ஐ யாறரே. 5.27.2
    268 நெஞ்ச மென்பதோர் நீள்கயந் தன்னுளே
    வஞ்ச மென்பதோர் வான்சுழிப் பட்டுநான்
    துஞ்சும் போழ்துநின் நாமத் திருவெழுத்
    தஞ்சுந் தோன்ற அருளும்ஐ யாறரே. 5.27.3
    269 நினைக்கும் நெஞ்சினுள் ளார்நெடு மாமதில்
    அனைத்தும் ஒள்ளழல் வாயெரி யூட்டினார்
    பனைக்கை வேழத் துரியுடல் போர்த்தவர்
    அனைத்து வாய்தலுள் ளாரும்ஐ யாறரே. 5.27.4
    270 பரியர் நுண்ணியர் பார்த்தற் கரியவர்
    அரிய பாடலர் ஆடல ரன்றியுங்
    கரிய கண்டத்தர் காட்சி பிறர்க்கெலாம்
    அரியர் தொண்டர்க் கெளியர்ஐ யாறரே. 5.27.5
    271 புலரும் போது மிலாப்பட்ட பொற்சுடர்
    மலரும் போதுக ளாற்பணி யச்சிலர்
    இலரும் போதும் இலாதது மன்றியும்
    அலரும் போதும் அணியும்ஐ யாறரே. 5.27.6
    272 பங்க மாலைக் குழலியோர் பால்நிறக்
    கங்கை மாலையர் காதன்மை செய்தவர்
    மங்கை மாலை மதியமுங் கண்ணியும்
    அங்க மாலையுஞ் சூடும்ஐ யாறரே. 5.27.7
    273 முன்னை யாறு முயன்றெழு வீரெலாம்
    பின்னை யாறு பிரியெனும் பேதைகாள்
    மன்னை யாறு மருவிய மாதவன்
    தன்னை யாறு தொழத்தவ மாகுமே. 5.27.8
    274 ஆனை யாறென ஆடுகின் றான்முடி
    வானை யாறு வளாயது காண்மினோ
    நான்ஐ யாறுபுக் கேற்கவன் இன்னருள்
    தேனை யாறு திறந்தாலே யொக்குமே. 5.27.9
    275 அரக்கின் மேனியன் அந்தளிர் மேனியன்
    அரக்கின் சேவடி யாளஞ்ச அஞ்சலென்
    றரக்கன் ஈரைந்து வாயும் அலறவே
    அரக்கி னானடி யாலும்ஐ யாறனே. 5.27.10

    இத்தலம் சோழநாட்டிலுள்ளது.
    சுவாமிபெயர் - செம்பொற்சோதீசுவரர், தேவியார் - அறம்வளர்த்தநாயகி.
    திருச்சிற்றம்பலம்


    5.28 திருவையாறு - திருக்குறுந்தொகை



    திருச்சிற்றம்பலம்

    276 சிந்தை வண்ணத்த ராய்த்திறம் பாவணம்
    முந்தி வண்ணத்த ராய்முழு நீறணி
    சந்தி வண்ணத்த ராய்த்தழல் போல்வதோர்
    அந்தி வண்ணமு மாவர்ஐ யாறரே. 5.28.1
    277 மூல வண்ணத்த ராய்முத லாகிய
    கோல வண்ணத்த ராகிக் கொழுஞ்சுடர்
    நீல வண்ணத்த ராகி நெடும்பளிங்
    கால வண்ணத்த ராவர்ஐ யாறரே. 5.28.2
    278 சிந்தை வண்ணமுந் தீயதோர் வண்ணமும்
    அந்திப் போதழ காகிய வண்ணமும்
    பந்திக் காலனைப் பாய்ந்ததோர் வண்ணமும்
    அந்தி வண்ணமு மாவர்ஐ யாறரே. 5.28.3
    279 இருளின் வண்ணமு மேழிசை வண்ணமுஞ்
    சுருளின் வண்ணமுஞ் சோதியின் வண்ணமும்
    மருளு நான்முகன் மாலொடு வண்ணமும்
    அருளும் வண்ணமு மாவர்ஐ யாறரே. 5.28.4
    280 இழுக்கின் வண்ணங்க ளாகிய வெவ்வழல்
    குழைக்கும் வண்ணங்க ளாகியுங் கூடியும்
    மழைக்கண் மாமுகி லாகிய வண்ணமும்
    அழைக்கும் வண்ணமு மாவர்ஐ யாறரே. 5.28.5
    281 இண்டை வண்ணமும் ஏழிசை வண்ணமுந்
    தொண்டர் வண்ணமுஞ் சோதியின் வண்ணமுங்
    கண்ட வண்ணங்க ளாய்க்கனல் மாமணி
    அண்ட வண்ணமு மாவர்ஐ யாறரே. 5.28.6
    282 விரும்பும் வண்ணமும் வேதத்தின் வண்ணமுங்
    கரும்பின் இன்மொழிக் காரிகை வண்ணமும்
    விரும்பு வார்வினை தீர்த்திடும் வண்ணமும்
    அரும்பின் வண்ணமு மாவர்ஐ யாறரே. 5.28.7
    283 ஊழி வண்ணமும் ஒண்சுடர் வண்ணமும்
    வேழ ஈருரி போர்த்ததோர் வண்ணமும்
    வாழித் தீயுரு வாகிய வண்ணமும்
    ஆழி வண்ணமு மாவர்ஐ யாறரே. 5.28.8
    284 செய்த வன்றிரு நீறணி வண்ணமும்
    எய்த நோக்கரி தாகிய வண்ணமுங்
    கைது காட்சி யரியதோர் வண்ணமும்
    ஐது வண்ணமு மாவர்ஐ யாறரே. 5.28.9
    285 எடுத்த வாளரக் கன்றிறல் வண்ணமும்
    இடர்க்கள் போல்பெரி தாகிய வண்ணமுங்
    கடுத்த கைந்நரம் பாலிசை வண்ணமும்
    அடுத்த வண்ணமு மாவர்ஐ யாறரே. 5.28.10

    திருச்சிற்றம்பலம்


    5.29 திருவாவடுதுறை - திருக்குறுந்தொகை



    திருச்சிற்றம்பலம்

    286 நிறைக்க வாலியள் அல்லளிந் நேரிழை
    மறைக்க வாலியள் அல்லளிம் மாதராள்
    பிறைக்க வாலிப் பெரும்புனல் ஆவடு
    துறைக்க வாலியோ டாடிய சுண்ணமே. 5.29.1
    287 தவள மாமதிச் சாயலோர் சந்திரன்
    பிளவு சூடிய பிஞ்ஞகன் எம்மிறை
    அளவு கண்டிலள் ஆவடு தண்டுறைக்
    களவு கண்டனள் ஒத்தனள் கன்னியே. 5.29.2
    288 பாதி பெண்ணொரு பாகத்தன் பன்மறை
    ஓதி யென்னுளங் கொண்டவன் ஒண்பொருள்
    ஆதி ஆவடு தண்டுறை மேவிய
    சோதி யேசுட ரேயென்று சொல்லுமே. 5.29.3
    289 கார்க்கொள் மாமுகில் போல்வதோர் கண்டத்தன்
    வார்க்கொள் மென்முலை சேர்ந்திறு மாந்திவள்
    ஆர்க்கொள் கொன்றையன் ஆவடு தண்டுறைத்
    தார்க்கு நின்றிவள் தாழுமா காண்மினே. 5.29.4
    290 கருகு கண்டத்தன் காய்கதிர்ச் சோதியன்
    பருகு பாலமு தேயென்னும் பண்பினன்
    அருகு சென்றிலள் ஆவடு தண்டுறை
    ஒருவன் என்னை யுடையகோ வென்னுமே. 5.29.5
    291 குழலுங் கொன்றையுங் கூவிள மத்தமுந்
    தழலுந் தையலோர் பாகமாத் தாங்கினான்
    அழகன் ஆவடு தண்டுறை யாவெனக்
    கழலுங் கைவளை காரிகை யாளுக்கே. 5.29.6
    292 பஞ்சின் மெல்லடிப் பாவையோர் பங்கனைத்
    தஞ்ச மென்றிறு மாந்திவ ளாரையும்
    அஞ்சு வாளல்லள் ஆவடு தண்டுறை
    மஞ்ச னோடிவள் ஆடிய மையலே. 5.29.7
    293 பிறையுஞ் சூடிநற் பெண்ணொடா ணாகிய
    நிறையு நெஞ்சமும் நீர்மையுங் கொண்டவன்
    அறையும் பூம்பொழில் ஆவடு தண்டுறை
    இறைவன் என்னை யுடையவன் என்னுமே. 5.29.8
    294 வையந் தானளந் தானும் அயனுமாய்
    மெய்யைக் காணலுற் றார்க்கழ லாயினான்
    ஐயன் ஆவடு தண்டுறை யாவெனக்
    கையில் வெள்வளை யுங்கழல் கின்றதே. 5.29.9
    295 பக்கம் பூதங்கள் பாடப் பலிகொள்வான்
    மிக்க வாளரக் கன்வலி வீட்டினான்
    அக்க ணிந்தவன் ஆவடு தண்டுறை
    நக்கன் என்னுமிந் நாணிலி காண்மினே. 5.29.10

    திருச்சிற்றம்பலம்


    5.30 திருப்பராய்த்துறை - திருக்குறுந்தொகை



    திருச்சிற்றம்பலம்

    296 கரப்பர் கால மடைந்தவர் தம்வினை
    சுருக்கு மாறுவல் லார்கங்கை செஞ்சடைப்
    பரப்பு நீர்வரு காவிரித் தென்கரைத்
    திருப்ப ராய்த்துறை மேவிய செல்வரே. 5.30.1
    297 மூடி னார்களி யானையின் ஈருரி
    பாடி னார்மறை நான்கினோ டாறங்கஞ்
    சேட னார்தென் பராய்த்துறைச் செல்வரைத்
    தேடிக் கொண்டடி யேன்சென்று காண்பனே. 5.30.2
    298 பட்ட நெற்றியர் பால்மதிக் கீற்றினர்
    நட்ட மாடுவர் நள்ளிருள் ஏமமுஞ்
    சிட்ட னார்தென் பராய்த்துறைச் செல்வனார்
    இட்ட மாயிருப் பாரை அறிவரே. 5.30.3
    299 முன்பெ லாஞ்சில மோழைமை பேசுவர்
    என்பெ லாம்பல பூண்டங் குழிதர்வர்
    தென்ப ராய்த்துறை மேவிய செல்வனார்
    அன்ப ராயிருப் பாரை அறிவரே. 5.30.4
    300 போது தாதொடு கொண்டு புனைந்துடன்
    தாத விழ்சடைச் சங்கரன் பாதத்துள்
    வாதை தீர்க்கவென் றேத்திப் பராய்த்துறைச்
    சோதி யானைத் தொழுதெழுந் துய்ம்மினே. 5.30.5
    301 நல்ல நான்மறை யோதிய நம்பனைப்
    பல்லில் வெண்டலை யிற்பலி கொள்வனைத்
    தில்லை யான்றென் பராய்த்துறைச் செல்வனை
    வல்லை யாய்வணங் கித்தொழு வாய்மையே. 5.30.6
    302 நெருப்பி னாற்குவித் தாலொக்கு நீள்சடைப்
    பருப்ப தம்மத யானை யுரித்தவன்
    திருப்ப ராய்த்துறை யார்திரு மார்பின்நூல்
    பொருப்ப ராவி இழிபுனல் போன்றதே. 5.30.7
    303 எட்ட விட்ட இடுமண லெக்கர்மேற்
    பட்ட நுண்டுளி பாயும் பராய்த்துறைச்
    சிட்டன் சேவடி சென்றடை கிற்றிரேல்
    விட்டு நம்வினை யுள்ளன வீடுமே. 5.30.8
    304 நெருப்ப ராய்நிமிர்ந் தாலொக்கு நீள்சடை
    மருப்ப ராவளைத் தாலொக்கும் வாண்மதி
    திருப்ப ராய்த்துறை மேவிய செல்வனார்
    விருப்ப ராயிருப் பாரை அறிவரே. 5.30.9
    305 தொண்டு பாடியுந் தூமலர் தூவியும்
    இண்டை கட்டி இணையடி யேத்தியும்
    பண்ட ரங்கர் பராய்த்துறைப் பாங்கரைக்
    கண்டு கொண்டடி யேனுய்ந்து போவனே. 5.30.10
    306 அரக்கன் ஆற்றல் அழித்த அழகனைப்
    பரக்கு நீர்ப்பொன்னி மன்னு பராய்த்துறை
    இருக்கை மேவிய ஈசனை யேத்துமின்
    பொருக்க நும்வினை போயறுங் காண்மினே. 5.30.11
    இத்தலம் சோழநாட்டிலுள்ளது.
    சுவாமிபெயர் - திருப்பராய்த்துறைநாதர்,
    தேவியார் - பசும்பொன்மயிலம்மை.

    திருச்சிற்றம்பலம்


    5.31 திருவானைக்கா - திருக்குறுந்தொகை



    திருச்சிற்றம்பலம்

    307 கோனைக் காவிக் குளிர்ந்த மனத்தராய்த்
    தேனைக் காவியுண் ணார்சில தெண்ணர்கள்
    ஆனைக் காவிலெம் மானை அணைகிலார்
    ஊனைக் காவி யுழிதர்வர் ஊமரே. 5.31.1
    308 திருகு சிந்தையைத் தீர்த்துச்செம் மைசெய்து
    பருகி யூறலைப் பற்றிப் பதமறிந்
    துருகி நைபவர்க் கூனமொன் றின்றியே
    அருகு நின்றிடும் ஆனைக்கா அண்ணலே. 5.31.2
    309 துன்ப மின்றித் துயரின்றி யென்றுநீர்
    இன்பம் வேண்டில் இராப்பகல் ஏத்துமின்
    என்பொன் ஈசன் இறைவனென் றுள்குவார்க்
    கன்ப னாயிடும் ஆனைக்கா அண்ணலே. 5.31.3
    310 நாவால் நன்று நறுமலர்ச் சேவடி
    ஓவா தேத்தி யுளத்தடைத் தார்வினை
    காவா யென்றுதங் கைதொழு வார்க்கெலாம்
    ஆவா என்றிடும் ஆனைக்கா அண்ணலே. 5.31.4
    311 வஞ்ச மின்றி வணங்குமின் வைகலும்
    வெஞ்சொ லின்றி விலகுமின் வீடுற
    நைஞ்சு நைஞ்சுநின் றுள்குளிர் வார்க்கெலாம்
    அஞ்ச லென்றிடும் ஆனைக்கா அண்ணலே. 5.31.5
    312 நடையை மெய்யென்று நாத்திகம் பேசாதே
    படைகள் போல்வரும் பஞ்சமா பூதங்கள்
    தடையொன் றின்றியே தன்னடைந் தார்க்கெலாம்
    அடைய நின்றிடும் ஆனைக்கா அண்ணலே. 5.31.6
    313 ஒழுகு மாடத்துள் ஒன்பது வாய்தலுங்
    கழுக ரிப்பதன் முன்னங் கழலடி
    தொழுது கைகளாற் றூமலர் தூவிநின்
    றழும வர்க்கன்பன் ஆனைக்கா அண்ணலே. 5.317
    314 உருளும் போதறி வொண்ணா உலகத்தீர்
    தெருளுஞ் சிக்கெனத் தீவினை சேராதே
    இருள றுத்துநின் றீசனென் பார்க்கெலாம்
    அருள் கொடுத்திடும் ஆனைக்கா அண்ணலே. 5.31.8
    315 நேச மாகி நினைமட நெஞ்சமே
    நாச மாய குலநலஞ் சுற்றங்கள்
    பாச மற்றுப் பராபர ஆனந்த
    ஆசை யுற்றிடும் ஆனைக்கா அண்ணலே. 5.31.9
    316 ஓத மாகடல் சூழிலங் கைக்கிறை
    கீதங் கின்னரம் பாடக் கெழுவினான்
    பாதம் வாங்கிப் பரிந்தருள் செய்தங்கோர்
    ஆதி யாயிடும் ஆனைக்கா அண்ணலே. 5.31.10

    இத்தலம் சோழநாட்டிலுள்ளது.
    சுவாமிபெயர் - சம்புகேசுவரர்,
    தேவியார் - அகிலாண்டநாயகியம்மை.

    திருச்சிற்றம்பலம்


    5.32 திருப்பூந்துருத்தி - திருக்குறுந்தொகை



    திருச்சிற்றம்பலம்

    317 கொடிகொள் செல்வ விழாக்குண லையறாக்
    கடிகொள் பூம்பொழிற் கச்சிஏ கம்பனார்
    பொடிகள் பூசிய பூந்துருத் திந்நகர்
    அடிகள் சேவடிக் கீழ்நா மிருப்பதே. 5.32.1
    318 ஆர்த்த தோலுடை கட்டியோர் வேடனாய்ப்
    பார்த்த னோடு படைதொடு மாகிலும்
    பூத்த நீள்பொழிற் பூந்துருத் திந்நகர்த்
    தீர்த்தன் சேவடிக் கீழ்நா மிருப்பதே. 5.32.2
    319 மாதி னைமதித் தானொரு பாகமாக்
    காத லாற்கரந் தான்சடைக் கங்கையைப்
    பூத நாயகன் பூந்துருத் திந்நகர்க்
    காதி சேவடிக் கீழ்நா மிருப்பதே. 5.32.3
    320 மூவ னாய்முத லாயிவ் வுலகெலாங்
    காவ னாய்க்கடுங் காலனைக் காய்ந்தவன்
    பூவின் நாயகன் பூந்துருத் திந்கர்த்
    தேவன் சேவடிக் கீழ்நா மிருப்பதே. 5.32.4
    321 செம்பொ னேயொக்கும் மேனியன் தேசத்தில்
    உம்ப ராரவ ரோடங் கிருக்கிலும்
    பொன்பொ னார்செல்வப் பூந்துருத் திந்நகர்
    நம்பன் சேவடிக் கீழ்நா மிருப்பதே. 5.32.5
    322 வல்லம் பேசி வலிசெய்மூன் றூரினைக்
    கொல்லம் பேசிக் கொடுஞ்சரம் நூறினான்
    புல்லம் பேசியும் பூந்துருத் திந்நகர்ச்
    செல்வன் சேவடிக் கீழ்நா மிருப்பதே. 5.32.6
    323 ஒருத்த னாயுல கேழுந் தொழநின்று
    பருத்த பாம்பொடு பான்மதி கங்கையும்
    பொருத்த னாகிலும் பூந்துருத் திந்நகர்த்
    திருத்தன் சேவடிக் கீழ்நா மிருப்பதே. 5.32.7
    324 அதிரர் தேவர் இயக்கர் விச்சாதரர்
    கருத நின்றவர் காண்பரி தாயினான்
    பொருத நீர்வரு பூந்துருத் திந்நகர்ச்
    சதுரன் சேவடிக் கீழ்நா மிருப்பதே. 5.32.8
    325 செதுக றாமனத் தார்புறங் கூறினுங்
    கொதுக றாக்கண்ணி னோன்பிகள் கூறினும்
    பொதுவின் நாயகன் பூந்துருத் திந்நகர்க்
    கதிபன் சேவடிக் கீழ்நா மிருப்பதே. 5.32.9
    326 துடித்த தோல்வலி வாளரக் கன்றனைப்
    பிடித்த கைஞ்ஞெரிந் துற்றன கண்ணெலாம்
    பொடிக்க வூன்றிய பூந்துருத் திந்நகர்ப்
    படிக்கொள் சேவடிக் கீழ்நா மிருப்பதே. 5.32.10

    இத்தலம் சோழநாட்டிலுள்ளது.
    சுவாமிபெயர் - புஷ்பவனநாதர்,
    தேவியார் - அழகாலமர்ந்தநாயகி.

    திருச்சிற்றம்பலம்


    5.33 திருச்சோற்றுத்துறை - திருக்குறுந்தொகை



    திருச்சிற்றம்பலம்

    327 கொல்லை யேற்றினர் கோளர வத்தினர்
    தில்லைச் சிற்றம் பலத்துறைச் செல்வனார்
    தொல்லை யூழியர் சோற்றுத் துறையர்க்கே
    வல்லை யாய்ப்பணி செய்மட நெஞ்சமே. 5.33.1
    328 முத்தி யாக வொருதவஞ் செய்திலை
    அத்தி யாலடி யார்க்கொன் றளித்திலை
    தொத்து நின்றலர் சோற்றுத் துறையர்க்கே
    பத்தி யாய்ப்பணி செய்மட நெஞ்சமே. 5.33.2
    329 ஒட்டி நின்ற உடலுறு நோய்வினை
    கட்டி நின்ற கழிந்தவை போயறத்
    தொட்டு நின்றுமச் சோற்றுத் துறையர்க்கே
    பட்டி யாய்ப்பணி செய்மட நெஞ்சமே. 5.333
    330 ஆதி யானண்ட வாணர்க் கருள்நல்கு
    நீதி யானென்றும் நின்மல னேயென்றுஞ்
    சோதி யானென்றுஞ் சோற்றுத் துறையர்க்கே
    வாதி யாய்ப்பணி செய்மட நெஞ்சமே. 5.33.4
    331 ஆட்டி னாயடி யேன்வினை யாயின
    ஓட்டி னாயொரு காதில் இலங்குவெண்
    தோட்டி னாயென்று சோற்றுத் துறையர்க்கே
    நீட்டி நீபணி செய்மட நெஞ்சமே. 5.33.5
    332 பொங்கி நின்றெழுந் தகடல் நஞ்சினைப்
    பங்கி யுண்டதோர் தெய்வமுண் டோ சொலாய்
    தொங்கி நீயென்றுஞ் சோற்றுத் துறையர்க்குத்
    தங்கி நீபணி செய்மட நெஞ்சமே. 5.33.6
    333 ஆணி போலநீ ஆற்ற வலியைகாண்
    ஏணி போலிழிந் தேறியும் ஏங்கியுந்
    தோணி யாகிய சோற்றுத் துறையர்க்கே
    பூணி யாய்ப்பணி செய்மட நெஞ்சமே. 5.33.7
    334 பெற்றம் ஏறிலென் பேய்படை யாகிலென்
    புற்றி லாடர வேயது பூணிலென்
    சுற்றி நீயென்றுஞ் சோற்றுத் துறையர்க்கே
    பற்றி நீபணி செய்மட நெஞ்சமே. 5.33.8
    335 அல்லி யானர வைந்தலை நாகணைப்
    பள்ளி யானறி யாத பரிசெலாஞ்
    சொல்லி நீயென்றுஞ் சோற்றுத் துறையர்க்கே
    புல்லி நீபணி செய்மட நெஞ்சமே. 5.33.9
    336 மிண்ட ரோடு விரவியும் வீறிலாக்
    குண்டர் தம்மைக் கழிந்துய்யப் போந்துநீ
    தொண்டு செய்தென்றுஞ் சோற்றுத் துறையர்க்கே
    உண்டு நீபணி செய்மட நெஞ்சமே. 5.33.10
    337 வாழ்ந்த வன்வலி வாளரக் கன்றனை
    ஆழ்ந்து போயல றவ்விர லூன்றினான்
    சூழ்ந்த பாரிடஞ் சோற்றுத் துறையர்க்குத்
    தாழ்ந்து நீபணி செய்மட நெஞ்சமே. 5.33.11

    இத்தலம் சோழநாட்டிலுள்ளது.
    சுவாமிபெயர் - தொலையாச்செல்வர்,
    தேவியார் - ஒப்பிலாம்பிகையம்மை.

    திருச்சிற்றம்பலம்


    5.34 திருநெய்த்தானம் - திருக்குறுந்தொகை



    திருச்சிற்றம்பலம்

    338 கொல்லி யான்குளிர் தூங்குகுற் றாலத்தான்
    புல்லி யார்புர மூன்றெரி செய்தவன்
    நெல்லி யானிலை யானநெய்த் தானனைச்
    சொல்லி மெய்தொழு வார்சுடர் வாணரே. 5.34.1
    339 இரவ னையிடு வெண்டலை யேந்தியைப்
    பரவ னைப்படை யார்மதில் மூன்றையும்
    நிரவ னைநிலை யானநெய்த் தானனைக்
    குரவ னைத்தொழு வார்கொடி வாணரே. 5.34.2
    340 ஆனி டையைந்தும் ஆடுவ ராரிருள்
    கானி டைநடம் ஆடுவர் காண்மினோ
    தேனி டைமலர் பாயுநெய்த் தானனை
    வானி டைத்தொழு வார்வலி வாணரே. 5.34.3
    341 விண்ட வர்புர மூன்றும்வெண் ணீறெழக்
    கண்ட வன்கடி தாகிய நஞ்சினை
    உண்ட வன்னொளி யானநெய்த் தானனைத்
    தொண்ட ராய்த்தொழு வார்சுடர் வாணரே. 5.34.4
    342 முன்கை நோவக் கடைந்தவர் நிற்கவே
    சங்கி யாது சமுத்திர நஞ்சுண்டான்
    நங்கை யோடு நவின்றநெய்த் தானனைத்
    தங்கை யாற்றொழு வார்தலை வாணரே. 5.34.5
    343 சுட்ட நீறுமெய் பூசிச் சுடலையுள்
    நட்ட மாடுவர் நள்ளிருட் பேயொடே
    சிட்டர் வானவர் தேருநெய்த் தானனை
    இட்ட மாய்த்தொழு வாரின்ப வாணரே. 5.34.6
    344 கொள்ளித் தீயெரி வீசிக் கொடியதோர்
    கள்ளிக் காட்டிடை யாடுவர் காண்மினோ
    தெள்ளித் தேறித் தெளிந்துநெய்த் தானனை
    உள்ளத் தாற்றொழு வாரும்பர் வாணரே. 5.34.7
    345 உச்சி மேல்விளங் கும்மிள வெண்பிறை
    பற்றி யாடர வோடுஞ்ச டைப்பெய்தான்
    நெற்றி யாரழல் கண்டநெய்த் தானனைச்
    சுற்றி மெய்தொழு வார்சுடர் வாணரே. 5.34.8
    346 மாலொ டும்மறை யோதிய நான்முகன்
    காலொ டும்முடி காண்பரி தாயினான்
    சேலொ டுஞ்செருச் செய்யும்நெய்த் தானனை
    மாலொ டுந்தொழு வார்வினை வாடுமே. 5.34.9
    347 வலிந்த தோள்வலி வாளரக் கன்றனை
    நெருங்க நீள்வரை யூன்றுநெய்த் தானனார்
    புரிந்து கைந்நரம் போடிசை பாடலும்
    பரிந்த னைப்பணி வார்வினை பாறுமே. 5.34.10

    இத்தலம் சோழநாட்டிலுள்ளது.
    சுவாமிபெயர் - நெய்யாடியப்பர், தேவியார் - பாலாம்பிகையம்மை.

    திருச்சிற்றம்பலம்


    5.35 திருப்பழனம் - திருக்குறுந்தொகை



    திருச்சிற்றம்பலம்

    348 அருவ னாய்அத்தி ஈருரி போர்த்துமை
    உருவ னாய்ஒற்றி யூர்பதி யாகிலும்
    பருவ ரால்வயல் சூழ்ந்த பழனத்தான்
    திருவி னாற்றிரு வேண்டுமித் தேவர்க்கே. 5.35.1
    349 வையம் வந்து வணங்கி வலங்கொளும்
    ஐய னைஅறி யார்சிலர் ஆதர்கள்
    பைகொ ளாடர வார்த்த பழனன்பால்
    பொய்யர் காலங்கள் போக்கிடு வார்களே. 5.35.2
    350 வண்ண மாக முறுக்கிய வாசிகை
    திண்ண மாகத் திருச்சடைச் சேர்த்தியே
    பண்ணு மாகவே பாடும் பழனத்தான்
    எண்ணும் நீரவன் ஆயிர நாமமே. 5.35.3
    351 மூர்க்கப் பாம்பு பிடித்தது மூச்சிட
    வாக்கப் பாம்பினைக் கண்ட துணிமதி
    பாக்கப் பாம்பினைப் பற்றும் பழனத்தான்
    தார்க்கொண் மாலை சடைக்கரந் திட்டதே. 5.35.4
    352 நீல முண்ட மிடற்றினன் நேர்ந்ததோர்
    கோல முண்ட குணத்தான் நிறைந்ததோர்
    பாலு முண்டு பழனன்பா லென்னிடை
    மாலு முண்டிறை யென்றன் மனத்துளே. 5.35.5
    353 மந்த மாக வளர்பிறை சூடியோர்
    சந்த மாகத் திருச்சடை சாத்துவான்
    பந்த மாயின தீர்க்கும் பழனத்தான்
    எந்தை தாய்தந்தை எம்பெரு மானுமே. 5.35.6
    354 மார்க்க மொன்றறி யார்மதி யில்லிகள்
    பூக்க ரத்திற் புரிகிலர் மூடர்கள்
    பார்க்க நின்று பரவும் பழனத்தான்
    தாட்கண் நின்று தலைவணங் கார்களே. 5.35.7
    355 ஏறி னாரிமை யோர்கள் பணிகண்டு
    தேறு வாரலர் தீவினை யாளர்கள்
    பாறி னார்பணி வேண்டும் பழனத்தான்
    கூறி னானுமை யாளொடுங் கூடவே. 5.35.8
    356 சுற்று வார்தொழு வார்சுடர் வண்ணன்மேல்
    தெற்றி னார்திரி யும்புர மூன்றெய்தான்
    பற்றி னார்வினை தீர்க்கும் பழனனை
    எற்றி னான்மறக் கேனெம் பிரானையே. 5.35.9
    357 பொங்கு மாகடல் சூழ்இலங் கைக்கிறை
    அங்க மான இறுத்தருள் செய்தவன்
    பங்க னென்றும் பழனன் உமையொடுந்
    தங்கன் றானடி யேனுடை யுச்சியே. 5.35.10

    இத்தலம் சோழநாட்டிலுள்ளது.
    சுவாமிபெயர் - ஆபத்சகாயர், தேவியார் - பெரியநாயகியம்மை.

    திருச்சிற்றம்பலம்


    5.36 திருச்செம்பொன்பள்ளி - திருக்குறுந்தொகை



    திருச்சிற்றம்பலம்

    358 கான றாத கடிபொழில் வண்டினந்
    தேன றாத திருச்செம்பொன் பள்ளியான்
    ஊன றாததோர் வெண்டலை யிற்பலி
    தான றாததோர் கொள்கையன் காண்மினே. 5.36.1
    359 என்பும் ஆமையும் பூண்டங் குழிதர்வர்க்
    கன்பு மாயிடும் ஆயிழை யீரினிச்
    செம்பொன் பள்ளியு ளான்சிவ லோகனை
    நம்பொன் பள்ளியுள் கவினை நாசமே. 5.36.2
    360 வேறு கோலத்தர் ஆணலர் பெண்ணலர்
    கீறு கோவண வைதுகி லாடையர்
    தேற லாவதொன் றன்றுசெம் பொன்பள்ளி
    ஆறு சூடிய அண்ணல் அவனையே. 5.36.3
    361 அருவ ராததோர் வெண்டலை யேந்திவந்
    திருவ ராயிடு வார்கடை தேடுவார்
    தெருவெ லாமுழல் வார்செம்பொன் பள்ளியார்
    ஒருவர் தாம்பல பேருளர் காண்மினே. 5.36.4
    362 பூவு லாஞ்சடை மேற்புனல் சூடினான்
    ஏவ லாலெயில் மூன்றும் எரித்தவன்
    தேவர் சென்றிறைஞ் சுஞ்செம்பொன் பள்ளியான்
    மூவ ராய்முத லாய்நின்ற மூர்த்தியே. 5.36.5
    363 சலவ ராயொரு பாம்பொடு தண்மதி
    கலவ ராவதன் காரண மென்கொலோ
    திலக நீண்முடி யார்செம்பொன் பள்ளியார்
    குலவி லாலெயில் மூன்றெய்த கூத்தரே. 5.36.6
    364 கைகொள் சூலத்தர் கட்டுவாங் கத்தினர்
    மைகொள் கண்டத்த ராகி இருசுடர்
    செய்ய மேனிவெண் ணீற்றர்செம் பொன்பள்ளி
    ஐயர் கையதோர் ஐந்தலை நாகமே. 5.36.7
    365 வெங்கண் நாகம் வெருவுற ஆர்த்தவர்
    பைங்கண் ஆனையின் ஈருரி போர்த்தவர்
    செங்கண் மால்விடை யார்செம்பொன் பள்ளியார்
    அங்க ணாயடைந் தார்வினை தீர்ப்பரே. 5.36.8
    366 நன்றி நாரணன் நான்முக னென்றிவர்
    நின்ற நீண்முடி யோடடி காண்புற்றுச்
    சென்று காண்பரி யான்செம்பொன் பள்ளியான்
    நின்ற சூழலில் நீளெரி யாகியே. 5.36.9
    367 திரியு மும்மதில் செங்கணை யொன்றினால்
    எரிய வெய்தன லோட்டி இலங்கைக்கோன்
    நெரிய வூன்றியிட் டார்செம்பொன் பள்ளியார்
    அரிய வானம் அவரருள் செய்வரே. 5.36.10

    இத்தலம் சோழநாட்டிலுள்ளது.
    சுவாமிபெயர் - சொர்னபுரீசர், தேவியார் - சுகந்தவனநாயகி.

    திருச்சிற்றம்பலம்


    5.37 திருக்கடவூர்வீரட்டம் - திருக்குறுந்தொகை



    திருச்சிற்றம்பலம்

    368 மலைக்கொ ளானை மயக்கிய வல்வினை
    நிலைக்கொ ளானை நினைப்புறு நெஞ்சமே
    கொலைக்கை யானையுங் கொன்றிடு மாதலாற்
    கலைக்கை யானைகண் டீர்கட வூரரே. 5.37.1
    369 வெள்ளி மால்வரை போல்வதோ ரானையார்
    உள்ள வாறெனை உள்புகு மானையார்
    கொள்ள மாகிய கோயிலு ளானையார்
    கள்ள வானைகண் டீர்கட வூரரே. 5.37.2
    370 ஞான மாகிய நன்குண ரானையார்
    ஊனை வேவ வுருக்கிய ஆனையார்
    வேன லானை யுரித்துமை அஞ்சவே
    கான லானைகண் டீர்கட வூரரே. 5.37.3
    371 ஆல முண்டழ காயதோ ரானையார்
    நீல மேனி நெடும்பளிங் கானையார்
    கோல மாய கொழுஞ்சுட ரானையார்
    கால வானைகண் டீர்கட வூரரே. 5.37.4
    372 அளித்த ஆனஞ்சு மாடிய வானையார்
    வெளுத்த நீள்கொடி யேறுடை யானையார்
    எளித்த வேழத்தை எள்குவித் தானையார்
    களித்த வானைகண் டீர்கட வூரரே. 5.37.5
    373 விடுத்த மால்வரை விண்ணுற வானையார்
    தொடுத்த மால்வரை தூயதோ ரானையார்
    கடுத்த காலனைக் காய்ந்ததோ ரானையார்
    கடுத்த வானைகண் டீர்கட வூரரே. 5.37.6
    374 மண்ணு ளாரை மயக்குறு மானையார்
    எண்ணு ளார்பல ரேத்திடு மானையார்
    விண்ணு ளார்பல ரும்மறி யானையார்
    கண்ணு ளானைகண் டீர்கட வூரரே. 5.37.7
    375 சினக்குஞ் செம்பவ ளத்திர ளானையார்
    மனக்கும் வல்வினை தீர்த்திடு மானையார்
    அனைக்கும் அன்புடை யார்மனத் தானையார்
    கனைக்கு மானைகண் டீர்கட வூரரே. 5.37.8
    376 வேத மாகிய வெஞ்சுட ரானையார்
    நீதி யானில னாகிய வானையார்
    ஓதி யூழி தெரிந்துண ரானையார்
    காத லானைகண் டீர்கட வூரரே. 5.37.9
    377 நீண்ட மாலொடு நான்முகன் றானுமாய்க்
    காண்டு மென்றுபுக் கார்க ளிருவரும்
    மாண்ட வாரழ லாகிய வானையார்
    காண்ட லானைகண் டீர்கட வூரரே. 5.37.10
    378 அடுத்து வந்த இலங்கையர் மன்னனை
    எடுத்த தோள்கள் இறநெரித் தானையார்
    கடுத்த காலனைக் காய்ந்ததோ ரானையார்
    கடுக்கை யானைகண் டீர்கட வூரரே. 5.37.11

    இத்தலம் சோழநாட்டிலுள்ளது.
    சுவாமிபெயர் - அமிர்தகடேசுவரர், தேவியார் - அபிராமியம்மை.

    திருச்சிற்றம்பலம்


    5.38 திருக்கடவூர்மயானம் - திருக்குறுந்தொகை



    திருச்சிற்றம்பலம்

    379 குழைகொள் காதினர் கோவண ஆடையர்
    உழையர் தாங்கட வூரின் மயானத்தார்
    பழைய தம்மடி யார்செயும் பாவமும்
    பிழையுந் தீர்ப்பர் பெருமா னடிகளே. 5.38.1
    380 உன்னி வானவர் ஓதிய சிந்தையிற்
    கன்னல் தேன்கட வூரின் மயானத்தார்
    தன்னை நோக்கித் தொழுதெழு வார்க்கெலாம்
    பின்னை என்னார் பெருமா னடிகளே. 5.38.2
    381 சூல மேந்துவர் தோலுடை ஆடையர்
    ஆல முண்டமு தேமிகத் தேக்குவர்
    கால காலர் கடவூர் மயானத்தார்
    மாலை மார்பர் பெருமா னடிகளே. 5.38.3
    382 இறைவ னாரிமை யோர்தொழு பைங்கழல்
    மறவ னார்கட வூரின் மயானத்தார்
    அறவ னாரடி யாரடி யார்தங்கள்
    பிறவி தீர்ப்பர் பெருமா னடிகளே. 5.38.4
    383 கத்து காளி கதந்தணி வித்தவர்
    மத்தர் தாங்கட வூரின் மயானத்தார்
    ஒத்தொவ் வாதன செய்துழல் வாரொரு
    பித்தர் காணும் பெருமா னடிகளே. 5.38.5
    384 எரிகொள் மேனி இளம்பிறை வைத்தவர்
    கரியர் தாங்கட வூரின் மயானத்தார்
    அரியர் அண்டத்து ளோரயன் மாலுக்கும்
    பெரியர் காணும் பெருமா னடிகளே. 5.38.6
    385 அணங்கு பாகத்தர் ஆரண நான்மறை
    கணங்கள் சேர்கட வூரின் மயானத்தார்
    வணங்கு வாரிடர் தீர்ப்பர் மயக்குறும்
    பிணங்கொள் காடர் பெருமா னடிகளே. 5.38.7
    386 அரவு கையினர் ஆதி புராணனார்
    மரவு சேர்கட வூரின் மயானத்தார்
    பரவு வாரிடர் தீர்ப்பர் பணிகொள்வார்
    பிரமன் மாற்கும் பெருமா னடிகளே. 5.38.8
    இப்பதிகத்தில் 9,10-ம் செய்யுட்கள் சிதைந்து போயின. 5.38.9-10

    இத்தலம் சோழநாட்டிலுள்ளது.
    சுவாமிபெயர் - பிரமபுரீசுவரர், தேவியார் - மலர்க்குழன்மின்னம்மை.

    திருச்சிற்றம்பலம்


    5.39 திருமயிலாடுதுறை - திருக்குறுந்தொகை



    திருச்சிற்றம்பலம்

    387 கொள்ளுங் காதன்மை பெய்துறுங் கோல்வளை
    உள்ளம் உள்கி யுரைக்குந் திருப்பெயர்
    வள்ளல் மாமயி லாடு துறையுறை
    வெள்ளந் தாங்கு சடையனை வேண்டியே. 5.39.1
    388 சித்தந் தேறுஞ் செறிவளை சிக்கெனும்
    பச்சை தீருமென் பைங்கொடி பான்மதி
    வைத்த மாமயி லாடு துறையரன்
    கொத்தி னிற்பொலி கொன்றை கொடுக்கிலே. 5.39.2
    389 அண்டர் வாழ்வும் அமரர் இருக்கையுங்
    கண்டு வீற்றிருக் குங்கருத் தொன்றிலோம்
    வண்டு சேர்மயி லாடு துறையரன்
    தொண்டர் பாதங்கள் சூடித் துதையிலே. 5.39.3
    390 வெஞ்சி னக்கடுங் காலன் விரைகிலான்
    அஞ்சி றப்பும் பிறப்பும் அறுக்கலாம்
    மஞ்சன் மாமயி லாடு துறையுறை
    அஞ்சொ லாளுமை பங்கன் அருளிலே. 5.39.4
    391 குறைவி லோங்கொடு மானிட வாழ்க்கையாற்
    கறைநி லாவிய கண்டனெண் டோ ளினன்
    மறைவ லான்மயி லாடு துறையுறை
    இறைவன் நீள்கழ லேத்தி யிருக்கிலே. 5.39.5
    392 நிலைமை சொல்லுநெஞ் சேதவ மென்செய்தாய்
    கலைக ளாயவல் லான்கயி லாயநன்
    மலையன் மாமயி லாடு துறையன்நம்
    தலையின் மேலும் மனத்துளுந் தங்கவே. 5.39.6
    393 நீற்றி னான்நிமிர் புன்சடை யான்விடை
    ஏற்றி னான்நமை யாளுடை யான்புலன்
    மாற்றி னான்மயி லாடு துறையென்று
    போற்று வார்க்குமுண் டோ புவி வாழ்க்கையே. 5.39.7
    394 கோலும் புல்லும் ஒருகையிற் கூர்ச்சமுந்
    தோலும் பூண்டு துயரமுற் றென்பயன்
    நீல மாமயி லாடு துறையனே
    நூலும் வேண்டுமோ நுண்ணுணர்ந் தோர்கட்கே. 5.39.8
    395 பணங்கொ ளாடர வல்குற் பகீரதி
    மணங்கொ ளச்சடை வைத்த மறையவன்
    வணங்கு மாமயி லாடு துறையரன்
    அணங்கோர் பால்கொண்ட கோலம் அழகிதே. 5.39.9
    396 நீணி லாவர வச்சடை நேசனைப்
    பேணி லாதவர் பேதுற வோட்டினோம்
    வாணி லாமயி லாடு துறைதனைக்
    காணி லார்க்குங் கடுந்துய ரில்லையே. 5.39.10
    397 பருத்த தோளும் முடியும் பொடிபட
    இருத்தி னானவன் இன்னிசை கேட்டலும்
    வரத்தி னான்மயி லாடு துறைதொழுங்
    கரத்தி னார்வினைக் கட்டறுங் காண்மினே. 5.39.11

    இத்தலம் சோழநாட்டிலுள்ளது.
    சுவாமிபெயர் - மாயூரநாதர், தேவியார் - அஞ்சொல்நாயகி.

    திருச்சிற்றம்பலம்


    5.40 திருக்கழிப்பாலை - திருக்குறுந்தொகை



    திருச்சிற்றம்பலம்

    398 வண்ண மும்வடி வுஞ்சென்று கண்டிலள்
    எண்ணி நாமங்க ளேத்தி நிறைந்திலள்
    கண்ணு லாம்பொழில் சூழ்கழிப் பாலையெம்
    அண்ண லேயறி வானிவள் தன்மையே. 5.40.1
    399 மருந்து வானவர் உய்யநஞ் சுண்டுகந்
    திருந்த வன்கழிப் பாலையுள் எம்பிரான்
    திருந்து சேவடி சிந்தையுள் வைத்திவள்
    பரிந்து ரைக்கிலு மென்சொற் பழிக்குமே. 5.40.2
    400 மழலை தான்வரச் சொற்றெரி கின்றிலள்
    குழலின் நேர்மொழி கூறிய கேண்மினோ
    அழக னேகழிப் பாலையெம் மண்ணலே
    இகழ்வ தோயெனை ஏன்றுகொ ளென்னுமே. 5.40.3
    401 செய்ய மேனிவெண் ணீறணி வான்றனை
    மைய லாகி மதிக்கில ளாரையுங்
    கைகொள் வெண்மழு வன்கழிப் பாலையெம்
    ஐய னேஅறி வானிவள் தன்மையே. 5.40.4
    402 கருத்த னைக்கழிப் பாலையுள் மேவிய
    ஒருத்த னையுமை யாளொரு பங்கனை
    அருத்தி யாற்சென்று கண்டிட வேண்டுமென்
    றொருத்தி யாருளம் ஊசல தாகுமே. 5.40.5
    403 கங்கை யைச்சடை வைத்து மலைமகள்
    நங்கை யையுட னேவைத்த நாதனார்
    திங்கள் சூடித் திருக்கழிப் பாலையான்
    இங்கு வந்திடு மென்றிறு மாக்குமே. 5.40.6
    404 ஐய னேஅழ கேஅன லேந்திய
    கைய னேகறை சேர்தரு கண்டனே
    மையு லாம்பொழில் சூழ்கழிப் பாலையெம்
    ஐய னேவிதி யேஅரு ளென்னுமே. 5.40.7
    405 பத்தர் கட்கமு தாய பரத்தினை
    முத்த னைமுடி வொன்றிலா மூர்த்தியை
    அத்த னைஅணி யார்கழிப் பாலையெஞ்
    சித்த னைச்சென்று சேருமா செப்புமே. 5.40.8
    இப்பதிகத்தில் 9-ம் செய்யுள் சிதைந்து போயிற்று. 5.40.9
    406 பொன்செய் மாமுடி வாளரக் கன்றலை
    அஞ்சு நான்குமொன் றும்மிறுத் தானவன்
    என்செ யான்கழிப் பாலையு ளெம்பிரான்
    துஞ்சும் போதுந் துணையென லாகுமே. 5.40.10

    இத்தலம் சோழநாட்டிலுள்ளது.
    சுவாமிபெயர் - பால்வண்ண நாதர், தேவியார் - வேதநாயகியம்மை.

    திருச்சிற்றம்பலம்


    5.41 திருப்பைஞ்ஞீலி - திருக்குறுந்தொகை



    திருச்சிற்றம்பலம்

    407 உடையர் கோவண மொன்றுங் குறைவிலர்
    படைகொள் பாரிடஞ் சூழ்ந்தபைஞ் ஞீலியார்
    சடையிற் கங்கை தரித்த சதுரரை
    அடைய வல்லவர்க் கில்லை அவலமே. 5.41.1
    408 மத்த மாமலர் சூடிய மைந்தனார்
    சித்த ராய்த்திரி வார்வினை தீர்ப்பரால்
    பத்தர் தாந்தொழு தேத்துபைஞ் ஞீலியெம்
    அத்த னைத்தொழ வல்லவர் நல்லரே. 5.41.2
    409 விழுது சூலத்தன் வெண்மழு வாட்படைக்
    கழுது துஞ்சிருட் காட்டகத் தாடலான்
    பழுதொன் றின்றிப்பைஞ் ஞீலிப் பரமனைத்
    தொழுது செல்பவர் தம்வினை தூளியே. 5.41.3
    410 ஒன்றி மாலும் பிரமனுந் தம்மிலே
    நின்ற சூழ லறிவரி யானிடஞ்
    சென்று பாரிட மேத்துபைஞ் ஞீலியுள்
    என்றும் மேவி யிருந்த அடிகளே. 5.41.4
    411 வேழத் தின்னுரி போர்த்த விகிர்தனார்
    தாழச் செஞ்சடை மேற்பிறை வைத்தவர்
    தாழைத் தண்பொழில் சூழ்ந்தபைஞ் ஞீலியார்
    யாழின் பாட்டை யுகந்த அடிகளே. 5.41.5
    412 குண்டு பட்டுக் குறியறி யாச்சமண்
    மிண்ட ரோடு படுத்துய்யப் போந்துநான்
    கண்டங் கார்வயல் சூழ்ந்தபைஞ் ஞீலியெம்
    அண்ட வாணன் அடியடைந் துய்ந்தனே. 5.41.6
    413 வரிப்பை யாடர வாட்டி மதகரி
    உரிப்பை மூடிய வுத்தம னாருறை
    திருப்பைஞ் ஞீலி திசைதொழு வார்கள்போய்
    இருப்பர் வானவ ரோடினி தாகவே. 5.41.7
    414 கோடல் கோங்கம் புறவணி முல்லைமேல்
    பாடல் வண்டிசை கேட்கும்பைஞ் ஞீலியார்
    பேடு மாணும் பிறரறி யாததோர்
    ஆடு நாகம் அசைத்த அடிகளே. 5.41.8
    415 காரு லாமலர்க் கொன்றையந் தாரினான்
    வாரு லாமுலை மங்கையோர் பங்கினன்
    தேரு லாம்பொழில் சூழ்ந்தபைஞ் ஞீலியெம்
    ஆர்கி லாவமு தையடைந் துய்ம்மினே. 5.41.9
    416 தருக்கிச் சென்று தடவரை பற்றலும்
    நெருக்கி யூன்ற நினைந்து சிவனையே
    அரக்கன் பாட அருளுமெம் மானிடம்
    இருக்கை ஞீலியென் பார்க்கிட ரில்லையே. 5.41.10

    இத்தலம் சோழநாட்டிலுள்ளது.
    சுவாமிபெயர் - நீலகண்டேசுவரர்,
    தேவியார் - விசாலாட்சியம்மை.

    திருச்சிற்றம்பலம்


    5.42 திருவேட்களம் - திருக்குறுந்தொகை



    திருச்சிற்றம்பலம்

    417 நன்று நாடொறும் நம்வினை போயறும்
    என்று மின்பந் தழைக்க இருக்கலாஞ்
    சென்று நீர்திரு வேட்களத் துள்ளுறை
    துன்று பொற்சடை யானைத் தொழுமினே. 5.42.1
    418 கருப்பு வெஞ்சிலைக் காமனைக் காய்ந்தவன்
    பொருப்பு வெஞ்சிலை யாற்புரஞ் செற்றவன்
    விருப்பன் மேவிய வேட்களங் கைதொழு
    திருப்ப னாகில் எனக்கிட ரில்லையே. 5.42.2
    419 வேட்க ளத்துறை வேதியன் எம்மிறை
    ஆக்க ளேறுவர் ஆனைஞ்சு மாடுவர்
    பூக்கள் கொண்டவன் பொன்னடி போற்றினால்
    காப்பர் நம்மைக் கறைமிடற் றண்ணலே. 5.42.3
    420 அல்ல லில்லை அருவினை தானில்லை
    மல்கு வெண்பிறை சூடு மணாளனார்
    செல்வ னார்திரு வேட்களங் கைதொழ
    வல்ல ராகில் வழியது காண்மினே. 5.42.4
    421 துன்ப மில்லை துயரில்லை யாமினி
    நம்ப னாகிய நன்மணி கண்டனார்
    என்பொ னாருறை வேட்கள நன்னகர்
    இன்பன் சேவடி யேத்தி யிருப்பதே. 5.42.5
    422 கட்டப் பட்டுக் கவலையில் வீழாதே
    பொட்ட வல்லுயிர் போவதன் முன்னம்நீர்
    சிட்ட னார்திரு வேட்களங் கைதொழப்
    பட்ட வல்வினை யாயின பாறுமே. 5.42.6
    423 வட்ட மென்முலை யாளுமை பங்கனார்
    எட்டு மொன்றும் இரண்டுமூன் றாயினார்
    சிட்டர் சேர்திரு வேட்களங் கைதொழு
    திட்ட மாகி யிருமட நெஞ்சமே. 5.42.7
    424 நட்ட மாடிய நம்பனை நாடொறும்
    இட்டத் தாலினி தாக நினைமினோ
    வட்ட வார்முலை யாளுமை பங்கனார்
    சிட்ட னார்திரு வேட்களந் தன்னையே. 5.42.8
    425 வட்ட மாமதில் மூன்றுடை வல்லரண்
    சுட்ட கொள்கைய ராயினுஞ் சூழ்ந்தவர்
    குட்ட வல்வினை தீர்த்துக் குளிர்விக்குஞ்
    சிட்டர் பொற்றிரு வேட்களச் செல்வரே. 5.42.9
    426 சேட னாருறை யுஞ்செழு மாமலை
    ஓடி யாங்கெடுத் தான்முடி பத்திற
    வாட வூன்றி மலரடி வாங்கிய
    வேட னாருறை வேட்களஞ் சேர்மினே. 5.42.10

    இத்தலம் சோழநாட்டிலுள்ளது.
    சுவாமிபெயர் - பாசுபதேசுவரர், தேவியார் - நல்லநாயகியம்மை.

    திருச்சிற்றம்பலம்


    5.43 திருநல்லம் - திருக்குறுந்தொகை



    திருச்சிற்றம்பலம்

    427 கொல்லத் தான்நம னார்தமர் வந்தக்கால்
    இல்லத் தார்செய்ய லாவதென் ஏழைகாள்
    நல்லத் தான்நமை யாளுடை யான்கழல்
    சொல்லத் தான்வல்லி ரேற்றுயர் தீருமே. 5.43.1
    428 பொக்கம் பேசிப் பொழுது கழியாதே
    துக்கந் தீர்வகை சொல்லுவன் கேண்மினோ
    தக்கன் வேள்வி தகர்த்த தழல்வண்ணன்
    நக்கன் சேர்நல்லம் நண்ணுதல் நன்மையே. 5.43.2
    429 பிணிகொள் வார்குழற் பேதையர் காதலாற்
    பணிகள் மேவிப் பயனில்லை பாவிகாள்
    அணுக வேண்டில் அரனெறி யாவது
    நணுகு நாதன் நகர்திரு நல்லமே. 5.43.3
    430 தமக்கு நல்லது தம்முயிர் போயினால்
    இமைக்கும் போதும் இராதிக் குரம்பைதான்
    உமைக்கு நல்லவன் றானுறை யும்பதி
    நமக்கு நல்லது நல்ல மடைவதே. 5.43.4
    431 உரைத ளர்ந்துட லார்நடுங் காமுனம்
    நரைவி டையுடை யானிடம் நல்லமே
    பரவு மின்பணி மின்பணி வாரொடே
    விரவு மின்விர வாரை விடுமினே. 5.43.5
    432 அல்ல லாகஐம் பூதங்க ளாட்டினும்
    வல்ல வாறு சிவாய நமவென்று
    நல்லம் மேவிய நாத னடிதொழ
    வெல்ல வந்த வினைப்பகை வீடுமே. 5.43.6
    433 மாத ராரொடு மக்களுஞ் சுற்றமும்
    பேத மாகிப் பிரிவதன் முன்னமே
    நாதன் மேவிய நல்லம் நகர்தொழப்
    போது மின்னெழு மின்புக லாகுமே. 5.43.7
    434 வெம்மை யான வினைக்கடல் நீங்கிநீர்
    செம்மை யாய சிவகதி சேரலாஞ்
    சும்மை யார்மலர் தூவித் தொழுமினோ
    நம்மை யாளுடை யானிடம் நல்லமே. 5.43.8
    435 கால மான கழிவதன் முன்னமே
    ஏலு மாறு வணங்கிநின் றேத்துமின்
    மாலும் மாமல ரானொடு மாமறை
    நாலும் வல்லவர் கோனிடம் நல்லமே. 5.43.9
    436 மல்லை மல்கிய தோளரக் கன்வலி
    ஒல்லை யில்லொழித் தானுறை யும்பதி
    நல்ல நல்லம் எனும்பெயர் நாவினாற்
    சொல்ல வல்லவர் தூநெறி சேர்வரே. 5.43.10

    இத்தலம் சோழநாட்டிலுள்ளது.
    சுவாமிபெயர் - உமாமகேசுவரர், தேவியார் - மங்களநாயகியம்மை.

    திருச்சிற்றம்பலம்


    5.44 திருவாமாத்தூர் - திருக்குறுந்தொகை



    திருச்சிற்றம்பலம்

    437 மாமாத் தாகிய மாலயன் மால்கொடு
    தாமாத் தேடியுங் காண்கிலர் தாள்முடி
    ஆமாத் தூரர னேஅரு ளாயென்றென்
    றேமாப் பெய்திக்கண் டாரிறை யானையே. 5.44.1
    438 சந்தி யானைச் சமாதிசெய் வார்தங்கள்
    புந்தி யானைப்புத் தேளிர் தொழப்படும்
    அந்தி யானை ஆமத்தூர் அழகனைச்
    சிந்தி யாதவர் தீவினை யாளரே. 5.44.2
    439 காமாத் தம்மெனுங் கார்வலைப் பட்டுநான்
    போமாத் தையறி யாது புலம்புவேன்
    ஆமாத் தூரர னேயென் றழைத்தலுந்
    தேமாத் தீங்கனி போலத்தித் திக்குமே. 5.44.3
    440 பஞ்ச பூத வலையிற் படுவதற்
    கஞ்சி நானும் ஆமாத்தூர் அழகனை
    நெஞ்சி னால்நினைந் தேன்நினை வெய்தலும்
    வஞ்ச ஆறுகள் வற்றின காண்மினே. 5.44.4
    441 குராம னுங்குழ லாளொரு கூறனார்
    அராம னுஞ்சடை யான்றிரு வாமாத்தூர்
    இராம னும்வழி பாடுசெய் ஈசனை
    நிராம யன்றனை நாளும் நினைமினே. 5.44.5
    442 பித்த னைப்பெருந் தேவர் தொழப்படும்
    அத்த னையணி யாமாத்தூர் மேவிய
    முத்தி னையடி யேனுள் முயறலும்
    பத்தி வெள்ளம் பரந்தது காண்மினே. 5.44.6
    443 நீற்றி னார்திரு மேனியன் நேரிழை
    கூற்றி னான்குழல் கோலச் சடையிலோர்
    ஆற்றி னான்அணி ஆமாத்தூர் மேவிய
    ஏற்றி னான்எமை யாளுடை ஈசனே. 5.44.7
    444 பண்ணிற் பாடல்கள் பத்திசெய் வித்தகர்க்
    கண்ணித் தாகும் அமுதினை ஆமாத்தூர்
    சண்ணிப் பானைத் தமர்க்கணித் தாயதோர்
    கண்ணிற் பாவையன் னானவன் காண்மினே. 5.44.8
    445 குண்டர் பீலிகள் கொள்ளுங் குணமிலா
    மிண்ட ரோடெனை வேறு படுத்துயக்
    கொண்ட நாதன் குளிர்புனல் வீரட்டத்
    தண்ட னாரிடம் ஆமாத்தூர் காண்மினே. 5.44.9
    446 வானஞ் சாடு மதியர வத்தொடு
    தானஞ் சாதுடன் வைத்த சடையிடைத்
    தேனஞ் சாடிய தெங்கிள நீரொடும்
    ஆனஞ் சாடிய ஆமாத்தூர் ஐயனே. 5.44.10
    447 விடலை யாய்விலங் கல்லெடுத் தான்முடி
    அடர வோர்விரல் ஊன்றிய ஆமாத்தூர்
    இடம தாக்கொண்ட ஈசனுக் கென்னுளம்
    இடம தாகக்கொண் டின்புற் றிருப்பனே. 5.44.11

    இத்தலம் நடுநாட்டிலுள்ளது.
    சுவாமிபெயர் - அழகியநாதர், தேவியார் - அழகியநாயகியம்மை.

    திருச்சிற்றம்பலம்


    5.45 திருத்தோணிபுரம் - திருக்குறுந்தொகை



    திருச்சிற்றம்பலம்

    448 மாதி யன்று மனைக்கிரு வென்றக்கால்
    நீதி தான்சொல நீயெனக் காரெனுஞ்
    சோதி யார்தரு தோணி புரவர்க்குத்
    தாதி யாவன்நா னென்னுமென் தையலே. 5.45.1
    449 நக்கம் வந்து பலியிடென் றார்க்கிட்ட
    மிக்க தையலை வெள்வளை கொள்வது
    தொக்க நீர்வயல் தோணி புரவர்க்குத்
    தக்க தன்று தமது பெருமைக்கே. 5.45.2
    450 கெண்டை போல்நய னத்திம வான்மகள்
    வண்டு வார்குழ லாளுட னாகவே
    துண்ட வான்பிறைத் தோணி புரவரைக்
    கண்டு காமுறு கின்றனள் கன்னியே. 5.45.3
    451 பாலை யாழ்மொழி யாளவள் தாழ்சடை
    மேல ளாவது கண்டனள் விண்ணுறச்
    சோலை யார்தரு தோணி புரவர்க்குச்
    சால நல்லளா கின்றனள் தையலே. 5.45.4
    452 பண்ணின் நேர்மொழி யாள்பலி யிட்டவிப்
    பெண்ணை மால்கொடு பெய்வளை கொள்வது
    சுண்ண மாடிய தோணி புரத்துறை
    அண்ண லாருக்குச் சால அழகிதே. 5.45.5
    453 முல்லை வெண்ணகை மொய்குழ லாயுனக்
    கல்ல னாவ தறிந்திலை நீகனித்
    தொல்லை யார்பொழில் தோணி புரவர்க்கே
    நல்லை யாயிடு கின்றனை நங்கையே. 5.45.6
    454 ஒன்று தானறி யாருல கத்தவர்
    நின்று சொல்லி நிகழ்ந்த நினைப்பிலர்
    துன்று வார்பொழில் தோணி புரவர்தங்
    கொன்றை சூடுங் குறிப்பது வாகுமே. 5.45.7
    455 உறவு பேய்க்கணம் உண்பது வெண்டலை
    உறைவ தீமம் உடலிலோர் பெண்கொடி
    துறைக ளார்கடல் தோணி புரத்துறை
    இறைவ னார்க்கிவள் என்கண்டன் பாவதே. 5.45.8
    456 மாக யானை மருப்பேர் முலையினர்
    போக யானு மவள்புக்க தேபுகத்
    தோகை சேர்தரு தோணி புரவர்க்கே
    ஆக யானு மவர்க்கினி யாளதே. 5.45.9
    457 இட்ட மாயின செய்வாளென் பெண்கொடி
    கட்டம் பேசிய காரரக் கன்றனைத்
    துட்ட டக்கிய தோணி புரத்துறை
    அட்ட மூர்த்திக்கு அன்பது வாகியே. 5.45.10

    இத்தலம் சோழநாட்டிலுள்ளது.
    சுவாமிபெயர் - தோணியப்பர், தேவியார் - திருநிலைநாயகியம்மை.

    திருச்சிற்றம்பலம்


    5.46 திருப்புகலூர் - திருக்குறுந்தொகை



    திருச்சிற்றம்பலம்

    458 துன்னக் கோவணச் சுண்ணவெண் ணீறணி
    பொன்னக் கன்ன சடைப்புக லூரரோ
    மின்னக் கன்னவெண் டிங்களைப் பாம்புடன்
    என்னுக் கோவுடன் வைத்திட் டிருப்பதே. 5.46.1
    459 இரைக்கும் பாம்பு மெறிதரு திங்களும்
    நுரைக்குங் கங்கையும் நுண்ணிய செஞ்சடைப்
    புரைப்பி லாத பொழிற்புக லூரரை
    உரைக்கு மாசொல்லி ஒள்வளை சோருமே. 5.46.2
    460 ஊச லாம்அர வல்குலென் சோர்குழல்
    ஏச லாம்பழி தந்தெழில் கொண்டனர்
    ஓசொ லாய்மக ளேமுறை யோவென்று
    பூசல் நாமிடு தும்புக லூரர்க்கே. 5.46.3
    461 மின்னின் நேரிடை யாளுமை பங்கனைத்
    தன்னை நேரொப் பிலாத தலைவனைப்
    புன்னைக் கானற் பொழில்புக லூரனை
    என்னு ளாகவைத் தின்புற் றிருப்பனே. 5.46.4
    462 விண்ணி னார்மதி சூடிய வேந்தனை
    எண்ணி நாமங்கள் ஓதி எழுத்தஞ்சுங்
    கண்ணி னாற்கழல் காண்பிட மேதெனிற்
    புண்ணி யன்புக லூருமென் நெஞ்சுமே. 5.46.5
    463 அண்ட வாணர் அமுதுண நஞ்சுண்டு
    பண்டு நான்மறை யோதிய பாடலன்
    தொண்ட ராகித் தொழுது மதிப்பவர்
    புண்ட ரீகத்து ளார்புக லூரரே. 5.46.6
    464 தத்து வந்தலை கண்டறி வாரிலை
    தத்து வந்தலை கண்டவர் கண்டிலர்
    தத்து வந்தலை நின்றவர்க் கல்லது
    தத்து வன்னலன் தண்புக லூரனே. 5.46.7
    465 பெருங்கை யாகிப் பிளிறி வருவதோர்
    கருங்கை யானைக் களிற்றுரி போர்த்தவர்
    வருங்கை யானை மதகளி றஞ்சினைப்
    பொருங்கை யானைகண் டீர்புக லூரரே. 5.46.8
    466 பொன்னொத் தநிறத் தானும் பொருகடல்
    தன்னொத் தநிறத் தானும் அறிகிலாப்
    புன்னைத் தாது பொழிற்புக லூரரை
    என்னத் தாவென என்னிடர் தீருமே. 5.46.9
    467 மத்த னாய்மதி யாது மலைதனை
    எத்தி னான்றிரள் தோள்முடி பத்திற
    ஒத்தி னான்விர லாலொருங் கேத்தலும்
    பொத்தி னான்புக லூரைத் தொழுமினே. 5.46.10

    இத்தலம் சோழநாட்டிலுள்ளது.
    சுவாமிபெயர் - வர்த்தமானீசுவரர், தேவியார் - கருந்தார்க்குழலியம்மை.

    திருச்சிற்றம்பலம்


    5.47 திருவேகம்பம் - திருக்குறுந்தொகை



    திருச்சிற்றம்பலம்

    468 பண்டு செய்த பழவினை யின்பயன்
    கண்டுங் கண்டுங் களித்திகாண் நெஞ்சமே
    வண்டு லாமலர்ச் செஞ்சடை யேகம்பன்
    தொண்ட னாய்த்திரி யாய்துயர் தீரவே. 5.47.1
    469 நச்சி நாளும் நயந்தடி யார்தொழ
    இச்சை யாலுமை நங்கை வழிபடக்
    கொச்சை யார்குறு கார்செறி தீம்பொழிற்
    கச்சி யேகம்ப மேகை தொழுமினே. 5.47.2
    470 ஊனி லாவி இயங்கி உலகெலாம்
    தானு லாவிய தன்மைய ராகிலும்
    வானு லாவிய பாணி பிறங்கவெங்
    கானி லாடுவர் கச்சியே கம்பரே. 5.47.3
    471 இமையா முக்கணர் என்னெஞ்சத் துள்ளவர்
    தமையா ரும்மறி வொண்ணாத் தகைமையர்
    இமையோ ரேத்த இருந்தவன் ஏகம்பன்
    நமையா ளும்மவ னைத்தொழு மின்களே. 5.47.4
    472 மருந்தி னோடுநற் சுற்றமும் மக்களும்
    பொருந்தி நின்றெனக் காயவெம் புண்ணியன்
    கருந்த டங்கண்ணி னாளுமை கைதொழ
    இருந்த வன்கச்சி ஏகம்பத் தெந்தையே. 5.47.5
    473 பொருளி னோடுநற் சுற்றமும் பற்றிலர்க்
    கருளும் நன்மைதந் தாய அரும்பொருள்
    சுருள்கொள் செஞ்சடை யான்கச்சி யேகம்பம்
    இருள்கெடச் சென்று கைதொழு தேத்துமே. 5.47.6
    474 மூக்கு வாய்செவி கண்ணுட லாகிவந்
    தாக்கும் ஐவர்தம் ஆப்பை அவிழ்த்தருள்
    நோக்கு வான்நமை நோய்வினை வாராமே
    காக்கும் நாயகன் கச்சி யேகம்பனே. 5.47.7
    475 பண்ணில் ஓசை பழத்தினில் இன்சுவை
    பெண்ணொ டாணென்று பேசற் கரியவன்
    வண்ண மில்லி வடிவுவே றாயவன்
    கண்ணி லுண்மணி கச்சி யேகம்பனே. 5.47.8
    476 திருவின் நாயகன் செம்மலர் மேலயன்
    வெருவ நீண்ட விளங்கொளிச் சோதியான்
    ஒருவ னாயுணர் வாயுணர் வல்லதோர்
    கருவுள் நாயகன் கச்சி யேகம்பனே. 5.47.9
    477 இடுகு நுண்ணிடை ஏந்திள மென்முலை
    வடிவின் மாதர் திறம்மனம் வையன்மின்
    பொடிகொள் மேனியன் பூம்பொழிற் கச்சியுள்
    அடிகள் எம்மை அருந்துயர் தீர்ப்பரே. 5.47.10
    478 இலங்கை வேந்தன் இராவணன் சென்றுதன்
    விலங்க லையெடுக் கவ்விர லூன்றலுங்
    கலங்கிக் கச்சியே கம்பவோ வென்றலும்
    நலங்கொள் செலவளித் தானெங்கள் நாதனே. 5.47.11

    இத்தலம் தொண்டைநாட்டிலுள்ளது.
    சுவாமிபெயர் - ஏகாம்பரநாதர், தேவியார் - காமாட்சியம்மை.

    திருச்சிற்றம்பலம்


    5.48 திருவேகம்பம் - திருக்குறுந்தொகை



    திருச்சிற்றம்பலம்

    479 பூமே லானும் பூமகள் கேள்வனும்
    நாமே தேவ ரெனாமை நடுக்குறத்
    தீமே வும்முரு வாதிரு வேகம்பா
    ஆமோ அல்லற் படவடி யோங்களே. 5.48.1
    480 அருந்தி றல்அம ரர்அயன் மாலொடு
    திருந்த நின்று வழிபடத் தேவியோ
    டிருந்த வன்னெழி லார்கச்சி யேகம்பம்
    பொருந்தச் சென்று புடைபட் டெழுதுமே. 5.48.2
    481 கறைகொள் கண்டத்தெண் டோ ளிறை முக்கணன்
    மறைகொள் நாவினன் வானவர்க் காதியான்
    உறையும் பூம்பொழில் சூழ்கச்சி யேகம்பம்
    முறைமை யாற்சென்று முந்தித் தொழுதுமே. 5.48.3
    482 பொறிப்பு லன்களைப் போக்கறுத் துள்ளத்தை
    நெறிப்ப டுத்து நினைந்தவர் சிந்தையுள்
    அறிப்பு றும்மமு தாயவன் ஏகம்பம்
    குறிப்பி னாற்சென்று கூடித் தொழுதுமே. 5.48.4
    483 சிந்தை யுட்சிவ மாய்நின்ற செம்மையோ
    டந்தி யாய்அன லாய்ப்புனல் வானமாய்
    புந்தி யாய்ப்புகுந் துள்ளம் நிறைந்தவெம்
    எந்தை யேகம்பம் ஏத்தித் தொழுமினே. 5.48.5
    484 சாக்கி யத்தொடு மற்றுஞ் சமண்படும்
    பாக்கி யம்மிலார் பாடு செலாதுறப்
    பூக்கொள் சேவடி யான்கச்சி யேகம்பம்
    நாக்கொ டேத்தி நயந்து தொழுதுமே. 5.48.6
    485 மூப்பி னோடு முனிவுறுத் தெந்தமை
    ஆர்ப்ப தன்முன் னணிஅம ரர்க்கிறை
    காப்ப தாய கடிபொழில் ஏகம்பம்
    சேர்ப்ப தாகநாஞ் சென்றடைந் துய்துமே. 5.48.7
    486 ஆலு மாமயிற் சாயல்நல் லாரொடுஞ்
    சால நீயுறு மால்தவிர் நெஞ்சமே
    நீல மாமிடற் றண்ணலே கம்பனார்
    கோல மாமலர்ப் பாதமே கும்பிடே. 5.48.8
    487 பொய்ய னைத்தையும் விட்டவர் புந்தியுள்
    மெய்ய னைச்சுடர் வெண்மழு வேந்திய
    கைய னைக்கச்சி யேகம்பம் மேவிய
    ஐய னைத்தொழு வார்க்கில்லை யல்லலே. 5.48.9
    488 அரக்கன் றன்வலி உன்னிக் கயிலையை
    நெருக்கிச் சென்றெடுத் தான்முடி தோள்நெரித்
    திரக்க இன்னிசை கேட்டவன் ஏகம்பந்
    தருக்க தாகநாஞ் சார்ந்து தொழுதுமே. 5.48.10

    திருச்சிற்றம்பலம்


    5.49 திருவெண்காடு - திருக்குறுந்தொகை



    திருச்சிற்றம்பலம்

    489 பண்காட் டிப்படி யாயதன் பத்தர்க்குக்
    கண்காட் டிக்கண்ணில் நின்ற மணியொக்கும்
    பெண்காட் டிப்பிறைச் சென்னிவைத் தான்றிரு
    வெண்காட் டையடைந் துய்ம்மட நெஞ்சமே. 5.49.1
    490 கொள்ளி வெந்தழல் வீசிநின் றாடுவார்
    ஒள்ளி யகணஞ் சூழுமை பங்கனார்
    வெள்ளி யன்கரி யன்பசு வேறிய
    தெள்ளி யன்றிரு வெண்கா டடைநெஞ்சே. 5.49.2
    491 ஊனோக் குமின்பம் வேண்டி யுழலாதே
    வானோக் கும்வழி யாவது நின்மினோ
    தானோக் குந்தன் னடியவர் நாவினில்
    தேனோக் குந்திரு வெண்கா டடைநெஞ்சே. 5.49.3
    492 பருவெண் கோட்டுப்பைங் கண்மத வேழத்தின்
    உருவங் காட்டிநின் றானுமை அஞ்சவே
    பெருவெண் காட்டிறை வன்னுறை யும்மிடந்
    திருவெண் காடடைந் துய்ம்மட நெஞ்சமே. 5.49.4
    493 பற்ற வன்கங்கை பாம்பு மதியுடன்
    உற்ற வன்சடை யானுயர் ஞானங்கள்
    கற்ற வன்கய வர்புரம் ஓரம்பால்
    செற்ற வன்றிரு வெண்கா டடைநெஞ்சே. 5.49.5
    494 கூடி னானுமை யாளொரு பாகமாய்
    வேட னாய்விச யற்கருள் செய்தவன்
    சேட னார்சிவ னார்சிந்தை மேயவெண்
    காட னாரடி யேஅடை நெஞ்சமே. 5.49.6
    495 தரித்த வன்கங்கை பாம்பு மதியுடன்
    புரித்த புன்சடை யான்கய வர்புரம்
    எரித்த வன்மறை நான்கினோ டாறங்கம்
    விரித்த வன்னுறை வெண்கா டடைநெஞ்சே. 5.49.7
    496 பட்டம் இண்டை யவைகொடு பத்தர்கள்

    5.050 திருவாய்மூர் (398-406)



    5.51 திருப்பாலைத்துறை - திருக்குறுந்தொகை


    திருச்சிற்றம்பலம்

    510 நீல மாமணி கண்டத்தர் நீள்சடைக்
    கோல மாமதி கங்கையுங் கூட்டினார்
    சூல மான்மழு வேந்திச் சுடர்முடிப்
    பால்நெய் யாடுவர் பாலைத் துறையரே. 5.51.1
    511 கவள மால்களிற் றின்னுரி போர்த்தவர்
    தவள வெண்ணகை மங்கையோர் பங்கினர்
    திவள வானவர் போற்றித் திசைதொழும்
    பவள மேனியர் பாலைத் துறையரே. 5.51.2
    512 மின்னின் நுண்ணிடைக் கன்னியர் மிக்கெங்கும்
    பொன்னி நீர்மூழ்கிப் போற்றி யடிதொழ
    மன்னி நான்மறை யோடுபல் கீதமும்
    பன்னி னாரவர் பாலைத் துறையரே. 5.51.3
    513 நீடு காடிட மாய்நின்ற பேய்க்கணங்
    கூடு பூதங் குழுமிநின் றார்க்கவே
    ஆடி னாரழ காகிய நான்மறை
    பாடி னாரவர் பாலைத் துறையரே. 5.51.4
    514 சித்தர் கன்னியர் தேவர்கள் தானவர்
    பித்தர் நான்மறை வேதியர் பேணிய
    அத்த னேநமை யாளுடை யாயெனும்
    பத்தர் கட்கன்பர் பாலைத் துறையரே. 5.51.5
    515 விண்ணி னார்பணிந் தேத்த வியப்புறும்
    மண்ணி னார்மற வாதுசி வாயவென்
    றெண்ணி னார்க்கிட மாவெழின் வானகம்
    பண்ணி னாரவர் பாலைத் துறையரே. 5.51.6
    516 குரவ னார்கொடு கொட்டியுங் கொக்கரை
    விரவி னார்பண் கெழுமிய வீணையும்
    மருவு நாண்மலர் மல்லிகை செண்பகம்
    பரவு நீர்ப்பொன்னிப் பாலைத் துறையரே. 5.51.7
    517 தொடருந் தொண்டரைத் துக்கந் தொடர்ந்துவந்
    தடரும் போதர னாயருள் செய்பவர்
    கடலின் நஞ்சணி கண்டர் கடிபுனற்
    படருஞ் செஞ்சடைப் பாலைத் துறையரே. 5.51.8
    518 மேகந் தோய்பிறை சூடுவர் மேகலை
    நாகந் தோய்ந்த அரையினர் நல்லியற்
    போகந் தோய்ந்த புணர்முலை மங்கையோர்
    பாகந் தோய்ந்தவர் பாலைத் துறையரே. 5.51.9
    519 வெங்கண் வாளர வாட்டி வெருட்டுவர்
    அங்க ணாரடி யார்க்கருள் நல்குவர்
    செங்கண் மாலயன் தேடற் கரியவர்
    பைங்கண் ஏற்றினர் பாலைத் துறையரே. 5.51.10
    520 உரத்தி னாலரக் கன்னுயர் மாமலை
    நெருக்கி னானை நெரித்தவன் பாடலும்
    இரக்க மாவருள் செய்தபா லைத்துறைக்
    கரத்தி னாற்றொழு வார்வினை யோயுமே. 5.51.11

    இத்தலம் சோழநாட்டிலுள்ளது.
    சுவாமிபெயர் - பாலைவனநாதர், தேவியார் - தவளவெண்ணகையம்மை.

    திருச்சிற்றம்பலம்


    5.52 திருநாகேச்சரம் - திருக்குறுந்தொகை



    திருச்சிற்றம்பலம்

    521 நல்லர் நல்லதோர் நாகங்கொண் டாட்டுவர்
    வல்லர் வல்வினை தீர்க்கும் மருந்துகள்
    பல்லில் ஓடுகை யேந்திப் பலிதிரி
    செல்வர் போல்திரு நாகேச் சரவரே. 5.52.1
    522 நாவ லம்பெருந் தீவினில் வாழ்பவர்
    மேவி வந்து வணங்கி வினையொடு
    பாவ மாயின பற்றறு வித்திடுந்
    தேவர் போல்திரு நாகேச் சரவரே. 5.52.2
    523 ஓத மார்கட லின்விட முண்டவர்
    ஆதி யார்அய னோடம ரர்க்கெலாம்
    மாதோர் கூறர் மழுவல னேந்திய
    நாதர் போல்திரு நாகேச் சரவரே. 5.52.3
    524 சந்தி ரன்னொடு சூரியர் தாமுடன்
    வந்து சீர்வழி பாடுகள் செய்தபின்
    ஐந்த லையர வின்பணி கொண்டருள்
    மைந்தர் போல்மணி நாகேச் சரவரே. 5.52.4
    525 பண்டோ ர் நாளிகழ் வான்பழித் தக்கனார்
    கொண்ட வேள்விக் குமண்டை யதுகெடத்
    தண்ட மாவிதா தாவின் றலைகொண்ட
    செண்டர் போல்திரு நாகேச் சரவரே. 5.52.5
    526 வம்பு பூங்குழல் மாது மறுகவோர்
    கம்ப யானை யுரித்த கரத்தினர்
    செம்பொ னாரித ழிம்மலர்ச் செஞ்சடை
    நம்பர் போல்திரு நாகேச் சரவரே. 5.52.6
    527 மானை யேந்திய கையினர் மையறு
    ஞானச் சோதியர் தியர் நாமந்தான்
    ஆன அஞ்செழுத் தோதவந் தண்ணிக்குந்
    தேனர் போல்திரு நாகேச் சரவரே. 5.52.7
    528 கழல்கொள் காலினர் காலனைக் காய்ந்தவர்
    தழல்கொள் மேனியர் சாந்தவெண் ணீறணி
    அழகர் ஆல்நிழற் கீழற மோதிய
    குழகர் போல்குளிர் நாகேச் சரவரே. 5.52.8
    529 வட்ட மாமதில் மூன்றுடன் வல்லரண்
    சுட்ட செய்கைய ராகிலுஞ் சூழ்ந்தவர்
    குட்ட வல்வினை தீர்த்துக் குளிர்விக்குஞ்
    சிட்டர் போல்திரு நாகேச் சரவரே. 5.52.9
    530 தூர்த்தன் றோண்முடி தாளுந் தொலையவே
    சேர்த்தி னார்திருப் பாதத் தொருவிரல்
    ஆர்த்து வந்துல கத்தவ ராடிடுந்
    தீர்த்தர் போல்திரு நாகேச் சரவரே. 5.52.10

    இத்தலம் சோழநாட்டிலுள்ளது.
    சுவாமிபெயர் - செண்பகாரணியேசுவரர்,
    தேவியார் - குன்றமுலைநாயகியம்மை.

    திருச்சிற்றம்பலம்


    5.53 திருவதிகைவீரட்டம் - திருக்குறுந்தொகை



    திருச்சிற்றம்பலம்

    531 கோணன் மாமதி சூடியோர் கோவணம்
    நாணில் வாழ்க்கை நயந்தும் பயனிலை
    பாணில் வீணை பயின்றவன் வீரட்டங்
    காணில் அல்லதென் கண்டுயில் கொள்ளுமே. 5.53.1
    532 பண்ணி னைப்பவ ளத்திரள் மாமணி
    அண்ண லையம ரர்தொழு மாதியைச்
    சுண்ண வெண்பொடி யான்றிரு வீரட்டம்
    நண்ணி லல்லதென் கண்டுயில் கொள்ளுமே. 5.53.2
    533 உற்ற வர்தம் உறுநோய் களைபவர்
    பெற்ற மேறும் பிறங்கு சடையினர்
    சுற்றும் பாய்புனல் சூழ்திரு வீரட்டங்
    கற்கி லல்லதென் கண்டுயில் கொள்ளுமே. 5.53.13
    534 முற்றா வெண்மதி சூடும் முதல்வனார்
    செற்றார் வாழுந் திரிபுரந் தீயெழ
    விற்றான் கொண்டெயி லெய்தவர் வீரட்டங்
    கற்றா லல்லதென் கண்டுயில் கொள்ளுமே. 5.53.4
    535 பல்லா ரும்பல தேவர் பணிபவர்
    நல்லா ருந்நயந் தேத்தப் படுபவன்
    வில்லால் மூவெயி லெய்தவன் வீரட்டங்
    கல்லே னாகிலென் கண்டுயில் கொள்ளுமே. 5.53.5
    536 வண்டார் கொன்றையும் மத்தம் வளர்சடைக்
    கொண்டான் கோல மதியோ டரவமும்
    விண்டார் மும்மதி லெய்தவன் வீரட்டங்
    கண்டா லல்லதென் கண்டுயில் கொள்ளுமே. 5.53.6
    537 அரையார் கோவண ஆடைய னாறெலாந்
    திரையார் ஒண்புனல் பாய்கெடி லக்கரை
    விரையார் நீற்றன் விளங்கு வீரட்டன்பாற்
    கரையே னாகிலென் கண்டுயில் கொள்ளுமே. 5.53.7
    538 நீறு டைத்தடந் தோளுடை நின்மலன்
    ஆறு டைப்புனல் பாய்கெடி லக்கரை
    ஏறு டைக்கொடி யான்றிரு வீரட்டங்
    கூறி லல்லதென் கண்டுயில் கொள்ளுமே. 5.53.8
    539 செங்கண் மால்விடை யேறிய செல்வனார்
    பைங்க ணானையின் ஈருரி போர்த்தவர்
    அங்கண் ஞாலம தாகிய வீரட்டங்
    கங்கு லாகவென் கண்டுயில் கொள்ளுமே. 5.53.9
    540 பூணா ணாரம் பொருந்த வுடையவர்
    நாணா கவ்வரை வில்லிடை யம்பினாற்
    பேணார் மும்மதி லெய்தவன் வீரட்டங்
    காணே னாகிலென் கண்டுயில் கொள்ளுமே. 5.53.10
    541 வரையார்ந் தவயி ரத்திரள் மாணிக்கந்
    திரையார்ந் தபுனல் பாய்கெடி லக்கரை
    விரையார் நீற்றன் விளங்கிய வீரட்டம்
    உரையே னாகிலென் கண்டுயில் கொள்ளுமே. 5.53.11
    542 உலந்தார் வெண்டலை உண்கல னாகவே
    வலந்தான் மிக்கவன் வாளரக் கன்றனைச்
    சிலம்பார் சேவடி யூன்றினான் வீரட்டம்
    புலம்பே னாகிலென் கண்டுயில் கொள்ளுமே. 5.53.12

    இத்தலம் நடுநாட்டிலுள்ளது.
    சுவாமிபெயர் - வீரட்டானேசுவரர், தேவியார் - திருவதிகைநாயகியம்மை.
    திருச்சிற்றம்பலம்



    5.54 திருவதிகைவீரட்டம் - திருக்குறுந்தொகை


    திருச்சிற்றம்பலம்

    543 எட்டு நாண்மலர் கொண்டவன் சேவடி
    மட்ட லரிடு வார்வினை மாயுமாற்
    கட்டித் தேன்கலந் தன்ன கெடிலவீ
    ரட்ட னாரடி சேரு மவருக்கே. 5.54.1
    544 நீள மாநினைந் தெண்மலர் இட்டவர்
    கோள வல்வினை யுங்குறை விப்பரால்
    வாள மாலிழி யுங்கெடி லக்கரை
    வேளி சூழ்ந்தழ காய வீரட்டரே. 5.54.2
    545 கள்ளின் நாண்மல ரோரிரு நான்குகொண்
    டுள்குவா ரவர் வல்வினை யோட்டுவார்
    தெள்ளு நீர்வயல் பாய்கெடி லக்கரை
    வெள்ளை நீறணி மேனிவீ ரட்டரே. 5.54.3
    546 பூங்கொத் தாயின மூன்றொடோ ரைந்திட
    வாங்கி நின்றவர் வல்வினை யோட்டுவார்
    வீங்கு தண்புனல் பாய்கெடி லக்கரை
    வேங்கைத் தோலுடை யாடைவீ ரட்டரே. 5.54.4
    547 தேனப் போதுகள் மூன்றொடோ ரைந்துடன்
    தானப் போதிடு வார்வினை தீர்ப்பவர்
    மீனத் தண்புனல் பாய்கெடி லக்கரை
    வேன லானை யுரித்தவீ ரட்டரே. 5.54.5
    548 ஏழித் தொன்மலர் கொண்டு பணிந்தவர்
    ஊழித் தொல்வினை யோட அகற்றுவார்
    பாழித் தண்புனல் பாய்கெடி லக்கரை
    வேழத் தின்னுரி போர்த்தவீ ரட்டரே. 5.54.6
    549 உரைசெய் நூல்வழி யொண்மல ரெட்டிடத்
    திரைகள் போல்வரு வல்வினை தீர்ப்பரால்
    வரைகள் வந்திழி யுங்கெடி லக்கரை
    விரைகள் சூழ்ந்தழ காயவீ ரட்டரே. 5.54.7
    550 ஓலி வண்டறை யொண்மல ரெட்டினாற்
    காலை யேத்த வினையைக் கழிப்பரால்
    ஆலி வந்திழி யுங்கெடி லக்கரை
    வேலி சூழ்ந்தழ காயவீ ரட்டரே. 5.54.8
    551 தாரித் துள்ளித் தடமல ரெட்டினாற்
    பாரித் தேத்தவல் லார்வினை பாற்றுவார்
    மூரித் தெண்டிரை பாய்கெடி லக்கரை
    வேரிச் செஞ்சடை வேய்ந்தவீ ரட்டரே. 5.54.9
    552 அட்ட புட்பம் அவைகொளு மாறுகொண்
    டட்ட மூர்த்தி அனாதிதன் பாலணைந்
    தட்டு மாறுசெய் கிற்ப அதிகைவீ
    ரட்ட னாரடி சேரு மவர்களே. 5.54.10

    திருச்சிற்றம்பலம்

    5.55 திருநாரையூர் - திருக்குறுந்தொகை


    திருச்சிற்றம்பலம்

    553 வீறு தானுடை வெற்பன் மடந்தையோர்
    கூற னாகிலுங் கூன்பிறை சூடிலும்
    நாறு பூம்பொழில் நாரையூர் நம்பனுக்
    காறு சூடலும் அம்ம அழகிதே. 5.55.1
    554 புள்ளி கொண்ட புலியுரி யாடையும்
    வெள்ளி கொண்டவெண் பூதிமெய் யாடலும்
    நள்ளி தெண்டிரை நாரையூ ரான்நஞ்சை
    அள்ளி யுண்டலும் அம்ம அழகிதே. 5.55.2

    555 வேடு தங்கிய வேடமும் வெண்டலை
    ஓடு தங்கிய வுண்பலி கொள்கையும்
    நாடு தங்கிய நாரையூ ரான்நடம்
    ஆடு பைங்கழல் அம்ம அழகிதே. 5.55.3
    556 கொக்கின் றூவலுங் கூவிளங் கண்ணியும்
    மிக்க வெண்டலை மாலை விரிசடை
    நக்க னாகிலும் நாரையூர் நம்பனுக்
    கக்கி னாரமும் அம்ம அழகிதே. 5.55.4
    557 வடிகொள் வெண்மழு மானமர் கைகளும்
    பொடிகொள் செம்பவ ளம்புரை மேனியும்
    நடிகொள் நன்மயில் சேர்திரு நாரையூர்
    அடிகள் தம்வடி வம்ம அழகிதே. 5.55.5
    558 சூல மல்கிய கையுஞ் சுடரொடு
    பாலு நெய்தயி ராடிய பான்மையும்
    ஞால மல்கிய நாரையூர் நம்பனுக்
    கால நீழலும் அம்ம அழகிதே. 5.55.6
    559 பண்ணி னான்மறை பாடலொ டாடலும்
    எண்ணி லார்புர மூன்றெரி செய்ததும்
    நண்ணி னார்துயர் தீர்த்தலும் நாரையூர்
    அண்ண லார்செய்கை அம்ம அழகிதே. 5.55.7
    560 என்பு பூண்டெரு தேறி இளம்பிறை
    மின்பு ரிந்த சடைமேல் விளங்கவே
    நன்ப கற்பலி தேரினும் நாரையூர்
    அன்ப னுக்கது அம்ம அழகிதே. 5.55.8
    561 முரலுங் கின்னரம் மொந்தை முழங்கவே
    இரவி னின்றெரி யாடலு நீடுவான்
    நரலும் வாரிநன் னாரையூர் நம்பனுக்
    கரவும் பூணுதல் அம்ம அழகிதே. 5.55.9
    562 கடுக்கை யஞ்சடை யன்கயி லைம்மலை
    எடுத்த வாளரக் கன்றலை ஈரைஞ்சும்
    நடுக்கம் வந்திற நாரையூ ரான்விரல்
    அடுத்த தன்மையும் அம்ம அழகிதே. 5.55.10

    இத்தலம் சோழநாட்டிலுள்ளது.
    சுவாமிபெயர் - சவுந்தரேசுவரர், தேவியார் - திருபுரசுந்தரநாயகி.
    திருச்சிற்றம்பலம்

    5.56 திருக்கோளிலி - திருக்குறுந்தொகை



    திருச்சிற்றம்பலம்

    563 மைக்கொள் கண்ணுமை பங்கினன் மான்மழுத்
    தொக்க கையினன் செய்யதோர் சோதியன்
    கொக்க மர்பொழில் சூழ்தரு கோளிலி
    நக்க னைத்தொழ நம்வினை நாசமே. 5.56.1
    564 முத்தி னைமுத லாகிய மூர்த்தியை
    வித்தி னைவிளை வாய விகிர்தனைக்
    கொத்த லர்பொழில் சூழ்தரு கோளிலி
    அத்த னைத்தொழ நீங்கும்நம் மல்லலே. 5.56.2
    565 வெண்டி ரைப்பர வைவிட முண்டதோர்
    கண்ட னைக்கலந் தார்தமக் கன்பனைக்
    கொண்ட லம்பொழிற் கோளிலி மேவிய
    அண்ட னைத்தொழு வார்க்கல்ல லில்லையே. 5.56.3
    566 பலவும் வல்வினை பாறும் பரிசினால்
    உலவுங் கங்கையுந் திங்களும் ஒண்சடை
    குலவி னான்குளி ரும்பொழிற் கோளிலி
    நிலவி னான்றனை நித்தல் நினைமினே. 5.56.4
    567 அல்ல லாயின தீரும் அழகிய
    முல்லை வெண்முறு வல்லுமை யஞ்சவே
    கொல்லை யானை யுரித்தவன் கோளிலிச்
    செல்வன் சேவடி சென்று தொழுமினே. 5.56.5
    568 ஆவின் பால்கண் டளவில் அருந்தவப்
    பாலன் வேண்டலுஞ் செல்லென்று பாற்கடல்
    கூவி னான்குளி ரும்பொழிற் கோளிலி
    மேவி னானைத் தொழவினை வீடுமே. 5.56.6
    569 சீர்த்த நன்மனை யாளுஞ் சிறுவரும்
    ஆர்த்த சுற்றமும் பற்றிலை யாதலாற்
    கூத்த னாருறை யுந்திருக் கோளிலி
    ஏத்தி நீர்தொழு மின்னிடர் தீருமே. 5.56.7
    570 மால தாகி மயங்கு மனிதர்காள்
    காலம் வந்து கடைமுடி யாமுனங்
    கோல வார்பொழிற் கோளிலி மேவிய
    நீல கண்டனை நின்று நினைமினே. 5.56.8
    571 கேடு மூடிக் கிடந்துண்ணு நாடது
    தேடி நீர்திரி யாதே சிவகதி
    கூட லாந்திருக் கோளிலி ஈசனைப்
    பாடு மின்னிர வோடு பகலுமே. 5.56.8
    572 மடுத்து மாமலை யேந்தலுற் றான்றனை
    அடர்த்துப் பின்னும் இரங்கி யவற்கருள்
    கொடுத்த வன்னுறை கோளிலி யேதொழ
    விடுத்து நீங்கிடும் மேலை வினைகளே. 5.56.9
    இத்தலம் சோழநாட்டிலுள்ளது.
    சுவாமிபெயர் - கோளிலிநாதர், தேவியார் - வண்டமர்பூங்குழலம்மை.
    திருச்சிற்றம்பலம்


    5. 57 திருக்கோளிலி - திருக்குறுந்தொகை


    திருச்சிற்றம்பலம்

    573 முன்ன மேநினை யாதொழிந் தேனுனை
    இன்னம் நானுன சேவடி யேத்திலேன்
    செந்நெ லார்வயல் சூழ்திருக் கோளிலி
    மன்ன னேயடி யேனை மறவலே. 5.57.1
    574 விண்ணு ளார்தொழு தேத்தும் விளக்கினை
    மண்ணு ளார்வினை தீர்க்கு மருந்தினைப்
    பண்ணு ளார்பயி லுந்திருக் கோளிலி
    அண்ண லாரடி யேதொழு துய்ம்மினே. 5.57.2
    575 நாளும் நம்முடை நாள்கள் அறிகிலோம்
    ஆளும் நோய்களோ ரைம்பதோ டாறெட்டும்
    ஏழை மைப்பட் டிருந்துநீர் நையாதே
    கோளி லியரன் பாதமே கூறுமே. 5.57.3
    576 விழவி னோசை ஒலியறாத் தண்பொழில்
    பழகி னார்வினை தீர்க்கும் பழம்பதி
    அழல்கை யானம ருந்திருக் கோளிலிக்
    குழக னார்திருப் பாதமே கூறுமே. 5.57.4
    577 மூல மாகிய மூவர்க்கு மூர்த்தியைக்
    கால னாகிய காலற்குங் காலனைக்
    கோல மாம்பொழில் சூழ்திருக் கோளிலிச்
    சூல பாணிதன் பாதந் தொழுமினே. 5.57.5
    578 காற்ற னைக்கடல் நஞ்சமு துண்டவெண்
    ணீற்ற னைநிமிர் புன்சடை யண்ணலை
    ஆற்ற னையம ருந்திருக் கோளிலி
    ஏற்ற னாரடி யேதொழு தேத்துமே. 5.57.6
    579 வேத மாயவிண் ணோர்கள் தலைவனை
    ஓதி மன்னுயி ரேத்து மொருவனைக்
    கோதி வண்டறை யுந்திருக் கோளிலி
    வேத நாயகன் பாதம் விரும்புமே. 5.57.7
    580 நீதி யாற்றொழு வார்கள் தலைவனை
    வாதை யான விடுக்கும் மணியினை
    கோதி வண்டறை யுந்திருக் கோளிலி
    வேத நாயகன் பாதம் விரும்புமே. 5.57.8
    581 மாலும் நான்முக னாலும் அறிவொணாப்
    பாலின் மென்மொழி யாளொரு பங்கனைக்
    கோல மாம்பொழில் சூழ்திருக் கோளிலி
    நீல கண்டனை நித்தல் நினைமினே. 5.57.9
    582 அரக்க னாய இலங்கையர் மன்னனை
    நெருக்கி யம்முடி பத்திறுத் தானவற்
    கிரக்க மாகிய வன்றிருக் கோளிலி
    அருத்தி யாயடி யேதொழு துய்ம்மினே. 5.57.10

    திருச்சிற்றம்பலம்

    5.58 திருப்பழையாறைவடதளி - திருக்குறுந்தொகை


    திருச்சிற்றம்பலம்

    583 தலையெ லாம்பறிக் குஞ்சமண் கையருள்
    நிலையி னான்மறைத் தான்மறைக் கொண்ணுமே
    அலையி னார்பொழி லாறை வடதளி
    நிலையி னானடி யேநினைந் துய்ம்மினே. 5.58.1
    584 மூக்கி னால்முரன் றோதியக் குண்டிகை
    தூக்கி னார்குலந் தூரறுத் தேதனக்
    காக்கி னானணி யாறை வடதளி
    நோக்கி னார்க்கில்லை யாலரு நோய்களே. 5.58.2

    585 குண்ட ரைக்குண மில்லரைக் கூறையில்
    மிண்ட ரைத்துரந் தவிம லன்றனை
    அண்ட ரைப்பழை யாறை வடதளிக்
    கண்ட ரைத்தொழு துய்ந்தன கைகளே. 5.58.3
    586 முடைய ரைத்தலை முண்டிக்கும் மொட்டரை
    கடைய ரைக்கடிந் தார்கனல் வெண்மழுப்
    படைய ரைப்பழை யாறை வடதளி
    உடைய ரைக்குளிர்ந் துள்குமென் உள்ளமே. 5.58.4
    587 ஒள்ள ரிக்கணார் முன்னமண் நின்றுணுங்
    கள்ள ரைக்கடிந் தகருப் பூறலை
    அள்ள லம்புன லாறை வடதளி
    வள்ள லைப்புக ழத்துயர் வாடுமே. 5.58.5
    588 நீதி யைக்கெட நின்றம ணேயுணுஞ்
    சாதி யைக்கெடு மாசெய்த சங்கரன்
    ஆதி யைப்பழை யாறை வடதளிச்
    சோதி யைத்தொழு வார்துயர் தீருமே. 5.58.6
    589 திரட்டி ரைக்க வளந்திணிக் குஞ்சமண்
    பிரட்ட ரைப்பிரித் தபெரு மான்றனை
    அருட்டி றத்தணி யாறை வடதளித்
    தெருட்ட ரைத்தொழத் தீவினை தீருமே. 5.58.7
    590 ஓதி னத்தெழுத் தஞ்சுண ராச்சமண்
    வேதி னைப்படுத் தானைவெங் கூற்றுதை
    பாத னைப்பழை யாறை வடதளி
    நாத னைத்தொழ நம்வினை நாசமே.
    வேது என்பது - வெப்பம். 5.58.8
    591 வாயி ருந்தமி ழேபடித் தாளுறா
    ஆயி ரஞ்சம ணும்மழி வாக்கினான்
    பாயி ரும்புன லாறை வடதளி
    மேய வன்னென வல்வினை வீடுமே. 5.58.9
    592 செருத்த னைச்செயுஞ் சேணரக் கன்னுடல்
    எருத்தி றவிர லாலிறை யூன்றிய
    அருத்த னைப்பழை யாறை வடதளித்
    திருத்த னைத்தொழு வார்வினை தேயுமே. 5.58.10

    இத்தலம் சோழநாட்டிலுள்ளது.
    சுவாமிபெயர் - சோமேசுவரர், தேவியார் - சோமகலாநாயகியம்மை.
    திருச்சிற்றம்பலம்


    5.59 திருமாற்பேறு - திருக்குறுந்தொகை


    திருச்சிற்றம்பலம்

    593 பொருமாற் றின்படை வேண்டிநற் பூம்புனல்
    வருமாற் றின்மலர் கொண்டு வழிபடுங்
    கருமாற் கின்னருள் செய்தவன் காண்டகு
    திருமாற் பேறு தொழவினை தேயுமே. 5.59.1
    594 ஆலத் தார்நிழ லில்லறம் நால்வர்க்குக்
    கோலத் தாலுரை செய்தவன் குற்றமில்
    மாலுக் காரருள் செய்தவன் மாற்பேறு
    ஏலத் தான்றொழு வார்க்கிட ரில்லையே. 5.59.2
    595 துணிவண் ணச்சுட ராழிகொள் வானெண்ணி
    அணிவண் ணத்தலர் கொண்டடி யர்ச்சித்த
    மணிவண் ணற்கருள் செய்தவன் மாற்பேறு
    பணிவண் ணத்தவர்க் கில்லையாம் பாவமே. 5.59.3
    596 தீத வைசெய்து தீவினை வீழாதே
    காதல் செய்து கருத்தினில் நின்றநன்
    மாத வர்பயில் மாற்பேறு கைதொழப்
    போது மின்வினை யாயின போகுமே. 5.59.4
    597 வார்கொள் மென்முலை மங்கையோர் பங்கினன்
    வார்கொள் நன்முர சம்மறை யவ்வறை
    வார்கொள் பைம்பொழில் மாற்பேறு கைதொழு
    வார்கள் மன்னுவர் பொன்னுல கத்திலே. 5.59.5
    598 பண்டை வல்வினை பற்றறுக் கும்வகை
    உண்டு சொல்லுவன் கேண்மின் ஒளிகிளர்
    வண்டு சேர்பொழில் சூழ்திரு மாற்பேறு
    கண்டு கைதொழத் தீருங் கவலையே. 5.59.6
    599 மழுவ லான்றிரு நாமம் மகிழ்ந்துரைத்
    தழவ லார்களுக் கன்புசெய் தின்பொடும்
    வழுவி லாவருள் செய்தவன் மாற்பேறு
    தொழவ லார்தமக் கில்லை துயரமே. 5.59.7
    600 முன்ன வனுல குக்கு முழுமணிப்
    பொன்ன வன்றிகழ் முத்தொடு போகமாம்
    மன்ன வன்றிரு மாற்பேறு கைதொழும்
    அன்ன வரெமை யாளுடை யார்களே. 5.59.8
    601 வேட னாய்விச யன்னொடும் எய்துவெங்
    காடு நீடுகந் தாடிய கண்ணுதல்
    மாட நீடுய ருந்திரு மாற்பேறு
    பாடு வார்பெறு வார்பர லோகமே. 5.59.9
    602 கருத்த னாய்க்கயி லாய மலைதனைத்
    தருக்கி னாலெடுத் தானைத் தகரவே
    வருத்தி யாரருள் செய்தவன் மாற்பேறு
    அருத்தி யாற்றொழு வார்க்கில்லை அல்லலே. 5.59.10

    இத்தலம் தொண்டைநாட்டிலுள்ளது.
    சுவாமிபெயர் - மால்வணங்குமீசர், தேவியார் - கருணைநாயகியம்மை.
    திருச்சிற்றம்பலம்


    5.60 திருமாற்பேறு - திருக்குறுந்தொகை


    திருச்சிற்றம்பலம்

    603 ஏது மொன்று மறிவில ராயினும்
    ஓதி அஞ்செழுத் தும்முணர் வார்கட்குப்
    பேத மின்றி அவரவர் உள்ளத்தே
    மாதுந் தாமும் மகிழ்வர்மாற் பேறரே. 5.60.1
    604 அச்ச மில்லைநெஞ் சேயரன் நாமங்கள்
    நிச்ச லுந்நினை யாய்வினை போயறக்
    கச்ச மாவிட முண்டகண் டாவென
    வைச்ச மாநிதி யாவர் மாற்பேறரே. 5.60.2
    605 சாத்தி ரம்பல பேசுஞ் சழக்கர்காள்
    கோத்தி ரமுங்கு லமுங்கொண் டென்செய்வீர்
    பாத்தி ரஞ்சிவ மென்று பணிதிரேல்
    மாத்தி ரைக்குள் அருளுமாற் பேறரே. 5.60.3
    606 இருந்து சொல்லுவன் கேண்மின்கள் ஏழைகாள்
    அருந்த வந்தரும் அஞ்செழுத் தோதினாற்
    பொருந்து நோய்பிணி போகத் துரப்பதோர்
    மருந்து மாகுவர் மன்னுமாற் பேறரே. 5.60.4
    607 சாற்றிச் சொல்லுவன் கேண்மின் தரணியீர்
    ஏற்றின் மேல்வரு வான்கழ லேத்தினாற்
    கூற்றை நீக்கிக் குறைவறுத் தாள்வதோர்
    மாற்றி லாச்செம்பொ னாவர்மாற் பேறரே. 5.60.5
    608 ஈட்டு மாநிதி சால இழக்கினும்
    வீட்டுங் காலன் விரைய அழைக்கினுங்
    காட்டில் மாநட மாடுவாய் காவெனில்
    வாட்டந் தீர்க்கவும் வல்லர்மாற் பேறரே. 5.60.6
    609 ஐய னேயர னேயென் றரற்றினால்
    உய்ய லாமுல கத்தவர் பேணுவர்
    செய்ய பாத மிரண்டும் நினையவே
    வைய மாளவும் வைப்பர்மாற் பேறரே. 5.60.7
    இப்பதிகத்தில் 8,9-ம் செய்யுட்கள் சிதைந்து போயின. 5.60.8-9

    610 உந்திச் சென்று மலையை யெடுத்தவன்
    சந்து தோளொடு தாளிற வூன்றினான்
    மந்தி பாய்பொழில் சூழுமாற் பேறென
    அந்த மில்லதோர் இன்பம் அணுகுமே. 5.60.10

    திருச்சிற்றம்பலம்


    5.61 திருஅரிசிற்கரைப்புத்தூர் - திருக்குறுந்தொகை



    திருச்சிற்றம்பலம்

    611 முத்தூ ரும்புனல் மொய்யரி சிற்கரைப்
    புத்தூ ரன்னடி போற்றியென் பாரெலாம்
    பொய்த்தூ ரும்புல னைந்தொடு புல்கிய
    மைத்தூ ரும்வினை மாற்றவும் வல்லரே. 5.61.1
    612 பிறைக்க ணிச்சடை யெம்பெரு மானென்று
    கறைக்க ணித்தவர் கண்ட வணக்கத்தாய்
    உறக்க ணித்துரு காமனத் தார்களைப்
    புறக்க ணித்திடும் புத்தூர்ப் புனிதரே. 5.61.2
    613 அரிசி லின்கரை மேலணி யார்தரு
    புரிசை நந்திருப் புத்தூர்ப் புனிதனைப்
    பரிசொ டும்பர விப்பணி வார்க்கெலாந்
    துரிசில் நன்னெறி தோன்றிடுங் காண்மினே. 5.61.3
    614 வேத னைமிகு வீணையின் மேவிய
    கீத னைக்கிள ருந்நறுங் கொன்றையம்
    போத னைப்புனல் சூழ்ந்தபுத் தூரனை
    நாத னைந்நினைந் தென்மனம் நையுமே. 5.61.4
    615 அருப்புப் போன்முலை யாரல்லல் வாழ்க்கைமேல்
    விருப்புச் சேர்நிலை விட்டுநல் லிட்டமாய்
    திருப்புத் தூரனைச் சிந்தை செயச்செயக்
    கருப்புச் சாற்றிலும் அண்ணிக்குங் காண்மினே. 5.61.5
    616 பாம்பொ டுமதி யும்படர் புன்சடைப்
    பூம்பு னலும்பொ திந்தபுத் தூருளான்
    நாம்ப ணிந்தடி போற்றிட நாடொறுஞ்
    சாம்பல் என்பு தனக்கணி யாகுமே. 5.61.6
    617 கனலங் கைதனி லேந்திவெங் காட்டிடை
    அனலங் கெய்திநின் றாடுவர் பாடுவர்
    பினலஞ் செஞ்சடை மேற்பிறை யுந்தரு
    புனலுஞ் சூடுவர் போலும்புத் தூரரே. 5.61.7
    618 காற்றி னுங்கடி தாகி நடப்பதோர்
    ஏற்றி னும்மிசைந் தேறுவர் என்பொடு
    நீற்றி னையணி வர்நினை வாய்த்தமைப்
    போற்றி யென்பவர்க் கன்பர்புத் தூரரே. 5.61.8
    619 முன்னு முப்புரஞ் செற்றன ராயினும்
    அன்ன மொப்பர் அலந்தடைந் தார்க்கெலாம்
    மின்னு மொப்பர் விரிசடை மேனிசெம்
    பொன்னு மொப்பர்புத் தூரெம் புனிதரே. 5.61.9
    620 செருத்த னாற்றன தேர்செல வுய்த்திடுங்
    கருத்த னாய்க்கயி லையெடுத் தானுடல்
    பருத்த தோள்கெடப் பாதத் தொருவிரல்
    பொருத்தி னார்பொழி லார்ந்தபுத் தூரரே. 5.61.10
    இத்தலம் சோழநாட்டிலுள்ளது.
    சுவாமிபெயர் - படிக்காசுவைத்தநாதர், தேவியார் - அழகாம்பிகை.
    திருச்சிற்றம்பலம்


    5.62 திருக்கடுவாய்க்கரைப்புத்தூர் - திருக்குறுந்தொகை


    திருச்சிற்றம்பலம்

    621 ஒருத்த னைமூ வுலகொடு தேவர்க்கும்
    அருத்த னையடி யேன்மனத் துள்ளமர்
    கருத்த னைக்கடு வாய்ப்புன லாடிய
    திருத்த னைப்புத்தூர் சென்றுகண் டுய்ந்தேனே. 5.62.1
    622 யாவ ருமறி தற்கரி யான்றனை
    மூவ ரின்முத லாகிய மூர்த்தியை
    நாவின் நல்லுரை யாகிய நாதனைத்
    தேவனைப் புத்தூர் சென்றுகண் டுய்ந்தேனே. 5.62.2
    623 அன்ப னையடி யாரிடர் நீக்கியைச்
    செம்பொ னைத்திக ழுந்திருக் கச்சியே
    கம்ப னைக்கடு வாய்க்கரைத் தென்புத்தூர்
    நம்ப னைக்கண்டு நானுய்யப் பெற்றேனே. 5.62.3
    624 மாத னத்தைமா தேவனை மாறிலாக்
    கோத னத்திலைந் தாடியை வெண்குழைக்
    காத னைக்கடு வாய்க்கரைத் தென்புத்தூர்
    நாத னைக்கண்டு நானுய்யப் பெற்றேனே. 5.62.4
    625 குண்டு பட்டகுற் றந்தவிர்த் தென்னையாட்
    கொண்டு நற்றிறங் காட்டிய கூத்தனைக்
    கண்ட னைக்கடு வாய்க்கரைத் தென்புத்தூர்
    அண்ட னைக்கண் டருவினை யற்றேனே. 5.62.5
    626 பந்த பாச மறுத்தெனை யாட்கொண்ட
    மைந்த னைம்மண வாளனை மாமலர்க்
    கந்த நீர்க்கடு வாய்க்கரைத் தென்புத்தூர்
    எந்தை யீசனைக் கண்டினி தாயிற்றே. 5.62.6
    627 உம்ப ரானை உருத்திர மூர்த்தியை
    அம்ப ரானை அமலனை ஆதியைக்
    கம்பு நீர்க்கடு வாய்க்கரைத் தென்புத்தூர்
    எம்பி ரானைக்கண் டின்பம தாயிற்றே. 5.62.7
    628 மாசார் பாச மயக்கறு வித்தெனுள்
    நேச மாகிய நித்த மணாளனைப்
    பூச நீர்க்கடு வாய்க்கரைத் தென்புத்தூர்
    ஈச னேயென இன்பம தாயிற்றே. 5.62.8
    629 இடுவா ரிட்ட கவளங் கவர்ந்திரு
    கடுவா யிட்டவர் கட்டுரை கொள்ளாதே
    கடுவாய்த் தென்கரைப் புத்தூ ரடிகட்காட்
    படவே பெற்றுநான் பாக்கியஞ் செய்தேனே. 5.62.9
    630 அரக்க னாற்றல் அழித்தவன் பாடல்கேட்
    டிரக்க மாகி அருள்புரி யீசனைத்
    திரைக்கொள் நீர்க்கடு வாய்க்கரைத் தென்புத்தூர்
    இருக்கு நாதனைக் காணப்பெற் றுய்ந்தேனே. 5.62.10

    இத்தலம் சோழநாட்டிலுள்ளது.
    சுவாமிபெயர் - சொர்ணபுரீசுவரர், தேவியார் - சொர்ணபுரிநாயகியம்மை.
    திருச்சிற்றம்பலம்



    5.63 திருக்குரங்காடுதுறை - திருக்குறுந்தொகை


    திருச்சிற்றம்பலம்

    631 இரங்கா வன்மனத் தார்கள் இயங்குமுப்
    புரங்கா வல்லழி யப்பொடி யாக்கினான்
    தரங்கா டுந்தட நீர்ப்பொன்னித் தென்கரைக்
    குரங்கா டுதுறைக் கோலக் கபாலியே. 5.63.1
    632 முத்தி னைமணி யைப்பவ ளத்தொளிர்
    தொத்தி னைச்சுடர் சோதியைச் சோலைசூழ்
    கொத்த லர்குரங் காடு துறையுறை
    அத்த னென்னஅண் ணித்திட் டிருந்ததே. 5.63.2
    633 குளிர்பு னற்குரங் காடு துறையனைத்
    தளிர்நி றத்தையல் பங்கனைத் தண்மதி
    ஒளிய னைந்நினைந் தேனுக்கென் உள்ளமுந்
    தெளிவி னைத்தெளி யத்தெளிந் திட்டதே. 5.63.3
    634 மணவன் காண்மலை யாள்நெடு மங்கலக்
    கணவன் காண்கலை ஞானிகள் காதலெண்
    குணவன் காண்குரங் காடு துறைதனில்
    அணவன் காணன்பு செய்யு மடியர்க்கே. 5.63.4
    635 ஞாலத் தார்தொழு தேத்திய நன்மையன்
    காலத் தானுயிர் போக்கிய காலினன்
    நீலத் தார்மிடற் றான்வெள்ளை நீறணி
    கோலத் தான்குரங் காடு துறையனே. 5.63.5
    636 ஆட்டி னான்முன் அமணரோ டென்றனைப்
    பாட்டி னான்றன பொன்னடிக் கின்னிசை
    வீட்டி னான்வினை மெய்யடி யாரொடுங்
    கூட்டி னான்குரங் காடு துறையனே. 5.63.6
    637 மாத்தன் றான்மறை யார்முறை யான்மறை
    ஓத்தன் றாருகன் றன்னுயி ருண்டபெண்
    போத்தன் றானவள் பொங்கு சினந்தணி
    கூத்தன் றான்குரங் காடு துறையனே. 5.63.7
    638 நாடி நந்தம ராயின தொண்டர்காள்
    ஆடு மின்னழு மின்தொழு மின்னடி
    பாடு மின்பர மன்பயி லும்மிடங்
    கூடு மின்குரங் காடு துறையையே. 5.63.8
    639 தென்றல் நன்னெடுந் தேருடை யானுடல்
    பொன்ற வெங்கனல் பொங்க விழித்தவன்
    அன்ற வந்தக னையயிற் சூலத்தாற்
    கொன்ற வன்குரங் காடு துறையனே. 5.63.9
    640 நற்ற வஞ்செய்த நால்வர்க்கு நல்லறம்
    உற்ற நன்மொழி யாலருள் செய்தநற்
    கொற்ற வன்குரங் காடு துறைதொழப்
    பற்றுந் தீவினை யாயின பாறுமே. 5.63.10
    641 கடுத்த தேரரக் கன்கயி லைம்மலை
    எடுத்த தோள்தலை யிற்றல றவ்விரல்
    அடுத்த லுமவன் இன்னிசை கேட்டருள்
    கொடுத்த வன்குரங் காடு துறையனே. 5.63.11

    இத்தலம் சோழநாட்டிலுள்ளது.
    சுவாமிபெயர் - ஆபத்சகாயர், தேவியார் - பவளக்கொடியம்மை.
    திருச்சிற்றம்பலம்


    5.64 திருக்கோழம்பம் - திருக்குறுந்தொகை


    திருச்சிற்றம்பலம்

    642 வேழம் பத்தைவர் வேண்டிற்று வேண்டிப்போய்
    ஆழம் பற்றிவீழ் வார்பல வாதர்கள்
    கோழம் பத்துறை கூத்தன் குரைகழற்
    தாழும் பத்தர்கள் சாலச் சதுரரே. 5.64.1
    643 கயிலை நன்மலை யாளுங் கபாலியை
    மயிலி யன்மலை மாதின் மணாளனைக்
    குயில்ப யில்பொழிற் கோழம்ப மேயவென்
    உயிரி னைநினைந் துள்ளம் உருகுமே. 5.64.2
    644 வாழும் பான்மைய ராகிய வான்செல்வந்
    தாழும் பான்மைய ராகித்தம் வாயினால்
    தாழம் பூமணம் நாறிய தாழ்பொழிற்
    கோழம் பாவெனக் கூடிய செல்வமே. 5.64.3
    645 பாட லாக்கிடும் பண்ணொடு பெண்ணிவள்
    கூட லாக்கிடுங் குன்றின் மணற்கொடு
    கோடல் பூத்தலர் கோழம்பத் துண்மகிழ்ந்
    தாடுங் கூத்தனுக் கன்புபட் டாளன்றே. 5.64.4
    646 தளிர்கொள் மேனியள் தான்மிக அஞ்சவோர்
    பிளிறு வாரணத் தீருரி போர்த்தவன்
    குளிர்கொள் நீள்வயல் கோழம்பம் மேவினான்
    நளிர்கொள் நீர்சடை மேலு நயந்ததே. 5.64.5
    647 நாத ராவர் நமக்கும் பிறர்க்குந்தாம்
    வேத நாவர் விடைக்கொடி யார்வெற்பிற்
    கோதை மாதொடுங் கோழம்பங் கோயில்கொண்
    டாதி பாத மடையவல் லார்களே. 5.64.6
    648 முன்னை நான்செய்த பாவ முதலறப்
    பின்னை நான்பெரி தும்மருள் பெற்றதும்
    அன்ன மார்வயற் கோழம்பத் துள்ளமர்
    பின்னல் வார்சடை யானைப் பிதற்றியே. 5.64.7
    649 ஏழை மாரிடம் நின்றிரு கைக்கொடுண்
    கோழை மாரொடுங் கூடிய குற்றமாங்
    கூழை பாய்வயற் கோழம்பத் தானடி
    ஏழை யேன்முன் மறந்தங் கிருந்ததே. 5.64.8
    650 அரவ ணைப்பயில் மாலயன் வந்தடி
    பரவ னைப்பர மாம்பரஞ் சோதியைக்
    குரவ னைக்குர வார்பொழிற் கோழம்பத்
    துரவ னையொரு வர்க்குணர் வொண்ணுமே. 5.64.9
    651 சமர சூரபன் மாவைத் தடிந்தவேற்
    குமரன் தாதைநற் கோழம்ப மேவிய
    அமரர் கோவினுக் கன்புடைத் தொண்டர்கள்
    அமர லோகம தாளுடை யார்களே. 5.64.10

    652 துட்ட னாகி மலையெடுத் தஃதின்கீழ்ப்
    பட்டு வீழ்ந்து படர்ந்துய்யப் போயினான்
    கொட்டம் நாறிய கோழம்பத் தீசனென்
    றிட்ட கீத மிசைத்த அரக்கனே. 5.64.11

    இத்தலம் சோழநாட்டிலுள்ளது.
    சுவாமிபெயர் - கோகுலேசுவரர், தேவியார் - சவுந்தரியம்மை.
    திருச்சிற்றம்பலம்


    5.65 திருப்பூவனூர் - திருக்குறுந்தொகை


    திருச்சிற்றம்பலம்

    653 பூவ னூர்ப்புனி தன்றிரு நாமந்தான்
    நாவின் நூறுநூ றாயிரம் நண்ணினார்
    பாவ மாயின பாறிப் பறையவே
    தேவர் கோவினுஞ் செல்வர்க ளாவரே. 5.65.1
    654 என்ன னென்மனை எந்தையெ னாருயிர்
    தன்னன் றன்னடி யேன்றனமாகிய
    பொன்னன் பூவனூர் மேவிய புண்ணியன்
    இன்ன னென்றறி வொண்ணான் இயற்கையே. 5.65.2
    655 குற்றங் கூடிக் குணம்பல கூடாதீர்
    மற்றுந் தீவினை செய்தன மாய்க்கலாம்
    புற்ற ராவினன் பூவனூர் ஈசன்பேர்
    கற்று வாழ்த்துங் கழிவதன் முன்னமே. 5.65.3
    656 ஆவின் மேவிய ஐந்தமர்ந் தாடுவான்
    தூவெண் ணீறு துதைந்தசெம் மேனியான்
    மேவ நூல்விரி வெண்ணியின் தென்கரைப்
    பூவ னூர்புகு வார்வினை போகுமே. 5.65.4
    657 புல்ல மூர்தியூர் பூவனூர் பூம்புனல்
    நல்ல மூர்திநல் லூர்நனி பள்ளியூர்
    தில்லை யூர்திரு வாரூர் சீர்காழிநல்
    வல்ல மூரென வல்வினை மாயுமே. 5.65.5
    658 அனுச யப்பட்ட துவிது வென்னாதே
    கனிம னத்தொடு கண்களும் நீர்மல்கிப்
    புனித னைப்பூவ னூரனைப் போற்றுவார்
    மனித ரிற்றலை யான மனிதரே. 5.65.6
    659 ஆதி நாதன் அமரர்க ளர்ச்சிதன்
    வேத நாவன்வெற் பின்மடப் பாவையோர்
    பாதி யானான் பரந்த பெரும்படைப்
    பூத நாதன்தென் பூவனூர் நாதனே. 5.65.7
    660 பூவ னூர்தண் புறம்பயம் பூம்பொழில்
    நாவ லூர்நள் ளாறொடு நன்னிலங்
    கோவ லூர்குட வாயில் கொடுமுடி
    மூவ லூருமுக் கண்ணனூர் காண்மினே. 5.65.8
    661 ஏவ மேது மிலாவம ணேதலர்
    பாவ காரிகள் சொல்வலைப் பட்டுநான்
    தேவ தேவன் திருநெறி யாகிய
    பூவ னூர்புகு தப்பெற்ற நாளின்றே. 5.65.9
    662 நார ணன்னொடு நான்முகன் இந்திரன்
    வார ணன்கும ரன்வணங் குங்கழற்
    பூர ணன்திருப் பூவனூர் மேவிய
    கார ணன்னெனை யாளுடைக் காளையே. 5.65.10

    663 மைக்க டுத்த நிறத்தரக் கன்வரை
    புக்கெ டுத்தலும் பூவனூ ரன்னடி
    மிக்க டுத்த விரல்சிறி தூன்றலும்
    பக்க டுத்தபின் பாடியுய்ந் தானன்றே. 5.65.11

    இத்தலம் சோழநாட்டிலுள்ளது.
    சுவாமிபெயர் - புஷ்பவனநாதர் தேவியார் - கற்பகவல்லியம்மை.
    திருச்சிற்றம்பலம்


    5.66 திருவலஞ்சுழி - திருக்குறுந்தொகை


    திருச்சிற்றம்பலம்

    664 ஓத மார்கட லின்விட முண்டவன்
    பூத நாயகன் பொற்கயி லைக்கிறை
    மாதொர் பாகன் வலஞ்சுழி யீசனைப்
    பாத மேத்தப் பறையுநம் பாவமே. 5.66.1
    665 கயிலை நாதன் கறுத்தவர் முப்புரம்
    எயில்கள் தீயெழ வெல்வல வித்தகன்
    மயில்க ளாலும் வலஞ்சுழி யீசனைப்
    பயில்கி லார்சிலர் பாவித் தொழும்பரே. 5.66.2
    666 இளைய காலமெம் மானை யடைகிலாத்
    துளையி லாச்செவித் தொண்டர்காள் நும்முடல்
    வளையுங் காலம் வலஞ்சுழி யீசனைக்
    களைக ணாகக் கருதிநீர் உய்ம்மினே. 5.66.3
    667 நறைகொள் பூம்புனல் கொண்டெழு மாணிக்காய்க்
    குறைவி லாக்கொடுங் கூற்றுதைத் திட்டவன்
    மறைகொள் நாவன் வலஞ்சுழி மேவிய
    இறைவ னையினி என்றுகொல் காண்பதே. 5.66.4
    668 விண்ட வர்புர மூன்று மெரிகொளத்
    திண்டி றற்சிலை யாலெரி செய்தவன்
    வண்டு பண்முர லுந்தண் வலஞ்சுழி
    அண்ட னுக்கடி மைத்திறத் தாவனே. 5.66.5
    669 படங்கொள் பாம்பொடு பான்மதி யஞ்சடை
    அடங்க வாழவல் லானும்பர் தம்பிரான்
    மடந்தை பாகன் வலஞ்சுழி யானடி
    அடைந்த வர்க்கடி மைத்திறத் தாவனே. 5.66.6
    670 நாக்கொண் டுபர வும்மடி யார்வினை
    போக்க வல்ல புரிசடைப் புண்ணியன்
    மாக்கொள் சோலை வலஞ்சுழி ஈசன்றன்
    ஏக்கொ ளப்புர மூன்றெரி யானவே. 5.66.7
    671 தேடு வார்பிர மன்திரு மாலவர்
    ஆடு பாத மவரும் அறிகிலார்
    மாட வீதி வலஞ்சுழி யீசனைத்
    தேடு வானுறு கின்றதென் சிந்தையே. 5.66.8
    672 கண்ப னிக்குங் கைகூப்புங் கண்மூன்றுடை
    நண்ப னுக்கெனை நான்கொடுப் பேனெனும்
    வண்பொ னித்தென் வலஞ்சுழி மேவிய
    பண்ப னிப்பொனைச் செய்த பரிசிதே. 5.66.9
    673 இலங்கை வேந்தன் இருபது தோளிற
    நலங்கொள் பாதத் தொருவிர லூன்றினான்
    மலங்கு பாய்வயல் சூழ்ந்த வலஞ்சுழி
    வலங்கொள் வாரடி யென்றலை மேலவே. 5.66.10

    இத்தலம் சோழநாட்டிலுள்ளது.
    சுவாமிபெயர் - வலஞ்சுழிநாதர், தேவியார் - பெரியநாயகியம்மை.
    திருச்சிற்றம்பலம்


    5.67 திருவாஞ்சியம் - திருக்குறுந்தொகை


    திருச்சிற்றம்பலம்

    674 படையும் பூதமும் பாம்பும்புல் வாயதள்
    உடையுந் தாங்கிய உத்தம னார்க்கிடம்
    புடைநி லாவிய பூம்பொழில் வாஞ்சியம்
    அடைய வல்லவர்க் கல்லலொன் றில்லையே. 5.67.1
    675 பறப்பை யும்பசு வும்படுத் துப்பல
    திறத்த வும்முடை யோர்திக ழும்பதி
    கறைப்பி றைச்சடைக் கண்ணுதல் சேர்தரு
    சிறப்பு டைத்திரு வாஞ்சியஞ் சேர்மினே. 5.67.2
    676 புற்றி லாடர வோடு புனல்மதி
    தெற்று செஞ்சடைத் தேவர் பிரான்பதி
    சுற்று மாடங்கள் சூழ்திரு வாஞ்சியம்
    பற்றிப் பாடுவார்க் குப்பாவ மில்லையே. 5.67.3
    677 அங்க மாறும் அருமறை நான்குடன்
    தங்கு வேள்வியர் தாம்பயி லுந்நகர்
    செங்கண் மாலிட மார்திரு வாஞ்சியந்
    தங்கு வார்நம் மமரர்க் கமரரே. 5.67.4
    678 நீறு பூசி நிமிர்சடை மேற்பிறை
    ஆறு சூடும் அடிகள் உறைபதி
    மாறு தானொருங் கும்வயல் வாஞ்சியந்
    தேறி வாழ்பவர்க் குச்செல்வ மாகுமே. 5.67.5
    679 அற்றுப் பற்றின்றி யாரையு மில்லவர்க்
    குற்ற நற்றுணை யாவான் உறைபதி
    தெற்று மாடங்கள் சூழ்திரு வாஞ்சியங்
    கற்றுச் சேர்பவர்க் குக்கருத் தாவதே. 5.67.6
    680 அருக்கன் அங்கி நமனொடு தேவர்கள்
    திருத்துஞ் சேவடி யான்றிக ழுந்நகர்
    ஒருத்தி பாக முகந்தவன் வாஞ்சியம்
    அருத்தி யாலடை வார்க்கில்லை யல்லலே. 5.67.7
    இப்பதிகத்தில் 8,9,10-ம் செய்யுட்கள் சிதைந்து போயின. 5.67.8-10

    இத்தலம் சோழநாட்டிலுள்ளது.
    சுவாமிபெயர் - சுகவாஞ்சிநாதர், தேவியார் - வாழவந்தஅம்மை.
    திருச்சிற்றம்பலம்


    5.68 திருநள்ளாறு - திருக்குறுந்தொகை


    திருச்சிற்றம்பலம்

    681 உள்ளா றாததோர் புண்டரி கத்திரள்
    தெள்ளா றாச்சிவ சோதித் திரளினைக்
    கள்ளா றாதபொற் கொன்றை கமழ்சடை
    நள்ளா றாவென நம்வினை நாசமே. 5.68.1
    682 ஆர ணப்பொரு ளாமரு ளாளனார்
    வார ணத்துரி போர்த்த மணாளனார்
    நார ணன்நண்ணி யேத்துநள் ளாறனார்
    கார ணக்கலை ஞானக் கடவுளே. 5.68.2
    683 மேகம் பூண்டதோர் மேருவிற் கொண்டெயில்
    சோகம் பூண்டழல் சோரத்தொட் டானவன்
    பாகம் பூண்டமால் பங்கயத் தானொடு
    நாகம் பூண்டுகூத் தாடுநள் ளாறனே. 5.68.3
    684 மலியுஞ் செஞ்சடை வாளர வம்மொடு
    பொலியும் பூம்புனல் வைத்த புனிதனார்
    நலியுங் கூற்றை நலிந்தநள் ளாறர்தம்
    வலியுங் கண்டிறு மாந்து மகிழ்வனே. 5.68.4
    685 உறவ னாய்நிறைந் துள்ளங் குளிர்ப்பவன்
    இறைவ னாகிநின் றெண்ணிறைந் தானவன்
    நறவ நாறும் பொழிற்றிரு நள்ளாறன்
    மறவ னாய்ப்பன்றிப் பின்சென்ற மாயமே. 5.68.5
    686 செக்க ரங்கழி செஞ்சுடர்ச் சோதியார்
    நக்க ரங்கர வார்த்தநள் ளாறனார்
    வக்க ரன்னுயிர் வவ்விய மாயற்குச்
    சக்க ரமருள் செய்த சதுரரே. 5.68.6
    687 வஞ்ச நஞ்சிற் பொலிகின்ற கண்டத்தர்
    விஞ்சை யிற்செல்வப் பாவைக்கு வேந்தனார்
    வஞ்ச நெஞ்சத் தவர்க்கு வழிகொடார்
    நஞ்ச நெஞ்சர்க் கருளுநள் ளாறரே. 5.68.7
    688 அல்ல னென்று மலர்க்கரு ளாயின
    சொல்ல னென்றுசொல் லாமறைச் சோதியான்
    வல்ல னென்றும்வல் லார்வள மிக்கவர்
    நல்ல னென்றுநல் லார்க்குநள் ளாறனே. 5.68.8
    689 பாம்ப ணைப்பள்ளி கொண்ட பரமனும்
    பூம்ப ணைப்பொலி கின்ற புராணனுந்
    தாம்ப ணிந்தளப் பொண்ணாத் தனித்தழல்
    நாம்ப ணிந்தடி போற்றுநள் ளாறனே. 5.68.9
    690 இலங்கை மன்னன் இருபது தோளிற
    மலங்க மால்வரை மேல்விரல் வைத்தவர்
    நலங்கொள் நீற்றர்நள் ளாறரை நாடொறும்
    வலங்கொள் வார்வினை யாயின மாயுமே. 5.68.10

    இத்தலம் சோழநாட்டிலுள்ளது.
    சுவாமிபெயர் - திருநள்ளாற்றீசர், தேவியார் - போகமார்த்தபூண்முலையம்மை.
    திருச்சிற்றம்பலம்

    5.69 திருக்கருவிலி - திருக்குறுந்தொகை


    திருச்சிற்றம்பலம்

    691 மட்டிட் டகுழ லார்சுழ லில்வலைப்
    பட்டிட் டுமயங் கிப்பரி யாதுநீர்
    கட்டிட் டவினை போகக் கருவிலிக்
    கொட்டிட் டையுறை வான்கழல் கூடுமே. 5.69.1
    692 ஞால மல்கு மனிதர்காள் நாடொறும்
    ஏல மாமல ரோடிலை கொண்டுநீர்
    கால னார்வரு தன்முன் கருவிலிக்
    கோல வார்பொழிற் கொட்டிட்டை சேர்மினே. 5.69.2
    693 பங்க மாயின பேசப் பறைந்துநீர்
    மங்கு மாநினை யாதே மலர்கொடு
    கங்கை சேர்சடை யான்றன் கருவிலிக்
    கொங்கு வார்பொழிற் கொட்டிட்டை சேர்மினே. 5.69.3
    694 வாடி நீர்வருந் தாதே மனிதர்காள்
    வேட னாய்விச யற்கருள் செய்தவெண்
    காட னாருறை கின்ற கருவிலிக்
    கோடு நீள்பொழிற் கொட்டிட்டை சேர்மினே. 5.69.4
    695 உய்யு மாறிது கேண்மின் உலகத்தீர்
    பைகொள் பாம்பரை யான்படை யார்மழுக்
    கையி னானுறை கின்ற கருவிலிக்
    கொய்கொள் பூம்பொழிற் கொட்டிட்டை சேர்மினே. 5.69.5
    696 ஆற்ற வும்மவ லத்தழுந் தாதுநீர்
    தோற்றுந் தீயொடு நீர்நிலந் தூவெளி
    காற்று மாகிநின் றான்றன் கருவிலிக்
    கூற்றங் காய்ந்தவன் கொட்டிட்டை சேர்மினே. 5.69.6
    697 நில்லா வாழ்வு நிலைபெறு மென்றெண்ணிப்
    பொல்லா வாறு செயப்புரி யாதுநீர்
    கல்லா ரும்மதில் சூழ்தண் கருவிலிக்
    கொல்லே றூர்பவன் கொட்டிட்டை சேர்மினே. 5.69.7
    698 பிணித்த நோய்ப்பிற விப்பிறி வெய்துமா
    றுணர்த்த லாமிது கேண்மின் உருத்திர
    கணத்தி னார்தொழு தேத்துங் கருவிலிக்
    குணத்தி னானுறை கொட்டிட்டை சேர்மினே. 5.69.8
    699 நம்பு வீரிது கேண்மின்கள் நாடொறும்
    எம்பி ரானென் றிமையவ ரேத்துமே
    கம்ப னாருறை கின்ற கருவிலிக்
    கொம்ப னார்பயில் கொட்டிட்டை சேர்மினே. 5.69.9
    700 பாரு ளீரிது கேண்மின் பருவரை
    பேரு மாறெடுத் தானை யடர்த்தவன்
    கார்கொள் நீர்வயல் சூழ்தண் கருவிலிக்
    கூர்கொள் வேலினன் கொட்டிட்டை சேர்மினே. 5.69.10

    இத்தலம் சோழநாட்டிலுள்ளது.
    சுவாமிபெயர் - சற்குணநாதர், தேவியார் - சர்வாங்கநாயகியம்மை.
    திருச்சிற்றம்பலம்


    5.70 திருக்கொண்டீச்சரம் - திருக்குறுந்தொகை


    திருச்சிற்றம்பலம்

    701 கண்ட பேச்சினிற் காளையர் தங்கள்பால்
    மண்டி யேச்சுணு மாதரைச் சேராதே
    சண்டி யீச்சுர வர்க்கருள் செய்தவக்
    கொண்டி யீச்சுர வன்கழல் கூறுமே. 5.70.1
    702 சுற்ற முந்துணை நன்மட வாளொடு
    பெற்ற மக்களும் பேண லொழிந்தனர்
    குற்ற மில்புகழ்க் கொண்டீச் சுரவனார்
    பற்ற லாலொரு பற்றுமற் றில்லையே. 5.70.2
    703 மாடு தானது வில்லெனின் மானிடர்
    பாடு தான்செல்வா ரில்லைபன் மாலையாற்
    கூட நீர்சென்று கொண்டீச் சுரவனைப்
    பாடு மின்பர லோகத் திருத்துமே. 5.70.3
    704 தந்தை தாயொடு தார மெனுந்தளைப்
    பந்த மாங்கறுத் துப்பயில் வெய்திய
    கொந்த விழ்பொழிற் கொண்டீச் சுரவனைச்
    சிந்தை செய்ம்மின் அவனடி சேரவே. 5.70.4
    705 கேளு மின்னிள மையது கேடுவந்
    தீளை யோடிரு மல்லது வெய்தன்முன்
    கோள ராவணி கொண்டீச் சுரவனை
    நாளு மேத்தித் தொழுமின்நன் காகுமே. 5.70.5
    706 வெம்பு நோயும் இடரும் வெறுமையும்
    துன்ப முந்துய ரும்மெனுஞ் சூழ்வினை
    கொம்ப னார்பயில் கொண்டீச் சுரவனை
    எம்பி ரானென வல்லவர்க் கில்லையே. 5.70.6
    707 அல்ல லோடரு நோயில் அழுந்திநீர்
    செல்லு மாநினை யாதே கனைகுரற்
    கொல்லை யேறுடைக் கொண்டீச் சுரவனை
    வல்ல வாறு தொழவினை மாயுமே. 5.70.7
    708 நாறு சாந்தணி நன்முலை மென்மொழி
    மாறி லாமலை மங்கையோர் பாகமாக்
    கூற னாருறை கொண்டீச் சுரநினைந்
    தூறு வார்தமக் கூனமொன் றில்லையே. 5.70.8
    709 அயிலார் அம்பெரி மேருவில் லாகவே
    எயிலா ரும்பொடி யாய்விழ எய்தவன்
    குயிலா ரும்பொழிற் கொண்டீச் சுரவனைப்
    பயில்வா ரும்பெரு மைபெறும் பாலரே. 5.70.9
    710 நிலையி னார்வரை நின்றெடுத் தான்றனை
    மலையி னாலடர்த் துவிறல் வாட்டினான்
    குலையி னார்பொழிற் கொண்டீச் சுரவனைத்
    தலையி னால்வணங் கத்தவ மாகுமே. 5.70.10

    இத்தலம் சோழநாட்டிலுள்ளது.
    சுவாமிபெயர் - பசுபதீச்சுவரர், தேவியார் - சாந்தநாயகியம்மை.
    திருச்சிற்றம்பலம்


    5.71 திருவிசயமங்கை - திருக்குறுந்தொகை


    திருச்சிற்றம்பலம்

    711 குசையும் அங்கையிற் கோசமுங் கொண்டவவ்
    வசையின் மங்கல வாசகர் வாழ்த்தவே
    இசைய மங்கையுந் தானுமொன் றாயினான்
    விசைய மங்கையுள் வேதியன் காண்மினே. 5.71.1
    712 ஆதி நாதன் அடல்விடை மேலமர்
    பூத நாதன் புலியத ளாடையன்
    வேத நாதன் விசயமங் கையுளான்
    பாத மோதவல் லார்க்கில்லை பாவமே. 5.71.2
    713 கொள்ளி டக்கரைக் கோவந்த புத்தூரில்
    வெள்வி டைக்கருள் செய்விச யமங்கை
    உள்ளி டத்துறை கின்ற உருத்திரன்
    கிள்ளி டத்தலை யற்ற தயனுக்கே. 5.71.3
    714 திசையு மெங்குங் குலுங்கத் திரிபுரம்
    அசைய வங்கெய்திட் டாரழ லூட்டினான்
    விசைய மங்கை விருத்தன் புறத்தடி
    விசையின் மங்கி விழுந்தனன் காலனே. 5.71.4
    715 பொள்ள லாக்கை அகத்திலைம் பூதங்கள்
    கள்ள மாக்கிக் கலக்கிய காரிருள்
    விள்ள லாக்கி விசயமங் கைப்பிரான்
    உள்ள நோக்கியெ னுள்ளுள் உறையுமே. 5.71.5
    716 கொல்லை யேற்றுக் கொடியொடு பொன்மலை
    வில்லை யேற்றுடை யான்விச யமங்கைச்
    செல்வ போற்றியென் பாருக்குத் தென்றிசை
    எல்லை யேற்றலும் இன்சொலு மாகுமே. 5.71.6
    717 கண்பல் உக்கக் கபாலம்அங் கைக்கொண்டு
    உண்ப லிக்குழல் உத்தம னுள்ளொளி
    வெண்பி றைக்கண்ணி யான்விச யமங்கை
    நண்ப னைத்தொழப் பெற்றது நன்மையே. 5.71.7
    718 பாண்டு வின்மகன் பார்த்தன் பணிசெய்து
    வேண்டு நல்வரங் கொள்விச யமங்கை
    ஆண்ட வன்னடி யேநினைந் தாசையாற்
    காண்ட லேகருத் தாகி யிருப்பனே. 5.71.8
    719 வந்து கேண்மின் மயல்தீர் மனிதர்காள்
    வெந்த நீற்றன் விசயமங் கைப்பிரான்
    சிந்தை யால்நினை வார்களைச் சிக்கெனப்
    பந்து வாக்கி உயக்கொளுங் காண்மினே. 5.71.9
    720 இலங்கை வேந்தன் இருபது தோளிற
    விலங்கள் சேர்விர லான்விச யமங்கை
    வலஞ்செய் வார்களும் வாழ்த்திசைப் பார்களும்
    நலஞ்செய் வாரவர் நன்னெறி நாடியே. 5.72.10

    இத்தலம் சோழநாட்டிலுள்ளது.
    சுவாமிபெயர் - விசையநாதேசுவரர், தேவியார் - மங்கைநாயகியம்மை.
    திருச்சிற்றம்பலம்


    5.72 திருநீலக்குடி - திருக்குறுந்தொகை


    திருச்சிற்றம்பலம்

    721 வைத்த மாடும் மனைவியும் மக்கள்நீர்
    செத்த போது செறியார் பிரிவதே
    நித்த நீலக் குடியர னைந்நினை
    சித்த மாகிற் சிவகதி சேர்திரே. 5.72.1
    722 செய்ய மேனியன் றேனொடு பால்தயிர்
    நெய்ய தாடிய நீலக் குடியரன்
    மைய லாய்மற வாமனத் தார்க்கெலாங்
    கையி லாமல கக்கனி யொக்குமே. 5.72.2
    723 ஆற்ற நீள்சடை ஆயிழை யாளொரு
    கூற்றன் மேனியிற் கோலம தாகிய
    நீற்றன் நீலக் குடியுடை யானடி
    போற்றி னாரிடர் போக்கும் புனிதனே. 5.72.3
    724 நாலு வேதியர்க் கின்னருள் நன்னிழல்
    ஆலன் ஆலநஞ் சுண்டகண் டத்தமர்
    நீலன் நீலக் குடியுறை நின்மலன்
    கால னாருயிர் போக்கிய காலனே. 5.72.4
    725 நேச நீலக் குடியர னேயெனா
    நீச ராய்நெடு மால்செய்த மாயத்தால்
    ஈச னோர்சர மெய்ய எரிந்துபோய்
    நாச மானார் திரிபுர நாதரே. 5.72.5
    726 கொன்றை சூடியைக் குன்ற மகளொடு
    நின்ற நீலக் குடியர னேயெனீர்
    என்றும் வாழ்வுகந் தேயிறு மாக்குநீர்
    பொன்றும் போது நுமக்கறி வொண்ணுமே. 5.72.6
    727 கல்லி னோடெனைப் பூட்டி அமண்கையர்
    ஒல்லை நீர்புக நூக்கவென் வாக்கினால்
    நெல்லு நீள்வயல் நீலக் குடியரன்
    நல்ல நாமம் நவிற்றியுய்ந் தேனன்றே. 5.72.7
    728 அழகி யோமிளை யோமெனு மாசையால்
    ஒழுகி ஆவி உடல்விடு முன்னமே
    நிழல தார்பொழில் நீலக் குடியரன்
    கழல்கொள் சேவடி கைதொழு துய்ம்மினே. 5.72.8
    729 கற்றைச் செஞ்சடைக் காய்கதிர் வெண்டிங்கள்
    பற்றிப் பாம்புடன் வைத்த பராபரன்
    நெற்றிக் கண்ணுடை நீலக் குடியரன்
    சுற்றித் தேவர் தொழுங்கழற் சோதியே. 5.72.9
    730 தருக்கி வெற்பது தாங்கிய வீங்குதோள்
    அரக்க னாருட லாங்கோர் விரலினால்
    நெரித்து நீலக் குடியரன் பின்னையும்
    இரக்க மாயருள் செய்தனன் என்பரே. 5.72.10

    இத்தலம் சோழநாட்டிலுள்ளது.
    சுவாமிபெயர் - நீலகண்டேசுவரர், தேவியார் - நீலநிறவுமையம்மை.
    திருச்சிற்றம்பலம்


    5.73 திருமங்கலக்குடி - திருக்குறுந்தொகை


    திருச்சிற்றம்பலம்

    731 தங்க லப்பிய தக்கன் பெருவேள்வி
    அங்க லக்கழித் தாரருள் செய்தவன்
    கொங்க லர்க்குழற் கொம்பனை யாளொடு
    மங்க லக்குடி மேய மணாளனே. 5.73.1
    732 காவி ரியின்வ டகரைக் காண்டகு
    மாவி ரியும்பொ ழில்மங் கலக்குடித்
    தேவ ரியும்பி ரமனுந் தேடொணாத்
    தூவெ ரிச்சுடர்ச் சோதியுட் சோதியே. 5.73.2
    733 மங்க லக்குடி ஈசனை மாகாளி
    வெங்க திர்ச்செல்வன் விண்ணொடு மண்ணுநேர்
    சங்கு சக்கர தாரி சதுர்முகன்
    அங்க கத்திய னும்மர்ச்சித் தாரன்றே. 5.73.3
    734 மஞ்சன் வார்கடல் சூழ்மங்க லக்குடி
    நஞ்ச மாரமு தாக நயந்துகொண்
    டஞ்சு மாட லமர்ந்தடி யேனுடை
    நெஞ்ச மாலய மாக்கொண்டு நின்றதே. 5.73.4
    735 செல்வ மல்கு திருமங் கலக்குடிச்
    செல்வ மல்கு சிவநிய மத்தராய்ச்
    செல்வ மல்கு செழுமறை யோர்தொழச்
    செல்வன் றேவியொ டுந்திகழ் கோயிலே. 5.73.5
    736 மன்னு சீர்மங் கலக்குடி மன்னிய
    பின்னு வார்சடைப் பிஞ்ஞகன் றன்பெயர்
    உன்னு வாரு முரைக்கவல் லார்களுந்
    துன்னு வார்நன் னெறிதொடர் வெய்தவே. 5.73.6
    737 மாத ரார்மரு வும்மங்க லக்குடி
    ஆதி நாயகன் அண்டர்கள் நாயகன்
    வேத நாயகன் வேதியர் நாயகன்
    பூத நாயகன் புண்ணிய மூர்த்தியே. 5.73.7
    738 வண்டு சேர்பொழில் சூழ்மங்க லக்குடி
    விண்ட தாதையைத் தாளற வீசிய
    சண்ட நாயக னுக்கருள் செய்தவன்
    துண்ட மாமதி சூடிய சோதியே. 5.73.8
    739 கூசு வாரலர் குண்டர் குணமிலர்
    நேச மேது மிலாதவர் நீசர்கள்
    மாசர் பால்மங்க லக்குடி மேவிய
    ஈசன் வேறு படுக்கவுய்ந் தேனன்றே. 5.73.9
    740 மங்க லக்குடி யான்கயி லைமலை
    அங்க லைத்தெடுக் குற்ற அரக்கர்கோன்
    தன்க ரத்தொடு தாள்தலை தோள்தகர்ந்
    தங்க லைத்தழு துய்ந்தனன் தானன்றே. 5.73.10

    இத்தலம் சோழநாட்டிலுள்ளது.
    சுவாமிபெயர் - பிராணேசவரதர், தேவியார் - மங்களநாயகியம்மை.

    திருச்சிற்றம்பலம்


    5.74 திருஎறும்பியூர் - திருக்குறுந்தொகை


    திருச்சிற்றம்பலம்

    741 விரும்பி யூறு விடேல்மட நெஞ்சமே
    கரும்பி னூறல்கண் டாய்கலந் தார்க்கவன்
    இரும்பி னூறல றாததோர் வெண்டலை
    எறும்பி யூர்மலை யானெங்க ளீசனே. 5.74.1
    742 பிறங்கு செஞ்சடைப் பிஞ்ஞகன் பேணுசீர்க்
    கறங்கு பூத கணமுடைக் கண்ணுதல்
    நறுங்கு ழல்மட வாளொடு நாடொறும்
    எறும்பி யூர்மலை யானெங்க ளீசனே. 5.74.2
    743 மருந்து வானவர் தானவர்க் கின்சுவை
    புரிந்த புன்சடைப் புண்ணியன் கண்ணுதல்
    பொருந்து பூண்முலை மங்கைநல் லாளொடும்
    எறும்பி யூர்மலை யானெங்க ளீசனே. 5.74.3
    744 நிறங்கொள் கண்டத்து நின்மலன் எம்மிறை
    மறங்கொள் வேற்கண்ணி வாணுதல் பாகமா
    அறம்பு ரிந்தருள் செய்தவெம் அங்கணன்
    எறும்பி யூர்மலை யானெங்க ளீசனே. 5.74.4
    745 நறும்பொன் நாண்மலர்க் கொன்றையு நாகமுந்
    துறும்பு செஞ்சடைத் தூமதி வைத்துவான்
    உறும்பொன் மால்வரைப் பேதையோ டூர்தொறும்
    எறும்பி யூர்மலை யானெங்க ளீசனே. 5.74.5
    746 கறும்பி யூர்வன ஐந்துள காயத்தில்
    திறம்பி யூர்வன மற்றும் பலவுள
    குறும்பி யூர்வதோர் கூட்டகத் திட்டெனை
    எறும்பி யூரரன் செய்த இயற்கையே. 5.74.6
    747 மறந்து மற்றிது பேரிடர் நாடொறுந்
    திறம்பி நீநினை யேல்மட நெஞ்சமே
    புறஞ்செய் கோலக் குரம்பையி லிட்டெனை
    எறும்பி யூரரன் செய்த இயற்கையே. 5.74.7
    748 இன்ப மும்பிறப் பும்மிறப் பின்னொடு
    துன்ப மும்முட னேவைத்த சோதியான்
    அன்ப னேயர னேயென் றரற்றுவார்க்
    கின்ப னாகும் எறும்பியூ ரீசனே. 5.74.8
    749 கண்ணி றைந்த கனபவ ளத்திரள்
    விண்ணி றைந்த விரிசுடர்ச் சோதியான்
    உண்ணி றைந்துரு வாயுயி ராயவன்
    எண்ணி றைந்த எறும்பியூ ரீசனே. 5.74.9
    750 நிறங்கொள் மால்வரை ஊன்றி யெடுத்தலும்
    நறுங்கு ழல்மட வாள்நடுக் கெய்திட
    மறங்கொள் வாளரக் கன்வலி வாட்டினான்
    எறும்பி யூர்மலை எம்மிறை காண்மினே. 5.74.10

    இத்தலம் சோழநாட்டிலுள்ளது.
    சுவாமிபெயர் - எறும்பீசுவரர்,
    தேவியார் - நறுங்குழல்நாயகியம்மை.
    திருச்சிற்றம்பலம்


    5.75 திருக்குரக்குக்கா - திருக்குறுந்தொகை


    திருச்சிற்றம்பலம்

    751 மரக்கொக் காமென வாய்விட் டலறிநீர்
    சரக்குக் காவித் திரிந்தய ராதுகால்
    பரக்குங் காவிரி நீரலைக் குங்கரைக்
    குரக்குக் காவடை யக்கெடுங் குற்றமே. 5.75.1
    752 கட்டா றேகழி காவிரி பாய்வயல்
    கொட்டா றேபுன லூறு குரக்குக்கா
    முட்டா றாவடி யேத்த முயல்பவர்க்
    கிட்டா றாவிட ரோட எடுக்குமே. 5.75.2
    753 கைய னைத்துங் கலந்தெழு காவிரி
    செய்ய னைத்திலுஞ் சென்றிடுஞ் செம்புனல்
    கொய்ய னைத்துங் கொணருங் குரக்குக்கா
    ஐய னைத்தொழு வார்க்கல்ல லில்லையே. 5.75.3
    754 மிக்க னைத்துத் திசையும் அருவிகள்
    புக்குக் காவிரி போந்த புனற்கரைக்
    கொக்கி னம்பயில் சோலைக் குரக்குக்கா
    நக்க னைநவில் வார்வினை நாசமே. 5.75.4
    755 விட்டு வெள்ளம் விரிந்தெழு காவிரி
    இட்ட நீர்வய லெங்கும் பரந்திடக்
    கொட்ட மாமுழ வோங்கு குரக்குக்கா
    இட்ட மாயிருப் பார்க்கிட ரில்லையே. 5.75.5
    756 மேலை வானவ ரோடு விரிகடல்
    மாலும் நான்முக னாலுமளப் பொணாக்
    கோல மாளிகைக் கோயில் குரக்குக்காப்
    பால ராய்த்திரி வார்க்கில்லை பாவமே. 5.75.6
    757 ஆல நீழ லமர்ந்த அழகனார்
    கால னையுதை கொண்ட கருத்தனார்
    கோல மஞ்ஞைகள் ஆலும் குரக்குக்காப்
    பால ருக்கருள் செய்வர் பரிவொடே. 5.75.7
    758 செக்க ரங்கெழு செஞ்சுடர்ச் சோதியார்
    அக்க ரையரெம் மாதிபு ராணனார்
    கொக்கி னம்வயல் சேருங் குரக்குக்கா
    நக்க னைத்தொழ நம்வினை நாசமே. 5.75.8
    759 உருகி ஊன்குழைந் தேத்தி யெழுமின்நீர்
    கரிய கண்டன் கழலடி தன்னையே
    குரவ னஞ்செழுங் கோயில் குரக்குக்கா
    இரவும் எல்லியும் ஏத்தித் தொழுமினே. 5.75.9
    760 இரக்க மின்றி மலையெடுத் தான்முடி
    உரத்தை யொல்க அடர்த்தா னுறைவிடங்
    குரக்கி னங்குதி கொள்ளுங் குரக்குக்கா
    வரத்த னைப்பெற வானுல காள்வரே. 5.75.10

    இத்தலம் சோழநாட்டிலுள்ளது.
    சுவாமிபெயர் - கொந்தளக்கருணைநாதர், தேவியார் - கொந்தளநாயகியம்மை.
    திருச்சிற்றம்பலம்


    5.76 திருக்கானூர் - திருக்குறுந்தொகை


    திருச்சிற்றம்பலம்

    761 திருவின் நாதனுஞ் செம்மலர் மேலுறை
    உருவ னாயுல கத்தி னுயிர்க்கெலாங்
    கருவ னாகி முளைத்தவன் கானூரிற்
    பரம னாய பரஞ்சுடர் காண்மினே. 5.76.1
    762 பெண்டிர் மக்கள் பெருந்துணை நன்னிதி
    உண்டின் றேயென் றுகவன்மின் ஏழைகாள்
    கண்டு கொண்மின்நீர் கானூர் முளையினைப்
    புண்ட ரீகப் பொதும்பி லொதுங்கியே. 5.76.2
    763 தாயத் தார்தமர் நன்னிதி யென்னுமிம்
    மாயத் தேகிடந் திட்டு மயங்கிடேல்
    காயத் தேயுளன் கானூர் முளையினை
    வாயத் தால்வணங் கீர்வினை மாயவே. 5.76.3
    764 குறியில் நின்றுண்டு கூறையி லாச்சமண்
    நெறியை விட்டு நிறைகழல் பற்றினேன்
    அறிய லுற்றிரேல் கானூர் முளையவன்
    செறிவு செய்திட் டிருப்பதென் சிந்தையே. 5.76.4
    765 பொத்தல் மண்சுவர்ப் பொல்லாக் குரம்பையை
    மெய்த்த னென்று வியந்திடேல் ஏழைகாள்
    சித்தர் பத்தர்கள் சேர்திருக் கானூரில்
    அத்தன் பாத மடைதல் கருமமே. 5.76.5
    766 கல்வி ஞானக் கலைப்பொரு ளாயவன்
    செல்வ மல்கு திருக்கானூ ரீசனை
    எல்லி யும்பக லும்மிசை வானவர்
    சொல்லி டீர்நுந் துயரங்கள் தீரவே. 5.76.6
    767 நீரும் பாரும் நெருப்பும் அருக்கனுங்
    காரு மாருதங் கானூர் முளைத்தவன்
    சேர்வு மொன்றறி யாது திசைதிசை
    ஓர்வு மொன்றில ரோடித் திரிவரே. 5.76.7
    768 ஓமத் தோடயன் மாலறி யாவணம்
    வீமப் பேரொளி யாய விழுப்பொருள்
    காமற் காய்ந்தவன் கானூர் முளைத்தவன்
    சேமத் தாலிருப் பாவதென் சிந்தையே. 5.76.8
    இப்பதிகத்தில் 9-ம் செய்யுள் சிதைந்து போயிற்று. 5.76.9
    769 வன்னி கொன்றை எருக்கணிந் தான்மலை
    உன்னி யேசென் றெடுத்தவன் ஒண்டிறல்
    தன்னை வீழத் தனிவிரல் வைத்தவன்
    கன்னி மாமதிற் கானூர்க் கருத்தனே. 5.76.10

    இத்தலம் சோழநாட்டிலுள்ளது.
    சுவாமிபெயர் - செம்மேனிநாயகர், தேவியார் - சிவயோகநாயகியம்மை.
    திருச்சிற்றம்பலம்


    5.77 திருச்சேறை - திருக்குறுந்தொகை


    திருச்சிற்றம்பலம்

    770 பூரி யாவரும் புண்ணியம் பொய்கெடுங்
    கூரி தாய அறிவுகை கூடிடுஞ்
    சீரி யார்பயில் சேறையுட் செந்நெறி
    நாரி பாகன்றன் நாமம் நவிலவே. 5.77.1
    771 என்ன மாதவஞ் செய்தனை நெஞ்சமே
    மின்னு வார்சடை வேதவி ழுப்பொருள்
    செந்நெ லார்வயல் சேறையுட் செந்நெறி
    மன்னு சோதிநம் பால்வந்து வைகவே. 5.77.2
    772 பிறப்பு மூப்புப் பெரும்பசி வான்பிணி
    இறப்பு நீங்கியிங் கின்பம்வந் தெய்திடுஞ்
    சிறப்பர் சேறையுட் செந்நெறி யான்கழல்
    மறப்ப தின்றி மனத்தினுள் வைக்கவே. 5.77.3
    773 மாடு தேடி மயக்கினில் வீழ்ந்துநீர்
    ஓடி யெய்த்தும் பயனிலை ஊமர்காள்
    சேடர் வாழ்சேறைச் செந்நெறி மேவிய
    ஆட லான்றன் அடியடைந் துய்ம்மினே. 5.77.4
    774 எண்ணி நாளும் எரியயிற் கூற்றுவன்
    துண்ணென் றோன்றிற் றுரக்கும் வழிகண்டேன்
    திண்ணன் சேறைத் திருச்செந் நெறியுறை
    அண்ண லாருளர் அஞ்சுவ தென்னுக்கே. 5.77.5
    775 தப்பில் வானந் தரணிகம் பிக்கிலென்
    ஒப்பில் வேந்தர் ஒருங்குடன் சீறிலென்
    செப்ப மாஞ்சேறைச் செந்நெறி மேவிய
    அப்ப னாருளர் அஞ்சுவ தென்னுக்கே. 5.77.6
    776 வைத்த மாடும் மடந்தைநல் லார்களும்
    ஒத்தொவ் வாதவுற் றார்களு மென்செய்வார்
    சித்தர் சேறைத் திருச்செந் நெறியுறை
    அத்தர் தாமுளர் அஞ்சுவ தென்னுக்கே. 5.77.7
    777 குலங்க ளென்செய்வ குற்றங்க ளென்செய்வ
    துலங்கி நீநின்று சோர்ந்திடல் நெஞ்சமே
    இலங்கு சேறையிற் செந்நெறி மேவிய
    அலங்க னாருளர் அஞ்சுவ தென்னுக்கே. 5.77.8
    778 பழகி னால்வரும் பண்டுள சுற்றமும்
    விழவி டாவிடில் வேண்டிய எய்தொணா
    திகழ்கொள் சேறையிற் செந்நெறி மேவிய
    அழக னாருளர் அஞ்சுவ தென்னுக்கே. 5.77.9
    779 பொருந்து நீண்மலை யைப்பிடித் தேந்தினான்
    வருந்த வூன்றி மலரடி வாங்கினான்
    திருந்து சேறையிற் செந்நெறி மேவியங்
    கிருந்த சோதியென் பார்க்கிட ரில்லையே. 5.77.10

    இத்தலம் சோழநாட்டிலுள்ளது.
    சுவாமிபெயர் - செந்நெறியப்பர், தேவியார் - ஞானவல்லியம்மை.
    திருச்சிற்றம்பலம்


    5.78 திருக்கோடிகா - திருக்குறுந்தொகை


    திருச்சிற்றம்பலம்

    780 சங்கு லாமுன்கைத் தையலோர் பாகத்தன்
    வெங்கு லாமத வேழம் வெகுண்டவன்
    கொங்கு லாம்பொழிற் கோடிகா வாவென
    எங்கி லாததோர் இன்பம்வந் தெய்துமே. 5.78.1
    781 வாடி வாழ்வதென் னாவது மாதர்பால்
    ஓடி வாழ்வினை உள்கிநீர் நாடொறுங்
    கோடி காவனைக் கூறீரேற் கூறினேன்
    பாடி காவலிற் பட்டுக் கழிதிரே. 5.78.2
    782 முல்லை நன்முறு வல்லுமை பங்கனார்
    தில்லை யம்பலத் தில்லுறை செல்வனார்
    கொல்லை யேற்றினர் கோடிகா வாவென்றங்
    கொல்லை யேத்துவார்க் கூனமொன் றில்லையே. 5.78.3
    783 நாவ ளம்பெறு மாறும னன்னுதல்
    ஆம ளஞ்சொலி அன்புசெ யின்னலாற்
    கோம ளஞ்சடைக் கோடிகா வாவென
    ஏவ ளின்றெனை ஏசுமவ் வேழையே. 5.78.4
    784 வீறு தான்பெறு வார்சில ராகிலும்
    நாறு பூங்கொன்றை தான்மிக நல்கானேற்
    கூறு வேன்கோடி காவுளாய் என்றுமால்
    ஏறு வேனும்மால் ஏசப் படுவனோ. 5.78.5
    785 நாடி நாரணன் நான்முகன் வானவர்
    தேடி யேசற வுந்தெரி யாததோர்
    கோடி காவனைக் கூறாத நாளெலாம்
    பாடி காவலிற் பட்டுக் கழியுமே. 5.78.6
    இப்பதிகத்தில் 7,8,9-ம் செய்யுட்கள் சிதைந்து போயின. 5.78.7-9
    - 786 வரங்க ளால்வரை யையெடுத் தான்றனை
    அரங்க வூன்றி யருள்செய்த அப்பனூர்
    குரங்கு சேர்பொழிற் கோடிகா வாவென
    இரங்கு வேன்மனத் தேதங்கள் தீரவே. 5.78.10

    இத்தலம் சோழநாட்டிலுள்ளது.
    சுவாமிபெயர் - கோடீசுவரர், தேவியார் - வடிவாம்பிகையம்மை.
    திருச்சிற்றம்பலம்


    5.79 திருப்புள்ளிருக்குவேளூர் - திருக்குறுந்தொகை


    திருச்சிற்றம்பலம்

    787 வெள்ளெ ருக்கர வம்விர வுஞ்சடைப்
    புள்ளி ருக்குவே ளூரரன் பொற்கழல்
    உள்ளி ருக்கு முணர்ச்சியில் லாதவர்
    நள்ளி ருப்பர் நரகக் குழியிலே. 5.79.1
    788 மாற்ற மொன்றறி யீர்மனை வாழ்க்கைபோய்க்
    கூற்றம் வந்துமைக் கொள்வதன் முன்னமே
    போற்ற வல்லிரேற் புள்ளிருக் குவேளூர்
    சீற்ற மாயின தேய்ந்தறுங் காண்மினே. 5.79.2
    789 அரும றையனை ஆணொடு பெண்ணனைக்
    கருவி டம்மிக வுண்டவெங் கண்டனைப்
    புரிவெண் ணூலனைப் புள்ளிருக் குவேளூர்
    உருகி நைபவர் உள்ளங் குளிருமே. 5.79.3
    790 தன்னு ருவை யொருவர்க் கறிவொணா
    மின்னு ருவனை மேனிவெண் ணீற்றனைப்
    பொன்னு ருவனைப் புள்ளிருக் குவேளூர்
    என்ன வல்லவர்க் கில்லை யிடர்களே. 5.79.4
    791 செங்கண் மால்பிர மற்கு மறிவொணா
    அங்கி யின்னுரு வாகி அழல்வதோர்
    பொங்க ரவனைப் புள்ளிருக் குவேளூர்
    மங்கை பாகனை வாழ்த்த வருமின்பே. 5.79.5
    792 குற்ற மில்லியைக் கோலச் சிலையினாற்
    செற்ற வர்புரஞ் செந்தழ லாக்கியைப்
    புற்ற ரவனைப் புள்ளிருக் குவேளூர்
    பற்ற வல்லவர் பாவம் பறையுமே. 5.79.6
    793 கையி னோடுகால் கட்டி யுமரெலாம்
    ஐயன் வீடினன் என்பதன் முன்னம்நீர்
    பொய்யி லாவரன் புள்ளிருக் குவேளூர்
    மையு லாவிய கண்டனை வாழ்த்துமே. 5.79.7
    794 உள்ளம் உள்கி உகந்து சிவனென்று
    மெள்ள வுள்க வினைகெடும் மெய்ம்மையே
    புள்ளி னார்பணி புள்ளிருக் குவேளூர்
    வள்ளல் பாதம் வணங்கித் தொழுமினே. 5.79.8
    இப்பதிகத்தில் 9-ம் செய்யுள் சிதைந்து போயிற்று. 5.79.9
    795 அரக்க னார்தலை பத்தும் அழிதர
    நெருக்கி மாமலர்ப் பாதம் நிறுவிய
    பொருப்ப னாருறை புள்ளிருக் குவேளூர்
    விருப்பி னாற்றொழு வார்வினை வீடுமே. 5.79.10

    இத்தலம் சோழநாட்டிலுள்ளது.
    சுவாமிபெயர் - வைத்தியநாதர், தேவியார் - தையல்நாயகியம்மை.
    திருச்சிற்றம்பலம்


    5.80 திருஅன்பில்ஆலந்துறை - திருக்குறுந்தொகை


    திருச்சிற்றம்பலம்

    796 வானஞ் சேர்மதி சூடிய மைந்தனை
    நீநெஞ் சேகெடு வாய்நினை கிற்கிலை
    ஆனஞ் சாடியை அன்பிலா லந்துறைக்
    கோனெஞ் செல்வனைக் கூறிடக் கிற்றியே. 5.80.1
    797 கார ணத்தர் கருத்தர் கபாலியார்
    வார ணத்துரி போர்த்த மணாளனார்
    ஆர ணப்பொருள் அன்பிலா லந்துறை
    நார ணற்கரி யானொரு நம்பியே. 5.80.2
    798 அன்பினா னஞ்ச மைந்துட னாடிய
    என்பின் ஆனை யுரித்துக் களைந்தவன்
    அன்பி லானையம் மானையள் ளூறிய
    அன்பி னால்நினைந் தாரறிந் தார்களே. 5.80.3
    799 சங்கை யுள்ளதுஞ் சாவது மெய்யுமை
    பங்க னாரடி பாவியே னானுய
    அங்க ணனெந்தை அன்பிலா லந்துறைச்
    செங்க ணாரடிச் சேரவும் வல்லனே. 5.80.4
    800 கொக்கி றகர் குளிர்மதிச் சென்னியர்
    மிக்க ரக்கர் புரமெரி செய்தவர்
    அக்க ரையினர் அன்பிலா லந்துறை
    நக்கு ருவரும் நம்மை யறிவரே. 5.80.5
    801 வெள்ள முள்ள விரிசடை நந்தியைக்
    கள்ள முள்ள மனத்தவர் காண்கிலார்
    அள்ள லார்வயல் அன்பிலா லந்துறை
    உள்ள வாறறி யார்சிலர் ஊமரே. 5.80.6
    802 பிறவி மாயப் பிணக்கில் அழுந்தினும்
    உறவெ லாஞ்சிந்தித் துன்னி உகவாதே
    அறவன் எம்பிரான் அன்பிலா லந்துறை
    மறவா தேதொழு தேத்தி வணங்குமே. 5.80.7
    803 நுணங்கு நூலயன் மாலும் இருவரும்
    பிணங்கி யெங்குந் திரிந்தெய்த்துங் காண்கிலா
    அணங்கன் எம்பிரான் அன்பிலா லந்துறை
    வணங்கும் நும்வினை மாய்ந்தறும் வண்ணமே. 5.80.8
    804 பொய்யெ லாமுரைக் குஞ்சமண் சாக்கியக்
    கையன் மாருரை கேளா தெழுமினோ
    ஐயன் எம்பிரான் அன்பிலா லந்துறை
    மெய்யன் சேவடி யேத்துவார் மெய்யரே. 5.80.9
    805 இலங்கை வேந்தன் இருபது தோளிற்று
    மலங்க மாமலை மேல்விரல் வைத்தவன்
    அலங்கல் எம்பிரான் அன்பிலா லந்துறை
    வலங்கொள் வாரைவா னோர்வலங் கொள்வரே. 5.80.10

    இத்தலம் சோழநாட்டிலுள்ளது.
    சுவாமிபெயர் - சத்திவாகீசர், தேவியார் - சவுந்தரநாயகியம்மை.
    திருச்சிற்றம்பலம்


    5.81 திருப்பாண்டிக்கொடுமுடி - திருக்குறுந்தொகை


    திருச்சிற்றம்பலம்

    806 சிட்ட னைச்சிவ னைச்செழுஞ் சோதியை
    அட்ட மூர்த்தியை ஆல நிழலமர்
    பட்ட னைத்திருப் பாண்டிக் கொடுமுடி
    நட்ட னைத்தொழ நம்வினை நாசமே. 5.81.1
    807 பிரமன் மாலறி யாத பெருமையன்
    தரும மாகிய தத்துவன் எம்பிரான்
    பரம னாருறை பாண்டிக் கொடுமுடி
    கரும மாகத் தொழுமட நெஞ்சமே. 5.81.2
    808 ஊச லாளல்லள் ஒண்கழ லாளல்லள்
    தேச மாந்திருப் பாண்டிக் கொடுமுடி
    ஈச னேயெனும் இத்தனை யல்லது
    பேசு மாறறி யாளொரு பேதையே. 5.81.3
    809 தூண்டி யசுடர் போலொக்குஞ் சோதியான்
    காண்ட லுமெளி யன்னடி யார்கட்குப்
    பாண்டிக் கொடுமுடி மேய பரமனைக்
    காண்டு மென்பவர்க் கேதுங் கருத்தொணான். 5.81.4
    810 நெருக்கி யம்முடி நின்றிசை வானவர்
    இருக்கொ டும்பணிந் தேத்த இருந்தவன்
    திருக்கொ டுமுடி யென்றலுந் தீவினைக்
    கருக்கெ டுமிது கைகண்ட யோகமே. 5.81.5
    இப்பதிகத்தில் 6,7,8,9,10-ம் செய்யுட்கள் சிதைந்து போயின. 5.81.6-10

    இத்தலம் கொங்குநாட்டிலுள்ளது.
    சுவாமிபெயர் - கொடுமுடிநாதேசுவரர், தேவியார் - பண்மொழிநாயகியம்மை.
    திருச்சிற்றம்பலம்


    5.82 திருவான்மியூர் - திருக்குறுந்தொகை


    திருச்சிற்றம்பலம்

    811 விண்ட மாமலர் கொண்டு விரைந்துநீர்
    அண்ட நாயகன் றன்னடி சூழ்மின்கள்
    பண்டு நீர்செய்த பாவம் பறைந்திடும்
    வண்டு சேர்பொழில் வான்மியூ ரீசனே. 5.82.1
    812 பொருளுஞ் சுற்றமும் பொய்ம்மையும் விட்டுநீர்
    மருளும் மாந்தரை மாற்றி மயக்கறுத்
    தருளு மாவல்ல ஆதியா யென்றலும்
    மருள றுத்திடும் வான்மியூ ரீசனே. 5.82.2
    813 மந்த மாகிய சிந்தை மயக்கறுத்
    தந்த மில்குணத் தானை யடைந்துநின்
    றெந்தை யீசனென் றேத்திட வல்லிரேல்
    வந்து நின்றிடும் வான்மியூ ரீசனே. 5.82.3
    814 உள்ள முள்கலந் தேத்தவல் லார்க்கலாற்
    கள்ள முள்ள வழிக்கசி வானலன்
    வெள்ள முமர வும்விர வுஞ்சடை
    வள்ள லாகிய வான்மியூ ரீசனே. 5.82.4
    815 படங்கொள் பாம்பரைப் பான்மதி சூடியை
    வடங்கொள் மென்முலை மாதொரு கூறனைத்
    தொடர்ந்து நின்று தொழுதெழு வார்வினை
    மடங்க நின்றிடும் வான்மியூ ரீசனே. 5.82.5
    816 நெஞ்சி லைவர் நினைக்க நினைக்குறார்
    பஞ்சின் மெல்லடி யாளுமை பங்கவென்
    றஞ்சி நாண்மலர் தூவி யழுதிரேல்
    வஞ்சந் தீர்த்திடும் வான்மியூ ரீசனே. 5.82.6
    817 நுணங்கு நூலயன் மாலு மறிகிலாக்
    குணங்கள் தாம்பர விக்குறைந் துக்கவர்
    சுணங்கு பூண்முலைத் தூமொழி யாரவர்
    வணங்க நின்றிடும் வான்மியூ ரீசனே. 5.82.7
    818 ஆதி யும்மர னாயயன் மாலுமாய்ப்
    பாதி பெண்ணுரு வாய பரமனென்
    றோதி யுள்குழைந் தேத்தவல் லாரவர்
    வாதை தீர்த்திடும் வான்மியூ ரீசனே. 5.82.8
    819 ஓட்டை மாடத்தி லொன்பது வாசலுங்
    காட்டில் வேவதன் முன்னங் கழலடி
    நாட்டி நாண்மலர் தூவி வலஞ்செயில்
    வாட்டந் தீர்த்திடும் வான்மியூ ரீசனே. 5.82.9
    820 பார மாக மலையெடுத் தான்றனைச்
    சீர மாகத் திருவிர லூன்றினான்
    ஆர்வ மாக அழைத்தவ னேத்தலும்
    வார மாயினன் வான்மியூ ரீசனே. 5.82.10

    இத்தலம் தொண்டைநாட்டிலுள்ளது.
    சுவாமிபெயர் - மருந்தீசுவரர், தேவியார் - சொக்கநாயகியம்மை.
    திருச்சிற்றம்பலம்


    5.83 திருநாகைக்காரோணம் - திருக்குறுந்தொகை


    திருச்சிற்றம்பலம்

    821 பாணத் தான்மதில் மூன்று மெரித்தவன்
    பூணத் தானர வாமை பொறுத்தவன்
    காணத் தானினி யான்கடல் நாகைக்கா
    ரோணத் தானென நம்வினை ஓயுமே. 5.83.1
    822 வண்ட லம்பிய வார்சடை ஈசனை
    விண்ட லம்பணிந் தேத்தும் விகிர்தனைக்
    கண்ட லங்கமழ் நாகைக்கா ரோணனைக்
    கண்ட லும்வினை யான கழலுமே. 5.83.2
    823 புனையு மாமலர் கொண்டு புரிசடை
    நனையு மாமலர் சூடிய நம்பனைக்
    கனையும் வார்கடல் நாகைக்கா ரோணனை
    நினைய வேவினை யாயின நீங்குமே. 5.83.3
    824 கொல்லை மால்விடை யேறிய கோவினை
    எல்லி மாநட மாடும் இறைவனைக்
    கல்லி னார்மதில் நாகைக்கா ரோணனைச்
    சொல்ல வேவினை யானவை சோருமே. 5.83.4
    825 மெய்ய னைவிடை யூர்தியை வெண்மழுக்
    கைய னைக்கடல் நாகைக்கா ரோணனை
    மைய னுக்கிய கண்டனை வானவர்
    ஐய னைத்தொழு வார்க்கல்ல லில்லையே. 5.83.5
    826 அலங்கல் சேர்சடை ஆதி புராணனை
    விலங்கல் மெல்லியல் பாகம் விருப்பனைக்
    கலங்கள் சேர்கடல் நாகைக்கா ரோணனை
    வலங்கொள் வார்வினை யாயின மாயுமே. 5.83.6
    827 சினங்கொள் மால்கரி சீறிய ஏறினை
    இனங்கொள் வானவ ரேத்திய ஈசனைக்
    கனங்கொள் மாமதில் நாகைக்கா ரோணனை
    மனங்கொள் வார்வினை யாயின மாயுமே. 5.83.7
    828 அந்த மில்புகழ் ஆயிழை யார்பணிந்
    தெந்தை யீசனென் றேத்தும் இறைவனைக்
    கந்த வார்பொழில் நாகைக்கா ரோணனைச்
    சிந்தை செய்யக் கெடுந்துயர் திண்ணமே. 5.83.8
    829 கருவ னைக்கடல் நாகைக்கா ரோணனை
    இருவ ருக்கறி வொண்ணா இறைவனை
    ஒருவ னையுண ரார்புர மூன்றெய்த
    செருவ னைத்தொழத் தீவினை தீருமே. 5.83.9
    830 கடல்க ழிதழி நாகைக்கா ரோணன்றன்
    வடவ ரையெடுத் தார்த்த அரக்கனை
    அடர வூன்றிய பாதம் அணைதரத்
    தொடர அஞ்சுந் துயக்கறுங் காலனே. 5.83.10

    இத்தலம் சோழநாட்டிலுள்ளது.
    சுவாமிபெயர் - காயாரோகணேசுவரர், தேவியார் - நீலயதாட்சியம்மை.
    திருச்சிற்றம்பலம்


    5.84 திருக்காட்டுப்பள்ளி - திருக்குறுந்தொகை


    திருச்சிற்றம்பலம்

    831 மாட்டுப் பள்ளி மகிழ்ந்துறை வீர்க்கெலாங்
    கேட்டுப் பள்ளிகண் டீர்கெடு வீரிது
    ஓட்டுப் பள்ளிவிட் டோ ட லுறாமுனங்
    காட்டுப் பள்ளியு ளான்கழல் சேர்மினே. 5.84.1
    832 மாட்டைத் தேடி மகிழ்ந்துநீர் நும்முளே
    நாட்டுப் பொய்யெலாம் பேசிடு நாணிலீர்
    கூட்டை விட்டுயிர் போவதன் முன்னமே
    காட்டுப் பள்ளியு ளான்கழல் சேர்மினே. 5.84.2
    833 தேனை வென்றசொல் லாளொடு செல்வமும்
    ஊனை விட்டுயிர் போவதன் முன்னமே
    கான வேடர் கருதுங்காட் டுப்பள்ளி
    ஞான நாயக னைச்சென்று நண்ணுமே. 5.84.3
    834 அருத்த முமனை யாளொடு மக்களும்
    பொருத்த மில்லை பொல்லாதது போக்கிடுங்
    கருத்தன் கண்ணுதல் அண்ணல்காட் டுப்பள்ளித்
    திருத்தன் சேவடி யைச்சென்று சேர்மினே. 5.84.4
    835 சுற்ற முந்துணை யும்மனை வாழ்க்கையும்
    அற்ற போதணை யாரவ ரென்றென்றே
    கற்ற வர்கள் கருதுங்காட் டுப்பள்ளிப்
    பெற்ற மேறும் பிரானடி சேர்மினே. 5.84.5
    836 அடும்புங் கொன்றையும் வன்னியும் மத்தமுந்
    துடும்பல் செய்சடைத் தூமணிச் சோதியான்
    கடம்பன் தாதை கருதுங்காட் டுப்பள்ளி
    உடம்பி னார்க்கோர் உறுதுணை யாகுமே. 5.84.6
    837 மெய்யின் மாசுடை யாருடல் மூடுவார்
    பொய்யை மெய்யென்று புக்குடன் வீழன்மின்
    கையின் மானுடை யான்காட்டுப் பள்ளியெம்
    ஐயன் றன்னடி யேயடைந் துய்மினே. 5.84.7
    838 வேலை வென்றகண் ணாரை விரும்பிநீர்
    சீலங் கெட்டுத் திகையன்மின் பேதைகாள்
    காலை யேதொழுங் காட்டுப்பள் ளியுறை
    நீல கண்டனை நித்தல் நினைமினே. 5.84.8
    839 இன்று ளார்நாளை இல்லை யெனும்பொருள்
    ஒன்று மோரா துழிதரும் ஊமர்காள்
    அன்று வானவர்க் காக விடமுண்ட
    கண்ட னார்காட்டுப் பள்ளிகண் டுய்ம்மினே. 5.84.9
    840 எண்ணி லாவரக் கன்மலை யேந்திட
    எண்ணி நீண்முடி பத்து மிறுத்தவன்
    கண்ணு ளார்கரு துங்காட்டுப் பள்ளியை
    நண்ணு வாரவர் தம்வினை நாசமே. 5.84.10

    இத்தலம் சோழநாட்டிலுள்ளது.
    சுவாமிபெயர் - ஆரணியசுந்தரர், தேவியார் - அகிலாண்டநாயகியம்மை.
    திருச்சிற்றம்பலம்


    5.85 திருச்சிராப்பள்ளி - திருக்குறுந்தொகை


    திருச்சிற்றம்பலம்

    841 மட்டு வார்குழ லாளொடு மால்விடை
    இட்ட மாவுகந் தேறும் இறைவனார்
    கட்டு நீத்தவர்க் கின்னரு ளேசெயுஞ்
    சிட்டர் போலுஞ் சிராப்பள்ளிச் செல்வரே. 5.85.1
    842 அரிய யன்றலை வெட்டிவட் டாடினார்
    அரிய யன்றொழு தேத்தும் அரும்பொருள்
    பெரிய வன்சிராப் பள்ளியைப் பேணுவார்
    அரிய யன்றொழ அங்கிருப் பார்களே. 5.85.2
    843 அரிச்சி ராப்பகல் ஐவரா லாட்டுண்டு
    சுரிச்சி ராதுநெஞ் சேயொன்று சொல்லக்கேள்
    திரிச்சி ராப்பள்ளி யென்றலுந் தீவினை
    நரிச்சி ராது நடக்கும் நடக்குமே. 5.85.3
    844 தாயு மாயெனக் கேதலை கண்ணுமாய்ப்
    பேய னேனையும் ஆண்ட பெருந்தகை
    தேய நாதன் சிராப்பள்ளி மேவிய
    நாய னாரென நம்வினை நாசமே. 5.85.4
    இப்பதிகத்தில் 5,6,7,8,9,10-ம் செய்யுட்கள் சிதைந்து போயின. 5.85.5-10

    இத்தலம் சோழநாட்டிலுள்ளது.
    சுவாமிபெயர் - தாயுமானேசுவரர், தேவியார் - மட்டுவார்குழலம்மை.
    திருச்சிற்றம்பலம்


    5.86 திருவாட்போக்கி - திருக்குறுந்தொகை


    திருச்சிற்றம்பலம்

    845 கால பாசம் பிடித்தெழு தூதுவர்
    பால கர்விருத் தர்பழை யாரெனார்
    ஆல நீழ லமர்ந்தவாட் போக்கியார்
    சீல மார்ந்தவர் செம்மையுள் நிற்பரே. 5.86.1
    846 விடுத்த தூதுவர் வந்து வினைக்குழிப்
    படுத்த போது பயனிலை பாவிகாள்
    அடுத்த கின்னரங் கேட்கும்வாட் போக்கியை
    எடுத்து மேத்தியும் இன்புறு மின்களே. 5.86.2
    847 வந்திவ் வாறு வளைத்தெழு தூதுவர்
    உந்தி யோடி நரகத் திடாமுனம்
    அந்தி யின்னொளி தாங்கும்வாட் போக்கியார்
    சிந்தி யாவெழு வார்வினை தீர்ப்பரே. 5.86.3
    848 கூற்றம் வந்து குமைத்திடும் போதினாற்
    தேற்றம் வந்து தெளிவுற லாகுமே
    ஆற்ற வுமருள் செய்யும்வாட் போக்கிபால்
    ஏற்று மின்விளக் கையிருள் நீங்கவே. 5.86.4
    849 மாறு கொண்டு வளைத்தெழு தூதுவர்
    வேறு வேறு படுப்பதன் முன்னமே
    ஆறு செஞ்சடை வைத்தவாட் போக்கியார்க்
    கூறி யூறி உருகுமென் னுள்ளமே. 5.86.5
    850 கான மோடிக் கடிதெழு தூதுவர்
    தான மோடு தலைபிடி யாமுனம்
    ஆனஞ் சாடி யுகந்தவாட் போக்கியார்
    ஊன மில்லவர்க் குண்மையில் நிற்பரே. 5.86.6
    851 பார்த்துப் பாசம் பிடித்தெழு தூதுவர்
    கூர்த்த வேலாற் குமைப்பதன் முன்னமே
    ஆர்த்த கங்கை யடக்கும்வாட் போக்கியார்
    கீர்த்தி மைகள் கிளர்ந்துரை மின்களே. 5.86.7
    852 நாடி வந்து நமன்தமர் நல்லிருள்
    கூடி வந்து குமைப்பதன் முன்னமே
    ஆடல் பாடல் உகந்தவாட் போக்கியை
    வாடி யேத்தநம் வாட்டந் தவிருமே. 5.86.8
    853 கட்ட றுத்துக் கடிதெழு தூதுவர்
    பொட்ட நூக்கிப் புறப்படா முன்னமே
    அட்ட மாமலர் சூடும்வாட் போக்கியார்க்
    கிட்ட மாகி யிணையடி யேத்துமே. 5.86.9
    854 இரக்க முன்னறி யாதெழு தூதுவர்
    பரக்க ழித்தவர் பற்றுதன் முன்னமே
    அரக்க னுக்கருள் செய்தவாட் போக்கியார்
    கரப்ப துங்கரப் பாரவர் தங்கட்கே. 5.86.10

    இத்தலம் சோழநாட்டிலுள்ளது.
    சுவாமிபெயர் - இரத்தினகிரீசுவரர், தேவியார் - சுரும்பார்குழலம்மை.
    திருச்சிற்றம்பலம்


    5.87 திருமணஞ்சேரி - திருக்குறுந்தொகை


    திருச்சிற்றம்பலம்

    855 பட்ட நெற்றியர் பாய்புலித் தோலினர்
    நட்ட நின்று நவில்பவர் நாடொறுஞ்
    சிட்டர் வாழ்திரு வார்மணஞ் சேரியெம்
    வட்ட வார்சடை யார்வண்ணம் வாழ்த்துமே. 5.87.1
    856 துன்னு வார்குழ லாளுமை யாளொடும்
    பின்னு வார்சடை மேற்பிறை வைத்தவர்
    மன்னு வார்மணஞ் சேரி மருந்தினை
    உன்னு வார்வினை யாயின ஓயுமே. 5.87.2
    857 புற்றி லாடர வாட்டும் புனிதனார்
    தெற்றி னார்புரந் தீயெழச் செற்றவர்
    சுற்றி னார்மதில் சூழ்மணஞ் சேரியார்
    பற்றி னாரவர் பற்றவர் காண்மினே. 5.87.3
    858 மத்த மும்மதி யும்வளர் செஞ்சடை
    முத்தர் முக்குணர் மூசர வம்மணி
    சித்தர் தீவணர் சீர்மணஞ் சேரியெம்
    வித்தர் தாம்விருப் பாரை விருப்பரே. 5.87.4
    859 துள்ளு மான்மறி தூமழு வாளினர்
    வெள்ள நீர்கரந் தார்சடை மேலவர்
    அள்ள லார்வயல் சூழ்மணஞ் சேரியெம்
    வள்ள லார்கழல் வாழ்த்தவாழ் வாவதே. 5.87.5
    860 நீர்ப ரந்த நிமிர்புன் சடையின்மேல்
    ஊர்ப ரந்த உரகம் அணிபவர்
    சீர்ப ரந்த திருமணஞ் சேரியார்
    ஏர்ப ரந்தங் கிலங்குசூ லத்தரே. 5.87.6
    861 சுண்ணத் தர்சுடு நீறுகந் தாடலார்
    விண்ணத் தம்மதி சூடிய வேதியர்
    மண்ணத் தம்முழ வார்மணஞ் சேரியார்
    வண்ணத் தம்முலை யாளுமை வண்ணரே. 5.87.7

    862 துன்ன வாடையர் தூமழு வாளினர்
    பின்னு செஞ்சடை மேற்பிறை வைத்தவர்
    மன்னு வார்பொழில் சூழ்மணஞ் சேரியெம்
    மன்ன னார்கழ லேதொழ வாய்க்குமே. 5.87.8
    863 சித்தர் தேவர்கள் மாலொடு நான்முகன்
    புத்தர் தேரமண் கையர் புகழவே
    மத்தர் தாமறி யார்மணஞ் சேரியெம்
    அத்த னாரடி யார்க்கல்ல லில்லையே. 5.87.9
    864 கடுத்த மேனி அரக்கன் கயிலையை
    எடுத்த வனெடு நீண்முடி பத்திறப்
    படுத்த லுமணஞ் சேரி யருளெனக்
    கொடுத்த னன்கொற்ற வாளொடு நாமமே. 5.87.10

    இத்தலம் சோழநாட்டிலுள்ளது.
    சுவாமிபெயர் - அருள்வள்ளல்நாயகர், தேவியார் - யாழின்மொழியம்மை.
    திருச்சிற்றம்பலம்


    5.88 திருமருகல் - திருக்குறுந்தொகை


    திருச்சிற்றம்பலம்

    865 பெருக லாந்தவம் பேதைமை தீரலாந்
    திருக லாகிய சிந்தை திருத்தலாம்
    பருக லாம்பர மாயதோ ரானந்தம்
    மருக லானடி வாழ்த்தி வணங்கவே. 5.88.1
    866 பாடங் கொள்பனு வற்றிறங் கற்றுப்போய்
    நாடங் குள்ளன தட்டிய நாணிலீர்
    மாடஞ் சூழ்மரு கற்பெரு மான்றிரு
    வேடங் கைதொழ வீடெளி தாகுமே. 5.88.2
    867 சினத்தி னால்வருஞ் செய்தொழி லாமவை
    அனைத்தும் நீங்கிநின் றாதர வாய்மிக
    மனத்தி னால்மரு கற்பெரு மான்றிறம்
    நினைப்பி னார்க்கில்லை நீணில வாழ்க்கையே. 5.88.3
    868 ஓது பைங்கிளிக் கொண்பால் அமுதூட்டிப்
    பாது காத்துப் பலபல கற்பித்து
    மாது தான்மரு கற்பெரு மானுக்குத்
    தூது சொல்ல விடத்தான் தொடங்குமே. 5.88.4
    869 இன்ன வாறென்ப துண்டறி யேனின்று
    துன்னு கைவளை சோரக்கண் நீர்மல்கும்
    மன்னு தென்மரு கற்பெரு மான்றிறம்
    உன்னி யொண்கொடி உள்ள முருகுமே. 5.88.5
    870 சங்கு சோரக் கலையுஞ் சரியவே
    மங்கை தான்மரு கற்பெரு மான்வரும்
    அங்க வீதி அருகணை யாநிற்கும்
    நங்கை மீரிதற் கென்செய்கேன் நாளுமே. 5.88.6
    871 காட்சி பெற்றில ளாகிலுங் காதலே
    மீட்சி யொன்றறி யாது மிகுவதே
    மாட்சி யார்மரு கற்பெரு மானுக்குத்
    தாழ்ச்சி சாலவுண் டாகுமென் தையலே. 5.88.7
    872 நீடு நெஞ்சுள் நினைந்துகண் ணீர்மல்கும்
    ஓடு மாலினோ டொண்கொடி மாதராள்
    மாட நீண்மரு கற்பெரு மான்வரிற்
    கூடு நீயென்று கூட லிழைக்குமே. 5.88.8
    873 கந்த வார்குழல் கட்டிலள் காரிகை
    அந்தி மால்விடை யோடுமன் பாய்மிக
    வந்தி டாய்மரு கற்பெரு மானென்று
    சிந்தை செய்து திகைத்திடுங் காண்மினே. 5.88.9
    874 ஆதி மாமலை அன்றெடுத் தானிற்றுச்
    சோதி யென்றலுந் தொல்லருள் செய்திடும்
    ஆதி யான்மரு கற்பெரு மான்றிறம்
    ஓதி வாழ்பவர் உம்பர்க்கும் உம்பரே. 5.88.10

    இத்தலம் சோழநாட்டிலுள்ளது.
    சுவாமிபெயர் - மாணிக்கவண்ணவீசுவரர், தேவியார் - வண்டுவார்குழலம்மை.
    திருச்சிற்றம்பலம்


    5.89 தனி - திருக்குறுந்தொகை


    திருச்சிற்றம்பலம்

    875 ஒன்று வெண்பிறைக் கண்ணியோர் கோவணம்
    ஒன்று கீளுமை யோடு முடுத்தது
    ஒன்று வெண்டலை யேந்தியெம் முள்ளத்தே
    ஒன்றி நின்றங் குறையும் ஒருவனே. 5.89.1
    876 இரண்டு மாமவர்க் குள்ளன செய்தொழில்
    இரண்டு மாமவர்க் குள்ளன கோலங்கள்
    இரண்டு மில்லிள மானெமை யாளுகந்
    திரண்டு போதுமென் சிந்தையுள் வைகுமே. 5.89.2
    877 மூன்று மூர்த்தியுள் நின்றிய லுந்தொழில்
    மூன்று மாயின மூவிலைச் சூலத்தன்
    மூன்று கண்ணினன் தீத்தொழில் மூன்றினன்
    மூன்று போதுமென் சிந்தையுள் மூழ்குமே. 5.89.3
    878 நாலின் மேன்முகஞ் செற்றது மன்னிழல்
    நாலு நன்குணர்ந் திட்டது மின்பமாம்
    நாலு வேதஞ் சரித்தது நன்னெறி
    நாலு போலெம் அகத்துறை நாதனே. 5.89.4
    879 அஞ்சு மஞ்சுமோ ராடி யரைமிசை
    அஞ்சு போலரை யார்த்ததின் றத்துவம்
    அஞ்சு மஞ்சுமோ ரோரைஞ்சு மாயவன்
    அஞ்சு மாமெம் அகத்துறை ஆதியே. 5.89.5
    880 ஆறு கால்வண்டு மூசிய கொன்றையன்
    ஆறு சூடிய அண்ட முதல்வனார்
    ஆறு கூர்மையர்க் கச்சம யப்பொருள்
    ஆறு போலெம் அகத்துறை ஆதியே. 5.89.6
    881 ஏழு மாமலை ஏழ்பொழில் சூழ்கடல்
    ஏழு போற்றுமி ராவணன் கைந்நரம்
    பேழு கேட்டருள் செய்தவன் பொற்கழல்
    ஏழுஞ் சூழடி யேன்மனத் துள்ளவே. 5.89.7
    882 எட்டு மூர்த்தியாய் நின்றிய லுந்தொழில்
    எட்டு வான்குணத் தீசனெம் மான்றனை
    எட்டு மூர்த்தியு மெம்மிறை யெம்முளே
    எட்டு மூர்த்தியு மெம்மு ளொடுங்குமே. 5.89.8
    883 ஒன்ப தொன்பதி யானை யொளிகளி
    றொன்ப தொன்பது பல்கணஞ் சூழவே
    ஒன்ப தாமவை தீத்தொழி லின்னுரை
    ஒன்ப தொத்துநின் றென்னு ளொடுங்குமே. 5.89.9
    884 பத்து நூறவன் வெங்கண்வெள் ளேற்றண்ணல்
    பத்து நூறவன் பல்சடை தோண்மிசை
    பத்தி யாமில மாதலின் ஞானத்தாற்
    பத்தி யானிடங் கொண்டது பள்ளியே. 5.89.10

    திருச்சிற்றம்பலம்


    5.90 தனி - திருக்குறுந்தொகை


    திருச்சிற்றம்பலம்

    885 மாசில் வீணையும் மாலை மதியமும்
    வீசு தென்றலும் வீங்கிள வேனிலும்
    மூசு வண்டறை பொய்கையும் போன்றதே
    ஈசன் எந்தை இணையடி நீழலே. 5.90.1
    886 நமச்சி வாயவே ஞானமுங் கல்வியும்
    நமச்சி வாயவே நானறி விச்சையும்
    நமச்சி வாயவே நாநவின் றேத்துமே
    நமச்சி வாயவே நன்னெறி காட்டுமே. 5.90.2
    887 ஆளா காராளா னாரை அடைந்துய்யார்
    மீளா வாட்செய்து மெய்ம்மையுள் நிற்கிலார்
    தோளா தசுரை யோதொழும் பர்செவி
    வாளா மாய்ந்துமண் ணாகிக் கழிவரே.
    தோளாத சுரையென்பது துவாரமிடாத சுரைக்காய் 5.90.3
    888 நடலை வாழ்வுகொண் டென்செய்திர் நாணிலீர்
    சுடலை சேர்வது சொற்பிர மாணமே
    கடலின் நஞ்சமு துண்டவர் கைவிட்டால்
    உடலி னார்கிடந் தூர்முனி பண்டமே. 5.90.4
    889 பூக்கைக் கொண்டரன் பொன்னடி போற்றிலார்
    நாக்கைக் கொண்டரன் நாமம் நவில்கிலார்
    ஆக்கைக் கேயிரை தேடி அலமந்து
    காக்கைக் கேயிரை யாகிக் கழிவரே. 5.90.5
    890 குறிக ளுமடை யாளமுங் கோயிலும்
    நெறிக ளுமவர் நின்றதோர் நேர்மையும்
    அறிய ஆயிரம் ஆரணம் ஓதிலும்
    பொறியி லீர்மன மென்கொல் புகாததே. 5.90.6
    891 வாழ்த்த வாயும் நினைக்க மடநெஞ்சும்
    தாழ்த்தச் சென்னியுந் தந்த தலைவனைச்
    சூழ்த்த மாமலர் தூவித் துதியாதே
    வீழ்த்த வாவினை யேன்நெடுங் காலமே. 5.90.7
    892 எழுது பாவைநல் லார்திறம் விட்டுநான்
    தொழுது போற்றிநின் றேனையுஞ் சூழ்ந்துகொண்
    டுழுத சால்வழி யேயுழு வான்பொருட்
    டிழுதை நெஞ்சமி தென்படு கின்றதே. 5.90.8
    893 நெக்கு நெக்கு நினைபவர் நெஞ்சுளே
    புக்கு நிற்கும்பொன் னார்சடைப் புண்ணியன்
    பொக்க மிக்கவர் பூவுநீ ருங்கண்டு
    நக்கு நிற்ப ரவர்தமை நாணியே. 5.90.9
    894 விறகிற் றீயினன் பாலிற் படுநெய்போல்
    மறைய நின்றுளன் மாமணிச் சோதியான்
    உறவு கோல்நட் டுணர்வு கயிற்றினான்
    முறுக வாங்கிக் கடையமுன் னிற்குமே. 5.90.10

    திருச்சிற்றம்பலம்


    5.91 தனி - திருக்குறுந்தொகை


    திருச்சிற்றம்பலம்

    895 ஏயி லானையெ னிச்சை யகம்படிக்
    கோயி லானைக் குணப்பெருங் குன்றினை
    வாயி லானை மனோன்மனி யைப்பெற்ற
    தாயி லானைத் தழுவுமென் ஆவியே. 5.91.1
    896 முன்னை ஞான முதற்றனி வித்தினைப்
    பின்னை ஞானப் பிறங்கு சடையனை
    என்னை ஞானத் திருளறுத் தாண்டவன்
    தன்னை ஞானத் தளையிட்டு வைப்பனே. 5.91.2
    897 ஞானத் தாற்றொழு வார்சில ஞானிகள்
    ஞானத் தாற்றொழு வேனுனை நானலேன்
    ஞானத் தாற்றொழு வார்கள் தொழக்கண்டு
    ஞானத் தாயுனை நானுந் தொழுவனே. 5.91.3
    898 புழுவுக் குங்குணம் நான்கெனக் கும்மதே
    புழுவுக் கிங்கெனக் குள்ளபொல் லாங்கில்லை
    புழுவி னுங்கடையேன்புனி தன்றமர்
    குழுவுக் கெவ்விடத் தேன்சென்று கூடவே. 5.91.4
    899 மலையே வந்து விழினும் மனிதர்காள்
    நிலையி னின்று கலங்கப் பெறுதிரேல்
    தலைவ னாகிய ஈசன் றமர்களைக்
    கொலைகை யானைதான் கொன்றிடு கிற்குமே. 5.91.5
    900 கற்றுக் கொள்வன வாயுள நாவுள
    இட்டுக் கொள்வன பூவுள நீருள
    கற்றைச் செஞ்சடை யானுளன் நாமுளோம்
    எற்றுக் கோநம னால்முனி வுண்பதே. 5.91.6
    901 மனிதர் காளிங்கே வம்மொன்று சொல்லுகேன்
    கனிதந் தாற்கனி யுண்ணவும் வல்லிரே
    புனிதன் பொற்கழல் ஈசனெ னுங்கனி
    இனிது சாலவும் ஏசற் றவர்கட்கே. 5.91.7
    902 என்னை யேதும் அறிந்திலன் எம்பிரான்
    தன்னை நானுமு னேது மறிந்திலேன்
    என்னைத் தன்னடி யானென் றறிதலுந்
    தன்னை நானும் பிரானென் றறிந்தெனே. 5.91.8
    903 தெள்ளத் தேறித் தெளிந்துதித் திப்பதோர்
    உள்ளத் தேறல் அமுத ஒளிவெளி
    கள்ளத் தேன்கடி யேன்கவ லைக்கடல்
    வெள்ளத் தேனுக்கெவ் வாறு விளைந்ததே. 5.91.9
    இப்பதிகத்தில் 10-ம் செய்யுள் சிதைந்து போயிற்று. 5.91.10

    திருச்சிற்றம்பலம்


    5.92 காலபாராயணம் - திருக்குறுந்தொகை


    திருச்சிற்றம்பலம்

    904 கண்டு கொள்ளரி யானைக் கனிவித்துப்
    பண்டு நான்செய்த பாழிமை கேட்டிரேல்
    கொண்ட பாணி கொடுகொட்டி தாளங்கைக்
    கொண்ட தொண்டரைத் துன்னிலுஞ் சூழலே. 5.92.1
    905 நடுக்கத் துள்ளும் நகையுளும் நம்பற்குக்
    கடுக்கக் கல்ல வடமிடு வார்கட்குக்
    கொடுக்கக் கொள்க வெனவுரைப் பார்களை
    இடுக்கண் செய்யப் பெறீரிங்கு நீங்குமே. 5.92.2
    906 கார்கொள் கொன்றைக் கடிமலர்க் கண்ணியான்
    சீர்கொள் நாமஞ் சிவனென் றரற்றுவார்
    ஆர்க ளாகிலு மாக அவர்களை
    நீர்கள் சாரப் பெறீரிங்கு நீங்குமே. 5.92.3
    907 சாற்றி னேன்சடை நீண்முடிச் சங்கரன்
    சீற்றங் காமன்கண் வைத்தவன் சேவடி
    ஆற்ற வுங்களி பட்ட மனத்தராய்ப்
    போற்றி யென்றுரைப் பார்புடை போகலே. 5.92.4
    908 இறையென் சொன்மற வேல்நமன் றூதுவீர்
    பிறையும் பாம்பு முடைப்பெரு மான்றமர்
    நறவம் நாறிய நன்னறுஞ் சாந்திலும்
    நிறைய நீறணி வாரெதிர் செல்லலே. 5.92.5
    909 வாம தேவன் வளநகர் வைகலுங்
    காம மொன்றில ராய்க்கை விளக்கொடு
    தாமந் தூபமுந் தண்ணறுஞ் சாந்தமும்
    ஏம மும்புனை வாரெதிர் செல்லலே. 5.92.6
    910 படையும் பாசமும் பற்றிய கையினீர்
    அடையன் மின்னம தீசன் அடியரை
    விடைகொ ளூர்தியி னானடி யார்குழாம்
    புடைபு காதுநீர் போற்றியே போமினே. 5.92.7
    911 விச்சை யாவதும் வேட்கைமை யாவதும்
    நிச்சல் நீறணி வாரை நினைப்பதே
    அச்ச மெய்தி அருகணை யாதுநீர்
    பிச்சை புக்கவன் அன்பரைப் பேணுமே. 5.92.8
    912 இன்னங் கேண்மின் இளம்பிறை சூடிய
    மன்னன் பாதம் மனத்துட னேத்துவார்
    மன்னும் அஞ்செழுத் தாகிய மந்திரந்
    தன்னி லொன்றுவல் லாரையுஞ் சாரலே. 5.92.9
    913 மற்றுங் கேண்மின் மனப்பரிப் பொன்றின்றிச்
    சுற்றும் பூசிய நீற்றொடு கோவணம்
    ஒற்றை யேறுடை யானடியே யல்லாற்
    பற்றொன் றில்லிகள் மேற்படை போகலே. 5.92.10

    914 அரக்கன் ஈரைந் தலையுமோர் தாளினால்
    நெருக்கி யூன்றியிட் டான்தமர் நிற்கிலுஞ்
    சுருக்கெ னாதங்குப் பேர்மின்கண் மற்றுநீர்
    சுருக்கெ னிற்சுட ரான்கழல் சூடுமே. 5.92.11

    திருச்சிற்றம்பலம்


    5.93 மறக்கிற்பனே என்னும் - திருக்குறுந்தொகை


    திருச்சிற்றம்பலம்

    915 காச னைக்கன லைக்கதிர் மாமணித்
    தேச னைப்புக ழார்சிலர் தெண்ணர்கள்
    மாசி னைக்கழித் தாட்கொள வல்லவெம்
    ஈச னையினி நான்மறக் கிற்பனே. 5.93.1
    916 புந்திக் குவிளக் காய புராணனைச்
    சந்திக் கண்ணட மாடுஞ் சதுரனை
    அந்தி வண்ணனை ஆரழல் மூர்த்தியை
    வந்தெ னுள்ளங்கொண் டானை மறப்பனே. 5.93.2
    917 ஈசன் ஈசனென் றென்றும் அரற்றுவன்
    ஈசன் றானென் மனத்திற் பிரிவிலன்
    ஈசன் றன்னையு மென்மனத் துக்கொண்டு
    ஈசன் றன்னையும் யான்மறக் கிற்பனே. 5.93.3
    918 ஈசன் என்னை யறிந்த தறிந்தனன்
    ஈசன் சேவடி யேற்றப் பெறுதலால்
    ஈசன் சேவடி யேத்தப் பெற்றேனினி
    ஈசன் றன்னையும் யான்மறக் கிற்பனே. 5.93.4
    919 தேனைப் பாலினைத் திங்களை ஞாயிற்றை
    வான வெண்மதி சூடிய மைந்தனை
    வேனி லானை மெலிவுசெய் தீயழல்
    ஞான மூர்த்தியை நான்மறக் கிற்பனே. 5.93.5
    920 கன்ன லைக்கரும் பூறிய தேறலை
    மின்ன னைமின் னனைய வுருவனைப்
    பொன்ன னைமணிக் குன்று பிறங்கிய
    என்ன னையினி யான்மறக் கிற்பனே. 5.93.6
    921 கரும்பி னைக்கட்டி யைக்கந்த மாமலர்ச்
    சுரும்பி னைச்சுடர்ச் சோதியுட் சோதியை
    அரும்பி னிற்பெரும் போதுகொண் டாய்மலர்
    விரும்பும் ஈசனை நான்மறக் கிற்பனே. 5.93.7
    922 துஞ்சும் போதுஞ் சுடர்விடு சோதியை
    நெஞ்சுள் நின்று நினைப்பிக்கு நீதியை
    நஞ்சு கண்டத் தடக்கிய நம்பனை
    வஞ்ச னேனினி யான்மறக் கிற்பனே. 5.93.8
    923 புதிய பூவினைப் புண்ணிய நாதனை
    நிதியை நீதியை நித்திலக் குன்றினைக்
    கதியைக் கண்டங் கறுத்த கடவுளை
    மதியை மைந்தனை நான்மறக் கிற்பனே. 5.93.9
    924 கருகு கார்முகில் போல்வதோர் கண்டனை
    உருவ நோக்கியை ஊழி முதல்வனைப்
    பருகு பாலனைப் பான்மதி சூடியை
    மருவு மைந்தனை நான்மறக் கிற்பனே. 5.93.10

    திருச்சிற்றம்பலம்


    5.94 தொழற்பாலனம் என்னும் - திருக்குறுந்தொகை


    திருச்சிற்றம்பலம்

    925 அண்டத் தானை அமரர் தொழப்படும்
    பண்டத் தானைப் பவித்திர மாந்திரு
    முண்டத் தானைமுற் றாத இளம்பிறைத்
    துண்டத் தானைக்கண் டீர்தொழற் பாலதே. 5.94.1
    926 முத்தொப் பானை முளைத்தெழு கற்பக
    வித்தொப் பானை விளக்கிடை நேரொளி
    ஒத்தொப் பானை ஒளிபவ ளத்திரள்
    தொத்தொப் பானைக்கண் டீர்தொழற் பாலதே. 5.94.2
    927 பண்ணொத் தானைப் பவளந் திரண்டதோர்
    வண்ணத் தானை வகையுணர் வான்றனை
    எண்ணத் தானை இளம்பிறை போல்வெள்ளைச்
    சுண்ணத் தானைக்கண் டீர்தொழற் பாலதே. 5.94.3
    928 விடலை யானை விரைகமழ் தேன்கொன்றைப்
    படலை யானைப் பலிதிரி வான்செலும்
    நடலை யானை நரிபிரி யாததோர்
    சுடலை யானைக்கண் டீர்தொழற் பாலதே. 5.94.4
    929 பரிதி யானைப்பல் வேறு சமயங்கள்
    கருதி யானைக்கண் டார்மனம் மேவிய
    பிரிதி யானைப் பிறரறி யாததோர்
    சுருதி யானைக்கண் டீர்தொழற் பாலதே. 5.94.5
    930 ஆதி யானை அமரர் தொழப்படும்
    நீதி யானை நியம நெறிகளை
    ஓதி யானை உணர்தற் கரியதோர்
    சோதி யானைக்கண் டீர்தொழற் பாலதே. 5.94.6
    931 ஞாலத் தானைநல் லானைவல் லார்தொழுங்
    கோலத் தானைக் குணப்பெருங் குன்றினை
    மூலத் தானை முதல்வனை மூவிலைச்
    சூலத் தானைக்கண் டீர்தொழற் பாலதே. 5.94.7
    932 ஆதிப் பாலட்ட மூர்த்தியை ஆனஞ்சும்
    வேதிப் பானைநம் மேல்வினை வெந்தறச்
    சாதிப் பானைத் தவத்திடை மாற்றங்கள்
    சோதிப் பானைக்கண் டீர்தொழற் பாலதே. 5.94.8
    933 நீற்றி னானை நிகரில்வெண் கோவணக்
    கீற்றி னானைக் கிளரொளிச் செஞ்சடை
    ஆற்றி னானை அமரர்தம் ஆருயிர்
    தோற்றி னானைக்கண் டீர்தொழற் பாலதே. 5.94.9
    934 விட்டிட் டானைமெய்ஞ் ஞானத்து மெய்ப்பொருள்
    கட்டிட் டானைக் கனங்குழை பாலன்பு
    பட்டிட் டானைப் பகைத்தவர் முப்புரஞ்
    சுட்டிட் டானைக்கண் டீர்தொழற் பாலதே. 5.94.10
    935 முற்றி னானை இராவணன் நீண்முடி
    ஒற்றி னானை ஒருவிர லாலுறப்
    பற்றி னானையோர் வெண்டலைப் பாம்பரைச்
    சுற்றி னானைக்கண் டீர்தொழற் பாலதே. 5.94.11

    திருச்சிற்றம்பலம்

    5.95 இலிங்கபுராணம் - திருக்குறுந்தொகை


    திருச்சிற்றம்பலம்

    936 புக்க ணைந்து புரிந்தல ரிட்டிலர்
    நக்க ணைந்து நறுமலர் கொய்திலர்
    சொக்க ணைந்த சுடரொளி வண்ணனை
    மிக்குக் காணலுற் றாரங் கிருவரே. 5.95.1
    937 அலரு நீருங்கொண் டாட்டித் தெளிந்திலர்
    திலக மண்டலந் தீட்டித் திரிந்திலர்
    உலக மூர்த்தி யொளிநிற வண்ணனைச்
    செலவு காணலுற் றாரங் கிருவரே. 5.95.2
    938 ஆப்பி நீரோ டலகுகைக் கொண்டிலர்
    பூப்பெய் கூடை புனைந்து சுமந்திலர்
    காப்புக் கொள்ளி கபாலிதன் வேடத்தை
    ஓப்பிக் காணலுற் றாரங் கிருவரே. 5.95.3
    939 நெய்யும் பாலுங்கொண் டாட்டி நினைந்திலர்
    பொய்யும் பொக்கமும் போக்கிப் புகழ்ந்திலர்
    ஐயன் வெய்ய அழல்நிற வண்ணனை
    மெய்யைக் காணலுற் றாரங் கிருவரே. 5.95.4
    940 எருக்கங் கண்ணிகொண் டிண்டை புனைந்திலர்
    பெருக்கக் கோவணம் பீறி யுடுத்திலர்
    தருக்கி னாற்சென்று தாழ்சடை யண்ணலை
    நெருக்கிக் காணலுற் றாரங் கிருவரே. 5.95.5
    941 மரங்க ளேறி மலர்பறித் திட்டிலர்
    நிரம்ப நீர்சுமந் தாட்டி நினைந்திலர்
    உரம்பொ ருந்தி யொளிநிற வண்ணனை
    நிரம்பக் காணலுற் றாரங் கிருவரே. 5.95.6
    942 கட்டு வாங்கங் கபாலங்கைக் கொண்டிலர்
    அட்ட மாங்கங் கிடந்தடி வீழ்ந்திலர்
    சிட்டன் சேவடி சென்றெய்திக் காணிய
    பட்ட கட்டமுற் றாரங் கிருவரே. 5.95.7
    943 வெந்த நீறு விளங்க அணிந்திலர்
    கந்த மாமலர் இண்டை புனைந்திலர்
    எந்தை ஏறுகந் தேறெரி வண்ணனை
    அந்தங் காணலுற் றாரங் கிருவரே. 5.95.8
    944 இளவெ ழுந்த இருங்குவ ளைம்மலர்
    பிளவு செய்து பிணைத்தடி யிட்டிலர்
    களவு செய்தொழிற் காமனைக் காய்ந்தவன்
    அளவு காணலுற் றாரங் கிருவரே. 5.95.9
    945 கண்டி பூண்டு கபாலங்கைக் கொண்டிலர்
    விண்ட வான்சங்கம் விம்மவாய் வைத்திலர்
    அண்ட மூர்த்தி அழல்நிற வண்ணனைக்
    கெண்டிக் காணலுற் றாரங் கிருவரே. 5.95.10
    946 செங்க ணானும் பிரமனுந் தம்முளே
    எங்குந் தேடித் திரிந்தவர் காண்கிலார்
    இங்குற் றேனென்றி லிங்கத்தே தோன்றினான்
    பொங்கு செஞ்சடைப் புண்ணிய மூர்த்தியே. 11 5.95.11

    திருச்சிற்றம்பலம்


    5.96 மனத்தொகை - திருக்குறுந்தொகை


    திருச்சிற்றம்பலம்

    947 பொன்னுள் ளத்திரள் புன்சடை யின்புறம்
    மின்னுள் ளத்திரள் வெண்பிறை யாயிறை
    நின்னுள் ளத்தருள் கொண்டிருள் நீங்குதல்
    என்னுள் ளத்துள தெந்தை பிரானிரே. 5.96.1
    948 முக்க ணும்முடை யாய்முனி கள்பலர்
    தொக்கெ ணுங்கழ லாயொரு தோலினோ
    டக்க ணும்மரை யாயரு ளெய்தலா
    தெக்க ணும்மிலன் எந்தை பிரானிரே. 5.96.2
    949 பனியாய் வெங்கதிர் பாய்படர் புன்சடை
    முனியாய் நீயுல கம்முழு தாளினுந்
    தனியாய் நீசரண் நீசல மேபெரி
    தினியாய் நீயெனக் கெந்தை பிரானிரே. 5.96.3
    950 மறையும் பாடுதிர் மாதவர் மாலினுக்
    குறையு மாயினை கோளர வோடொரு
    பிறையுஞ் சூடினை யென்பத லாற்பிறி
    திறையுஞ் சொல்லிலை எந்தை பிரானிரே. 5.96.4
    951 பூத்தார் கொன்றையி னாய்புலி யின்னதள்
    ஆர்த்தா யாடர வோடன லாடிய
    கூத்தா நின்குரை யார்கழ லேயல
    தேத்தா நாவெனக் கெந்தை பிரானிரே. 5.96.5
    952 பைம்மா லும்மர வாபர மாபசு
    மைம்மால் கண்ணியோ டேறுமைந் தாவெனும்
    அம்மா லல்லது மற்றடி நாயினேற்
    கெம்மா லும்மிலன் எந்தை பிரானிரே. 5.96.6
    953 வெப்பத் தின்மன மாசு விளக்கிய
    செப்பத் தாற்சிவ னென்பவர் தீவினை
    ஒப்பத் தீர்த்திடும் ஒண்கழ லாற்கல்ல
    தெப்பற் றும்மிலன் எந்தை பிரானிரே. 5.96.7
    954 திகழுஞ் சூழ்சுடர் வானொடு வைகலும்
    நிகழு மொண்பொரு ளாயின நீதியென்
    புகழு மாறு மலானுன பொன்னடி
    இகழு மாறிலன் எந்தை பிரானிரே. 5.96.8
    955 கைப்பற் றித்திரு மால்பிர மன்னுனை
    எப்பற் றியறி தற்கரி யாயருள்
    அப்பற் றல்லது மற்றடி நாயினேன்
    எப்பற் றும்மிலன் எந்தை பிரானிரே. 5.96.9
    956 எந்தை யெம்பிரான் என்றவர் மேல்மனம்
    எந்தை யெம்பிரான் என்றிறைஞ் சித்தொழு
    தெந்தை யெம்பிரான் என்றடி யேத்துவார்
    எந்தை யெம்பிரான் என்றடி சேர்வரே. 5.96.10

    திருச்சிற்றம்பலம்


    5.97 சித்தத்தொகை - திருக்குறுந்தொகை


    திருச்சிற்றம்பலம்

    957 சிந்திப் பார்மனத் தான்சிவன் செஞ்சுடர்
    அந்தி வானிறத் தானணி யார்மதி
    முந்திச் சூடிய முக்கண்ணி னானடி
    வந்திப் பாரவர் வானுல காள்வரே. 5.97.1
    958 அண்ட மாரிரு ளூடு கடந்தும்பர்
    உண்டு போலுமோ ரொண்சுட ரச்சுடர்
    கண்டிங் காரறி வாரறி வாரெலாம்
    வெண்டிங் கட்கண்ணி வேதியன் என்பரே. 5.97.2
    959 ஆதி யாயவ னாரு மிலாதவன்
    போது சேர்புனை நீண்முடிப் புண்ணியன்
    பாதி பெண்ணுரு வாகிப் பரஞ்சுடர்ச்
    சோதி யுட்சோதி யாய்நின்ற சோதியே. 5.97.3
    960 இட்ட திட்டதோ ரேறுகந் தேறியூர்
    பட்டி துட்டங்க னாய்ப்பலி தேர்வதோர்
    கட்ட வாழ்க்கைய னாகிலும் வானவர்
    அட்ட மூர்த்தி யருளென் றடைவரே. 5.97.4
    961 ஈறில் கூறைய னாகி எரிந்தவெண்
    ணீறு பூசி நிலாமதி சூடிலும்
    வீறி லாதன செய்யினும் விண்ணவர்
    ஊற லாயரு ளாயென் றுரைப்பரே. 5.97.5
    962 உச்சி வெண்மதி சூடிலும் ஊனறாப்
    பச்சை வெண்டலை யேந்திப் பலஇலம்
    பிச்சை யேபுகு மாகிலும் வானவர்
    அச்சந் தீர்த்தரு ளாயென் றடைவரே. 5.97.6
    963 ஊரி லாயென்றொன் றாக வுரைப்பதோர்
    பேரி லாய்பிறை சூடிய பிஞ்ஞகா
    காரு லாங்கண்ட னேயுன் கழலடி
    சேர்வி லார்கட்குத் தீயவை தீயவே. 5.97.7
    964 எந்தை யேயெம் பிரானே யெனவுள்கிச்
    சிந்திப் பாரவர் தீவினை தீருமால்
    வெந்த நீறுமெய் பூசிய வேதியன்
    அந்த மாவளப் பாரடைந் தார்களே. 5.97.8
    965 ஏன வெண்மருப் போடென்பு பூண்டெழில்
    ஆனை யீருரி போர்த்தன லாடிலுந்
    தான வண்ணத்த னாகிலுந் தன்னையே
    வான நாடர் வணங்குவர் வைகலே. 5.97.9
    966 ஐயன் அந்தணன் ஆணொடு பெண்ணுமாம்
    மெய்யன் மேதகு வெண்பொடிப் பூசிய
    மைகொள் கண்டத்தன் மான்மறிக் கையினான்
    பைகொள் பாம்பரை யார்த்த பரமனே. 5.97.10
    967 ஒருவ னாகிநின் றானிவ் வுலகெலாம்
    இருவ ராகிநின் றார்கட் கறிகிலான்
    அருவ ராவரை ஆர்த்தவ னார்கழல்
    பரவு வாரவர் பாவம் பறையுமே. 5.97.11
    968 ஓத வண்ணனும் ஒண்மலர்ச் செல்வனும்
    நாத னேயரு ளாயென்று நாடொறுங்
    காதல் செய்து கருதப் படுமவர்
    பாத மேத்தப் பறையுநம் பாவமே. 5.97.12
    969 வ தன்மை யவரவ ராக்கையான்
    வெவ்வ தன்மைய னென்ப தொழிமினோ
    மௌவல் நீண்மலர் மேலுறை வானொடு
    பௌவ வண்ணனு மாய்ப்பணி வார்களே. 5.97.13
    970 அக்கும் ஆமையும் பூண்டன லேந்திஇல்
    புக்குப் பல்பலி தேரும் புராணனை
    நக்கு நீர்கள் நரகம் புகேன்மினோ
    தொக்க வானவ ராற்றொழு வானையே. 5.97.14
    971 கங்கை தங்கிய செஞ்சடை மேலிளந்
    திங்கள் சூடிய தீநிற வண்ணனார்
    இங்க ணாரெழில் வானம் வணங்கவே
    அங்க ணாற்கது வாலவன் தன்மையே. 5.97.15
    972 நகர வெல்கொடி யானொடு நன்னெஞ்சே
    நுகர நீயுனைக் கொண்டுயப் போக்குறில்
    மகர வெல்கொடி மைந்தனைக் காய்ந்தவன்
    புகரில் சேவடி யேபுக லாகுமே. 5.97.16
    973 சரண மாம்படி யார்பிற ரியாவரோ
    கரணந் தீர்த்துயிர் கையி லிகழ்ந்தபின்
    மரண மெய்திய பின்னவை நீக்குவான்
    அரண மூவெயி லெய்தவ னல்லனே. 5.97.17
    974 ஞமனென் பான்நர கர்க்கு நமக்கெலாஞ்
    சிவனென் பான்செழு மான்மறிக் கையினான்
    கவனஞ் செய்யுங் கனவிடை யூர்தியான்
    தமரென் றாலுங் கெடுந்தடு மாற்றமே. 5.97.18
    975 இடப மேறியும் இல்பலி யேற்பவர்
    அடவி காதலித் தாடுவர் ஐந்தலைப்
    படவம் பாம்பரை யார்த்த பரமனைக்
    கடவி ராய்ச்சென்று கைதொழு துய்ம்மினே. 5.97.19
    976 இணர்ந்து கொன்றைபொற் றாது சொரிந்திடும்
    புணர்ந்த வாளர வம்மதி யோடுடன்
    அணைந்த அஞ்சடை யானவன் பாதமே
    உணர்ந்த உள்ளத் தவருணர் வார்களே. 5.97.20
    977 தருமந் தான்றவந் தான்றவத் தால்வருங்
    கருமந் தான்கரு மான்மறிக் கையினான்
    அருமந் தன்ன அதிர்கழல் சேர்மினோ
    சிரமஞ் சேரழல் தீவினை யாளரே. 5.97.21
    978 நமச்சி வாயவென் பாருள ரேலவர்
    தமச்ச நீங்கத் தவநெறி சார்தலால்
    அமைத்துக் கொண்டதோர் வாழ்க்கைய னாகிலும்
    இமைத்து நிற்பது சால அரியதே. 5.97.22
    979 பற்பல் காலம் பயிற்றிப் பரமனைச்
    சொற்பல் காலம்நின் றேத்துமின் தொல்வினை
    வெற்பில் தோன்றிய வெங்கதிர் கண்டவப்
    புற்ப னிக்கெடு மாறது போலுமே. 5.97.23
    980 மணிசெய் கண்டத்து மான்மறிக் கையினான்
    கணிசெய் வேடத்தர் ஆயவர் காப்பினாற்
    பணிகள் தாஞ்செய வல்லவர் யாவர்தம்
    பிணிசெய் யாக்கையை நீக்குவர் பேயரே. 5.97.24
    981 இயக்கர் கின்னரர் இந்திரன் தானவர்
    நயக்க நின்றவன் நான்முகன் ஆழியான்
    மயக்க மெய்தவன் மாலெரி யாயினான்
    வியக்குந் தன்மையி னானெம் விகிர்தனே. 5.97.25
    982 அரவ மார்த்தன லாடிய அண்ணலைப்
    பரவு வாரவர் பாவம் பறைதற்குக்
    குரவை கோத்தவ னுங்குளிர் போதின்மேல்
    கரவில் நான்முக னுங்கரி யல்லரே. 5.97.26
    983 அழலங் கையினன் அந்தரத் தோங்கிநின்
    றுழலும் மூவெயில் ஒள்ளழ லூட்டினான்
    தழலுந் தாமரை யானொடு தாவினான்
    கழலுஞ் சென்னியுங் காண்டற் கரியனே. 5.97.27
    984 இளமை கைவிட் டகறலும் மூப்பினார்
    வளமை போய்ப்பிணி யோடு வருதலால்
    உளமெ லாமொளி யாய்மதி ஆயினான்
    கிளமை யேகிளை யாக நினைப்பனே. 5.97.28
    985 தன்னிற் றன்னை அறியுந் தலைமகன்
    தன்னிற் றன்னை அறியிற் றலைப்படுந்
    தன்னிற் றன்னை அறிவில னாயிடிற்
    தன்னிற் றன்னையுஞ் சார்தற் கரியனே. 5.97.29
    986 இலங்கை மன்னனை ஈரைந்து பத்துமன்
    றலங்க லோடுட னேசெல வூன்றிய
    நலங்கொள் சேவடி நாடொறும் நாடொறும்
    வலம்கொண் டேத்துவார் வானுல காள்வரே. 5.97.30

    திருச்சிற்றம்பலம்


    5.98 உள்ளம் - திருக்குறுந்தொகை


    திருச்சிற்றம்பலம்

    987 நீற லைத்ததோர் மேனி நிமிர்சடை
    ஆற லைக்கநின் றாடும் அமுதினைத்
    தேற லைத்தெளி யைத்தெளி வாய்த்ததோர்
    ஊற லைக்கண்டு கொண்டதெ னுள்ளமே. 5.98.1
    988 பொந்தை யைப்புக்கு நீக்கப் புகுந்திடுந்
    தந்தை யைத்தழல் போல்வதோர் மேனியைச்
    சிந்தை யைத்தெளி வைத்தெளி வாய்த்ததோர்
    எந்தை யைக்கண்டு கொண்டதெ னுள்ளமே. 5.98.2
    989 வெள்ளத் தார்விஞ்சை யார்கள் விரும்பவே
    வெள்ளத் தைச்சடை வைத்த விகிர்தனார்
    கள்ளத் தைக்கழி யம்மன மொன்றிநின்
    றுள்ளத் தில்லொளி யைக்கண்ட துள்ளமே. 5.98.3
    990 அம்மா னையமு தின்னமு தேயென்று
    தம்மா னைத்தத்து வத்தடி யார்தொழுஞ்
    செம்மா னநிறம் போல்வதோர் சிந்தையுள்
    எம்மா னைக்கண்டு கொண்டதெ னுள்ளமே. 5.98.4
    991 கூறே றும்முமை பாகமோர் பாலராய்
    ஆறே றுஞ்சடை மேற்பிறை சூடுவர்
    பாறே றுந்தலை யேந்திப் பலஇலம்
    ஏறேறு மெந்தையைக் கண்டதெ னுள்ளமே. 5.98.5
    992 முன்னெஞ் சம்மின்றி மூர்க்கராய்ச் சாகின்றார்
    தன்னெஞ் சந்தமக் குத்தாம் இலாதவர்
    வன்னெஞ் சம்மது நீங்குதல் வல்லிரே
    என்னெஞ்சி லீசனைக் கண்டதெ னுள்ளமே. 5.98.6
    993 வென்றா னைப்புல னைந்துமென் தீவினை
    கொன்றா னைக்குணத் தாலே வணங்கிட
    நன்றா நன்மனம் வைத்திடு ஞானமாம்
    ஒன்றா னைக்கண்டு கொண்டதெ னுள்ளமே. 5.98.7
    994 மருவி னைமட நெஞ்சம் மனம்புகுங்
    குருவி னைக்குணத் தாலே வணங்கிடுந்
    திருவி னைச்சிந்தை யுட்சிவ னாய்நின்ற
    உருவி னைக்கண்டு கொண்டதெ னுள்ளமே. 5.98.8
    995 தேச னைத்திரு மால்பிர மன்செயும்
    பூச னைப்புண ரிற்புணர் வாயதோர்
    நேச னைநெஞ்சி னுள்நிறை வாய்நின்ற
    ஈச னைக்கண்டு கொண்டதெ னுள்ளமே. 5.98.9
    996 வெறுத்தா னைம்புல னும்பிர மன்றலை
    அறுத்தா னையரக் கன்கயி லாயத்தைக்
    கறுத்தா னைக்கா லில்விர லொன்றினால்
    ஒறுத்தா னைக்கண்டு கொண்டதெ னுள்ளமே. 5.98.10

    திருச்சிற்றம்பலம்


    5.99 பாவநாசம் - திருக்குறுந்தொகை


    திருச்சிற்றம்பலம்

    997 பாவ மும்பழி பற்றற வேண்டுவீர்
    ஆவில் அஞ்சுகந் தாடு மவன்கழல்
    மேவ ராய்மிக வும்மகிழ்ந் துள்குமின்
    காவ லாளன் கலந்தருள் செய்யுமே. 5.99.1
    998 கங்கை யாடிலென் காவிரி யாடிலென்
    கொங்கு தண்கும ரித்துறை யாடிலென்
    ஒங்கு மாகட லோதநீ ராடிலென்
    எங்கு மீசனெ னாதவர்க் கில்லையே. 5.99.2
    999 பட்ட ராகிலென் சாத்திரங் கேட்கிலென்
    இட்டு மட்டியு மீதொழில் பூணிலென்
    எட்டு மொன்றும் இரண்டு மறியிலென்
    இட்ட மீசனெ னாதவர்க் கில்லையே. 5.99.3
    1000 வேத மோதிலென் வேள்விகள் செய்கிலென்
    நீதி நூல்பல நித்தல் பயிற்றிலென்
    ஓதி யங்கமோ ராறும் உணரிலென்
    ஈச னையுள்கு வார்க்கன்றி இல்லையே. 5.99.4
    1001 காலை சென்று கலந்துநீர் மூழ்கிலென்
    வேலை தோறும் விதிவழி நிற்கிலென்
    ஆலை வேள்வி யடைந்தது வேட்கிலென்
    ஏல ஈசனென் பார்க்கன்றி இல்லையே. 5.99.5
    1002 கான நாடு கலந்து திரியிலென்
    ஈன மின்றி இருந்தவஞ் செய்யிலென்
    ஊனை யுண்டல் ஒழிந்துவா னோக்கிலென்
    ஞான னென்பவர்க் கன்றிநன் கில்லையே. 5.99.6
    1003 கூட வேடத்த ராகிக் குழுவிலென்
    வாடி யூனை வருத்தித் திரியிலென்
    ஆடல் வேடத்தன் அம்பலக் கூத்தனைப்
    பாட லாளர்க்கல் லாற்பயன் இல்லையே. 5.99.7
    1004 நன்று நோற்கிலென் பட்டினி யாகிலென்
    குன்ற மேறி யிருந்தவஞ் செய்யிலென்
    சென்று நீரிற் குளித்துத் திரியிலென்
    என்று மீசனென் பார்க்கன்றி இல்லையே. 5.99.8
    1005 கோடித் தீர்த்தங் கலந்து குளித்தவை
    ஆடி னாலும் அரனுக்கன் பில்லையேல்
    ஓடும் நீரினை ஓட்டைக் குடத்தட்டி
    மூடி வைத்திட்ட மூர்க்கனோ டொக்குமே. 5.99.9
    1006 மற்று நற்றவஞ் செய்து வருந்திலென்
    பொற்றை யுற்றெடுத் தானுடல் புக்கிறக்
    குற்ற நற்குரை யார்கழற் சேவடி
    பற்றி லாதவர்க் குப்பயன் இல்லையே. 5.99.10

    திருச்சிற்றம்பலம்


    5.100 ஆதிபுராணம் - திருக்குறுந்தொகை


    திருச்சிற்றம்பலம்

    1007 வேத நாயகன் வேதியர் நாயகன்
    மாதின் நாயகன் மாதவர் நாயகன்
    ஆதி நாயகன் ஆதிரை நாயகன்
    பூத நாயகன் புண்ணிய மூர்த்தியே. 5.100.1
    1008 செத்துச் செத்துப் பிறப்பதே தேவென்று
    பத்தி செய்மனப் பாறைகட் கேறுமோ
    அத்த னென்றரி யோடு பிரமனுந்
    துத்தி யஞ்செய நின்றநற் சோதியே. 5.100.2
    1009 நூறு கோடி பிரமர்கள் நொந்தினார்
    ஆறு கோடி நாராயண ரங்ஙனே
    ஏறு கங்கை மணலெண்ணில் இந்திரர்
    ஈறி லாதவன் ஈசன் ஒருவனே. 5.100.3
    1010 வாது செய்து மயங்கு மனத்தராய்
    ஏது சொல்லுவீ ராகிலும் ஏழைகாள்
    யாதோர் தேவ ரெனப்படு வார்க் கெல்லாம்
    மாதே வனலாற் றேவர்மற் றில்லையே. 5.100.4
    1011 கூவ லாமை குரைகட லாமையைக்
    கூவ லோடொக்கு மோகட லென்றல்போற்
    பாவ காரிகள் பார்ப்பரி தென்பராற்
    தேவ தேவன் சிவன்பெருந் தன்மையே. 5.100.5
    1012 பேய்வ னத்தமர் வானைப்பி ரார்த்தித்தார்க்
    கீவ னையிமை யோர்முடி தன்னடிச்
    சாய்வ னைச்சல வார்கள் தமக்குடற்
    சீவ னைச்சிவ னைச்சிந்தி யார்களே. 5.100.6
    1013 எரிபெ ருக்குவர் அவ்வெரி ஈசன
    துருவ ருக்கம தாவ துணர்கிலார்
    அரிய யற்கரி யானை அயர்த்துப்போய்
    நரிவி ருத்தம தாகுவர் நாடரே. 5.100.7
    1014 அருக்கன் பாதம் வணங்குவர் அந்தியில்
    அருக்க னாவான் அரனுரு வல்லனோ
    இருக்கு நான்மறை ஈசனை யேதொழுங்
    கருத்தி னைநினை யார்கன் மனவரே. 5.100.8
    1015 தாயி னும்நல்ல சங்கர னுக்கன்பர்
    ஆய வுள்ளத் தமுதருந் தப்பெறார்
    பேயர் பேய்முலை யுண்டுயிர் போக்கிய
    மாயன் மாயத்துப் பட்ட மனத்தரே. 5.100.9
    1016 அரக்கன் வல்லரட் டாங்கொழித் தாரருள்
    பெருக்கச் செய்த பிரான்பெருந் தன்மையை
    அருத்தி செய்தறி யப்பெறு கின்றிலர்
    கருத்தி லாக்கய வக்கணத் தோர்களே. 5.100.10
    திருச்சிற்றம்பலம்
    திருநாவுக்கரசுசுவாமிகள் அருளிச்செய்த தேவாரப்பதிகங்கள்
    ஐந்தாம் திருமுறை முற்றும்.