MEIKANDAR INSTITUTE &
SPIRITUAL SCHOOL OF LEARNING

chulinks.in

Home



This part of web page is available as android app

* We need to pay for the server
* For operation we need funds
* Cosider helping us
* Support us by making a donation
* Donation allows us to work for you
* Donate via Paypal  

    சுந்தரமூர்த்தி சுவாமிகள் அருளிச்செய்த
    தேவாரப் பதிகங்கள்
    ஏழாம் திருமுறை முதற் பகுதி
    பாடல்கள் (1-517)

    7.001 திருவெண்ணெய்நல்லூர் (1-10)
    7.002 திருப்பரங்குன்றம் (11-21)
    7.003 திருநெல்வாயில் அரத்துறை (22-31)
    7.004 திருஅஞ்சைக்களம் (32-41)
    7.005 திருஓணகாந்தன்தளி (41-51)
    7.006 திருவெண்காடு (52-61)
    7.007 திருஎதிர்கொள்பாடி (62-72)
    7.008 திருவாரூர் (73-82)
    7.009 திருஅரிசிற்கரைப்புத்தூர் (83-93)
    7.010 திருக்கச்சிஅனேகதங்காவதம் (94-103)
    7.011 திருப்பூவணம் (104-111)
    7.012 திருநாட்டுத்தொகை (112-122)
    7.013 திருத்துறையூர் (123-133)
    7.014 திருப்பாச்சிலாச்சிராமம் (134-145)
    7.015 திருநாட்டியத்தான்குடி (146-155)
    7.016 திருக்கலையநல்லூர் (156-166)
    7.017 திருநாவலூர் (167-177)
    7.018 திருவேள்விக்குடி (178-187)
    7.019 திருநின்றியூர் (188-198)
    7.020 திருக்கோளிலி (199-208)
    7.021 திருக்கச்சிமேற்றளி (209-218)
    7.022 திருப்பழமண்ணிப்படிக்கரை (219-228)
    7.023 திருக்கழிப்பாலை (229-238)
    7.024 திருமழபாடி (239-248)
    7.025 திருமுதுகுன்றம் (249-258)
    7.026 திருக்காளத்தி (259-268)
    7.027 திருக்கற்குடி (269-278)
    7.028 திருக்கடவூர்வீரட்டம் (279-288)
    7.029 திருக்குருகாவூர் (289-298)
    7.030 திருக்கருப்பறியலூர் (299-309)
    7.031 திருஇடையாற்றுத்தொகை (310-319)
    7.032 திருக்கோடிக்குழகர் (320-329)
    7.033 நமக்கடிகளாகிய - அடிகள் (330-339)
    7.034 திருப்புகலூர் (340-350)
    7.035 திருப்புறம்பயம் (351-360)
    7.036 திருப்பைஞ்ஞீலி (361-371)
    7.037 திருவாரூர் (372-382)
    7.038 திருவதிகைத்திருவீரட்டானம் (383-392)
    7.039 திருத்தொண்டத்தொகை (393-403)
    7.040 திருக்கானாட்டுமுள்ளூர் (404-414)
    7.041 திருக்கச்சூர் ஆலக்கோயில் (415-424)
    7.042 திரு வெஞ்சமாக்கூடல் (425-434)
    7.043 திருமுதுகுன்றம் (435-445)
    7.044 முடிப்பதுகங்கை (446-455)
    7.045 திருஆமாத்தூர் (456-466)
    7.046 திருநாகைக்காரோணம் (467-477)
    7.047 ஊர்த்தொகை (478-487)
    7.048 திருப்பாண்டிக்கொடுமுடி (488-497)
    7.049 திருமுருகன்பூண்டி (498-507)
    7.050 திருப்புனவாயில் (508-517)
    7.051 திருவாரூர் (518-529)
    7.052 திருவாலங்காடு (530-539)
    7.053 திருக்கடவூர் மயானம் (540-549)
    7.054 திருவொற்றியூர் (550-559)
    7.055 திருப்புன்கூர் (560-569)
    7.056 திருநீடூர் (570-580)
    7.057 திருவாழ்கொளிபுத்தூர் (581-592)
    7.058 திருக்கழுமலம் (593-602)
    7.059 திருவாரூர் (603-613)
    7.060 திருவிடைமருதூர் (614-623)
    7.061 திருவேகம்பம் (624-634)
    7.062 திருக்கோலக்கா (635-644)
    7.063 நம்பிஎன்ற திருப்பதிகம் (645-654)
    7.064 திருத்தினைநகர் (655-664)
    7.065 திருநின்றியூர் (665-671)
    7.066 திருவாவடுதுறை (672-676)
    7.067 திருவலிவலம் (677-687)
    7.068 திருநள்ளாறு (688-697)
    7.069 திருவடமுல்லைவாயில் (698-798)
    7.070 திருவாவடுதுறை (709-718)
    7.071 திருமறைக்காடு (719-728)
    7.072 திருவலம்புரம் (729-739)
    7.073 திருவாரூர் (740-750)
    7.074 திருத்துருத்தியும் - திருவேள்விக்குடியும் (751-760)
    7.075 திருவானைக்கா (761-770)
    7.076 திருவாஞ்சியம் (771-780)
    7.077 திருவையாறு (781-791)
    7.078 திருக்கேதாரம் (792-801)
    7.079 திருப்பருப்பதம் (802-811)
    7.080 திருக்கேதீச்சரம் (812-821)
    7.081 திருக்கழுக்குன்றம் (822-831)
    7.082 திருச்சுழியல் (832-841)
    7.083 திருவாரூர் (842-851)
    7.084 திருக்கானப்பேர் (852-861)
    7.085 திருக்கூடலையாற்றூர் (862-871)
    7.086 திருவன்பார்த்தான்பனங்காட்டூர் (872-881)
    7.087 திருப்பனையூர் (882-891)
    7.088 திருவீழிமிழலை (892-901)
    7.089 திருவெண்பாக்கம் (902-912)
    7.090 கோயில் (913-922)
    7.091 திருவொற்றியூர் (923-932)
    7.092 திருப்புக்கொளியூர் அவிநாசி (933-942)
    7.093 திருநறையூர்ச்சித்தீச்சரம் (943-953)
    7.094 திருச்சோற்றுத்துறை (954-963)
    7.095 திருவாரூர் (964-974)
    7.096 திருவாரூர்ப்பரவையுண்மண்டளி (975-984)
    7.097 திருநனிபள்ளி (985-994)
    7.098 திருநன்னிலத்துப்பெருங்கோயில் (995-1005)
    7.099 திருநாகேச்சரம் (1006-1016)
    7.100 திருநொடித்தான்மலை (1017-1026)


    7.01 திருவெண்ணெய்நல்லூர்


    பண் - இந்தளம்
    திருச்சிற்றம்பலம்

    001 பித்தாபிறை சூடீபெரு மானேஅரு ளாளா
    எத்தான்மற வாதேநினைக் கின்றேன்மனத் துன்னை
    வைத்தாய்பெண்ணைத் தென்பால்வெண்ணெய் நல்லூரருட் டுறையுள்
    அத்தாஉனக் காளாயினி அல்லேன்என லாமே. 7.1.01
    002 நாயேன்பல நாளும்நினைப் பின்றிமனத் துன்னைப்
    பேயாய்த்திரிந் தெய்த்தேன்பெற லாகாவருள் பெற்றேன்
    வேயார்பெண்ணைத் தென்பால்வெண்ணெய் நல்லூரருட் டுறையுள்
    ஆயாஉனக் காளாயினி அல்லேன்என லாமே. 7.1.02
    003 மன்னேமற வாதேநினைக் கின்றேன்மனத் துன்னைப்
    பொன்னேமணி தானேவயி ரம்மேபொரு துந்தி
    மின்னார்பெண்ணைத் தென்பால்வெண்ணெய் நல்லூரருட் டுறையுள்
    அன்னேஉனக் காளாயினி அல்லேன்என லாமே. 7.1.03
    004 முடியேன்இனிப் பிறவேன்பெறின் மூவேன்பெற்றம் ஊர்தீ
    கொடியேன்பல பொய்யேஉரைப் பேனைக்குறிக் கொள்நீ
    செடியார்பெண்ணைத் தென்பால்வெண்ணெய் நல்லூரருட் டுறையுள்
    அடிகேளுனக் காளாயினி அல்லேன்என லாமே. 7.1.04
    005 பாதம்பணி வார்கள்பெறும் பண்டமது பணியாய்
    ஆதன்பொரு ளானேன்அறி வில்லேன்அரு ளாளா
    தாதார்பெண்ணைத் தென்பால்வெண்ணெய் நல்லூரருட் டுறையுள்
    ஆதீஉனக் காளாயினி அல்லேன்என லாமே. 7.1.05
    006 தண்ணார்மதி சூடீதழல் போலுந்திரு மேனீ
    எண்ணார்புரம் மூன்றும்எரி யுண்ணநகை செய்தாய்
    மண்ணார்பெண்ணைத் தென்பால்வெண்ணெய் நல்லூரருட் டுறையுள்
    அண்ணாஉனக் காளாயினி அல்லேன்என லாமே. 7.1.06
    007 ஊனாய்உயிர் ஆனாய்உடல் ஆனாய்உல கானாய்
    வானாய்நிலன் ஆனாய்கடல் ஆனாய்மலை ஆனாய்
    தேனார்பெண்ணைத் தென்பால்வெண்ணெய் நல்லூரருட் டுறையுள்
    ஆனாயுனக் காளாயினி அல்லேன்என லாமே. 7.1.07
    008 ஏற்றார்புரம் மூன்றும்எரி உண்ணச்சிலை தொட்டாய்
    தேற்றாதன சொல்லித்திரி வேனோசெக்கர் வானீர்
    ஏற்றாய்பெண்ணைத் தென்பால்வெண்ணெய் நல்லூரருட் டுறையுள்
    ஆற்றாயுனக் காளாயினி அல்லேன்என லாமே. 7.1.08
    009 மழுவாள்வலன் ஏந்தீமறை ஓதீமங்கை பங்கா
    தொழுவார்அவர் துயர்ஆயின தீர்த்தல்உன தொழிலே
    செழுவார்பெண்ணைத் தென்பால்வெண்ணெய் நல்லூரருட் டுறையுள்
    அழகாஉனக் காளாயினி அல்லேன்என லாமே. 7.1.09
    010 காரூர்புனல் எய்திக்கரை கல்லித்திரைக் கையாற்
    பாரூர்புகழ் எய்தித்திகழ் பன்மாமணி உந்திச்
    சீரூர்பெண்ணைத் தென்பால்வெண்ணெய் நல்லூரருட் டுறையுள்
    ஆரூரனெம் பெருமாற்காள் அல்லேன்என லாமே. 7.1.10

    திருச்சிற்றம்பலம்
    இத்தலம் நடுநாட்டிலுள்ளது.
    சுவாமிபெயர் - தடுத்தாட்கொண்டவீசுவரர்,
    தேவியார் - வேற்கண்மங்கையம்மை.


    7.2 திருப்பரங்குன்றம்


    பண் - இந்தளம்
    திருச்சிற்றம்பலம்

    011 கோத்திட்டையுங் கோவலுங் கோயில்கொண் டீருமைக்
    கொண்டுழல் கின்றதோர் கொல்லைச் சில்லைச்
    சேத்திட்டுக் குத்தித் தெருவே திரியுஞ்
    சில்பூத மும்நீ ருந்திசை திசையன
    சோத்திட்டு விண்ணோர் பலருந் தொழநும்
    அரைக்கோ வணத்தோ டொருதோல் புடைசூழ்ந்
    தார்த்திட்ட தும்பாம்பு கைக்கொண்ட தும்பாம்
    படிகேள் உமக்காட் செயஅஞ் சுதுமே. 7.2.01
    012 முண்டந் தரித்தீர் முதுகா டுறைவீர்
    முழுநீறு மெய்பூசு திர்மூக்கப் பாம்பைக்
    கண்டத்தி லுந்தோளி லுங்கட்டி வைத்தீர்
    கடலைக் கடைந்திட்ட தோர்நஞ்சை உண்டீர்
    பிண்டஞ் சுமந்தும் மொடுங்கூட மாட்டோ ம்
    பெரியா ரொடுநட் பினிதென் றிருத்தும்
    அண்டங் கடந்தப் புறத்தும் இருந்தீர்
    அடிகேள் உமக்காட் செயஅஞ் சுதுமே. 7.2.02
    013 மூடாய முயலகன் மூக்கப் பாம்பு
    முடைநா றியவெண் டலைமொய்த்த பல்பேய்
    பாடா வருபூதங் கள்பாய் புலித்தோல்
    பரிசொன் றறியா தனபா ரிடங்கள்
    தோடார் மலர்க்கொன்றை யுந்துன் னெருக்குந்
    துணைமா மணிநா கம்அரைக் கசைத்தொன்
    றாடா தனவேசெய் தீர்எம் பெருமான்
    அடிகேள் உமக்காட் செயஅஞ் சுதுமே. 7.2.03
    014 மஞ்சுண்ட மாலை மதிசூடு சென்னி
    மலையான் மடந்தை மணவாள நம்பி
    பஞ்சுண்ட அல்குல் பணைமென் முலையா
    ளொடுநீரும் ஒன்றாய் இருத்தல் ஒழியீர்
    நஞ்சுண்டு தேவர்க் கமுதங் கொடுத்த
    நலமொன் றறியோமுங் கைநாக மதற்
    கஞ்சுண் டுபடம் அதுபோக விடீர்
    அடிகேள் உமக்காட் செயஅஞ் சுதுமே. 7.2.04
    015 பொல்லாப் புறங்காட் டகத்தாட் டொழியீர்
    புலால்வா யனபே யொடுபூச் சொழியீர்
    எல்லாம் அறிவீர் இதுவே அறியீர்
    என்றிரங் குவேன்எல் லியும்நண் பகலுங்
    கல்லால் நிழற்கீழ் ஒருநாட்கண் டதுங்
    கடம்பூர்க் கரக்கோயி லின்முன்கண் டதும்
    அல்லால் விரகொன் றிலம்எம் பெருமான்
    அடிகேள் உமக்காட் செயஅஞ் சுதுமே. 7.2.05
    016 தென்னாத் தெனாத்தெத் தெனாவென்று பாடிச்
    சிலபூ தமும்நீ ருந்திசை திசையன
    பன்னான் மறைபா டுதிர்பா சூர்உளீர்
    படம்பக்கங் கொட்டுந் திருவொற்றி யூரீர்
    பண்ணார் மொழியாளை யோர்பங் குடையீர்
    படுகாட் டகத்தென்று மோர்பற் றொழியீர்
    அண்ணா மலையே னென்றீரா ரூருளீர்
    அடிகேள் உமக்காட் செயஅஞ் சுதுமே. 7.2.06
    017 சிங்கத் துரிமூடு திர்தே வர்கணந்
    தொழநிற்றீர் பெற்றம் உகந்தே றிடுதிர்
    பங்கம் பலபே சிடப்பாடுந் தொண்டர்
    தமைப்பற்றிக் கொண்டாண் டுவிடவுங் கில்லீர்
    கங்கைச் சடையீர் உங்கருத் தறியோங்
    கண்ணுமூன் றுடையீர் கண்ணேயா யிருந்தால்
    அங்கத் துறுநோய் களைந்தாள கில்லீர்
    அடிகேள் உமக்காட் செயஅஞ் சுதுமே. 7.2.07
    018 பிணிவண் ணத்தவல் வினைதீர்த் தருளீர்
    பெருங்காட் டகத்திற் பெரும்பேயும் நீருந்
    துணிவண்ணத் தின்மேலு மோர்தோல் உடுத்துச்
    சுற்றும்நா கத்தராய்ச் சுண்ணநீறு பூசி
    மணிவண்ணத் தின்மேலு மோர்வண்ணத் தராய்
    மற்றுமற் றும்பல் பலவண்ணத் தராய்
    அணிவண்ணத் தராய்நிற் றீர்எம் பெருமான்
    அடிகேள் உமக்காட் செயஅஞ் சுதுமே. 7.2.08
    019 கோளா ளியகுஞ் சரங்கோள் இழைத்தீர்
    மலையின் றலையல் லதுகோயில் கொள்ளீர்
    வேளா ளியகா மனைவெந் தழிய
    விழித்தீர் அதுவன் றியும்வேய் புரையுந்
    தோளாள் உமைநங்கை யோர்பங் குடையீர்
    உடுகூறை யுஞ்சோறுந் தந்தாள கில்லீர்
    ஆளா ளியவே கிற்றீர்எம் பெருமான்
    அடிகேள் உமக்காட் செயஅஞ் சுதுமே. 7.2.09
    020 பாரோடு விண்ணும் பகலு மாகிப்
    பனிமால் வரையா கிப்பரவை யாகி
    நீரோடு தீயும் நெடுங்காற் றுமாகி
    நெடுவெள் ளிடையாகி நிலனு மாகித்
    தேரோ டவரை எடுத்த அரக்கன்
    சிரம்பத் திறுத்தீர் உமசெய்கை எல்லாம்
    ஆரோடுங் கூடா அடிகேள் இதுவென்
    அடியோம் உமக்காட் செயஅஞ் சுதுமே. 7.2.10
    021 அடிகேள் உமக்காட் செயஅஞ் சுதுமென்
    றமரர் பெருமானை ஆரூரன் அஞ்சி
    முடியால் உலகாண்ட மூவேந்தர் முன்னே
    மொழிந்தாறு மோர்நான்கு மோரொன் றினையும்
    படியா இவைகற் றுவல்ல அடியார்
    பரங்குன்ற மேய பரமன் அடிக்கே
    குடியாகி வானோர்க்கு மோர்கோவு மாகிக்
    குலவேந்த ராய்விண் முழுதாள் பவரே. 7.2.11

    இத்தலம் பாண்டிநாட்டிலுள்ளது.
    சுவாமிபெயர் - பரங்கிரிநாதர், தேவியார் - ஆவுடைநாயகியம்மை.

    திருச்சிற்றம்பலம்

    7.3 திருநெல்வாயில் அரத்துறை


    பண் - இந்தளம்
    திருச்சிற்றம்பலம்

    022 கல்வாய் அகிலுங் கதிர்மா மணியுங்
    கலந்துந் திவருந் நிவவின் கரைமேல்
    நெல்வா யில்அரத் துறைநீ டுறையும்
    நிலவெண் மதிசூ டியநின் மலனே
    நல்வாயில் செய்தார் நடந்தார் உடுத்தார்
    நரைத்தார் இறந்தா ரென்றுநா னிலத்திற்
    சொல்லாய்க் கழிகின் றதறிந் தடியேன்
    தொடர்ந்தேனுய் யப்போவ தோர்சூழல் சொல்லே. 7.3.01
    023 கறிமா மிளகும் மிகுவன் மரமும்
    மிகவுந் திவருந் நிவவின் கரைமேல்
    நெறிவார் குழலா ரவர்காண நடஞ்செய்
    நெல்வா யில்அரத் துறைநின் மலனே
    வறிதே நிலையாத இம்மண் ணுலகில்
    நரனா கவகுத் தனைநா னிலையேன்
    பொறிவா யிலிவ்வைந் தினையும் மவியப்
    பொருதுன் னடியே புகுஞ்சூழல் சொல்லே. 7.3.02
    024 புற்றா டரவம் மரையார்த் துகந்தாய்
    புனிதா பொருவெள் விடையூர் தியினாய்
    எற்றே ஒருகண் ணிலன்நின்னை யல்லால்
    நெல்வா யில்அரத் துறைநின் மலனே
    மற்றேல் ஒருபற் றிலனெம் பெருமான்
    வண்டார் குழலாள் மங்கைபங் கினனே
    அற்றார் பிறவிக் கடல்நீந்தி யேறி
    அடியேனுய் யப்போவ தோர்சூழல் சொல்லே. 7.3.03
    025 கோடுயர் கோங்க லர்வேங் கையலர்
    மிகவுந் திவருந் நிவவின் கரைமேல்
    நீடுயர் சோலை நெல்வா யிலரத்
    துறைநின் மலனே நினைவார் மனத்தாய்
    ஓடு புனற்க ரையாம் இளமை
    உறங்கி விழித்தா லொக்குமிப் பிறவி
    வாடி இருந்து வருந்தல் செய்யா
    தடியேனுய் யப்போவ தோர்சூழல் சொல்லே. 7.3.04
    026 உலவு முலகிற் றலைகற் பொழிய
    உயர்வே யோடிழி நிவவின் கரைமேல்
    நிலவு மயிலா ரவர்தாம் பயிலும்
    நெல்வா யிலரத் துறைநின் மலனே
    புலனைந் தும்மயங் கியகங் குழையப்
    பொருவே லோர்நமன் றமர்தாம் நலிய
    அலமந்து மயங்கி அயர்வ தன்முன்
    அடியேனுய் யப்போவ தோர்சூழல் சொல்லே. 7.3.05
    027 ஏலம் இலவங் கம்எழிற் கனகம்
    மிகவுந் திவருந் நிவவின் கரைமேல்
    நீலம் மலர்ப்பொய் கையிலன் னம்மலி
    நெல்வா யிலரத் துறையாய் ஒருநெல்
    வாலூன் றவருந் தும்முடம் பிதனை
    மகிழா தழகா வலந்தேன் இனியான்
    ஆலந் நிழலில் அமர்ந்தாய் அமரா
    அடியேனுய் யப்போவ தோர்சூழல் சொல்லே. 7.3.06
    028 சிகரம் முகத்திற் றிரளார் அகிலும்
    மிகவுந் திவருந் நிவவின் கரைமேல்
    நிகரில் மயிலா ரவர்தாம் பயிலும்
    நெல்வா யிலரத் துறைநின் மலனே
    மகரக் குழையாய் மணக்கோ லமதே
    பிணக்கோ லமதாம் பிறவி இதுதான்
    அகரம் முதலின் எழுத்தாகி நின்றாய்
    அடியேனுய் யப்போவ தோர்சூழல் சொல்லே. 7.3.07
    029 திண்டேர் நெடுவீ தியிலங் கையர்கோன்
    றிரள்தோ ளிருபஃ தும்நெரித் தருளி
    நெண்டா டுநெடு வயல்சூழ் புறவின்
    நெல்வா யிலரத் துறைநின் மலனே
    பண்டே மிகநான் செய்தபாக் கியத்தாற்
    பரஞ்சோதி நின்னா மம்பயிலப் பெற்றேன்
    அண்டா வமரர்க் கமரர் பெருமான்
    அடியேனுய் யப்போவ தோர்சூழல் சொல்லே. 7.3.08
    030 மாணா வுருவா கியோர்மண் ணளந்தான்
    மலர்மே லவன்நேடி யுங்காண் பரியாய்
    நீணீள் முடிவா னவர்வந் திறைஞ்சும்
    நெல்வா யிலரத் துறைநின் மலனே
    வாணார் நுதலார் வலைப்பட் டடியேன்
    பலவின் கனியீந் ததுபோல் வதன்முன்
    ஆணோடு பெண்ணா முருவாகி நின்றாய்
    அடியேனுய் யப்போவ தோர்சூழல் சொல்லே. 7.3.09
    031 நீரூ ரும்நெடு வயல்சூழ் புறவின்
    நெல்வா யிலரத் துறைநின் மலனைத்
    தேரூர் நெடுவீதி நன்மா டமலி
    தென்னா வலர்கோ னடித்தொண்டு பண்ணி
    ஆரூ ரனுரைத் தனநற் றமிழின்
    மிகுமாலை யோர்பத் திவைகற்று வல்லார்
    காரூர் களிவண் டறையானை மன்ன
    ரவராகி யோர்விண் முழுதாள் பவரே. 7.3.10

    இத்தலம் நடுநாட்டிலுள்ளது.
    சுவாமிபெயர் - அரத்துறைநாதர், தேவியார் - ஆனந்தநாயகியம்மை.

    திருச்சிற்றம்பலம்

    7.4 திருஅஞ்சைக்களம்


    பண் - இந்தளம்
    திருச்சிற்றம்பலம்

    032 தலைக்குத் தலைமாலை அணிந்த தென்னே
    சடைமேற்கங் கைவெள்ளந் தரித்த தென்னே
    அலைக்கும் புலித்தோல்கொண் டசைத்த தென்னே
    அதன்மேற் கதநாகக் கச்சார்த்த தென்னே
    மலைக்குந் நிகரொப் பனவன் றிரைகள்
    வலித்தெற் றிமுழங் கிவலம் புரிகொண்
    டலைக்குங் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.01
    033 பிடித்தாட்டி யோர்நாகத் தைப்பூண்ட தென்னே
    பிறங்குஞ் சடைமேற் பிறைசூடிற் றென்னே
    பொடித்தான்கொண் டுமெய்ம்முற் றும்பூசிற் றென்னே
    புகரே றுகந்தேறல் புரிந்த தென்னே
    மடித்தோட் டந்துவன் றிரையெற் றியிட
    வளர்சங்கம் அங்காந்து முத்தஞ் சொரிய
    அடித்தார் கடலங் கரைமேன் மகோதை
    அணியார் பொழில்அஞ் சைக்களத் தப்பனே. 7.4.02
    034 சிந்தித் தெழுவார்க்கு நெல்லிக் கனியே
    சிறியார் பெரியார் மனத்தேற லுற்றால்
    முந்தித் தொழுவார் இறவார் பிறவார்
    முனிகள் முனியே அமரர்க் கமரா
    சந்தித் தடமால் வரைபோற் றிரைகள்
    தணியா திடறுங் கடலங் கரைமேல்
    அந்தித் தலைச்செக்கர் வானே ஒத்தியால்
    அணியார் பொழில்அஞ் சைக்களத் தப்பனே. 7.4.03
    035 இழைக்கு மெழுத்துக் குயிரே ஒத்தியால்
    இலையே ஒத்தியால் இணையே ஒத்தியாற்
    குழைக்கும் பயிர்க்கோர் புயலே ஒத்தியால்
    அடியார் தமக்கோர் குடியே ஒத்தியால்
    மழைக்குந் நிகரொப் பனவன் றிரைகள்
    வலித்தெற் றிமுழங் கிவலம் புரிகொண்
    டழைக்குங் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.04
    036 வீடின் பயனென் பிறப்பின் பயனென்
    விடையே றுவதென் மதயா னைநிற்க
    கூடும் மலைமங் கைஒருத் தியுடன்
    சடைமேற் கங்கையாளை நீசூடிற் றென்னே
    பாடும் புலவர்க் கருளும் பொருளென்
    நிதியம் பலசெய் தகலச் செலவில்
    ஆடுங் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.05
    037 இரவத் திடுகாட் டெரியாடிற் றென்னே
    இறந்தார் தலையிற் பலிகோட லென்னே
    பரவித் தொழுவார் பெறுபண்ட மென்னே
    பரமா பரமேட் டிபணித் தருளாய்
    உரவத் தொடுசங்க மோடிப்பி முத்தங்
    கொணர்ந்தெற் றிமுழங் கிவலம் புரிகொண்
    டரவக் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.06
    038 ஆக்கு மழிவு மமைவும்நீ யென்பன்நான்
    சொல்லுவார் சொற்பொரு ளவைநீ யென்பன்நான்
    நாக்குஞ் செவியுங் கண்ணும்நீ யென்பன்நான்
    நலனே இனிநான் உனைநன் குணர்ந்தேன்
    நோக்கும் நிதியம் பலவெத் தனையுங்
    கலத்திற் புகப்பெய்து கொண்டேற நுந்தி
    ஆர்க்குங் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.07
    039 வெறுத்தேன் மனைவாழ்க் கையைவிட் டொழிந்தேன்
    விளங்குங் குழைக்கா துடைவே தியனே
    இறுத்தாய் இலங்கைக் கிறையா யவனைத்
    தலைபத் தொடுதோள் பலஇற் றுவிழக்
    கறுத்தாய் கடல்நஞ் சமுதுண்டு கண்டங்
    கடுகப் பிரமன் றலையைந் திலுமொன்
    றறுத்தாய் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.08
    040 பிடிக்குக் களிறே ஒத்தியா லெம்பிரான்
    பிரமற் கும்பிரான் மற்றைமாற் கும்பிரான்
    நொடிக்கும் அளவிற் புரமூன் றெரியச்
    சிலைதொட் டவனே உனைநான் மறவேன்
    வடிக்கின் றனபோற் சிலவன் றிரைகள்
    வலித்தெற் றிமுழங் கிவலம் புரிகொண்
    டடிக்குங் கடலங் கரைமேல் மகோதை
    அணியார் பொழில்அஞ் சைக்களத் தப்பனே. 7.4.09
    041 எந்தம் அடிகள் இமையோர் பெருமான்
    எனக்கென் றும்அளிக் கும்மணி மிடற்றன்
    அந்தண் கடலங் கரைமேல் மகோதை
    அணியார் பொழில்அஞ் சைக்களத் தப்பனை
    மந்தம் முழவுங் குழலு மியம்பும்
    வளர்நா வலர்கோன் நம்பியூ ரன்சொன்ன
    சந்தம் மிகுதண் டமிழ்மாலை கள்கொண்
    டடிவீழ வல்லார் தடுமாற் றிலரே. 7.4.10

    இத்தலம் மலைநாட்டிலுள்ளது.
    சுவாமிபெயர் - அஞ்சைக்களத்தீசுவரர், தேவியார் - உமையம்மை.

    திருச்சிற்றம்பலம்

    7.5 திருஓணகாந்தன்றளி


    பண் - இந்தளம்
    திருச்சிற்றம்பலம்

    042 நெய்யும் பாலுந் தயிருங் கொண்டு
    நித்தல் பூசை செய்ய லுற்றார்
    கையி லொன்றுங் காண மில்லைக்
    கழல டிதொழு துய்யி னல்லால்
    ஐவர் கொண்டிங் காட்ட ஆடி
    ஆழ்கு ழிப்பட் டழுந்து வேனுக்
    குய்யு மாறொன் றருளிச் செய்யீர்
    ஓண காந்தன் றளியு ளீரே. 7.5.01
    043 திங்கள் தங்கு சடைக்கண் மேலோர்
    திரைகள் வந்து புரள வீசுங்
    கங்கை யாளேல் வாய்தி றவாள்
    கணப தியேல் வயிறு தாரி
    அங்கை வேலோன் குமரன் பிள்ளை
    தேவி யார்கொற் றட்டி யாளால்
    உங்க ளுக்காட் செய்ய மாட்டோ ம்
    ஓண காந்தன் றளியு ளீரே. 7.5.02
    044 பெற்ற போழ்தும் பெறாத போழ்தும்
    பேணி யுங்கழல் ஏத்து வார்கள்
    மற்றோர் பற்றிலர் என்றி ரங்கி
    மதியு டையவர் செய்கை செய்யீர்
    அற்ற போழ்தும் அலந்த போழ்தும்
    ஆவற் காலத் தடிகேள் உம்மை
    ஒற்றி வைத்திங் குண்ண லாமோ
    ஓண காந்தன் றளியு ளீரே. 7.5.03
    045 வல்ல தெல்லாஞ் சொல்லி யும்மை
    வாழ்த்தி னாலும் வாய்தி றந்தொன்
    றில்லை என்னீர் உண்டும் என்னீர்
    எம்மை ஆள்வான் இருப்ப தென்னீர்
    பல்லை யுக்கப் படுத லையிற்
    பகலெ லாம்போய்ப் பலிதி ரிந்திங்
    கொல்லை வாழ்க்கை ஒழிய மாட்டீர்
    ஓண காந்தன் றளியு ளீரே. 7.5.04
    046 கூடிக் கூடித் தொண்டர் தங்கள்
    கொண்ட பாணி குறைப டாமே
    ஆடிப் பாடி அழுது நெக்கங்
    கன்பு டையவர்க் கின்பம் ஓரீர்
    தேடித் தேடித் திரிந்தெய்த் தாலுஞ்
    சித்தம் என்பால் வைக்க மாட்டீர்
    ஓடிப் போகீர் பற்றுந் தாரீர்
    ஓண காந்தன் றளியு ளீரே. 7.5.05
    047 வாரி ருங்குழல் வாணெ டுங்கண்
    மலைம கள்மது விம்மு கொன்றைத்
    தாரி ருந்தட மார்பு நீங்காத்
    தைய லாளுல குய்ய வைத்த
    காரி ரும்பொழிற் கச்சி மூதூர்க்
    காமக் கோட்டம் உண்டாக நீர்போய்
    ஊரி டும்பிச்சை கொள்வ தென்னே
    ஓண காந்தன் றளியு ளீரே. 7.5.06
    048 பொய்ம்மை யாலே போது போக்கிப்
    புறத்தும் இல்லை அகத்தும் இல்லை
    மெய்ம்மை சொல்லி ஆள மாட்டீர்
    மேலை நாளொன் றிடவுங் கில்லீர்
    எம்மைப் பெற்றால் ஏதும் வேண்டீர்
    ஏதுந் தாரீர் ஏதும் ஓதீர்
    உம்மை என்றே எம்பெ ருமான்
    ஓண காந்தன் றளியு ளீரே. 7.5.07
    049 வலையம் வைத்த கூற்ற மீவான்
    வந்து நின்ற வார்த்தை கேட்டுச்
    சிலைய மைத்த சிந்தை யாலே
    திருவ டிதொழு துய்யி னல்லாற்
    கலைய மைத்த காமச் செற்றக்
    குரோத லோப மதம வருடை
    உலைய மைத்திங் கொன்ற மாட்டேன்
    ஓண காந்தன் றளியு ளீரே. 7.5.08
    050 வார மாகித் திருவ டிக்குப்
    பணிசெய் தொண்டர் பெறுவ தென்னே
    ஆரம் பாம்பு வாழ்வ தாரூர்
    ஒற்றி யூரேல் உம்ம தன்று
    தார மாகக் கங்கை யாளைச்
    சடையில் வைத்த அடிகேள் உந்தம்
    ஊருங் காடு உடையுந் தோலே
    ஓண காந்தன் றளியு ளீரே. 7.5.09
    051 ஓவ ணமேல் எருதொன் றேறும்
    ஓண காந்தன் றளியு ளார்தாம்
    ஆவ ணஞ்செய் தாளுங் கொண்ட
    வரைது கிலொடு பட்டு வீக்கிக்
    கோவ ணமேற் கொண்ட வேடங்
    கோவை யாகவா ரூரன் சொன்ன
    பாவ ணத்தமிழ் பத்தும்வல் லார்க்குப்
    பறையுந் தாஞ்செய்த பாவந் தானே. 7.5.10

    இத்தலம் தொண்டைநாட்டிலுள்ளது.
    சுவாமிபெயர் - ஓணகாந்தீசுவரர்,
    தேவியார் - காமாட்சியம்மை.

    திருச்சிற்றம்பலம்

    7.6 திருவெண்காடு


    பண் - இந்தளம்
    திருச்சிற்றம்பலம்

    052 படங்கொள் நாகஞ் சென்னி சேர்த்திப்
    பாய்பு லித்தோல் அரையில் வீக்கி
    அடங்க லார்ஊர் எரியச் சீறி
    அன்று மூவர்க் கருள்பு ரிந்தீர்
    மடங்க லானைச் செற்று கந்தீர்
    மனைகள் தோறுந் தலைகை யேந்தி
    விடங்க ராகித் திரிவ தென்னே
    வேலை சூழ்வெண் காட னீரே. 7.6.01
    053 இழித்து கந்தீர் முன்னை வேடம்
    இமைய வர்க்கும் உரைகள் பேணா
    தொழித்து கந்தீர் நீர்முன் கொண்ட
    உயர்த வத்தை அமரர் வேண்ட
    அழிக்க வந்த காம வேளை
    அவனு டைய தாதை காண
    விழித்து கந்த வெற்றி யென்னே
    வேலை சூழ்வெண் காட னீரே. 7.6.02
    054 படைகள் ஏந்திப் பாரி டமும்
    பாதம் போற்ற மாதும் நீரும்
    உடையோர் கோவ ணத்த ராகி
    உண்மை சொல்லீர் உம்மை யன்றே
    சடைகள் தாழக் கரணம் இட்டுத்
    தன்மை பேசி இல்ப லிக்கு
    விடைய தேறித் திரிவ தென்னே
    வேலை சூழ்வெண் காட னீரே. 7.6.03
    055 பண்ணு ளீராய்ப் பாட்டு மானீர்
    பத்தர் சித்தம் பரவிக் கொண்டீர்
    கண்ணு ளீராய்க் கருத்தி லும்மைக்
    கருது வார்கள் காணும் வண்ணம்
    மண்ணு ளீராய் மதியம் வைத்தீர்
    வான நாடர் மருவி யேத்த
    விண்ணு ளீராய் நிற்ப தென்னே
    வேலை சூழ்வெண் காட னீரே. 7.6.04
    056 குடமெ டுத்து நீரும் பூவுங்
    கொண்டு தொண்டர் ஏவல் செய்ய
    நடமெ டுத்தொன் றாடிப் பாடி
    நல்கு வீர்நீர் புல்கும் வண்ணம்
    வடமெ டுத்த கொங்கை மாதோர்
    பாக மாக வார்க டல்வாய்
    விடம்மி டற்றில் வைத்த தென்னே
    வேலை சூழ்வெண் காட னீரே. 7.6.05
    057 மாறு பட்ட வனத்த கத்தில்
    மருவ வந்த வன்க ளிற்றைப்
    பீறி இட்ட மாகப் போர்த்தீர்
    பெய்ப லிக்கென் றில்லந் தோறுங்
    கூறு பட்ட கொடியும் நீருங்
    குலாவி ஏற்றை அடர ஏறி
    வேறு பட்டுத் திரிவ தென்னே
    வேலை சூழ்வெண் காட னீரே. 7.6.06
    058 காத லாலே கருதுந் தொண்டர்
    கார ணத்தீ ராகி நின்றே
    பூதம் பாடப் புரிந்து நட்டம்
    புவனி யேத்த ஆட வல்லீர்
    நீதி யாக ஏழி லோசை
    நித்த ராகிச் சித்தர் சூழ
    வேத மோதித் திரிவ தென்னே
    வேலை சூழ்வெண் காட னீரே. 7.6.07
    059 குரவு கொன்றை மதியம் மத்தங்
    கொங்கை மாதர் கங்கை நாகம்
    விரவு கின்ற சடையு டையீர்
    விருத்த ரானீர் கருத்தில் உம்மைப்
    பரவும் என்மேல் பழிகள் போக்கீர்
    பாக மாய மங்கை யஞ்சி
    வெருவ வேழஞ் செற்ற தென்னே
    வேலை சூழ்வெண் காட னீரே. 7.6.08
    060 மாடங் காட்டுங் கச்சி யுள்ளீர்
    நிச்ச யத்தால் நினைப்பு ளார்பாற்
    பாடுங் காட்டில் ஆடல் உள்ளீர்
    பரவும் வண்ணம் எங்ங னேதான்
    நாடுங் காட்டில் அயனும் மாலும்
    நணுகா வண்ணம் அனலு மாய
    வேடங் காட்டித் திரிவ தென்னே
    வேலை சூழ்வெண் காட னீரே. 7.6.09
    061 விரித்த வேதம் ஓத வல்லார்
    வேலை சூழ்வெண் காடு மேய
    விருத்த னாய வேதன் றன்னை
    விரிபொ ழிற்றிரு நாவ லூரன்
    அருத்தி யாலா ரூரன் தொண்டன்
    அடியன் கேட்ட மாலை பத்துந்
    தெரித்த வண்ணம் மொழிய வல்லார்
    செம்மை யாளர் வானு ளாரே. 7.6.10

    இத்தலம் சோழநாட்டிலுள்ளது.
    சுவாமிபெயர் - சுவேதாரணியேசுவரர்,
    தேவியார் - பிரமவித்தியாநாயகியம்மை.

    திருச்சிற்றம்பலம்

    7.7 திருஎதிர்கொள்பாடி


    பண் - இந்தளம்
    திருச்சிற்றம்பலம்

    062 மத்த யானை ஏறி மன்னர்
    சூழவரு வீர்காள்
    செத்த போதில் ஆரும் இல்லை
    சிந்தையுள் வைம்மின்கள்
    வைத்த உள்ளம் மாற்ற வேண்டா
    வம்மின் மனத்தீரே
    அத்தர் கோயில் எதிர்கொள் பாடி
    என்ப தடைவோமே. 7.7.01
    063 தோற்றம் உண்டேல் மரணம் உண்டு
    துயரம் மனைவாழ்க்கை
    மாற்றம் உண்டேல் வஞ்சம் உண்டு
    நெஞ்ச மனத்தீரே
    நீற்றர் ஏற்றர் நீல கண்டர்
    நிறைபுனல் நீள்சடைமேல்
    ஏற்றர் கோயில் எதிர்கொள் பாடி
    என்ப தடைவோமே. 7.7.02
    064 செடிகொ ளாக்கை சென்று சென்று
    தேய்ந்தொல் லைவீழாமுன்
    வடிகொள் கண்ணார் வஞ்ச னையுள்
    பட்டு மயங்காதே
    கொடிகொள் ஏற்றர் வெள்ளை நீற்றர்
    கோவண ஆடையுடை
    அடிகள் கோயில் எதிர்கொள் பாடி
    என்ப தடைவோமே. 7.7.03
    065 வாழ்வர் கண்டீர் நம்முள் ஐவர்
    வஞ்ச மனத்தீரே
    யாவ ராலும் இகழப் பட்டிங்
    கல்ல லில்வீழாதே
    மூவ ராயும் இருவ ராயும்
    முதல்வன் அவனேயாம்
    தேவர் கோயில் எதிர்கொள் பாடி
    என்ப தடைவோமே. 7.7.04
    066 அரித்து நம்மேல் ஐவர் வந்திங்
    காறலைப் பான்பொருட்டாற்
    சிரித்த பல்வாய் வெண்ட லைபோய்
    ஊர்ப்பு றஞ்சேராமுன்
    வரிக்கொ டுத்திவ் வாள ரக்கர்
    வஞ்ச மதில்மூன்றும்
    எரித்த வில்லி எதிர்கொள் பாடி
    என்ப தடைவோமே. 7.7.05
    067 பொய்யர் கண்டீர் வாழ்க்கை யாளர்
    பொத்தடைப் பான்பொருட்டால்
    மையல் கொண்டீர் எம்மோ டாடி
    நீரும் மனத்தீரே
    நைய வேண்டா இம்மை யேத்த
    அம்மை நமக்கருளும்
    ஐயர் கோயில் எதிர்கொள் பாடி
    என்ப தடைவோமே. 7.7.06
    068 கூசம் நீக்கிக் குற்றம் நீக்கிச்
    செற்ற மனம்நீக்கி
    வாசம் மல்கு குழலி னார்கள்
    வஞ்ச மனைவாழ்க்கை
    ஆசை நீக்கி அன்பு சேர்த்தி
    என்பணிந் தேறேறும்
    ஈசர் கோயில் எதிர்கொள் பாடி
    என்ப தடைவோமே. 7.7.07
    069 இன்பம் உண்டேல் துன்பம் உண்டு
    ஏழை மனைவாழ்க்கை
    முன்பு சொன்ன மோழை மையான்
    முட்டை மனத்தீரே
    அன்ப ரல்லால் அணிகொள் கொன்றை
    அடிக ளடிசேரார்
    என்பர் கோயில் எதிர்கொள் பாடி
    என்ப தடைவோமே. 7.7.08
    070 தந்தை யாரும் தவ்வை யாரும்
    எட்டனைச் சார்வாகார்
    வந்து நம்மோ டுள்ள ளாவி
    வான நெறிகாட்டுஞ்
    சிந்தை யீரே நெஞ்சி னீரே
    திகழ்மதி யஞ்சூடும்
    எந்தை கோயில் எதிர்கொள் பாடி
    என்ப தடைவோமே. 7.7.09
    071 குருதி சோர ஆனையின் றோல்
    கொண்ட குழற்சடையன்
    மருது கீறி ஊடு போன
    மாலய னும்மறியாச்
    சுருதி யார்க்குஞ் சொல்ல வொண்ணாச்
    சோதியெம் ஆதியான்
    கருது கோயில் எதிர்கொள் பாடி
    என்ப தடைவோமே. 7.7.10
    072 முத்து நீற்றுப் பவள மேனிச்
    செஞ்சடை யான்உறையும்
    பத்தர் பந்தத் தெதிர்கொள் பாடிப்
    பரமனை யேபணியச்
    சித்தம் வைத்த தொண்டர் தொண்டன்
    சடைய னவன்சிறுவன்
    பத்தன் ஊரன் பாடல் வல்லார்
    பாதம் பணிவாரே. 7.7.11

    இத்தலம் சோழநாட்டிலுள்ளது.
    சுவாமிபெயர் - அயிராவதேசுவரர்,
    தேவியார் - வாசமலர்க்குழன்மாதம்மை.

    திருச்சிற்றம்பலம்

    7.8 திருவாரூர்


    பண் - இந்தளம்
    திருச்சிற்றம்பலம்

    073 இறைகளோ டிசைந்த இன்பம்
    இன்பத்தோ டிசைந்த வாழ்வு
    பறைகிழித் தனைய போர்வை
    பற்றியான் நோக்கி னேற்குத்
    திறைகொணர்ந் தீண்டித் தேவர்
    செம்பொனும் மணியுந் தூவி
    அறைகழல் இறைஞ்சும் ஆரூர்
    அப்பனே அஞ்சி னேனே. 7.8.1
    074 ஊன்மிசை உதிரக் குப்பை
    ஒருபொரு ளிலாத மாயம்
    மான்மறித் தனைய நோக்க
    மடந்தைமார் மதிக்கு மிந்த
    மானுடப் பிறவி வாழ்வு
    வாழ்வதோர் வாழ்வு வேண்டேன்
    ஆனல்வெள் ளேற்ற ஆரூர்
    அப்பனே அஞ்சி னேனே. 7.8.2
    075 அறுபதும் பத்தும் எட்டும்
    ஆறினோ டஞ்சு நான்குந்
    துறுபறித் தனைய நோக்கிச்
    சொல்லிற்றொன் றாகச் சொல்லார்
    நறுமலர்ப் பூவும் நீரும்
    நாடொறும் வணங்கு வார்க்கு
    அறிவினைக் கொடுக்கும் ஆரூர்
    அப்பனே அஞ்சி னேனே. 7.8.3
    076 சொல்லிடில் எல்லை இல்லை
    சுவையிலாப் பேதை வாழ்வு
    நல்லதோர் கூரை புக்கு
    நலமிக அறிந்தே னல்லேன்
    மல்லிகை மாடம் நீடு
    மருங்கொடு நெருங்கி யெங்கும்
    அல்லிவண் டியங்கும் ஆரூர்
    அப்பனே அஞ்சி னேனே. 7.8.4
    077 நரம்பினோ டெலும்பு கட்டி
    நசையினோ டிசைவொன் றில்லாக்
    குரம்பைவாய்க் குடியி ருந்து
    குலத்தினால் வாழ மாட்டேன்
    விரும்பிய கமழும் புன்னை
    மாதவித் தொகுதி என்றும்
    அரும்புவாய் மலரும் ஆரூர்
    அப்பனே அஞ்சி னேனே. 7.8.5
    078 மணமென மகிழ்வர் முன்னே
    மக்கள்தாய் தந்தை சுற்றம்
    பிணமெனச் சுடுவர் பேர்த்தே
    பிறவியை வேண்டேன் நாயேன்
    பணையிடைச் சோலை தோறும்
    பைம்பொழில் விளாகத் தெங்கள்
    அணைவினைக் கொடுக்கும் ஆரூர்
    அப்பனே அஞ்சி னேனே. 7.8.6
    079 தாழ்வெனுந் தன்மை விட்டுத்
    தனத்தையே மனத்தில் வைத்து
    வாழ்வதே கருதித் தொண்டர்
    மறுமைக்கொன் றீய கில்லார்
    ஆழ்குழிப் பட்ட போது
    வலக்கணில் ஒருவர்க் காவர்
    யாழ்முயன் றிருக்கும் ஆரூர்
    அப்பனே அஞ்சி னேனே. 7.8.7
    080 உதிரநீர் இறைச்சிக் குப்பை
    எடுத்தது மலக்கு கைம்மேல்
    வருவதோர் மாயக் கூரை
    வாழ்வதோர் வாழ்வு வேண்டேன்
    கரியமால் அயனுந் தேடிக்
    கழலிணை காண மாட்டா
    அரியனாய் நின்ற ஆரூர்
    அப்பனே அஞ்சி னேனே. 7.8.8
    081 பொய்த்தன்மைத் தாய மாயப்
    போர்வையை மெய்யென் றெண்ணும்
    வித்தகத் தாய வாழ்வு
    வேண்டிநான் விரும்ப கில்லேன்
    முத்தினைத் தொழுது நாளும்
    முடிகளால் வணங்கு வார்க்கு
    அத்தன்மைத் தாகும் ஆரூர்
    அப்பனே அஞ்சி னேனே. 7.8.9
    082 தஞ்சொலார் அருள் பயக்குந்
    தமியனேன் தடமு லைக்கண்
    அஞ்சொலார் பயிலும் ஆரூர்
    அப்பனை ஊரன் அஞ்சிச்
    செஞ்சொலால் நயந்த பாடல்
    சிந்தியா ஏத்த வல்லார்
    நஞ்சுலாங் கண்டத் தெங்கள்
    நாதனை நணுகு வாரே. 7.8.10

    இத்தலம் சோழநாட்டிலுள்ளது.
    சுவாமிபெயர் - வன்மீகநாதர், தேவியார் - அல்லியங்கோதையம்மை.

    திருச்சிற்றம்பலம்

    7.9 திருஅரிசிற்கரைப்புத்தூர்


    பண் - இந்தளம்
    திருச்சிற்றம்பலம்

    083 மலைக்கு மகள்அஞ்ச மதகரியை உரித்தீர்
    எரித்தீர் வருமுப் புரங்கள்
    சிலைக்குங் கொலைச்சே வுகந்தேற் றொழியீர்
    சில்பலிக் கில்கள்தோறுஞ் செலவொழியீர்
    கலைக்கொம் புங்கரி மருப்பும் இடறிக்
    கலவம் மயிற்பீலியுங் காரகிலும்
    அலைக்கும் புனல்சேர் அரிசிற் றென்கரை
    அழகார் திருப்புத்தூர் அழகனீரே. 7.9.1
    084 அருமல ரோன்சிரம் ஒன்றறுத் தீர்செறுத்
    தீரழற் சூலத்தில் அந்தகனைத்
    திருமகள் கோனெடு மால்பல நாள்சிறப்
    பாகிய பூசனை செய்பொழுதில்
    ஒருமலர் ஆயிரத் திற்குறை வாநிறை
    வாகவோர் கண்மலர் சூட்டலுமே
    பொருவிறல் ஆழி புரிந்தளித் தீர்பொழி
    லார்திருப் புத்தூர்ப் புனிதனீரே. 7.9.2
    085 தரிக்குந் தரைநீர் தழற்காற் றந்தரஞ்
    சந்திரன் சவிதாவிய மானனானீர்
    சரிக்கும் பலிக்குத் தலையங்கை யேந்தித்
    தையலார் பெய்யக்கொள் வதுதக்கதன்றால்
    முரிக்குந் தளிர்ச்சந் தனத்தொடு வேயும்
    முழங்குந் திரைக்கைக ளால்வாரிமோதி
    அரிக்கும் புனல்சேர் அரிசிற் றென்கரை
    அழகார் திருப்புத்தூர் அழகனீரே. 7.9.3
    086 கொடியுடை மும்மதில் வெந்தழி யக்குன்றம்
    வில்லா நாணியிற் கோலொன்றினால்
    இடிபட எய்தெரித்தீர் இமைக்கும் அளவில்
    உமக்கார் எதிரெம் பெருமான்
    கடிபடு பூங்கணை யான்கருப் புச்சிலைக்
    காமனை வேவக் கடைக்கண்ணினாற்
    பொடிபட நோக்கிய தென்னை கொல்லோ
    பொழிலார் திருப்புத்தூர்ப் புனிதனீரே. 7.9.4
    087 வணங்கித்தொழு வாரவர் மால்பிர மன்மற்றும்
    வானவர் தானவர் மாமுனிவர்
    உணங்கற்றலை யிற்பலி கொண்ட லென்னே
    உலகங்கள் எல்லாமுடை யீர்உரையீர்
    இணங்கிக் கயல்சேல் இளவாளை பாய
    இனக்கெண்டை துள்ளக்கண் டிருந்தஅன்னம்
    அணங்கிக் குணங்கொள் அரிசிற் றென்கரை
    அழகார் திருப்புத்தூர் அழகனீரே. 7.9.5
    088 அகத்தடி மைசெய்யும் அந்தணன் றான்அரி
    சிற்புனல் கொண்டுவந் தாட்டுகின்றான்
    மிகத்தளர் வெய்திக் குடத்தையும் நும்முடி
    மேல்விழுத் திட்டு நடுங்குதலும்
    வகுத்தவ னுக்குநித் தற்படி யும்வரு
    மென்றொரு காசினை நின்றநன்றிப்
    புகழ்த்துணை கைப்புகச் செய்துகந் தீர்பொழி
    லார்திருப் புத்தூர்ப் புனிதனீரே.

    திரு அரிசிற்கரைப்புத்தூரென்னு மித்தலத்தில் ஆதிசைவப்
    பிராமணகுலத்தில் திருவவதாரஞ்செய்து புகழ்த்துணை
    நாயனாரெனப் பெயரும் பெற்று மிகுந்தஅன்புடன்
    பரமசிவத்துக்குத் திருமஞ்சனமுதலிய உபசாரங்கள்
    ஆகமமுறைவழுவாமல் செய்துகொண்டு வருநாளில்
    பஞ்சம்நேரிட்டுச் சிலநாளுணவின்றித் திருமேனியிளைத்து
    வலிவின்றியுமொருநாள் திருமஞ்சனஞ்செய்கையில்
    அந்தக்குடம் நழுவிச் சிவலிங்கப்பெருமான் திருமுடிக்கண்விழலும்
    நாயனார் அஞ்சி நடுங்குதல் திருவுளத்திற்கொண்டு
    பரமசிவங் கிருபைகூர்ந்து பஞ்சம் நீங்குகிறவரைக்கும்
    ஒருபடிக் காசு அருள்செய்த கிருபையின் பெருமை இந்த
    ஆறாவது தேவாரத்தில் விளங்கக்கூறியது. 7.9.6
    089 பழிக்கும் பெருந்தக்கன் எச்சம் அழியப்
    பகலோன்முத லாப்பல தேவரையுந்
    தெழித்திட் டவரங்கஞ் சிதைத்தரு ளுஞ்செய்கை
    என்னைகொலோ மைகொள் செம்மிடற்றீர்
    விழிக்குந் தழைப்பீலி யொடேல முந்தி
    விளங்கும் மணிமுத்தொடு பொன்வரன்றி
    அழிக்கும் புனல்சேர் அரிசிற் றென்கரை
    அழகார் திருப்புத்தூர் அழகனீரே. 7.9.7
    090 பறைக்கண் நெடும்பேய்க் கணம்பாடல் செய்யக்
    குறட்பா ரிடங்கள்பறை தாம்முழக்கப்
    பிறைக்கொள் சடைதாழப் பெயர்ந்து நட்டம்
    பெருங்கா டரங்காகநின் றாடலென்னே
    கறைக்கொள் மணிகண் டமுந்திண் டோ ள்களுங்
    கரங்கள்சிரந் தன்னிலுங் கச்சுமாகப்
    பொறிக்கொள் அரவம் புனைந்தீர் பலவும்
    பொழிலார் திருப்புத்தூர்ப் புனிதனீரே. 7.9.8
    091 மழைக்கண்மட வாளையோர் பாகம்வைத் தீர்வளர்
    புன்சடைக் கங்கையை வைத்துகந்தீர்
    முழைக்கொள் அரவோ டென்பணி கலனா
    முழுநீறு மெய்பூசுதல் என்னைகொலோ
    கழைக்கொள் கரும்புங் கதலிக் கனியுங்
    கமுகின் பழுக்காயுங் கவர்ந்துகொண்டிட்
    டழைக்கும் புனல்சேர் அரிசிற் றென்கரை
    அழகார் திருப்புத்தூர் அழகனீரே. 7.9.9
    092 கடிக்கும் அரவால் மலையால் அமரர்
    கடலைக் கடையவெழு காளகூடம்
    ஒடிக்கும் உலகங் களைஎன் றதனை
    உமக்கேயமு தாகவுண் டீருமிழீர்
    இடிக்கும் மழைவீழ்த் திழித்திட் டருவி
    இருபாலுமோடி இரைக்குந் திரைக்கை
    அடிக்கும் புனல்சேர் அரிசிற் றென்கரை
    அழகார் திருப்புத்தூர் அழகனீரே. 7.9.10
    093 காரூர் மழைபெய்து பொழியரு விக்கழை
    யோடகி லுந்திட் டிருகரையும்
    போரூர் புனல்சேர் அரிசிற் றென்கரைப்
    பொழிலார் திருப்புத்தூர்ப் புனிதர்தம்மை
    ஆரூரன் அருந்தமி ழைந்தினோ டைந்தழ
    காலுரைப் பார்களுங் கேட்பவருஞ்
    சீரூர் தருதேவர் கணங்க ளொடும்
    இணங்கிச் சிவலோகம தெய்துவரே. 7.9.11

    இத்தலம் சோழநாட்டிலுள்ளது.
    சுவாமிபெயர் - படிக்காசுவைத்தவீசுவரர்,
    தேவியார் - அழகம்மை.

    திருச்சிற்றம்பலம்

    7.10 திருக்கச்சிஅனேகதங்காவதம்


    பண் - இந்தளம்
    திருச்சிற்றம்பலம்

    094 தேனெய் புரிந்துழல் செஞ்சடை யெம்பெரு
    மானதி டந்திகழ் ஐங்கணையக்
    கோனை யெரித்தெரி யாடி இடங்குல
    வான திடங்குறை யாமறையாம்
    மானை இடத்ததோர் கையனி டம்மத
    மாறு படப்பொழி யும்மலைபோல்
    யானை யுரித்த பிரான திடங்கலிக்
    கச்சி அனேகதங் காவதமே. 7.10.1
    095 கூறு நடைக்குழி கட்பகு வாயன
    பேயுகந் தாடநின் றோரியிட
    வேறு படக்குட கத்திலை யம்பல
    வாணன்நின் றாடல் விரும்புமிடம்
    ஏறு விடைக்கொடி யெம்பெரு மான்இமை
    யோர்பெரு மான்உமை யாள்கணவன்
    ஆறு சடைக்குடை அப்ப னிடங்கலிக்
    கச்சி அனேகதங் காவதமே. 7.10.2
    096 கொடிக ளிடைக்குயில் கூவுமி டம்மயி
    லாலுமி டம்மழு வாளுடைய
    கடிகொள் புனற்சடை கொண்ட நுதற்கறைக்
    கண்டனி டம்பிறைத் துண்டமுடிச்
    செடிகொள் வினைப்பகை தீருமி டந்திரு
    வாகுமி டந்திரு மார்பகலத்
    தடிக ளிடம்அழல் வண்ண னிடங்கலிக்
    கச்சி அனேகதங் காவதமே. 7.10.3
    097 கொங்கு நுழைத்தன வண்டறை கொன்றையுங்
    கங்கையுந் திங்களுஞ் சூடுசடை
    மங்குல் நுழைமலை மங்கையை நங்கையைப்
    பங்கினிற் றங்க உவந்தருள்செய்
    சங்கு குழைச்செவி கொண்டரு வித்திரள்
    பாய வியாத்தழல் போலுடைத்தம்
    அங்கை மழுத்திகழ் கைய னிடங்கலிக்
    கச்சி அனேகதங் காவதமே. 7.10.4
    098 பைத்த படத்தலை ஆடர வம்பயில்
    கின்ற இடம்பயி லப்புகுவார்
    சித்தம் ஒருநெறி வைத்த இடந்திகழ்
    கின்ற இடந்திரு வானடிக்கே
    வைத்த மனத்தவர் பத்தர் மனங்கொள
    வைத்த இடம்மழு வாளுடைய
    அத்தன் இடம்அழல் வண்ண னிடங்கலிக்
    கச்சி அனேகதங் காவதமே. 7.10.5
    099 தண்ட முடைத்தரு மன்தமர் என்றம
    ரைச்செயும் வன்துயர் தீர்க்குமிடம்
    பிண்ட முடைப்பிற வித்தலை நின்று
    நினைப்பவர் ஆக்கையை நீக்குமிடம்
    கண்ட முடைக்கரு நஞ்சை நுகர்ந்த
    பிரான திடங்கடல் ஏழுகடந்
    தண்ட முடைப்பெரு மான திடங்கலிக்
    கச்சி அனேகதங் காவதமே. 7.10.6
    100 கட்டு மயக்கம் அறுத்தவர் கைதொழு
    தேத்து மிடங்கதி ரோன்ஒளியால்
    விட்ட இடம்விடை யூர்தி யிடங்குயிற்
    பேடைதன் சேவலோ டாடுமிடம்
    மட்டு மயங்கி அவிழ்ந்த மலரொரு
    மாதவி யோடு மணம்புணரும்
    அட்ட புயங்கப் பிரான திடங்கலிக்
    கச்சி அனேகதங் காவதமே. 7.10.7
    101 புல்லி இடந்தொழு துய்துமெ னாதவர்
    தம்புர மூன்றும் பொடிப்படுத்த
    வில்லி இடம்விர வாதுயிர் உண்ணும்வெங்
    காலனைக் கால்கொடு வீந்தவியக்
    கொல்லி இடங்குளிர் மாதவி மவ்வல்
    குராவகு ளங்குருக் கத்திபுன்னை
    அல்லி யிடைப்பெடை வண்டுறங் குங்கலிக்
    கச்சி அனேகதங் காவதமே. 7.10.8
    102 சங்கை யவர்புணர் தற்கரி யான்றள
    வேனகை யாள்தவி ராமிகுசீர்
    மங்கை யவள்மகி ழச்சுடு காட்டிடை
    நட்டம்நின் றாடிய சங்கரனெம்
    அங்கையி னல்லனல் ஏந்து மவன்கனல்
    சேரொளி யன்னதோர் பேரகலத்
    தங்கை யவன்னுறை கின்ற இடங்கலிக்
    கச்சி அனேகதங் காவதமே. 7.10.9
    103 வீடு பெறப்பல ஊழிகள் நின்று
    நினைக்கும் இடம்வினை தீருமிடம்
    பீடு பெறப்பெரி யோர திடங்கொண்டு
    மேவினர் தங்களைக் காக்குமிடம்
    பாடு மிடத்தடி யான்புகழ் ஊரன்
    உரைத்தஇம் மாலைகள் பத்தும்வல்லார்
    கூடு மிடஞ்சிவ லோகன் இடங்கலிக்
    கச்சி அனேகதங் காவதமே. 7.10.10

    இத்தலம் தொண்டைநாட்டிலுள்ளது.
    சுவாமிபெயர் - காவதேசுவரர்,
    தேவியார் - காமாட்சியம்மை.

    திருச்சிற்றம்பலம்

    7.11 திருப்பூவணம்


    பண் - இந்தளம்
    திருச்சிற்றம்பலம்

    104 திருவுடை யார்திரு மாலய னாலும்
    உருவுடை யார்உமை யாளையோர் பாகம்
    பரிவுடை யார்அடை வார்வினை தீர்க்கும்
    புரிவுடை யார்உறை பூவணம் ஈதோ. 7.11.1
    105 எண்ணி இருந்து கிடந்து நடந்தும்
    அண்ண லெனாநினை வார்வினை தீர்ப்பார்
    பண்ணிசை யார்மொழி யார்பலர் பாடப்
    புண்ணிய னார்உறை பூவணம் ஈதோ. 7.11.2
    106 தெள்ளிய பேய்பல பூதம வற்றொடு
    நள்ளிருள் நட்டம தாடல் நவின்றோர்
    புள்ளுவ ராகும வர்க்கவர் தாமும்
    புள்ளுவ னார்உறை பூவணம் ஈதோ. 7.11.3
    107 நிலனுடை மான்மறி கையது தெய்வக்
    கனலுடை மாமழு ஏந்தியோர் கையில்
    அனலுடை யார்அழ கார்தரு சென்னிப்
    புனலுடை யார்உறை பூவணம் ஈதோ. 7.11.4
    108 நடையுடை நல்லெரு தேறுவர் நல்லார்
    கடைகடை தோறிடு மின்பலி என்பார்
    துடியிடை நன்மட வாளொடு மார்பில்
    பொடியணி வார்உறை பூவணம் ஈதோ. 7.11.5
    109 மின்னனை யாள்திரு மேனிவி ளங்கவோர்
    தன்னமர் பாகம தாகிய சங்கரன்
    முன்னினை யார்புரம் மூன்றெரி யூட்டிய
    பொன்னனை யான்உறை பூவணம் ஈதோ. 7.11.6
    110 மிக்கிறை யேயவன் துன்மதி யாலிட
    நக்கிறை யேவிர லாலிற வூன்றி
    நெக்கிறை யேநினை வார்தனி நெஞ்சம்
    புக்குறை வான்உறை பூவணம் ஈதோ. 7.11.7
    இப்பதிகத்தில் 8,9-ம் செய்யுட்கள் சிதைந்து போயின. 7.11.8-9
    111 சீரின் மிகப்பொலி யுந்திருப் பூவணம்
    ஆர விருப்பிட மாஉறை வான்றனை
    ஊரன் உரைத்தசொன் மாலைகள் பத்திவை
    பாரில் உரைப்பவர் பாவம் அறுப்பரே. 7.11.10

    இத்தலம் பாண்டிநாட்டிலுள்ளது.
    சுவாமிபெயர் - பூவணநாதர், தேவியார் - மின்னாம்பிகையம்மை.
    திருச்சிற்றம்பலம்

    7.12 திருநாட்டுத்தொகை


    பண் - இந்தளம்
    திருச்சிற்றம்பலம்

    112 வீழக் காலனைக் கால்கொடு பாய்ந்த விலங்கலான்
    கூழை ஏறுகந் தானிடங் கொண்டதுங் கோவலூர்
    தாழை யூர்தக டூர்தக்க ளூர்தரு மபுரம்
    வாழை காய்க்கும் வளர்மரு கல்நாட்டு மருகலே. 7.12.1
    113 அண்டத் தண்டத்தின் அப்புறத் தாடும் அமுதனூர்
    தண்டந் தோட்டந்தண் டங்குறை தண்டலை யாலங்காடு
    கண்டல் முண்டல்கள் சூழ்கழிப் பாலை கடற்கரை
    கொண்டல் நாட்டுக்கொண் டல்குறுக் கைநாட்டுக் குறுக்கையே. 7.12.2
    114 மூல னூர்முத லாயமுக் கண்ணன் முதல்வனூர்
    நால னூர்நரை ஏறுகந் தேறிய நம்பனூர்
    கோல நீற்றன்குற் றாலங் குரங்கணின் முட்டமும்
    வேல னூர்வெற்றி யூர்வெண்ணிக் கூற்றத்து வெண்ணியே. 7.12.3
    115 தேங்கூ ருந்திருச் சிற்றம் பலமுஞ் சிராப்பள்ளி
    பாங்கூர் எங்கள் பிரானுறை யுங்கடம் பந்துறை
    பூங்கூ ரும்பர மன்பரஞ் சோதி பயிலுமூர்
    நாங்கூர் நாட்டுநாங் கூர்நறை யூர்நாட்டு நறையூரே. 7.12.4
    116 குழலை வென்ற மொழிமட வாளையோர் கூறனாம்
    மழலை யேற்று மணாளன் இடந்தட மால்வரைக்
    கிழவன் கீழை வழிப்பழை யாறு கிழையமும்
    மிழலை நாட்டு மிழலைவெண் ணிநாட்டு மிழலையே. 7.12.5
    117 தென்னூர் கைம்மைத் திருச்சுழி யல்திருக் கானப்பேர்
    பன்னூர் புக்குறை யும்பர மர்க்கிடம் பாய்நலம்
    என்னூர் எங்கள் பிரானுறை யுந்திருத் தேவனூர்
    பொன்னூர் நாட்டுப்பொன் னூர்புரி சைநாட்டுப் புரிசையே. 7.12.6
    118 ஈழ நாட்டுமா தோட்டந்தென் னாட்டிரா மேச்சுரம்
    சோழ நாட்டுத் துருத்திநெய்த் தானந் திருமலை
    ஆழி யூரன நாட்டுக்கெல் லாம்அணி யாகிய
    கீழை யில்லர னார்க்கிடங் கிள்ளி குடியதே. 7.12.7
    119 நாளும் நன்னிலந் தென்பனை யூர்வட கஞ்சனூர்
    நீள நீள்சடை யான்நெல்லிக் காவு நெடுங்களங்
    காள கண்டன் உறையும் கடைமுடி கண்டியூர்
    வேளார் நாட்டுவே ளூர்விளத் தூர்நாட்டு விளத்தூரே. 7.12.8
    120 தழலும் மேனியன் தையலோர் பாகம மர்ந்தவன்
    தொழலுந் தொல்வினை தீர்க்கின்ற சோதிசோற் றுத்துறை
    கழலுங் கோவை யுடையவன் காதலிக் கும்மிடம்
    பழனம் பாம்பணி பாம்புரந் தஞ்சைதஞ் சாக்கையே. 7.12.9
    121 மைகொள் கண்டனெண் டோ ளன்முக் கண்ணன் வலஞ்சுழி
    பைகொள் வாளர வாட்டித் திரியும் பரமனூர்
    செய்யில் வாளைகள் பாய்ந்துக ளுந்திருப் புன்கூர்நன்
    றையன் மேய பொழிலணி ஆவடு துறையதே. 7.12.10
    122 பேணி நாடத னிற்றிரி யும்பெரு மான்றனை
    ஆணை யாவடி யார்கள் தொழப்படும் ஆதியை
    நாணி ஊரன் வனப்பகை யப்பன்வன் றொண்டன்சொல்
    பாணி யாலிவை யேத்துவார் சேர்பர லோகமே. 7.12.11

    திருச்சிற்றம்பலம்

    7.13 திருத்துறையூர்


    பண் - தக்கராகம்
    திருச்சிற்றம்பலம்

    123 மலையார் அருவித் திரள்மா மணியுந்திக்
    குலையாரக் கொணர்ந்தெற்றி யோர்பெண்ணை வடபாற்
    கலையார் அல்குற்கன் னியராடுந் துறையூர்த்
    தலைவா உனைவேண்டிக் கொள்வேன் தவநெறியே. 7.13.1
    124 மத்தம் மதயானை யின்வெண் மருப்புந்தி
    முத்தங் கொணர்ந்தெற்றி யோர்பெண்ணை வடபாற்
    பத்தர் பயின்றேத்திப் பரவுந் துறையூர்
    அத்தா உனைவேண்டிக் கொள்வேன் தவநெறியே. 7.13.2
    125 கந்தங் கமழ்கா ரகில்சந் தனமுந்திச்
    செந்தண் புனல்வந் திழிபெண்ணை வடபால்
    மந்தி பலமா நடமாடுந் துறையூர்
    எந்தாய் உனைவேண்டிக் கொள்வேன் தவநெறியே. 7.13.3
    126 அரும்பார்ந் தனமல் லிகைசண் பகஞ்சாடிச்
    சுரும்பாரக் கொணர்ந்தெற்றி யோர்பெண்ணை வடபால்
    கரும்பார் மொழிக்கன் னியராடுந் துறையூர்
    விரும்பா உனைவேண்டிக் கொள்வேன் தவநெறியே. 7.13.4
    127 பாடார்ந் தனமாவும் பலாக்க ளுஞ்சாடி
    நாடார வந்தெற்றி யோர்பெண்ணை வடபால்
    மாடார்ந் தனமாளி கைசூழுந் துறையூர்
    வேடா உனைவேண்டிக் கொள்வேன் தவநெறியே. 7.13.5
    128 மட்டார் மலர்க்கொன் றையும்வன்னி யுஞ்சாடி
    மொட்டாரக் கொணர்ந்தெற்றி யோர்பெண்ணை வடபால்
    கொட்டாட் டொடுபாட் டொலியோவாத் துறையூர்ச்
    சிட்டா உனைவேண்டிக் கொள்வேன் தவநெறியே. 7.13.6
    129 மாதார் மயிற்பீலி யும்வெண் ணுரையுந்தித்
    தாதாரக் கொணர்ந்தெற்றி யோர்பெண்ணை வடபால்
    போதார்ந் தனபொய்கை கள்சூழுந் துறையூர்
    நாதா உனைவேண்டிக் கொள்வேன் தவநெறியே. 7.13.7
    130 கொய்யா மலர்க்கோங் கொடுவேங்கை யுஞ்சாடிச்
    செய்யாரக் கொணர்ந்தெற்றி யோர்பெண்ணை வடபால்
    மையார் தடங்கண் ணியராடுந் துறையூர்
    ஐயா உனைவேண்டிக் கொள்வேன் தவநெறியே. 7.13.8
    131 விண்ணார்ந் தனமேகங் கள்நின்று பொழிய
    மண்ணாரக் கொணர்ந்தெற்றி யோர்பெண்ணை வடபால்
    பண்ணார் மொழிப்பா வையராடுந் துறையூர்
    அண்ணா உனைவேண்டிக் கொள்வேன் தவநெறியே. 7.13.9
    132 மாவாய்ப் பிளந்தானும் மலர்மிசை யானும்
    ஆவா அவர்தேடித் திரிந்தல மந்தார்
    பூவார்ந் தனபொய்கை கள்சூழுந் துறையூர்த்
    தேவா உனைவேண்டிக் கொள்வேன் தவநெறியே. 7.13.10
    133 செய்யார் கமல மலர்நாவ லூர்மன்னன்
    கையாற் றொழுதேத்தப் படுந்துறை யூர்மேற்
    பொய்யாத் தமிழூரன் உரைத்தன வல்லார்
    மெய்யே பெறுவார்கள் தவநெறி தானே. 7.13.11

    இத்தலம் நடுநாட்டிலுள்ளது.
    சுவாமிபெயர் - துறையூரப்பர், தேவியார் - பூங்கோதையம்மை.

    திருச்சிற்றம்பலம்

    7.14 திருப்பாச்சிலாச்சிராமம்


    பண் - தக்கராகம்
    திருச்சிற்றம்பலம்

    134 வைத்தனன் தனக்கே தலையுமென் னாவும்
    நெஞ்சமும் வஞ்சமொன் றின்றி
    உய்த்தனன் தனக்கே திருவடிக் கடிமை
    உரைத்தக்கால் உவமனே ஒக்கும்
    பைத்தபாம் பார்த்தோர் கோவணத் தோடு
    பாச்சிலாச் சிராமத்தெம் பரமர்
    பித்தரே யொத்தோர் நச்சில ராகில்
    இவரலா தில்லையோ பிரானார். 7.14.1
    135 அன்னையே என்னேன் அத்தனே என்னேன்
    அடிகளே அமையுமென் றிருந்தேன்
    என்னையும் ஒருவன் உளனென்று கருதி
    இறையிறை திருவருள் காட்டாய்
    அன்னமாம் பொய்கை சூழ்தரு பாச்சி
    லாச்சிரா மத்துறை அடிகள்
    பின்னையே அடியார்க் கருள்செய்வ தாகில்
    இவரலா தில்லையோ பிரானார். 7.14.2
    136 உற்றபோ தல்லால் உறுதியை உணரேன்
    உள்ளமே அமையுமென் றிருந்தேன்
    செற்றவர் புரமூன் றெரியெழச் செற்ற
    செஞ்சடை நஞ்சடை கண்டர்
    அற்றவர்க் கருள்செய் பாச்சிலாச் சிராமத்
    தடிகள்தா மியாதுசொன் னாலும்
    பெற்றபோ துகந்து பெறாவிடில் இகழில்
    இவரலா தில்லையோ பிரானார். 7.14.3
    137 நாச்சில பேசி நமர்பிறர் என்று
    நன்றுதீ தென்கிலர் மற்றோர்
    பூச்சிலை நெஞ்சே பொன்விளை கழனிப்
    புள்ளினஞ் சிலம்புமாம் பொய்கைப்
    பாச்சிலாச் சிராமத் தடிகளென் றிவர்தாம்
    பலரையும் ஆட்கொள்வர் பரிந்தோர்
    பேச்சிலர் ஒன்றைத் தரவில ராகில்
    இவரலா தில்லையோ பிரானார். 7.14.4
    138 வரிந்தவெஞ் சிலையால் அந்தரத் தெயிலை
    வாட்டிய வகையின ரேனும்
    புரிந்தஅந் நாளே புகழ்தக்க அடிமை
    போகுநாள் வீழுநா ளாகிப்
    பரிந்தவர்க் கருள்செய் பாச்சிலாச் சிராமத்
    தடிகள்தா மியாதுசொன் னாலும்
    பிரிந்திறைப் போதிற் பேர்வதே யாகில்
    இவரலா தில்லையோ பிரானார். 7.14.5
    139 செடித்தவஞ் செய்வார் சென்றுழிச் செல்லேன்
    தீவினை செற்றிடு மென்று
    அடித்தவம் அல்லால் ஆரையும் அறியேன்
    ஆவதும் அறிவரெம் மடிகள்
    படைத்தலைச் சூலம் பற்றிய கையர்
    பாச்சிலாச் சிராமத்தெம் பரமர்
    பிடித்தவெண் ணீறே பூசுவ தானால்
    இவரலா தில்லையோ பிரானார். 7.14.6
    140 கையது கபாலங் காடுறை வாழ்க்கை
    கட்டங்கம் ஏந்திய கையர்
    மெய்யது புரிநூல் மிளிரும்புன் சடைமேல்
    வெண்டிங்கள் சூடிய விகிர்தர்
    பையர வல்குற் பாவைய ராடும்
    பாச்சிலாச் சிராமத்தெம் பரமர்
    மெய்யரே ஒத்தோர் பொய்செய்வ தாகில்
    இவரலா தில்லையோ பிரானார். 7.14.7
    141 நிணம்படும் உடலை நிலைமையென் றோரேன்
    நெஞ்சமே தஞ்சமென் றிருந்தேன்
    கணம்படிந் தேத்திக் கங்குலும் பகலுங்
    கருத்தினாற் கைதொழு தெழுவேன்
    பணம்படும் அரவம் பற்றிய கையர்
    பாச்சிலாச் சிராமத்தெம் பரமர்
    பிணம்படு காட்டில் ஆடுவ தாகில்
    இவரலா தில்லையோ பிரானார். 7.14.8
    142 குழைத்துவந் தோடிக் கூடுதி நெஞ்சே
    குற்றேவல் நாடொறுஞ் செய்வான்
    இழைத்தநாள் கடவார் அன்பில ரேனும்
    எம்பெரு மானென்றெப் போதும்
    அழைத்தவர்க் கருள்செய் பாச்சிலாச் சிராமத்
    தடிகள்தாம் யாதுசொன் னாலும்
    பிழைத்தது பொறுத்தொன் றீகில ராகில்
    இவரலா தில்லையோ பிரானார். 7.14.9
    143 துணிப்படும் உடையுஞ் சுண்ணவெண் ணீறுந்
    தோற்றமுஞ் சிந்தித்துக் காணில்
    மணிப்படு கண்டனை வாயினாற் கூறி
    மனத்தினாற் றொண்டனேன் நினைவேன்
    பணிப்படும் அரவம் பற்றிய கையர்
    பாச்சிலாச் சிராமத்தெம் பரமர்
    பிணிப்பட ஆண்டு பணிப்பில ராகில்
    இவரலா தில்லையோ பிரானார். 7.14.10
    144 ஒருமையே அல்லேன் எழுமையும் அடியேன்
    அடியவர்க் கடியனும் ஆனேன்
    உரிமையால் உரியேன் உள்ளமும் உருகும்
    ஒண்மலர்ச் சேவடி காட்டாய்
    அருமையாம் புகழார்க் கருள்செயும் பாச்சி
    லாச்சிரா மத்தெம் மடிகள்
    பெருமைகள் பேசிச் சிறுமைகள் செய்யில்
    இவரலா தில்லையோ பிரானார். 7.14.11
    145 ஏசின அல்ல இகழ்ந்தன அல்ல
    எம்பெரு மானென்றெப் போதும்
    பாயின புகழான் பாச்சிலாச் சிராமத்
    தடிகளை அடிதொழப் பன்னாள்
    வாயினாற் கூறி மனத்தினால் நினைவான்
    வளவயல் நாவலா ரூரன்
    பேசின பேச்சைப் பொறுக்கில ராகில்
    இவரலா தில்லையோ பிரானார். 7.14.12

    இத்தலம் சோழநாட்டிலுள்ளது.
    சுவாமிபெயர் - மாற்றறிவரதர், தேவியார் - பாலசுந்தரியம்மை.

    திருச்சிற்றம்பலம்

    7.15 திருநாட்டியத்தான்குடி


    பண் - தக்கராகம்
    திருச்சிற்றம்பலம்

    146 பூணாண் ஆவதோர் அரவங்கண் டஞ்சேன்
    புறங்காட் டாடல்கண் டிகழேன்
    பேணீ ராகிலும் பெருமையை உணர்வேன்
    பிறவே னாகிலும் மறவேன்
    காணீ ராகிலுங் காண்பனென் மனத்தாற்
    கருதீ ராகிலுங் கருதி
    நானே லும்மடி பாடுதல் ஒழியேன்
    நாட்டியத் தான்குடி நம்பீ. 7.15.1
    147 கச்சேர் பாம்பொன்று கட்டிநின் றிடுகாட்
    டெல்லியில் ஆடலைக் கவர்வன்
    துச்சேன் என்மனம் புகுந்திருக் கின்றமை
    சொல்லாய் திப்பிய மூர்த்தி
    வைச்சே யிடர்களைக் களைந்திட வல்ல
    மணியே மாணிக்க வண்ணா
    நச்சேன் ஒருவரை நானுமை யல்லால்
    நாட்டியத் தான்குடி நம்பீ. 7.15.2
    148 அஞ்சா தேயுமக் காட்செய வல்லேன்
    யாதினுக் காசைப் படுகேன்
    பஞ்சேர் மெல்லடி மாமலை மங்கை
    பங்கா எம்பர மேட்டீ
    மஞ்சேர் வெண்மதி செஞ்சடை வைத்த
    மணியே மாணிக்க வண்ணா
    நஞ்சேர் கண்டா வெண்டலை யேந்தீ
    நாட்டியத் தான்குடி நம்பீ. 7.15.3
    149 கல்லே னல்லேன் நின்புகழ் அடிமை
    கல்லா தேபல கற்றேன்
    நில்லே னல்லேன் நின்வழி நின்றார்
    தம்முடை நீதியை நினைய
    வல்லே னல்லேன் பொன்னடி பரவ
    மாட்டேன் மறுமையை நினைய
    நல்லே னல்லேன் நானுமக் கல்லால்
    நாட்டியத் தான்குடி நம்பீ. 7.15.4
    150 மட்டார் பூங்குழல் மலைமகள் கணவனைக்
    கருதா தார்தமைக் கருதேன்
    ஒட்டீ ராகிலும் ஒட்டுவன் அடியேன்
    உம்மடி யடைந்தவர்க் கடிமைப்
    பட்டே னாகிலும் பாடுதல் ஒழியேன்
    பாடியும் நாடியும் அறிய
    நட்டேன் ஆதலால் நான்மறக் கில்லேன்
    நாட்டியத் தான்குடி நம்பீ. 7.15.5
    151 படப்பாற் றன்மையில் நான்பட்ட தெல்லாம்
    படுத்தா யென்றல்லல் பறையேன்
    குடப்பாச் சிலுறை கோக்குளிர் வானே
    கோனே கூற்றுதைத் தானே
    மடப்பாற் றயிரொடு நெய்மகிழ்ந் தாடும்
    மறையோ தீமங்கை பங்கா
    நடப்பீ ராகிலும் நடப்பனும் மடிக்கே
    நாட்டியத் தான்குடி நம்பீ. 7.15.6
    152 ஐவாய் அரவினை மதியுடன் வைத்த
    அழகா அமரர்கள் தலைவா
    எய்வான் வைத்ததோர் இலக்கினை அணைதர
    நினைந்தேன் உள்ளமுள் ளளவும்
    உய்வான் எண்ணிவந் தும்மடி அடைந்தேன்
    உகவீ ராகிலும் உகப்பன்
    நைவா னன்றுமக் காட்பட்ட தடியேன்
    நாட்டியத் தான்குடி நம்பீ. 7.15.7
    153 கலியேன் மானுட வாழ்க்கையொன் றாகக்
    கருதிடிற் கண்கணீர் பில்கும்
    பலிதேர்ந் துண்பதோர் பண்புகண் டிகழேன்
    பசுவே ஏறிலும் பழியேன்
    வலியே யாகிலும் வணங்குதல் ஒழியேன்
    மாட்டேன் மறுமையை நினையேன்
    நலியேன் ஒருவரை நானுமை யல்லால்
    நாட்டியத் தான்குடி நம்பீ. 7.15.8
    154 குண்டா டிச்சமண் சாக்கியப் பேய்கள்
    கொண்டா ராகிலுங் கொள்ளக்
    கண்டா லுங்கரு தேன்எரு தேறுங்
    கண்ணா நின்னல தறியேன்
    தொண்டா டித்தொழு வார்தொழக் கண்டு
    தொழுதேன் என்வினை போக
    நண்டா டும்வயற் றண்டலை வேலி
    நாட்டியத் தான்குடி நம்பீ. 7.15.9
    155 கூடா மன்னரைக் கூட்டத்து வென்ற
    கொடிறன் கோட்புலி சென்னி
    நாடார் தொல்புகழ் நாட்டியத் தான்குடி
    நம்பியை நாளும் மறவாச்
    சேடார் பூங்குழற் சிங்கடி யப்பன்
    திருவா ரூரன் உரைத்த
    பாடீ ராகிலும் பாடுமின் றொண்டீர்
    பாடநும் பாவம்பற் றறுமே. 7.15.10

    இத்தலம் சோழநாட்டிலுள்ளது.
    சுவாமிபெயர் - கரிநாதேசுவரர், தேவியார் - மலர்மங்கையம்மை.

    திருச்சிற்றம்பலம்

    7.16 திருக்கலையநல்லூர்


    பண் - தக்கராகம்
    திருச்சிற்றம்பலம்

    156 குரும்பைமுலை மலர்க்குழலி கொண்டதவங் கண்டு
    குறிப்பினொடுஞ் சென்றவள்தன் குணத்தினைநன் கறிந்து
    விரும்புவரங் கொடுத்தவளை வேட்டருளிச் செய்த
    விண்ணவர்கோன் கண்ணுதலோன் மேவியவூர் வினவில்
    அரும்பருகே சுரும்பருவ அறுபதம்பண் பாட
    அணிமயில்கள் நடமாடும் அணிபொழில்சூழ் அயலின்
    கரும்பருகே கருங்குவளை கண்வளருங் கழனிக்
    கமலங்கள் முகமலருங் கலயநல்லூர் காணே. 7.16.1
    157 செருமேவு சலந்தரனைப் பிளந்தசுடர் ஆழி
    செங்கண்மலர் பங்கயமாச் சிறந்தானுக் கருளி
    இருள்மேவும் அந்தகன்மேற் றிரிசூலம் பாய்ச்சி
    இந்திரனைத் தோள்முரித்த இறையவனூர் வினவிற்
    பெருமேதை மறையொலியும் பேரிமுழ வொலியும்
    பிள்ளையினந் துள்ளிவிளை யாட்டொலியும் பெருக
    கருமேதி புனல்மண்டக் கயல்மண்டக் கமலங்
    களிவண்டின் கணமிரியுங் கலயநல்லூர் காணே. 7.16.2
    158 இண்டைமலர் கொண்டுமணல் இலிங்கமது வியற்றி
    இனத்தாவின் பாலாட்ட இடறியதா தையைத்தாள்
    துண்டமிடு சண்டியடி அண்டர்தொழு தேத்தத்
    தொடர்ந்தவனைப் பணிகொண்ட விடங்கனதூர் வினவில்
    மண்டபமுங் கோபுரமும் மாளிகைசூ ளிகையும்
    மறையொலியும் விழவொலியும் மறுகுநிறை வெய்திக்
    கண்டவர்கண் மனங்கவரும் புண்டரிகப் பொய்கைக்
    காரிகையார் குடைந்தாடுங் கலயநல்லூர் காணே. 7.16.3
    159 மலைமடந்தை விளையாடி வளையாடு கரத்தான்
    மகிழ்ந்தவள்கண் புதைத்தலுமே வல்லிருளாய் எல்லா
    உலகுடன்றான் மூடவிருள் ஓடும்வகை நெற்றி
    ஒற்றைக்கண் படைத்துகந்த உத்தமனூர் வினவில்
    அலையடைந்த புனல்பெருகி யானைமருப் பிடறி
    அகிலொடுசந் துந்திவரும் அரிசிலின்றென் கரைமேற்
    கலையடைந்து கலிகடியந் தணர்ஓமப் புகையாற்
    கணமுகில்போன் றணிகிளருங் கலயநல்லூர் காணே. 7.16.4
    160 நிற்பானுங் கமலத்தில் இருப்பானும் முதலா
    நிறைந்தமரர் குறைந்திரப்ப நினைந்தருளி யவர்க்காய்
    வெற்பார்வில் அரவுநாண் எரியம்பால் விரவார்
    புரமூன்றும் எரிவித்த விகிர்தனூர் வினவிற்
    சொற்பால பொருட்பால சுருதியொரு நான்குந்
    தோத்திரமும் பலசொல்லித் துதித்திறைதன் றிறத்தே
    கற்பாருங் கேட்பாரு மாயெங்கும் நன்கார்
    கலைபயிலந் தணர்வாழுங் கலயநல்லூர் காணே. 7.16.5
    161 பெற்றிமையொன் றறியாத தக்கனது வேள்விப்
    பெருந்தேவர் சிரந்தோள்பல் கரங்கண்பீ டழியச்
    செற்றுமதிக் கலைசிதையத் திருவிரலாற் றேய்வித்
    தருள்பெருகு சிவபெருமான் சேர்தருமூர் வினவில்
    தெற்றுகொடி முல்லையொடு மல்லிகைசெண் பகமுந்
    திரைபொருது வருபுனல்சேர் #அரிசிலின்றென் கரைமேற்
    கற்றினநன் கரும்பின்முளை கறிகற்கக் கறவை
    கமழ்கழுநீர் கவர்கழனிக் கலயநல்லூர் காணே.

    எச்சன்சிரம், இந்திரன்றோள், சூரியன்பல், அக்கினிதேவன்
    கரம், பகன் என்னும் பெயருள்ள மற்றொரு சூரியன்கண்
    இவை பீடழிந்தவை.

    #விஷ்ணுவினால் சொல்லப்பட்டுவந்தமையால் அரிசொல்
    நதியென்று பெயர். அது அரிசில் என மருவியிருக்கின்றது.
    இதனைக் கும்பகோணப்புராணத்திற் கண்டுகொள்க. 7.16.6
    162 இலங்கையர்கோன் சிரம்பத்தோ டிருபதுதிண் டோ ளும்
    இற்றலற ஒற்றைவிரல் வெற்பதன்மே லூன்றி
    நிலங்கிளர்நீர் நெருப்பொடுகாற் றாகாச மாகி
    நிற்பனவும் நடப்பனவாம் நின்மலனூர் வினவிற்
    பலங்கள்பல திரையுந்திப் பருமணிபொன் கொழித்துப்
    பாதிரிசந் தகிலினொடு கேதகையும் பருகிக்
    கலங்குபுனல் அலம்பிவரும் அரிசிலின்றென் கரைமேற்
    கயலுகளும் வயல்புடைசூழ் கலயநல்லூர் காணே. 7.16.7
    163 மாலயனுங் காண்பரிய மாலெரியாய் நிமிர்ந்தோன்
    வன்னிமதி சென்னிமிசை வைத்தவன்மொய்த் தெழுந்த
    வேலைவிட முண்டமணி கண்டன்விடை யூரும்
    விமலனுமை யவளோடு மேவியஊர் வினவிற்
    சோலைமலி குயில்கூவக் கோலமயி லாலச்
    சுரும்பொடுவண் டிசைமுரலப் பசுங்கிளிசொற் றுதிக்கக்
    காலையிலும் மாலையிலுங் கடவுளடி பணிந்து
    கசிந்தமனத் தவர்பயிலுங் கலயநல்லூர் காணே. 7.16.8
    164 பொரும்பலம துடையசுரன் தாரகனைப் பொருது
    பொன்றுவித்த பொருளினைமுன் படைத்துகந்த புனிதன்
    கரும்புவிலின் மலர்வாளிக் காமனுடல் வேவக்
    கனல்விழித்த கண்ணுதலோன் கருதுமூர் வினவில்
    இரும்புனல்வெண் டிரைபெருகி ஏலம்இல வங்கம்
    இருகரையும் பொருதலைக்கும் அரிசிலின்றென் கரைமேற்
    கரும்புனைவெண் முத்தரும்பிப் பொன்மலர்ந்து பவளக்
    கவின்காட்டுங் கடிபொழில்சூழ் கலயநல்லூர் காணே. 7.16.9
    165 தண்கமலப் பொய்கைபுடை சூழ்ந்தழகார் தலத்திற்
    றடங்கொள்பெருங் கோயில்தனிற் றக்கவகை யாலே
    வண்கமலத் தயன்முன்னாள் வழிபாடு செய்ய
    மகிழ்ந்தருளி இருந்தபரன் மருவியஊர் வினவில்
    வெண்கவரி கரும்பீலி வேங்கையொடு கோங்கின்
    விரைமலரும் விரவுபுனல் அரிசிலின்றென் கரைமேற்
    கண்கமுகின் பூம்பாளை மதுவாசங் கலந்த
    கமழ்தென்றல் புகுந்துலவு கலயநல்லூர் காணே. 7.16.10
    166 தண்புனலும் வெண்மதியுந் தாங்கியசெஞ் சடையன்
    தாமரையோன் தலைகலனாக் காமரமுன் பாடி
    உண்பலிகொண் டுழல்பரமன் உறையுமூர் நிறைநீர்
    ஒழுகுபுனல் அரிசிலின்றென் கலயநல்லூர் அதனை
    நண்புடைய நன்சடையன் இசைஞானி சிறுவன்
    நாவலர்கோன் ஆரூரன் நாவின்நயந் துரைசெய்
    பண்பயிலும் பத்துமிவை பத்திசெய்து நித்தம்
    பாடவல்லா ரல்லலொடு பாவமிலர் தாமே. 7.16.11

    இத்தலம் சோழநாட்டிலுள்ளது.
    சுவாமிபெயர் - அமிர்தகலைநாதர், தேவியார் - அமிர்தவல்லியம்மை.

    திருச்சிற்றம்பலம்

    7.17 திருநாவலூர்


    பண் - நட்டராகம்
    திருச்சிற்றம்பலம்

    167 கோவலன் நான்முகன் வானவர்
    கோனுங்குற் றேவல்செய்ய
    மேவலர் முப்புரந் தீயெழு
    வித்தவன் ஓரம்பினால்
    ஏவல னார்வெண்ணெய் நல்லூரில்
    வைத்தெனை யாளுங்கொண்ட
    நாவல னார்க்கிட மாவது
    நந்திரு நாவலூரே. 7.17.1
    168 தன்மையி னாலடி யேனைத்தாம்
    ஆட்கொண்ட நாட்சபைமுன்
    வன்மைகள் பேசிட வன்றொண்டன்
    என்பதோர் வாழ்வுதந்தார்
    புன்மைகள் பேசவும் பொன்னைத்தந்
    தென்னைப்போ கம்புணர்த்த
    நன்மையி னார்க்கிட மாவது
    நந்திரு நாவலூரே. 7.17.2
    169 வேகங்கொண் டோ டிய வெள்விடை
    ஏறியோர் மெல்லியலை
    ஆகங்கொண் டார்வெண்ணெய் நல்லூரில்
    வைத்தெனை ஆளுங்கொண்டார்
    போகங்கொண் டார்கடற் கோடியின்
    மோடியைப் பூண்பதாக
    நாகங்கொண் டார்க்கிட மாவது
    நந்திரு நாவலூரே.

    கடற்கோடி என்பது கோடிக்குழகரென்னுந்தலம்.மோடி என்பது
    அங்குக் கோயில் கொண்டிருக்கும் துர்க்கை. 7.17.3
    170 அஞ்சுங்கொண் டாடுவர் ஆவினிற்
    சேவினை ஆட்சிகொண்டார்
    தஞ்சங்கொண் டாரடிச் சண்டியைத்
    தாமென வைத்துகந்தார்
    நெஞ்சங்கொண் டார்வெண்ணெய் நல்லூரில்
    வைத்தெனை ஆளுங்கொண்டு
    நஞ்சங்கொண் டார்க்கிட மாவது
    நந்திரு நாவலூரே. 7.17.4
    171 உம்பரார் கோனைத்திண் டோ ள்முரித்
    தாருரித் தார்களிற்றைச்
    செம்பொனார் தீவண்ணர் தூவண்ண
    நீற்றரோர் ஆவணத்தால்
    எம்பிரா னார்வெண்ணெய் நல்லூரில்
    வைத்தெனை ஆளுங்கொண்ட
    நம்பிரா னார்க்கிட மாவது
    நந்திரு நாவலூரே. 7.17.5
    172 கோட்டங்கொண் டார்குட மூக்கிலுங்
    கோவலுங் கோத்திட்டையும்
    வேட்டங்கொண் டார்வெண்ணெய் நல்லூரில்
    வைத்தெனை ஆளுங்கொண்டார்
    ஆட்டங்கொண் டார்தில்லைச் சிற்றம்
    பலத்தே அருக்கனைமுன்
    நாட்டங்கொண் டார்க்கிட மாவது
    நந்திரு நாவலூரே. 7.17.6
    173 தாயவ ளாய்த்தந்தை யாகிச்
    சாதல் பிறத்தலின்றிப்
    போயக லாமைத்தன் பொன்னடிக்
    கென்னைப் பொருந்தவைத்த
    வேயவ னார்வெண்ணெய் நல்லூரில்
    வைத்தெனை ஆளுங்கொண்ட
    நாயக னார்க்கிட மாவது
    நந்திரு நாவலூரே. 7.17.7
    174 வாயாடி மாமறை ஓதியோர்
    வேதிய னாகிவந்து
    தீயாடி யார்சினக் கேழலின்
    பின்சென்றோர் வேடுவனாய்
    வேயாடி யார்வெண்ணெய் நல்லூரில்
    வைத்தெனை ஆளுங்கொண்ட
    நாயாடி யார்க்கிட மாவது
    நந்திரு நாவலூரே. 7.17.8
    175 படமாடு பாம்பணை யானுக்கும்
    பாவைநல் லாள்தனக்கும்
    வடமாடு மால்விடை ஏற்றுக்கும்
    பாகனாய் வந்தொருநாள்
    இடமாடி யார்வெண்ணெய் நல்லூரில்
    வைத்தெனை ஆளுங்கொண்ட
    நடமாடி யார்க்கிட மாவது
    நந்திரு நாவலூரே. 7.17.9
    176 மிடுக்குண்டென் றோடியோர் வெற்பெடுத்
    தான்வலி யைநெரித்தார்
    அடக்கங்கொண் டாவணங் காட்டிநல்
    வெண்ணெயூர் ஆளுங்கொண்டார்
    தடுக்கவொண் ணாததோர் வேழத்தி
    னையுரித் திட்டுமையை
    நடுக்கங்கண் டார்க்கிட மாவது
    நந்திரு நாவலூரே. 7.17.10
    177 நாதனுக் கூர்நமக் கூர்நர
    சிங்க முனையரையன்
    ஆதரித் தீசனுக் காட்செயும்
    ஊரணி நாவலூரென்
    றோதநற் றக்கவன் றொண்டனா
    ரூரன் உரைத்ததமிழ்
    காதலித் துங்கற்றுங் கேட்பவர்
    தம்வினை கட்டறுமே. 7.17.11

    இத்தலம் நடுநாட்டிலுள்ளது.
    சுவாமிபெயர் - நாவலீசுவரர், தேவியார் - சுந்தராம்பிகை.

    திருச்சிற்றம்பலம்

    7.18 திருவேள்விக்குடி


    பண் - நட்டராகம்
    திருச்சிற்றம்பலம்

    178 மூப்பதும் இல்லை பிறப்பதும்
    இல்லை இறப்பதில்லை
    சேர்ப்பது காட்டகத் தூரினு
    மாகச்சிந் திக்கினல்லாற்
    காப்பது வேள்விக் குடிதண்
    டுருத்தியெங் கோன்அரைமேல்
    ஆர்ப்பது நாகம் அறிந்தோமேல்
    நாமிவர்க் காட்படோ மே. 7.18.1
    179 கட்டக்காட் டில்நட மாடுவரி
    யாவர்க்குங் காட்சியொண்ணார்
    சுட்டவெண் ணீறணிந் தாடுவர்
    பாடுவர் தூயநெய்யால்
    வட்டக்குண் டத்தில் எரிவளர்த்
    தோம்பி மறைபயில்வார்
    அட்டக்கொண் டுண்ப தறிந்தோமேல்
    நாமிவர்க் காட்படோ மே. 7.18.2
    180 பேருமோர் ஆயிரம் பேருடை
    யார்பெண்ணோ டாணுமல்லர்
    ஊரும தொற்றியூர் மற்றையூர்
    பெற்றவா நாமறியோம்
    காருங் கருங்கடல் நஞ்சமு
    துண்டுகண் டங்கறுத்தார்க்
    காரம்பாம் பாவ தறிந்தோமேல்
    நாமிவர்க் காட்படோ மே. 7.18.3
    181 ஏனக்கொம் பும்மிள ஆமையும்
    பூண்டங்கோர் ஏறுமேறிக்
    கானக்காட் டிற்றொண்டர் கண்டன
    சொல்லியுங் காமுறவே
    மானைத்தோல் ஒன்றை உடுத்துப்
    புலித்தோல் பியற்குமிட்டு
    யானைத்தோல் போர்ப்ப தறிந்தோமேல்
    நாமிவர்க் காட்படோ மே. 7.18.4
    182 ஊட்டிக்கொண் டுண்பதோர் ஊணிலர்
    ஊரிடு பிச்சையல்லாற்
    பூட்டிக்கொண் டேற்றினை ஏறுவர்
    ஏறியோர் பூதந்தம்பாற்
    பாட்டிக்கொண் டுண்பவர் பாழிதொ
    றும்பல பாம்புபற்றி
    ஆட்டிக்கொண் டுண்ப தறிந்தோமேல்
    நாமிவர்க் காட்படோ மே. 7.18.5
    183 குறவனார் தம்மகள் தம்மக
    னார்மண வாட்டிகொல்லை
    மறவனா ராயங்கோர் பன்றிப்பின்
    போவது மாயங்கண்டீர்
    இறைவனார் ஆதியார் சோதிய
    ராயங்கோர் சோர்வுபடா
    அறவனார் ஆவத றிந்தோமேல்
    நாமிவர்க் காட்படோ மே. 7.18.6
    184 பித்தரை ஒத்தொரு பெற்றியர்
    நற்றவை என்னைப்பெற்ற
    முத்தவை தம்மனை தந்தைக்குந்
    தவ்வைக்குந் தம்பிரானார்
    செத்தவர் தந்தலை யிற்பலி
    கொள்வதே செல்வமாகில்
    அத்தவம் ஆவத றிந்தோமேல்
    நாமிவர்க் காட்படோ மே. 7.18.7
    185 உம்பரான் ஊழியான் ஆழியான்
    ஓங்கி மலருறைவான்
    தம்பரம் அல்லவர் சிந்திப்ப
    வர்தடு மாற்றறுப்பார்
    எம்பரம் அல்லவர் என்னெஞ்சத்
    துள்ளும் இருப்பதாகில்
    அம்பரம் ஆவத றிந்தோமேல்
    நாமிவர்க் காட்படோ மே. 7.18.8
    186 இந்திர னுக்கும் இராவண
    னுக்கும் அருள்புரிந்தார்
    மந்திரம் ஓதுவர் மாமறை
    பாடுவர் மான்மறியர்
    சிந்துரக் கண்ணனும் நான்முக
    னும்முட னாய்த்தனியே
    அந்தரஞ் செல்வத றிந்தோமேல்
    நாமிவர்க் காட்படோ மே. 7.18.9
    187 கூடலர் மன்னன் குலநாவ
    லூர்க்கோன் நலத்தமிழைப்
    பாடவல் லபர மன்னடி
    யார்க்கடி மைவழுவார்
    நாடவல் லதொண்டன் ஆரூரன்
    ஆட்படு மாறுசொல்லிப்
    பாடவல் லார்பர லோகத்
    திருப்பது பண்டமன்றே. 7.18.10

    திருச்சிற்றம்பலம்

    7.19 திருநின்றியூர்


    பண் - நட்டராகம்
    திருச்சிற்றம்பலம்

    188 அற்றவ னாரடி யார்தமக்
    காயிழை பங்கினராம்
    பற்றவ னாரெம் பராபர
    ரென்று பலர்விரும்பும்
    கொற்றவ னார்குறு காதவர்
    ஊர்நெடு வெஞ்சரத்தால்
    செற்றவ னார்க்கிட மாவது
    நந்திரு நின்றியூரே. 7.19.1
    189 வாசத்தி னார்மலர்க் கொன்றையுள்
    ளார்வடி வார்ந்தநீறு
    பூசத்தி னார்புக லிந்நகர்
    போற்றுமெம் புண்ணியத்தார்
    நேசத்தி னாலென்னை யாளுங்கொண்
    டார்நெடு மாகடல்சூழ்
    தேசத்தி னார்க்கிட மாவது
    நந்திரு நின்றியூரே. 7.19.2
    190 அங்கையின் மூவிலை வேலர்
    அமரர் அடிபரவச்
    சங்கையை நீங்க அருளித்
    தடங்கடல் நஞ்சமுண்டார்
    மங்கையோர் பாகர் மகிழ்ந்த
    இடம்வள மல்குபுனற்
    செங்கயல் பாயும் வயல்பொலி
    யுந்திரு நின்றியூரே. 7.19.3
    191 ஆறுகந் தாரங்கம் நான்மறை
    யாரெங்கு மாகியடல்
    ஏறுகந் தாரிசை ஏழுகந்
    தார்முடிக் கங்கைதன்னை
    வேறுகந் தார்விரி நூலுகந்
    தார்பரி சாந்தமதா
    நீறுகந் தாருறை யும்மிட
    மாந்திரு நின்றியூரே. 7.19.4
    192 வஞ்சங்கொண் டார்மனஞ் சேரகில்
    லார்நறு நெய்தயிர்பால்
    அஞ்சுங்கொண் டாடிய வேட்கையி
    னாரதி கைப்பதியே
    தஞ்சங்கொண் டார்தமக் கென்றும்
    இருக்கை சரணடைந்தார்
    நெஞ்சங்கொண் டார்க்கிட மாவது
    நந்திரு நின்றியூரே. 7.19.5
    193 ஆர்த்தவர் ஆடர வம்மரை
    மேற்புலி ஈருரிவை
    போர்த்தவர் ஆனையின் தோலுடல்
    வெம்புலால் கையகலப்
    பார்த்தவ ரின்னுயிர் பார்படைத்
    தான்சிர மஞ்சிலொன்றைச்
    சேர்த்தவ ருக்குறை யும்மிட
    மாந்திரு நின்றியூரே. 7.19.6
    194 தலையிடை யார்பலி சென்றகந்
    தோறுந் திரிந்தசெல்வர்
    மலையுடை யாளொரு பாகம்வைத்
    தார்கல் துதைந்தநன்னீர்
    அலையுடை யார்சடை எட்டுஞ்
    சுழல அருநடஞ்செய்
    நிலையுடை யாருறை யும்மிட
    மாந்திரு நின்றியூரே. 7.19.7
    195 எட்டுகந் தார்திசை ஏழுகந்
    தார்எழுத் தாறுமன்பர்
    இட்டுகந் தார்மலர்ப் பூசையிச்
    சிக்கும் இறைவர்முன்னாள்
    பட்டுகும் பாரிடைக் காலனைக்
    காய்ந்து பலியிரந்தூண்
    சிட்டுகந் தார்க்கிட மாவது
    நந்திரு நின்றியூரே. 7.19.8
    196 காலமும் ஞாயிறு மாகிநின்
    றார்கழல் பேணவல்லார்
    சீலமுஞ் செய்கையுங் கண்டுகப்
    பாரடி போற்றிசைப்ப
    மாலொடு நான்முகன் இந்திரன்
    மந்திரத் தால்வணங்க
    நீலநஞ் சுண்டவ ருக்கிட
    மாந்திரு நின்றியூரே. 7.19.9
    197 வாயார் மனத்தால் நினைக்கு
    மவருக் கருந்தவத்தில்
    தூயார் சுடுபொடி யாடிய
    மேனியர் வானிலென்றும்
    மேயார் விடையுகந் தேறிய
    வித்தகர் பேர்ந்தவர்க்குச்
    சேயார் அடியார்க் கணியவர்
    ஊர்திரு நின்றியூரே. 7.19.10
    198 சேரும் புகழ்த்தொண்டர் செய்கை
    அறாத்திரு நின்றியூரிற்
    சீருஞ் சிவகதி யாயிருந்
    தானைத் திருநாவலா
    ரூரன் உரைத்த உறுதமிழ்
    பத்தும்வல் லார்வினைபோய்ப்
    பாரும் விசும்புந் தொழப்பர
    மன்னடி கூடுவரே. 7.19.11

    இத்தலம் சோழநாட்டிலுள்ளது.
    சுவாமிபெயர் - மகாலட்சுமியீசுவரர், தேவியார் - உலகநாயகியம்மை.

    திருச்சிற்றம்பலம்

    7.20 திருக்கோளிலி


    பண் - நட்டராகம்
    திருச்சிற்றம்பலம்

    199 நீள நினைந்தடி யேனுமை
    நித்தலுங் கைதொழுவேன்
    வாளன கண்மட வாளவள்
    வாடி வருந்தாமே
    கோளிலி எம்பெரு மான்குண்டை
    யூர்ச்சில நெல்லுப்பெற்றேன்
    ஆளிலை எம்பெரு மானவை
    அட்டித் தரப்பணியே. 7.20.1
    200 வண்டம ருங்குழ லாளுமை
    நங்கையோர் பங்குடையாய்
    விண்டவர் தம்புர மூன்றெரி
    செய்தவெம் வேதியனே
    தெண்டிரை நீர்வயல் சூழ்திருக்
    கோளிலி எம்பெருமான்
    அண்டம தாயவ னேயவை
    அட்டித் தரப்பணியே. 7.20.1
    201 பாதியோர் பெண்ணைவைத் தாய்பட
    ருஞ்சடைக் கங்கைவைத்தாய்
    மாதர்நல் லார்வருத் தம்மது
    நீயும் அறிதியன்றே
    கோதில் பொழில்புடை சூழ்குண்டை
    யூர்ச்சில நெல்லுப்பெற்றேன்
    ஆதியே அற்புத னேயவை
    அட்டித் தரப்பணியே. 7.20.3
    202 சொல்லுவ தென்னுனை நான்தொண்டை
    வாயுமை நங்கையைநீ
    புல்கி இடத்தில்வைத் தாய்க்கொரு
    பூசல்செய் தாருளரோ
    கொல்லை வளம்புற விற்குண்டை
    யூர்ச்சில நெல்லுப்பெற்றேன்
    அல்லல் களைந்தடி யேற்கவை
    அட்டித் தரப்பணியே. 7.20.4
    203 முல்லை முறுவல் உமையொரு
    பங்குடை முக்கணனே
    பல்லயர் வெண்டலை யிற்பலி
    கொண்டுழல் பாசுபதா
    கொல்லை வளம்புற விற்றிருக்
    கோளிலி எம்பெருமான்
    அல்லல் களைந்தடி யேற்கவை
    அட்டித் தரப்பணியே. 7.20.5
    204 குரவம ருங்குழ லாளுமை
    நங்கையோர் பங்குடையாய்
    பரவை பசிவருத் தம்மது
    நீயும் அறிதியன்றே
    குரவம ரும்பொழில் சூழ்குண்டை
    யூர்ச்சில நெல்லுப்பெற்றேன்
    அரவ மசைத்தவ னேயவை
    அட்டித் தரப்பணியே. 7.20.6
    205 எம்பெரு மானுனை யேநினைந்
    தேத்துவன் எப்பொழுதும்
    வம்பம ருங்குழ லாளொரு
    பாகம மர்ந்தவனே
    செம்பொனின் மாளிகை சூழ்திருக்
    கோளிலி எம்பெருமான்
    அன்பது வாயடி யேற்கவை
    அட்டித் தரப்பணியே. 7.20.7
    206 அரக்கன் முடிகரங் கள்அடர்த்
    திட்டவெம் மாதிபிரான்
    பரக்கும் அரவல்கு லாள்பர
    வையவள் வாடுகின்றாள்
    குரக்கினங் கள்குதி கொள்குண்டை
    யூர்ச்சில நெல்லுப்பெற்றேன்
    இரக்கம தாயடி யேற்கவை
    அட்டித் தரப்பணியே. 7.20.8
    207 பண்டைய மால்பிர மன்பறந்
    தும்மிடந் தும்மயர்ந்துங்
    கண்டில ராயவர் கள்கழல்
    காண்பரி தாயபிரான்
    தெண்டிரை நீர்வயல் சூழ்திருக்
    கோளிலி எம்பெருமான்
    அண்டம தாயவ னேயவை
    அட்டித் தரப்பணியே. 7.20.9
    208 கொல்லை வளம்புற விற்றிருக்
    கோளிலி மேயவனை
    நல்லவர் தாம்பர வுந்திரு
    நாவல வூரனவன்
    நெல்லிட ஆட்கள்வேண் டிநினைந்
    தேத்திய பத்தும்வல்லார்
    அல்லல் களைந்துல கின்அண்டர்
    வானுல காள்பவரே. 7.20.10

    இத்தலம் சோழநாட்டிலுள்ளது.
    சுவாமிபெயர் - கோளிலிநாதர்,
    தேவியார் - வண்டமர்பூங்குழலம்மை.

    திருச்சிற்றம்பலம்

    7.21 திருக்கச்சிமேற்றளி


    பண் - நட்டராகம்
    திருச்சிற்றம்பலம்

    209 நொந்தா ஒண்சுடரே நுனையே நினைந்திருந்தேன்
    வந்தாய் போயறியாய் மனமே புகுந்துநின்ற
    சிந்தாய் எந்தைபிரான் திருமேற் றளியுறையும்
    எந்தாய் உன்னையல்லால் இனியேத்த மாட்டேனே. 7.21.1
    210 ஆட்டான் பட்டமையால் அடியார்க்குத் தொண்டுபட்டுக்
    கேட்டேன் கேட்பதெல்லாம் பிறவாமை கேட்டொழிந்தேன்
    சேட்டார் மாளிகைசூழ் திருமேற் றளியுறையும்
    மாட்டே உன்னையல்லால் மகிழ்ந்தேத்த மாட்டேனே. 7.21.2
    211 மோறாந் தோரொருகால் நினையா திருந்தாலும்
    வேறா வந்தென்னுள்ளம் புகவல்ல மெய்ப்பொருளே
    சேறார் தண்கழனித் திருமேற் றளியுறையும்
    ஏறே உன்னையல்லால் இனியேத்த மாட்டேனே. 7.21.3
    212 உற்றார் சுற்றமெனும் அதுவிட்டு நுன்னடைந்தேன்
    எற்றால் என்குறைவென் இடரைத் துறந்தொழிந்தேன்
    செற்றாய் மும்மதிலுந் திருமேற் றளியுறையும்
    பற்றே நுன்னையல்லால் பணிந்தேத்த மாட்டேனே. 7.21.4
    213 எம்மான் எம்மனையென் றவரிட் டிறந்தொழிந்தார்
    மெய்ம்மா லாயினதீர்த் தருள்செய்யும் மெய்ப்பொருளே
    கைம்மா வீருரியாய் கனமேற் றளியுறையும்
    பெம்மான் உன்னையல்லால் பெரிதேத்த மாட்டேனே. 7.21.5
    214 நானேல் உன்னடியே நினைந்தேன் நினைதலுமே
    ஊனேர் இவ்வுடலம் புகுந்தாயென் ஒண்சுடரே
    தேனே இன்னமுதே திருமேற் றளியுறையுங்
    கோனே உன்னையல்லாற் குளிர்ந்தேத்த மாட்டேனே. 7.21.6
    215 கையார் வெஞ்சிலைநா ணதன்மேற் சரங்கோத்தே
    எய்தாய் மும்மதிலும் எரியுண்ண எம்பெருமான்
    செய்யார் பைங்கமலத் திருமேற் றளியுறையும்
    ஐயா உன்னையல்லால் அறிந்தேத்த மாட்டேனே. 7.21.7
    216 விரையார் கொன்றையினாய் விமலாஇனி உன்னையல்லால்
    உரையேன் நாவதனால் உடலில்லுயிர் உள்ளளவும்
    திரையார் தண்கழனித் திருமேற் றளியுறையும்
    அரையா உன்னையல்லால் அறிந்தேத்த மாட்டேனே. 7.21.8
    217 நிலையாய் நின்னடியே நினைந்தேன் நினைதலுமே
    தலைவா நின்னினையப் பணித்தாய் சலமொழிந்தேன்
    சிலையார் மாமதில்சூழ் திருமேற் றளியுறையும்
    மலையே உன்னையல்லால் மகிழ்ந்தேத்த மாட்டேனே. 7.21.9
    218 பாரூர் பல்லவனூர் மதிற்காஞ்சி மாநகர்வாய்ச்
    சீரூ ரும்புறவிற் றிருமேற் றளிச்சிவனை
    ஆரூ ரன்னடியான் அடித்தொண்டன் ஆரூரன்சொன்ன
    சீரூர் பாடல்வல்லார் சிவலோகஞ் சேர்வாரே. 7.21.10

    இத்தலம் தொண்டைநாட்டிலுள்ளது.
    சுவாமிபெயர் - திருமேற்றளியீசுவரர், தேவியார் - காமாட்சியம்மை.

    திருச்சிற்றம்பலம்

    7.22 திருப்பழமண்ணிப்படிக்கரை


    பண் - நட்டராகம்
    திருச்சிற்றம்பலம்

    219 முன்னவன் எங்கள்பிரான் முதற்காண்பரி தாயபிரான்
    சென்னியில் எங்கள்பிரான் திருநீலமி டற்றெம்பிரான்
    மன்னிய எங்கள்பிரான் மறைநான்குங்கல் லால்நிழற்கீழ்ப்
    பன்னிய எங்கள்பிரான் பழமண்ணிப் படிக்கரையே. 7.22.1
    220 அண்ட கபாலஞ்சென்னி அடிமேலல ரிட்டுநல்ல
    தொண்டங் கடிபரவித் தொழுதேத்திநின் றாடுமிடம்
    வெண்டிங்கள் வெண்மழுவன் விரையார்கதிர் மூவிலைய
    பண்டங்கன் மேயவிடம் பழமண்ணிப் படிக்கரையே. 7.22.2
    221 ஆடுமின் அன்புடையீர் அடிக்காட்பட்ட தூளிகொண்டு
    சூடுமின் தொண்டருள்ளீர் உமரோடெமர் சூழவந்து
    வாடுமிவ் வாழ்க்கைதன்னை வருந்தாமல் திருந்தச்சென்று
    பாடுமின் பத்தருள்ளீர் பழமண்ணிப் படிக்கரையே. 7.22.3
    222 அடுதலை யேபுரிந்தான் அவைஅந்தர மூவெயிலுங்
    கெடுதலை யேபுரிந்தான் கிளருஞ்சிலை நாணியிற்கோல்
    நடுதலை யேபுரிந்தான் நரிகான்றிட்ட எச்சில்வெள்ளைப்
    படுதலை யேபுரிந்தான் பழமண்ணிப் படிக்கரையே. 7.22.4
    223 உங்கைக ளாற்கூப்பி உகந்தேத்தித் தொழுமின்தொண்டீர்
    மங்கையோர் கூறுடையான் வானோர்முத லாயபிரான்
    அங்கையில் வெண்மழுவன் அலையார்கதிர் மூவிலைய
    பங்கய பாதனிடம் பழமண்ணிப் படிக்கரையே. 7.22.5
    224 செடிபடத் தீவிளைத்தான் சிலையார்மதில் செம்புனஞ்சேர்
    கொடிபடு மூரிவெள்ளை எருதேற்றையும் ஏறக்கொண்டான்
    கடியவன் காலன்றன்னைக் கறுத்தான்கழற் செம்பவளப்
    படியவன் பாசுபதன் பழமண்ணிப் படிக்கரையே. 7.22.6
    225 கடுத்தவன் தேர்கொண்டோ டிக் கயிலாயநன் மாமலையை
    எடுத்தவன் ஈரைந்துவாய் அரக்கன்முடி பத்தலற
    விடுத்தவன் கைநரம்பால் வேதகீதங்கள் பாடலுறப்
    படுத்தவன் பால்வெண்ணீணற்றன் பழமண்ணிப் படிக்கரையே. 7.22.7
    226 திரிவன மும்மதிலும் எரித்தான்இமை யோர்பெருமான்
    அரியவன் அட்டபுட்பம் அவைகொண்டடி போற்றிநல்ல
    கரியவன் நான்முகனும் அடியும்முடி காண்பரிய
    பரியவன் பாசுபதன் பழமண்ணிப் படிக் கரையே.

    அட்டபுட்பமாவன து புன்னை, வெள்ளெருக்கு, சண்பகம்,
    நந்தியாவர்த்தம், நீலோற்பலம், பாதிரி, அலரி, செந்தாமரை
    என்னுமிவற்றின் புட்பங்களாம். இவை புலரி முதலிய
    காலங்களிற் சாத்தும் அட்டபுட்பம். மற்றுமுள்ளவைகளைப்
    புட்பவிதியிற் காண்க. 7.22.8
    227 வெற்றரைக் கற்றமணும் விரையாதுவிண் டாலமுண்ணுந்
    துற்றரைத் துற்றறுப்பான் றுன்னஆடைத் தொழிலுடையீர்
    பெற்றரைப் பித்தரென்று கருதேன்மின் படிக்கரையுள்
    பற்றரைப் பற்றிநின்று பழிபாவங்கள் தீர்மின்களே. 7.22.9
    228 பல்லுயிர் வாழுந்தெண்ணீணர்ப் பழமண்ணிப் படிக்கரையை
    அல்லியந் தாமரைத்தார் ஆரூரன் உரைத்ததமிழ்
    சொல்லுதல் கேட்டல்வல்லா ரவர்க்குந்தமர்க் குங்கிளைக்கும்
    எல்லியும் நன்பகலும் இடர்கூருதல் இல்லையன்றே. 7.22.10

    இத்தலம் சோழநாட்டிலுள்ளது.
    சுவாமிபெயர் - நீலகண்டேசுவரர்,
    தேவியார் - வடிக்கண்ணமுதகரநாயகியம்மை.

    திருச்சிற்றம்பலம்

    7.23 திருக்கழிப்பாலை


    பண் - நட்டராகம்
    திருச்சிற்றம்பலம்

    229 செடியேன் தீவினையிற் றடுமாறக் கண்டாலும்
    அடியான் ஆவவெனா தொழிதல் தகவாமே
    முடிமேல் மாமதியும் அரவும் உடன்றுயிலும்
    வடிவே தாமுடையார் மகிழுங்கழிப் பாலையதே. 7.23.1
    230 எங்கே னும்மிருந்துன் அடியே னுனைநினைந்தால்
    அங்கே வந்தென்னோடும் உடனாகி நின்றருளி
    இங்கே என்வினையை அறுத்திட் டெனையாளும்
    கங்கா நாயகனே கழிப்பாலை மேயானே. 7.23.2
    231 ஒறுத்தாய் நின்னருளில் அடியேன் பிழைத்தனகள்
    பொறுத்தாய் எத்தனையும் நாயேனைப் பொருட்படுத்துச்
    செறுத்தாய் வேலைவிட மறியாமல் உண்டுகண்டங்
    கறுத்தாய் தண்கழனிக் கழிப்பாலை மேயானே. 7.23.3
    232 சுரும்பார் விண்டமலர் அவைதூவித் தூங்குகண்ணீர்
    அரும்பா நிற்குமனத் தடியாரொடும் அன்புசெய்வன்
    விரும்பேன் உன்னையல்லால் ஒருதெய்வம் என்மனத்தாற்
    கரும்பா ருங்கழனிக் கழிப்பாலை மேயானே. 7.23.4
    233 ஒழிப்பாய் என்வினையை உகப்பாய் முனிந்தருளித்
    தெழிப்பாய் மோதுவிப்பாய் விலையா வணமுடையாய்
    கழிப்பால் கண்டடங்கச் சுழியேந்து மாமறுகிற்
    கழிப்பா லைமருவுங் கனலேந்து கையானே. 7.23.5
    234 ஆர்த்தாய் ஆடரவை அரையார் புலியதள்மேற்
    போர்த்தாய் ஆனையின்றோல் உரிவை புலால்நாறக்
    காத்தாய் தொண்டுசெய்வார் வினைகள் அவைபோகப்
    பார்த்தா னுக்கிடமாம் பழியில்கழிப் பாலையதே. 7.23.6
    235 பருத்தாள் வன்பகட்டைப் படமாகமுன் பற்றியதள்
    உரித்தாய் ஆனையின்றோல் உலகந்தொழும் உத்தமனே
    எரித்தாய் முப்புரமும் இமையோர்கள் இடர்கடியுங்
    கருத்தா தண்கழனிக் கழிப்பாலை மேயானே. 7.23.7
    236 படைத்தாய் ஞாலமெலாம் படர்புன்சடை எம்பரமா
    உடைத்தாய் வேள்விதனை உமையாளையோர் கூறுடையாய்
    அடர்த்தாய் வல்லரக்கன் றலைபத்தொடு தோள்நெரியக்
    கடற்சா ருங்கழனிக் கழிப்பாலை மேயானே. 7.23.8
    237 பொய்யா நாவதனாற் புகழ்வார்கள் மனத்தினுள்ளே
    மெய்யே நின்றெரியும் விளக்கேயொத்த தேவர்பிரான்
    செய்யா னுங்கரிய நிறத்தானுந் தெரிவரியான்
    மையார் கண்ணியொடு மகிழ்வான்கழிப் பாலையதே. 7.23.9
    238 பழிசே ரில்புகழான் பரமன் பரமேட்டி
    கழியார் செல்வமல்குங் கழிப்பாலை மேயானைத்
    தொழுவான் நாவலர்கோன் ஆரூரன் உரைத்ததமிழ்
    வழுவா மாலைவல்லார் வானோருல காள்பவரே. 7.23.10

    இத்தலம் சோழநாட்டிலுள்ளது.
    சுவாமிபெயர் - பால்வண்ணநாதர்,
    தேவியார் - பொற்பதவேதநாயகியம்மை.

    திருச்சிற்றம்பலம்

    7.24 திருமழபாடி


    பண் - நட்டராகம்
    திருச்சிற்றம்பலம்

    239 பொன்னார் மேனியனே புலித்தோலை அரைக்கசைத்து
    மின்னார் செஞ்சடைமேல் மிளிர்கொன்றை யணிந்தவனே
    மன்னே மாமணியே மழபாடியுள் மாணிக்கமே
    அன்னே உன்னையல்லால் இனியாரை நினைக்கேனே. 7.24.1
    240 கீளார் கோவணமுந் திருநீறுமெய் பூசியுன்றன்
    தாளே வந்தடைந்தேன் தலைவாயெனை ஏன்றுகொள்நீ
    வாளார் கண்ணிபங்கா மழபாடியுள் மாணிக்கமே
    கேளா நின்னையல்லால் இனியாரை நினைக்கேனே. 7.24.2
    241 எம்மான் எம்மனையென் றெனக்கெட்டனைச் சார்வாகார்
    இம்மா யப்பிறவி பிறந்தேயிறந் தெய்த்தொழிந்தேன்
    மைம்மாம் பூம்பொழில்சூழ் மழபாடியுள் மாணிக்கமே
    அம்மான் நின்னையல்லால் இனியாரை நினைக்கேனே. 7.24.3
    242 பண்டே நின்னடியேன் அடியாரடி யார்கட்கெல்லாந்
    தொண்டே பூண்டொழிந்தேன் தொடராமைத் துரிசறுத்தேன்
    வண்டார் பூம்பொழில்சூழ் மழபாடியுள் மாணிக்கமே
    அண்டா நின்னையல்லால் இனியாரை நினைக்கேனே. 7.24.4
    243 கண்ணாய் ஏழுலகுங் கருத்தாய அருத்தமுமாய்ப்
    பண்ணார் இன்றமிழாய்ப் பரமாய பரஞ்சுடரே
    மண்ணார் பூம்பொழில்சூழ் மழபாடியுள் மாணிக்கமே
    அண்ணா நின்னையல்லால் இனியாரை நினைக்கேனே. 7.24.5
    244 நாளார் வந்தணுகி நலியாமுனம் நின்றனக்கே
    ஆளா வந்தடைந்தேன் அடியேனையும் ஏன்றுகொள்நீ
    மாளா நாளருளும் மழபாடியுள் மாணிக்கமே
    ஆளா நின்னையல்லால் இனியாரை நினைக்கேனே. 7.24.6
    245 சந்தா ருங்குழையாய் சடைமேற்பிறை தாங்கிநல்ல
    வெந்தார் வெண்பொடியாய் விடையேறிய வித்தகனே
    மைந்தார் சோலைகள்சூழ் மழபாடியுள் மாணிக்கமே
    எந்தாய் நின்னையல்லால் இனியாரை நினைக்கேனே. 7.24.7
    246 வெய்ய விரிசுடரோன் மிகுதேவர் கணங்களெல்லாஞ்
    செய்ய மலர்களிட மிகுசெம்மையுள் நின்றவனே
    மையார் பூம்பொழில்சூழ் மழபாடியுள் மாணிக்கமே
    ஐயா நின்னையல்லால் இனியாரை நினைக்கேனே. 7.24.8
    247 நெறியே நின்மலனே நெடுமாலயன் போற்றிசெய்யுங்
    குறியே நீர்மையனே கொடியேரிடை யாள்தலைவா
    மறிசேர் அங்கையனே மழபாடியுள் மாணிக்கமே
    அறிவே நின்னையல்லால் இனியாரை நினைக்கேனே. 7.24.9
    248 ஏரார் முப்புரமும் எரியச்சிலை தொட்டவனை
    வாரார் கொங்கையுடன் மழபாடியுள் மேயவனைச்
    சீரார் நாவலர்கோன் ஆரூரன் உரைத்ததமிழ்
    பாரோர் ஏத்தவல்லார் பரலோகத் திருப்பாரே. 7.24.10

    இத்தலம் சோழநாட்டிலுள்ளது.
    சுவாமிபெயர் - வச்சிரத்தம்பநாதர், தேவியார் - அழகம்மை.

    திருச்சிற்றம்பலம்

    7.25 திருமுதுகுன்றம்


    பண் - நட்டராகம்
    திருச்சிற்றம்பலம்

    249 பொன்செய்த மேனியினீர் புலித்தோலை அரைக்கசைத்தீர்
    முன்செய்த மூவெயிலும் எரித்தீர்முது குன்றமர்ந்தீர்
    மின்செய்த நுண்ணிடையாள் பரவையிவள் தன்முகப்பே
    என்செய்த வாறடிகேள் அடியேனிட் டளங்கெடவே.

    இட்டளம் து துன்பம். 7.25.1
    250 உம்பரும் வானவரும் உடனேநிற்க வேயெனக்குச்
    செம்பொனைத் தந்தருளித் திகழும்முது குன்றமர்ந்தீர்
    வம்பம ருங்குழலாள் பரவையிவள் வாடுகின்றாள்
    எம்பெரு மானருளீர் அடியேனிட் டளங்கெடவே. 7.25.2
    251 பத்தா பத்தர்களுக் கருள்செய்யும் பரம்பரனே
    முத்தா முக்கணனே முதுகுன்றம் அமர்ந்தவனே
    மைத்தா ருந்தடங்கண் பரவையிவள் வாடாமே
    அத்தா தந்தருளாய் அடியேனிட் டளங்கெடவே. 7.25.3
    252 மங்கையோர் கூறமர்ந்தீர் மறைநான்கும் விரித்துகந்தீர்
    திங்கள் சடைக்கணிந்தீர் திகழும்முது குன்றமர்ந்தீர்
    கொங்கைநல் லாள்பரவை குணங்கொண்டிருந் தாள்முகப்பே
    அங்கண னேயருளாய் அடியேனிட் டளங்கெடவே. 7.25.4
    253 மையா ரும்மிடற்றாய் மருவார்புரம் மூன்றெரித்த
    செய்யார் மேனியனே திகழும்முது குன்றமர்ந்தாய்
    பையா ரும்மரவே ரல்குலாளிவள் வாடுகின்றாள்
    ஐயா தந்தருளாய் அடியேனிட் டளங்கெடவே. 7.25.5
    254 நெடியான் நான்முகனும் இரவியொடும் இந்திரனும்
    முடியால் வந்திறைஞ்ச முதுகுன்ற மமர்ந்தவனே
    படியா ரும்மியலாள் பரவையிவள் தன்முகப்பே
    அடிகேள் தந்தருளாய் அடியேனிட் டளங்கெடவே. 7.25.6
    255 கொந்தண வும்பொழில்சூழ் குளிர்மாமதில் மாளிகைமேல்
    வந்தண வும்மதிசேர் சடைமாமுது குன்றுடையாய்
    பந்தண வும்விரலாள் பரவையிவள் தன்முகப்பே
    அந்தண னேயருளாய் அடியேனிட் டளங்கெடவே. 7.25.7
    256 பரசா ருங்கரவா பதினெண்கண முஞ்சூழ
    முரசார் வந்ததிர முதுகுன்ற மமர்ந்தவனே
    விரைசே ருங்குழலாள் பரவையிவள் தன்முகப்பே
    அரசே தந்தருளாய் அடியேனிட் டளங்கெடவே. 7.25.8
    257 ஏத்தா திருந்தறியேன் இமையோர்தனி நாயகனே
    மூத்தாய் உலகுக்கெல்லாம் முதுகுன்ற மமர்ந்தவனே
    பூத்தா ருங்குழலாள் பரவையிவள் தன்முகப்பே
    கூத்தா தந்தருளாய் கொடியேனிட் டளங்கெடவே. 7.25.9
    258 பிறையா ருஞ்சடையெம் பெருமான் அருளாயென்று
    முறையால் வந்தமரர் வணங்கும்முது குன்றர்தம்மை
    மறையார் தங்குரிசில் வயல்நாவலா ரூரன்சொன்ன
    இறையார் பாடல்வல்லார்க் கெளிதாஞ்சிவ லோகமதே.

    திருமுதுகுன்றமென்னும் விருத்தாசலத்தில் பரமசிவம்
    அருளிச்செய்த பொன்னை மணிமுத்தா நதியில்
    விட்டுப்போய்த் திருவாரூர்க்கமலாலயமென்னுந்
    திருக்குளத்திலிறங்கிக் கையால்தடவும்போதோதிய
    பதிகம். அவ்வாறு தடவும்போது, எத்தாதிருந்தறியே
    னென்னுந் தேவாரமோதுகையில் பொருளகப்பட்டது. 7.25.10

    இத்தலம் நடுநாட்டிலுள்ளது.
    சுவாமிபெயர் - பழமலைநாதர், தேவியார் - பெரியநாயகியம்மை.

    திருச்சிற்றம்பலம்

    7.26 திருக்காளத்தி


    பண் - நட்டராகம்
    திருச்சிற்றம்பலம்

    259 செண்டா டும்விடையாய் சிவனேயென் செழுஞ்சுடரே
    வண்டாருங் குழலா ளுமைபாகம் மகிழ்ந்தவனே
    கண்டார் காதலிக்குங் கணநாதனெங் காளத்தியாய்
    அண்டா உன்னையல்லால் அறிந்தேத்த மாட்டேனே. 7.26.1
    260 இமையோர் நாயகனே இறைவாவென் னிடர்த்துணையே
    கமையார் கருணையினாய் கருமாமுகில் போல்மிடற்றாய்
    உமையோர் கூறுடையாய் உருவேதிருக் காளத்தியுள்
    அமைவே உன்னையல்லால் அறிந்தேத்த மாட்டேனே. 7.26.2
    261 படையார் வெண்மழுவா பகலோன்பல் லுகுத்தவனே
    விடையார் வேதியனே விளங்குங்குழைக் காதுடையாய்
    கடையார் மாளிகைசூழ் கணநாதனெங் காளத்தியாய்
    உடையாய் உன்னையல்லால் உகந்தேத்த மாட்டேனே. 7.26.3
    262 மறிசேர் கையினனே மதமாவுரி போர்த்தவனே
    குறியே என்னுடைய குருவேயுன்குற் றேவல்செய்வேன்
    நெறியே நின்றடியார் நினைக்குந்திருக் காளத்தியுள்
    அறிவே உன்னையல்லால் அறிந்தேத்த மாட்டேனே. 7.26.4
    263 செஞ்சே லன்னகண்ணார் திறத்தேகிடந் துற்றலறி
    நஞ்சேன் நானடியேன் நலமொன்றறி யாமையினாற்
    துஞ்சேன் நானொருகாற் றொழுதேன்றிருக் காளத்தியாய்
    அஞ்சா துன்னையல்லால் அறிந்தேத்த மாட்டேனே. 7.26.5
    264 பொய்யவன் நாயடியேன் புகவேநெறி ஒன்றறியேன்
    செய்யவ னாகிவந்திங் கிடரானவை தீர்த்தவனே
    மெய்யவ னேதிருவே விளங்குந்திருக் காளத்தியென்
    ஐயநுன் றன்னையல்லால் அறிந்தேத்த மாட்டேனே. 7.26.6
    265 கடியேன் காதன்மையாற் கழற்போதறி யாதவென்னுள்
    குடியாக் கோயில்கொண்ட குளிர்வார்சடை யெங்குழகா
    முடியால் வானவர்கள் முயங்குந்திருக் காளத்தியாய்
    அடியேன் உன்னையல்லால் அறியேன்மற் றொருவரையே. 7.26.7
    266 நீறார் மேனியனே நிமலாநினை யன்றிமற்றுக்
    கூறேன் நாவதனாற் கொழுந்தேயென் குணக்கடலே
    பாறார் வெண்டலையிற் பலிகொண்டுழல் காளத்தியாய்
    ஏறே உன்னையல்லால் இனிஏத்த மாட்டேனே. 7.26.8
    267 தளிர்போல் மெல்லடியாள் தனைஆகத் தமர்ந்தருளி
    எளிவாய் வந்தென்னுள்ளம் புகுதவல்ல எம்பெருமான்
    களியார் வண்டறையுந் திருக்காளத்தி யுள்ளிருந்த
    ஒளியே உன்னையல்லால் இனியொன்றும் உணரேனே. 7.26.9
    268 காரா ரும்பொழில்சூழ் கணநாதனெங் காளத்தியுள்
    ஆரா வின்னமுதை அணிநாவலா ரூரன்சொன்ன
    சீரூர் செந்தமிழ்கள் செப்புவார்வினை யாயினபோய்ப்
    பேரா விண்ணுலகம் பெறுவார்பிழைப் பொன்றிலரே. 7.26.10

    இத்தலம் தொண்டைநாட்டிலுள்ளது.
    சுவாமிபெயர் - காளத்திநாதர், தேவியார் - ஞானப்பூங்கோதையம்மை.

    திருச்சிற்றம்பலம்

    7.27 திருக்கற்குடி


    பண் - நட்டராகம்
    திருச்சிற்றம்பலம்

    269 விடையா ருங்கொடியாய் வெறியார்மலர்க் கொன்றையினாய்
    படையார் வெண்மழுவா பரமாய பரம்பரனே
    கடியார் பூம்பொழில்சூழ் திருக்கற்குடி மன்னிநின்ற
    அடிகேள் எம்பெருமான் அடியேனையும் அஞ்சலென்னே. 7.27.1
    270 மறையோர் வானவருந் தொழுதேத்தி வணங்கநின்ற
    இறைவா எம்பெருமான் எனக்கின்னமு தாயவனே
    கறையார் சோலைகள்சூழ் திருக்கற்குடி மன்னிநின்ற
    அறவா அங்கணனே அடியேனையும் அஞ்சலென்னே. 7.27.2
    271 சிலையால் முப்புரங்கள் பொடியாகச் சிதைத்தவனே
    மலைமேல் மாமருந்தே மடமாதிடங் கொண்டவனே
    கலைசேர் கையினனே திருக்கற்குடி மன்னிநின்ற
    அலைசேர் செஞ்சடையாய் அடியேனையும் அஞ்சலென்னே. 7.27.3
    272 செய்யார் மேனியனே திருநீல மிடற்றினனே
    மையார் கண்ணிபங்கா மதயானை உரித்தவனே
    கையார் சோலைகள்சூழ் திருக்கற்குடி மன்னிநின்ற
    ஐயா எம்பெருமான் அடியேனையும் அஞ்சலென்னே. 7.27.4
    273 சந்தார் வெண்குழையாய் சரிகோவண ஆடையனே
    பந்தா ரும்விரலாள் ஒருபாகம் அமர்ந்தவனே
    கந்தார் சோலைகள்சூழ் திருக்கற்குடி மன்னிநின்ற
    எந்தாய் எம்பெருமான் அடியேனையும் ஏன்றுகொள்ளே. 7.27.5
    274 அரையார் கீளொடுகோ வணமும் அரைக்கசைத்து
    விரையார் கொன்றையுடன் விளங்கும்பிறை மேலுடையாய்
    கரையா ரும்வயல்சூழ் திருக்கற்குடி மன்னிநின்ற
    அரையா எம்பெருமான் அடியேனையும் அஞ்சலென்னே. 7.27.6
    275 பாரார் விண்ணவரும் பரவிப்பணிந் தேத்தநின்ற
    சீரார் மேனியனே திகழ்நீல மிடற்றினனே
    காரார் பூம்பொழில்சூழ் திருக்கற்குடி மன்னிநின்ற
    ஆரா இன்னமுதே அடியேனையும் அஞ்சலென்னே. 7.27.7
    276 நிலனே நீர்வளிதீ நெடுவானக மாகிநின்ற
    புலனே புண்டரிகத் தயன்மாலவன் போற்றிசெய்யுங்
    கனலே கற்பகமே திருக்கற்குடி மன்னிநின்ற
    அனல்சேர் கையினனே அடியேனையும் அஞ்சலென்னே. 7.27.8
    277 வருங்கா லன்னுயிரை மடியத்திரு மெல்விரலாற்
    பெரும்பா லன்றனக்காய்ப் பிரிவித்த பெருந்தகையே
    கரும்பா ரும்வயல்சூழ் திருக்கற்குடி மன்னிநின்ற
    விரும்பா எம்பெருமான் அடியேனையும் வேண்டுதியே. 7.27.9
    278 அலையார் தண்புனல்சூழ்ந் தழகாகி விழவமருங்
    கலையார் மாதவர்சேர் திருக்கற்குடிக் கற்பகத்தைச்
    சிலையார் வாணுதலாள் நல்லசிங்கடி யப்பன்உரை
    விலையார் மாலைவல்லார் வியன்மூவுல காள்பவரே. 7.27.10

    இத்தலம் சோழநாட்டிலுள்ளது.
    சுவாமிபெயர் - உச்சிவரதநாயகர், தேவியார் - அஞ்சனாட்சியம்மை.

    திருச்சிற்றம்பலம்

    7.28 திருக்கடவூர்வீரட்டம்


    பண் - நட்டராகம்
    திருச்சிற்றம்பலம்

    279 பொடியார் மேனியனே புரிநூலொரு பாற்பொருந்த
    வடியார் மூவிலைவேல் வளர்கங்கையின் மங்கையொடுங்
    கடியார் கொன்றையனே கடவூர்தனுள் வீரட்டத்தெம்
    அடிகேள் என்னமுதே எனக்கார்துணை நீயலதே. 7.28.1
    280 பிறையா ருஞ்சடையாய் பிரமன்றலை யிற்பலிகொள்
    மறையார் வானவனே மறையின்பொரு ளானவனே
    கறையா ரும்மிடற்றாய் கடவூர்தனுள் வீரட்டத்தெம்
    இறைவா என்னமுதே எனக்கார்துணை நீயலதே. 7.28.2
    281 அன்றா லின்னிழற்கீழ் அறம்நால்வர்க் கருள்புரிந்து
    கொன்றாய் காலனுயிர் கொடுத்தாய்மறை யோனுக்குமான்
    கன்றாருங் கரவா கடவூர்த்திரு வீரட்டத்துள்
    என்றா தைபெருமான் எனக்கார்துணை நீயலதே. 7.28.3
    282 போரா ருங்கரியின் னுரிபோர்த்துப்பொன் மேனியின்மேல்
    வாரா ரும்முலையாள் ஒருபாகம் மகிழ்ந்தவனே
    காரா ரும்மிடற்றாய் கடவூர்தனுள் வீரட்டானத்
    தாரா என்னமுதே எனக்கார்துணை நீயலதே. 7.28.4
    283 மையார் கண்டத்தினாய் மதமாவுரி போர்த்தவனே
    பொய்யா தென்னுயிருள் புகுந்தாயின்னம் போந்தறியாய்
    கையார் ஆடரவா கடவூர்தனுள் வீரட்டத்தெம்
    ஐயா என்னமுதே எனக்கார்துணை நீயலதே. 7.28.5
    284 மண்ணீர் தீவெளிகால் வருபூதங்க ளாகிமற்றும்
    பெண்ணோ டாணலியாய்ப் பிறவாவுரு ஆனவனே
    கண்ணா ரும்மணியே கடவூர்தனுள் வீரட்டத்தெம்
    அண்ணா என்னமுதே எனக்கார்துணை நீயலதே. 7.28.6
    285 எரியார் புன்சடைமேல் இளநாகம் அணிந்தவனே
    நரியா ருஞ்சுடலை நகுவெண்டலை கொண்டவனே
    கரியார் ஈருரியாய் கடவூர்தனுள் வீரட்டத்தெம்
    அரியாய் என்னமுதே எனக்கார்துணை நீயலதே. 7.28.7
    286 வேறா உன்னடியேன் விளங்குங்குழைக் காதுடையாய்
    தேறேன் உன்னையல்லாற் சிவனேயென் செழுஞ்சுடரே
    காறார் வெண்மருப்பா கடவூர்த்திரு வீரட்டத்துள்
    ஆறார் செஞ்சடையாய் எனக்கார்துணை நீயலதே. 7.28.8
    287 அயனோ டன்றரியும் அடியும்முடி காண்பரிய
    பயனே எம்பரனே பரமாய பரஞ்சுடரே
    கயமா ருஞ்சடையாய் கடவூர்த்திரு வீரட்டத்துள்
    அயனே என்னமுதே எனக்கார்துணை நீயலதே. 7.28.9
    288 காரா ரும்பொழில்சூழ் கடவூர்த்திரு வீரட்டத்துள்
    ஏரா ரும்மிறையைத் துணையாஎழில் நாவலர்கோன்
    ஆரூ ரன்னடியான் அடித்தொண்டன் உரைத்ததமிழ்
    பாரோ ரேத்தவல்லார் பரலோகத் திருப்பாரே. 7.28.10

    இத்தலம் சோழநாட்டிலுள்ளது.
    சுவாமிபெயர் - அமிர்தகடேசுவரர்,
    தேவியார் - அபிராமியம்மை.

    திருச்சிற்றம்பலம்

    7.29 திருக்குருகாவூர்


    பண் - நட்டராகம்
    திருச்சிற்றம்பலம்

    289 இத்தனை யாமாற்றை அறிந்திலேன் எம்பெருமான்
    பித்தரே என்றும்மைப் பேசுவார் பிறரெல்லாம்
    முத்தினை மணிதன்னை மாணிக்கம் முளைத்தெழுந்த
    வித்தனே குருகாவூர் வெள்ளடை நீயன்றே. 7.29.1
    290 ஆவியைப் போகாமே தவிர்த்தென்னை ஆட்கொண்டாய்
    வாவியிற் கயல்பாயக் குளத்திடை மடைதோறுங்
    காவியுங் குவளையுங் கமலஞ்செங் கழுநீரும்
    மேவிய குருகாவூர் வெள்ளடை நீயன்றே. 7.29.2
    291 பாடுவார் பசிதீர்ப்பாய் பரவுவார் பிணிகளைவாய்
    ஓடுநன் கலனாக உண்பலிக் குழல்வானே
    காடுநல் லிடமாகக் கடுவிருள் நடமாடும்
    வேடனே குருகாவூர் வெள்ளடை நீயன்றே. 7.29.3
    292 வெப்பொடு பிணியெல்லாந் தவிர்த்தென்னை ஆட்கொண்டாய்
    ஒப்புடை ஒளிநீலம் ஓங்கிய மலர்ப்பொய்கை
    அப்படி அழகாய அணிநடை மடவன்னம்
    மெய்ப்படு குருகாவூர் வெள்ளடை நீயன்றே. 7.29.4
    293 வரும்பழி வாராமே தவிர்த்தென்னை ஆட்கொண்டாய்
    சுரும்புடை மலர்க்கொன்றைச் சுண்ணவெண் ணீற்றானே
    அரும்புடை மலர்ப்பொய்கை அல்லியும் மல்லிகையும்
    விரும்பிய குருகாவூர் வெள்ளடை நீயன்றே. 7.29.5
    294 பண்ணிடைத் தமிழொப்பாய் பழத்தினிற் சுவையொப்பாய்
    கண்ணிடை மணியொப்பாய் கடுவிருட் சுடரொப்பாய்
    மண்ணிடை அடியார்கள் மனத்திடர் வாராமே
    விண்ணிடைக் குருகாவூர் வெள்ளடை நீயன்றே. 7.29.6
    295 போந்தனை தரியாமே நமன்தமர் புகுந்தென்னை
    நோந்தன செய்தாலும் நுன்னல தறியேன்நான்
    சாந்தனை வருமேலுந் தவிர்த்தென்னை ஆட்கொண்ட
    வேந்தனே குருகாவூர் வெள்ளடை நீயன்றே. 7.29.7
    296 மலக்கில்நின் னடியார்கள் மனத்திடை மால்தீர்ப்பாய்
    சலச்சல மிடுக்குடைய தருமனார் தமரென்னைக்
    கலக்குவான் வந்தாலுங் கடுந்துயர் வாராமே
    விலக்குவாய் குருகாவூர் வெள்ளடை நீயன்றே. 7.29.8
    297 படுவிப்பாய் உனக்கேயாட் பலரையும் பணியாமே
    தொடுவிப்பாய் துகிலொடுபொன் தோலுடுத் துழல்வானே
    கெடுவிப்பாய் அல்லாதார் கேடிலாப் பொன்னடிக்கே
    விடுவிப்பாய் குருகாவூர் வெள்ளடை நீயன்றே. 7.29.9
    298 வளங்கனி பொழில்மல்கு வயலணிந் தழகாய
    விளங்கொளி குருகாவூர் வெள்ளடை உறைவானை
    இளங்கிளை ஆரூரன் வனப்பகை யவளப்பன்
    உளங்குளிர் தமிழ்மாலை பத்தர்கட் குரையாமே. 7.29.10

    இத்தலம் சோழநாட்டிலுள்ளது.
    சுவாமிபெயர் - வெள்ளிடையப்பர்,
    தேவியார் - காவியங்கண்ணியம்மை.

    திருச்சிற்றம்பலம்

    7.30 திருக்கருப்பறியலூர்


    பண் - நட்டராகம்
    திருச்சிற்றம்பலம்

    299 சிம்மாந்து சிம்புளித்துச் சிந்தையினில்
    வைத்துகந்து திறம்பா வண்ணங்
    கைம்மாவின் உரிவைபோர்த் துமைவெருவக்
    கண்டானைக் கருப்ப றியலூர்க்
    கொய்ம்மாவின் மலர்ச்சோலைக் குயில்பாட
    மயிலாடுங் கொகுடிக் கோயில்
    எம்மானை மனத்தினால் நினைந்தபோ
    தவர்நமக் கினிய வாறே. 7.30.1
    300 நீற்றாரும் மேனியராய் நினைவார்தம்
    உள்ளத்தே நிறைந்து தோன்றுங்
    காற்றானைத் தீயானைக் கதிரானை
    மதியானைக் கருப்ப றியலூர்க்
    கூற்றானைக் கூற்றுதைத்துக் கோல்வளையாள்
    அவளோடுங் கொகுடிக் கோயில்
    ஏற்றானை மனத்தினால் நினைந்தபோ
    தவர்நமக் கினிய வாறே. 7.30.2
    301 முட்டாமே நாடோ றும் நீர்மூழ்கிப்
    பூப்பறித்து மூன்று போதுங்
    கட்டார்ந்த இண்டைகொண் டடிச்சேர்த்தும்
    அந்தணர்தங் கருப்ப றியலூர்
    கொட்டாட்டுப் பாட்டாகி நின்றானைக்
    குழகனைக் கொகுடிக் கோயில்
    எட்டான மூர்த்தியை நினைந்தபோ
    தவர்நமக் கினிய வாறே. 7.30.3
    302 விருந்தாய சொன்மாலை கொண்டேத்தி
    வினைபோக வேலி தோறுங்
    கருந்தாள வாழைமேற் செங்கனிகள்
    தேன்சொரியுங் கருப்ப றியலூர்க்
    குருந்தாய முள்ளெயிற்றுக் கோல்வளையாள்
    அவளோடுங் கொகுடிக் கோயில்
    இருந்தானை மனத்தினால் நினைந்தபோ
    தவர்நமக் கினிய வாறே. 7.30.4
    303 பொடியேறு திருமேனிப் பெருமானைப்
    பொங்கரவக் கச்சை யானைக்
    கடிநாறும் பூம்பொய்கைக் கயல்வாளை
    குதிகொள்ளுங் கருப்ப றியலூர்க்
    கொடியேறி வண்டினமுந் தண்டேனும்
    பண்செய்யுங் கோகுடிக் கோயில்
    அடியேறு கழலானை நினைந்தபோ
    தவர்நமக் கினிய வாறே. 7.30.5
    304 பொய்யாத வாய்மையாற் பொடிப்பூசிப்
    போற்றிசைத்துப் பூசை செய்து
    கையினா லெரியோம்பி மறைவளர்க்கும்
    அந்தணர்தங் கருப்ப றியலூர்க்
    கொய்யுலாம் மலர்ச்சோலைக் குயில்கூவ
    மயிலாலுங் கொகுடிக் கோயில்
    ஐயனையென் மனத்தினால் நினைந்தபோ
    தவர்நமக் கினிய வாறே. 7.30.6
    305 செடிகொள்நோய் உள்ளளவுந் தீவினையுந்
    தீர்ந்தொழியச் சிந்தை செய்ம்மின்
    கடிகொள்பூந் தடமண்டிக் கருமேதி
    கண்படுக்குங் கருப்ப றியலூர்க்
    கொடிகொள்பூ நுண்ணிடையாள் கோல்வளையாள்
    அவளோடுங் கொகுடிக் கோயில்
    அடிகளையென் மனத்தினால் நினைந்தபோ
    தவர்நமக் கினிய வாறே. 7.30.7
    306 பறையாத வல்வினைகள் பறைந்தொழியப்
    பன்னாளும் பாடி யாடிக்
    கறையார்ந்த கண்டத்தன் எண்டோ ளன்
    முக்கண்ணன் கருப்ப றியலூர்க்
    குறையாத மறைநாவர் குற்றேவல்
    ஒழியாத கொகுடிக் கோயில்
    உறைவானை மனத்தினால் நினைந்தபோ
    தவர்நமக் கினிய வாறே. 7.30.8
    307 சங்கேந்து கையானுந் தாமரையின்
    மேலானுந் தன்மை காணாக்
    கங்கார்ந்த வார்சடைகள் உடையானை
    விடையானைக் கருப்ப றியலூர்க்
    கொங்கார்ந்த பொழிற்சோலை சூழ்கனிகள்
    பலவுதிர்க்குங் கொகுடிக் கோயில்
    எங்கோனை மனத்தினால் நினைந்தபோ
    தவர்நமக் கினிய வாறே. 7.30.9
    308 பண்டாழின் இசைமுரலப் பன்னாளும்
    பாவித்துப் பாடி யாடிக்
    கண்டார்தங் கண்குளிருங் களிக்கமுகம்
    பூஞ்சோலைக் கருப்ப றியலூர்க்
    குண்டாடுஞ் சமணருஞ் சாக்கியரும்
    புறங்கூறுங் கொகுடிக் கோயில்
    எண்டோ ளெம் பெருமானை நினைந்தபோ
    தவர்நமக் கினிய வாறே. 7.30.10
    309 கலைமலிந்த தென்புலவர் கற்றோர்தம்
    மிடர்தீர்க்குங் கருப்ப றியலூர்க்
    குலைமலிந்த கோட்டெங்கு மட்டொழுகும்
    பூஞ்சோலைக் கொகுடிக் கோயில்
    இலைமலிந்த மழுவானை மனத்தினா
    லன்புசெய் தின்ப மெய்தி
    மலைமலிந்த தோள்ஊரன் வனப்பகையப்
    பன்னுரைத்த வண்ட மிழ்களே. 7.30.11

    இத்தலம் சோழநாட்டிலுள்ளது.
    சுவாமிபெயர் - குற்றம்பொறுத்தவீசுவரர்,
    தேவியார் - கோல்வளைநாயகியம்மை.

    திருச்சிற்றம்பலம்

    7.31 திருஇடையாற்றுத்தொகை


    பண் - கொல்லி
    திருச்சிற்றம்பலம்

    310 முந்தையூர் முதுகுன்றங் குரங்கணின் முட்டம்
    சிந்தையூர் நன்றுசென் றடைவான் திருவாரூர்
    பந்தையூர் பழையாறு பழனம் பைஞ்ஞீலி
    எந்தையூர் எய்தமான் இடையா றிடைமருதே. 7.31.1
    311 சுற்றுமூர் சுழியல் திருச்சோ புரந்தொண்டர்
    ஒற்றுமூர் ஒற்றியூர் திருவூறல் ஒழியாப்
    பெற்றமேறிப் பெண்பாதி யிடம்பெண்ணைத் தெண்ணீர்
    எற்றுமூர் எய்தமான் இடையா றிடைமருதே. 7.31.2
    312 கடங்களூர் திருக்காரிக் கரைகயி லாயம்
    விடங்களூர் திருவெண்ணி அண்ணா மலைவெய்ய
    படங்களூர் கின்றபாம் பரையான் பரஞ்சோதி
    இடங்கொளூர் எய்தமான் இடையா றிடைமருதே. 7.31.3
    313 கச்சையூர் காவங் கழுக்குன்றங் காரோணம்
    பிச்சையூர் திரிவான் கடவூர் வடபேறூர்
    கச்சியூர் கச்சிசிக்கல் நெய்த்தானம் மிழலை
    இச்சையூர் எய்தமான் இடையா றிடைமருதே. 7.31.4
    314 நிறையனூர் நின்றியூர் கொடுங்குன்றம் அமர்ந்த
    பிறையனூர் பெருமூர் பெரும்பற்றப் புலியூர்
    மறையனூர் மறைக்காடு வலஞ்சுழி வாய்த்த
    இறைவனூர் எய்தமான் இடையா றிடைமருதே. 7.31.5
    315 திங்களூர் திருவா திரையான் பட்டினமூர்
    நங்களூர் நறையூர் நனிநா லிசைநாலூர்
    தங்களூர் தமிழான் என்றுபா விக்கவல்ல
    எங்களூர் எய்தமான் இடையா றிடைமருதே. 7.31.6
    316 கருக்கநஞ் சமுதுண்ட கல்லாலன் கொல்லேற்றன்
    தருக்கருக் கனைச்செற் றுகந்தான்றன் முடிமேல்
    எருக்கநாண் மலரிண்டை யும்மத்த முஞ்சூடி
    இருக்குமூர் எய்தமான் இடையா றிடைமருதே. 7.31.7
    317 தேசனூர் வினைதேய நின்றான் திருவாக்கூர்
    பாசனூர் பரமேட்டி பவித்திர பாவ
    நாசனூர் நனிபள்ளி நள்ளாற்றை அமர்ந்த
    ஈசனூர் எய்தமான் இடையா றிடைமருதே. 7.31.8
    318 பேறனூர் பிறைச்சென் னியினான் பெருவேளூர்
    தேறனூர் திருமா மகள்கோன் றிருமாலோர்
    கூறனூர் குரங்காடு துறைதிருக் கோவல்
    ஏறனூர் எய்தமான் இடையா றிடைமருதே. 7.31.9
    319 ஊறிவா யினநாடிய வன்றொண்டன் ஊரன்
    தேறுவார் சிந்தைதேறு மிடஞ்செங்கண் வெள்ளே
    றேறுவார் எய்தமான் இடையா றிடைமருதைக்
    கூறுவார் வினையெவ் விடமெய் குளிர்வாரே. 7.31.10

    திருச்சிற்றம்பலம்

    7.32 திருக்கோடிக்குழகர்


    பண் - கொல்லி
    திருச்சிற்றம்பலம்

    320 கடிதாய்க் கடற்காற்று வந்தெற்றக் கரைமேற்
    குடிதான் அயலேஇருந் தாற்குற்ற மாமோ
    கொடியேன் கண்கள்கண் டனகோடிக் குழகீர்
    அடிகேள் உமக்கார் துணையாக இருந்தீரே. 7.32.1
    321 முன்றான் கடல்நஞ்ச முண்ட அதனாலோ
    பின்றான் பரவைக் குபகாரஞ் செய்தாயோ
    குன்றாப் பொழில்சூழ் தருகோடிக் குழகா
    என்றான் தனியே இருந்தாய் எம்பிரானே. 7.32.2
    322 மத்தம் மலிசூழ் மறைக்கா டதன்றென்பால்
    பத்தர் பலர்பாட இருந்த பரமா
    கொத்தார் பொழில்சூழ் தருகோடிக் குழகா
    எத்தாற் றனியே இருந்தாய் எம்பிரானே. 7.32.3
    323 காடேல் மிகவா லிதுகா ரிகையஞ்சக்
    கூடிப் பொந்தில் ஆந்தைகள் கூகைகுழற
    வேடித்தொண்டர் சாலவுந் தீயர் சழக்கர்
    கோடிக் குழகா இடங்கோயில் கொண்டாயே. 7.32.4
    324 மையார் தடங்கண்ணி பங்காகங் கையாளும்
    மெய்யாகத் திருந்தனள் வேறிடம் இல்லை
    கையார் வளைக்காடு காளோடும் உடனாய்க்
    கொய்யார் பொழிற்கோடி யேகோயில் கொண்டாயே. 7.32.5
    325 அரவேர் அல்குலாளை ஓர்பாக மமர்ந்து
    மரவங் கமழ்மா மறைக்கா டதன்றென்பாற்
    குரவப் பொழில்சூழ் தருகோடிக் குழகா
    இரவே துணையாய் இருந்தாய் எம்பிரானே. 7.32.6
    326 பறையுங் குழலும் ஒலிபாட லியம்ப
    அறையுங் கழலார்க்க நின்றாடும் அமுதே
    குறையாப் பொழில்சூழ் தருகோடிக் குழகா
    இறைவா தனியே இருந்தாய் எம்பிரானே. 7.32.7
    327 ஒற்றியூ ரென்றஊ னத்தினா லதுதானோ
    அற்றப் படஆ ரூரதென் றகன்றாயோ
    முற்றா மதிசூடிய கோடிக் குழகா
    எற்றாற் றனியே இருந்தாய் எம்பிரானே. 7.32.8
    328 நெடியானொடு நான்முக னும்மறி வொண்ணாப்
    படியான் பலிகொள்ளும் இடங்குடி இல்லை
    கொடியார்பலர் வேடர்கள் வாழுங் கரைமேல்
    அடிகேள் அன்பதா யிடங்கோயில் கொண்டாயே. 7.32.9
    329 பாரூர் மலிசூழ் மறைக்கா டதன்றென்பால்
    ஏரார் பொழில்சூழ் தருகோடிக் குழகை
    ஆரூரன் உரைத்தன பத்திவை வல்லார்
    சீரார் சிவலோகத் திருப்பவர் தாமே. 7.32.10

    இத்தலம் சோழநாட்டிலுள்ளது.
    சுவாமிபெயர் - அமுதகடநாதர், தேவியார் - மையார்தடங்கணம்மை.

    திருச்சிற்றம்பலம்

    7.33. நமக்கடிகளாகிய - அடிகள்


    பண் - கொல்லி
    திருச்சிற்றம்பலம்

    330
    பாறுதாங்கிய காடரோபடு
    தலையரோமலைப் பாவையோர்
    கூறுதாங்கிய குழகரோகுழைக்
    காதரோகுறுங் கோட்டிள
    ஏறுதாங்கிய கொடியரோசுடு
    பொடியரோஇலங் கும்பிறை
    ஆறுதாங்கிய சடையரோநமக்
    கடிகளாகிய அடிகளே. 7.33.1
    331 இட்டிதாகவந் துரைமினோநுமக்
    கிசையுமாநினைந் தேத்துவீர்
    கட்டிவாழ்வது நாகமோசடை
    மேலும்நாறு கரந்தையோ
    பட்டியேறுகந் தேறரோபடு
    வெண்டலைப்பலி கொண்டுவந்
    தட்டியாளவுங் கிற்பரோநமக்
    கடிகளாகிய அடிகளே. 7.33.2
    332 ஒன்றினீர்கள்வந் துரைமினோநுமக்
    கிசையுமாநினைந் தேத்துவீர்
    குன்றிபோல்வதோ ருருவரோகுறிப்
    பாகிநீறுகொண் டணிவரோ
    இன்றியேயிலர் ஆவரோஅன்றி
    உடையராயிலர் ஆவரோ
    அன்றியேமிக அறவரோநமக்
    கடிகளாகிய அடிகளே. 7.33.3
    333 தேனையாடுமுக் கண்ணரோமிகச்
    செய்யரோவெள்ளை நீற்றரோ
    பானெய்ஆடலும் பயில்வரோதமைப்
    பற்றினார்கட்கு நல்லரோ
    மானைமேவிய கண்ணினாள்மலை
    மங்கைநங்கையை அஞ்சவோர்
    ஆனையீருரி போர்ப்பரோநமக்
    கடிகளாகிய அடிகளே. 7.33.4
    334 கோணல்மாமதி சூடரோகொடு
    கொட்டிகாலர் கழலரோ
    வீணைதானவர் கருவியோ
    விடையேறுவேத முதல்வரோ
    நாணதாகவோர் நாகங்கொண்டரைக்
    கார்ப்பரோநல மார்தர
    ஆணையாகநம் மடிகளோநமக்
    கடிகளாகிய அடிகளே. 7.33.5
    335 வந்துசொல்லுமின் மூடனேனுக்கு
    வல்லவாநினைந் தேத்துவீர்
    வந்தசாயினை அறிவரோதம்மை
    வாழ்த்தினார்கட்கு நல்லரோ
    புந்தியாலுரை கொள்வரோஅன்றிப்
    பொய்யில்மெய்யுரைத் தாள்வரோ
    அன்றியேமிக அறவரோநமக்
    கடிகளாகிய அடிகளே. 7.33.6
    336 மெய்யென்சொல்லுமின் நமரங்காளுமக்
    கிசையுமாநினைந் தேத்துவீர்
    கையிற்சூலம துடையரோகரி
    காடரோகறைக் கண்டரோ
    வெய்யபாம்பரை ஆர்ப்பரோவிடை
    ஏறரோகடை தோறுஞ்சென்
    றையங்கொள்ளுமவ் வடிகளோநமக்
    கடிகளாகிய அடிகளே. 7.33.7
    337 நீடுவாழ்பதி உடையரோஅயன்
    நெடியமாலுக்கு நெடியரோ
    பாடுவாரையும் உடையரோதமைப்
    பற்றினார்கட்கு நல்லரோ
    காடுதானரங் காகவேகைகள்
    எட்டினோடில யம்பட
    ஆடுவாரெனப் படுவரோநமக்
    கடிகளாகிய அடிகளே. 7.33.8
    338 நமணநந்தியுங் கருமவீரனுந்
    தருமசேனனு மென்றிவர்
    குமணமாமலைக் குன்றுபோனின்று
    தங்கள்கூறையொன் றின்றியே
    ஞமணஞாஞண ஞாணஞோணமென்
    றோதியாரையு நாணிலா
    அமணராற்பழிப் புடையரோநமக்
    கடிகளாகிய அடிகளே. 7.33.9
    339 படிசெய்நீர்மையிற் பத்தர்காள்பணிந்
    தேத்தினேன்பணி யீரருள்
    வடிவிலான்றிரு நாவலூரன்
    வனப்பகையப்பன் வன்றொண்டன்
    செடியனாகிலுந் தீயனாகிலுந்
    தம்மையேமனஞ் சிந்திக்கும்
    அடியனூரனை ஆள்வரோநமக்
    கடிகளாகிய அடிகளே. 7.33.10

    திருச்சிற்றம்பலம்

    7.34 திருப்புகலூர்


    பண் - கொல்லி
    திருச்சிற்றம்பலம்

    340 தம்மையேபுகழ்ந் திச்சைபேசினுஞ்
    சார்வினுந்தொண்டர் தருகிலாப்
    பொய்ம்மையாளரைப் பாடாதேயெந்தை
    புகலூர்பாடுமின் புலவீர்காள்
    இம்மையேதருஞ் சோறுங்கூறையும்
    ஏத்தலாமிடர் கெடலுமாம்
    அம்மையேசிவ லோகமாள்வதற்
    கியாதுமையுற வில்லையே. 7.34.1
    341 மிடுக்கிலாதானை வீமனேவிறல்
    விசயனேவில்லுக் கிவனென்று
    கொடுக்கிலாதானைப் பாரியேயென்று
    கூறினுங்கொடுப் பாரிலை
    பொடிக்கொள்மேனியெம் புண்ணியன்புக
    லூரைப்பாடுமின் புலவீர்காள்
    அடுக்குமேலம ருலகமாள்வதற்
    கியாதுமையுற வில்லையே. 7.34.2
    342 காணியேற்பெரி துடையனேகற்று
    நல்லனேசுற்றம் நற்கிளை
    பேணியேவிருந் தோம்புமேயென்று
    பேசினுங்கொடுப் பாரிலை
    பூணிபூண்டுழப் புட்சிலம்புந்தண்
    புகலூர்பாடுமின் புலவீர்காள்
    ஆணியாயம ருலகமாள்வதற்
    கியாதுமையுற வில்லையே. 7.34.3
    343 நரைகள்போந்துமெய் தளர்ந்துமூத்துடல்
    நடுங்கிநிற்குமிக் கிழவனை
    வரைகள்போல்திரள் தோளனேயென்று
    வாழ்த்தினுங்கொடுப் பாரிலை
    புரைவெள்ளேறுடைப் புண்ணியன்புக
    லூரைப்பாடுமின் புலவீர்காள்
    அரையனாயம ருலகமாள்வதற்
    கியாதுமையுற வில்லையே. 7.34.4
    344 வஞ்சநெஞ்சனை மாசழக்கனைப்
    பாவியைவழக் கில்லியைப்
    பஞ்சதுட்டனைச் சாதுவேயென்று
    பாடினுங்கொடுப் பாரிலை
    பொன்செய்செஞ்சடைப் புண்ணியன்புக
    லூரைப்பாடுமின் புலவீர்காள்
    நெஞ்சில்நோயறுத் துஞ்சுபோவதற்
    கியாதுமையுற வில்லையே. 7.34.5
    345 நலமிலாதானை நல்லனேயென்று
    நரைத்தமாந்தரை இளையனே
    குலமிலாதானைக் குலவனேயென்று
    கூறினுங்கொடுப் பாரிலை
    புலமெலாம்வெறி கமழும்பூம்புக
    லூரைப்பாடுமின் புலவீர்காள்
    அலமராதமர் உலகமாள்வதற்
    கியாதுமையுற வில்லையே. 7.34.6
    346 நோயனைத்தடந் தோளனேயென்று
    நொய்யமாந்தரை விழுமிய
    தாயன்றோபுல வோர்க்கெலாமென்று
    சாற்றினுங்கொடுப் பாரிலை
    போயுழன்றுகண் குழியாதேயெந்தை
    புகலூர்பாடுமின் புலவீர்காள்
    ஆயமின்றிப்போய் அண்டமாள்வதற்
    கியாதுமையுற வில்லையே. 7.34.7
    347 எள்விழுந்திடம் பார்க்குமாகிலும்
    ஈக்கும்ஈகிலன் ஆகிலும்
    வள்ளலேயெங்கள் மைந்தனேயென்று
    வாழ்த்தினுங்கொடுப் பாரிலை
    புள்ளெலாஞ்சென்று சேரும்பூம்புக
    லூரைப்பாடுமின் புலவீர்காள்
    அள்ளற்பட்டழுந் தாதுபோவதற்
    கியாதுமையுற வில்லையே. 7.34.8
    348 கற்றிலாதானைக் கற்றுநல்லனே
    காமதேவனை யொக்குமே
    முற்றிலாதானை முற்றனேயென்று
    மொழியினுங்கொடுப் பாரிலை
    பொத்திலாந்தைகள் பாட்டறாப்புக
    லூரைப்பாடுமின் புலவீர்காள்
    அத்தனாயம ருலகமாள்வதற்
    கியாதுமையுற வில்லையே. 7.34.9
    349 தையலாருக்கோர் காமனேயென்றுஞ்
    சாலநல்வழக் குடையனே
    கையுலாவிய வேலனேயென்று
    கழறினுங்கொடுப் பாரிலை
    பொய்கையாவியின் மேதிபாய்புக
    லூரைப்பாடுமின் புலவீர்காள்
    ஐயனாயம ருலகமாள்வதற்
    கியாதுமையுற வில்லையே. 7.34.10
    350 செறுவினிற்செழுங் கமலமோங்குதென்
    புகலூர்மேவிய செல்வனை
    நறவம்பூம்பொழில் நாவலூரன்
    வனப்பகையப்பன் சடையன்றன்
    சிறுவன்வன்றொண்டன் ஊரன்பாடிய
    பாடல்பத்திவை வல்லவர்
    அறவனாரடி சென்றுசேர்வதற்
    கியாதுமையுற வில்லையே.

    இது பொன்வேண்டுங் குறிப்புடன் பதிகமோதித் துதி
    செய்யவுஞ் சுவாமி கிருபைசெய்யாமையால் மனவெறுப்
    புடன் திருமடத்துக்கெழுந்தருளாமல் ஆலயத்தில்
    திருப்பணிக்காக வந்திருந்த செங்கற்களைப் பரப்பி
    அதன்மேற் பள்ளிகொண்டு துயில்கூர்ந்து அது நீங்கி
    யெழுந்தபோது செங்கற்கள் பொன்னாயிருக்கக்கண்டு
    மகிழ்ந்து ஓதித் துதிசெய்தருளியது. 7.34.11

    இத்தலம் சோழநாட்டிலுள்ளது.
    சுவாமிபெயர் - அக்கினியீசுவரர்,
    தேவியார் - கருந்தார்க்குழலியம்மை.

    திருச்சிற்றம்பலம்

    7.35 திருப்புறம்பயம்


    பண் - கொல்லி
    திருச்சிற்றம்பலம்

    351 அங்கம்ஓதியோர் ஆறைமேற்றளி
    நின்றும்போந்துவந் தின்னம்பர்த்
    தங்கினோமையும் இன்னதென்றிலர்
    ஈசனாரெழு நெஞ்சமே
    கங்குல்ஏமங்கள் கொண்டுதேவர்கள்
    ஏத்திவானவர் தாந்தொழும்
    பொங்குமால்விடை யேறிசெல்வப்
    புறம்பயந்தொழப் போதுமே. 7.35.1
    352 பதியுஞ்சுற்றமும் பெற்றமக்களும்
    பண்டையாரலர் பெண்டிரும்
    நெதியிலிம்மனை வாழும்வாழ்க்கையும்
    நினைப்பொழிமட நெஞ்சமே
    மதியஞ்சேர்சடைக் கங்கையானிடம்
    மகிழும்மல்லிகை செண்பகம்
    புதியபூமலர்ந் தெல்லிநாறும்
    புறம்பயந்தொழப் போதுமே. 7.35.2
    353 புறந்திரைந்து நரம்பெழுந்து
    நரைத்துநீயுரை யாற்றளர்ந்
    தறம்புரிந்து நினைப்பதாண்மை
    அரிதுகாண்இஃ தறிதியேல்
    திறம்பியாதெழு நெஞ்சமேசிறு
    காலைநாமுறு வாணியம்
    புறம்பயத்துறை பூதநாதன்
    புறம்பயந்தொழப் போதுமே. 7.35.3
    354 குற்றொருவரைக் கூறைகொண்டு
    கொலைகள்சூழ்ந்த களவெலாஞ்
    செற்றொருவரைச் செய்ததீமைகள்
    இம்மையேவருந் திண்ணமே
    மற்றொருவரைப் பற்றிலேன்மற
    வாதெழுமட நெஞ்சமே
    புற்றரவுடைப் பெற்றமேறி
    புறம்பயந்தொழப் போதுமே. 7.35.4
    355 கள்ளிநீசெய்த தீமையுள்ளன
    பாவமும்பறை யும்படி
    தெள்ளிதாவெழு நெஞ்சமேசெங்கண்
    சேவுடைச்சிவ லோகனூர்
    துள்ளிவெள்ளிள வாளைபாய்வயல்
    தோன்றுதாமரைப் பூக்கள்மேல்
    புள்ளிநள்ளிகள் பள்ளிகொள்ளும்
    புறம்பயந்தொழப் போதுமே. 7.35.5
    356 படையெலாம்பக டாரஆளிலும்
    பௌவஞ்சூழ்ந்தர சாளிலுங்
    கடையெலாம்பிணைத் தேரைவால்கவ
    லாதெழுமட நெஞ்சமே
    மடையெலாங்கழு நீர்மலர்ந்து
    மருங்கெலாங்கரும் பாடத்தேன்
    புடையெலாம்மணம் நாறுசோலைப்
    புறம்பயந்தொழப் போதுமே. 7.35.6
    357 முன்னைச்செய்வினை இம்மையில்வந்து
    மூடுமாதலின் முன்னமே
    என்னைநீதியக் காதெழுமட
    நெஞ்சமேயெந்தை தந்தையூர்
    அன்னச்சேவலோ டூடிப்பேடைகள்
    கூடிச்சேரு மணிபொழிற்
    புன்னைக்கன்னி கழிக்கணாறும்
    புறம்பயந்தொழப் போதுமே. 7.35.7
    358 மலமெலாமறும் இம்மையேமறு
    மைக்கும்வல்வினை சார்கிலா
    சலமெலாமொழி நெஞ்சமேயெங்கள்
    சங்கரன்வந்து தங்குமூர்
    கலமெலாங்கடல் மண்டுகாவிரி
    நங்கையாடிய கங்கைநீர்
    புலமெலாம்மண்டிப் பொன்விளைக்கும்
    புறம்பயந்தொழப் போதுமே. 7.35.8
    359 பண்டரியன செய்ததீமையும்
    பாவமும்பறை யும்படி
    கண்டரியன கேட்டியேற்கவ
    லாதெழுமட நெஞ்சமே
    தொண்டரியன பாடித்துள்ளிநின்
    றாடிவானவர்தாந் தொழும்
    புண்டரீக மலரும்பொய்கை
    புறம்பயந்தொழப் போதுமே. 7.35.9
    360 துஞ்சியும்பிறந் துஞ்சிறந்துந்
    துயக்கறாத மயக்கிவை
    அஞ்சிஊரன் திருப்புறம்பயத்
    தப்பனைத்தமிழ்ச் சீரினால்
    நெஞ்சினாலே புறம்பயந்தொழு
    துய்துமென்று நினைத்தன
    வஞ்சியாதுரை செய்யவல்லவர்
    வல்லவானுல காள்வரே. 7.35.10

    இத்தலம் சோழநாட்டிலுள்ளது.
    சுவாமிபெயர் - சாட்சிவரதேசுவரர்,
    தேவியார் - கரும்படுசொல்லம்மை.

    திருச்சிற்றம்பலம்

    7.36 திருப்பைஞ்ஞீலி


    பண் - கொல்லி
    திருச்சிற்றம்பலம்

    361 காருலாவிய நஞ்சையுண்டிருள்
    கண்டவெண்டலை யோடுகொண்
    டூரெலாந்திரிந் தென்செய்வீர்பலி
    ஓரிடத்திலே கொள்ளும்நீர்
    பாரெலாம்பணிந் தும்மையேபர
    விப்பணியும்பைஞ் ஞீலியீர்
    ஆரமாவது நாகமோசொல்லும்
    ஆரணீய விடங்கரே. 7.36.1
    362 சிலைத்துநோக்கும்வெள் ளேறுசெந்தழல்
    வாயபாம்பது மூசெனும்
    பலிக்குநீர்வரும் போதுநுங்கையிற்
    பாம்புவேண்டா பிரானிரே
    மலைத்தசந்தொடு வேங்கைகோங்கமும்
    மன்னுகாரகில் சண்பகம்
    அலைக்கும்பைம்புனல் சூழ்பைஞ்ஞீலியில்
    ஆரணீய விடங்கரே. 7.36.2
    363 தூயவர்கண்ணும் வாயும்மேனியுந்
    துன்னஆடை சுடலையிற்
    பேயொடாடலைத் தவிரும்நீரொரு
    பித்தரோவெம் பிரானிரே
    பாயும்நீர்க்கிடங் கார்கமலமும்
    பைந்தண்மாதவி புன்னையும்
    ஆயபைம்பொழில் சூழ்பைஞ்ஞீலியில்
    ஆரணீய விடங்கரே. 7.36.3
    364 செந்தமிழ்த்திறம் வல்லிரோசெங்கண்
    அரவமுன்கையில் ஆடவே
    வந்துநிற்குமி தென்கொலோபலி
    மாற்றமாட்டோ ம் இடகிலோம்
    பைந்தண்மாமலர் உந்துசோலைகள்
    கந்தம்நாறும்பைஞ் ஞீலியீர்
    அந்திவானமும் மேனியோசொல்லும்
    ஆரணீய விடங்கரே. 7.36.4
    365 நீறுநுந்திரு மேனிநித்திலம்
    நீணெடுங்கண்ணி னாளொடுங்
    கூறராய்வந்து நிற்றிராற்கொணர்ந்
    திடுகிலோம்பலி நடமினோ
    பாறுவெண்டலை கையிலேந்திபைஞ்
    ஞீலியேனென்றீர் அடிகள்நீர்
    ஆறுதாங்கிய சடையரோசொல்லும்
    ஆரணீய விடங்கரே. 7.36.5
    366 குரவம்நாறிய குழலினார்வளை
    கொள்வதேதொழி லாகிநீர்
    இரவும்இம்மனை அறிதிரேயிங்கே
    நடந்துபோகவும் வல்லிரே
    பரவிநாடொறும் பாடுவார்வினை
    பற்றறுக்கும்பைஞ் ஞீலியீர்
    அரவம்ஆட்டவும் வல்லிரோசொல்லும்
    ஆரணீய விடங்கரே. 7.36.6
    367 ஏடுலாமலர்க் கொன்றைசூடுதிர்
    என்பெலாமணிந் தென்செய்வீர்
    காடுநும்பதி ஓடுகையது
    காதல்செய்பவர் பெறுவதென்
    பாடல்வண்டிசை யாலுஞ்சோலைப்பைஞ்
    ஞீலியேனென்று நிற்றிரால்
    ஆடல்பாடலும் வல்லிரோசொல்லும்
    ஆரணீய விடங்கரே. 7.36.7
    368 மத்தமாமலர் கொன்றைவன்னியுங்
    கங்கையாளொடு திங்களும்
    மொய்த்தவெண்டலை கொக்கிறகொடு
    வெள்ளெருக்கமுஞ் சடையதாம்
    பத்தர்சித்தர்கள் பாடியாடும்பைஞ்
    ஞீலியேன்என்று நிற்றிரால்
    அத்தியீருரி போர்த்திரோசொல்லும்
    ஆரணீய விடங்கரே. 7.36.8
    369 தக்கைதண்ணுமை தாளம்வீணை
    தகுணிச்சங்கிணை சல்லரி
    கொக்கரைகுட முழவினோடிசை
    கூடிப்பாடிநின் றாடுவீர்
    பக்கமேகுயில் பாடுஞ்சோலைப்பைஞ்
    ஞீலியேனென நிற்றிரால்
    அக்கும்ஆமையும் பூண்டிரோசொல்லும்
    ஆரணீய விடங்கரே. 7.36.9
    370 கையோர்பாம்பரை யார்த்தோர்பாம்பு
    கழுத்தோர்பாம்பவை பின்புதாழ்
    மெய்யெலாம்பொடிக் கொண்டுபூசுதிர்
    வேதமோதுதிர் கீதமும்
    பையவேவிடங் காகநின்றுபைஞ்
    ஞீலியேனென்றீர் அடிகள்நீர்
    ஐயம்ஏற்குமி தென்கொலோசொல்லும்
    ஆரணீய விடங்கரே. 7.36.10
    371 அன்னஞ்சேர்வயல் சூழ்பைஞ்ஞீலியில்
    ஆரணீய விடங்கரை
    மின்னும்நுண்ணிடை மங்கைமார்பலர்
    வேண்டிக்காதல் மொழிந்தசொல்
    மன்னுதொல்புகழ் நாவலூரன்வன்
    றொண்டன்வாய்மொழி பாடல்பத்
    துன்னிஇன்னிசை பாடுவார்உமை
    கேள்வன்சேவடி சேர்வரே. 7.36.11

    இத்தலம் சோழநாட்டிலுள்ளது.
    சுவாமிபெயர் - மெய்ஞ்ஞான நீலகண்டேசுவரர்,
    தேவியார் - விசாலாட்சியம்மை.

    திருச்சிற்றம்பலம்

    7.37 திருவாரூர்


    பண் - கொல்லி
    திருச்சிற்றம்பலம்

    372 குருகுபா யக்கொழுங் கரும்புகள் நெரிந்தசா
    றருகுபா யும்வயல் அந்தணா ரூரரைப்
    பருகுமா றும்பணிந் தேத்துமா றுந்நினைந்
    துருகுமா றும்மிவை உணர்த்தவல் லீர்களே. 7.37.1
    373 பறக்குமெங் கிள்ளைகாள் பாடுமெம் பூவைகாள்
    அறக்கண்என் னத்தகும் அடிகளா ரூரரை
    மறக்ககில் லாமையும் வளைகள்நில் லாமையும்
    உறக்கமில் லாமையும் உணர்த்தவல் லீர்களே. 7.37.2
    374 சூழுமோ டிச்சுழன் றுழலும்வெண் ணாரைகாள்
    ஆளும்அம் பொற்கழல் அடிகளா ரூரர்க்கு
    வாழுமா றும்வளை கழலுமா றும்மெனக்
    கூழுமா றும்மிவை உணர்த்தவல் லீர்களே. 7.37.3
    375 சக்கிரவா ளத்திளம் பேடைகாள் சேவல்காள்
    அக்கிரமங் கள்செயும் அடிகளா ரூரர்க்கு
    வக்கிரமில் லாமையும் வளைகள்நில் லாமையும்
    உக்கிரமில் லாமையும் உணர்த்தவல் லீர்களே. 7.37.4
    376 இலைகொள்சோ லைத்தலை இருக்கும்வெண் ணாரைகாள்
    அலைகொள்சூ லப்படை அடிகளா ரூரர்க்குக்
    கலைகள்சோர் கின்றதுங் கனவளை கழன்றதும்
    முலைகள்பீர் கொண்டதும் மொழியவல் லீர்களே. 7.37.5
    377 வண்டுகாள் கொண்டல்காள் வார்மணற் குருகுகாள்
    அண்டவா ணர்தொழும் அடிகளா ரூரரைக்
    கண்டவா றுங்காமத் தீக்கனன் றெரிந்துமெய்
    உண்டவா றும்மிவை உணர்த்தவல் லீர்களே. 7.37.6
    378 தேனலங் கொண்டதேன் வண்டுகாள் கொண்டல்காள்
    ஆனலங் கொண்டவெம் மடிகளா ரூரர்க்குப்
    பானலங் கொண்டவெம் பணைமுலை பயந்துபொன்
    ஊனலங் கொண்டதும் உணர்த்தவல் லீர்களே. 7.37.7
    379 சுற்றுமுற் றுஞ்சுழன் றுழலும்வெண் நாரைகாள்
    அற்றமுற் றப்பகர்ந் தடிகளா ரூரர்க்குப்
    பற்றுமற் றின்மையும் பாடுமற் றின்மையும்
    உற்றுமற் றின்மையும் உணர்த்த வல்லீர்களே. 7.37.8
    380 குரவநா றக்குயில் வண்டினம் பாடநின்
    றரவமா டும்பொழில் அந்தணா ரூரரைப்
    பரவிநா டும்மதும் பாடிநா டும்மதும்
    உருகிநா டும்மதும் உணர்த்தவல் லீர்களே. 7.37.9
    381 கூடுமன் னப்பெடை காள்குயில் வண்டுகாள்
    ஆடும்அம் பொற்கழல் அடிகளா ரூரரைப்
    பாடுமா றும்பணிந் தேத்துமா றுங்கூடி
    ஊடுமா றும்மிவை உணர்த்தவல் லீர்களே. 7.37.10
    382 நித்தமா கந்நினைந் துள்ளமேத் தித்தொழும்
    அத்தன்அம் பொற்கழல் அடிகளா ரூரரைச்
    சித்தம்வைத் தபுகழ்ச் சிங்கடி யப்பன்மெய்ப்
    பத்தனூ ரன்சொன்ன பாடுமின் பத்தரே. 7.37.11

    திருச்சிற்றம்பலம்

    7.38 திருவதிகைத்திருவீரட்டானம்


    பண் - கொல்லிக்கௌவாணம்
    திருச்சிற்றம்பலம்

    383 தம்மானை அறியாத சாதியார் உளரே
    சடைமேற்கொள் பிறையானை விடைமேற்கொள் விகிர்தன்
    கைம்மாவின் உரியானைக் கரிகாட்டி லாடல்
    உடையானை விடையானைக் கறைகொண்ட கண்டத்
    தெம்மான்றன் அடிக்கொண்டென் முடிமேல்வைத் திடுமென்னும்
    ஆசையால் வாழ்கின்ற அறிவிலா நாயேன்
    எம்மானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.1
    384 முன்னேயெம் பெருமானை மறந்தென்கொல் மறவா
    தொழிந்தென்கொல் மறவாத சிந்தையால் வாழ்வேன்
    பொன்னேநன் மணியேவெண் முத்தேசெம் பவளக்
    குன்றமே ஈச஦னென் றுன்னையே புகழ்வேன்
    அன்னேயென் அத்தாவென் றமரரால் அமரப்
    படுவானை அதிகைமா நகருள்வாழ் பவனை
    என்னேயென் எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.2
    385 விரும்பினேற் கெனதுள்ளம் விடகிலா விதியே
    விண்ணவர்தம் பெருமானே மண்ணவர்நின் றேத்துங்
    கரும்பேயென் கட்டியென் றுள்ளத்தால் உள்கிக்
    காதல்சேர் மாதராள் கங்கையாள் நங்கை
    வரும்புனலுஞ் சடைக்கணிந்து வளராத பிறையும்
    வரியரவும் உடன்துயில வைத்தருளும் எந்தை
    இரும்புனல்வந் தெறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.3
    386 நாற்றானத் தொருவனை நானாய பரனை
    நள்ளாற்று நம்பியை வெள்ளாற்று விதியைக்
    காற்றானைத் தீயானைக் கடலானை மலையின்
    றலையானைக் கடுங்கலுழிக் கங்கைநீர் வெள்ள
    ஆற்றானைப் பிறையானை அம்மானை எம்மான்
    தம்மானை யாவர்க்கும் அறிவரிய செங்கண்
    ஏற்றானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.4
    387 சேந்தாய மலைமங்கை திருநிறமும் பரிவும்
    உடையானை அதிகைமா நகருள்வாழ் பவனைக்
    கூந்தல்தாழ் புனல்மங்கை குயிலன்ன மொழியாள்
    சடையிடையிற் கயலினங்கள் குதிகொள்ளக் குலாவி
    வாய்ந்தநீர் வரவுந்தி மராமரங்கள் வணக்கி
    மறிகடலை இடங்கொள்வான் மலையாரம் வாரி
    ஏந்துநீர் எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.5
    388 மைம்மான மணிநீல கண்டத்தெம் பெருமான்
    வல்லேனக் கொம்பணிந்த மாதவனை வானோர்
    தம்மானைத் தலைமகனைத் தண்மதியும் பாம்பும்
    தடுமாறுஞ் சடையானைத் தாழ்வரைக்கை வென்ற
    வெம்மான மதகரியின் உரியானை வேத
    விதியானை வெண்ணீறு சண்ணித்த மேனி
    எம்மானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.6
    389 வெய்தாய வினைக்கடலிற் றடுமாறும் உயிர்க்கு
    மிகஇரங்கி அருள்புரிந்து வீடுபே றாக்கம்
    பெய்தானைப் பிஞ்ஞகனை மைஞ்ஞவிலுங் கண்டத்
    தெண்டோ ளெம் பெருமானைப் பெண்பாகம் ஒருபாற்
    செய்தானைச் செக்கர்வான் ஒளியானைத் தீவாய்
    அரவாடு சடையானைத் திரிபுரங்கள் வேவ
    எய்தானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.7
    390 பொன்னானை மயிலூர்தி முருகவேள் தாதை
    பொடியாடு திருமேனி நெடுமாறன் முடிமேல்
    தென்னானைக் குடபாலின் வடபாலின் குணபாற்
    சேராத சிந்தையான் செக்கர்வான் அந்தி
    அன்னானை அமரர்கள்தம் பெருமானைக் கருமானின்
    உரியானை அதிகைமா நகருள்வாழ் பவனை
    என்னானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.8
    391 திருந்தாத வாளவுணர் புரமூன்றும் வேவச்
    சிலைவளைவித் தொருகணையாற் றொழில்பூண்ட சிவனைக்
    கருந்தாள மதகளிற்றின் உரியானைப் பெரிய
    கண்மூன்றும் உடையானைக் கருதாத அரக்கன்
    பெருந்தோள்கள் நாலைந்தும் ஈரைந்து முடியும்
    உடையானைப் பேயுருவ மூன்றுமுற மலைமேல்
    இருந்தானை எறிகெடில வடவீரட் டானத்
    துறைவானை இறைபோது மிகழ்வன்போ லியானே. 7.38.9
    392 என்பினையே கலனாக அணிந்தானை எங்கள்
    எருதேறும் பெருமானை இசைஞானி சிறுவன்
    வன்பனைய வளர்பொழில்சூழ் வயல்நாவ லூர்க்கோன்
    வன்றொண்டன் ஆரூரன் மதியாது சொன்ன
    அன்பனை யாவர்க்கும் அறிவரிய அத்தர்
    பெருமானை அதிகைமா நகருள்வாழ் பவனை
    என்பொன்னை எறிகெடில வடவீரட் டானத்
    துறைவானை இறைபோதும் இகழ்வன்போ லியானே. 7.38.10

    இத்தலம் நடுநாட்டிலுள்ளது.
    சுவாமிபெயர் - வீரட்டானேசுவரர், தேவியார் - திருவதிகைநாயகி.

    திருச்சிற்றம்பலம்

    7.39 திருத்தொண்டத்தொகை


    பண் - கொல்லிக்கௌவாணம்
    திருச்சிற்றம்பலம்

    393 தில்லைவாழ் அந்தணர்தம் அடியார்க்கும் அடியேன்
    திருநீல கண்டத்துக் குயவனார்க் கடியேன்
    இல்லையே என்னாத இயற்பகைக்கும் அடியேன்
    இளையான்றன் குடிமாறன் அடியார்க்கும் அடியேன்
    வெல்லுமா மிகவல்ல மெய்ப்பொருளுக் கடியேன்
    விரிபொழில்சூழ் குன்றையார் விறன்மிண்டர்க் கடியேன்
    அல்லிமென் முல்லையந்தார் அமர்நீதிக் கடியேன்
    ஆரூரன் ஆரூரில் அம்மானுக் காளே. 7.39.1
    394 இலைமலிந்த வேல்நம்பி எறிபத்தர்க் கடியேன்
    ஏனாதி நாதன்றன் அடியார்க்கும் அடியேன்
    கலைமலிந்த சீர்நம்பி கண்ணப்பர்க் கடியேன்
    கடவூரிற் கலயன்றன் அடியார்க்கும் அடியேன்
    மலைமலிந்த தோள்வள்ளல் மானக்கஞ் சாறன்
    எஞ்சாத வாட்டாயன் அடியார்க்கும் அடியேன்
    அலைமலிந்த புனல்மங்கை ஆனாயர்க் கடியேன்
    ஆரூரன் ஆரூரில் அம்மானுக் காளே. 7.39.2
    395 மும்மையால் உலகாண்ட மூர்த்திக்கும் அடியேன்
    முருகனுக்கும் உருத்திர பசுபதிக்கும் அடியேன்
    செம்மையே திருநாளைப் போவார்க்கும் அடியேன்
    திருக்குறிப்புத் தொண்டர்தம் அடியார்க்கும் அடியேன்
    மெய்ம்மையே திருமேனி வழிபடா நிற்க
    வெகுண்டெழுந்த தாதைதாள் மழுவினால் எறிந்த
    அம்மையான் அடிச்சண்டிப் பெருமானுக் கடியேன்
    ஆரூரான் ஆரூரில் அம்மானுக் காளே.

    விபூதி, ருத்திராட்சம், சடைமுடி இவைகளுடன் அரசு
    செய்தமையால் மும்மையால் உலகாண்ட மூர்த்தியென்றது. 7.39.3
    396 திருநின்ற செம்மையே செம்மையாக் கொண்ட
    திருநாவுக் கரையன்றன் அடியார்க்கும் அடியேன்
    பெருநம்பி குலச்சிறைதன் அடியார்க்கும் அடியேன்
    பெருமிழலைக் குறும்பர்க்கும் பேயார்க்கும் அடியேன்
    ஒருநம்பி அப்பூதி அடியார்க்கும் அடியேன்
    ஒலிபுனல்சூழ் சாத்தமங்கை நீலநக்கர்க் கடியேன்
    அருநம்பி நமிநந்தி அடியார்க்கும் அடியேன்
    ஆரூரன் ஆரூரில் அம்மானுக் காளே. 7.39.4
    397 வம்பறா வரிவண்டு மணம்நாற மலரும்
    மதுமலர்நற் கொன்றையான் அடியலாற் பேணா
    எம்பிரான் சம்பந்தன் அடியார்க்கும் அடியேன்
    ஏயர்கோன் கலிக்காமன் அடியார்க்கும் அடியேன்
    நம்பிரான் திருமூலன் அடியார்க்கும் அடியேன்
    நாட்டமிகு தண்டிக்கும் மூர்க்கர்க்கும் அடியேன்
    #அம்பரான் சோமாசி மாறனுக்கும் அடியேன்
    ஆரூரன் ஆரூரில் அம்மானுக் காளே.

    பிறவி அந்தகராயிருந்து திருவாரூர்க் கமலாலயத்
    தீர்த்தத்தில் மூழ்கியெழுந்திருக்கும்போது சுவாமி
    யினுடைய திருவருளால் நாட்டம் விளங்கப்பெற்றவ
    ரென்பது தோன்ற நாட்டமிகு தண்டிக்கும்
    என்றருளிச்செய்தது.

    #அம்பரான் சோமாசி - திருஅம்பர் என்னுந் தலத்தில் வாழ்பவர். 7.39.1
    398 வார்கொண்ட வனமுலையாள் உமைபங்கன் கழலே
    மறவாது கல்லெறிந்த சாக்கியர்க்கும் அடியேன்
    சீர்கொண்ட புகழ்வள்ளல் சிறப்புலிக்கும் அடியேன்
    செங்காட்டங் குடிமேய சிறுத்தொண்டர்க் கடியேன்
    கார்கொண்ட கொடைக்கழறிற் றறிவார்க்கும் அடியேன்
    கடற்காழிக் கணநாதன் அடியார்க்கும் அடியேன்
    ஆர்கொண்ட வேற்கூற்றன் களந்தைக்கோன் அடியேன்
    ஆரூரன் ஆரூரில் அம்மானுக் காளே.

    கழறிற்றறிவார் - சேரமானாயனார். 7.39.6
    399 பொய்யடிமை யில்லாத புலவர்க்கும் அடியேன்
    பொழிற்கருவூர்த் துஞ்சிய புகழ்ச்சோழர்க் கடியேன்
    மெய்யடியான் நரசிங்க முனையரையர்க் கடியேன்
    விரிதிரைசூழ் கடல்நாகை அதிபத்தர்க் கடியேன்
    கைதடிந்த வரிசிலையான் கலிக்கம்பன் கலியன்
    கழற்சத்தி வரிஞ்சையர்கோன் அடியார்க்கும் அடியேன்
    ஐயடிகள் காடவர்கோன் அடியார்க்கும் அடியேன்
    ஆரூரன் ஆரூரில் அம்மானுக் காளே.

    சத்திவரிஞ்சையர்கோன் என்பதை வரிஞ்சையூர்ச்
    சத்தியாரென மாற்றுக. 7.39.7
    400 கறைக்கண்டன் கழலடியே காப்புக்கொண் டிருந்த
    கணம்புல்ல நம்பிக்குங் காரிக்கும் அடியேன்
    நிறைக்கொண்ட சிந்தையான் நெல்வேலி வென்ற
    நின்றசீர் நெடுமாறன் அடியார்க்கும் அடியேன்
    துறைக்கொண்ட செம்பவளம் இருளகற்றுஞ் சோதித்
    தொன்மயிலை வாயிலான் அடியார்க்கும் அடியேன்
    அறைக்கொண்ட வேல்நம்பி முனையடுவார்க் கடியேன்
    ஆரூரன் ஆரூரில் அம்மானுக் காளே. 7.39.8
    401 கடல்சூழ்ந்த உலகெலாங் காக்கின்ற பெருமான்
    காடவர்கோன் கழற்சிங்கன் அடியார்க்கும் அடியேன்
    மடல்சூழ்ந்த தார்நம்பி இடங்கழிக்குந் தஞ்சை
    மன்னவனாம் செருத்துணைதன் அடியார்க்கும் அடியேன்
    புடைசூழ்ந்த புலியதள்மேல் அரவாட ஆடி
    பொன்னடிக்கே மனம்வைத்த புகழ்த்துணைக்கும் அடியேன்
    அடல்சூழ்ந்த வேல்நம்பி கோட்புலிக்கும் அடியேன்
    ஆரூரன் ஆரூரில் அம்மானுக் காளே. 7.39.9
    402 பத்தராய்ப் பணிவார்கள் எல்லார்க்கும் அடியேன்
    பரமனையே பாடுவார் அடியார்க்கும் அடியேன்
    சித்தத்தைச் சிவன்பாலே வைத்தார்க்கும் அடியேன்
    திருவாரூர்ப் பிறந்தார்கள் எல்லார்க்கும் அடியேன்
    முப்போதுந் திருமேனி தீண்டுவார்க் கடியேன்
    முழுநீறு பூசிய முனிவர்க்கும் அடியேன்
    அப்பாலும் அடிச்சார்ந்த அடியார்க்கும் அடியேன்
    ஆரூரன் ஆரூரில் அம்மானுக் காளே.

    இவர்கள் ஆதிசைவப்பிராமணர்கள் 7.39.10
    403 மன்னியசீர் மறைநாவன் நின்றவூர்ப் பூசல்
    வரிவளையாள் மானிக்கும் நேசனுக்கும் அடியேன்
    தென்னவனாய் உலகாண்ட செங்கணார்க் கடியேன்
    திருநீல கண்டத்துப் பாணனார்க் கடியேன்
    என்னவனாம் அரனடியே அடைந்திட்ட சடையன்
    இசைஞானி காதலன் திருநாவ லூர்க்கோன்
    அன்னவனாம் ஆரூரன் அடிமைகேட் டுவப்பார்
    ஆரூரில் அம்மானுக் கன்ப ராவாரே. 7.39.11

    இது சுந்தரமூர்த்திசுவாமிகள் திருவாரூர்ப் பரவை நாச்சியார்
    திருமாளிகையிலிருந்து வீதிவிடங்கப் பெருமானைத்
    தரிசுக்கும்பொருட்டு ஆலயத்துக்குள் எழுந்தருழும்போது
    தேவாசரியமண்டபத்தில் வீற்றிருக்குஞ் சிவனடியார்களை
    உள்ளத்தால் வணங்கி இவர்களுக்குநானடியேனாகும்படி
    பரமசிவம் எதிரில் தரிசனங்கொடுத்தருளித் தில்லைவாழ்
    பரமசிவம் எந்நாள் கிருபைசெய்யுமென்று செல்லுகையில்
    அந்தணர்தம் அடியார்க்கும் அடியேன் என்று முதலடி
    எடுத்துக்கொடுக்கப் பாடித் துதிசெய்த பதிகம்.

    திருச்சிற்றம்பலம்

    7.40 திருக்கானாட்டுமுள்ளூர்


    பண் - கொல்லிக்கௌவாணம்
    திருச்சிற்றம்பலம்

    404 வள்வாய மதிமிளிரும் வளர்சடையி னானை
    மறையவனை வாய்மொழியை வானவர்தங் கோனைப்
    புள்வாயைக் கீண்டுலகம் விழுங்கியுமிழ்ந் தானைப்
    பொன்னிறத்தின் முப்புரிநூல் நான்முகத்தி னானை
    முள்வாய மடல்தழுவி முடத்தாழை ஈன்று
    மொட்டலர்ந்து விரைநாறும் முருகுவிரி பொழில்சூழ்
    கள்வாய கருங்குவளை கண்வளருங் கழனிக்
    கானாட்டு முள்ளூரிற் கண்டுதொழு தேனே. 7.40.1
    405 ஒருமேக முகிலாகி ஒத்துலகந் தானாய்
    ஊர்வனவும் நிற்பனவும் ஊழிகளுந் தானாய்ப்
    பொருமேவு கடலாகிப் பூதங்கள் ஐந்தாய்ப்
    புனைந்தவனைப் புண்ணியனைப் புரிசடையி னானைத்
    திருமேவு செல்வத்தார் தீமூன்றும் வளர்த்த
    திருத்தக்க அந்தணர்கள் ஓதுநக ரெங்குங்
    கருமேதி செந்தாம ரைமேயுங் கழனிக்
    கானாட்டு முள்ளூரிற் கண்டுதொழு தேனே. 7.40.2
    406 இரும்புயர்ந்த மூவிலைய சூலத்தி னானை
    இறையவனை மறையவனை எண்குணத்தி னானைச்
    சுரும்புயர்ந்த கொன்றையொடு தூமதியஞ் சூடுஞ்
    சடையானை விடையானைச் சோதியெனுஞ் சுடரை
    அரும்புயர்ந்த அரவிந்தத் தணிமலர்க ளேறி
    அன்னங்கள் விளையாடும் அகன்றுறையின் அருகே
    கரும்புயர்ந்து பெருஞ்செந்நெல் நெருங்கிவிளை கழனிக்
    கானாட்டு முள்ளூரிற் கண்டுதொழு தேனே. 7.40.3
    407 பூளைபுனை கொன்றையொடு புரிசடையி னானைப்
    புனலாகி அனலாகிப் பூதங்கள் ஐந்தாய்
    நாளைஇன்று நெருநலாய் ஆகாய மாகி
    ஞாயிறாய் மதியமாய் நின்றவெம் பரனைப்
    பாளைபடு பைங்கமுகின் சூழலிளந் தெங்கின்
    படுமதஞ்செய் கொழுந்தேறல் வாய்மடுத்துப் பருகிக்
    காளைவண்டு பாடமயில் ஆலும்வளர் சோலைக்
    கானாட்டு முள்ளூரிற் கண்டுதொழு தேனே. 7.40.4
    408 செருக்குவாய்ப் பைங்கண்வெள் ளரவரையி னானைத்
    தேவர்கள்சூ ளாமணியைச் செங்கண்விடை யானை
    முருக்குவாய் மலரொக்குந் திருமேனி யானை
    முன்னிலையாய் முழுதுலக மாயபெரு மானை
    இருக்குவாய் அந்தணர்கள் எழுபிறப்பு ளெங்கும்
    வேள்வியிருந் திருநிதியம் வழங்குநக ரெங்கும்
    கருக்குவாய்ப் பெண்ணையொடு தெங்குமலி சோலைக்
    கானாட்டு முள்ளூரிற் கண்டுதொழு தேனே. 7.40.5
    409 விடையரவக் கொடியேந்தும் விண்ணவர்தங் கோனை
    வெள்ளத்து மாலவனும் வேதமுத லானும்
    அடியிணையுந் திருமுடியுங் காணவரி தாய
    சங்கரனைத் தத்துவனைத் தையல்மட வார்கள்
    உடையவிழக் குழலவிழக் கோதைகுடைந் தாடக்
    குங்குமங்கள் உந்திவரு கொள்ளிடத்தின் கரைமேற்
    கடைகள்விடு வார்குவளை களைவாருங் கழனிக்
    கானாட்டு முள்ளூரிற் கண்டுதொழு தேனே. 7.40.6
    410 அருமணியை முத்தினை ஆனஞ்சும் ஆடும்
    அமரர்கள்தம் பெருமானை அருமறையின் பொருளைத்
    திருமணியைத் தீங்கரும்பின் ஊறலிருந் தேனைத்
    தெரிவரிய மாமணியைத் திகழ்தருசெம் பொன்னைக்
    குருமணிகள் கொழித்திழிந்து சுழித்திழியுந் திரைவாய்க்
    கோல்வளையார் குடைந்தாடுங் கொள்ளிடத்தின் கரைமேற்
    கருமணிகள் போல்நீலம் மலர்கின்ற கழனிக்
    கானாட்டு முள்ளூரிற் கண்டுதொழு தேனே. 7.40.7
    411 இழைதழுவு வெண்ணூலும் மேவுதிரு மார்பின்
    ஈசன்றன் எண்டோ ள்கள் வீசியெரி யாடக்
    குழைதழுவு திருக்காதிற் கோளரவ மசைத்துக்
    கோவணங்கொள் குழகனைக் குளிர்சடையி னானைத்
    தழைதழுவு தண்ணிறத்த செந்நெலதன் அயலே
    தடந்தரள மென்கரும்பின் தாழ்கிடங்கி னருகே
    கழைதழுவித் தேன்றொடுக்குங் கழனிசூழ் பழனக்
    கானாட்டு முள்ளூரிற் கண்டுதொழு தேனே. 7.40.8
    412 குனிவினிய கதிர்மதியஞ் சூடுசடை யானைக்
    குண்டலஞ்சேர் காதவனை வண்டினங்கள் பாடப்
    பனியுதிருஞ் சடையானைப் பால்வெண்ணீற் றானைப்
    பலவுருவுந் தன்னுருவே ஆயபெரு மானைத்
    துனிவினிய தூயமொழித் தொண்டைவாய் நல்லார்
    தூநீலங் கண்வளருஞ் சூழ்கிடங்கி னருகே
    கனிவினிய கதலிவனந் தழுவுபொழிற் சோலைக்
    கானாட்டு முள்ளூரிற் கண்டுதொழு தேனே. 7.40.9
    413 தேவியம்பொன் மலைக்கோமன் றன்பாவை யாகத்
    தனதுருவம் ஒருபாகஞ் சேர்த்துவித்த பெருமான்
    மேவியவெந் நரகத்தில் அழுந்தாமை நமக்கு
    மெய்ந்நெறியைத் தான்காட்டும் வேதமுத லானைத்
    தூவிவாய் நாரையொடு குருகுபாய்ந் தார்ப்பத்
    துறைக்கெண்டை மிளிர்ந்துகயல் துள்ளிவிளை யாடக்
    காவிவாய் வண்டுபல பண்செய்யுங் கழனிக்
    கானாட்டு முள்ளூரிற் கண்டுதொழு தேனே. 7.40.10
    414 திரையினார் கடல்சூழ்ந்த தென்னிலங்கைக் கோனைச்
    செற்றவனைச் செஞ்சடைமேல் வெண்மதியி னானைக்
    கரையினார் புனல்தழுவு கொள்ளிடத்தின் கரைமேற்
    கானாட்டு முள்ளூரிற் கண்டுகழல் தொழுது
    உரையினார் மதயானை நாவலா ரூரன்
    உரிமையால் உரைசெய்த ஒண்டமிழ்கள் வல்லார்
    வரையினார் வகைஞாலம் ஆண்டவர்க்குந் தாம்போய்
    வானவர்க்குந் தலைவராய் நிற்பரவர் தாமே. 7.40.11

    இத்தலம் சோழநாட்டிலுள்ளது.
    சுவாமிபெயர் - பதஞ்சலியீசுவரர், தேவியார் - கானார்குழலம்மை.

    திருச்சிற்றம்பலம்

    7.41 திருக்கச்சூர் ஆலக்கோயில்


    பண் - கொல்லிக்கௌவாணம்
    திருச்சிற்றம்பலம்

    415 முதுவாய் ஓரி கதற முதுகாட்
    டெரிகொண் டாடல் முயல்வானே
    மதுவார் கொன்றைப் புதுவீ சூடும்
    மலையான் மகள்தன் மணவாளா
    கதுவாய்த் தலையிற் பலிநீ கொள்ளக்
    கண்டால் அடியார் கவலாரே
    அதுவே ஆமா றிதுவோ கச்சூர்
    ஆலக் கோயில் அம்மானே. 7.41.1
    416 கச்சேர் அரவொன் றரையில் அசைத்துக்
    கழலுஞ்சிலம்புங் கலிக்கப் பலிக்கென்
    றுச்சம் போதா ஊரூர் திரியக்
    கண்டால் அடியார் உருகாரே
    இச்சை அறியோம் எங்கள் பெருமான்
    ஏழேழ் பிறப்பும் எனையாள்வாய்
    அச்சம் இல்லாக் கச்சூர் வடபால்
    ஆலக் கோயில் அம்மானே. 7.41.2
    417 சாலக் கோயில் உளநின் கோயில்
    அவையென் றலைமேற் கொண்டாடி
    மாலைத் தீர்ந்தேன் வினையுந் துரந்தேன்
    வானோர் அறியா நெறியானே
    கோலக் கோயில் குறையாக் கோயில்
    குளிர்பூங் கச்சூர் வடபாலை
    ஆலக் கோயிற் கல்லால் நிழற்கீழ்
    அறங்கட் டுரைத்த அம்மானே. 7.41.3
    418 விடையுங் கொடியுஞ் சடையும் உடையாய்
    மின்னேர் உருவத் தொளியானே
    கடையும் புடைசூழ் மணிமண் டபமுங்
    கன்னி மாடங் கலந்தெங்கும்
    புடையும் பொழிலும் புனலுந் தழுவிப்
    பூமேல் திருமா மகள்புல்கி
    அடையுங் கழனிப் பழனக் கச்சூர்
    ஆலக் கோயில் அம்மானே. 7.41.4
    419 மேலை விதியே வினையின் பயனே
    விரவார் புரமூன் றெரிசெய்தாய்
    காலை யெழுந்து தொழுவார் தங்கள்
    கவலை களைவாய் கறைக்கண்டா
    மாலை மதியே மலைமேல் மருந்தே
    மறவேன் அடியேன் வயல் சூழ்ந்த
    ஆலைக் கழனிப் பழனக் கச்சூர்
    ஆலக் கோயில் அம்மானே. 7.415
    420 பிறவாய் இறவாய் பேணாய் மூவாய்
    பெற்ற மேறிப் பேய்சூழ்தல்
    துறவாய் மறவாய் சுடுகா டென்றும்
    இடமாக் கொண்டு நடமாடி
    ஒறுவாய்த் தலையிற் பலிநீ கொள்ளக்
    கண்டால் அடியார் உருகாரே
    அறவே ஒழியாய் கச்சூர் வடபால்
    ஆலக் கோயில் அம்மானே. 7.41.6
    421 பொய்யே உன்னைப் புகழ்வார் புகழ்ந்தால்
    அதுவும் பொருளாக் கொள்வானே
    மெய்யே எங்கள் பெருமான் உன்னை
    நினைவார் அவரை நினைகண்டாய்
    மையார் தடங்கண் மங்கை பங்கா
    கங்கார் மதியஞ் சடைவைத்த
    ஐயா செய்யாய் வெளியாய் கச்சூர்
    ஆலக் கோயில் அம்மானே. 7.41.7
    422 ஊனைப் பெருக்கி உன்னை நினையா
    தொழிந்தேன் செடியேன் உணர்வில்லேன்
    கானக் கொன்றை கமழ மலருங்
    கடிநா றுடையாய் கச்சூராய்
    மானைப் புரையும் மடமென் னோக்கி
    மடவா ளஞ்ச மறைத்திட்ட
    ஆனைத் தோலாய் ஞானக் கண்ணாய்
    ஆலக் கோயில் அம்மானே. 7.41.8
    423 காதல் செய்து களித்துப் பிதற்றிக்
    கடிமா மலரிட் டுனையேத்தி
    ஆதல் செய்யும் அடியார் இருக்க
    ஐயங் கொள்வ தழகிதே
    ஓதக் கண்டேன் உன்னை மறவேன்
    உமையாள் கணவா எனையாள்வாய்
    ஆதற் பழனக் கழனிக் கச்சூர்
    ஆலக் கோயில் அம்மானே. 7.41.9
    424 அன்னம் மன்னும் வயல்சூழ் கச்சூர்
    ஆலக் கோயில் அம்மானை
    உன்ன முன்னும் மனத்தா ரூரன்
    ஆரூ ரன்பேர் முடிவைத்த
    மன்னு புலவன் வயல்நா வலர்கோன்
    செஞ்சொல் நாவன் வன்றொண்டன்
    பன்னு தமிழ்நூல் மாலை வல்லார்
    அவரெந் தலைமேற் பயில்வாரே. 7.41.10

    இந்தத் தலத்தில் பரமசிவம் அக்கிராகாரத்தில் அன்னம் பிட்சை
    வாங்கி வந்தளிக்க அருந்திப் பசிதீர்ந்து துதிசெய்த பதிகம்.
    இத்தலம் தொண்டைநாட்டிலுள்ளது.
    சுவாமிபெயர் - தினம்விருந்திட்டநாதர், தேவியார் - கன்னியுமையம்மை.

    திருச்சிற்றம்பலம்

    7.42 திருவெஞ்சமாக்கூடல்


    பண் - கொல்லிக்கௌவாணம்
    திருச்சிற்றம்பலம்

    425 எறிக்குங் கதிர்வே யுதிர்முத் தமொடு
    மிலவங்கந் தக்கோலம் இஞ்சி
    செறிக்கும் புனலுட் பெய்துகொண்டு மண்டித்
    திளைத்தெற்று சிற்றாறதன் கீழ்க்கரைமேல்
    முறிக்குந் தழைமா முடப்புன்னை ஞாழல்
    குருக்கத்திகள் மேற்குயில் கூவலறா
    வெறிக்குங் கலைமா வெஞ்சமாக் கூடல்
    விகிர்தா அடியேனையும் வேண்டுதியே. 7.42.1
    426 குளங்கள் பலவுங் குழியுந் நிறையக்
    குடமாமணி சந்தனமும் அகிலுந்
    துளங்கும் புனலுட் பெய்துகொண்டு மண்டித்
    திளைத்தெற்று சிற்றாறதன் கீழ்க்கரைமேல்
    வளங்கொள் மதில்மா ளிகைகோ புரமும்
    மணிமண்டபமும் இவைமஞ்சு தன்னுள்
    விளங்கும் மதிதோய் வெஞ்சமாக் கூடல்
    விகிர்தா அடியேனையும் வேண்டுதியே. 7.42.2
    427 வரைமான் அனையார் மயிற்சாயல் நல்லார்
    வடிவேற்கண் நல்லார்பலர் வந்திறைஞ்சத்
    திரையார் புனலுட் பெய்துகொண்டு மண்டித்
    திளைத்தெற்று சிற்றாறதன் கீழ்க்கரைமேல்
    நிரையார் கமுகும் நெடுந்தாட் டெங்குங்
    குறுந்தாட்பலவும் விரவிக் குளிரும்
    விரையார் பொழில்சூழ் வெஞ்சமாக் கூடல்
    விகிர்தா அடியேனையும் வேண்டுதியே. 7.42.3
    428 பண்ணேர் மொழியா ளையோர்பங் குடையாய்
    படுகாட்டகத் தென்றுமோர் பற்றொழியாய்
    தண்ணா ரகிலுந் நலசா மரையும்
    அலைத்தெற்று சிற்றாறதன் கீழ்க்கரைமேல்
    மண்ணார் முழவுங் குழலும் இயம்ப
    மடவார் நடமாடு மணியரங்கில்
    விண்ணார் மதிதோய் வெஞ்சமாக் கூடல்
    விகிர்தா அடியேனையும் வேண்டுதியே. 7.42.4
    429 துளைவெண் குழையுஞ் சுருள்வெண் டோ டுந்
    தூங்குங்காதிற் றுளங்கும் படியாய்
    களையே கமழும் மலர்க்கொன் றையினாய்
    கலந்தார்க்கருள் செய்திடுங் கற்பகமே
    பிளைவெண் பிறையாய் பிறங்குஞ் சடையாய்
    பிறவாதவனே பெறுதற் கரியாய்
    வெளைமால் விடையாய் வெஞ்சமாக் கூடல்
    விகிர்தா அடியேனையும் வேண்டுதியே. 7.42.5
    430 தொழுவார்க் கெளியாய் துயர்தீர நின்றாய்
    சுரும்பார் மலர்க்கொன்றை துன்றுஞ்சடையாய்
    உழுவார்க் கரிய விடையேறி ஒன்னார்
    புரந்தீயெழ ஓடுவித்தாய் அழகார்
    முழவா ரொலிபா டலோடா டலறா
    முதுகாடரங்கா நடமாட வல்லாய்
    விழவார் மறுகின் வெஞ்சமாக் கூடல்
    விகிர்தா அடியேனையும் வேண்டுதியே. 7.42.6
    431 கடமா களியா னையுரித் தவனே
    கரிகாடிடமா அனல்வீசி நின்று
    நடமா டவல்லாய் நரையே றுகந்தாய்
    நல்லாய் நறுங்கொன்றை நயந்தவனே
    படமா யிரமாம் பருத்துத்திப் பைங்கண்
    பகுவாய் எயிற்றோடழ லேஉமிழும்
    விடவார் அரவா வெஞ்சமாக் கூடல்
    விகிர்தா அடியேனையும் வேண்டுதியே. 7.42.7
    432 காடும் மலையுந் நாடு மிடறிக்
    கதிர்மாமணி சந்தனமும் அகிலுஞ்
    சேட னுறையும் மிடந்தான் விரும்பி
    திளைத்தெற்று சிற்றாறதன் கீழ்க்கரைமேற்
    பாடல் முழவுங் குழலு மியம்பப்
    பணைத்தோளியர் பாடலோ டாடலறா
    வேடர் விரும்பும் வெஞ்சமாக் கூடல்
    விகிர்தா அடியேனையும் வேண்டுதியே. 7.42.8
    433 கொங்கார் மலர்க்கொன் றையந்தா ரவனே
    கொடுகொட்டி யோர்வீணை யுடையவனே
    பொங்கா டரவும் புனலுஞ் சடைமேற்
    பொதியும்புனிதா புனஞ்சூழ்ந் தழகார்
    துங்கார் புனலுட் பெய்துகொண்டு மண்டித்
    திளைத்தெற்று சிற்றாறதன் கீழ்க்கரைமேல்
    வெங்கார் வயல்சூழ் வெஞ்சமாக் கூடல்
    விகிர்தா அடியேனையும் வேண்டுதியே. 7.42.9
    434 வஞ்சிநுண் ணிடையார் மயிற்சாய லன்னார்
    வடிவேற்க ணல்லார்பலர் வந்திறைஞ்சும்
    வெஞ்சமாக் கூடல் விகிர்தா அடியேனையும்
    வேண்டுதி யேயென்று தான்விரும்பி
    வஞ்சியா தளிக்கும் வயல்நா வலர்கோன்
    வனப்பகையப்பன் வன்றொண்டன் சொன்ன
    செஞ்சொற்றமிழ் மாலைகள் பத்தும் வல்லார்
    சிவலோகத் திருப்பது திண்ணமன்றே. 7.42.10

    இத்தலம் கொங்குநாட்டிலுள்ளது.
    சுவாமிபெயர் - விகிர்தேசுவரர், தேவியார் - விகிர்தேசுவரி.

    திருச்சிற்றம்பலம்

    7.43 திருமுதுகுன்றம்


    பண் - கொல்லிக்கௌவாணம்
    திருச்சிற்றம்பலம்

    435 நஞ்சி யிடையின்று நாளை யென்றும்மை நச்சுவார்
    துஞ்சி யிட்டாற்பின்னைச் செய்வ தென்னடி கேள்சொலீர்
    பஞ்சி யிடப்புட்டில் கீறு மோபணி யீரருள்
    முஞ்சி யிடைச்சங்க மார்க்குஞ் சீர்முது குன்றரே. 7.43.1
    436 ஏரிக் கனகக் கமல மலரன்ன சேவடி
    ஊரித் தனையுந் திரிந்தக் காலவை நோங்கொலோ
    வாரிக் கட்சென்று வளைக்கப் பட்டு வருந்திப்போய்
    மூரிக் களிறு முழக்க றாமுது குன்றரே. 7.43.2
    437 தொண்டர்கள் பாட விண்ணோர்க ளேத்த உழிதர்வீர்
    பண்டகந் தோறும் பலிக்குச் செல்வது பான்மையே
    கண்டகர் வாளிகள் வில்லி கள்புறங் காக்குஞ்சீர்
    மொண்டகை வேள்வி முழக்க றாமுது குன்றரே. 7.43.3
    438 இளைப்பறி யீரிம்மை யேத்து வார்க்கம்மை செய்வதென்
    விளைப்பறி யாதவெங் கால னையுயிர் வீட்டினீர்
    அளைப்பிரி யாவர வல்கு லாளொடு கங்கைசேர்
    முளைப்பி றைச்சென் னிச்சடை முடிமுது குன்றரே. 7.43.4
    439 ஆடி அசைந்தடி யாரும் நீரும் அகந்தொறும்
    பாடிப் படைத்த பொருளெ லாமுமை யாளுக்கோ
    மாட மதிலணி கோபு ரம்மணி மண்டபம்
    மூடி முகில்தவழ் சோலை சூழ்முது குன்றரே. 7.43.5
    440 இழைவளர் நுண்ணிடை மங்கை யோடிடு காட்டிடைக்
    குழைவளர் காதுகள் மோத நின்று குனிப்பதே
    மழைவள ருந்நெடுங் கோட்டி டைமத யானைகள்
    முழைவளர் ஆளி முழக்க றாமுது குன்றரே. 7.43.6
    441 சென்றி லிடைச்செடி நாய்கு ரைக்கச்சே டிச்சிகள்
    மன்றி லிடைப்பலி தேரப் போவது வாழ்க்கையே
    குன்றி லிடைக்களி றாளி கொள்ளக் குறத்திகள்
    முன்றி லிடைப்பிடி கன்றி டும்முது குன்றரே. 7.43.7
    442 அந்தி திரிந்தடி யாரும் நீரும் அகந்தொறுஞ்
    சந்தி கள்தோறும் பலிக்குச் செல்வது தக்கதே
    மந்தி கடுவனுக் குண்பழம் நாடி மலைப்புறம்
    முந்தி யடிதொழ நின்ற சீர்முது குன்றரே. 7.43.8
    443 செட்டிநின் காதலி ஊர்கள் தோறும் அறஞ்செய
    அட்டு மின்சில் பலிக்கென் றகங்கடை நிற்பதே
    பட்டிவெள் ளேறுகந் தேறு வீர்பரி சென்கொலோ
    முட்டி யடிதொழ நின்ற சீர்முது குன்றரே. 7.43.9
    444 எத்திசை யுந்திரிந் தேற்றக் காற்பிற ரென்சொலார்
    பத்தியி னாலிடு வாரி டைப்பலி கொண்மினோ
    எத்திசை யுந்திரை யேற மோதிக் கரைகள்மேல்
    முத்திமுத் தாறு வலஞ்செ யும்முது குன்றரே. 7.43.10
    445 முத்திமுத் தாறு வலஞ்செ யும்முது குன்றரைப்
    பித்தனொப் பானடித் தொண்ட னூரன் பிதற்றிவை
    தத்துவ ஞானிக ளாயி னார்தடு மாற்றிலார்
    எத்தவத் தோர்களு மேத்து வார்க்கிடர் இல்லையே. 7.43.11

    இத்தலம் நடுநாட்டிலுள்ளது.
    சுவாமிபெயர் - பழமலைநாதர், தேவியார் - பெரியநாயகியம்மை.

    திருச்சிற்றம்பலம்

    7.44 முடிப்பதுகங்கை


    பண் - கொல்லிக்கௌவாணம்
    திருச்சிற்றம்பலம்

    446 முடிப்பது கங்கையுந் திங்களுஞ் செற்றது மூவெயில்
    நொடிப்பது மாத்திரை நீறெ ழக்கணை நூறினார்
    கடிப்பது மேறுமென் றஞ்சு வன்றிருக் கைகளாற்
    பிடிப்பது பாம்பன்றி இல்லை யோவெம் பிரானுக்கே. 7.44.1
    447 தூறன்றி ஆடரங் கில்லை யோசுட லைப்பொடி
    நீறன்றிச் சாந்தமற் றில்லை யோஇம வான்மகள்
    கூறன்றிக் கூறுவ தில்லை யோகொல்லைச் சில்லைவெள்
    ளேறன்றி ஏறுவ தில்லை யோவெம் பிரானுக்கே. 7.44.2
    448 தட்டெனுந் தட்டெனுந் தொண்டர் காள்தடு மாற்றத்தை
    ஒட்டெனும் ஒட்டெனும் மாநி லத்துயிர் கோறலைச்
    சிட்டன் திரிபுரஞ் சுட்ட தேவர்கள் தேவனை
    வெட்டெனப் பேசன்மின் தொண்டர் காளெம் பிரானையே. 7.44.3
    449 நரிதலை கவ்வநின் றோரி கூப்பிட நள்ளிருள்
    எரிதலைப் பேய்புடை சூழ ஆரிருள் காட்டிடைச்
    சிரிதலை மாலை சடைக்க ணிந்தவெஞ் செல்வனைப்
    பிரிதலைப் பேசன்மின் தொண்டர் காளெம் பிரானையே. 7.44.4
    450 வேயன தோளி மலைம களைவி ரும்பிய
    மாயமில் மாமலை நாட னாகிய மாண்பனை
    ஆயன சொல்லிநின் றார்கள் அல்லல் அறுக்கிலும்
    பேயனே பித்தனே என்ப ராலெம் பிரானையே. 7.44.5
    451 இறைவனென் றெம்பெரு மானை வானவ ரேத்தப்போய்த்
    துறையொன்றித் தூமல ரிட்ட டியிணை போற்றுவார்
    மறையன்றிப் பாடுவ தில்லை யோமல்கு வானிளம்
    பிறையன்றிச் சூடுவ தில்லை யோவெம் பிரானுக்கே. 7.44.6
    452 தாருந்தண் கொன்றையுங் கூவி ளந்தனி மத்தமும்
    ஆரும் அளவறி யாத ஆதியும் அந்தமும்
    ஊருமொன் றில்லை உலகெ லாமுகப் பார்தொழப்
    பேருமோ ராயிரம் என்ப ராலெம் பிரானுக்கே. 7.44.7
    453 அரியொடு பூமிசை யானும் ஆதியும் அறிகிலார்
    வரிதரு பாம்பொடு வன்னி திங்களும் மத்தமும்
    புரிதரு புன்சடை வைத்த எம்புனி தற்கினி
    எரியன்றி அங்கைக்கொன் றில்லை யோவெம் பிரானுக்கே. 7.44.8
    454 கரிய மனச்சமண் காடி யாடு கழுக்களால்
    எரிய வசவுணுந் தன்மை யோஇம வான்மகள்
    பெரிய மனந்தடு மாற வேண்டிப்பெம் மான்மதக்
    கரியின் உரியல்ல தில்லை யோவெம் பிரானுக்கே. 7.44.9
    455 காய்சின மால்விடை மாணிக் கத்தெங் கறைக்கண்டத்
    தீசனை ஊரனெட் டோ டி ரண்டுவி ரும்பிய
    ஆயின சீர்ப்பகை ஞானியப் பன்னடித் தொண்டன்றான்
    ஏசின பேசுமின் தொண்டர் காளெம் பிரானையே. 7.44.10

    திருச்சிற்றம்பலம்

    7.45 திருஆமாத்தூர்


    பண் - கொல்லிக்கௌவாணம்
    திருச்சிற்றம்பலம்

    456 காண்டனன் காண்டனன் காரிகை யாள்தன் கருத்தனாய்
    ஆண்டனன் ஆண்டனன் ஆமாத் தூரெம் அடிகட்காட்
    பூண்டனன் பூண்டனன் பொய்யன்று சொல்லுவன் கேண்மின்கள்
    மீண்டனன் மீண்டனன் வேதவித் தல்லா தவர்கட்கே. 7.45.1
    457 பாடுவன் பாடுவன் பார்ப்பதி தன்னடி பற்றிநான்
    தேடுவன் தேடுவன் திண்ணெனப் பற்றிச் செறிதர
    ஆடுவன் ஆடுவன் ஆமாத் தூரெம் அடிகளைக்
    கூடுவன் கூடுவன் குற்றம தற்றென் குறிப்பொடே. 7.45.2
    458 காய்ந்தவன் காய்ந்தவன் கண்ணழ லாலன்று காமனைப்
    பாய்ந்தவன் பாய்ந்தவன் பாதத்தி னாலன்று கூற்றத்தை
    ஆய்ந்தவன் ஆய்ந்தவன் ஆமாத் தூரெம் மடிகளார்
    ஏய்ந்தவன் ஏய்ந்தவன் எம்பி ராட்டியைப் பாகமே. 7.45.3
    459 ஓர்ந்தனன் ஓர்ந்தனன் உள்ளத்துள் ளேநின்ற ஒண்பொருள்
    சேர்ந்தனன் சேர்ந்தனன் சென்று திருவொற்றி யூர்புக்குச்
    சார்ந்தனன் சார்ந்தனன் சங்கிலி மென்றோள் தடமுலை
    ஆர்ந்தனன் ஆர்ந்தனன் ஆமாத் தூரையன் அருளதே. 7.45.4
    460 வென்றவன் வென்றவன் வேள்வியில் விண்ணவர் தங்களைச்
    சென்றவன் சென்றவன் சில்பலிக் கென்று தெருவிடை
    நின்றவன் நின்றவன் நீதி நிறைந்தவர் தங்கள்பால்
    அன்றவன் அன்றவன் செய்யருள் ஆமாத்தூர் ஐயனே. 7.45.5
    461 காண்டவன் காண்டவன் காண்டற் கரிய கடவுளாய்
    நீண்டவன் நீண்டவன் நாரணன் நான்முகன் நேடவே
    ஆண்டவன் ஆண்டவன் ஆமாத் தூரையும் எனையுமாட்
    பூண்டவன் பூண்டவன் மார்பிற் புரிநூல் புரளவே. 7.45.6
    462 எண்ணவன் எண்ணவன் ஏழுல கத்துயிர் தங்கட்குக்
    கண்ணவன் கண்ணவன் காண்டுமென் பாரவர் தங்கட்குப்
    பெண்ணவன் பெண்ணவன் மேனியோர் பாகமாம் பிஞ்ஞகன்
    அண்ணவன் அண்ணவன் ஆமாத் தூரெம் அடிகளே. 7.45.7
    463 பொன்னவன் பொன்னவன் பொன்னைத்தந் தென்னைப்போ கவிடா
    மின்னவன் மின்னவன் வேதத்தி னுட்பொரு ளாகிய
    அன்னவன் அன்னவன் ஆமாத்தூர் ஐயனை ஆர்வத்தால்
    என்னவன் என்னவன் என்மனத் தின்புற் றிருப்பனே. 7.45.8
    464 தேடுவன் தேடுவன் செம்மலர்ப் பாதங்கள் நாடொறும்
    நாடுவன் நாடுவன் நாபிக்கு மேலேயோர் நால்விரல்
    மாடுவன் மாடுவன் வன்கை பிடித்து மகிழ்ந்துளே
    ஆடுவன் ஆடுவன் ஆமாத் தூரெம் அடிகளே. 7.45.9
    465 உற்றனன் உற்றவர் தம்மை ஒழிந்துள்ளத் துளபொருள்
    பற்றினன் பற்றினன் பங்கயச் சேவடிக் கேசெல்ல
    அற்றனன் அற்றனன் ஆமாத்தூர் மேயானடி யார்கட்காட்
    பெற்றனன் பெற்றனன் பெயர்த்தும் பெயர்த்தும்பிற வாமைக்கே. 7.45.10
    466 ஐயனை அத்தனை ஆளுடை ஆமாத்தூர் அண்ணலை
    மெய்யனை மெய்யர்க்கு மெய்ப்பொரு ளான விமலனை
    மையனை மையணி கண்டனை வன்றொண்டன் ஊரன்சொல்
    பொய்யொன்று மின்றிப் புலம்புவார் பொற்கழல் சேர்வரே. 7.45.11

    இத்தலம் நடுநாட்டிலுள்ளது.
    சுவாமிபெயர் - அழகியநாதர், தேவியார் - அழகியநாயகியம்மை.

    திருச்சிற்றம்பலம்

    7.46 திருநாகைக்காரோணம்


    பண் - கொல்லிக்கௌவாணம்
    திருச்சிற்றம்பலம்

    467 பத்தூர்புக் கிரந்துண்டு பலபதிகம் பாடிப்
    பாவையரைக் கிறிபேசிப் படிறாடித் திரிவீர்
    செத்தார்தம் எலும்பணிந்து சேவேறித் திரிவீர்
    செல்வத்தை மறைத்துவைத்தீர் எனக்கொருநா ளிரங்கீர்
    முத்தாரம் இலங்கிமிளிர் மணிவயிரக் கோவை
    அவைபூணத் தந்தருளி மெய்க்கினிதா நாறுங்
    கத்தூரி கமழ்சாந்து பணித்தருள வேண்டும்
    கடல்நாகைக் காரோணம் மேவியிருந் தீரே. 7.46.1
    468 வேம்பினொடு தீங்கரும்பு விரவியெனைத் தீற்றி
    விருத்திநான் உமைவேண்டத் துருத்திபுக்கங் கிருந்தீர்
    பாம்பினொடு படர்சடைக ளவைகாட்டி வெருட்டிப்
    பகட்டநான் ஒட்டுவனோ பலகாலும் உழன்றேன்
    சேம்பினொடு செங்கழுநீர் தண்கிடங்கிற் றிகழுந்
    திருவாரூர் புக்கிருந்த தீவண்ணர் நீரே
    காம்பினொடு நேத்திரங்கள் பணித்தருள வேண்டுங்
    கடல்நாகைக் காரோணம் மேவியிருந் தீரே. 7.46.2
    469 பூண்பதோர் இளவாமை பொருவிடையொன் றேறிப்
    பொல்லாத வேடங்கொண் டெல்லாருங் காணப்
    பாண்பேசிப் படுதலையிற் பலிகொள்கை தவிரீர்
    பாம்பினொடு படர்சடைமேல் மதிவைத்த பண்பீர்
    வீண்பேசி மடவார்கை வெள்வளைகள் கொண்டால்
    வெற்பரையன் மடப்பாவை பொறுக்குமோ சொல்லீர்
    காண்பினிய மணிமாடம் நிறைந்த நெடுவீதிக்
    கடல்நாகைக் காரோணம் மேவியிருந் தீரே. 7.46.3
    470 விட்டதோர் சடைதாழ வீணைவிடங் காக
    வீதிவிடை யேறுவீர் வீணடிமை யுகந்தீர்
    துட்டரா யினபேய்கள் சூழநட மாடிச்
    சுந்தரராய்த் தூமதியஞ் சூடுவது சுவண்டே
    வட்டவார் குழல்மடவார் தம்மைமயல் செய்தல்
    மாதவமோ மாதிமையோ வாட்டமெலாந் தீரக்
    கட்டியெமக் கீவதுதான் எப்போது சொல்லீர்
    கடல்நாகைக் காரோணம் மேவியிருந் தீரே. 7.46.4
    471 மிண்டாடித் திரிதந்து வெறுப்பனவே செய்து
    வினைக்கேடு பலபேசி வேண்டியவா திரிவீர்
    தொண்டாடித் திரிவேனைத் தொழும்புதலைக் கேற்றுஞ்
    சுந்தரனே கந்தமுதல் ஆடையா பரணம்
    பண்டாரத் தேயெனக்குப் பணித்தருள வேண்டும்
    பண்டுதான் பிரமாணம் ஒன்றுண்டே நும்மைக்
    கண்டார்க்குங் காண்பரிதாய்க் கனலாகி நிமிர்ந்தீர்
    கடல்நாகைக் காரோணம் மேவியிருந் தீரே. 7.46.5
    472 இலவவிதழ் வாயுமையோ டெருதேறிப் பூதம்
    இசைபாட இடுபிச்சைக் கெச்சுச்சம் போது
    பலவகம்புக் குழிதர்வீர் பட்டோ டு சாந்தம்
    பணித்தருளா திருக்கின்ற பரிசென்ன படிறோ
    உலவுதிரைக் கடல்நஞ்சை அன்றமரர் வேண்ட
    உண்டருளிச் செய்ததுமக் கிருக்கொண்ணா திடவே
    கலவமயில் இயலவர்கள் நடமாடுஞ் செல்வக்
    கடல்நாகைக் காரோணம் மேவியிருந் தீரே. 7.46.6
    473 தூசுடைய அகலல்குல் தூமொழியாள் ஊடல்
    தொலையாத காலத்தோர் சொற்பாடாய் வந்து
    தேசுடைய இலங்கையர்கோன் வரையெடுக்க அடர்த்துத்
    திப்பியகீ தம்பாடத் தேரொடுவாள் கொடுத்தீர்
    நேசமுடை அடியவர்கள் வருந்தாமை அருந்த
    நிறைமறையோர் உறைவீழி மிழலைதனில் நித்தல்
    காசருளிச் செய்தீரின் றெனக்கருள வேண்டும்
    கடல்நாகைக் காரோணம் மேவியிருந் தீரே. 7.46.7
    474 மாற்றமேல் ஒன்றுரையீர் வாளாநீர் இருந்தீர்
    வாழ்விப்பன் எனஆண்டீர் வழியடியேன் உமக்கு
    ஆற்றவேற் றிருவுடையீர் நல்கூர்ந்தீ ரல்லீர்
    அணியாரூர் புகப்பெய்த அருநிதிய மதனில்
    தோற்றமிகு முக்கூற்றி லொருகூறு வேண்டுந்
    தாரீரேல் ஒருபொழுதும் அடியெடுக்க லொட்டேன்
    காற்றனைய கடும்பரிமா ஏறுவது வேண்டும்
    கடல்நாகைக் காரோணம் மேவியிருந் தீரே. 7.46.8
    475 மண்ணுலகும் விண்ணுலகும் உம்மதே ஆட்சி
    மலையரையன் பொற்பாவை சிறுவனையுந் தேறேன்
    எண்ணிலியுண் பெருவயிறன் கணபதியொன் றறியான்
    எம்பெருமான் இதுதகவோ இயம்பியருள் செய்வீர்
    திண்ணெனவென் உடல்விருத்தி தாரீரே யாகில்
    திருமேனி வருந்தவே வளைக்கின்றேன் நாளைக்
    கண்ணறையன் கொடும்பாடன் என்றுரைக்க வேண்டா
    கடல்நாகைக் காரோணம் மேவியிருந் தீரே. 7.46.9
    476 மறியேறு கரதலத்தீர் மாதிமையேல் உடையீர்
    மாநிதியந் தருவனென்று வல்லீராய் ஆண்டீர்
    கிறிபேசிக் கீழ்வேளூர் புக்கிருந்தீர் அடிகேள்
    கிறியும்மாற் படுவேனோ திருவாணை யுண்டேல்
    பொறிவிரவு நற்புகர்கொள் பொற்சுரிகை மேலோர்
    பொற்பூவும் பட்டிகையும் புரிந்தருள வேண்டும்
    கறிவிரவு நெய்சோறு முப்போதும் வேண்டும்
    கடல்நாகைக் காரோணம் மேவியிருந் தீரே. 7.46.10
    477 பண்மயத்த மொழிப்பரவை சங்கிலிக்கும் எனக்கும்
    பற்றாய பெருமானே மற்றாரை உடையேன்
    உண்மயத்த உமக்கடியேன் குறைதீர்க்க வேண்டும்
    ஒளிமுத்தம் பூணாரம் ஒண்பட்டும் பூவுங்
    கண்மயத்த கத்தூரி கமழ்சாந்தும் வேண்டுங்
    கடல்நாகைக் காரோணம் மேவியிருந் தீரென்
    றண்மயத்தால் அணிநாவ லாரூரன் சொன்ன
    அருந்தமிழ்கள் இவைவல்லார் அமருலகாள் பவரே. 7.46.11

    இத்தலம் சோழநாட்டிலுள்ளது.
    சுவாமிபெயர் - காயாரோகணேசுவரர், தேவியார் - நீலாயதாட்சியம்மை.

    திருச்சிற்றம்பலம்

    7.47 ஊர்த்தொகை


    பண் - பழம்பஞ்சுரம்
    திருச்சிற்றம்பலம்

    478 காட்டூர்க் கடலே கடம்பூர் மலையே கானப் பேரூராய்
    கோட்டூர்க் கொழுந்தே அழுந்தூ ரரசே கொழுநற் கொல்லேறே
    பாட்டூர் பலரும் பரவப் படுவாய் பனங்காட் டூரானே
    மாட்டூர் அறவா மறவா துன்னைப் பாடப் பணியாயே. 7.47.1
    479 கொங்கிற் குறும்பிற் குரக்குத் தளியாய் குழகா குற்றாலா
    மங்குற் றிரிவாய் வானோர் தலைவா வாய்மூர் மணவாளா
    சங்கக் குழையார் செவியா அழகா அவியா அனலேந்திக்
    கங்குற் புறங்காட் டாடீ அடியார் கவலை களையாயே. 7.47.2
    480 நிறைக்காட் டானே நெஞ்சத் தானே நின்றி யூரானே
    மிறைக்காட் டானே புனல்சேர் சடையாய் அனல்சேர் கையானே
    மறைக்காட் டானே திருமாந் துறையாய் மாகோ ணத்தானே
    இறைக்காட் டாயே எங்கட் குன்னை எம்மான் றம்மானே. 7.47.3
    481 ஆரூர் அத்தா ஐயாற் றமுதே அளப்பூர் அம்மானே
    காரூர் பொழில்கள் புடைசூழ் புறவிற் கருகா வூரானே
    பேரூர் உறைவாய் பட்டிப் பெருமான் பிறவா நெறியானே
    பாரூர் பலரும் பரவப் படுவாய் பாசூ ரம்மானே. 7.47.4
    482 மருகல் உறைவாய் மாகா ளத்தாய் மதியஞ் சடையானே
    அருகற் பிணிநின் னடியார் மேல அகல அருளாயே
    கருகற் குரலாய் வெண்ணிக் கரும்பே கானூர்க் கட்டியே
    பருகப் பணியாய் அடியார்க் குன்னைப் பவளப் படியானே. 7.47.5
    483 தாங்கூர் பிணிநின் னடியார் மேல அகல அருளாயே
    வேங்கூர் உறைவாய் விளமர் நகராய் விடையார் கொடியானே
    நாங்கூர் உறைவாய் தேங்கூர் நகராய் நல்லூர் நம்பானே
    பாங்கூர் பலிதேர் பரனே பரமா பழனப் பதியானே. 7.47.6
    484 தேனைக் காவல் கொண்டு விண்ட கொன்றைச் செழுந்தாராய்
    வானைக் காவல் கொண்டு நின்றார் அறியா நெறியானே
    ஆனைக் காவில் அரனே பரனே அண்ணா மலையானே
    ஊனைக் காவல் கைவிட் டுன்னை உகப்பார் உணர்வாரே. 7.47.7
    485 துருத்திச் சுடரே நெய்த்தா னத்தாய் சொல்லாய் கல்லாலா
    பருத்தி நியமத் துறைவாய் வெயிலாய்ப் பலவாய்க் காற்றானாய்
    திருத்தித் திருத்தி வந்தென் சிந்தை இடங்கொள் கயிலாயா
    அருத்தித் துன்னை அடைந்தார் வினைக ளகல அருளாயே. 7.47.8
    486 புலியூர்ச் சிற்றம் பலத்தாய் புகலூர்ப் போதா மூதூரா
    பொலிசேர் புரமூன் றெரியச் செற்ற புரிபுன் சடையானே
    வலிசேர் அரக்கன் தடக்கை ஐஞ்ஞான் கடர்த்த மதிசூடீ
    கலிசேர் புறவிற் கடவூ ராளீ காண அருளாயே. 7.47.9
    487 கைம்மா உரிவை யம்மான் காக்கும் பலவூர் கருத்துன்னி
    மைம்மாந் தடங்கண் மதுர மன்ன மொழியாள் மடச்சிங்கடி
    தம்மான் ஊரன் சடையன் சிறுவன் அடியன் றமிழ்மாலை
    செம்மாந் திருந்து திருவாய் திறப்பார் சிவலோ கத்தாரே. 7.47.10

    திருச்சிற்றம்பலம்

    7.48 திருப்பாண்டிக்கொடுமுடி


    பண் - பழம்பஞ்சுரம்
    திருச்சிற்றம்பலம்

    488 மற்றுப் பற்றெனக் கின்றி நின்றிருப்
    பாத மேமனம் பாவித்தேன்
    பெற்ற லும்பிறந் தேனி னிப்பிற
    வாத தன்மைவந் தெய்தினேன்
    கற்ற வர்தொழு தேத்துஞ் சீர்க்கறை
    யூரிற் பாண்டிக் கொடுமுடி
    நற்ற வாவுனை நான்ம றக்கினுஞ்
    சொல்லும் நாநமச்சி வாயவே. 7.48.1
    489 இட்ட னும்மடி யேத்து வார்இகழ்ந்
    திட்ட நாள்மறந் திட்டநாள்
    கெட்ட நாளிவை என்ற லாற்கரு
    தேன்கி ளர்புனற் காவிரி
    வட்ட வாசிகை கொண்ட டிதொழு
    தேத்து பாண்டிக் கொடுமுடி
    நட்ட வாவுனை நான்ம றக்கினுஞ்
    சொல்லும் நாநமச்சி வாயவே. 7.48.2
    490 ஓவு நாளுணர் வழியும் நாளுயிர்
    போகும் நாளுயர் பாடைமேல்
    காவு நாளிவை என்ற லாற்கரு
    தேன்கி ளர்புனற் காவிரிப்
    பாவு தண்புனல் வந்தி ழிபரஞ்
    சோதி பாண்டிக் கொடுமுடி
    நாவ லாஉனை நான்ம றக்கினுஞ்
    சொல்லும் நாநமச்சி வாயவே. 7.48.3
    491 எல்லை யில்புகழ் எம்பி ரானெந்தை
    தம்பி ரானென்பொன் மாமணி
    கல்லை யுந்தி வளம்பொ ழிந்திழி
    காவி ரியதன் வாய்க்கரை
    நல்ல வர்தொழு தேத்துஞ் சீர்க்கறை
    யூரிற் பாண்டிக் கொடுமுடி
    வல்ல வாவுனை நான்ம றக்கினுஞ்
    சொல்லும் நாநமச்சி வாயவே. 7.48.4
    492 அஞ்சி னார்க்கரண் ஆதி யென்றடி
    யேனும் நான்மிக அஞ்சினேன்
    அஞ்ச லென்றடித் தொண்ட னேற்கருள்
    நல்கி னாய்க்கழி கின்றதென்
    பஞ்சின் மெல்லடிப் பாவை மார்குடைந்
    தாடு பாண்டிக் கொடுமுடி
    நஞ்ச ணிகண்ட நான்ம றக்கினுஞ்
    சொல்லும் நாநமச்சி வாயவே. 7.48.5
    493 ஏடு வானிளந் திங்கள் சூடினை
    என்பின் கொல்புலித் தோலின்மேல்
    ஆடு பாம்பத ரைக்க சைத்த
    அழக னேயந்தண் காவிரிப்
    பாடு தண்புனல் வந்தி ழிபரஞ்
    சோதி பாண்டிக் கொடுமுடி
    சேட னேயுனை நான்ம றக்கினுஞ்
    சொல்லும் நாநமச்சி வாயவே. 7.48.6
    494 விரும்பி நின்மலர்ப் பாத மேநினைந்
    தேன்வி னைகளும் விண்டனன்
    நெருங்கி வண்பொழில் சூழ்ந்தெ ழில்பெற
    நின்ற காவிரிக் கோட்டிடைக்
    குரும்பை மென்முலைக் கோதை மார்குடைந்
    தாடு பாண்டிக் கொடுமுடி
    விரும்ப னேயுனை நான்ம றக்கினுஞ்
    சொல்லும் நாநமச்சி வாயவே. 7.48.7
    495 செம்பொ னேர்சடை யாய்தி ரிபுரந்
    தீயெ ழச்சிலை கோலினாய்
    வம்பு லாங்குழ லாளைப் பாகம
    மர்ந்து காவிரிக் கோட்டிடைக்
    கொம்பின் மேற்குயில் கூவ மாமயி
    லாடு பாண்டிக் கொடுமுடி
    நம்ப னேயுனை நான்ம றக்கினுஞ்
    சொல்லும் நாநமச்சி வாயவே. 7.48.8
    496 சார ணன்தந்தை எம்பி ரானெந்தை
    தம்பிரா னென்பொன்மா மணியென்று
    பேரெ ணாயிர கோடி தேவர்
    பிதற்றி நின்று பிரிகிலார்
    நார ணன்பிர மன்றொ ழுங்கறை
    யூரிற் பாண்டிக் கொடுமுடிக்
    கார ணாவுனை நான்ம றக்கினுஞ்
    சொல்லும் நாநமச்சி வாயவே. 7.48.9
    497 கோணி யபிறை சூடியைக் கறை
    யூரிற் பாண்டிக் கொடுமுடி
    பேணி யபெரு மானைப் பிஞ்ஞகப்
    பித்த னைப்பிறப் பில்லியைப்
    பாணு லாவரி வண்ட றைகொன்றைத்
    தார னைப்படப் பாம்பரை
    நாண னைத்தொண்டன் ஊரன் சொல்லிவை
    சொல்லு வார்க்கில்லை துன்பமே. 7.48.10

    இத்தலம் கொங்குநாட்டிலுள்ளது.
    சுவாமிபெயர் - கொடுமுடிநாதர், தேவியார் - பண்மொழியாளம்மை.

    திருச்சிற்றம்பலம்

    7.49 திருமுருகன்பூண்டி


    பண் - பழம்பஞ்சுரம்
    திருச்சிற்றம்பலம்

    498 கொடுகு வெஞ்சிலை வடுக வேடுவர்
    விரவ லாமை சொல்லித்
    திடுகு மொட்டெனக் குத்திக் கூறைகொண்
    டாற லைக்கு மிடம்
    முடுகு நாறிய வடுகர் வாழ்முருகன்
    பூண்டி மாநகர் வாய்
    இடுகு நுண்ணிடை மங்கை தன்னொடும்
    எத்துக்கிங் கிருந்தீரெம் பிரானீரே. 7.49.1
    499 வில்லைக் காட்டி வெருட்டி வேடுவர்
    விரவ லாமை சொல்லிக்
    கல்லி னாலெறிந் திட்டும் மோதியுங்
    கூறை கொள்ளு மிடம்
    முல்லைத் தாது மணங்கமழ் முருகன்
    பூண்டி மாநகர் வாய்
    எல்லைக் காப்பதொன் றில்லை யாகில்நீர்
    எத்துக்கிங் கிருந்தீரெம் பிரானீரே. 7.49.2
    500 பசுக்க ளேகொன்று தின்று பாவிகள்
    பாவ மொன் றறியார்
    உசிர்க்கொ லைபல நேர்ந்து நாடொறுங்
    கூறை கொள்ளு மிடம்
    முசுக்கள் போற்பல வேடர்வாழ் முருகன்
    பூண்டி மாநகர் வாய்
    இசுக்க ழியப் பயிக்கங் கொண்டுநீர்
    எத்துக்கிங் கிருந்தீரெம் பிரானீரே.

    உயிர் - உசிர் என மருவியது. 7.49.3
    501 பீறற் கூறை உடுத்தோர் பத்திரங்
    கட்டி வெட்டன ராய்ச்
    சூறைப் பங்கிய ராகி நாடொறுங்
    கூறை கொள்ளு மிடம்
    மோறை வேடுவர் கூடிவாழ் முருகன்
    பூண்டி மாநகர் வாய்
    ஏறு காலிற்ற தில்லை யாய்விடில்
    எத்துக்கிங் கிருந்தீரெம் பிரானீரே. 7.49.4
    502 தயங்கு தோலை உடுத்த சங்கரா
    சாம வேத மோதி
    மயங்கி ஊரிடு பிச்சை கொண்டுணும்
    மார்க்க மொன்றறி யீர்
    முயங்கு பூண்முலை மங்கையாளொடு முருகன்
    பூண்டி மாநகர் வாய்
    இயங்க வும்மிடுக் குடைய ராய்விடில்
    எத்துக்கிங் கிருந்தீரெம் பிரானீரே. 7.49.5
    503 விட்டி சைப்பன கொக்க ரைகொடு
    கொட்டி தத்த ளகங்
    கொட்டிப் பாடுமித் துந்து மியொடு
    குடமுழா நீர் மகிழ்வீர்
    மொட்ட லர்ந்து மணங்கமழ் முருகன்
    பூண்டி மாநகர் வாய்
    இட்ட பிச்சைகொண் டுண்ப தாகில்நீர்
    எத்துக்கிங் கிருந்தீரெம் பிரானீரே. 7.49.6
    504 வேதம் ஓதிவெண் ணீறு பூசிவெண்
    கோவணந் தற்ற யலே
    ஓதம் மேவிய ஒற்றி யூரையும்
    முத்தி நீர் மகிழ்வீர்
    மோதி வேடுவர் கூறைகொள்ளும் முருகன்
    பூண்டி மாநகர் வாய்
    ஏது காரணம் எது காவல்கொண்
    டெத்துக்கிங் கிருந்தீரெம் பிரானீரே. 7.49.7
    505 படவ ரவுநுண் ணேரி டைப்பணைத்
    தோள்வ ரிநெடுங் கண்
    மடவ ரல்லுமை நங்கை தன்னையோர்
    பாகம் வைத்து கந்தீர்
    முடவ ரல்லீர் இடரிலீர் முருகன்
    பூண்டி மாநகர் வாய்
    இடவ மேறியும் போவ தாகில்நீர்
    எத்துக்கிங் கிருந்தீரெம் பிரானீரே. 7.49.8
    506 சாந்த மாகவெண் ணீறு பூசிவெண்
    பற்ற லைக லனா
    வேய்ந்த வெண்பிறைக் கண்ணி தன்னையோர்
    பாகம் வைத்து கந்தீர்
    மோந்தை யோடு முழக்கறா முருகன்
    பூண்டி மாநகர் வாய்
    ஏந்து பூண்முலை மங்கை தன்னொடும்
    எத்துக்கிங் கிருந்தீரெம் பிரானீரே. 7.49.9
    507 முந்தி வானவர் தாந்தொழு முருகன்
    பூண்டி மாநகர் வாய்ப்
    பந்த ணைவிரற் பாவை தன்னையோர்
    பாகம் வைத்த வனைச்
    சிந்தை யிற்சிவ தொண்ட னூரன்
    உரைத்தன பத்துங் கொண்
    டெந்தம் மடிகளை ஏத்து வாரிடர்
    ஒன்றுந் தாமி லரே. 7.49.10

    கழறிற்றறிவாரென்னுஞ் சேரமான்பெருமானாயனார் கொடுத்த
    திரவியங்களை பரிசனங்கள் தலையில் எடுப்பித்துக்கொண்டு
    திருமுருகன்பூண்டிக்குச் சமீபத்தில் எழுந்தருளும்போது பரமசிவத்தின்
    கட்டளையினால் பூதங்கள் வேடுவர்களாகிவந்து அந்தப்பரிசனங்களை
    அடித்துப் பொருள்களைப் பறித்துப் போயின. அப்போது சுந்தரமூர்த்தி
    சுவாமிகள் இந்தப் பதிகமோதிப் பொருள்களைப் பெற்றுக்கொண்டது.

    இத்தலம் கொங்குநாட்டிலுள்ளது.
    சுவாமிபெயர் - ஆவுடைநாயகர்,
    தேவியார் - ஆவுடைநாயகியம்மை.

    திருச்சிற்றம்பலம்

    7.50 திருப்புனவாயில்


    பண் - பழம்பஞ்சுரம்
    திருச்சிற்றம்பலம்

    508 சித்தம் நீநினை என்னொடு சூளறும் வைகலும்
    மத்த யானையின் ஈருரி போர்த்த மணாளனூர்
    பத்தர் தாம்பலர் பாடிநின் றாடும் பழம்பதி
    பொத்தில் ஆந்தைகள் பாட்ட றாப்புன வாயிலே. 7.50.1
    509 கருது நீமனம் என்னொடு சூளறும் வைகலும்
    எருது மேற்கொளும் எம்பெரு மாற்கிட மாவது
    மருத வானவர் வைகும் இடம்மற வேடுவர்
    பொருது சாத்தொடு பூசல றாப்புன வாயிலே. 7.50.2
    510 தொக்கா யமனம் என்னொடு சூளறும் வைகலும்
    நக்கான் நமை யாளுடை யான்நவி லும்மிடம்
    அக்கோ டரவார்த் தபிரா னடிக் கன்பராய்ப்
    புக்கா ரவர் போற்றொழி யாப்புன வாயிலே. 7.50.3
    511 வற்கென் றிருத்திகண்டாய் மனமென்னொடு சூளறும் வைகலும்
    பொற்குன்றஞ் சேர்ந்ததோர் காக்கைபொன் னாமது வேபுகல்
    கற்குன்றுந் தூறுங் கடுவெளி யுங்கடற் கானல்வாய்ப்
    புற்கென்று தோன்றிடு மெம்பெரு மான்புன வாயிலே. 7.50.4
    512 நில்லாய் மனம் என்னொடு சூளறும் வைகலும்
    நல்லான் நமை யாளுடை யான்நவி லும்மிடம்
    வில்லாய்க் கணை வேட்டுவர் ஆட்ட வெகுண்டுபோய்ப்
    புல்வாய்க் கணம் புக்கொளிக் கும்புன வாயிலே. 7.50.5
    513 மறவல் நீமனம் என்னொடு சூளறும் வைகலும்
    உறவும் ஊழியு மாயபெம் மாற்கிட மாவது
    பிறவு கள்ளியின் நீள்கவட் டேறித்தன் பேடையைப்
    புறவங் கூப்பிடப் பொன்புனஞ் சூழ்புன வாயிலே. 7.50.6
    514 ஏசற்று நீநினை யென்னொடு சூளறும் வைகலும்
    பாசற் றவர் பாடிநின் றாடும் பழம்பதி
    தேசத் தடியவர் வந்திரு போதும் வணங்கிடப்
    பூசற் றுடிபூச லறாப் புன வாயிலே. 7.50.7
    515 கொள்ளி வாயின கூரெயிற் றேனங் கிழிக்கவே
    தெள்ளி மாமணி தீவிழிக் கும்மிடஞ் செந்தறை
    கள்ளி வற்றிப்புல் தீந்துவெங் கானங் கழிக்கவே
    புள்ளி மானினம் புக்கொளிக் கும்புன வாயிலே. 7.50.8
    516 எற்றே நினை என்னொடுஞ் சூளறும் வைகலும்
    மற்றேதும் வேண்டா வல்வினை யாயின மாய்ந்தறக்
    கற்றூறு கார்க் காட்டிடை மேய்ந்தகார்க் கோழிபோய்ப்
    புற்றேறிக் கூகூ எனஅழைக் கும்புன வாயிலே. 7.50.9
    517 பொடியாடு மேனியன் பொன்புனஞ் சூழ்புன வாயிலை
    அடியார் அடியன் நாவல வூரன் உரைத்தன
    மடியாது கற்றிவை யேத்தவல் லார்வினை மாய்ந்துபோய்க்
    குடியாகப் பாடிநின் றாடவல் லார்க்கில்லை குற்றமே. 7.50.10

    இத்தலம் பாண்டிநாட்டிலுள்ளது.
    சுவாமிபெயர் - பழம்பதிநாயகர்,
    தேவியார் - பரங்கருணைநாயகியம்மை.

    திருச்சிற்றம்பலம்

    சுந்தரமூர்த்திசுவாமிகள் அருளிச்செய்த
    தேவாரப்பதிகங்கள் ஏழாம் திருமுறை முதற் பகுதி முற்றும்.


    பாடல்கள் (518 - 1026)

    7.51 திருவாரூர்


    பண் - பழம்பஞ்சுரம்
    திருச்சிற்றம்பலம்

    518 பத்திமையும் அடிமையையுங்
    கைவிடுவான் பாவியேன்
    பொத்தினநோ யதுவிதனைப்
    பொருளறிந்தேன் போய்த்தொழுவேன்
    முத்தினைமா மணிதன்னை
    வயிரத்தை மூர்க்கனேன்
    எத்தனைநாட் பிரிந்திருக்கேன்
    என்னாரூர் இறைவனையே. 7.51.1
    519 ஐவணமாம் பகழியுடை
    அடல்மதனன் பொடியாகச்
    செவ்வணமாந் திருநயனம்
    விழிசெய்த சிவமூர்த்தி
    மையணவு கண்டத்து
    வளர்சடையெம் மாரமுதை
    எவ்வணம்நான் பிரிந்திருக்கேன்
    என்னாரூர் இறைவனையே. 7.51.2
    520 சங்கலக்குந் தடங்கடல்வாய்
    விடஞ்சுடவந் தமரர்தொழ
    அங்கலக்கண் தீர்த்துவிடம்
    உண்டுகந்த அம்மானை
    இங்கலக்கும் உடற்பிறந்த
    அறிவிலியேன் செறிவின்றி
    எங்குலக்கப் பிரிந்திருக்கேன்
    என்னாரூர் இறைவனையே. 7.51.3
    521 இங்ஙனம்வந் திடர்ப்பிறவிப்
    பிறந்தயர்வேன் அயராமே
    அங்ஙனம்வந் தெனையாண்ட
    அருமருந்தென் ஆரமுதை
    வெங்கனல்மா மேனியனை
    மான்மருவுங் கையானை
    எங்ஙனம்நான் பிரிந்திருக்கேன்
    என்னாரூர் இறைவனையே. 7.51.4
    522 செப்பரிய அயனொடுமால்
    சிந்தித்துந் தெரிவரிய
    அப்பெரிய திருவினையே
    அறியாதே அருவினையேன்
    ஒப்பரிய குணத்தானை
    இணையிலியை அணைவின்றி
    எப்பரிசு பிரிந்திருக்கேன்
    என்னாரூர் இறைவனையே. 7.51.5
    523 வன்னாகம் நாண்வரைவில்
    அங்கிகணை அரிபகழி
    தன்னாகம் உறவாங்கிப்
    புரமெரித்த தன்மையனை
    முன்னாக நினையாத
    மூர்க்கனேன் ஆக்கைசுமந்
    தென்னாகப் பிரிந்திருக்கேன்
    என்னாரூர் இறைவனையே. 7.51.6
    524 வன்சயமாய் அடியான்மேல்
    வருங்கூற்றின் உரங்கிழிய
    முன்சயமார் பாதத்தால்
    முனிந்துகந்த மூர்த்திதனை
    மின்செயும்வார் சடையானை
    விடையானை அடைவின்றி
    என்செயநான் பிரிந்திருக்கேன்
    என்னாரூர் இறைவனையே. 7.51.7
    525 முன்னெறிவா னவர்கூடித்
    தொழுதேத்தும் முழுமுதலை
    அந்நெறியை அமரர்தொழும்
    நாயகனை அடியார்கள்
    செந்நெறியைத் தேவர்குலக்
    கொழுந்தைமறந் திங்ஙனம்நான்
    என்னறிவான் பிரிந்திருக்கேன்
    என்னாரூர் இறைவனையே. 7.51.8
    526 கற்றுளவான் கனியாய
    கண்ணுதலைக் கருத்தார
    உற்றுளனாம் ஒருவனைமுன்
    இருவர்நினைந் தினிதேத்தப்
    பெற்றுளனாம் பெருமையனைப்
    பெரிதடியேன் கையகன்றிட்
    டெற்றுளனாய்ப் பிரிந்திருக்கேன்
    என்னாரூர் இறைவனையே. 7.51.9
    527 ஏழிசையாய் இசைப்பயனாய்
    இன்னமுதாய் என்னுடைய
    தோழனுமாய் யான்செய்யுந்
    துரிசுகளுக் குடனாகி
    மாழையொண்கண் பரவையைத்தந்
    தாண்டானை மதியில்லா
    ஏழையேன் பிரிந்திருக்கேன்
    என்னாரூர் இறைவனையே. 7.51.10
    528 வங்கமலி கடல்நஞ்சை
    வானவர்கள் தாமுய்ய
    நுங்கிஅமு தவர்க்கருளி
    நொய்யேனைப் பொருட்படுத்துச்
    சங்கிலியோ டெனைப்புணர்த்த
    தத்துவனைச் சழக்கனேன்
    எங்குலக்கப் பிரிந்திருக்கேன்
    என்னாரூர் இறைவனையே. 7.51.11
    529 பேரூரும் மதகரியின்
    உரியானைப் பெரியவர்தஞ்
    சீரூருந் திருவாரூர்ச்
    சிவனடியே திறம்விரும்பி
    ஆரூரன் அடித்தொண்டன்
    அடியன்சொல் அகலிடத்தில்
    ஊரூரன் இவைவல்லார்
    உலகவர்க்கு மேலாரே. 7.51.12

    இது திருவொற்றியூரிற் சங்கிலிநாச்சியாருடன்
    இருக்கும்போது வீதிவிடங்கப்பெருமானுடைய
    திருவோலக்கதரிசன ஞாபகம்வர ஓதியருளிய பதிகம்.

    திருச்சிற்றம்பலம்

    7.52 திருவாலங்காடு


    பண் - பழம்பஞ்சுரம்
    திருச்சிற்றம்பலம்

    530 முத்தா முத்தி தரவல்ல
    முகிழ்மென் முலையா ளுமைபங்கா
    சித்தா சித்தித் திறங்காட்டுஞ்
    சிவனே தேவர் சிங்கமே
    பத்தா பத்தர் பலர்போற்றும்
    பரமா பழைய னூர்மேய
    அத்தா ஆலங் காடாவுன்
    அடியார்க் கடியேன் ஆவேனே. 7.52.1
    531 பொய்யே செய்து புறம்புறமே
    திரிவேன் றன்னைப் போகாமே
    மெய்யே வந்திங் கெனையாண்ட
    மெய்யா மெய்யர் மெய்ப்பொருளே
    பையா டரவம் அரைக்கசைத்த
    பரமா பழைய னூர்மேய
    ஐயா ஆலங் காடாவுன்
    அடியார்க் கடியேன் ஆவேனே. 7.52.2
    532 தூண்டா விளக்கின் நற்சோதீ
    தொழுவார் தங்கள் துயர்தீர்ப்பாய்
    பூண்டாய் எலும்பைப் புரமூன்றும்
    பொடியாச் செற்ற புண்ணியனே
    பாண்டாழ் வினைக ளவைதீர்க்கும்
    பரமா பழைய னூர்மேய
    ஆண்டா ஆலங் காடாவுன்
    அடியார்க் கடியேன் ஆவேனே. 7.52.3
    533 மறிநேர் ஒண்கண் மடநல்லார்
    வலையிற் பட்டு மதிமயங்கி
    அறிவே அழிந்தே னையாநான்
    மையார் கண்ட முடையானே
    பறியா வினைக ளவைதீர்க்கும்
    பரமா பழைய னூர்மேய
    அறிவே ஆலங் காடாவுன்
    அடியார்க் கடியேன் ஆவேனே. 7.52.4
    534 வேலங் காடு தடங்கண்ணார்
    வலையுட் பட்டுன் நெறிமறந்து
    மாலங் காடி மறந்தொழிந்தேன்
    மணியே முத்தே மரகதமே
    பாலங் காடி நெய்யாடி
    படர்புன் சடையாய் பழையனூர்
    ஆலங் காடா உன்னுடைய
    அடியார்க் கடியேன் ஆவேனே. 7.52.5
    535 எண்ணார் தங்கள் எயிலெய்த
    எந்தாய் எந்தை பெருமானே
    கண்ணாய் உலகங் காக்கின்ற
    கருத்தா திருத்த லாகாதாய்
    பண்ணா ரிசைக ளவைகொண்டு
    பலரும் ஏத்தும் பழையனூர்
    அண்ணா ஆலங் காடாவுன்
    அடியார்க் கடியேன் ஆவேனே. 7.52.6
    536 வண்டார் குழலி உமைநங்கை
    பங்கா கங்கை மணவாளா
    விண்டார் புரங்க ளெரிசெய்த
    விடையாய் வேத நெறியானே
    பண்டாழ் வினைகள் பலதீர்க்கும்
    பரமா பழைய னூர்மேய
    அண்டா ஆலங் காடாவுன்
    அடியார்க் கடியேன் ஆவேனே. 7.52.7
    537 பேழ்வா யரவி னணையானும்
    பெரிய மலர்மே லுறைவானுந்
    தாழா துன்றன் சரண்பணியத்
    தழலாய் நின்ற தத்துவனே
    பாழாம் வினைக ளவைதீர்க்கும்
    பரமா பழையனூர் தன்னை
    ஆள்வாய் ஆலங் காடாவுன்
    அடியார்க் கடியேன் ஆவேனே. 7.52.8
    538 எம்மான் எந்தை மூத்தப்பன்
    ஏழேழ் படிகால் எமையாண்ட
    பெம்மான் ஈமப் புறங்காட்டிற்
    பேயோ டாடல் புரிவானே
    பன்மா மலர்க ளவைகொண்டு
    பலரும் ஏத்தும் பழையனூர்
    அம்மா ஆலங் காடாவுன்
    அடியார்க் கடியேன் ஆவேனே. 7.52.9
    539 பத்தர் சித்தர் பலரேத்தும்
    பரமன் பழைய னூர்மேய
    அத்தன் ஆலங் காடன்றன்
    அடிமைத் திறமே அன்பாகிச்
    சித்தர் சித்தம் வைத்தபுகழ்ச்
    சிறுவன் ஊரன் ஒண்டமிழ்கள்
    பத்தும் பாடி ஆடுவார்
    பரமன் அடியே பணிவாரே. 7.52.10

    இத்தலம் தொண்டைநாட்டிலுள்ளது.
    சுவாமிபெயர் - ஊர்த்துவதாண்டவேசுவரர், தேவியார் - வண்டார்குழலியம்மை.
    திருச்சிற்றம்பலம்

    7.53 திருக்கடவூர் மயானம்


    பண் - பழம்பஞ்சுரம்
    திருச்சிற்றம்பலம்

    540 மருவார் கொன்றை மதிசூடி
    மாணிக் கத்தின் மலைபோல
    வருவார் விடைமேல் மாதோடு
    மகிழ்ந்து பூதப் படைசூழத்
    திருமால் பிரமன் இந்திரற்குந்
    தேவர் நாகர் தானவர்க்கும்
    பெருமான் கடவூர் மயானத்துப்
    பெரிய பெருமா னடிகளே. 7.53.1
    541 விண்ணோர் தலைவர் வெண்புரிநூல்
    மார்பர் வேத கீதத்தர்
    கண்ணார் நுதலர் நகுதலையர்
    கால காலர் கடவூரர்
    எண்ணார் புரமூன் றெரிசெய்த
    இறைவ ருமையோ ரொருபாகம்
    பெண்ணா ணாவர் மயானத்துப்
    பெரிய பெருமா னடிகளே. 7.53.2
    542 காயும் புலியின் அதளுடையர்
    கண்டர் எண்டோ ட் கடவூரர்
    தாயுந் தந்தை பல்லுயிர்க்குந்
    தாமே யாய தலைவனார்
    பாயும் விடையொன் றதுவேறிப்
    பலிதேர்ந் துண்ணும் பரமேட்டி
    பேய்கள் வாழும் மயானத்துப்
    பெரிய பெருமா னடிகளே. 7.53.3
    543 நறைசேர் மலரைங் கணையானை
    நயனத் தீயாற் பொடிசெய்த
    இறையா ராவர் எல்லார்க்கும்
    இல்லை யென்னா தருள்செய்வார்
    பறையார் முழவம் பாட்டோ டு
    பயிலுந் தொண்டர் பயில்கடவூர்ப்
    பிறையார் சடையார் மயானத்துப்
    பெரிய பெருமா னடிகளே. 7.53.4
    544 கொத்தார் கொன்றை மதிசூடிக்
    கோள்நா கங்கள் பூணாக
    மத்த யானை உரிபோர்த்து
    மருப்பும் ஆமைத் தாலியார்
    பத்தி செய்து பாரிடங்கள்
    பாடி ஆடப் பலிகொள்ளும்
    பித்தர் கடவூர் மயானத்துப்
    பெரிய பெருமா னடிகளே. 7.53.5
    545 துணிவார் கீளுங் கோவணமுந்
    துதைந்து சுடலைப் பொடியணிந்து
    பணிமே லிட்ட பாசுபதர்
    பஞ்ச வடிமார் பினர்கடவூர்த்
    திணிவார் குழையார் புரமூன்றுந்
    தீவாய்ப் படுத்த சேவகனார்
    பிணிவார் சடையார் மயானத்துப்
    பெரிய பெருமா னடிகளே.
    பஞ்சவடியாவது மயிர்ப்பூணநூல். இது மாவிரதியரென்னும்
    உட்சமயத்தாரணிவது. மேலும் அவர்களணியுமணி எலும்பினாலாகிய
    மணிகள். இவற்றை மானக்கஞ்சாறநாயனார் புராணத்து 23-வது
    திருவிருத்தத்தானுமுணர்க. 7.53.6
    546 காரார் கடலின் நஞ்சுண்ட
    கண்டர் கடவூர் உறைவாணர்
    தேரார் அரக்கன் போய்வீழ்ந்து
    சிதைய விரலா லூன்றினார்
    ஊர்தான் ஆவ துலகேழும்
    உடையார்க் கொற்றி யூராரூர்
    பேரா யிரவர் மயானத்துப்
    பெரிய பெருமா னடிகளே. 7.53.7
    547 வாடா முலையாள் தன்னோடும்
    மகிழ்ந்து கானில் வேடுவனாய்க்
    கோடார் கேழற் பின்சென்று
    குறுகி விசயன் தவமழித்து
    நாடா வண்ணஞ் செருச்செய்து
    ஆவ நாழி நிலையருள்செய்
    பீடார் சடையார் மயானத்துப்
    பெரிய பெருமா னடிகளே. 7.53.8
    548 வேழம் உரிப்பர் மழுவாளர்
    வேள்வி அழிப்பர் சிரமறுப்பர்
    ஆழி அளிப்பர் அரிதனக்கன்
    றானஞ் சுகப்பர் அறமுரைப்பர்
    ஏழைத் தலைவர் கடவூரில்
    இறைவர் சிறுமான் மறிக்கையர்
    பேழைச் சடையர் மயானத்துப்
    பெரிய பெருமா னடிகளே. 7.53.9
    549 மாட மல்கு கடவூரில்
    மறையோ ரேத்தும் மயானத்துப்
    பீடை தீர அடியாருக்
    கருளும் பெருமா னடிகள்சீர்
    நாடி நாவ லாரூரன்
    நம்பி சொன்ன நற்றமிழ்கள்
    பாடு மடியார் கேட்பார்மேற்
    பாவ மான பறையுமே. 7.53.10

    இத்தலம் சோழநாட்டிலுள்ளது.
    சுவாமிபெயர் - பிரமபுரீசுவரர், தேவியார் - மலர்க்குழல்மின்னம்மை.
    திருச்சிற்றம்பலம்

    7.54 திருவொற்றியூர்


    பண் - தக்கேசி
    திருச்சிற்றம்பலம்

    550 அழுக்கு மெய்கொடுன் றிருவடி அடைந்தேன்
    அதுவும் நான்படப் பாலதொன் றானாற்
    பிழுக்கை வாரியும் பால்கொள்வர் அடிகேள்
    பிழைப்பன் ஆகிலுந் திருவடிப் பிழையேன்
    வழுக்கி வீழினுந் திருப்பெய ரல்லால்
    மற்று நான்அறி யேன்மறு மாற்றம்
    ஒழுக்க என்கணுக் கொருமருந் துரையாய்
    ஒற்றி யூரெனும் ஊருறை வானே. 7.54.1
    551 கட்ட னேன்பிறந் தேன்உனக் காளாய்
    காதற் சங்கிலி காரண மாக
    எட்டி னாற்றிக ழுந்திரு மூர்த்தி
    என்செய் வான்அடி யேன்எடுத் துரைக்கேன்
    பெட்ட னாகிலுந் திருவடிப் பிழையேன்
    பிழைப்ப னாகிலுந் திருவடிக் கடிமை
    ஒட்டி னேன்எனை நீசெய்வ தெல்லாம்
    ஒற்றி யூரெனும் ஊருறை வானே. 7.54.2
    552 கங்கை தங்கிய சடையுடைக் கரும்பே
    கட்டி யேபலர்க் குங்களை கண்ணே
    அங்கை நெல்லியின் பழத்திடை அமுதே
    அத்தா என்னிடர் ஆர்க்கெடுத் துரைக்கேன்
    சங்கும் இப்பியுஞ் சலஞ்சலம் முரல
    வயிரம் முத்தொடு பொன்மணி வரன்றி
    ஒங்கு மாகடல் ஓதம்வந் துலவும்
    ஒற்றி யூரெனும் ஊருறை வானே. 7.54.3
    553 ஈன்று கொண்டதோர் சுற்றமொன் றன்றா
    லியாவ ராகிலென் அன்புடை யார்கள்
    தோன்ற நின்றருள் செய்தளித் திட்டாற்
    சொல்லு வாரைஅல் லாதன சொல்லாய்
    மூன்று கண்ணுடை யாய்அடி யேன்கண்
    கொள்வ தேகணக் குவழக் காகில்
    ஊன்று கோல்எனக் காவதொன் றருளாய்
    ஒற்றி யூரெனும் ஊருறை வானே. 7.54.4
    554 வழித்த லைப்படு வான்முயல் கின்றேன்
    உன்னைப் போல்என்னைப் பாவிக்க மாட்டேன்
    சுழித்த லைப்பட்ட நீரது போலச்
    சுழல்கின் றேன்சுழல் கின்றதென் னுள்ளங்
    கழித்த லைப்பட்ட நாயது போல
    ஒருவன் கோல்பற்றிக் கறகற இழுக்கை
    ஒழித்து நீயரு ளாயின செய்யாய்
    ஒற்றி யூரெனும் ஊருறை வானே. 7.54.5
    555 மானை நோக்கியர் கண்வலைப் பட்டு
    வருந்தி யானுற்ற வல்வினைக் கஞ்சித்
    தேனை ஆடிய கொன்றையி னாய்உன்
    சீல முங்குண முஞ்சிந்தி யாதே
    நானும் இத்தனை வேண்டுவ தடியேன்
    உயிரொ டும்நர கத்தழுந் தாமை
    ஊனம் உள்ளன தீர்த்தருள் செய்யாய்
    ஒற்றி யூரெனும் ஊருறை வானே. 7.54.6
    556 மற்றுத் தேவரை நினைந்துனை மறவேன்
    எஞ்சி னாரொடு வாழவும் மாட்டேன்
    பெற்றி ருந்து பெறாதொழி கின்ற
    பேதை யேன்பிழைத் திட்டதை அறியேன்
    முற்றும் நீஎனை முனிந்திட அடியேன்
    கடவ தென்னுனை நான்மற வேனேல்
    உற்ற நோயுறு பிணிதவிர்த் தருளாய்
    ஒற்றி யூரெனும் ஊருறை வானே. 7.54.7
    557 கூடினாய் மலை மங்கையை நினையாய்
    கங்கை ஆயிர முகம்உடை யாளைச்
    சூடி னாயென்று சொல்லிய புக்கால்
    தொழும்ப னேனுக்குஞ் சொல்லலு மாமே
    வாடி நீயிருந் தென்செய்தி மனனே
    வருந்தி யானுற்ற வல்வினைக் கஞ்சி
    ஊடி னாலினி ஆவதொன் றுண்டே
    ஒற்றி யூரெனும் ஊருறை வானே. 7.54.8
    558 மகத்திற் புக்கதோர் சனிஎனக் கானாய்
    மைந்த னேமணி யேமண வாளா
    அகத்திற் பெண்டுகள் நானொன்று சொன்னால்
    அழையேற் போகுரு டாஎனத் தரியேன்
    முகத்திற் கண்ணிழந் தெங்ஙனம் வாழ்கேன்
    முக்க ணாமுறை யோமறை யோதீ
    உகைக்குந் தண்கடல் ஓதம்வந் துலவும்
    ஒற்றி யூரெனும் ஊருறை வானே. 7.54.9
    559 ஓதம் வந்துல வுங்கரை தன்மேல்
    ஒற்றி யூருறை செல்வனை நாளும்
    ஞாலந் தான்பர வப்படு கின்ற
    நான்ம றையங்கம் ஓதிய நாவன்
    சீலந் தான்பெரி தும்மிக வல்ல
    சிறுவன் வன்றொண்டன் ஊரன் உரைத்த
    பாடல் பத்திவை வல்லவர் தாம்போய்ப்
    பரகதி திண்ணம் நண்ணுவர் தாமே. 7.54.10

    இத்தலம் தொண்டைநாட்டிலுள்ளது.
    சுவாமிபெயர் - படம்பக்கநாதர் - மாணிக்கத்தியாகர்,
    தேவியார் - வடிவுடையம்மை.

    இது உன்னைப்பிரிந்துபோவதில்லையென்று சங்கிலி நாச்சியாருக்குச்
    சூளுரைசெய்து மணந்துமகிழ்ந் திருக்கையில் திருவாரூர்
    வீதிவிடங்கப்பெருமானுடய திருவோலக்கத் தரிசனஞ்செய்வதற்கின்றி
    நெடுநாள் பிரிந்திருக்கின்றோமேயென்னும் ஞாபகமுண்டாகப்
    பரமசிவத்தின் திருவிளையாட்டால் முன்கூறிய சூளுரையைமறந்து
    திருவொற்றியூரெல்லையைக் கடந்தவளவில் நேத்திரங்களுக்கு
    அபாவந்தோன்ற வருந்தித் துதிசெய்த பதிகம்.
    திருச்சிற்றம்பலம்

    7.55 திருப்புன்கூர்


    பண் - தக்கேசி
    திருச்சிற்றம்பலம்

    560 அந்த ணாளன்உன் அடைக்கலம் புகுத
    அவனைக் காப்பது காரண மாக
    வந்த காலன்றன் ஆருயி ரதனை
    வவ்வி னாய்க்குன்றன் வன்மைகண் டடியேன்
    எந்தை நீயெனை நமன்றமர் நலியின்
    இவன்மற் றென்னடி யானென விலக்குஞ்
    சிந்தை யால்வந்துன் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.1
    561 வைய கமுற்றும் மாமழை மறந்து
    வயலில் நீரிலை மாநிலந் தருகோம்
    உய்யக் கொள்கமற் றெங்களை என்ன
    ஒலிகொள் வெண்முகி லாய்ப்பரந் தெங்கும்
    பெய்யும் மாமழைப் பெருவெள்ளந் தவிர்த்துப்
    பெயர்த்தும் பன்னிரு வேலிகொண் டருளுஞ்
    செய்கை கண்டுநின் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.2
    562 ஏத நன்னிலம் ஈரறு வேலி
    ஏயர் கோனுற்ற இரும்பிணி தவிர்த்துக்
    கோத னங்களின் பால்கறந் தாட்டக்
    கோல வெண்மணற் சிவன்றன்மேற் சென்ற
    தாதை தாளற எறிந்ததண் டிக்குன்
    சடைமி சைமலர் அருள்செயக் கண்டு
    பூத ஆளிநின் பொன்னடி அடைந்தேன்
    பூம்பொ ழிற்றிருப் புன்கூர் உளானே. 7.55.3
    563 நற்ற மிழ்வல்ல ஞானசம் பந்தன்
    நாவினுக் கரையன் நாளைப்போ வானுங்
    கற்ற சூதன்நற் சாக்கியன் சிலந்தி
    கண்ணப் பன்கணம் புல்லனென் றிவர்கள்
    குற்றஞ் செய்யினுங் குணமெனக் கருதுங்
    கொள்கை கண்டுநின் குரைகழல் அடைந்தேன்
    பொற்றி ரள்மணிக் கமலங்கள் மலரும்
    பொய்கை சூழ்திருப் புன்கூர் உளானே. 7.55.4
    564 கோல மால்வரை மத்தென நாட்டிக்
    கோள ரவுசுற் றிக்கடைந் தெழுந்த
    ஆல நஞ்சுகண் டவர்மிக இரிய
    அமரர் கட்கருள் புரிவது கருதி
    நீல மார்கடல் விடந்தனை உண்டு
    கண்டத் தேவைத்த பித்தநீ செய்த
    சீலங் கண்டுநின் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.5
    565 இயக்கர் கின்னரர் யமனொடு வருணர்
    இயங்கு தீவளி ஞாயிறு திங்கள்
    மயக்கம் இல்புலி வானரம் நாகம்
    வசுக்கள் வானவர் தானவர் எல்லாம்
    அயர்ப்பொன் றின்றிநின் றிருவடி அதனை
    அர்ச்சித் தார்பெறும் ஆரருள் கண்டு
    திகைப்பொன் றின்றிநின் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.6
    566 போர்த்த நீள்செவி யாளர்அந் தணர்க்குப்
    பொழில்கொள் ஆல்நிழற் கீழறம் புரிந்து
    பார்த்த னுக்கன்று பாசுப தங்கொடுத்
    தருளி னாய்பண்டு பகீரதன் வேண்ட
    ஆர்த்து வந்திழி யும்புனற் கங்கை
    நங்கை யாளைநின் சடைமிசைக் கரந்த
    தீர்த்த னேநின்றன் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.7
    567 மூவெ யில்செற்ற ஞான்றுய்ந்த மூவரில்
    இருவர் நின்றிருக் கோயிலின் வாய்தல்
    காவ லாளரென் றேவிய பின்னை
    ஒருவ நீகரி காடரங் காக
    மானை நோக்கியோர் மாநடம் மகிழ
    மணிமு ழாமுழக் கஅருள் செய்த
    தேவ தேவநின் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.8
    568 அறிவி னால்மிக்க அறுவகைச் சமயம்
    அவ்வ வர்க்கங்கே ஆரருள் புரிந்து
    எறியு மாகடல் இலங்கையர் கோனைத்
    துலங்க மால்வரைக் கீழடர்த் திட்டுக்
    குறிகொள் பாடலின் இன்னிசை கேட்டுக்
    கோல வாளொடு நாளது கொடுத்த
    செறிவு கண்டுநின் றிருவடி அடைந்தேன்
    செழும்பொ ழிற்றிருப் புன்கூர் உளானே. 7.55.9
    569 கம்ப மால்களிற் றின்னுரி யானைக்
    காமற் காய்ந்ததோர் கண்ணுடை யானைச்
    செம்பொ னேயொக்குந் திருவுரு வானைச்
    செழும்பொ ழிற்றிருப் புன்கூர் உளானை
    உம்பர் ஆளியை உமையவள் கோனை
    ஊரன் வன்றொண்டன் உள்ளத் தாலுகந்
    தன்பி னாற்சொன்ன அருந்தமிழ் ஐந்தோ
    டைந்தும் வல்லவர் அருவினை இலரே. 7.55.10

    இத்தலம் சோழநாட்டிலுள்ளது.
    சுவாமிபெயர் - சிவலோகநாதர், தேவியார் - சொக்கநாயகியம்மை.

    சுந்தரமூர்த்திசுவாமிகள் திருப்புன்கூருக்கெழுந்தருளியபோது அந்தத்தலத்தார்
    கண்டு தொழுது சுவாமீ! இங்கு நெடுநாளாக மழைபொழிதலின்றி
    வருந்துகிறோம், ஆதலால் கிருபைபாலிக்கவேண்டுமென்று விண்ணப்பஞ்செய்ய,
    மழைபொழிந்தால் சுவாமிக்கியாது தருவீர்களென்ன, அவர்கள் பன்னிரண்டு
    வேலி நிலந்தருகிறோமென்னக் கிருபை கூர்ந்து இந்தப்பதிகமோதியருளலும்,
    மழை அதிகமாய்ப்பெய்ய அவர்களுடையவேண்டுதலினால் மழை தணிந்து
    பெய்யும்படிசெய்து முன்னமவர்கள் சொல்லிய பன்னிரண்டுவேலி நிலமேயன்றி
    மீட்டும் பன்னிரண்டுவேலி நிலங்கொடுக்கப்பெற்றருளியது.
    திருச்சிற்றம்பலம்

    7.56 திருநீடூர்


    பண் - தக்கேசி
    திருச்சிற்றம்பலம்

    570 ஊர்வ தோர்விடை ஒன்றுடை யானை
    ஒண்ணு தல்தனிக் கண்ணுத லானைக்
    கார தார்கறை மாமிடற் றானைக்
    கருத லார்புரம் மூன்றெரித் தானை
    நீரில் வாளை வரால்குதி கொள்ளும்
    நிறைபு னற்கழ னிச்செல்வ நீடூர்ப்
    பாரு ளார்பர வித்தொழ நின்ற
    பரம னைப்பணி யாவிட லாமே. 7.56.1
    571 துன்னு வார்சடைத் தூமதி யானைத்
    துயக்கு றாவகை தோன்றுவிப் பானைப்
    பன்னு நான்மறை பாடவல் லானைப்
    பார்த்த னுக்கருள் செய்தபி ரானை
    என்னை இன்னருள் எய்துவிப் பானை
    ஏதி லார்தமக் கேதிலன் றன்னைப்
    புன்னை மாதவி போதலர் நீடூர்ப்
    புனித னைப்பணி யாவிட லாமே. 7.56.2
    572 கொல்லும் மூவிலை வேலுடை யானைக்
    கொடிய காலனை யுங்குமைத் தானை
    நல்ல வாநெறி காட்டுவிப் பானை
    நாளும் நாம்உகக் கின்ற பிரானை
    அல்ல லில்லரு ளேபுரி வானை
    ஆடு நீர்வயல் சூழ்புனல் நீடூர்க்
    கொல்லை வெள்ளெரு தேறவல் லானைக்
    கூறி நாம்பணி யாவிட லாமே. 7.56.3
    573 தோடு காதிடு தூநெறி யானைத்
    தோற்ற முந்துறப் பாயவன் றன்னைப்
    பாடு மாமறை பாடவல் லானைப்
    பைம்பொ ழிற்குயில் கூவிட மாடே
    ஆடு மாமயில் அன்னமோ டாட
    அலைபு னற்கழ னித்திரு நீடூர்
    வேட னாயபி ரானவன் றன்னை
    விரும்பி நாம்பணி யாவிட லாமே. 7.56.4
    574 குற்ற மொன்றடி யாரிலர் ஆனாற்
    கூடு மாறத னைக்கொடுப் பானைக்
    கற்ற கல்வியி லும்மினி யானைக்
    காணப் பேணும வர்க்கெளி யானை
    முற்ற அஞ்சுந் துறந்திருப் பானை
    மூவ ரின்முத லாயவன் றன்னைச்
    சுற்று நீள்வயல் சூழ்திரு நீடூர்த்
    தோன்ற லைப்பணி யாவிட லாமே. 7.56.5
    575 காடில் ஆடிய கண்ணுத லானைக்
    கால னைக்கடிந் திட்டபி ரானைப்
    பாடி ஆடும்பரி சேபுரிந் தானைப்
    பற்றி னோடுசுற் றம்மொழிப் பானைத்
    தேடி மாலயன் காண்பரி யானைச்
    சித்த முந்தெளி வார்க்கெளி யானைக்
    கோடி தேவர்கள் கும்பிடு நீடூர்க்
    கூத்த னைப்பணி யாவிட லாமே. 7.56.6
    576 விட்டி லங்கெரி யார்கையி னானை
    வீடி லாதவி யன்புக ழானைக்
    கட்டு வாங்கந் தரித்தபி ரானைக்
    காதி லார்கன கக்குழை யானை
    விட்டி லங்குபுரி நூலுடை யானை
    வீந்த வர்தலை யோடுகை யானைக்
    கட்டி யின்கரும் போங்கிய நீடூர்க்
    கண்டு நாம்பணி யாவிட லாமே. 7.56.7
    577 மாய மாய மனங்கெடுப் பானை
    மனத்து ளேமதி யாய்இருப் பானைக்
    காய மாயமும் ஆக்குவிப் பானைக்
    காற்று மாய்க்கன லாய்க்கழிப் பானை
    ஓயு மாறுரு நோய்புணர்ப் பானை
    ஒல்லை வல்வினை கள்கெடுப் பானை
    வேய்கொள் தோள்உமைப் பாகனை நீடூர்
    வேந்த னைப்பணி யாவிட லாமே. 7.56.8
    578 கண்ட முங்கறுத் திட்டபி ரானைக்
    காணப் பேணும வர்க்கெளி யானைத்
    தொண்ட ரைப்பெரி தும்முகப் பானைத்
    துன்ப முந்துறந் தின்பினி யானைப்
    பண்டை வல்வினை கள்கெடுப் பானைப்
    பாக மாமதி யாயவன் றன்னைக்
    கெண்டை வாளை கிளர்புனல் நீடூர்க்
    கேண்மை யாற்பணி யாவிட லாமே. 7.56.9
    579 அல்லல் உள்ளன தீர்த்திடு வானை
    அடைந்த வர்க்கமு தாயிடு வானைக்
    கொல்லை வல்லர வம்மசைத் தானைக்
    கோல மார்கரி யின்னுரி யானை
    நல்ல வர்க்கணி யானவன் றன்னை
    நானுங் காதல்செய் கின்றபி ரானை
    எல்லி மல்லிகை யேகமழ் நீடூர்
    ஏத்தி நாம்பணி யாவிட லாமே. 7.56.10
    580 பேரோர் ஆயிர மும்முடை யானைப்
    பேரி னாற்பெரி தும்மினி யானை
    நீரூர் வார்சடை நின்மலன் றன்னை
    நீடூர் நின்றுகந் திட்டபி ரானை
    ஆரூ ரன்னடி காண்பதற் கன்பாய்
    ஆத ரித்தழைத் திட்டவிம் மாலை
    பாரூ ரும்பர வித்தொழ வல்லார்
    பத்த ராய்முத்தி தாம்பெறு வாரே. 7.56.11

    இத்தலம் சோழநாட்டிலுள்ளது.
    சுவாமிபெயர் - சோமநாதேசுவரர், தேவியார் - வேயுறுதோளியம்மை.
    திருச்சிற்றம்பலம்

    7.57 திருவாழ்கொளிபுத்தூர்


    பண் - தக்கேசி
    திருச்சிற்றம்பலம்

    581 தலைக்க லன்றலை மேல்தரித் தானைத்
    தன்னைஎன் னைநினைக் கத்தரு வானைக்
    கொலைக்கை யானைஉரி போர்த்துகந் தானைக்
    கூற்றுதைத் தகுரை சேர்கழ லானை
    அலைத்த செங்கண்விடை ஏறவல் லானை
    ஆணை யால்அடி யேன்அடி நாயேன்
    மலைத்தசெந் நெல்வயல் வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.1
    582 படைக்கட் சூலம் பயிலவல் லானைப்
    பாவிப் பார்மனம் பரவிக்கொண் டானைக்
    கடைக்கட்பிச் சைக்கிச்சை காதலித் தானைக்
    காமன்ஆ கந்தனைக் கட்டழித் தானைச்
    சடைக்கட் கங்கையைத் தாழவைத் தானைத்
    தண்ணீர்மண் ணிக்கரை யானைத்தக் கானை
    மடைக்கண்நீ லம்அலர் வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.2
    583 வெந்த நீறுமெய் பூசவல் லானை
    வேத மால்விடை ஏறவல் லானை
    அந்தம் ஆதிஅறி தற்கரி யானை
    ஆறலைத் தசடை யானைஅம் மானைச்
    சிந்தை யென்றடு மாற்றறுப் பானைத்
    தேவ தேவனென் சொல்முனி யாதே
    வந்தென் உள்ளம்புகும் வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.3
    584 தடங்கை யான்மலர் தூய்த்தொழு வாரைத்
    தன்னடிக் கேசெல்லு மாறுவல் லானைப்
    படங்கொள் நாகம்அரை ஆர்த்துகந் தானைப்
    பல்லின்வெள் ளைத்தலை ஊணுடை யானை
    நடுங்க ஆனைஉரி போர்த்துகந் தானை
    நஞ்சம் உண்டுகண் டங்கறுத் தானை
    மடந்தை பாகனை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.4
    585 வளைக்கை முன்கைமலை மங்கை மணாளன்
    மார னார்உடல் நீறெழச் செற்றுத்
    துளைத்த அங்கத்தொடு தூமலர்க் கொன்றை
    தோலும்நூ லுந்துதைந் தவரை மார்பன்
    திளைக்குந் தெவ்வர் திரிபுரம் மூன்றும்
    அவுணர் பெண்டிரும் மக்களும் வேவ
    வளைத்த வில்லியை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.5.
    586 திருவின் நாயகன் ஆகிய மாலுக்
    கருள்கள் செய்திடும் தேவர் பிரானை
    உருவி னானைஒன் றாவறி வொண்ணா
    மூர்த்தி யைவிச யற்கருள் செய்வான்
    செருவில் ஏந்தியோர் கேழற்பின் சென்று
    செங்கண் வேடனாய் என்னொடும் வந்து
    மருவி னான்றனை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.6
    587 எந்தை யைஎந்தை தந்தை பிரானை
    ஏத மாயஇடர் தீர்க்கவல் லானை
    முந்தி யாகிய மூவரின் மிக்க
    மூர்த்தி யைமுதற் காண்பரி யானைக்
    கந்தின் மிக்ககரி யின்மருப் போடு
    கார கில்கவ ரிம்மயிர் மண்ணி
    வந்து வந்திழி வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.7
    588 தேனை ஆடிய கொன்றையி னானைத்
    தேவர் கைதொழுந் தேவர் பிரானை
    ஊனம் ஆயின தீர்க்க வல்லானை
    ஒற்றை ஏற்றனை நெற்றிக்கண் ணானைக்
    கான ஆனையின் கொம்பினைப் பீழ்ந்த
    கள்ளப் பிள்ளைக்குங் காண்பரி தாய
    வான நாடனை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.8
    589 காளை யாகி வரையெடுத் தான்றன்
    கைகள் இற்றவன் மொய்தலை எல்லாம்
    மூளை போத ஒருவிரல் வைத்த
    மூர்த்தி யைமுதல் காண்பரி யானைப்
    பாளை தெங்கு பழம்விழ மண்டிச்
    செங்கண் மேதிகள் சேடெறிந் தெங்கும்
    வாளை பாய்வயல் வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.9
    590 திருந்த நான்மறை பாடவல் லானைத்
    தேவர்க் குந்தெரி தற்கரி யானைப்
    பொருந்த மால்விடை ஏறவல் லானைப்
    பூதிப் பைபுலித் தோலுடை யானை
    இருந்துண் தேரரும் நின்றுணுஞ் சமணும்
    ஏச நின்றவன் ஆருயிர்க் கெல்லாம்
    மருந்த னான்றனை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.10
    591 மெய்யனை மெய்யின் நின்றுணர் வானை
    மெய்யி லாதவர் தங்களுக் கெல்லாம்
    பொய்ய னைப்புரம் மூன்றெரித் தானைப்
    புனித னைப்புலித் தோலுடை யானைச்
    செய்ய னைவெளி யதிரு நீற்றில்
    திகழு மேனியன் மான்மறி ஏந்தும்
    மைகொள் கண்டனை வாழ்கொளி புத்தூர்
    மாணிக்கத் தைமறந் தென்நினைக் கேனே. 7.57.11
    592 வளங்கி ளர்பொழில் வாழ்கொளி புத்தூர்
    மாணிக்கத் தைமறந் தென்நினைக் கேனென்
    றுளங்கு ளிர்தமிழ் ஊரன்வன் றொண்டன்
    சடையன் காதலன் வனப்பகை அப்பன்
    நலங்கி ளர்வயல் நாவலர் வேந்தன்
    நங்கை சிங்கடி தந்தை பயந்த
    பலங்கி ளர்தமிழ் பாடவல் லார்மேல்
    பறையு மாஞ்செய்த பாவங்கள் தானே. 7.57.12

    இத்தலம் சோழநாட்டிலுள்ளது.
    சுவாமிபெயர் - மாணிக்கவண்ணர்,
    தேவியார் - வண்டமர்பூங்குழலம்மை.
    திருச்சிற்றம்பலம்

    7.58 திருக்கழுமலம்


    பண் - தக்கேசி
    திருச்சிற்றம்பலம்

    593 சாதலும் பிறத்தலுந் தவிர்த்தெனை வகுத்துத்
    தன்னருள் தந்தஎந் தலைவனை மலையின்
    மாதினை மதித்தங்கோர் பால்கொண்ட மணியை
    வருபுனல் சடையிடை வைத்தஎம் மானை
    ஏதிலென் மனத்துக்கோர் இரும்புண்ட நீரை
    எண்வகை ஒருவனை எங்கள்பி ரானைக்
    காதில்வெண் குழையனைக் கடல்கொள மிதந்த
    கழுமல வளநகர்க் கண்டுகொண் டேனே. 7.58.1
    594 மற்றொரு துணையினி மறுமைக்குங் காணேன்
    வருந்தலுற் றேன்மற வாவரம் பெற்றேன்
    சுற்றிய சுற்றமுந் துணையென்று கருதேன்
    துணையென்று நான்தொழப் பட்டஒண் சுடரை
    முத்தியும் ஞானமும் வானவர் அறியா
    முறைமுறை பலபல நெறிகளுங் காட்டிக்
    கற்பனை கற்பித்த கடவுளை அடியேன்
    கழுமல வளநகர்க் கண்டுகொண் டேனே. 7.58.2
    595 திருத்தினை நகர்உறை சேந்தன் அப்பன்என்
    செய்வினை அறுத்திடுஞ் செம்பொனை அம்பொன்
    ஒருத்தனை அல்லதிங் காரையும் உணரேன்
    உணர்வுபெற் றேன்உய்யுங் காரணந் தன்னால்
    விருத்தனைப் பாலனைக் கனவிடை விரவி
    விழித்தெங்குங் காணமாட் டாதுவிட் டிருந்தேன்
    கருத்தனை நிருத்தஞ்செய் காலனை வேலைக்
    கழுமல வளநகர்க் கண்டுகொண் டேனே. 7.58.3
    596 மழைக்கரும் பும்மலர்க் கொன்றையி னானை
    வளைக்கலுற் றேன்மற வாமனம் பெற்றேன்
    பிழைத்தொரு கால்இனிப் போய்ப்பிற வாமைப்
    பெருமைபெற் றேன்பெற்ற தார்பெறு கிற்பார்
    குழைக்கருங் கண்டனைக் கண்டுகொள் வானே
    பாடுகின் றேன்சென்று கூடவும் வல்லேன்
    கழைக்கரும் புங்கத லிப்பல சோலைக்
    கழுமல வளநகர்க் கண்டுகொண் டேனே. 7.58.4
    597 குண்டலங் குழைதிகழ் காதனே என்றுங்
    கொடுமழு வாட்படைக் குழகனே என்றும்
    வண்டலம் பும்மலர்க் கொன்றையன் என்றும்
    வாய்வெரு வித்தொழு தேன்விதி யாலே
    பண்டைநம் பலமன முங்களைந் தொன்றாய்ப்
    பசுபதி பதிவின விப்பல நாளுங்
    கண்டலங் கழிக்கரை ஓதம்வந் துலவுங்
    கழுமல வளநகர்க் கண்டுகொண் டேனே. 7.58.5
    598 வரும்பெரும் வல்வினை என்றிருந் தெண்ணி
    வருந்தலுற் றேன்மற வாமனம் பெற்றேன்
    விரும்பிஎன் மனத்திடை மெய்குளிர்ப் பெய்தி
    வேண்டிநின் றேதொழு தேன்விதி யாலே
    அரும்பினை அலரினை அமுதினைத் தேனை
    ஐயனை அறவனென் பிறவிவேர் அறுக்குங்
    கரும்பினைப் பெருஞ்செந்நெல் நெருங்கிய கழனிக்
    கழுமல வளநகர்க் கண்டுகொண் டேனே. 7.58.6
    599 அயலவர் பரவவும் அடியவர் தொழவும்
    அன்பர்கள் சாயலுள் அடையலுற் றிருந்தேன்
    முயல்பவர் பின்சென்று முயல்வலை யானை
    படுமென மொழிந்தவர் வழிமுழு தெண்ணிப்
    புயலினைத் திருவினைப் பொன்னின தொளியை
    மின்னின துருவை என்னிடைப் பொருளைக்
    கயலினஞ் சேலொடு வயல்விளை யாடுங்
    கழுமல வளநகர்க் கண்டுகொண் டேனே. 7.58.7
    600 நினைதரு பாவங்கள் நாசங்க ளாக
    நினைந்துமுன் தொழுதெழப் பட்டஒண் சுடரை
    மலைதரு மலைமகள் கணவனை வானோர்
    மாமணி மாணிக்கத் தைம்மறைப் பொருளைப்
    புனைதரு புகழினை எங்கள தொளியை
    இருவரும் ஒருவனென் றுணர்வரி யவனைக்
    கனைதரு கருங்கடல் ஓதம்வந் துலவுங்
    கழுமல வளநகர்க் கண்டுகொண் டேனே. 7.58.8
    601 மறையிடைத் துணிந்தவர் மனையிடை இருப்ப
    வஞ்சனை செய்தவர் பொய்கையும் மாயத்
    துறையுறக் குளித்துள தாகவைத் துய்த்த
    உண்மை யெனுந்தக வின்மையை ஓரேன்
    பிறையுடைச் சடையனை எங்கள்பி ரானைப்
    பேரரு ளாளனைக் காரிருள் போன்ற
    கறையணி மிடறுடை அடிகளை அடியேன்
    கழுமல வளநகர்க் கண்டுகொண் டேனே. 7.58.9
    602 செழுமலர்க் கொன்றையுங் கூவிள மலரும்
    விரவிய சடைமுடி அடிகளை நினைந்திட்
    டழுமலர்க் கண்ணிணை அடியவர்க் கல்லால்
    அறிவரி தவன்றிரு வடியிணை இரண்டுங்
    கழுமல வளநகர்க் கண்டுகொண் டூரன்
    சடையன்றன் காதலன் பாடிய பத்துந்
    தொழுமலர் எடுத்தகை அடியவர் தம்மைத்
    துன்பமும் இடும்பையுஞ் சூழகி லாவே. 7.58.10

    இத்தலம் சோழநாட்டிலுள்ளது.
    சுவாமிபெயர் - பிரமபுரியீசுவரர்,
    தேவியார் - திருநிலைநாயகியம்மை.
    திருச்சிற்றம்பலம்

    7.59 திருவாரூர்


    பண் - தக்கேசி
    திருச்சிற்றம்பலம்

    603 பொன்னும் மெய்ப்பொரு ளுந்தரு வானைப்
    போக முந்திரு வும்புணர்ப் பானைப்
    பின்னை என்பிழை யைப்பொறுப் பானைப்
    பிழையெ லாந்தவி ரப்பணிப் பானை
    இன்ன தன்மையன் என்றறி வொண்ணா
    எம்மா னைஎளி வந்தபி ரானை
    அன்னம் வைகும் வயற்பழ னத்தணி
    ஆரூ ரானை மறக்கலு மாமே. 7.59.1
    604 கட்ட மும்பிணி யுங்களை வானைக்
    காலற் சீறிய காலுடை யானை
    விட்ட வேட்கைவெந் நோய்களை வானை
    விரவி னால்விடு தற்கரி யானைப்
    பட்ட வார்த்தை படநின்ற வார்த்தை
    வாரா மேதவி ரப்பணிப் பானை
    அட்ட மூர்த்தியை மட்டவிழ் சோலை
    ஆரூ ரானை மறக்கலு மாமே. 7.59.2
    605 கார்க்குன் றமழை யாய்ப்பொழி வானைக்
    கலைக்கெ லாம்பொரு ளாயுடன் கூடிப்
    பார்க்கின் றஉயிர்க் குப்பரிந் தானைப்
    பகலுங் கங்குலும் ஆகிநின் றானை
    ஓர்க்கின் றசெவி யைச்சுவை தன்னை
    உணரும் நாவினைக் காண்கின்ற கண்ணை
    ஆர்க்கின் றகட லைமலை தன்னை
    ஆரூ ரானை மறக்கலு மாமே. 7.59.3
    606 செத்த போதினில் முன்னின்று நம்மைச்
    சிலர்கள் கூடிச் சிரிப்பதன் முன்னம்
    வைத்த சிந்தைஉண் டேமனம் உண்டே
    மதிஉண் டேவிதி யின்பயன் உண்டே
    முத்தன் எங்கள்பி ரானென்று வானோர்
    தொழநின் றதிமில் ஏறுடை யானை
    அத்தன் எந்தைபி ரான்எம்பி ரானை
    ஆரூ ரானை மறக்கலு மாமே. 7.59.4
    607 செறிவுண் டேல்மனத் தாற்றெளி வுண்டேல்
    தேற்றத் தால்வருஞ் சிக்கன வுண்டேல்
    மறிவுண் டேல்மறு மைப்பிறப் புண்டேல்
    வாணாள் மேற்செல்லும் வஞ்சனை உண்டேல்
    பொறிவண் டாழ்செய்யும் பொன்மலர்க் கொன்றைப்
    பொன்போ லுஞ்சடை மேற்புனைந் தானை
    அறிவுண் டேஉட லத்துயிர் உண்டே
    ஆரூ ரானை மறக்கலு மாமே. 7.59.5
    608 பொள்ளல் இவ்வுட லைப்பொரு ளென்று
    பொருளுஞ் சுற்றமும் போகமும் ஆகி
    மெள்ள நின்றவர் செய்வன எல்லாம்
    வாரா மேதவிர்க் கும்விதி யானை
    வள்ளல் எந்தமக் கேதுணை என்று
    நாள்நா ளும்அம ரர்தொழு தேத்தும்
    அள்ள லங்கழ னிப்பழ னத்தணி
    ஆரூ ரானை மறக்கலு மாமே. 7.59.6
    609 கரியா னைஉரி கொண்டகை யானைக்
    கண்ணின் மேலொரு கண்ணுடை யானை
    வரியா னைவருத் தங்களை வானை
    மறையா னைக்குறை மாமதி சூடற்
    குரியா னைஉல கத்துயிர்க் கெல்லாம்
    ஒளியா னைஉகந் துள்கிநண் ணாதார்க்
    கரியா னைஅடி யேற்கெளி யானை
    ஆரூ ரானை மறக்கலு மாமே. 7.59.7
    610 வாளா நின்று தொழும்அடி யார்கள்
    வான்ஆ ளப்பெறும் வார்த்தையைக் கேட்டும்
    நாணா ளும்மலர் இட்டுவணங் கார்
    நம்மை ஆள்கின்ற தன்மையை ஓரார்
    கேளா நான்கிடந் தேஉழைக் கின்றேன்
    கிளைக்கெ லாந்துணை யாமெனக் கருதி
    ஆளா வான்பலர் முன்பழைக் கின்றேன்
    ஆரூ ரானை மறக்கலு மாமே. 7.59.8
    611 விடக்கை யேபெருக் கிப்பல நாளும்
    வேட்கை யாற்பட்ட வேதனை தன்னைக்
    கடக்கி லேன்நெறி காணவும் மாட்டேன்
    கண்கு ழிந்திரப் பார்கையி லொன்றும்
    இடக்கி லேன்பர வைத்திரைக் கங்கைச்
    சடையா னைஉமை யாளையோர் பாகத்
    தடக்கி னானைஅந் தாமரைப் பொய்கை
    ஆரூ ரானை மறக்கலு மாமே. 7.59.9
    612 ஒட்டி ஆட்கொண்டு போயொளித் திட்ட
    உச்சிப் போதனை நச்சர வார்த்த
    பட்டி யைப்பக லையிருள் தன்னைப்
    பாவிப் பார்மனத் தூறுமத் தேனைக்
    கட்டி யைக்கரும் பின்றெளி தன்னைக்
    காத லாற்கடல் சூர்தடிந் திட்ட
    செட்டி யப்பனைப் பட்டனைச் செல்வ
    ஆரூ ரானை மறக்கலு மாமே. 7.59.10
    613 ஓரூ ரென்றுல கங்களுக் கெல்லாம்
    உரைக்க லாம்பொரு ளாயுடன் கூடிக்
    காரூ ருங்கமழ் கொன்றைநன் மாலை
    முடியன் காரிகை காரண மாக
    ஆரூ ரைம்மறத் தற்கரி யானை
    அம்மான் றன்றிருப் பேர்கொண்ட தொண்டன்
    ஆரூ ரன்னடி நாயுரை வல்லார்
    அமர லோகத் திருப்பவர் தாமே. 7.59.11

    திருச்சிற்றம்பலம்

    7.60 திருவிடைமருதூர்


    பண் - தக்கேசி
    திருச்சிற்றம்பலம்

    614 கழுதை குங்குமந் தான்சுமந் தெய்த்தாற்
    கைப்பர் பாழ்புக மற்றது போலப்
    பழுது நான்உழன் றுள்தடு மாறிப்
    படுசு ழித்தலைப் பட்டனன் எந்தாய்
    அழுது நீயிருந் தென்செய்தி மனனே
    அங்க ணாஅர னேயென மாட்டா
    இழுதை யேனுக்கோர் உய்வகை அருளாய்
    இடைம ருதுறை எந்தைபி ரானே. 7.60.1
    615 நரைப்பு மூப்பொடு பிணிவரும் இன்னே
    நன்றி யில்வினை யேதுணிந் தெய்த்தேன்
    அரைத்த மஞ்சள தாவதை அறிந்தேன்
    அஞ்சி னேன்நம னாரவர் தம்மை
    உரைப்பன் நானுன சேவடி சேர
    உணரும் வாழ்க்கையை ஒன்றறி யாத
    இரைப்ப னேனுக்கோர் உய்வகை அருளாய்
    இடைம ருதுறை எந்தைபி ரானே. 7.60.2
    616 புன்னு னைப்பனி வெங்கதிர் கண்டாற்
    போலும் வாழ்க்கை பொருளிலை நாளும்
    என்னெ னக்கினி இற்றைக்கு நாளை
    என்றி ருந்திடர் உற்றனன் எந்தாய்
    முன்ன மேஉன சேவடி சேரா
    மூர்க்க னாகிக் கழிந்தன காலம்
    இன்னம் என்றனக் குய்வகை அருளாய்
    இடைம ருதுறை எந்தைபி ரானே. 7.60.3
    617 முந்திச் செய்வினை இம்மைக்கண் நலிய
    மூர்க்க னாகிக் கழிந்தன காலம்
    சிந்தித் தேமனம் வைக்கவும் மாட்டேன்
    சிறுச்சிறி தேஇரப் பார்கட்கொன் றீயேன்
    அந்தி வெண்பிறை சூடும்எம் மானே
    ஆரூர் மேவிய அமரர்கள் தலைவா
    எந்தை நீயெனக் குய்வகை அருளாய்
    இடைம ருதுறை எந்தைபி ரானே. 7.60.4
    618 அழிப்பர் ஐவர் புரவுடை யார்கள்
    ஐவ ரும்புர வாசற ஆண்டு
    கழித்துக் காற்பெய்து போயின பின்னைக்
    கடைமு றைஉனக் கேபொறை ஆனேன்
    விழித்துக் கண்டனன் மெய்ப்பொருள் தன்னை
    வேண்டேன் மானுட வாழ்க்கையீ தாகில்
    இழித்தேன் என்றனக் குய்வகை அருளாய்
    இடைம ருதுறை எந்தைபி ரானே. 7.60.5
    619 குற்றந் தன்னொடு குணம்பல பெருக்கிக்
    கோல நுண்ணிடை யாரொடு மயங்கிக்
    கற்றி லேன்கலை கள்பல ஞானங்
    கடிய ஆயின கொடுமைகள் செய்தேன்
    பற்ற லாவதோர் பற்றுமற் றில்லேன்
    பாவி யேன்பல பாவங்கள் செய்தேன்
    எற்று ளேன்எனக் குய்வகை அருளாய்
    இடைம ருதுறை எந்தைபி ரானே. 7.60.6
    620 கொடுக்க கிற்றிலேன் ஒண்பொருள் தன்னைக்
    குற்றஞ் செற்றம் இவைமுத லாக
    விடுக்க கிற்றிலேன் வேட்கையுஞ் சினமும்
    வேண்டில் ஐம்புலன் என்வசம் அல்ல
    நடுக்கம் உற்றதோர் மூப்புவந் தெய்த
    நமன்த மர்நர கத்திடல் அஞ்சி
    இடுக்கண் உற்றனன் உய்வகை அருளாய்
    இடைம ருதுறை எந்தைபி ரானே. 7.60.7
    621 ஐவ கையர் ஐயரவ ராகி
    ஆட்சி கொண்டொரு காலவர் நீங்கார்
    அவ்வ கையவர் வேண்டுவ தானால்
    அவர வர்வழி ஒழுகிநான் வந்து
    செய்வ கையறி யேன்சிவ லோகா
    தீவ ணாசிவ னேயெரி யாடீ
    எவ்வ கையெனக் குய்வகை அருளாய்
    இடைம ருதுறை எந்தைபி ரானே. 7.60.8
    622 ஏழை மானுட இன்பினை நோக்கி
    இளைய வர்வயப் பட்டிருந் தின்னம்
    வாழை தான்பழுக் கும்நமக் கென்று
    வஞ்ச வல்வினை யுள்வலைப் பட்டுக்
    கூழை மாந்தர்தஞ் செல்கதிப் பக்கம்
    போக மும்பொருள் ஒன்றறி யாத
    ஏழை யேனுக்கோர் உய்வகை அருளாய்
    இடைம ருதுறை எந்தைபி ரானே. 7.60.9
    623 அரைக்குஞ் சந்தனத் தோடகில் உந்தி
    ஐவ னஞ்சுமந் தார்த்திரு பாலும்
    இரைக்குங் காவிரித் தென்கரை தன்மேல்
    இடைம ருதுறை எந்தைபி ரானை
    உரைக்கும் ஊரன் ஒளிதிகழ் மாலை
    உள்ளத் தால்உகந் தேத்தவல் லார்கள்
    நரைப்பு மூப்பொடு நடலையும் இன்றி
    நாதன் சேவடி நண்ணுவர் தாமே. 7.60.10

    இத்தலம் சோழநாட்டிலுள்ளது.
    சுவாமிபெயர் - மருதீசுவரர், தேவியார் - நலமுலைநாயகியம்மை.
    திருச்சிற்றம்பலம்

    7.61 திருவேகம்பம்


    பண் - தக்கேசி
    திருச்சிற்றம்பலம்

    624 ஆலந் தானுகந் தமுதுசெய் தானை
    ஆதி யைஅம ரர்தொழு தேத்துஞ்
    சீலந் தான்பெரி தும்முடை யானைச்
    சிந்திப் பாரவர் சிந்தையு ளானை
    ஏல வார்குழ லாள்உமை நங்கை
    என்றும் ஏத்தி வழிபடப் பெற்ற
    கால காலனைக் கம்பனெம் மானைக்
    காணக் கண்அடி யேன்பெற்ற வாறே. 7.61.1
    625 உற்ற வர்க்குத வும்பெரு மானை
    ஊர்வ தொன்றுடை யான்உம்பர் கோனைப்
    பற்றி னார்க்கென்றும் பற்றவன் றன்னைப்
    பாவிப் பார்மனம் பரவிக்கொண் டானை
    அற்ற மில்புக ழாள்உமை நங்கை
    ஆத ரித்து வழிபடப் பெற்ற
    கற்றை வார்சடைக் கம்பனெம் மானைக்
    காணக் கண்அடி யேன்பெற்ற வாறே. 7.61.2
    626 திரியும் முப்புரம் தீப்பிழம் பாகச்
    செங்கண் மால்விடை மேற்றிகழ் வானைக்
    கரியின் ஈருரி போர்த்துகந் தானைக்
    காம னைக்கன லாவிழித் தானை
    வரிகொள் வெள்வளை யாள்உமை நங்கை
    மருவி யேத்தி வழிபடப் பெற்ற
    பெரிய கம்பனை எங்கள்பி ரானைக்
    காணக் கண்அடி யேன்பெற்ற வாறே.
    காமாட்சியம்மையால் பூசிக்கப்பட்ட ஏகாம்பர
    நாதரே பெரியகம்பர். 7.61.3
    627 குண்ட லந்திகழ் காதுடை யானைக்
    கூற்று தைத்த கொடுந்தொழி லானை
    வண்டலம் புமலர்க் கொன்றையி னானை
    வாள ராமதி சேர்சடை யானைக்
    கெண்டை யந்தடங் கண்ணுமை நங்கை
    கெழுமி யேத்தி வழிபடப் பெற்ற
    கண்டம் நஞ்சுடைக் கம்பனெம் மானைக்
    காணக் கண்அடி யேன்பெற்ற வறே. 7.61.4
    628 வெல்லும் வெண்மழு ஒன்றுடை யானை
    வேலை நஞ்சுண்ட வித்தகன் றன்னை
    அல்லல் தீர்த்தருள் செய்யவல் லானை
    அரும றையவை அங்கம்வல் லானை
    எல்லை யிற்புக ழாள்உமை நங்கை
    என்றும் ஏத்தி வழிபடப் பெற்ற
    நல்ல கம்பனை எங்கள் பிரானை
    காணக் கண்அடி யேன்பெற்ற வாறே.
    உருத்திரராற் பூசிக்கப்பட்ட சிவலிங்கப் பெருமானுக்கு
    நல்லகம்பனென்றுபெயர். 7.61.5
    629 திங்கள் தங்கிய சடையுடை யானைத்
    தேவ தேவனைச் செழுங்கடல் வளருஞ்
    சங்க வெண்குழைக் காதுடை யானைச்
    சாம வேதம் பெரிதுகப் பானை
    மங்கை நங்கை மலைமகள் கண்டு
    மருவி ஏத்தி வழிபடப் பெற்ற
    கங்கை யாளனைக் கம்பனெம் மானைக்
    காணக் கண்அடி யேன்பெற்ற வாறே. 7.61.6
    630 விண்ண வர்தொழு தேத்தநின் றானை
    வேதந் தான்விரித் தோதவல் லானை
    நண்ணி னார்க்கென்றும் நல்லவன் றன்னை
    நாளும் நாம்உகக் கின்றபி ரானை
    எண்ணில் தொல்புக ழாள்உமை நங்கை
    என்றும் ஏத்தி வழிபடப் பெற்ற
    கண்ணும் மூன்றுடைக் கம்பனெம் மானைக்
    காணக் கண்அடி யேன்பெற்ற வாறே. 7.61.7
    631 சிந்தித் தென்றும் நினைந்தெழு வார்கள்
    சிந்தை யில்திக ழுஞ்சிவன் றன்னைப்
    பந்தித் தவினைப் பற்றறுப் பானைப்
    பாலோ டானஞ்சும் ஆட்டுகந் தானை
    அந்த மில்புக ழாள்உமை நங்கை
    ஆத ரித்து வழிபடப் பெற்ற
    கந்த வார்சடைக் கம்பனெம் மானைக்
    காணக் கண்அடி யேன்பெற்ற வாறே. 7.61.8
    632 வரங்கள் பெற்றுழல் வாளரக் கர்தம்
    வாலி யபுரம் மூன்றெரித் தானை
    நிரம்பி யதக்கன் றன்பெரு வேள்வி
    நிரந்த ரஞ்செய்த நிட்கண் டகனைப்
    பரந்த தொல்புக ழாள்உமை நங்கை
    பரவி யேத்தி வழிபடப் பெற்ற
    கரங்கள் எட்டுடைக் கம்பனெம் மானைக்
    காணக் கண்அடி யேன்பெற்ற வாறே. 7.61.9
    633 எள்க லின்றி இமையவர் கோனை
    ஈச னைவழி பாடுசெய் வாள்போல்
    உள்ளத் துள்கி உகந்துமை நங்கை
    வழிபடச் சென்று நின்றவா கண்டு
    வெள்ளங் காட்டி வெருட்டிட அஞ்சி
    வெருவி ஓடித் தழுவவெளிப் பட்ட
    கள்ளக் கம்பனை எங்கள் பிரானைக்
    காணக் கண்அடி யேன்பெற்ற வாறே.

    திருமாலாற் பூசிக்கப்பட்ட சிவலிங்கப்
    பெருமானுக்கு கள்ளக்கம்பனென்றுபெயர். 7.61.10
    634 பெற்றம் ஏறுகந் தேறவல் லானைப்
    பெரிய எம்பெரு மானென்றெப் போதுங்
    கற்ற வர்பர வப்படு வானைக்
    காணக் கண்அடி யேன்பெற்ற தென்று
    கொற்ற வன்கம்பன் கூத்தனெம் மானைக்
    குளிர்பொ ழிற்றிரு நாவலா ரூரன்
    நற்ற மிழ்இவை ஈரைந்தும் வல்லார்
    நன்னெ றிஉல கெய்துவர் தாமே. 7.61.11

    இத்தலம் தொண்டைநாட்டிலுள்ளது.
    சுவாமிபெயர் - ஏகாம்பரநாதர், தேவியார் - காமாட்சியம்மை.
    திருச்சிற்றம்பலம்

    7.62 திருக்கோலக்கா


    பண் - தக்கேசி
    திருச்சிற்றம்பலம்

    635 புற்றில் வாளர வார்த்த பிரானைப்
    பூத நாதனைப் பாதமே தொழுவார்
    பற்று வான்துணை எனக்கெளி வந்த
    பாவ நாசனை மேவரி யானை
    முற்ற லார்திரி புரமொரு மூன்றும்
    பொன்ற வென்றிமால் வரைஅரி அம்பாக்
    கொற்ற வில்லங்கை ஏந்திய கோனைக்
    கோலக் காவினிற் கண்டுகொண் டேனே. 7.62.1
    636 அங்கம் ஆறும்மா மறைஒரு நான்கும்
    ஆய நம்பனை வேய்புரை தோளி
    தங்கு மாதிரு உருவுடை யானைத்
    தழல்ம திச்சடை மேற்புனைந் தானை
    வெங்கண் ஆனையின் ஈருரி யானை
    விண்ணு ளாரொடு மண்ணுளார் பரசுங்
    கொங்கு லாம்பொழிற் குரவெறி கமழுங்
    கோலக் காவினிற் கண்டுகொண் டேனே. 7.62.2
    637 பாட்ட கத்திசை யாகிநின் றானைப்
    பத்தர் சித்தம் பரிவினி யானை
    நாட்ட கத்தேவர் செய்கையு ளானை
    நட்ட மாடியை நம்பெரு மானைக்
    காட்ட கத்துறு புலியுரி யானை
    கண்ணோர் மூன்றுடை அண்ணலை அடியேன்
    கோட்ட கப்புன லார்செழுங் கழனிக்
    கோலக் காவினிற் கண்டுகொண் டேனே. 7.62.3
    638 ஆத்தம் என்றெனை ஆளுகந் தானை
    அமரர் நாதனைக் குமரனைப் பயந்த
    வார்த்த யங்கிய முலைமட மானை
    வைத்து வான்மிசைக் கங்கையைக் கரந்த
    தீர்த்த னைச்சிவ னைச்செழுந் தேனைத்
    தில்லை அம்பலத் துள்நிறைந் தாடுங்
    கூத்த னைக்குரு மாமணி தன்னைக்
    கோலக் காவினிற் கண்டுகொண் டேனே. 7.62.4
    639 அன்று வந்தெனை அகலிடத் தவர்முன்
    ஆள தாகஎன் றாவணங் காட்டி
    நின்று வெண்ணெய்நல் லூர்மிசை ஒளித்த
    நித்தி லத்திரள் தொத்தினை முத்திக்
    கொன்றி னான்றனை உம்பர் பிரானை
    உயரும் வல்லர ணங்கெடச் சீறுங்
    குன்ற வில்லியை மெல்லிய லுடனே
    கோலக் காவினிற் கண்டுகொண் டேனே. 7.62.5
    640 காற்றுத் தீப்புன லாகிநின் றானைக்
    கடவு ளைக்கொடு மால்விடை யானை
    நீற்றுத் தீயுரு வாய்நிமிர்ந் தானை
    நிரம்பு பல்கலை யின்பொ ருளாலே
    போற்றித் தன்கழல் தொழுமவன் உயிரைப்
    போக்கு வான்உயிர் நீக்கிடத் தாளாற்
    கூற்றைத் தீங்குசெய் குரைகழ லானைக்
    கோலக் காவினிற் கண்டுகொண் டேனே. 7.62.6
    641 அன்ற யன்சிரம் அரிந்ததிற் பலிகொண்
    டமர ருக்கருள் வெளிப்படுத் தானைத்
    துன்று பைங்கழ லிற்சிலம் பார்த்த
    சோதி யைச்சுடர் போலொளி யானை
    மின்ற யங்கிய இடைமட மங்கை
    மேவும் ஈசனை வாசமா முடிமேற்
    கொன்றை யஞ்சடைக் குழகனை அழகார்
    கோலக் காவினிற் கண்டுகொண் டேனே. 7.62.7
    642 நாளும் இன்னிசை யாற்றமிழ் பரப்பும்
    ஞான சம்பந்த னுக்குல கவர்முன்
    தாளம் ஈந்தவன் பாடலுக் கிரங்குந்
    தன்மை யாளனை என்மனக் கருத்தை
    ஆளும் பூதங்கள் பாடநின் றாடும்
    அங்க ணன்றனை எண்கணம் இறைஞ்சுங்
    கோளி லிப்பெருங் கோயிலுள் ளானைக்
    கோலக் காவினிற் கண்டுகொண் டேனே. 7.62.8
    643 அரக்கன் ஆற்றலை அழித்தவன் பாட்டுக்
    கன்றி ரங்கிய வென்றியி னானைப்
    பரக்கும் பாரளித் துண்டுகந் தவர்கள்
    பரவி யும்பணி தற்கரி யானைச்
    சிரக்கண் வாய் செவி மூக்குயர் காயம்
    ஆகித் தீவினை தீர்த்தஎம் மானைக்
    குரக்கி னங்குதி கொண்டுகள் வயல்சூழ்
    கோலக் காவினிற் கண்டுகொண் டேனே. 7.62.9
    644 கோட ரம்பயில் சடையுடைக் கரும்பைக்
    கோலக் காவுளெம் மானைமெய்ம் மானப்
    பாட ரங்குடி அடியவர் விரும்பப்
    பயிலும் நாவலா ரூரன்வன் றொண்டன்
    நாடி ரங்கிமுன் அறியுமந் நெறியால்
    நவின்ற பத்திவை விளம்பிய மாந்தர்
    காட ரங்கென நடம்நவின் றான்பாற்
    கதியும் எய்துவர் பதியவர்க் கதுவே. 7.62.10

    இத்தலம் சோழநாட்டிலுள்ளது.
    சுவாமிபெயர் - சத்தபுரீசுவரர், தேவியார் - ஓசைகொடுத்தநாயகியம்மை.
    திருச்சிற்றம்பலம்

    7.63 நம்பி என்ற திருப்பதிகம்


    பண் - தக்கேசி
    திருச்சிற்றம்பலம்

    645 மெய்யைமுற் றப்பொடிப் பூசியோர் நம்பி
    வேதம்நான் கும்விரித் தோதியோர் நம்பி
    கையிலோர் வெண்மழு ஏந்தியோர் நம்பி
    கண்ணு மூன்றுடை யாயொரு நம்பி
    செய்யநம் பிசிறு செஞ்சடை நம்பி
    திரிபுரந் தீயெழச் செற்றதோர் வில்லால்
    எய்தநம் பியென்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.1
    646 திங்கள் நம்பிமுடி மேலடி யார்பால்
    சிறந்தநம் பிபிறந் தஉயிர்க் கெல்லாம்
    அங்கண் நம்பியருள் மால்விசும் பாளும்
    அமரர் நம்பிகும ரன்முதல் தேவர்
    தங்கள் நம்பிதவத் துக்கொரு நம்பி
    தாதை என்றுன் சரண்பணிந் தேத்தும்
    எங்கள் நம்பிஎன்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.2
    647 வருந்த அன்றுமத யானை உரித்த
    வழக்கு நம்பிமுழக் குங்கடல் நஞ்சம்
    அருந்தும் நம்பிஅம ரர்க்கமு தீந்த
    அருளென் நம்பிபொரு ளால்வரு நட்டம்
    புரிந்த நம்பிபுரி நூலுடை நம்பி
    பொழுதும் விண்ணும்முழு தும்பல வாகி
    இருந்த நம்பிஎன்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.3
    648 ஊறு நம்பிஅமு தாஉயிர்க் கெல்லாம்
    உரிய நம்பிதெரி யம்மறை அங்கங்
    கூறு நம்பிமுனி வர்க்கருங் கூற்றைக்
    குமைத்த நம்பிகுமை யாப்புலன் ஐந்துஞ்
    சீறு நம்பிதிரு வெள்ளடை நம்பி
    செங்கண்வெள் ளைச்செழுங் கோட்டெரு தென்றும்
    ஏறு நம்பிஎன்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.4
    649 குற்ற நம்பிகுறு காரெயில் மூன்றைக்
    குலைத்த நம்பிசிலை யாவரை கையிற்
    பற்று நம்பிபர மானந்த வெள்ளம்
    பணிக்கும் நம்பிஎனப் பாடுத லல்லால்
    மற்று நம்பிஉனக் கென்செய வல்லேன்
    மதியி லேன்படு வெந்துயர் எல்லாம்
    எற்று நம்பிஎன்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.5
    650 அரித்த நம்பிஅடி கைதொழு வார்நோய்
    ஆண்ட நம்பிமுன்னை ஈண்டுல கங்கள்
    தெரித்த நம்பிஒரு சேவுடை நம்பி
    சில்பலிக் கென்றகந் தோறுமெய் வேடந்
    தரித்த நம்பிசம யங்களின் நம்பி
    தக்கன்றன் வேள்விபுக் கன்றிமை யோரை
    இரித்த நம்பிஎன்னை ஆளுடை நம்பி
    எழுபிறப் பும்எங்கள் நம்பிகண் டாயே. 7.63.6
    651 பின்னை நம்பும்புயத் தான்நெடு மாலும்
    பிரமனும் என்றிவர் நாடியுங் காணா
    உன்னை நம்பிஒரு வர்க்கெய்த லாமே
    உலகு நம்பிஉரை செய்யும தல்லால்
    முன்னைநம் பிபின்னும் வார்சடை நம்பி
    முழுதிவை இத்தனை யுந்தொகுத் தாண்ட
    தென்னை நம்பிஎம் பிரானாய நம்பி
    எழுபிறப் பும்எங்கள் நம்பிகண் டாயே. 7.63.7
    652 சொல்லை நம்பிபொரு ளாய்நின்ற நம்பி
    தோற்றம் ஈறுமுத லாகிய நம்பி
    வல்லை நம்பிஅடி யார்க்கருள் செய்ய
    வருந்தி நம்பிஉனக் காட்செய கில்லார்
    அல்லல் நம்பிபடு கின்றதென் நாடி
    அணங்கொரு பாகம்வைத் தெண்கணம் போற்ற
    இல்ல நம்பியிடு பிச்சைகொள் நம்பி
    எழுபிறப் பும்எங்கள் நம்பிகண் டாயே. 7.63.8
    653 காண்டு நம்பிகழற் சேவடி என்றுங்
    கலந்துனைக் காதலித் தாட்செய்கிற் பாரை
    ஆண்டு நம்பியவர் முன்கதி சேர
    அருளும் நம்பிகுரு மாப்பிறை பாம்பைத்
    தீண்டுநம் பிசென்னி யிற்கன்னி தங்கத்
    திருத்து நம்பிபொய்ச் சமண்பொரு ளாகி
    ஈண்டு நம்பிஇமை யோர்தொழு நம்பி
    எழுபிறப் பும்எங்கள் நம்பிகண் டாயே. 7.63.9
    654 கரக்கும் நம்பிகசி யாதவர் தம்மை
    கசிந்தவர்க் கிம்மையோ டம்மையில் இன்பம்
    பெருக்கும் நம்பி பெருகக் கருத்தா..
    ...... ...... ...... ......
    ...... ...... ...... ...... 7.63.10

    இச்செய்யுளின் பிற்பகுதி சிதைந்து போயிற்று.
    திருச்சிற்றம்பலம்

    7.64 திருத்தினை நகர்


    பண் - தக்கேசி
    திருச்சிற்றம்பலம்

    655 நீறு தாங்கிய திருநுத லானை
    நெற்றிக் கண்ணனை நிரைவளை மடந்தை
    கூறு தாங்கிய கொள்கையி னானைக்
    குற்றம் இல்லியைக் கற்றையஞ் சடைமேல்
    ஆறு தாங்கிய அழகனை அமரர்க்
    கரிய சோதியை வரிவரால் உகளுஞ்
    சேறு தாங்கிய திருத்தினை நகருட்
    சிவக்கொ ழுந்தினைச் சென்றடை மனனே. 7.64.1
    656 பிணிகொள் ஆக்கை பிறப்பிறப் பென்னும்
    இதனைநீக்கி ஈசன் திருவடி யிணைக்காள்
    துணிய வேண்டிடிற் சொல்லுவன் கேள்நீ
    அஞ்சல் நெஞ்சமே வஞ்சர்வாழ் மதின்மூன்
    றணிகொள் வெஞ்சிலை யால்உகச் சீறும்
    ஐயன் வையகம் பரவிநின் றேத்துந்
    திணியும் வார்பொழில் திருத்தினை நகருட்
    சிவக்கொ ழுந்தினைச் சென்றடை மனனே. 7.64.2
    657 வடிகொள் கண்ணிணை மடந்தையர் தம்பால்
    மயல துற்றுவஞ் சனைக்கிட மாகி
    முடியு மாகரு தேலெரு தேறும்
    மூர்த்தி யைமுத லாயபி ரானை
    அடிகள் என்றடி யார்தொழு தேத்தும்
    அப்பன் ஒப்பிலா முலைஉமை கோனைச்
    செடிகொள் கான்மலி திருத்தினை நகருட்
    சிவக்கொ ழுந்தினைச் சென்றடை மனனே. 7.64.3
    658 பாவ மேபுரிந் தகலிடந் தன்னிற்
    பலப கர்ந்தல மந்துயிர் வாழ்க்கைக்
    காவ என்றுழந் தயர்ந்துவீ ழாதே
    அண்ணல் தன்றிறம் அறிவினாற் கருதி
    மாவின் ஈருரி உடைபுனைந் தானை
    மணியை மைந்தனை வானவர்க் கமுதைத்
    தேவ தேவனைத் திருத்தினை நகருட்
    சிவக்கொ ழுந்தினைச் சென்றடை மனனே. 7.64.4
    659 ஒன்ற லாவுயிர் வாழ்க்கையை நினைந்திட்
    டுடல்த ளர்ந்தரு மாநிதி இயற்றி
    என்றும் வாழலாம் எமக்கெனப் பேசும்
    இதுவும் பொய்யென வேநினை உளமே
    குன்று லாவிய புயமுடை யானைக்
    கூத்த னைக்குலா விக்குவ லயத்தோர்
    சென்றெ லாம்பயில் திருத்தினை நகருட்
    சிவக்கொ ழுந்தினைச் சென்றடை மனனே. 7.64.5
    660 வேந்த ராயுல காண்டறம் புரிந்து
    வீற்றி ருந்தஇவ் வுடலிது தன்னைத்
    தேய்ந்தி றந்துவெந் துயருழந் திடுமிப்
    பொக்க வாழ்வினை விட்டிடு நெஞ்சே
    பாந்த ளங்கையில் ஆட்டுகந் தானைப்
    பரமனைக் கடற் சூர்தடிந் திட்ட
    சேந்தர் தாதையைத் திருத்தினை நகருட்
    சிவக்கொ ழுந்தினைச் சென்றடை மனனே. 7.64.6
    661 தன்னில் ஆசறு சித்தமு மின்றித்
    தவ முயன்றவ மாயின பேசிப்
    பின்ன லார்சடை கட்டியென் பணிந்தாற்
    பெரிதும் நீந்துவ தரிதது நிற்க
    முன்னெ லாம்முழு முதலென்று வானோர்
    மூர்த்தி யாகிய முதலவன் றன்னைச்
    செந்நெ லார்வயல் திருத்தினை நகருட்
    சிவக்கொ ழுந்தினைச் சென்றடை மனனே. 7.64.7
    662 பரிந்த சுற்றமும் மற்றுவன் றுணையும்
    பலருங் கண்டழு தெழவுயிர் உடலைப்
    பிரிந்து போமிது நிச்சயம் அறிந்தாற்
    பேதை வாழ்வெனும் பிணக்கினைத் தவிர்ந்து
    கருந்த டங்கண்ணி பங்கனை உயிரைக்
    கால காலனைக் கடவுளை விரும்பிச்
    செருந்தி பொன்மலர் திருத்தினை நகருட்
    சிவக்கொ ழுந்தினைச் சென்றடை மனனே. 7.64.8
    663 நமையெ லாம்பலர் இகழ்ந்துரைப் பதன்முன்
    நன்மை ஒன்றிலாத் தேரர்புன் சமணாஞ்
    சமய மாகிய தவத்தினார் அவத்தத்
    தன்மை விட்டொழி நன்மையை வேண்டில்
    உமையோர் கூறனை ஏறுகந் தானை
    உம்பர் ஆதியை எம்பெரு மானைச்
    சிமய மார்பொழில் திருத்தினை நகருட்
    சிவக்கொ ழுந்தினைச் சென்றடை மனனே. 7.64.9
    664 நீடு பொக்கையிற் பிறவியைப் பழித்து
    நீங்க லாமென்று மனத்தினைத் தெருட்டிச்
    சேடு லாம்பொழில் திருத்தினை நகருட்
    சிவக்கொ ழுந்தினைத் திருவடி யிணைதான்
    நாடெ லாம்புகழ் நாவலூ ராளி
    நம்பி வன்றொண்ட னூரன் உரைத்த
    பாட லாந்தமிழ் பத்திவை வல்லார்
    முத்தி யாவது பரகதிப் பயனே. 7.64.10

    இத்தலம் நடுநாட்டிலுள்ளது.
    சுவாமிபெயர் - திருநந்தீசுவரர், தேவியார் - இளங்கொம்பம்மை.
    திருச்சிற்றம்பலம்

    7.65 திருநின்றியூர்


    பண் - தக்கேசி
    திருச்சிற்றம்பலம்

    665 திருவும் வண்மையுந் திண்டிறல் அரசுஞ்
    சிலந்தி யார்செய்த செய்பணி கண்டு
    மருவு கோச்செங்க ணான்றனக் களித்த
    வார்த்தை கேட்டுநுன் மலரடி அடைந்தேன்
    பெருகு பொன்னிவந் துந்துபன் மணியைப்
    பிள்ளைப் பல்கணம் பண்ணையுள் நண்ணித்
    தெருவுந் தெற்றியும் முற்றமும் பற்றித்
    திரட்டுந் தென்றிரு நின்றியூ ரானே. 7.65.1
    666 அணிகொள் ஆடையம் பூண்மணி மாலை
    அமுது செய்தமு தம்பெறு சண்டி
    இணைகொள் ஏழெழு நூறிரு பனுவல்
    ஈன்ற வன்றிரு நாவினுக் கரையன்
    கணைகொள் கண்ணப்பன் என்றிவர் பெற்ற
    காத லின்னருள் ஆதரித் தடைந்தேன்
    திணைகொள் செந்தமிழ் பைங்கிளி தெரியுஞ்
    செல்வத் தென்றிரு நின்றியூ ரானே. 7.65.2
    667 மொய்த்த சீர்முந்நூற் றறுபது வேலி
    மூன்று நூறுவே தியரொடு நுனக்கு
    ஒத்த பொன்மணிக் கலசங்க ளேந்தி
    ஓங்கு நின்றியூர் என்றுனக் களிப்பப்
    பத்தி செய்தவப் பரசுரா மற்குப்
    பாதங் காட்டிய நீதிகண் டடைந்தேன்
    சித்தர் வானவர் தானவர் வணங்குஞ்
    செல்வத் தென்றிரு நின்றியூ ரானே. 7.65.3
    668 இரவி நீள்சுடர் எழுவதன் முன்னம்
    எழுந்து தன்முலைக் கலசங்க ளேந்திச்
    சுரபி பால்சொரிந் தாட்டிநின் பாதந்
    தொடர்ந்த வார்த்தை திடம்படக் கேட்டுப்
    பரவி உள்கிவன் பாசத்தை அறுத்துப்
    பரம வந்துநுன் பாதத்தை அடைந்தேன்
    நிரவி நித்திலம் அத்தகு செம்பொன்
    அளிக்குந் தென்றிரு நின்றியூ ரானே. 7.65.4
    669 வந்தோர் இந்திரன் வழிபட மகிழ்ந்து
    வான நாடுநீ ஆள்கென அருளிச்
    சந்தி மூன்றிலுந் தாபரம் நிறுத்திச்
    சகளி செய்திறைஞ் சகத்தியர் தமக்குச்
    சிந்து மாமணி அணிதிருப் பொதியிற்
    சேர்வு நல்கிய செல்வங்கண் டடைந்தேன்
    செந்தண் மாமலர்த் திருமகள் மருவுஞ்
    செல்வத் தென்றிரு நின்றியூ ரானே. 7.65.5
    670 காது பொத்தரைக் கின்னரர் உழுவை
    கடிக்கும் பன்னகம் பிடிப்பருஞ் சீயங்
    கோதில் மாதவர் குழுவுடன் கேட்பக்
    கோல ஆல்நிழற் கீழறம் பகர
    ஏதஞ் செய்தவர் எய்திய இன்பம்
    யானுங் கேட்டுநின் இணையடி அடைந்தேன்
    நீதி வேதியர் நிறைபுகழ் உலகில்
    நிலவு தென்றிரு நின்றியூ ரானே. 7.65.6
    671 கோடு நான்குடைக் குஞ்சரங் குலுங்க
    நலங்கொள் பாதம்நின் றேத்திய பொழுதே
    பீடு விண்மிசைப் பெருமையும் பெற்ற
    பெற்றி கேட்டுநின் பொற்கழல் அடைந்தேன்
    பேடை மஞ்ஞையும் பிணைகளின் கன்றும்
    பிள்ளைக் கிள்ளையும் எனப்பிறை நுதலார்
    நீடு மாடங்கள் மாளிகை தோறும்
    நிலவு தென்றிரு நின்றியூ ரானே. 7.65.7
    இப்பதிகத்தில் 8-10ம் செய்யுட்கள் சிதைந்து போயின. 7.65.8-10

    இத்தலம் சோழநாட்டிலுள்ளது.
    சுவாமிபெயர் - இலட்சுமிவரதர், தேவியார் - உலகநாயகியம்மை.
    திருச்சிற்றம்பலம்

    7.66 திருவாவடுதுறை


    பண் - தக்கேசி
    திருச்சிற்றம்பலம்

    672 மறைய வனொரு மாணிவந் தடைய
    வார மாய்அவன் ஆருயிர் நிறுத்தக்
    கறைகொள் வேலுடைக் காலனைக் காலாற்
    கடந்த காரணங் கண்டுகண் டடியேன்
    இறைவன் எம்பெரு மானென்றெப் போதும்
    ஏத்தி ஏத்திநின் றஞ்சலி செய்துன்
    அறைகொள் சேவடிக் கன்பொடும் அடைந்தேன்
    ஆவ டுதுறை ஆதிஎம் மானே. 7.66.1
    673 தெருண்ட வாயிடை நூல்கொண்டு சிலந்தி
    சித்தி ரப்பந்தர் சிக்கென இயற்றச்
    சுருண்ட செஞ்சடை யாயது தன்னைச்
    சோழன் ஆக்கிய தொடர்ச்சிகண் டடியேன்
    புரண்டு வீழ்ந்துநின் பொன்மலர்ப் பாதம்
    போற்றி போற்றியென் றன்பொடு புலம்பி
    அருண்டென் மேல்வினைக் கஞ்சிவந் தடைந்தேன்
    ஆவ டுதுறை ஆதிஎம் மானே. 7.66.2
    674 திகழும் மாலவன் ஆயிரம் மலரால்
    ஏத்து வானொரு நீண்மலர் குறையப்
    புகழி னாலவன் கண்ணிடந் திடலும்
    புரிந்து சக்கரங் கொடுத்தல்கண் டடியேன்
    திகழும் நின்றிருப் பாதங்கள் பரவித்
    தேவ தேவநின் றிறம்பல பிதற்றி
    அகழும் வல்வினைக் கஞ்சிவந் தடைந்தேன்
    ஆவ டுதுறை ஆதிஎம் மானே. 7.66.3
    675 வீரத் தாலொரு வேடுவ னாகி
    விசைத்தோர் கேழலைத் துரந்துசென் றணைந்து
    போரைத் தான்விச யன்றனக் கன்பாய்ப்
    புரிந்து வான்படை கொடுத்தல்கண் டடியேன்
    வாரத் தாலுன நாமங்கள் பரவி
    வழிபட் டுன்றிற மேநினைந் துருகி
    ஆர்வத் தோடும்வந் தடியிணை அடைந்தேன்
    ஆவ டுதுறை ஆதிஎம் மானே. 7.66.4
    676 ஒக்க முப்புரம் ஓங்கெரி தூவ
    உன்னை உன்னிய மூவர்நின் சரணம்
    புக்கு மற்றவர் பொன்னுல காளப்
    புகழி னாலருள் ஈந்தமை அறிந்து
    மிக்க நின்கழ லேதொழு தரற்றி
    வேதி யாஆதி மூர்த்திநின் அரையில்
    அக்க ணிந்தஎம் மானுனை அடைந்தேன்
    ஆவ டுதுறை ஆதிஎம் மானே. 7.66.5
    இப்பதிகத்தில் 6-10ம் செய்யுட்கள் சிதைந்து போயின. 7.66.6-10

    இத்தலம் சோழநாட்டிலுள்ளது.
    சுவாமிபெயர் - மாசிலாமணியீசுவரர், தேவியார் - ஒப்பிலாமுலையம்மை.
    திருச்சிற்றம்பலம்

    7.67 திருவலிவலம்


    பண் - தக்கேசி
    திருச்சிற்றம்பலம்

    677 ஊனங் கைத்துயிர்ப் பாயுல கெல்லாம்
    ஓங்கா ரத்துரு வாகிநின் றானை
    வானங் கைத்தவர்க் கும்மளப் பரிய
    வள்ள லையடி யார்கள்தம் உள்ளத்
    தேனங் கைத்தமு தாகியுள் ளூறுந்
    தேச னைத்திளைத் தற்கினி யானை
    மானங் கைத்தலத் தேந்தவல் லானை
    வலிவ லந்தனில் வந்துகண் டேனே. 7.67.1
    678 பல்லடி யார்பணிக் குப்பரி வானைப்
    பாடியா டும்பத்தர்க் கன்புடை யானைச்
    செல்லடி யேநெருக் கித்திறம் பாது
    சேர்ந்தவர்க் கேசித்தி முத்திசெய் வானை
    நல்லடி யார்மனத் தெய்ப்பினில் வைப்பை
    நானுறு குறையறிந் தருள்புரி வானை
    வல்லடி யார்மனத் திச்சை உளானை
    வலிவ லந்தனில் வந்துகண் டேனே. 7.67.2
    679 ஆழிய னாய்அகன் றேஉயர்ந் தானை
    ஆதியந் தம்பணி வார்க்கணி யானைக்
    கூழைய ராகிப்பொய் யேகுடிஓம்பிக்
    குழைந்து மெய்யடி யார்குழுப் பெய்யும்
    வாழியர்க் கேவழு வாநெறி காட்டி
    மறுபி றப்பென்னை மாசறுத் தானை
    மாழையொண் கண்ணுமை யைமகிழ்ந் தானை
    வலிவ லந்தனில் வந்துகண் டேனே. 7.67.3
    680 நாத்தான் உன்றிற மேதிறம் பாது
    நண்ணியண் ணித்தமு தம்பொதிந் தூறும்
    ஆத்தா னைஅடி யேன்றனக் கென்றும்
    அளவி றந்தபல தேவர்கள் போற்றுஞ்
    சோத்தா னைச்சுடர் மூன்றிலும் ஒன்றித்
    துருவி மால்பிர மன்னறி யாத
    மாத்தா னைமாத் தெனக்குவைத் தானை
    வலிவ லந்தனில் வந்துகண் டேனே. 7.67.4
    681 நல்லிசை ஞானசம் பந்தனும் நாவினுக்
    கரசரும் பாடிய நற்றமிழ் மாலை
    சொல்லிய வேசொல்லி ஏத்துகப் பானைத்
    தொண்ட னேன்அறி யாமை அறிந்து
    கல்லி யல்மனத் தைக்கசி வித்துக்
    கழலடி காட்டியென் களைகளை அறுக்கும்
    வல்லியல் வானவர் வணங்க நின்றானை
    வலிவ லந்தனில் வந்துகண் டேனே. 7.67.5
    682 பாடுமா பாடிப் பணியுமா றறியேன்
    பனுவுமா பனுவிப் பரவுமா றறியேன்
    தேடுமா தேடித் திருத்துமா றறியேன்
    செல்லுமா செல்லச் செலுத்துமா றறியேன்
    கூடுமா றெங்ஙன மோவென்று கூறக்
    குறித்துக் காட்டிக் கொணர்ந்தெனை ஆண்டு
    வாடிநீ வாளா வருந்தலென் பானை
    வலிவ லந்தனில் வந்துகண் டேனே. 7.67.6
    683 பந்தித்த வல்வினைப் பற்றறப் பிறவிப்
    படுக டற்பரப் புத்தவிர்ப் பானைச்
    சந்தித் ததிற லாற்பணி பூட்டித்
    தவத்தை ஈட்டிய தம்மடி யார்க்குச்
    சிந்தித் தற்கெளி தாய்த்திருப் பாதஞ்
    சிவலோ கந்திறந் தேற்றவல் லானை
    வந்திப் பார்தம் மனத்தினுள் ளானை
    வலிவ லந்தனில் வந்துகண் டேனே. 7.67.7
    684 எவ்வவர் தேவர் இருடிகள் மன்னர்
    எண்ணிறந் தார்கள்மற் றெங்கும்நின் றேத்த
    அவ்வவர் வேண்டிய தேஅருள் செய்து
    அடைந்தவர்க் கேஇட மாகிநின் றானை
    இவ்வவர் கருணையெங் கற்பகக் கடலை
    எம்பெரு மான்அரு ளாய்என்ற பின்னை
    வவ்வியென் ஆவி மனங்கலந் தானை
    வலிவ லந்தனில் வந்துகண் டேனே. 7.67.8
    685 திரியும் முப்புரஞ் செற்றதுங் குற்றத்
    திறல ரக்கனைச் செறுத்ததும் மற்றைப்
    பெரிய நஞ்சமு துண்டதும் முற்றும்
    பின்னை யாய்முன்ன மேமுளைத் தானை
    அரிய நான்மறை அந்தணர் ஓவா
    தடிப ணிந்தறி தற்கரி யானை
    வரையின் பாவை மணாளனெம் மானை
    வலிவ லந்தனில் வந்துகண் டேனே. 7.67.9
    686 ஏன்ற அந்தணன் தலையினை அறுத்து
    நிறைக்க மாலுதி ரத்தினை ஏற்றுத்
    தோன்று தோண்மிசைக் களேபரந் தன்னைச்
    சுமந்த மாவிர தத்தகங் காளன்
    சான்று காட்டுதற் கரியவன் எளியவன்
    றன்னைத் தன்னி லாமனத் தார்க்கு
    மான்று சென்றணை யாதவன் றன்னை
    வலிவ லந்தனில் வந்துகண் டேனே. 7.67.10
    687 கலிவ லங்கெட ஆரழல் ஓம்புங்
    கற்ற நான்மறை முற்றனல் ஓம்பும்
    வலிவ லந்தனில் வந்துகண் டடியேன்
    மன்னும் நாவலா ரூரன்வன் றொண்டன்
    ஒலிகொள் இன்னிசைச் செந்தமிழ் பத்தும்
    உள்ளத் தாலுகந் தேத்தவல் லார்போய்
    மெலிவில் வானுல கத்தவர் ஏத்த
    விரும்பி விண்ணுல கெய்துவர் தாமே. 7.67.11

    இத்தலம் சோழநாட்டிலுள்ளது.
    சுவாமிபெயர் - மனத்துணைநாதர், தேவியார் - மாழையங்கண்ணியம்மை.
    திருச்சிற்றம்பலம்

    7.68 திருநள்ளாறு


    பண் - தக்கேசி
    திருச்சிற்றம்பலம்

    688 செம்பொன் மேனிவெண் ணீறணி வானைக்
    கரிய கண்டனை மால்அயன் காணாச்
    சம்பு வைத்தழல் அங்கையி னானைச்
    சாம வேதனைத் தன்னொப்பி லானைக்
    கும்ப மாகரி யின்னுரி யானைக்
    கோவின் மேல்வருங் கோவினை எங்கள்
    நம்ப னைநள் ளாறனை அமுதை
    நாயி னேன்மறந் தென்நினைக் கேனே. 7.68.1
    689 விரைசெய் மாமலர்க் கொன்றையி னானை
    வேத கீதனை மிகச்சிறந் துருகிப்
    பரசு வார்வினைப் பற்றறுப் பானைப்
    பாலொ டானஞ்சும் ஆடவல் லானைக்
    குரைக டல்வரை ஏழுல குடைய
    கோனை ஞானக் கொழுந்தினைத் தொல்லை
    நரைவிடை யுடையநல் லாறனை அமுதை
    நாயி னேன்மறந் தென்நினைக் கேனே. 7.68.2
    690 பூவில் வாசத்தைப் பொன்னினை மணியைப்
    புவியைக் காற்றினைப் புனல்அனல் வெளியைச்
    சேவின் மேல்வருஞ் செல்வனைச் சிவனைத்
    தேவ தேவனைத் தித்திக்குந் தேனைக்
    காவி யங்கண்ணிப் பங்கனைக் கங்கைச்
    சடைய னைக்கா மரத்திசை பாட
    நாவில் ஊறும்நள் ளாறனை அமுதை
    நாயி னேன்மறந் தென்நினைக் கேனே. 7.68.3
    691 தஞ்சம் என்றுதன் தாளது வடைந்த
    பாலன் மேல்வந்த காலனை உருள
    நெஞ்சில் ஓர்உதை கொண்ட பிரானை
    நினைப்ப வர்மனம் நீங்ககில் லானை
    விஞ்சை வானவர் தானவர் கூடிக்
    கடைந்த வேலையுள் மிக்கெழுந் தெரியும்
    நஞ்சம் உண்டநள் ளாறனை அமுதை
    நாயி னேன்மறந் தென்நினைக் கேனே. 7.68.4
    692 மங்கை பங்கனை மாசிலா மணியை
    வான நாடனை ஏனமோ டன்னம்
    எங்கு நாடியுங் காண்பரி யானை
    ஏழை யேற்கெளி வந்தபி ரானை
    அங்கம் நான்மறை யால்நிறை கின்ற
    அந்த ணாளர் அடியது போற்றும்
    நங்கள் கோனைநள் ளாறனை அமுதை
    நாயி னேன்மறந் தென்நினைக் கேனே. 7.68.5
    693 கற்ப கத்தினைக் கனகமால் வரையைக்
    காம கோபனைக் கண்ணுத லானைச்
    சொற்ப தப்பொருள் இருளறுத் தருளுந்
    தூய சோதியை வெண்ணெய் நல்லூரில்
    அற்பு தப்பழ ஆவணங் காட்டி
    அடிய னாஎன்னை ஆளது கொண்ட
    நற்ப தத்தைநள் ளாறனை அமுதை
    நாயி னேன்மறந் தென்நினைக் கேனே. 7.68.6
    694 மறவ னைஅன்று பன்றிப்பின் சென்ற
    மாய னைநால்வர்க் காலின்கீழ் உரைத்த
    அறவ னைஅம ரர்க்கரி யானை
    அமரர் சேனைக்கு நாயக னான
    குறவர் மங்கைதன் கேள்வனைப் பெற்ற
    கோனை நான்செய்த குற்றங்கள் பொறுக்கும்
    நறைவி ரியும்நள் ளாறனை அமுதை
    நாயி னேன்மறந் தென்நினைக் கேனே. 7.68.7
    695 மாதி னுக்குடம் பிடங்கொடுத் தானை
    மணியி னைப்பணி வார்வினை கெடுக்கும்
    வேத னைவேத வேள்வியர் வணங்கும்
    விமல னையடி யேற்கெளி வந்த
    தூதனைத் தன்னைத் தோழமை அருளித்
    தொண்ட னேன்செய்த துரிசுகள் பொறுக்கும்
    நாத னைநள் ளாறனை அமுதை
    நாயி னேன்மறந் தென்நினைக் கேனே. 7.68.8
    696 இலங்கை வேந்தன் எழில்திகழ் கயிலை
    எடுப்ப ஆங்கிம வான்மகள் அஞ்சத்
    துலங்கு நீண்முடி ஒருபதுந் தோள்கள்
    இருப துந்நெரித் தின்னிசை கேட்டு
    வலங்கை வாளொடு நாமமுங் கொடுத்த
    வள்ள லைப்பிள்ளை மாமதிச் சடைமேல்
    நலங்கொள் சோதிநள் ளாறனை அமுதை
    நாயி னேன்மறந் தென்நினைக் கேனே. 7.68.9
    697 செறிந்த சோலைகள் சூழ்ந்தநள் ளாற்றெஞ்
    சிவனை நாவலூர்ச் சிங்கடி தந்தை
    மறந்து நான்மற்று நினைப்பதே தென்று
    வனப்ப கையப்பன் ஊரன்வன் றொண்டன்
    சிறந்த மாலைகள் அஞ்சினோ டஞ்சுஞ்
    சிந்தையுள் ளுருகிச் செப்ப வல்லார்க்
    கிறந்து போக்கில்லை வரவில்லை யாகி
    இன்பவெள் ளத்துள் இருப்பர்க ளினிதே. 7.68.10

    இத்தலம் சோழநாட்டிலுள்ளது.
    சுவாமிபெயர் - தெர்ப்பாரணியயீசுவரர்,
    தேவியார் - போகமார்த்தபூண்முலையம்மை.
    திருச்சிற்றம்பலம்

    7.69 திருவடமுல்லைவாயில்


    பண் - தக்கேசி
    திருச்சிற்றம்பலம்

    698 திருவுமெய்ப் பொருளுஞ் செல்வமும் எனக்குன்
    சீருடைக் கழல்களென் றெண்ணி
    ஒருவரை மதியா துறாமைகள் செய்து
    மூடியும் உறைப்பனாய்த் திரிவேன்
    முருகமர் சோலை சூழ்திரு முல்லை
    வாயிலாய் வாயினால் உன்னைப்
    பரவிடும் அடியேன் படுதுயர் களையாய்
    பாசுப தாபரஞ் சுடரே. 7.69.1
    699 கூடிய இலயம் சதிபிழை யாமைக்
    கொடியிடை உமையவள் காண
    ஆடிய அழகா அருமறைப் பொருளே
    அங்கணா எங்குற்றா யென்று
    தேடிய வானோர் சேர்திரு முல்லை
    வாயிலாய் திருப்புகழ் விருப்பால்
    பாடிய அடியேன் படுதுயர் களையாய்
    பாசுப தாபரஞ் சுடரே. 7.69.2
    700 விண்பணிந் தேத்தும் வேதியா மாதர்
    வெருவிட வேழமன் றுரித்தாய்
    செண்பகச் சோலை சூழ்திரு முல்லை
    வாயிலாய் தேவர்தம் மரசே
    தண்பொழில் ஒற்றி மாநகர் உடையாய்
    சங்கிலிக் காஎன்கண் கொண்ட
    பண்பநின் னடியேன் படுதுயர் களையாய்
    பாசுப தாபரஞ் சுடரே. 7.69.3
    701 பொன்னலங் கழனிப் புதுவிரை மருவிப்
    பொறிவரி வண்டிசை பாட
    அந்நலங் கமலத் தவிசின்மேல் உறங்கும்
    அலவன்வந் துலவிட அள்ளல்
    செந்நெலங் கழனி சூழ்திரு முல்லை
    வாயிலாய் திருப்புகழ் விருப்பால்
    பன்னலந் தமிழாற் பாடுவேற் கருளாய்
    பாசுப தாபரஞ் சுடரே. 7.69.4
    702 சந்தன வேருங் காரகிற் குறடுந்
    தண்மயிற் பீலியுங் கரியின்
    தந்தமுந் தரளக் குவைகளும் பவளக்
    கொடிகளுஞ் சுமந்துகொண் டுந்தி
    வந்திழி பாலி வடகரை முல்லை
    வயிலாய் மாசிலா மணியே
    பந்தனை கெடுத்தென் படுதுயர் களையாய்
    பாசுப தாபரஞ் சுடரே. 7.69.5
    703 மற்றுநான் பெற்ற தார்பெற வல்லார்
    வள்ளலே கள்ளமே பேசிக்
    குற்றமே செயினுங் குணமெனக் கொள்ளுங்
    கொள்கையால் மிகைபல செய்தேன்
    செற்றுமீ தோடுந் திரிபுரம் எரித்த
    திருமுல்லை வாயிலாய் அடியேன்
    பற்றிலேன் உற்ற படுதுயர் களையாய்
    பாசுப தாபரஞ் சுடரே. 7.69.6
    704 மணிகெழு செவ்வாய் வெண்ணகைக் கரிய
    வார்குழல் மாமயிற் சாயல்
    அணிகெழு கொங்கை அங்கயற் கண்ணார்
    அருநடம் ஆடல றாத
    திணிபொழில் தழுவு திருமுல்லை வாயிற்
    செல்வனே எல்லியும் பகலும்
    பணியது செய்வேன் படுதுயர் களையாய்
    பாசுப தாபரஞ் சுடரே. 7.69.7
    705 நம்பனே அன்று வெண்ணெய்நல் லூரில்
    நாயினேன் தன்னையாட் கொண்ட
    சம்புவே உம்ப ரார்தொழு தேத்துந்
    தடங்கடல் நஞ்சுண்ட கண்டா
    செம்பொன்மா ளிகைசூழ் திருமுல்லை வாயில்
    தேடியான் திரிதர்வேன் கண்ட
    பைம்பொனே அடியேன் படுதுயர் களையாய்
    பாசுப தாபரஞ் சுடரே. 7.69.8
    706 மட்டுலா மலர்கொண் டடியிணை வணங்கும்
    மாணிதன் மேல்மதி யாதே
    கட்டுவான் வந்த காலனை மாளக்
    காலினால் ஆருயிர் செகுத்த
    சிட்டனே செல்வத் திருமுல்லை வாயிற்
    செல்வனே செழுமறை பகர்ந்த
    பட்டனே அடியேன் படுதுயர் களையாய்
    பாசுப தாபரஞ் சுடரே. 7.69.9
    707 சொல்லரும் புகழான் தொண்டைமான் களிற்றைச்
    சூழ்கொடி முல்லையாற் கட்டிட்
    டெல்லையில் இன்பம் அவன்பெற வெளிப்பட்
    டருளிய இறைவனே என்றும்
    நல்லவர் பரவுந் திருமுல்லை வாயில்
    நாதனே நரைவிடை ஏறீ
    பல்கலைப் பொருளே படுதுயர் களையாய்
    பாசுப தாபரஞ் சுடரே. 7.69.10
    708 விரைதரு மலர்மேல் அயனொடு மாலும்
    வெருவிட நீண்டஎம் மானைத்
    திரைதரு புனல்சூழ் திருமுல்லை வாயிற்
    செல்வனை நாவலா ரூரன்
    உரைதரு மாலையோர் அஞ்சினோ டஞ்சும்
    உள்குளிர்ந் தேத்தவல் லார்கள்
    நரைதிரை மூப்பும் நடலையு மின்றி
    நண்ணுவர் விண்ணவர்க் கரசே. 7.69.11

    இத்தலம் தொண்டைநாட்டிலுள்ளது.
    சுவாமிபெயர் - மாசிலாமணியீசுவரர், தேவியார் - கொடியிடைநாயகியம்மை.
    திருச்சிற்றம்பலம்

    7.70 திருவாவடுதுறை


    பண் - தக்கேசி
    திருச்சிற்றம்பலம்

    709 கங்கை வார்சடை யாய்கண நாதா
    கால காலனே காமனுக் கனலே
    பொங்கு மாகடல் விடமிடற் றானே
    பூத நாதனே புண்ணியா புனிதா
    செங்கண் மால்விடை யாய்தெளி தேனே
    தீர்த்த னேதிரு வாவடு துறையுள்
    அங்க ணாஎனை அஞ்சலென் றருளாய்
    ஆரெ னக்குற வமரர்கள் ஏறே. 7.70.1
    710 மண்ணின் மேல்மயங் கிக்கிடப் பேனை
    வலிய வந்தெனை ஆண்டுகொண் டானே
    கண்ணி லேன்உடம் பில்லடு நோயாற்
    கருத்த ழிந்துனக் கேபொறை ஆனேன்
    தெண்ணி லாஎறிக் குஞ்சடை யானே
    தேவ னேதிரு வாவடு துறையுள்
    அண்ண லேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.2
    711 ஒப்பி லாமுலை யாளொரு பாகா
    உத்த மாமத்த மார்தரு சடையாய்
    முப்பு ரங்களைத் தீவளைத் தங்கே
    மூவ ருக்கருள் செய்யவல் லானே
    செப்ப ஆல்நிழற் கீழிருந் தருளுஞ்
    செல்வ னேதிரு வாவடு துறையுள்
    அப்ப னேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.3
    712 கொதியி னால்வரு காளிதன் கோபங்
    குறைய ஆடிய கூத்துடை யானே
    மதியி லேன்உடம் பில்லடு நோயால்
    மயங்கி னேன்மணி யேமண வாளா
    விதியி னாலிமை யோர்தொழு தேத்தும்
    விகிர்த னேதிரு வாவடு துறையுள்
    அதிப னேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.4
    713 வந்த வாளரக் கன்வலி தொலைத்து
    வாழும் நாள்கொடுத் தாய்வழி முதலே
    வெந்த வெண்பொடி பூசவல் லானே
    வேட னாய்விச யற்கருள் புரிந்த
    இந்து சேகர னேஇமை யோர்சீர்
    ஈச னேதிரு வாவடு துறையுள்
    அந்த ணாஎனை அஞ்சலென் றருளாய்
    ஆரெ னக்குற வமரர்கள் ஏறே. 7.70.5
    714 குறைவி லாநிறை வேகுணக் குன்றே
    கூத்த னேகுழைக் காதுடை யானே
    உறவி லேன்உனை அன்றிமற் றடியேன்
    ஒருபி ழைபொறுத் தால்இழி வுண்டே
    சிறைவண் டார்பொழில் சூழ்திரு வாரூர்ச்
    செம்பொ னேதிரு வாவடு துறையுள்
    அறவ னேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.6
    715 வெய்ய மாகரி ஈருரி யானே
    வேங்கை ஆடையி னாய்விதி முதலே
    மெய்ய னேஅடல் ஆழியன் றரிதான்
    வேண்ட நீகொடுத் தருள்புரி விகிர்தா
    செய்ய மேனிய னேதிகழ் ஒளியே
    செங்க ணாதிரு வாவடு துறையுள்
    ஐய னேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.7
    716 கோதி லாவமு தேஅருள் பெருகு
    கோல மேஇமை யோர்தொழு கோவே
    பாதி மாதொரு கூறுடை யானே
    பசுப தீபர மாபர மேட்டீ
    தீதி லாமலை யேதிரு வருள்சேர்
    சேவ காதிரு வாவடு துறையுள்
    ஆதி யேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.8
    717 வான நாடனே வழித்துணை மருந்தே
    மாசி லாமணி யேமறைப் பொருளே
    ஏன மாவெயி றாமையும் எலும்பும்
    ஈடு தாங்கிய மார்புடை யானே
    தேனெய் பால்தயிர் ஆட்டுகந் தானே
    தேவ னேதிரு வாவடு துறையுள்
    ஆனை யேயெனை அஞ்சலென் றருளாய்
    ஆரெ னக்குற வமரர்கள் ஏறே. 7.70.9
    718 வெண்ட லைப்பிறை கொன்றையும் அரவும்
    வேரி மத்தமும் விரவிமுன் முடித்த
    இண்டை மாமலர்ச் செஞ்சடை யானை
    ஈச னைத்திரு வாவடு துறையுள்
    அண்ட வாணனைச் சிங்கடி யப்பன்
    அணுக்க வன்றொண்டன் ஆர்வத்தால் உரைத்த
    தண்ட மிழ்மலர் பத்தும்வல் லார்கள்
    சாத லும்பிறப் பும்மறுப் பாரே. 7.70.10

    திருச்சிற்றம்பலம்

    7.71 திருமறைக்காடு


    பண் - காந்தாரம்
    திருச்சிற்றம்பலம்

    719 யாழைப்பழித் தன்னமொழி
    மங்கையொரு பங்கன்
    பேழைச்சடை முடிமேற்பிறை
    வைத்தான்இடம் பேணில்
    தாழைப்பொழி லூடேசென்று
    பூழைத்தலை நுழைந்து
    வாழைக்கனி கூழைக்குரங்
    குண்ணும்மறைக் காடே. 7.71.1
    720 சிகரத்திடை இளவெண்பிறை
    வைத்தான்இடந் தெரியில்
    முகரத்திடை முத்தின்னொளி
    பவளத்திரள் ஓதத்
    தகரத்திடை தாழைத்திரள்
    ஞாழற்றிரள் நீழல்
    மகரத்தொடு சுறவங்கொணர்ந்
    தெற்றும்மறைக் காடே. 7.71.2
    721 அங்கங்களும் மறைநான்குடன்
    விரித்தானிடம் அறிந்தோம்
    தெங்கங்களும் நெடும்பெண்ணையும்
    பழம்வீழ்மணற் படப்பைச்
    சங்கங்களும் இலங்கிப்பியும்
    வலம்புரிகளும் இடறி
    வங்கங்களும் உயர்கூம்பொடு
    வணங்கும்மறைக் காடே. 7.71.3
    722 நரைவிரவிய மயிர்தன்னொடு
    பஞ்சவடி மார்பன்
    உரைவிரவிய உத்தமனிடம்
    உணரல்லுறு மனமே
    குரைவிரவிய குலசேகரக்
    கொண்டற்றலை விண்ட
    வரைபுரைவன திரைபொருதிழிந்
    தெற்றும்மறைக் காடே. 7.71.4
    723 சங்கைப்பட நினையாதெழு
    நெஞ்சேதொழு தேத்தக்
    கங்கைச்சடை முடியுடையவர்க்
    கிடமாவது பரவை
    அங்கைக்கடல் அருமாமணி
    உந்திக்கரைக் கேற்ற
    வங்கத்தொடு சுறவங்கொணர்ந்
    தெற்றும்மறைக் காடே. 7.71.5
    724 அடல்விடையினன் மழுவாளினன்
    அலராலணி கொன்றைப்
    படருஞ்சடை முடியுடையவர்க்
    கிடமாவது பரவைக்
    கடலிடையிடை கழியருகினிற்
    கடிநாறுதண் கைதை
    மடலிடையிடை வெண்குருகெழு
    மணிநீர்மறைக் காடே. 7.71.6
    725 முளைவளரிள மதியுடையவன்
    முன்செய்தவல் வினைகள்
    களைகளைந்தெனை ஆளல்லுறு
    கண்டன்னிடஞ் செந்நெல்
    வளைவிளைவயற் கயல்பாய்தரு
    குணவார்மணற் கடல்வாய்
    வளைவளையொடு சலஞ்சலங்கொணர்ந்
    தெற்றும்மறைக் காடே. 7.71.7
    726 நலம்பெரியன சுரும்பார்ந்தன
    நங்கோனிடம் அறிந்தோம்
    கலம்பெரியன சாருங்கடற்
    கரைபொருதிழி கங்கைச்
    சலம்புரிசடை முடியுடையவர்க்
    கிடமாவது பரவை
    வலம்புரியொடு சலஞ்சலங்கொணர்ந்
    தெற்றும்மறைக் காடே. 7.71.8
    727 குண்டாடியுஞ் சமணாடியுங்
    குற்றுடுக்கையர் தாமுங்
    கண்டார்கண்ட காரணம்மவை
    கருதாதுகை தொழுமின்
    எண்டோ ளினன் முக்கண்ணினன்
    ஏழிசையினன் அறுகால்
    வண்டாடுதண் பொழில்சூழ்ந்தெழு
    மணிநீர்மறைக் காடே. 7.71.9
    728 பாரூர்பல புடைசூழ்வள
    வயல்நாவலர் வேந்தன்
    வாரூர்வன முலையாள்உமை
    பங்கன்மறைக் காட்டை
    ஆரூரன தமிழ்மாலைகள்
    பாடும்மடித் தொண்டர்
    நீரூர்தரு நிலனோடுயர்
    புகழாகுவர் தாமே. 7.71.10

    இத்தலம் சோழநாட்டிலுள்ளது.
    சுவாமிபெயர் - மறைக்காட்டீசுவரர், தேவியார் - யாழைப்பழித்தநாயகி.
    திருச்சிற்றம்பலம்

    7.72 திருவலம்புரம்


    பண் - காந்தாரம்
    திருச்சிற்றம்பலம்

    729 எனக்கினித் தினைத்தனைப் புகலிடம் அறிந்தேன்
    பனைக்கனிப் பழம்படும் பரவையின் கரைமேல்
    எனக்கினி யவன்தமர்க் கினியவன் எழுமையும்
    மனக்கினி யவன்றன திடம்வலம் புரமே. 7.72.1
    730 புரமவை எரிதர வளைந்தவில் லினன்அவன்
    மரவுரி புலியதள் அரைமிசை மருவினன்
    அரவுரி இரந்தவன் இரந்துண விரும்பிநின்
    றிரவெரி யாடிதன் இடம்வலம் புரமே. 7.72.2
    731 நீறணி மேனியன் நெருப்புமிழ் அரவினன்
    கூறணி கொடுமழு ஏந்தியோர் கையினன்
    ஆறணி அவிர்சடை அழல்வளர் மழலைவெள்
    ளேறணி அடிகள்தம் இடம்வலம் புரமே. 7.72.3
    732 கொங்கணை சுரும்புண நெருங்கிய குளிரிளந்
    தெங்கொடு பனைபழம் படுமிடந் தேவர்கள்
    தங்கிடும் இடந்தடங் கடற்றிரை புடைதர
    எங்கள தடிகள்நல் இடம்வலம் புரமே. 7.72.4
    733 கொடுமழு விரகினன் கொலைமலி சிலையினன்
    நெடுமதில் சிறுமையின் நிரவவல் லவனிடம்
    படுமணி முத்தமும் பவளமும் மிகச்சுமந்
    திடுமணல் அடைகரை இடம்வலம் புரமே. 7.72.5
    734 கருங்கடக் களிற்றுரிக் கடவுள திடங்கயல்
    நெருங்கிய நெடும்பெணை அடும்பொடு விரவிய
    மருங்கொடு வலம்புரி சலஞ்சலம் மணம்புணர்ந்
    திருங்கடல் அணைகரை இடம்வலம் புரமே. 7.72.6
    735 நரிபுரி காடரங் காநடம் ஆடுவர்
    வரிபுரி பாடநின் றாடும்எம் மான்இடம்
    புரிசுரி வரிகுழல் அரிவையோர் பால்மகிழ்ந்
    தெரியெரி யாடிதன் இடம்வலம் புரமே. 7.72.7
    736 பாறணி முடைதலை கலனென மருவிய
    நீறணி நிமிர்சடை முடியினன் நிலவிய
    மாறணி வருதிரை வயலணி பொழிலது
    ஏறுடை அடிகள்தம் இடம்வலம் புரமே. 7.72.8
    737 சடசட விடுபெணை பழம்படும் இடவகை
    படவட கத்தொடு பலிகலந் துலவிய
    கடைகடை பலிதிரி கபாலிதன் இடமது
    இடிகரை மணலடை இடம்வலம் புரமே. 7.72.9
    738 குண்டிகைப் படப்பினில் விடக்கினை ஒழித்தவர்
    கண்டவர் கண்டடி வீழ்ந்தவர் கனைகழல்
    தண்டுடைத் தண்டிதன் இனமுடை அரவுடன்
    எண்டிசைக் கொருசுடர் இடம்வலம் புரமே. 7.72.10
    739 வருங்கல மும்பல பேணுதல் கருங்கடல்
    இருங்குலப் பிறப்பர்தம் இடம்வலம் புரத்தினை
    அருங்குலத் தருந்தமிழ் ஊரன்வன் றொண்டன்சொல்
    பெருங்குலத் தவரொடு பிதற்றுதல் பெருமையே. 7.72.11

    இத்தலம் சோழநாட்டிலுள்ளது.
    சுவாமிபெயர் - வலம்புரநாதர், தேவியார் - வடுவகிர்க்கண்ணம்மை.
    திருச்சிற்றம்பலம்

    7.73 திருவாரூர்


    பண் - காந்தாரம்
    திருச்சிற்றம்பலம்

    740 கரையுங் கடலும் மலையுங்
    காலையும் மாலையும் எல்லாம்
    உரையில் விரவி வருவான்
    ஒருவன் உருத்திர லோகன்
    வரையின் மடமகள் கேள்வன்
    வானவர் தானவர்க் கெல்லாம்
    அரையனி ருப்பதும் ஆரூர்அவர்
    எம்மையும் ஆள்வரோ கேளீர். 7.73.1
    741 தனியனென் றெள்கி அறியேன்
    தம்மைப் பெரிது முகப்பன்
    முனிபவர் தம்மை முனிவன்
    முகம்பல பேசி மொழியேன்
    கனிகள் பலவுடைச் சோலைக்
    காய்க்குலை ஈன்ற கமுகின்
    இனிய னிருப்பதும் ஆரூர்அவர்
    எம்மையும் ஆள்வரோ கேளீர். 7.73.2
    742 சொல்லிற் குலாவன்றிச் சொல்லேன்
    தொடர்ந்தவர்க் குந்துணை அல்லேன்
    கல்லில் வலிய மனத்தேன்
    கற்ற பெரும்புல வாணர்
    அல்லல் பெரிதும் அறுப்பான்
    அருமறை ஆறங்கம் ஓதும்
    எல்லை இருப்பதும் ஆரூர்அவர்
    எம்மையும் ஆள்வரோ கேளீர். 7.73.3
    743 நெறியும் அறிவுஞ் செறிவும்
    நீதியும் நான்மிகப் பொல்லேன்
    மிறையுந் தறியும் உகப்பன்
    வேண்டிற்றுச் செய்து திரிவன்
    பிறையும் அரவும் புனலும்
    பிறங்கிய செஞ்சடை வைத்த
    இறைவன் இருப்பதும் ஆரூர்அவர்
    எம்மையும் ஆள்வரோ கேளீர். 7.73.4
    744 நீதியில் ஒன்றும் வழுவேன்
    நிட்கண் டகஞ்செய்து வாழ்வேன்
    வேதியர் தம்மை வெகுளேன்
    வெகுண்டவர்க் குந்துணை ஆகேன்
    சோதியிற் சோதிஎம் மானைச்
    சுண்ணவெண் ணீறணிந் திட்ட
    ஆதி இருப்பதும் ஆரூர்அவர்
    எம்மையும் ஆள்வரோ கேளீர். 7.73.5
    745 அருத்தம் பெரிதும் உகப்பேன்
    அலவலை யேன்அலந் தார்கள்
    ஒருத்தர்க் குதவியேன் அல்லேன்
    உற்றவர்க் குந்துணை அல்லேன்
    பொருத்தமே லொன்று மிலாதேன்
    புற்றெடுத் திட்டிடங் கொண்ட
    அருத்தன் இருப்பதும் ஆரூர்அவர்
    எம்மையும் ஆள்வரோ கேளீர். 7.73.6
    746 சந்தம் பலஅறுக் கில்லேன்
    சார்ந்தவர் தம்மடிச் சாரேன்
    முந்திப் பொருவிடை யேறி
    மூவுல குந்திரி வானே
    கந்தங் கமழ்கொன்றை மாலைக்
    கண்ணியன் விண்ணவ ரேத்தும்
    எந்தை இருப்பதும் ஆரூர்அவர்
    எம்மையும் ஆள்வரோ கேளீர். 7.73.7
    747 நெண்டிக் கொண்டேயுங் கிலாய்ப்பன்
    நிச்சய மேயிது திண்ணம்
    மிண்டர்க்கு மிண்டலாற் பேசேன்
    மெய்ப்பொரு ளன்றி உணரேன்
    பண்டங் கிலங்கையர் கோனைப்
    பருவரைக் கீழடர்த் திட்ட
    அண்டன் இருப்பதும் ஆரூர்அவர்
    எம்மையும் ஆள்வரோ கேளீர். 7.73.8
    748 நமர்பிறர் என்ப தறியேன்
    நான்கண்ட தேகண்டு வாழ்வேன்
    தமரம் பெரிதும் உகப்பன்
    தக்கவா றொன்றும் இலாதேன்
    குமரன் திருமால் பிரமன்
    கூடிய தேவர் வணங்கும்
    அமரன் இருப்பதும் ஆரூர்அவர்
    எம்மையும் ஆள்வரோ கேளீர். 7.73.9
    749 ஆசை பலஅறுக் கில்லேன்
    ஆரையும் அன்றி உரைப்பேன்
    பேசிற் சழக்கலாற் பேசேன்
    பிழைப்புடை யேன்மனந் தன்னால்
    ஓசை பெரிதும் உகப்பேன்
    ஒலிகடல் நஞ்சமு துண்ட
    ஈசன் இருப்பதும் ஆரூர்அவர்
    எம்மையும் ஆள்வரோ கேளீர். 7.73.10
    750 எந்தை இருப்பதும் ஆரூர்அவர்
    எம்மையும் ஆள்வரோ என்று
    சிந்தை செயுந்திறம் வல்லான்
    திருமரு வுந்திரள் தோளான்
    மந்த முழவம் இயம்பும்
    வளவயல் நாவலா ரூரன்
    சந்தம் இசையொடும் வல்லார்
    தாம்புகழ் எய்துவார் தாமே. 7.73.11

    திருச்சிற்றம்பலம்

    7.74 திருத்துருத்தியும் - திருவேள்விக்குடியும்


    பண் - காந்தாரம்
    திருச்சிற்றம்பலம்

    751 மின்னுமா மேகங்கள் பொழிந்திழிந் தருவி
    வெடிபடக் கரையொடுந் திரைகொணர்ந் தெற்றும்
    அன்னமாங் காவிரி அகன்கரை உறைவார்
    அடியிணை தொழுதெழும் அன்பராம் அடியார்
    சொன்னவா றறிவார் துருத்தியார் வேள்விக்
    குடியுளார் அடிகளைச் செடியனேன் நாயேன்
    என்னைநான் மறக்குமா றெம்பெரு மானை
    என்னுடம் படும்பிணி இடர்கெடுத் தானை. 7.74.1
    752 கூடுமா றுள்ளன கூடியுங் கோத்துங்
    கொய்புன ஏனலோ டைவனஞ் சிதறி
    மாடுமா கோங்கமே மருதமே பொருது
    மலையெனக் குலைகளை மறிக்குமா றுந்தி
    ஓடுமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    பாடுமா றறிகிலேன் எம்பெரு மானைப்
    பழவினை உள்ளன பற்றறுத் தானை. 7.74.2
    753 கொல்லுமால் யானையின் கொம்பொடு வம்பார்
    கொழுங்கனிச் செழும்பயன் கொண்டுகூட் டெய்திப்
    புல்கியுந் தாழ்ந்தும் போந்து தவஞ்செய்யும்
    போகரும் யோகரும் புலரிவாய் மூழ்கச்
    செல்லுமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    சொல்லுமா றறிகிலேன் எம்பெரு மானைத்
    தொடர்ந்தடுங் கடும்பிணித் தொடர்வறுத் தானை. 7.74.3
    754 பொறியுமா சந்தனத் துண்டமோ டகிலும்
    பொழிந்திழிந் தருவிகள் புன்புலங் கவரக்
    கறியுமா மிளகொடு கதலியும் உந்திக்
    கடலுற விளைப்பதே கருதித்தன் கைபோய்
    எறியுமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    அறியுமா றறிகிலேன் எம்பெரு மானை
    அருவினை உள்ளன ஆசறுத் தானை. 7.74.4
    755 பொழிந்திழி மும்மதக் களிற்றின மருப்பும்
    பொன்மலர் வேங்கையின் நன்மலர் உந்தி
    இழிந்திழிந் தருவிகள் கடும்புனல் ஈண்டி
    எண்டிசை யோர்களும் ஆடவந் திங்கே
    சுழிந்திழி காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    ஒழிந்திலேன் பிதற்றுமா றெம்பெரு மானை
    உற்றநோய் இற்றையே உறவொழித் தானை. 7.74.5
    756 புகழுமா சந்தனத் துண்டமோ டகிலும்
    பொன்மணி வரன்றியும் நன்மலர் உந்தி
    அகழுமா அருங்கரை வளம்படப் பெருகி
    ஆடுவார் பாவந்தீர்த் தஞ்சனம் அலம்பித்
    திகழுமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    இகழுமா றறிகிலேன் எம்பெரு மானை
    இழித்தநோய் இம்மையே ஒழிக்கவல் லானை. 7.74.6
    757 வரையின்மாங் கனியொடு வாழையின் கனியும்
    வருடியும் வணக்கியும் மராமரம் பொருது
    கரையுமா கருங்கடல் காண்பதே கருத்தாய்க்
    காம்பீலி சுமந்தொளிர் நித்திலங் கைபோய்
    விரையுமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    உரையுமா றறிகிலேன் எம்பெரு மானை
    உலகறி பழவினை அறவொழித் தானை. 7.74.7
    758 ஊருமா தேசமே மனமுகந் துள்ளிப்
    புள்ளினம் பலபடிந் தொண்கரை உகளக்
    காருமா கருங்கடல் காண்பதே கருத்தாய்க்
    கவரிமா மயிர்சுமந் தொண்பளிங் கிடறித்
    தேருமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    ஆருமா றறிகிலேன் எம்பெரு மானை
    அம்மைநோய் இம்மையே ஆசறுத் தானை. 7.74.8
    759 புலங்களை வளம்படப் போக்கறப் பெருகிப்
    பொன்களே சுமந்தெங்கும் பூசல்செய் தார்ப்ப
    இலங்குமார் முத்தினோ டினமணி இடறி
    இருகரைப் பெருமரம் பீழந்துகொண் டெற்றிக்
    கலங்குமா காவிரித் துருத்தியார் வேள்விக்
    குடியுளார் அடிகளைச் செடியனேன் நாயேன்
    விலங்குமா றறிகிலேன் எம்பெரு மானை
    மேலைநோய் இம்மையே வீடுவித் தானை. 7.74.9
    760 மங்கையோர் கூறுகந் தேறுகந் தேறி
    மாறலார் திரிபுரம் நீறெழச் செற்ற
    அங்கையான் கழலடி அன்றிமற் றறியான்
    அடியவர்க் கடியவன் தொழுவனா ரூரன்
    கங்கையார் காவிரித் துருத்தியார் வேள்விக்
    குடியுளார் அடிகளைச் சேர்த்திய பாடல்
    தங்கையால் தொழுதுதம் நாவின்மேற் கொள்வார்
    தவநெறி சென்றம ருலகம்ஆள் பவரே. 7.74.10

    திருச்சிற்றம்பலம்

    7.75 திருவானைக்கா


    பண் - காந்தாரம்
    திருச்சிற்றம்பலம்

    761 மறைகள் ஆயின நான்கும்
    மற்றுள பொருள்களு மெல்லாந்
    துறையுந் தோத்திரத் திறையுந்
    தொன்மையும் நன்மையு மாய
    அறையும் பூம்புனல் ஆனைக்
    காவுடை ஆதியை நாளும்
    இறைவன் என்றடி சேர்வார்
    எம்மையும் ஆளுடை யாரே. 7.75.1
    762 வங்கம் மேவிய வேலை
    நஞ்செழ வஞ்சர்கள் கூடித்
    தங்கள் மேல்அட ராமை
    உண்ணென உண்டிருள் கண்டன்
    அங்கம் ஓதிய ஆனைக்
    காவுடை ஆதியை நாளும்
    எங்கள் ஈசனென் பார்கள்
    எம்மையும் ஆளுடை யாரே. 7.75.2
    763 நீல வண்டறை கொன்றை
    நேரிழை மங்கையோர் திங்கள்
    சால வாளர வங்கள்
    தங்கிய செஞ்சடை எந்தை
    ஆல நீழலுள் ஆனைக்
    காவுடை ஆதியை நாளும்
    ஏலு மாறுவல் லார்கள்
    எம்மையும் ஆளுடை யாரே. 7.75.3
    764 தந்தை தாயுல குக்கோர்
    தத்துவன் மெய்த்தவத் தோர்க்குப்
    பந்த மாயின பெருமான்
    பரிசுடை யவர்திரு வடிகள்
    அந்தண் பூம்புனல் ஆனைக்
    காவுடை ஆதியை நாளும்
    எந்தை என்றடி சேர்வார்
    எம்மையும் ஆளுடை யாரே. 7.75.4
    765 கணைசெந் தீயர வந்நாண்
    கல்வளை யுஞ்சிலை யாகத்
    துணைசெய் மும்மதில் மூன்றுஞ்
    சுட்டவ னேயுல குய்ய
    அணையும் பூம்புனல் ஆனைக்
    காவுடை ஆதியை நாளும்
    இணைகொள் சேவடி சேர்வார்
    எம்மையும் ஆளுடை யாரே. 7.75.5
    766 விண்ணின் மாமதி சூடி
    விலையிலி கலன்அணி விமலன்
    பண்ணின் நேர்மொழி மங்கை
    பங்கினன் பசுவுகந் தேறி
    அண்ண லாகிய ஆனைக்
    காவுடை ஆதியை நாளும்
    எண்ணு மாறுவல் லார்கள்
    எம்மையும் ஆளுடை யாரே. 7.75.6
    767 தார மாகிய பொன்னித்
    தண்டுறை ஆடி விழுத்தும்
    நீரில் நின்றடி போற்றி
    நின்மலா கொள்ளென ஆங்கே
    ஆரங் கொண்டவெம் மானைக்
    காவுடை ஆதியை நாளும்
    ஈரம் உள்ளவர் நாளும்
    எம்மையும் ஆளுடை யாரே. 7.75.7
    768 உரவம் உள்ளதோர் உழையின்
    உரிபுலி அதளுடை யானை
    விரைகொள் கொன்றையி னானை
    விரிசடை மேற்பிறை யானை
    அரவம் வீக்கிய ஆனைக்
    காவுடை ஆதியை நாளும்
    இரவும் எல்லியும் பகலும்
    ஏத்துவார் எமையுடை யாரே. 7.75.8
    769 வலங்கொள் வாரவர் தங்கள்
    வல்வினை தீர்க்கும் மருந்து
    கலங்கக் காலனைக் காலாற்
    காமனைக் கண்சிவப் பானை
    அலங்கல் நீர்பொரும் ஆனைக்
    காவுடை ஆதியை நாளும்
    இலங்கு சேவடி சேர்வார்
    எம்மையும் ஆளுடை யாரே. 7.75.9
    770 ஆழி யாற்கருள் ஆனைக்
    காவுடை ஆதிபொன் னடியின்
    நீழ லேசர ணாக
    நின்றருள் கூர நினைந்து
    வாழ வல்லவன் றொண்டன்
    வண்டமிழ் மாலைவல் லார்போய்
    ஏழு மாபிறப் பற்று
    எம்மையும் ஆளுடை யாரே. 7.75.10

    இத்தலம் சோழநாட்டிலுள்ளது.
    சுவாமிபெயர் - சம்புகேசுவரர்,
    தேவியார் - அகிலாண்டநாயகியம்மை.
    திருச்சிற்றம்பலம்

    7.76 திருவாஞ்சியம்


    பண் - பியந்தைக்காந்தாரம்
    திருச்சிற்றம்பலம்

    771 பொருவ னார்புரி நூலர்
    புணர்முலை உமையவ ளோடு
    மருவ னார்மரு வார்பால்
    வருவதும் இல்லைநம் அடிகள்
    திருவ னார்பணிந் தேத்துந்
    திகழ்திரு வாஞ்சியத் துறையும்
    ஒருவ னார்அடி யாரை
    ஊழ்வினை நலிய வொட்டாரே. 7.76.1
    772 தொறுவில் ஆனிள ஏறு
    துண்ணென இடிகுரல் வெருவிச்
    செறுவில் வாளைகள் ஓடச்
    செங்கயல் பங்கயத் தொதுங்கக்
    கறுவி லாமனத் தார்கள்
    காண்டகு வாஞ்சியத் தடிகள்
    மறுவி லாதவெண் ணீறு
    பூசுதல் மன்னுமொன் றுடைத்தே. 7.76.2
    773 தூர்த்தர் மூவெயி லெய்து
    சுடுநுனைப் பகழிய தொன்றாற்
    பார்த்த னார்திரள் தோள்மேற்
    பன்னுனைப் பகழிகள் பாய்ச்சித்
    தீர்த்த மாமலர்ப் பொய்கைத்
    திகழ்திரு வாஞ்சியத் தடிகள்
    சாத்து மாமணிக் கச்சங்
    கொருதலை பலதலை யுடைத்தே. 7.76.3
    774 சள்ளை வெள்ளையங் குருகு
    தானது வாமெனக் கருதி
    வள்ளை வெண்மலர் அஞ்சி
    மறுகியோர் வாளையின் வாயில்
    துள்ளு தெள்ளுநீர்ப் பொய்கைத்
    துறைமல்கு வாஞ்சியத் தடிகள்
    வெள்ளை நுண்பொடிப் பூசும்
    விகிர்தமொன் றொழிகிலர் தாமே. 7.76.4
    775 மைகொள் கண்டர்எண் டோ ளர்
    மலைமக ளுடனுறை வாழ்க்கைக்
    கொய்த கூவிள மாலை
    குலவிய சடைமுடிக் குழகர்
    கைதை நெய்தலங் கழனி
    கமழ்புகழ் வாஞ்சியத் தடிகள்
    பைதல் வெண்பிறை யோடு
    பாம்புடன் வைப்பது பரிசே. 7.76.5
    776 கரந்தை கூவிள மாலை
    கடிமலர்க் கொன்றையுஞ் சூடிப்
    பரந்த பாரிடஞ் சூழ
    வருவர்நம் பரமர்தம் பரிசால்
    திருந்து மாடங்கள் நீடு
    திகழ்திரு வாஞ்சியத் துறையும்
    மருந்த னார்அடி யாரை
    வல்வினை நலிய வொட்டாரே. 7.76.6
    777 அருவி பாய்தரு கழனி
    அலர்தரு குவளையங் கண்ணார்
    குருவி யாய்கிளி சேப்பக்
    குருகினம் இரிதரு கிடங்கிற்
    பருவ ரால்குதி கொள்ளும்
    பைம்பொழில் வாஞ்சியத் துறையும்
    இருவ ராலறி யொண்ணா
    இறைவன தறைகழல் சரணே. 7.76.7
    778 களங்க ளார்தரு கழனி
    அளிதரக் களிதரு வண்டு
    உளங்க ளார்கலிப் பாடல்
    உம்பரில் ஒலித்திடுங் காட்சி
    குளங்க ளானிழற் கீழ்நற்
    குயில்பயில் வாஞ்சியத் தடிகள்
    விளங்கு தாமரைப் பாதம்
    நினைப்பவர் வினைநலி விலரே. 7.76.8
    779 வாழை யின்கனி தானும்
    மதுவிம்மு வருக்கையின் சுளையுங்
    கூழை வானரந் தம்மிற்
    கூறிது சிறிதெனக் குழறித்
    தாழை வாழையந் தண்டாற்
    செருச்செய்து தருக்குவாஞ் சியத்துள்
    ஏழை பாகனை யல்லால்
    இறையெனக் கருதுத லிலமே. 7.76.9
    780 செந்நெ லங்கலங் கழனித்
    திகழ்திரு வாஞ்சியத் துறையும்
    மின்ன லங்கலஞ் சடையெம்
    இறைவன தறைகழல் பரவும்
    பொன்ன லங்கனல் மாடப்
    பொழிலணி நாவலா ரூரன்
    பன்ன லங்கனல் மாலை
    பாடுமின் பத்தரு ளீரே. 7.76.10

    இத்தலம் சோழநாட்டிலுள்ளது.
    சுவாமிபெயர் - சுகவாஞ்சிநாதர்,
    தேவியார் - வாழவந்தநாயகி.
    திருச்சிற்றம்பலம்

    7.77 திருவையாறு


    பண் - காந்தாரபஞ்சமம்
    திருச்சிற்றம்பலம்

    781 பரவும் பரிசொன் றறியேன்நான்
    பண்டே உம்மைப் பயிலாதேன்
    இரவும் பகலும் நினைந்தாலும்
    எய்த நினைய மாட்டேன்நான்
    கரவில் அருவி கமுகுண்ணத்
    தெங்கங் குலைக்கீழ்க் கருப்பாலை
    அரவந் திரைக்கா விரிக்கோட்டத்
    தையா றுடைய அடிகளோ. 7.77.1
    782 எங்கே போவே னாயிடினும்
    அங்கே வந்தென் மனத்தீராய்ச்
    சங்கை யொன்றும் இன்றியே
    தலைநாள் கடைநாள் ஒக்கவே
    கங்கை சடைமேற் கரந்தானே
    கலைமான் மறியுங் கனல்மழுவுந்
    தங்குந் திரைக்கா விரிக்கோட்டத்
    தையா றுடைய அடிகளோ. 7.77.2
    783 மருவிப் பிரிய மாட்டேன்நான்
    வழிநின் றொழிந்தேன் ஒழிகிலேன்
    பருவி விச்சி மலைச்சாரற்
    பட்டை கொண்டு பகடாடிக்
    குருவி ஓப்பிக் கிளிகடிவார்
    குழன்மேல் மாலை கொண்டோ ட்டந்
    தரவந் திரைக்கா விரிக்கோட்டத்
    தையா றுடைய அடிகளோ. 7.77.3
    784 பழகா நின்று பணிசெய்வார்
    பெற்ற பயனொன் றறிகிலேன்
    இகழா துமக்காட் பட்டோ ர்க்கு
    வேக படமொன் றரைச்சாத்தி
    குழகா வாழைக் குலைத்தெங்கு
    கொணர்ந்து கரைமேல் எறியவே
    அழகார் திரைக்கா விரிக்கோட்டத்
    தையா றுடைய அடிகளோ. 7.77.4
    785 பிழைத்த பிழையொன் றறியேன்நான்
    பிழையைத் தீரப் பணியாயே
    மழைக்கண் நல்லார் குடைந்தாட
    மலையும் நிலனுங் கொள்ளாமைக்
    கழைக்கொள் பிரசங் கலந்தெங்குங்
    கழனி மண்டிக் கையேறி
    அழைக்குந் திரைக்கா விரிக்கோட்டத்
    தையா றுடைய அடிகளோ. 7.77.5
    786 கார்க்கொள் கொன்றைச் சடைமேலொன்
    றுடையாய் விடையாய் கையினால்
    மூர்க்கர் புரமூன் றெரிசெய்தாய்
    முன்னீ பின்னீ முதல்வன்நீ
    வார்க்கொள் அருவி பலவாரி
    மணியும் முத்தும் பொன்னுங்கொண்
    டார்க்குந் திரைக்கா விரிக்கோட்டத்
    தையா றுடைய அடிகளோ. 7.77.6
    787 மலைக்கண் மடவாள் ஒருபாலாய்ப்
    பற்றி உலகம் பலிதேர்வாய்
    சிலைக்கொள் கணையால் எயிலெய்த
    செங்கண் விடையாய் தீர்த்தன்நீ
    மலைக்கொள் ளருவி பலவாரி
    மணியும் முத்தும் பொன்னுங்கொண்
    டலைக்குந் திரைக்கா விரிக்கோட்டத்
    தையா றுடைய அடிகளோ. 7.77.7
    788 போழும் மதியும் புனக்கொன்றைப்
    புனல்சேர் சென்னிப் புண்ணியா
    சூழும் அரவச் சுடர்ச்சோதீ
    உன்னைத் தொழுவார் துயர்போக
    வாழு மவர்கள் அங்கங்கே
    வைத்த சிந்தை உய்த்தாட்ட
    ஆழுந் திரைக்கா விரிக்கோட்டத்
    தையா றுடைய அடிகளோ. 7.77.8
    789 கதிர்கொள் பசியே ஒத்தேநான்
    கண்டேன் உம்மைக் காணாதேன்
    எதிர்த்து நீந்த மாட்டேன்நான்
    எம்மான் றம்மான் றம்மானே
    விதிர்த்து மேகம் மழைபொழிய
    வெள்ளம் பரந்து நுரைசிதறி
    அதிர்க்குந் திரைக்கா விரிக்கோட்டத்
    தையா றுடைய அடிகளோ. 7.77.9
    790 கூசி அடியார் இருந்தாலுங்
    குணமொன் றில்லீர் குறிப்பில்லீர்
    தேச வேந்தன் திருமாலும்
    மலர்மேல் அயனுங் காண்கிலாத்
    தேச மெங்குந் தெளித்தாடத்
    தெண்ணீர் அருவி கொணர்ந்தெங்கும்
    வாசந் திரைக்கா விரிக்கோட்டத்
    தையா றுடைய அடிகளோ. 7.77.10
    791 கூடி அடியார் இருந்தாலுங்
    குணமொன் றில்லீர் குறிப்பில்லீர்
    ஊடி இருந்தும் உணர்கிலேன்
    உம்மைத் தொண்டன் ஊரனேன்
    தேடி யெங்குங் காண்கிலேன்
    திருவா ரூரே சிந்திப்பன்
    ஆடுந் திரைக்கா விரிக்கோட்டத்
    தையா றுடைய அடிகளோ. 7.77.11

    இத்தலம் சோழநாட்டிலுள்ளது.
    சுவாமிபெயர் - செம்பொற்சோதியீசுவரர், தேவியார் - அறம் வளர்த்த நாயகியம்மை.
    திருச்சிற்றம்பலம்

    7.78 திருக்கேதாரம்


    பண் - நட்டபாடை
    திருச்சிற்றம்பலம்

    792 வாழ்வாவது மாயம்மிது மண்ணாவது திண்ணம்
    பாழ்போவது பிறவிக்கடல் பசிநோய்செய்த பறிதான்
    தாழாதறஞ் செய்ம்மின்தடங் கண்ணான்மல ரோனுங்
    கீழ்மேலுற நின்றான்றிருக் கேதாரமெ னீரே. 7.78.1
    793 பறியேசுமந் துழல்வீர்பறி நரிகீறுவ தறியீர்
    குறிகூவிய கூற்றங்கொளும் நாளாலறம் உளவே
    அறிவானிலும் அறிவானல நறுநீரொடு சோறு
    கிறிபேசிநின் றிடுவார்தொழு கேதாரமெ னீரே. 7.78.2
    794 கொம்பைப்பிடித் தொருக்காலர்கள் இருக்கால்மலர் தூவி
    நம்பன்னமை ஆள்வானென்று நடுநாளையும் பகலுங்
    கம்பக்களிற் றினமாய்நின்று சுனைநீர்களைத் தூவிச்
    செம்பொற்பொடி சிந்துந்திருக் கேதாரமெ னீரே. 7.78.3
    795 உழக்கேயுண்டு படைத்தீட்டிவைத் திழப்பார்களுஞ் சிலர்கள்
    வழக்கேயெனிற் பிழைக்கேமென்பர் மதிமாந்திய மாந்தர்
    சழக்கேபறி நிறைப்பாரொடு தவமாவது செயன்மின்
    கிழக்கேசல மிடுவார்தொழு கேதாரமெ னீரே. 7.78.4
    796 வாளோடிய தடங்கண்ணியர் வலையிலழுந் தாதே
    நாளோடிய நமனார்தமர் நணுகாமுனம் நணுகி
    ஆளாயுய்ம்மின் அடிகட்கிடம் அதுவேயெனில் இதுவே
    கீளோடர வசைத்தானிடங் கேதாரமெ னீரே. 7.78.5
    797 தளிசாலைகள் தவமாவது தம்மைப்பெறி லன்றே
    குளியீருளங் குருக்கேத்திரங் கோதாவிரி குமரி
    தெளியீருளஞ் சீபர்ப்பதந் தெற்குவடக் காகக்
    கிளிவாழையொண் கனிகீறியுண் கேதாரமெ னீரே. 7.78.6
    798 பண்ணின்றமிழ் இசைபாடலின் பழவேய்முழ வதிரக்
    கண்ணின்னொளி கனகச்சுனை வயிரம்மவை சொரிய
    மண்ணின்றன மதவேழங்கள் மணிவாரிக்கொண் டெறியக்
    கிண்ணென்றிசை முரலுந்திருக் கேதாரமெ னீரே. 7.78.7
    799 முளைக்கைப்பிடி முகமன்சொலி முதுவேய்களை இறுத்துத்
    துளைக்கைக்களிற் றினமாய்நின்று சுனைநீர்களைத் தூவி
    வளைக்கைப்பொழி மழைகூர்தர மயில்மான்பிணை நிலத்தைக்
    கிளைக்கமணி சிந்துந்திருக் கேதாரமெ னீரே. 7.78.8
    800 பொதியேசுமந் துழல்வீர்பொதி அவமாவதும் அறியீர்
    மதிமாந்திய வழியேசென்று குழிவீழ்வதும் வினையாற்
    கதிசூழ்கடல் இலங்கைக்கிறை மலங்கவரை அடர்த்துக்
    கெதிபேறுசெய் திருந்தானிடங் கேதாரமெ னீரே. 7.78.9
    801 நாவின்மிசை அரையன்னொடு தமிழ்ஞானசம் பந்தன்
    யாவர்சிவன் அடியார்களுக் கடியானடித் தொண்டன்
    தேவன்றிருக் கேதாரத்தை ஊரன்னுரை செய்த
    பாவின்தமிழ் வல்லார்பர லோகத்திருப் பாரே. 7.78.10

    இத்தலம் வடநாட்டிலுள்ளது.
    சுவாமிபெயர் - கேதாரேசுவரர், தேவியார் - கேதாரேசுவரியம்மை.
    திருச்சிற்றம்பலம்

    7.79 திருப்பருப்பதம்


    பண் - நட்டபாடை
    திருச்சிற்றம்பலம்

    802 மானும்மரை இனமும்மயில் இனமுங்கலந் தெங்குந்
    தாமேமிக மேய்ந்துதடஞ் சுனைநீர்களைப் பருகிப்
    பூமாமரம் உரிஞ்சிப்பொழி லூடேசென்று புக்குத்
    தேமாம்பொழில் நீழல்துயில் சீபர்ப்பத மலையே. 7.79.1
    803 மலைச்சாரலும் பொழிற்சாரலும் புறமேவரும் இனங்கள்
    மலைப்பாற்கொணர்ந் திடித்தூட்டிட மலங்கித்தன களிற்றை
    அழைத்தோடியும் பிளிறீயவை அலமந்துவந் தெய்த்துத்
    திகைத்தோடித்தன் பிடிதேடிடுஞ் சீபர்ப்பத மலையே. 7.79.2
    804 மன்னிப்புனங் காவல்மட மொழியாள்புனங் காக்கக்
    கன்னிக்கிளி வந்துகவைக் கோலிக்கதிர் கொய்ய
    என்னைக்கிளி மதியாதென்று எடுத்துக்கவண் ஒலிப்பத்
    தென்னற்கிளி திரிந்தேறிய சீபர்ப்பத மலையே. 7.79.3
    805 மையார்தடங் கண்ணாள்மட மொழியாள்புனங் காக்கச்
    செவ்வேதிரிந் தாயோவெனப் போகாவிட விளிந்து
    கைபாவிய கவணால்மணி எறியஇரிந் தோடிச்
    செவ்வாயன கிளிபாடிடுஞ் சீபர்ப்பத மலையே. 7.79.4
    806 ஆனைக்குலம் இரிந்தோடித்தன் பிடிசூழலிற் றிரியத்
    தானப்பிடி செவிதாழ்த்திட அதற்குமிக இரங்கி
    மானக்குற அடல்வேடர்கள் இலையாற்கலை கோலித்
    தேனைப்பிழிந் தினிதூட்டிடுஞ் சீபர்ப்பத மலையே. 7.79.5
    807 மாற்றுக்களி றடைந்தாயென்று மதவேழங்கை யெடுத்தும்
    ஊற்றித்தழல் உமிழ்ந்தும்மதம் பொழிந்தும்முகஞ் சுழியத்
    தூற்றத்தரிக் கில்லேனென்று சொல்லிஅயல் அறியத்
    தேற்றிச்சென்று பிடிசூழறுஞ் சீபர்ப்பத மலையே. 7.79.6
    808 அப்போதுவந் துண்டீர்களுக் கழையாதுமுன் னிருந்தேன்
    எப்போதும்வந் துண்டாலெமை எமர்கள்சுழி யாரோ
    இப்போதுமக் கிதுவேதொழில் என்றோடியக் கிளியைச்
    செப்பேந்திள முலையாள்எறி சீபர்ப்பத மலையே. 7.79.7
    809 திரியும்புரம் நீறாக்கிய செல்வன்றன கழலை
    அரியதிரு மாலோடயன் றானும்மவர் அறியார்
    கரியின்னினம் ஓடும்பிடி தேனுண்டவை களித்துத்
    திரிதந்தவை திகழ்வாற்பொலி சீபர்ப்பத மலையே. 7.79.8
    810 ஏனத்திரள் கிளைக்கஎரி போலமணி சிதறத்
    தீயென்றவை மலைச்சாரலிற் றிரியுங்கர டீயும்
    மானும்மரை இனமும்மயில் மற்றும்பல வெல்லாந்
    தேனுண்பொழில் சோலைமிகு சீபர்ப்பத மலையே. 7.79.9
    811 நல்லாரவர் பலர்வாழ்தரு வயல்நாவல வூரன்
    செல்லல்லுற அரியசிவன் சீபர்ப்பத மலையை
    அல்லலவை தீரச்சொன தமிழ்மாலைகள் வல்லார்
    ஒல்லைச்செல உயர்வானகம் ஆண்டங்கிருப் பாரே. 7.79.10

    இத்தலம் வடநாட்டிலுள்ளது. இது ஸ்ரீசைலம் என்றும்
    மல்லிகார்ச்சுனம் என்றும் பெயர்பெறும்.
    சுவாமிபெயர் - பருவதநாதர், தேவியார் - பருவதநாயகியம்மை.
    திருச்சிற்றம்பலம்

    7.80 திருக்கேதீச்சரம்


    பண் - நட்டபாடை
    திருச்சிற்றம்பலம்

    812 நத்தார்புடை ஞானம்பசு ஏறிந்நனை கவிழ்வாய்
    மத்தம்மத யானைஉரி போர்த்தமழு வாளன்
    பத்தாகிய தொண்டர்தொழு பாலாவியின் கரைமேற்
    செத்தாரெலும் பணிவான்றிருக் கேதீச்சரத் தானே. 7.80.1
    813 சுடுவார்பொடி நீறுந்நல துண்டப்பிறைக் கீளுங்
    கடமார்களி யானைஉரி அணிந்தகறைக் கண்டன்
    படவேரிடை மடவாளொடு பாலாவியின் கரைமேற்
    திடமாஉறை கின்றான்றிருக் கேதீச்சரத் தானே. 7.80.2
    814 அங்கம்மொழி அன்னாரவர் அமரர்தொழு தேத்த
    வங்கம்மலி கின்றகடல் மாதோட்டநன் னகரிற்
    பங்கஞ்செய்த பிறைசூடினன் பாலாவியின் கரைமேற்
    செங்கண்ணர வசைத்தான்றிருக் கேதீச்சரத் தானே. 7.80.3
    815 கரியகறைக் கண்டனல்ல கண்மேலொரு கண்ணான்
    வரியசிறை வண்டியாழ்செயும் மாதோட்டநன் னகருட்
    பரியதிரை எறியாவரு பாலாவியின் கரைமேற்
    றெரியும்மறை வல்லான்றிருக் கேதீச்சரத் தானே. 7.80.4
    816 அங்கத்துறு நோய்களடி யார்மேலொழித் தருளி
    வங்கம்மலி கின்றகடல் மாதோட்டநன் னகரிற்
    பங்கஞ்செய்த மடவாளொடு பாலாவியின் கரைமேற்
    தெங்கம்பொழில் சூழ்ந்ததிருக் கேதீச்சரத் தானே. 7.80.5
    817 வெய்யவினை யாயஅடி யார்மேலொழித் தருளி
    வையம்மலி கின்றகடல் மாதோட்டநன் னகரிற்
    பையேரிடை மடவாளொடு பாலாவியின் கரைமேற்
    செய்யசடை முடியான்றிருக் கேதீச்சரத் தானே. 7.80.6
    818 ஊனத்துறு நோய்களடி யார்மேலொழித் தருளி
    வானத்துறு மலியுங்கடல் மாதோட்டநன் னகரிற்
    பானத்துறும் மொழியாளொடு பாலாவியின் கரைமேல்
    ஏனத்தெயி றணிந்தான்றிருக் கேதீச்சரத் தானே. 7.80.7
    819 அட்டன்னழ காகவரை தன்மேலர வார்த்து
    மட்டுண்டுவண் டாலும்பொழில் மாதோட்டநன் னகரிற்
    பட்டவரி நுதலாளொடு பாலாவியின் கரைமேற்
    சிட்டன்நமை யாள்வான்றிருக் கேதீச்சரத் தானே. 7.80.8
    820 மூவரென இருவரென முக்கண்ணுடை மூர்த்தி
    மாவின்கனி தூங்கும்பொழில் மாதோட்டநன் னகரிற்
    பாவம்வினை யறுப்பார்பயில் பாலாவியின் கரைமேல்
    தேவன்னெனை ஆள்வான்றிருக் கேதீச்சரத் தானே. 7.80.9
    821 கறையார்கடல் சூழ்ந்தகழி மாதோட்டநன் னகருட்
    சிறையார்பொழில் வண்டியாழ்செயுங் கேதீச்சரத் தானை
    மறையார்புகழ் ஊரன்னடித் தொண்டனுரை செய்த
    குறையாத்தமிழ் பத்துஞ்சொலக் கூடாகொடு வினையே. 7.80.10

    இத்தலம் ஈழநாட்டிலுள்ளது.
    சுவாமிபெயர் - கேதீசுவரர், தேவியார் - கௌரியம்மை.
    திருச்சிற்றம்பலம்

    7.81 திருக்கழுக்குன்றம்


    பண் - நட்டபாடை
    திருச்சிற்றம்பலம்

    822 கொன்று செய்த கொடுமை யாற்பல சொல்லவே
    நின்ற பாவம் வினைகள் தாம்பல நீங்கவே
    சென்று சென்று தொழுமின் தேவர் பிரானிடங்
    கன்றி னோடு பிடிசூழ் தண்கழுக் குன்றமே. 7.81.1
    823 இறங்கிச் சென்று தொழுமின் இன்னிசை பாடியே
    பிறங்கு கொன்றைச் சடையன் எங்கள் பிரானிடம்
    நிறங்கள் செய்த மணிகள் நித்திலங் கொண்டிழி
    கறங்கு வெள்ளை அருவித் தண்கழுக் குன்றமே. 7.81.2
    824 நீள நின்று தொழுமின் நித்தலும் நீதியால்
    ஆளும் நம்ம வினைகள் அல்கி அழிந்திடத்
    தோளும் எட்டும் உடைய மாமணிச் சோதியான்
    காள கண்டன் உறையுந் தண்கழுக் குன்றமே. 7.81.3
    825 வெளிறு தீரத் தொழுமின் வெண்பொடி ஆடியை
    முளிறி லங்குமழு வாளன் முந்தி உறைவிடம்
    பிளிறு தீரப் பெருங்கைப் பெய்ம்மதம் மூன்றுடைக்
    களிறி னோடு பிடிசூழ் தண்கழுக் குன்றமே. 7.81.4
    826 புலைகள் தீரத் தொழுமின் புன்சடைப் புண்ணியன்
    இலைகொள் சூலப் படையன் எந்தை பிரானிடம்
    முலைகள் உண்டு தழுவிக் குட்டி யொடுமுசுக்
    கலைகள் பாயும் புறவில் தண்கழுக் குன்றமே. 7.815
    827 மடமு டைய அடியார் தம்மனத் தேஉற
    விடமு டைய மிடறன் விண்ணவர் மேலவன்
    படமு டைய அரவன் றான்பயி லும்மிடங்
    கடமு டைய புறவில் தண்கழுக் குன்றமே. 7.81.6
    828 ஊன மில்லா அடியார் தம்மனத் தேஉற
    ஞான மூர்த்தி நட்ட மாடிநவி லும்மிடந்
    தேனும் வண்டும் மதுவுண் டின்னிசை பாடியே
    கான மஞ்சை உறையுந் தண்கழுக் குன்றமே. 7.81.7
    829 அந்த மில்லா அடியார் தம்மனத் தேஉற
    வந்து நாளும் வணங்கி மாலொடு நான்முகன்
    சிந்தை செய்த மலர்கள் நித்தலுஞ் சேரவே
    கந்தம் நாறும் புறவில் தண்கழுக் குன்றமே. 7.81.8
    830 பிழைகள் தீரத் தொழுமின் பின்சடைப் பிஞ்ஞகன்
    குழைகொள் காதன் குழகன் றானுறை யும்மிடம்
    மழைகள் சாலக் கலித்து நீடுயர் வேயவை
    குழைகொள் முத்தஞ் சொரியுந் தண்கழுக் குன்றமே. 7.81.9
    831 பல்லில் வெள்ளைத் தலையன் றான்பயி லும்மிடம்
    கல்லில் வெள்ளை அருவித் தண்கழுக் குன்றினை
    மல்லின் மல்கு திரள்தோள் ஊரன் வனப்பினாற்
    சொல்லல் சொல்லித் தொழுவா ரைத்தொழு மின்களே. 7.81.10

    இத்தலம் தொண்டைநாட்டிலுள்ளது.
    சுவாமிபெயர் - வேதகிரியீசுவரர், தேவியார் - பெண்ணினல்லாளம்மை.
    திருச்சிற்றம்பலம்

    7.82 திருச்சுழியல்


    பண் - நட்டபாடை
    திருச்சிற்றம்பலம்

    832 ஊனாய்உயிர் புகலாய்அக லிடமாய் முகில்பொழியும்
    வானாய்வரு மதியாய்விதி வருவானிடம் பொழிலின்
    தேனாதரித் திசைவண்டினம் மிழற்றுந்திருச் சுழியல்
    நானாவிதம் நினைவார்தமை நலியார்நமன் தமரே. 7.82.1
    833 தண்டேர்மழுப் படையான்மழ விடையான்எழு கடல்நஞ்
    சுண்டேபுரம் எரியச்சிலை வளைத்தான்இமை யவர்க்காத்
    திண்டேர்மிசை நின்றானவன் உறையுந்திருச் சுழியல்
    தொண்டேசெய வல்லாரவர் நல்லார்துயர் இலரே. 7.82.2
    834 கவ்வைக்கடல் கதறிக்கொணர் முத்தங்கரைக் கேற்றக்
    கொவ்வைத்துவர் வாயார்குடைந் தாடுந்திருச் சுழியல்
    தெய்வத்தினை வழிபாடுசெய் தெழுவாரடி தொழுவார்
    அவ்வத்திசைக் கரசாகுவர் அலராள்பிரி யாளே. 7.82.3
    835 மலையான்மகள் மடமாதிட மாகத்தவள் மற்றுக்
    கொலையானையின் உரிபோர்த்தவெம் பெருமான்றிருச் சுழியல்
    அலையார்சடை யுடையானடி தொழுவார்பழு துள்ளம்
    நிலையார்திகழ் புகழால்நெடு வானத்துயர் வாரே. 7.82.4
    836 உற்றான்நமக் குயரும்மதிச் சடையான்புலன் ஐந்துஞ்
    செற்றார்திரு மேனிப்பெரு மானூர்திருச் சுழியல்
    பெற்றான்இனி துறையத்திறம் பாமைத்திரு நாமங்
    கற்றாரவர் கதியுட்செல்வர் ஏத்தும்மது கடனே. 7.82.5
    837 மலந்தாங்கிய பாசப்பிறப் பறுப்பீர்துறைக் கங்கைச்
    சலந்தாங்கிய முடியான்அமர்ந் திடமாந்திருச் சுழியல்
    நிலந்தாங்கிய மலராற்கொழும் புகையால்நினைந் தேத்துந்
    தலந்தாங்கிய புகழாம்மிகு தவமாஞ்சது ராமே. 7.82.6
    838 சைவத்தசெவ் வுருவன்றிரு நீற்றன்னுரு மேற்றன்
    கைவைத்தொரு சிலையால்அரண் மூன்றும்மெரி செய்தான்
    தெய்வத்தவர் தொழுதேத்திய குழகன்றிருச் சுழியல்
    மெய்வைத்தடி நினைவார்வினை தீர்தல்லெளி தன்றே. 7.82.7
    839 பூவேந்திய பீடத்தவன் றானும்மடல் அரியுங்
    கோவேந்திய வினையத்தொடு குறுகப்புகல் அறியார்
    சேவேந்திய கொடியானவன் உறையுந்திருச் சுழியல்
    மாவேந்திய கரத்தான்எம சிரத்தான்றன தடியே. 7.82.8
    840 கொண்டாடுதல் புரியாவரு தக்கன்பெரு வேள்விச்
    செண்டாடுதல் புரிந்தான்திருச் சுழியற்பெரு மானைக்
    குண்டாடிய சமண்ஆதர்கள் குடைச்சாக்கியர் அறியா
    மிண்டாடிய அதுசெய்தது வானால்வரு விதியே. 7.82.9
    841 நீரூர்தரு நிமிலன்றிரு மலையார்க்கயல் அருகே
    தேரூர்தரும் அரக்கன்சிரம் நெரித்தான்றிருச் சுழியல்
    பேரூரென உரைவானடி பெயர்நாவலர் கோமான்
    ஆரூரன தமிழ்மாலைபத் தறிவார்துயர் இலரே. 7.82.10

    இத்தலம் பாண்டிநாட்டிலுள்ளது.
    சுவாமிபெயர் - இணைத்திருமேனிநாதர், தேவியார் - துணைமாலைநாயகியம்மை.
    திருச்சிற்றம்பலம்

    7.83 திருவாரூர்


    பண் - புறநீர்மை
    திருச்சிற்றம்பலம்

    842 அந்தியும் நண்பகலும் அஞ்சுப தஞ்சொல்லி
    முந்தி எழும்பழைய வல்வினை மூடாமுன்
    சிந்தை பராமரியாத் தென்றிரு வாரூர்புக்
    கெந்தை பிரானாரை யென்றுகொல் எய்துவதே. 7.83.1
    843 நின்ற வினைக்கொடுமை நீங்க இருபொழுதுந்
    துன்று மலரிட்டுச் சூழும் வலஞ்செய்து
    தென்றல் மணங்கமழுந் தென்றிரு வாரூர்புக்
    கென்றன் மனங்குளிர என்றுகொல் எய்துவதே. 7.83.2
    844 முன்னை முதற்பிறவி மூதறி யாமையினாற்
    பின்னை நினைந்தனவும் பேதுற வும்மொழியச்
    செந்நெல் வயற்கழனித் தென்றிரு வாரூர்புக்
    கென்னுயிர்க் கின்னமுதை என்றுகொல் எய்துவதே. 7.83.3
    845 நல்ல நினைப்பொழிய நாள்களில் ஆருயிரைக்
    கொல்ல நினைப்பனவுங் குற்றமும் அற்றொழியச்
    செல்வ வயற்கழனித் தென்றிரு வாரூர்புக்
    கெல்லை மிதித்தடியேன் என்றுகொல் எய்துவதே. 7.83.4
    846 கடுவரி மாக்கடலுட் காய்ந்தவன் தாதையைமுன்
    சுடுபொடி மெய்க்கணிந்த சோதியை வன்றலைவாய்
    அடுபுலி ஆடையனை ஆதியை ஆரூர்புக்
    கிடுபலி கொள்ளியைநான் என்றுகொல் எய்துவதே. 7.83.5
    847 சூழொளி நீர்நிலந்தீத் தாழ்வளி ஆகாசம்
    வானுயர் வெங்கதிரோன் வண்டமிழ் வல்லவர்கள்
    ஏழிசை ஏழ்நரம்பின் ஓசையை ஆரூர்புக்
    கேழுல காளியைநான் என்றுகொல் எய்துவதே. 7.83.6
    848 கொம்பன நுண்ணிடையாள் கூறனை நீறணிந்த
    வம்பனை எவ்வுயிர்க்கும் வைப்பினை ஒப்பமராச்
    செம்பொனை நன்மணியைத் தென்றிரு வாரூர்புக்
    கென்பொனை என்மணியை என்றுகொல் எய்துவதே. 7.83.7
    849 ஆறணி நீண்முடிமேல் ஆடர வஞ்சூடிப்
    பாறணி வெண்டலையிற் பிச்சைகொள் நச்சரவன்
    சேறணி தண்கழனித் தென்றிரு வாரூர்புக்
    கேறணி எம்மிறையை என்றுகொல் எய்துவதே. 7.83.8
    850 மண்ணினை உண்டுமிழ்ந்த மாயனும் மாமலர்மேல்
    அண்ணலும் நண்ணரிய ஆதியை மாதினொடுந்
    திண்ணிய மாமதில்சூழ் தென்றிரு வாரூர்புக்
    கெண்ணிய கண்குளிர என்றுகொல் எய்துவதே. 7.83.9
    851 மின்னெடுஞ் செஞ்சடையான் மேவிய ஆரூரை
    நன்னெடுங் காதன்மையால் நாவலர் கோன்ஊரன்
    பன்னெடுஞ் சொல்மலர்கொண் டிட்டன பத்தும்வல்லார்
    பொன்னுடை விண்ணுலகம் நண்ணுவர் புண்ணியரே. 7.83.10

    திருச்சிற்றம்பலம்

    7.84 திருக்கானப்பேர்


    பண் - புறநீர்மை
    திருச்சிற்றம்பலம்

    852 தொண்ட ரடித்தொழலுஞ் சோதி இளம்பிறையுஞ்
    சூதன மென்முலையாள் பாகமு மாகிவரும்
    புண்டரி கப்பரிசாம் மேனியும் வானவர்கள்
    பூச லிடக்கடல்நஞ் சுண்ட கருத்தமருங்
    கொண்ட லெனத்திகழுங் கண்டமும் எண்டோ ளுங்
    கோல நறுஞ்சடைமேல் வண்ணமுங் கண்குளிரக்
    கண்டு தொழப்பெறுவ தென்றுகொ லோஅடியேன்
    கார்வயல் சூழ்கானப் பேருறை காளையையே. 7.84.1
    853 கூத லிடுஞ்சடையுங் கோளர வும்விரவுங்
    கொக்கிற குங்குளிர்மா மந்தமும் ஒத்துனதாள்
    ஓத லுணர்ந்தடியார் உன்பெரு மைக்குநினைந்
    துள்ளுரு காவிரசும் ஓசையைப் பாடலும்நீ
    ஆத லுணர்ந்தவரோ டன்பு பெருத்தடியேன்
    அங்கையின் மாமலர்கொண் டென்கண தல்லல்கெடக்
    காத லுறத்தொழுவ தென்றுகொ லோவடியேன்
    கார்வயல் சூழ்கானப் பேருறை காளையையே. 7.84.2
    854 நானுடை மாடெனவே நன்மை தரும்பரனை
    நற்பத மென்றுணர்வார் சொற்பத மார்சிவனைத்
    தேனிடை இன்னமுதை மற்றத னிற்றெளிவைத்
    தேவர்கள் நாயகனைப் பூவுயர் சென்னியனை
    வானிடை மாமதியை மாசறு சோதியனை
    மாருத மும்மனலும் மண்டல மும்மாய
    கானிடை மாநடனென் றெய்துவ தென்றுகொலோ
    கார்வயல் சூழ்கானப் பேருறை காளையையே. 7.84.3
    855 செற்றவர் முப்புரம்அன் றட்ட சிலைத்தொழிலார்
    சேவக முந்நினைவார் பாவக முந்நெறியுங்
    குற்றமில் தன்னடியார் கூறும் இசைப்பரிசுங்
    கோசிக மும்மரையிற் கோவண மும்மதளும்
    மற்றிகழ் திண்புயமும் மார்பிடை நீறுதுதை
    மாமலை மங்கையுமை சேர்சுவ டும்புகழக்
    கற்றன வும்பரவிக் கைதொழல் என்றுகொலோ
    கார்வயல் சூழ்கானப் பேருறை காளையையே. 7.84.4
    856 கொல்லை விடைக்கழகுங் கோல நறுஞ்சடையிற்
    கொத்தல ரும்மிதழித் தொத்தும் அதனருகே
    முல்லை படைத்தநகை மெல்லிய லாளொருபால்
    மோகம் மிகுத்திலங்குங் கூறுசெய் யெப்பரிசுந்
    தில்லை நகர்ப்பொதுவுற் றாடிய சீர்நடமுந்
    திண்மழு வுங்கைமிசைக் கூரெரி யும்மடியார்
    கல்ல வடப்பரிசுங் காணுவ தென்றுகொலோ
    கார்வயல் சூழ்கானப் பேருறை காளையையே. 7.84.5
    857 பண்ணு தலைப்பயனார் பாடலும் நீடுதலும்
    பங்கய மாதனையார் பத்தியும் முத்தியளித்
    தெண்ணு தலைப்பெருமான் என்றெழு வாரவர்தம்
    ஏசற வும்மிறையாம் எந்தையை யும்விரவி
    நண்ணு தலைப்படுமா றெங்ஙனம் என்றயலே
    நைகிற என்னைமதித் துய்யும்வண் ணமருளுங்
    கண்ணு தலைக்கனியைக் காண்பதும் என்றுகொலோ
    கார்வயல் சூழ்கானப் பேருறை காளையையே. 7.84.6
    858 மாவை உரித்ததள்கொண் டங்கம் அணிந்தவனை
    வஞ்சர் மனத்திறையும் நெஞ்சணு காதவனை
    மூவர் உருத்தனதாம் மூல முதற்கருவை
    மூசிடு மால்விடையின் பாகனை ஆகமுறப்
    பாவக மின்றிமெய்யே பற்று மவர்க்கமுதைப்
    பால்நறு நெய்தயிரைந் தாடு பரம்பரனைக்
    காவல் எனக்கிறையென் றெய்துவ தென்றுகொலோ
    கார்வயல் சூழ்கானப் பேருறை காளையையே. 7.84.7
    859 தொண்டர் தமக்கெளிய சோதியை வேதியனைத்
    தூய மறைப்பொருளாம் நீதியை வார்கடல்நஞ்
    சுண்டத னுக்கிறவா தென்றும் இருந்தவனை
    ஊழி படைத்தவனோ டொள்ளரி யும்முணரா
    அண்டனை அண்டர்தமக் காகம நூல்மொழியும்
    ஆதியை மேதகுசீர் ஓதியை வானவர்தங்
    கண்டனை அன்பொடுசென் றெய்துவ தென்றுகொலோ
    கார்வயல் சூழ்கானப் பேருறை காளையையே. 7.84.8
    860 நாதனை நாதமிகுத் தோசைய தானவனை
    ஞான விளக்கொளியாம் ஊனுயி ரைப்பயிரை
    மாதனை மேதகுதன் பத்தர் மனத்திறையும்
    பற்று விடாதவனைக் குற்றமில் கொள்கையனைத்
    தூதனை என்றனையாள் தோழனை நாயகனைத்
    தாழ்மக ரக்குழையுந் தோடும் அணிந்ததிருக்
    காதனை நாயடியேன் எய்துவ தென்றுகொலோ
    கார்வயல் சூழ்கானப் பேருறை காளையையே. 7.84.9
    861 கன்னலை இன்னமுதைக் கார்வயல் சூழ்கானப்
    பேருறை காளையைஒண் சீருறை தண்டமிழால்
    உன்னி மனத்தயரா உள்ளுரு கிப்பரவும்
    ஒண்பொழில் நாவலர்கோன் ஆகிய ஆரூரன்
    பன்னும் இசைக்கிளவி பத்திவை பாடவல்லார்
    பத்தர் குணத்தினராய் எத்திசை யும்புகழ
    மன்னி இருப்பவர்கள் வானின் இழிந்திடினும்
    மண்டல நாயகராய் வாழ்வது நிச்சயமே. 7.84.10

    இத்தலம் பாண்டிநாட்டிலுள்ளது. இதுவே காளையார் கோயில்.
    சுவாமிபெயர் - காளைநாதேசுவரர், தேவியார் - பொற்கொடியம்மை.
    திருச்சிற்றம்பலம்

    7.85 திருக்கூடலையாற்றூர்


    பண் - புறநீர்மை
    திருச்சிற்றம்பலம்

    862 வடிவுடை மழுவேந்தி மதகரி உரிபோர்த்துப்
    பொடியணி திருமேனிப் புரிகுழல் உமையோடுங்
    கொடியணி நெடுமாடக் கூடலை யாற்றூரில்
    அடிகளிவ் வழிபோந்த அதிசயம் அறியேனே. 7.85.1
    863 வையகம் முழுதுண்ட மாலொடு நான்முகனும்
    பையர விளவல்குற் பாவையொ டும்முடனே
    கொய்யணி மலர்ச்சோலைக் கூடலை யாற்றூரில்
    ஐயனிவ் வழிபோந்த அதிசயம் அறியேனே. 7.85.2
    864 ஊர்தொறும் வெண்டலைகொண் டுண்பலி இடுமென்று
    வார்தரு மென்முலையாள் மங்கையொ டும்முடனே
    கூர்நுனை மழுவேந்திக் கூடலை யாற்றூரில்
    ஆர்வனிவ் வழிபோந்த அதிசயம் அறியேனே. 7.85.3
    865 சந்தண வும்புனலுந் தாங்கிய தாழ்சடையன்
    பந்தண வும்விரலாள் பாவையொ டும்முடனே
    கொந்தண வும்பொழில்சூழ் கூடலை யாற்றூரில்
    அந்தணன் வழிபோந்த அதிசயம் அறியேனே. 7.85.4
    866 வேதியர் விண்ணவரும் மண்ணவ ருந்தொழநற்
    சோதிய துருவாகிச் சுரிகுழல் உமையோடுங்
    கோதிய வண்டறையுங் கூடலை யாற்றூரில்
    ஆதியிவ் வழிபோந்த அதிசயம் அறியேனே. 7.85.5
    867 வித்தக வீணையொடும் வெண்புரி நூல்பூண்டு
    முத்தன வெண்முறுவல் மங்கையொ டும்முடனே
    கொத்தல ரும்பொழில்சூழ் கூடலை யாற்றூரில்
    அத்தனிவ் வழிபோந்த அதிசயம் அறியேனே. 7.85.6
    868 மழைநுழை மதியமொடு வாளர வஞ்சடைமேல்
    இழைநுழை துகிலல்குல் ஏந்திழை யாளோடுங்
    குழையணி திகழ்சோலைக் கூடலை யாற்றூரில்
    அழகனிவ் வழிபோந்த அதிசயம் அறியேனே. 7.85.7
    869 மறைமுதல் வானவரும் மாலயன் இந்திரனும்
    பிறைநுதல் மங்கையொடும் பேய்க்கண முஞ்சூழக்
    குறள்படை யதனோடுங் கூடலை யாற்றூரில்
    அறவனிவ் வழிபோந்த அதிசயம் அறியேனே. 7.85.8
    870 வேலையின் நஞ்சுண்டு விடையது தானேறிப்
    பாலன மென்மொழியாள் பாவையொ டும்முடனே
    கோலம துருவாகிக் கூடலை யாற்றூரில்
    ஆலனிவ் வழிபோந்த அதிசயம் அறியேனே. 7.85.9
    871 கூடலை யாற்றூரிற் கொடியிடை யவளோடும்
    ஆடலு கந்தானை அதிசயம் இதுவென்று
    நாடிய இன்றமிழால் நாவல வூரன்சொற்
    பாடல்கள் பத்தும்வல்லார் தம்வினை பற்றறுமே. 7.85.10

    இத்தலம் நடுநாட்டிலுள்ளது.
    சுவாமிபெயர் - நெறிகாட்டுநாயகர், தேவியார் - புரிகுழலாளம்மை.

    இது திருப்புறம்பயமென்னுந் தலத்தினின்று மெழுந்தருளித் திருக்கூடலையாற்றூருக்குச்
    சமீபமாகச்செல்லுகின்றவர், அந்தத் தலத்துக்குள் செல்லாமல், திருமுதுகுன்றை
    நோக்கிச்செல்லுங் கருத்தினராக, அந்தமார்க்கத்தில் பரமசிவம் ஒரு பிராமணராய்
    நிற்கக்கண்டு ஐயரே திருமுதுகுன்றுக்கு மார்க்கமெதுவென்ன, இந்தக் கூடலையாற்றூர்
    மார்க்கமாச் செல்லுகின்றதென்று சொல்லி வழிகாட்டிப் பின்செல்ல, சுந்தரமூர்த்தி
    சுவாமிகள் முன்சென்று கூடலையாற்றூருக்குச் சமீபமாகச் சார்ந்தபோது
    பின்வந்த பிராமணர் மறையக்கண்டு அதிசயங்கொண்டு ஓதியபதிகம்.
    திருச்சிற்றம்பலம்

    7.86 திருவன்பார்த்தான்பனங்காட்டூர்


    பண் - சீகாமரம்
    திருச்சிற்றம்பலம்

    872 விடையின்மேல் வருவானை
    வேதத்தின் பொருளானை
    அடையில்அன் புடையானை
    யாவர்க்கும் அறியொண்ணா
    மடையில்வா ளைகள்பாயும்
    வன்பார்த்தான் பனங்காட்டூர்ச்
    சடையிற்கங்கை தரித்தானைச்
    சாராதார் சார்பென்னே. 7.86.1
    873 அறையும்பைங் கழலார்ப்ப
    அரவாட அனலேந்திப்
    பிறையுங்கங் கையுஞ்சூடிப்
    பெயர்ந்தாடும் பெருமானார்
    பறையுஞ்சங் கொலிஓவாப்
    படிறன்றன் பனங்காட்டூர்
    உறையுமெங்கள் பிரானாரை
    உணராதார் உணர்வென்னே. 7.86.2
    874 தண்ணார்மா மதிசூடித்
    தழல்போலுந் திருமேனிக்
    கெண்ணார்நாண் மலர்கொண்டங்
    கிசைந்தேத்தும் அடியார்கள்
    பண்ணார்பா டல்அறாத
    படிறன்றன் பனங்காட்டூர்ப்
    பெண்ணாணா யபிரானைப்
    பேசாதார் பேச்சென்னே. 7.86.3
    875 நெற்றிக்கண் ணுடையானை
    நீறேறுந் திருமேனிக்
    குற்றமில் குணத்தானைக்
    கோணாதார் மனத்தானைப்
    பற்றிப்பாம் பரையார்த்த
    படிறன்றன் பனங்காட்டூர்ப்
    பெற்றொன்றே றும்பிரானைப்
    பேசாதார் பேச்சென்னே. 7.86.4
    876 உரமென்னும் பொருளானை
    உருகிலுள் ளுறைவானைச்
    சிரமென்னுங் கலனானைச்
    செங்கண்மால் விடையானை
    வரம்முன்ன மருள்செய்வான்
    வன்பார்த்தான் பனங்காட்டூர்ப்
    பரமன்எங் கள்பிரானைப்
    பரவாதார் பரவென்னே. 7.86.5
    877 எயிலார்பொக் கம்எரித்த
    எண்டோ ள்முக் கண்இறைவன்
    வெயிலாய்க்காற் றெனவீசி
    மின்னாய்த்தீ எனநின்றான்
    மயிலார்சோ லைகள்சூழ்ந்த
    வன்பார்த்தான் பனங்காட்டூர்ப்
    பயில்வானுக் கடிமைக்கட்
    பயிலாதார் பயில்வென்னே. 7.86.6
    878 மெய்யன்வெண் பொடிபூசும்
    விகிர்தன்வே தமுதல்வன்
    கையில்மான் மழுவேந்திக்
    காலன்கா லம்அறுத்தான்
    பைகொள்பாம் பரையார்த்த
    படிறன்றன் பனங்காட்டூர்
    ஐயன்எங் கள்பிரானை
    அறியாதார் அறிவென்னே. 7.86.7
    879 வஞ்சமற்ற மனத்தாரை
    மறவாத பிறப்பிலியைப்
    பஞ்சிச்சீ றடியாளைப்
    பாகம்வைத் துகந்தானை
    மஞ்சுற்ற மணிமாட
    வன்பார்த்தான் பனங்காட்டூர்
    நெஞ்சத்தெங் கள்பிரானை
    நினையாதார் நினைவென்னே. 7.86.8
    880 மழையானுந் திகழ்கின்ற
    மலரோனென் றிருவர்தாம்
    உழையாநின் றவருள்க
    உயர்வானத் துயர்வானைப்
    பழையானைப் பனங்காட்டூர்
    பதியாகத் திகழ்கின்ற
    குழைகாதற் கடிமைக்கட்
    குழையாதார் குழைவென்னே. 7.86.9
    881 பாரூரும் பனங்காட்டூர்ப்
    பவளத்தின் படியானைச்
    சீரூருந் திருவாரூர்ச்
    சிவன்பேர்சென் னியில்வைத்த
    ஆரூரன் அடித்தொண்டன்
    அடியன்சொல் அடிநாய்சொல்
    ஊரூரன் உரைசெய்வார்
    உயர்வானத் துயர்வாரே. 7.86.10

    இத்தலம் தொண்டைநாட்டிலுள்ளது.
    சுவாமிபெயர் - பனங்காட்டீசுவரர், தேவியார் - அமிர்தவல்லியம்மை.
    திருச்சிற்றம்பலம்

    7.87 திருப்பனையூர்


    பண் - சீகாமரம்
    திருச்சிற்றம்பலம்

    882 மாடமாளிகை கோபுரத்தொடு
    மண்டபம்வள ரும்வளர்பொழில்
    பாடல் வண்டறையும்
    பழனத் திருப்பனையூர்த்
    தோடுபெய்தொரு காதினிற்குழை
    தூங்கத்தொண்டர்கள் துள்ளிப்பாடநின்
    றாடு மாறுவல்லார்
    அவரே அழகியரே. 7.87.1
    883 நாறுசெங்கழு நீர்மலர்
    நல்லமல்லிகை சண்பகத்தொடு
    சேறுசெய் கழனிப்
    பழனத் திருப்பனையூர்
    நீறுபூசிநெய் யாடிதன்னை
    நினைப்பவர்தம் மனத்தனாகிநின்
    றாறு சூடவல்லார்
    அவரே அழகியரே. 7.87.2
    884 செங்கண்மேதிகள் சேடெறிந்து
    தடம்படிதலிற் சேலினத்தொடு
    பைங்கண் வாளைகள்
    பாய்பழனத் திருப்பனையூர்த்
    திங்கள்சூடிய செல்வனாரடி
    யார்தம்மேல்வினை தீர்ப்பராய்விடி
    லங்கிருந் துறைவார்
    அவரே அழகியரே. 7.87.3
    885 வாளைபாய மலங்கிளங்கயல்
    வரிவராலுக ளுங்கழனியுள்
    பாளையொண் கமுகம்
    புடைசூழ் திருப்பனையூர்த்
    தோளுமாகமுந் தோன்றநட்டமிட்
    டாடுவாரடித் தொண்டர்தங்களை
    ஆளு மாறுவல்லார்
    அவரே அழகியரே. 7.87.4
    886 கொங்கையார்பல ருங்குடைந்
    தாடநீர்க்குவ ளைமலர்தர
    பங்கயம் மலரும்
    பழனத் திருப்பனையூர்
    மங்கைபாகமும் மாலோர்பாகமுந்
    தாமுடையவர் மான்மழுவினோ
    டங்கைத் தீயுகப்பார்
    அவரே அழகியரே. 7.87.5
    887 காவிரிபுடை சூழ்சோணாட்டவர்
    தாம்பரவிய கருணையங்கடலப்
    பாவிரி புலவர்
    பயிலுந் திருப்பனையூர்
    மாவிரிமட நோக்கிஅஞ்ச
    மதகரியுரி போர்த்துகந்தவர்
    ஆவில்ஐந் துகப்பார்
    அவரே அழகியரே. 7.87.6
    888 மரங்கள்மேல்மயி லாலமண்டப
    மாடமாளிகை கோபுரத்தின்மேல்
    திரங்கல்வன் முகவன்
    புகப்பாய் திருப்பனையூர்த்
    துரங்கன்வாய்பிளந் தானுந்தூமலர்த்
    தோன்றலுமறி யாமற்றோன்றிநின்
    றரங்கில் ஆடவல்லார்
    அவரே அழகியரே. 7.87.7
    889 மண்ணெலாம்முழ வம்மதிர்தர
    மாடமாளிகை கோபுரத்தின்மேற்
    பண்ணி யாழ்முரலும்
    பழனத் திருப்பனையூர்
    வெண்ணிலாச் சடைமேவிய
    விண்ணவரொடு மண்ணவர்தொழ
    அண்ணலாகி நின்றார்
    அவரே அழகியரே. 7.87.8
    890 குரக்கினங்குதி கொள்ளத்தேனுகக்
    குண்டுதண்வயற் கெண்டைபாய்தரப்
    பரக்குந் தண்கழனிப்
    பழனத் திருப்பனையூர்
    இரக்கமில்லவர் ஐந்தொடைத்தலை
    தோளிருபது தாள்நெரிதர
    அரக்கனை அடர்த்தார்
    அவரே அழகியரே. 7.87.9
    891 வஞ்சிநுண்ணிடை மங்கைபங்கினர்
    மாதவர்வள ரும்வளர்பொழில்
    பஞ்சின் மெல்லடியார்
    பயிலுந் திருப்பனையூர்
    வஞ்சியும்வளர் நாவலூரன்
    வனப்பகையவ ளப்பன்வன்றொண்டன்
    செஞ்சொற் கேட்டுகப்பார்
    அவரே அழகியரே. 7.87.10

    இத்தலம் சோழநாட்டிலுள்ளது.
    சுவாமிபெயர் - சவுந்தரேசர், தேவியார் - பெரியநாயகியம்மை.
    திருச்சிற்றம்பலம்

    7.88 திருவீழிமிழலை


    பண் - சீகாமரம்
    திருச்சிற்றம்பலம்

    892 நம்பினார்க்கருள் செய்யுமந்தணர்
    நான்மறைக்கிட மாயவேள்வியுள்
    செம்பொ னேர்மடவாரணி
    பெற்ற திருமிழலை
    உம்பரார்தொழு தேத்தமாமலை
    யாளொடும்முட னேஉறைவிடம்
    அம்பொன் வீழிகொண்டீர்
    அடியேற்கும் அருளுதிரே. 7.88.1
    893 விடங்கொள்மாமிடற் றீர்வெள்ளைச்சுருளொன்
    றிட்டுவிட்ட காதினீரென்று
    திடங்கொள் சிந்தையினார்
    கலிகாக்குந் திருமிழலை
    மடங்கல்பூண்டவி மானம்மண்மிசை
    வந்திழிச்சிய வானநாட்டையும்
    அடங்கல் வீழிகொண்டீர்
    அடியேற்கும் அருளுதிரே. 7.88.2
    894 ஊனைஉற்றுயிர் ஆயினீரொளி
    மூன்றுமாய்த்தெளி நீரோடானஞ்சின்
    தேனை ஆட்டுகந்தீர்
    செழுமாடத் திருமிழலை
    மானைமேவிய கையினீர்மழு
    வேந்தினீர்மங்கை பாகத்தீர்விண்ணில்
    ஆன வீழிகொண்டீர்
    அடியேற்கும் அருளுதிரே. 7.88.3
    895 பந்தம்வீடிவை பண்ணினீர்படி
    றீர்மதிப்பிதிர்க் கண்ணியீரென்று
    சிந்தை செய்திருக்குஞ்
    செங்கையாளர் திருமிழலை
    வந்துநாடகம் வானநாடியர்
    ஆடமாலயன் ஏத்தநாடொறும்
    அந்தண் வீழிகொண்டீர்
    அடியேற்கும் அருளுதிரே. 7.88.4
    896 புரிசைமூன்றையும் பொன்றக்குன்றவில்
    லேந்திவேதப் புரவித்தேர்மிசைத்
    திரிசெய் நான்மறையோர்
    சிறந்தேத்துந் திருமிழலைப்
    பரிசினாலடி போற்றும்பத்தர்கள்
    பாடியாடப் பரிந்துநல்கினீர்
    அரிய வீழிகொண்டீர்
    அடியேற்கும் அருளுதிரே. 7.88.5
    897 எறிந்தசண்டி இடந்தகண்ணப்பன்
    ஏத்துபத்தர்கட் கேற்றம்நல்கினீர்
    செறிந்த பூம்பொழில்
    தேன்துளிவீசுந் திருமிழலை
    நிறைந்தஅந்தணர் நித்தநாடொறும்
    நேசத்தாலுமைப் பூசிக்கும்மிடம்
    அறிந்து வீழிகொண்டீர்
    அடியேற்கும் அருளுதிரே. 7.88.6
    898 பணிந்தபார்த்தன் பகீரதன்பல
    பத்தர்சித்தர்க்குப் பண்டுநல்கினீர்
    திணிந்த மாடந்தொறுஞ்
    செல்வம்மல்கு திருமிழலை
    தணிந்தஅந்தணர் சந்திநாடொறும்
    அந்திவானிடு பூச்சிறப்பவை
    அணிந்து வீழிகொண்டீர்
    அடியேற்கும் அருளுதிரே. 7.88.7
    899 பரந்தபாரிடம் ஊரிடைப்பலி
    பற்றிப்பார்த்துணுஞ் சுற்றமாயினீர்
    தெரிந்த நான்மறை
    யோர்க்கிடமாய திருமிழலை
    இருந்துநீர்தமி ழோடிசைகேட்கும்
    இச்சையாற்காசு நித்தல்நல்கினீர்
    அருந்தண் வீழிகொண்டீர்
    அடியேற்கும் அருளுதிரே. 7.88.8
    900 தூயநீரமு தாயவாறது
    சொல்லுகென்றுமைக் கேட்கச்சொல்லினீர்
    தீயராக் குலையாளர்
    செழுமாடத் திருமிழலை
    மேயநீர்பலி ஏற்றதென்னென்று
    விண்ணப்பஞ்செய் பவர்க்குமெய்ப்பொருள்
    ஆய வீழிகொண்டீர்
    அடியேற்கும் அருளுதிரே. 7.88.9
    901 வேதவேதியர் வேதநீதியர்
    ஓதுவார்விரி நீர்மிழலையுள்
    ஆதி வீழிகொண்டீர்
    அடியேற்கும் அருளுகென்று
    நாதகீதம்வண் டோ துவார்பொழில்
    நாவலூரன்வன் றொண்டன்நற்றமிழ்
    பாதம் ஓதவல்லார்
    பரனோடு கூடுவரே. 7.88.10

    இத்தலம் சோழநாட்டிலுள்ளது.
    சுவாமிபெயர் - வீழியழகர், தேவியார் - சுந்தரகுசாம்பிகையம்மை.
    திருச்சிற்றம்பலம்

    7.89 திருவெண்பாக்கம்


    பண் - சீகாமரம்
    திருச்சிற்றம்பலம்

    902 பிழையுளன பொறுத்திடுவர்
    என்றடியேன் பிழைத்தக்காற்
    பழியதனைப் பாராதே
    படலமென்கண் மறைப்பித்தாய்
    குழைவிரவு வடிகாதா
    கோயிலுளா யேயென்ன
    உழையுடையான் உள்ளிருந்து
    உளோம்போகீர் என்றானே. 7.89.1
    903 இடையறியேன் தலையறியேன்
    எம்பெருமான் சரணமென்பேன்
    அடையுடையன் நம்மடியான்
    என்றவற்றைப் பாராதே
    விடையுடையான் விடநாகன்
    வெண்ணீற்றன் புலியின்றோல்
    உடையுடையான் எனையுடையான்
    உளோம்போகீர் என்றானே. 7.89.2
    904 செய்வினையொன் றறியாதேன்
    திருவடியே சரணென்று
    பொய்யடியேன் பிழைத்திடினும்
    பொறுத்திடநீ வேண்டாவோ
    பையரவா இங்கிருந்தா
    யோவென்னப் பரிந்தென்னை
    உய்யஅருள் செய்யவல்லான்
    உளோம்போகீர் என்றானே. 7.89.3
    905 கம்பமருங் கரியுரியன்
    கறைமிடற்றன் காபாலி
    செம்பவளத் திருவுருவன்
    சேயிழையோ டுடனாகி
    நம்பியிங்கே இருந்தீரே
    என்றுநான் கேட்டலுமே
    உம்பர்தனித் துணையெனக்கு
    உளோம்போகீர் என்றானே. 7.89.4
    906 பொன்னிலங்கு நறுங்கொன்றை
    புரிசடைமேற் பொலிந்திலங்க
    மின்னிலங்கு நுண்ணிடையாள்
    பாகமா எருதேறித்
    துன்னியிரு பால்அடியார்
    தொழுதேத்த அடியேனும்
    உன்னதமாய்க் கேட்டலுமே
    உளோம்போகீர் என்றானே. 7.89.5
    907 கண்ணுதலாற் காமனையுங்
    காய்ந்ததிறற் கங்கைமலர்
    தெண்ணிலவு செஞ்சடைமேல்
    தீமலர்ந்த கொன்றையினான்
    கண்மணியை மறைப்பித்தாய்
    இங்கிருந்தா யோவென்ன
    ஒண்ணுதலி பெருமானார்
    உளோம்போகீர் என்றானே. 7.89.6
    908 பார்நிலவு மறையோரும்
    பத்தர்களும் பணிசெய்யத்
    தார்நிலவு நறுங்கொன்றைச்
    சடையனார் தாங்கரிய
    கார்நிலவு மணிமிடற்றீர்
    இங்கிருந்தீ ரேயென்ன
    ஊரரவம் அரைக்கசைத்தான்
    உளோம்போகீர் என்றானே. 7.89.7
    909 வாரிடங்கொள் வனமுலையாள்
    தன்னோடு மயானத்துப்
    பாரிடங்கள் பலசூழப்
    பயின்றாடும் பரமேட்டி
    காரிடங்கொள் கண்டத்தன்
    கருதுமிடந் திருஒற்றி
    யூரிடங்கொண் டிருந்தபிரான்
    உளோம்போகீர் என்றானே. 7.89.8
    910 பொன்னவிலுங் கொன்றையினாய்
    போய்மகிழ்க்கீ ழிருவென்று
    சொன்னஎனைக் காணாமே
    சூளறவு மகிழ்க்கீழே
    என்னவல்ல பெருமானே
    இங்கிருந்தா யோவென்ன
    ஒன்னலரைக் கண்டாற்போல்
    உளோம்போகீர் என்றானே. 7.89.9
    911 மான்றிகழுஞ் சங்கிலியைத்
    தந்துவரு பயன்களெல்லாந்
    தோன்றஅருள் செய்தளித்தாய்
    என்றுரைக்க உலகமெலாம்
    ஈன்றவனே வெண்கோயில்
    இங்கிருந்தா யோவென்ன
    ஊன்றுவதோர் கோலருளி
    உளோம்போகீர் என்றானே. 7.89.10
    912 ஏராரும் பொழில்நிலவு
    வெண்பாக்கம் இடங்கொண்ட
    காராறும் மிடாற்றானைக்
    காதலித்திட் டன்பினொடுஞ்
    சீராருந் திருவாரூர்ச்
    சிவன்பேர்சென் னியில்வைத்த
    ஆரூரன் தமிழ்வல்லார்க்
    கடையாவல் வினைதானே. 7.89.11

    இத்தலம் தொண்டைநாட்டிலுள்ளது. இது திருவிளம்பூதூரென்று வழங்குகிறது.
    சுவாமிபெயர் - வெண்பாக்கத்தீசுவரர், தேவியார் - கனிவாய்மொழியம்மை.

    இது திருவொற்றியூரில் சங்கிலிநாச்சியாருக்குக் கூறிய சபதத்தை
    மறந்து திருவாரூருக்குச் செல்லுங்கருத்தினால், திருவொற்றியூரெல்லையைக்
    கடந்த அளவில் பார்வைமறைய அவ்வண்ணமேயெழுந்தருளி
    வெண்பாக்கத்திற்சென்று ஆலயத்துக்குளடைந்து தரிசித்துக்
    கோயிலிலிருக்கின்றீரோவென்ன, பரமசிவம் ஊன்றுகோலொன்றருளிச்செய்து
    நாம் கோயிலுலிருக்கிறோம் நீர் போமென்று அருளிச்செய்தபோது ஓதிய பதிகம்.
    திருச்சிற்றம்பலம்

    7.90 கோயில்


    பண் - குறிஞ்சி
    திருச்சிற்றம்பலம்

    913 மடித்தாடும் அடிமைக்கண் அன்றியே
    மனனேநீ வாழும் நாளுந்
    தடுத்தாட்டித் தருமனார் தமர்செக்கில்
    இடும்போது தடுத்தாட் கொள்வான்
    கடுத்தாடுங் கரதலத்திற் றமருகமும்
    எரிஅகலுங் கரியபாம்பும்
    பிடித்தாடி புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.1
    914 பேராது காமத்திற் சென்றார்போல்
    அன்றியே பிரியா துள்கிச்
    சீரார்ந்த அன்பராய்ச் சென்றுமுன்
    னடிவீழுந் திருவி னாரை
    ஓராது தருமனார் தமர்செக்கில்
    இடும்போது தடுத்தாட் கொள்வான்
    பேராளர் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.2
    915 நரியார்தங் கள்ளத்தாற் பக்கான
    பரிசொழிந்து நாளும் உள்கிப்
    பிரியாத அன்பராய்ச் சென்றுமுன்
    அடிவீழுஞ் சிந்தை யாரைத்
    தரியாது தருமனார் தமர்செக்கில்
    இடும்போது தடுத்தாட் கொள்வான்
    பெரியோர்கள் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.3
    916 கருமையார் தருமனார் தமர்நம்மைக்
    கட்டியகட் டறுப்பிப் பானை
    அருமையாந் தன்னுலகந் தருவானை
    மண்ணுலகங் காவல் பூண்ட
    உரிமையாற் பல்லவர்க்குத் திறைகொடா
    மன்னவரை மறுக்கஞ் செய்யும்
    பெருமையார் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.4
    917 கருமானின் உரியாடைச் செஞ்சடைமேல்
    வெண்மதியக் கண்ணி யானை
    உருமன்ன கூற்றத்தை உருண்டோ ட
    உதைத்துகந் துலவா இன்பம்
    தருவானைத் தருமனார் தமர்செக்கில்
    இடும்போது தடுத்தாட் கொள்வான்
    பெருமானார் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.5
    918 உய்த்தாடித் திரியாதே உள்ளமே
    ஒழிகண்டாய் ஊன்கண் ஓட்டம்
    எத்தாலுங் குறைவில்லை என்பர்காண்
    நெஞ்சமே நம்மை நாளும்
    பைத்தாடும் அரவினன் படர்சடையன்
    பரஞ்சோதி பாவந் தீர்க்கும்
    பித்தாடி புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.6
    919 முட்டாத முச்சந்தி மூவா
    யிரவர்க்கு மூர்த்தி என்னப்
    பட்டானைப் பத்தராய்ப் பாவிப்பார்
    பாவமும் வினையும் போக
    விட்டானை மலையெடுத்த இராவணனைத்
    தலைபத்தும் நெரியக் காலால்
    தொட்டானைப் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.7
    920 கற்றானுங் குழையுமா றன்றியே
    கருதுமா கருத கிற்றார்க்
    கெற்றாலுங் குறைவில்லை என்பர்காண்
    உள்ளமே நம்மைநாளுஞ்
    செற்றாட்டித் தருமனார் தமர்செக்கில்
    இடும்போது தடுத்தாட் கொள்வான்
    பெற்றேறிப் புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.8
    921 நாடுடைய நாதன்பால் நன்றென்றுஞ்
    செய்மனமே நம்மை நாளுந்
    தாடுடைய தருமனார் தமர்செக்கில்
    இடும்போது தடுத்தாட் கொள்வான்
    மோடுடைய சமணர்க்கும் முடையுடைய
    சாக்கியர்க்கும் மூடம் வைத்த
    பீடுடைய புலியூர்ச்சிற் றம்பலத்தெம்
    பெருமானைப் பெற்றா மன்றே. 7.90.9
    922 பாரூரும் அரவல்குல் உமைநங்கை
    யவள்பங்கன் பைங்கண் ஏற்றன்
    ஊரூரன் தருமனார் தமர்செக்கில்
    இடும்போது தடுத்தாட் கொள்வான்
    ஆரூரன் தம்பிரான் ஆரூரன்
    மீகொங்கில் அணிகாஞ் சிவாய்ப்
    பேரூரர் பெருமானைப் புலியூர்ச்சிற்
    றம்பலத்தே பெற்றா மன்றே. 7.90.10

    திருச்சிற்றம்பலம்

    7.91 திருவொற்றியூர்


    பண் - குறிஞ்சி
    திருச்சிற்றம்பலம்

    923 பாட்டும் பாடிப் பரவித் திரிவார்
    ஈட்டும் வினைகள் தீர்ப்பார் கோயில்
    காட்டுங் கலமுந் திமிலுங் கரைக்கே
    ஓட்டுந் திரைவாய் ஒற்றி யூரே. 7.91.1
    924 பந்துங் கிளியும் பயிலும் பாவை
    சிந்தை கவர்வார் செந்தீ வண்ணர்
    எந்தம் அடிகள் இறைவர்க் கிடம்போல்
    உந்துந் திரைவாய் ஒற்றி யூரே. 7.91.2
    925 பவளக் கனிவாய்ப் பாவை பங்கன்
    கவளக் களிற்றின் உரிவை போர்த்தான்
    தவழும் மதிசேர் சடையாற் கிடம்போல்
    உகளுந் திரைவாய் ஒற்றி யூரே. 7.91.3
    926 என்ன தெழிலும் நிறையுங் கவர்வான்
    புன்னை மலரும் புறவிற் றிகழுந்
    தன்னை முன்னம் நினைக்கத் தருவான்
    உன்னப் படுவான் ஒற்றி யூரே. 7.91.4
    927 பணங்கொள் அரவம் பற்றிப் பரமன்
    கணங்கள் சூழக் கபாலம் ஏந்தி
    வணங்கும் இடைமென் மடவார் இட்ட
    உணங்கல் கவர்வான் ஒற்றி யூரே. 7.91.5
    928 படையார் மழுவன் பால்வெண் ணீற்றன்
    விடையார் கொடியன் வேத நாவன்
    அடையார் வினைகள் அறுப்பான் என்னை
    உடையான் உறையும் ஒற்றி யூரே. 7.91.6
    929 சென்ற புரங்கள் தீயில் வேவ
    வென்ற விகிர்தன் வினையை வீட்ட
    நன்று நல்ல நாதன் நரையே
    றொன்றை உடையான் ஒற்றி யூரே. 7.91.7
    930 கலவ மயில்போல் வளைக்கை நல்லார்
    பலரும் பரவும் பவளப் படியான்
    உலகின் உள்ளார் வினைகள் தீர்ப்பான்
    உலவுந் திரைவாய் ஒற்றி யூரே. 7.91.8
    931 பற்றி வரையை எடுத்த அரக்கன்
    இற்று முரிய விரலால் அடர்த்தார்
    எற்றும் வினைகள் தீர்ப்பார் ஓதம்
    ஒற்றுந் திரைவாய் ஒற்றி யூரே. 7.91.9
    932 ஒற்றி யூரும் அரவும் பிறையும்
    பற்றி யூரும் பவளச் சடையான்
    ஒற்றி யூர்மேல் ஊரன் உரைத்த
    கற்றுப் பாடக் கழியும் வினையே. 7.91.10

    திருச்சிற்றம்பலம்

    7.92 திருப்புக்கொளியூர் அவிநாசி


    பண் - குறிஞ்சி
    திருச்சிற்றம்பலம்

    933 எற்றான் மறக்கேன் எழுமைக்கும் எம்பெரு மானையே
    உற்றாயென் றுன்னையே உள்குகின் றேனுணர்ந் துள்ளத்தாற்
    புற்றா டரவா புக்கொளி யூரவி நாசியே
    பற்றாக வாழ்வேன் பசுபதி யேபர மேட்டியே. 7.92.1
    934 வழிபோவார் தம்மோடும் வந்துடன் கூடிய மாணிநீ
    ஒழிவ தழகோ சொல்லாய் அருளோங்கு சடையானே
    பொழிலாருஞ் சோலைப் புக்கொளி யூரிற் குளத்திடை
    இழியாக் குளித்த மாணியெ னைக்கிறி செய்ததே. 7.92.2
    935 எங்கேனும் போகினும் எம்பெரு மானை நினைந்தக்காற்
    கொங்கே புகினுங் கூறைகொண் டாறலைப் பாரிலை
    பொங்கா டரவா புக்கொளி யூரவி நாசியே
    எங்கோ னேயுனை வேண்டிக்கொள் வேன்பிற வாமையே. 7.92.3
    936 உரைப்பார் உரையுகந் துள்கவல் லார்தங்கள் உச்சியாய்
    அரைக்கா டரவா ஆதியும் அந்தமும் ஆயினாய்
    புரைக்காடு சோலைப் புக்கொளி யூரவி நாசியே
    கரைக்கால் முதலையைப் பிள்ளை தரச்சொல்லு காலனையே. 7.92.4
    937 அரங்காவ தெல்லா மாயிடு காடது வன்றியுஞ்
    சரங்கோலை வாங்கி வரிசிலை நாணியிற் சந்தித்துப்
    புரங்கோட எய்தாய் புக்கொளி யூரவி நாசியே
    குரங்காடு சோலைக் கோயில்கொண் டகுழைக் காதனே. 7.92.5
    938 நாத்தா னும்உனைப் பாடலன் றிநவி லாதெனாச்
    சோத்தென்று தேவர் தொழநின்ற சுந்தரச் சோதியாய்
    பூத்தாழ் சடையாய் புக்கொளி யூரவி நாசியே
    கூத்தா உனக்குநான் ஆட்பட்ட குற்றமுங் குற்றமே. 7.92.6
    939 மந்தி கடுவனுக் குண்பழம் நாடி மலைப்புறஞ்
    சந்திகள் தோறுஞ் சலபுட்பம் இட்டு வழிபடப்
    புந்தி உறைவாய் புக்கொளி யூரவி நாசியே
    நந்தி உனைவேண்டிக் கொள்வேன் நரகம் புகாமையே. 7.92.7
    940 பேணா தொழிந்தேன் உன்னைய லாற்பிற தேவரைக்
    காணா தொழிந்தேன் காட்டுதி யேலின்னங் காண்பன்நான்
    பூணாண் அரவா புக்கொளி யூரவி நாசியே
    காணாத கண்கள் காட்டவல் லகறைக் கண்டனே. 7.92.8
    941 நள்ளாறு தெள்ளா றரத்துறை வாய்எங்கள் நம்பனே
    வெள்ளாடை வேண்டாய் வேங்கையின் தோலை விரும்பினாய்
    புள்ளேறு சோலைப் புக்கொளி யூரிற் குளத்திடை
    உள்ளாடப் புக்க மாணியென் னைக்கிறி செய்ததே. 7.92.9
    942 நீரேற ஏறுநிமிர் புன்சடை நின்மல மூர்த்தியைப்
    போரேற தேறியைப் புக்கொளி யூரவி நாசியைக்
    காரேறு கண்டனைத் தொண்டன் ஆரூரன் கருதிய
    சீரேறு பாடல்கள் செப்பவல் லார்க்கில்லை துன்பமே. 7.92.10

    இத்தலம் கொங்குநாட்டிலுள்ளது.
    சுவாமிபெயர் - அவிநாசியப்பர், தேவியார் - பெருங்கருணைநாயகி.

    இது முதலையுண்டபிள்ளையை அழைப்பித்தபதிகம்.
    திருச்சிற்றம்பலம்

    7.93 திருநறையூர்ச்சித்தீச்சரம்


    பண் - குறிஞ்சி
    திருச்சிற்றம்பலம்

    943 நீரும் மலரும் நிலவுஞ் சடைமேல்
    ஊரும் அரவம் உடையான் இடமாம்
    வாரும் அருவி மணிபொன் கொழித்துச்
    சேரும் நரையூர்ச் சித்தீச் சரமே. 7.93.1
    944 அளைப்பை அரவேர் இடையாள் அஞ்சத்
    துளைக்கைக் கரித்தோல் உரித்தான் இடமாம்
    வளைக்கை மடவார் மடுவிற் றடநீர்த்
    திளைக்கும் நறையூர்ச் சித்தீச் சரமே. 7.93.2
    945 இகழுந் தகையோர் எயில்மூன் றெரித்த
    பகழி யொடுவில் லுடையான் பதிதான்
    முகிழ்மென் முலையார் முகமே கமலந்
    திகழும் நறையூர்ச் சித்தீச் சரமே. 7.93.3
    946 மறக்கொள் அரக்கன் வரைதோள் வரையால்
    இறக்கொள் விரற்கோன் இருக்கும் இடமாம்
    நறக்கொள் கமலம் நனிபள் ளியெழத்
    திறக்கும் நறையூர்ச் சித்தீச் சரமே. 7.93.4
    947 முழுநீ றணிமே னியன்மொய் குழலார்
    எழுநீர் மைகொள்வான் அமரும் இடமாம்
    கழுநீர் கமழக் கயல்சேல் உகளுஞ்
    செழுநீர் நறையூர்ச் சித்தீச் சரமே. 7.93.5
    948 ஊனா ருடைவெண் டலையுண் பலிகொண்
    டானார் அடலே றமர்வான் இடமாம்
    வானார் மதியம் பதிவண் பொழில்வாய்த்
    தேனார் நறையூர்ச் சித்தீச் சரமே. 7.93.6
    949 காரூர் கடலில் விடமுண் டருள்செய்
    நீரூர் சடையன் நிலவும் இடமாம்
    வாரூர் முலையார் மருவும் மறுகில்
    தேரூர் நறையூர்ச் சித்தீச் சரமே. 7.93.7
    950 கரியின் உரியுங் கலைமான் மறியும்
    எரியும் மழுவும் உடையான் இடமாம்
    புரியும் மறையோர் நிறைசொற் பொருள்கள்
    தெரியும் நறையூர்ச் சித்தீச் சரமே. 7.93.8
    951 பேணா முனிவன் பெருவேள் வியெலாம்
    மாணா மைசெய்தான் மருவும் இடமாம்
    பாணார் குழலும் முழவும் விழவிற்
    சேணார் நறையூர்ச் சித்தீச் சரமே. 7.93.9
    952 குறியில் வழுவாக் கொடுங்கூற் றுதைத்த
    எறியும் மழுவாட் படையான் இடமாம்
    நெறியில் வழுவா நியமத் தவர்கள்
    செறியும் நறையூர்ச் சித்தீச் சரமே. 7.93.10
    953 போரார் புரமெய் புனிதன் அமருஞ்
    சீரார் நறையூர்ச் சித்தீச் சரத்தை
    ஆரூ ரன்சொல் லிவைவல் லவர்கள்
    ஏரார் இமையோர் உலகெய் துவரே. 7.93.11

    திருச்சிற்றம்பலம்

    7.94 திருச்சோற்றுத்துறை


    பண் - கௌசிகம்
    திருச்சிற்றம்பலம்

    954 அழல்நீர் ஒழுகி யனைய சடையும்
    உழையீ ருரியும் உடையான் இடமாம்
    கழைநீர் முத்துங் கனகக் குவையுஞ்
    சுழல்நீர்ப் பொன்னிச் சோற்றுத் துறையே. 7.94.1
    955 பண்டை வினைகள் பறிய நின்ற
    அண்ட முதல்வன் அமலன் இடமாம்
    இண்டை கொண்டன் பிடைய றாத
    தொண்டர் பரவுஞ் சோற்றுத் துறையே. 7.94.2
    956 கோல அரவுங் கொக்கின் இறகும்
    மாலை மதியும் வைத்தான் இடமாம்
    ஆலும் மயிலும் ஆடல் அளியுஞ்
    சோலை தருநீர்ச் சோற்றுத் துறையே. 7.94.3
    957 பளிக்குத் தாரை பவள வெற்பிற்
    குளிக்கும் போல்நூற் கோமாற் கிடமாம்
    அளிக்கும் ஆத்தி அல்லான் மதுவந்
    துளிக்குஞ் சோலைச் சோற்றுத் துறையே. 7.94.4
    958 உதையுங் கூற்றுக் கொல்கா விதிக்கு
    வதையுஞ் செய்த மைந்தன் இடமாம்
    திதையுந் தாதுந் தேனுஞ் ஞிமிறுந்
    துதையும் பொன்னிச் சோற்றுத் துறையே. 7.94.5
    959 ஓதக் கடல்நஞ் சினையுண் டிட்ட
    பேதைப் பெருமான் பேணும் பதியாம்
    சீதப் புனலுண் டெரியைக் காலுஞ்
    சூதப் பொழில்சூழ் சோற்றுத் துறையே. 7.94.6
    960 இறந்தார் என்பும் எருக்குஞ் சூடிப்
    புறங்காட் டாடும் புனிதன் கோயில்
    சிறந்தார் சுற்றந் திருவென் றின்ன
    துறந்தார் சேருஞ் சோற்றுத் துறையே. 7.94.7
    961 காமன் பொடியாக் கண்ணொன் றிமைத்த
    ஓமக் கடலார் உகந்த இடமாம்
    தேமென் குழலார் சேக்கை புகைத்த
    தூமம் விசும்பார் சோற்றுத் துறையே. 7.94.8
    962 இலையால் அன்பால் ஏத்து மவர்க்கு
    நிலையா வாழ்வை நீத்தார் இடமாம்
    தலையாற் றாழுந் தவத்தோர்க் கென்றுந்
    தொலையாச் செல்வச் சோற்றுத் துறையே. 7.94.9
    963 சுற்றார் தருநீர்ச் சோற்றுத் துறையுள்
    முற்றா மதிசேர் முதல்வன் பாதத்
    தற்றார் அடியார் அடிநாய் ஊரன்
    சொற்றான் இவைகற் றார்துன் பிலரே. 7.94.10

    திருச்சிற்றம்பலம்

    7.95 திருவாரூர்


    பண் - செந்துருத்தி
    திருச்சிற்றம்பலம்

    964 மீளா அடிமை உமக்கே ஆளாய்ப்
    பிறரை வேண்டாதே
    மூளாத் தீப்போல் உள்ளே கனன்று
    முகத்தால் மிகவாடி
    ஆளா யிருக்கும் அடியார் தங்கள்
    அல்லல் சொன்னக்கால்
    வாளாங் கிருப்பீர் திருவா ரூரீர்
    வாழ்ந்து போதீரே. 7.95.1
    965 விற்றுக் கொள்வீர் ஒற்றி யல்லேன்
    விரும்பி ஆட்பட்டேன்
    குற்ற மொன்றுஞ் செய்த தில்லை
    கொத்தை ஆக்கினீர்
    எற்றுக் கடிகேள் என்கண் கொண்டீர்
    நீரே பழிப்பட்டீர்
    மற்றைக் கண்தான் தாரா தொழிந்தால்
    வாழ்ந்து போதீரே.
    விச்சை - வித்தையென்பதுபோல் கொச்சை - கொத்தை எனநின்றது. 7.95.2
    966 அன்றில் முட்டா தடையுஞ் சோலை
    ஆரூர் அகத்தீரே
    கன்று முட்டி உண்ணச் சுரந்த
    காலி யவைபோல
    என்றும் முட்டாப் பாடும் அடியார்
    தங்கண் காணாது
    குன்றில் முட்டிக் குழியில் விழுந்தால்
    வாழ்ந்து போதீரே. 7.95.3
    967 துருத்தி உறைவீர் பழனம் பதியாச்
    சோற்றுத் துறையாள்வீர்
    இருக்கை திருவா ரூரே உடையீர்
    மனமே எனவேண்டா
    அருத்தி யுடைய அடியார் தங்கள்
    அல்லல் சொன்னக்கால்
    வருத்தி வைத்து மறுமை பணித்தால்
    வாழ்ந்து போதீரே. 7.95.4
    968 செந்தண் பவளந் திகழுஞ் சோலை
    இதுவோ திருவாரூர்
    எந்தம் அடிகேள் இதுவே ஆமா
    றுமக்காட் பட்டோ ர்க்குச்
    சந்தம் பலவும் பாடும் அடியார்
    தங்கண் காணாது
    வந்தெம் பெருமான் முறையோ வென்றால்
    வாழ்ந்து போதீரே. 7.95.5
    969 தினைத்தா ளன்ன செங்கால் நாரை
    சேருந் திருவாரூர்ப்
    புனைத்தார் கொன்றைப் பொன்போல் மாலைப்
    புரிபுன் சடையீரே
    தனத்தா லின்றித் தாந்தாம் மெலிந்து
    தங்கண் காணாது
    மனத்தால் வாடி அடியார் இருந்தால்
    வாழ்ந்து போதீரே. 7.95.6
    970 ஆயம் பேடை அடையுஞ் சோலை
    ஆரூர் அகத்தீரே
    ஏயெம் பெருமான் இதுவே ஆமா
    றுமக்காட் பட்டோ ர்க்கு
    மாயங் காட்டிப் பிறவி காட்டி
    மறவா மனங்காட்டிக்
    காயங் காட்டிக் கண்ணீர் கொண்டால்
    வாழ்ந்து போதீரே. 7.95.7
    971 கழியாய்க் கடலாய்க் கலனாய் நிலனாய்க்
    கலந்த சொல்லாகி
    இழியாக் குலத்திற் பிறந்தோம் உம்மை
    இகழா தேத்துவோம்
    பழிதா னாவ தறியீர் அடிகேள்
    பாடும் பத்தரோம்
    வழிதான் காணா தலமந் திருந்தால்
    வாழ்ந்து போதீரே. 7.95.8
    972 பேயோ டேனும் பிரிவொன் றின்னா
    தென்பர் பிறரெல்லாங்
    காய்தான் வேண்டிற் கனிதா னன்றோ
    கருதிக் கொண்டக்கால்
    நாய்தான் போல நடுவே திரிந்தும்
    உமக்காட் பட்டோ ர்க்கு
    வாய்தான் திறவீர் திருவா ரூரீர்
    வாழ்ந்து போதீரே. 7.95.9
    973 செருந்தி செம்பொன் மலருஞ் சோலை
    இதுவோ திருவாரூர்
    பொருந்தித் திருமூ லத்தா னம்மே
    இடமாக் கொண்டீரே
    இருந்தும் நின்றுங் கிடந்தும் உம்மை
    இகழா தேத்துவோம்
    வருந்தி வந்தும் உமக்கொன் றுரைத்தால்
    வாழ்ந்து போதிரே. 7.95.10
    974 காரூர் கண்டத் தெண்டோ ள் முக்கண்
    கலைகள் பலவாகி
    ஆரூர்த் திருமூ லத்தா னத்தே
    அடிப்பே ராரூரன்
    பாரூர் அறிய என்கண் கொண்டீர்
    நீரே பழிப்பட்டீர்
    வாரூர் முலையாள் பாகங் கொண்டீர்
    வாழ்ந்து போதீரே. 7.95.11

    காஞ்சீபுரத்தில் ஆலந்தானெனும் பதிகமோதி ஒருகண்பெற்று,
    இந்தத்தலத்தில் இந்தப்பதிகமோதி மற்றொரு கண்ணும் பெற்றது.

    திருச்சிற்றம்பலம்

    7.96 திருவாரூர்ப்பரவையுண்மண்டளி


    பண் - பஞ்சமம்
    திருச்சிற்றம்பலம்

    975 தூவாயா தொண்டுசெய் வார்படு துக்கங்கள்
    காவாயே கண்டுகொண் டார்ஐவர் காக்கிலும்
    நாவாயால் உன்னையே நல்லன சொல்லுவேற்
    காவாவென் பரவையுண் மண்டளி யம்மானே. 7.96.1
    976 பொன்னானே புலவர்க்கு நின்புகழ் போற்றலாம்
    தன்னானே தன்னைப் புகழ்ந்திடுந் தற்சோதி
    மின்னானே செக்கர் வானத் திளஞாயி
    றன்னானே பரவையுண் மண்டளி யம்மானே. 7.96.2
    977 நாமாறா துன்னையே நல்லன சொல்லுவார்
    போமாறென் புண்ணியா புண்ணியம் ஆனானே
    பேய்மாறாப் பிணமிடு காடுகந் தாடுவாய்க்
    காமாறென் பரவையுண் மண்டளி யம்மானே. 7.96.3
    978 நோக்குவேன் உன்னையே நல்லன நோக்காமைக்
    காக்கின்றாய் கண்டுகொண் டார்ஐவர் காக்கிலும்
    வாக்கென்னும் மாலைகொண் டுன்னை என்மனத்
    தார்க்கின்றேன் பரவையுண் மண்டளி யம்மானே. 7.96.4
    979 பஞ்சேரும் மெல்லடி யாளையோர் பாகமாய்
    நஞ்சேரும் நன்மணி கண்டம் உடையானே
    நெஞ்சேர நின்னையே உள்கி நினைவாரை
    அஞ்சேலென் பரவையுண் மண்டளி யம்மானே. 7.96.5
    980 அம்மானே ஆகம சீலர்க் கருள்நல்கும்
    பெம்மானே பேரரு ளாளன் பிடவூரன்
    தம்மானே தண்டமிழ் நூற்புல வாணர்க்கோர்
    அம்மானே பரவையுண் மண்டளி யம்மானே. 7.96.6
    981 விண்டானே மேலையார் மேலையார் மேலாய
    எண்டானே எழுத்தொடு சொற்பொருள் எல்லாமுன்
    கண்டானே கண்டனைக் கொண்டிட்டுக் காட்டாயே
    அண்டானே பரவையுண் மண்டளி யம்மானே. 7.96.7
    982 காற்றானே கார்முகில் போல்வதோர் கண்டத்தெங்
    கூற்றானே கோல்வளை யாளையோர் பாகமாய்
    நீற்றானே நீள்சடை மேல்நிறை வுள்ளதோர்
    ஆற்றானே பரவையுண் மண்டளி யம்மானே. 7.96.8
    983 செடியேன்நான் செய்வினை நல்லன செய்யாத
    கடியேன்நான் கண்டதே கண்டதே காமுறுங்
    கொடியேன்நான் கூறுமா றுன்பணி கூறாத
    அடியேன்நான் பரவையுண் மண்டளி யம்மானே. 7.96.9
    984 கரந்தையும் வன்னியும் மத்தமுங் கூவிளம்
    பரந்தசீர்ப் பரவையுண் மண்டளி யம்மானை
    நிரம்பிய ஊரன் உரைத்தன பத்திவை
    விரும்புவார் மேலையார் மேலையார் மேலாரே. 7.96.10

    திருச்சிற்றம்பலம்

    7.97 திருநனிபள்ளி


    பண் - பஞ்சமம்
    திருச்சிற்றம்பலம்

    985 ஆதியன் ஆதிரை யன்அயன் மால்அறி தற்கரிய
    சோதியன் சொற்பொரு ளாய்ச்சுருங் காமறை நான்கினையும்
    ஓதியன் உம்பர்தங் கோனுல கத்தினுள் எவ்வுயிர்க்கும்
    நாதியன் நம்பெரு மான்நண்ணும் ஊர்நனி பள்ளியதே. 7.97.1
    986 உறவிலி ஊன மிலிஉண ரார்புரம் மூன்றெரியச்
    செறுவிலி தன்னினை வார்வினை யாயின தேய்ந்தழிய
    அறவில கும்மரு ளான்மரு ளார்பொழில் வண்டறையும்
    நறவிரி கொன்றையி னான்நண்ணும் ஊர்நனி பள்ளியதே. 7.97.2
    987 வானுடை யான்பெரி யான்மனத் தாலும்நினைப் பரியான்
    ஆனிடை ஐந்தமர்ந் தான்அணு வாகியோர் தீயுருக்கொண்
    டூனுடை இவ்வுட லம்ஒடுங் கிப்புகுந் தான்பரந்தான்
    நானுடை மாடெம் பிரான்நண்ணும் ஊர்நனி பள்ளியதே. 7.97.3
    988 ஓடுடை யன்கல னாவுடை கோவண வன்உமையோர்
    பாடுடை யன்பலி தேர்ந்துண்ணும் பண்புடை யன்பயிலக்
    காடுடை யன்னிட மாமலை ஏழுங் கருங்கடல்சூழ்
    நாடுடை நம்பெரு மான்நண்ணும் ஊர்நனி பள்ளியதே. 7.97.4
    989 பண்ணற் கரிய தொருபடை ஆழி தனைப்படைத்துக்
    கண்ணற் கருள்புரிந் தான்கரு தாதவர் வேள்விஅவி
    உண்ணற் கிமையவ ரையுருண் டோ ட உதைத்துகந்து
    நண்ணற் கரிய பிரான்நண்ணும் ஊர்நனி பள்ளியதே. 7.97.5
    990 மல்கிய செஞ்சடை மேல்மதி யும்மர வும்முடனே
    புல்கிய ஆரணன் எம்புனி தன்புரி நூல்விகிர்தன்
    மெல்கிய விற்றொழி லான்விருப் பன்பெரும் பார்த்தனுக்கு
    நல்கிய நம்பெரு மான்நண்ணும் ஊர்நனி பள்ளியதே. 7.97.6
    991 அங்கமோ ராறவை யும்அரு மாமறை வேள்விகளும்
    எங்கும் இருந்தந் தணர்எரி மூன்றவை ஓம்புமிடம்
    பங்கய மாமுகத் தாளுமை பங்கன் உறைகோயில்
    செங்கயல் பாயும் வயற்றிரு ஊர்நனி பள்ளியதே. 7.97.7
    992 திங்கட் குறுந்தெரி யற்றிகழ் கண்ணியன் நுண்ணியனாய்
    நங்கட் பிணிகளை வான்அரு மாமருந் தேழ்பிறப்பும்
    மங்கத் திருவிர லால்அடர்த் தான்வல் லரக்கனையும்
    நங்கட் கருளும் பிரான்நண்ணும் ஊர்நனி பள்ளியதே. 7.97.8
    993 ஏன மருப்பினொ டும்மெழில் ஆமையும் பூண்டுகந்து
    வான மதிளர ணம்மலை யேசிலை யாவளைத்தான்
    ஊனமில் காழிதன் னுள்ளுயர் ஞானசம் பந்தற்கன்று
    ஞானம் அருள்புரிந் தான்நண்ணும் ஊர்நனி பள்ளியதே. 7.97.9
    994 காலமும் நாழிகை யுந்நனி பள்ளி மனத்தினுள்கி
    கோலம தாயவ னைக்குளிர் நாவல ஊரன்சொன்ன
    மாலை மதித்துரைப் பார்மண் மறந்துவா னோருலகிற்
    சாலநல் லின்பமெய் தித்தவ லோகத் திருப்பவரே. 7.97.10

    இத்தலம் சோழநாட்டிலுள்ளது.
    சுவாமிபெயர் - நற்றுணையப்பர், தேவியார் - பர்வதராசபுத்திரி.
    திருச்சிற்றம்பலம்

    7.98 திருநன்னிலத்துப்பெருங்கோயில்


    பண் - பஞ்சமம்
    திருச்சிற்றம்பலம்

    995 தண்ணியல் வெம்மையி னான்றலை
    யிற்கடை தோறும்பலி
    பண்ணியல் மென்மொழி யார்இடக்
    கொண்டுழல் பண்டரங்கன்
    புண்ணிய நான்மறை யோர்முறை
    யாலடி போற்றிசைப்ப
    நண்ணிய நன்னிலத் துப்பெருங்
    கோயில் நயந்தவனே. 7.98.1
    996 வலங்கிளர் மாதவஞ் செய்மலை
    மங்கையோர் பங்கினனாய்ச்
    சலங்கிளர் கங்கைதங் கச்சடை
    யொன்றிடை யேதரித்தான்
    பலங்கிளர் பைம்பொழில் தண்பனி
    வெண்மதி யைத்தடவ
    நலங்கிளர் நன்னிலத் துப்பெருங்
    கோயில் நயந்தவனே. 7.98.2
    997 கச்சிய னின்கருப் பூர்விருப்
    பன்கரு திக்கசிவார்
    உச்சியன் பிச்சையுண் ணியுல
    கங்களெல் லாமுடையான்
    நொச்சியம் பச்சிலை யான்நுரை
    தீர்புன லாற்றொழுவார்
    நச்சிய நன்னிலத் துப்பெருங்
    கோயில் நயந்தவனே. 7.98.3
    998 பாடிய நான்மறை யான்படு
    பல்பிணக் காடரங்கா
    ஆடிய மாநடத் தானடி
    போற்றியென் றன்பினராய்ச்
    சூடிய செங்கையி னார்பல
    தோத்திரம் வாய்த்தசொல்லி
    நாடிய நன்னிலத் துப்பெருங்
    கோயில் நயந்தவனே. 7.98.4
    999 பிலந்தரு வாயினொ டுபெரி
    தும்வலி மிக்குடைய
    சலந்தரன் ஆகம் இருபிள
    வாக்கிய சக்கரமுன்
    நிலந்தரு மாமகள் கோன்நெடு
    மாற்கருள் செய்தபிரான்
    நலந்தரு நன்னிலத் துப்பெருங்
    கோயில் நயந்தவனே. 7.98.5
    1000 வெண்பொடி மேனியி னான்கரு
    நீல மணிமிடற்றான்
    பெண்படி செஞ்சடை யான்பிர
    மன்சிரம் பீடழித்தான்
    பண்புடை நான்மறை யோர்பயின்
    றேத்திப்பல் கால்வணங்கும்
    நண்புடை நன்னிலத் துப்பெருங்
    கோயில் நயந்தவனே. 7.98.6
    1001 தொடைமலி கொன்றைதுன் றுஞ்சடை
    யன்சுடர் வெண்மழுவாட்
    படைமலி கையன்மெய் யிற்பகட்
    டீருரிப் போர்வையினான்
    மடைமலி வண்கம லம்மலர்
    மேல்மட வன்னம்மன்னி
    நடைமலி நன்னிலத் துப்பெருங்
    கோயில் நயந்தவனே. 7.98.7
    1002 குளிர்தரு திங்கள்கங் கைகுர
    வோடரக் கூவிளமும்
    மிளிர்தரு புன்சடை மேலுடை
    யான்விடை யான்விரைசேர்
    தளிர்தரு கோங்குவேங் கைதட
    மாதவி சண்பகமும்
    நளிர்தரு நன்னிலத் துப்பெருங்
    கோயில் நயந்தவனே. 7.98.8
    1003 கமர்பயில் வெஞ்சுரத் துக்கடுங்
    கேழற்பின் கானவனாய்
    அமர்பயில் வெய்திய ருச்சுன
    னுக்கருள் செய்தபிரான்
    தமர்பயில் தண்விழ வில்தகு
    சைவர் தவத்தின்மிக்க
    நமர்பயில் நன்னிலத் துப்பெருங்
    கோயில் நயந்தவனே. 7.98.9
    1004 கருவரை போலரக் கன்கயி
    லைம்மலைக் கீழ்க்கதற
    ஒருவிர லாலடர்த் தின்னருள்
    செய்த உமாபதிதான்
    திரைபொரு பொன்னிநன் னீர்த்துறை
    வன்றிகழ் செம்பியர்கோன்
    நரபதி நன்னிலத் துப்பெருங்
    கோயில் நயந்தவனே. 7.98.10
    1005 கோடுயர் வெங்களிற் றுத்திகழ்
    கோச்செங்க ணான்செய்கோயில்
    நாடிய நன்னிலத் துப்பெருங்
    கோயில் நயந்தவனைச்
    சேடியல் சிங்கிதந் தைசடை
    யன்றிரு வாரூரன்
    பாடிய பத்தும்வல் லார்புகு
    வார்பர லோகத்துள்ளே. 7.98.11

    திருச்சிற்றம்பலம்

    7.99 திருநாகேச்சரம்


    பண் - பஞ்சமம்
    திருச்சிற்றம்பலம்

    1006 பிறையணி வாணு தலாள்உமை
    யாளவள் பேழ்கணிக்க
    நிறையணி நெஞ்சனுங் கநீல
    மால்விடம் உண்டதென்னே
    குறையணி குல்லைமுல் லைஅளைந்
    துகுளிர் மாதவிமேற்
    சிறையணி வண்டுகள் சேர்திரு
    நாகேச் சரத்தானே. 7.99.1
    1007 அருந்தவ மாமுனி வர்க்கரு
    ளாகியோர் ஆலதன்கீழ்
    இருந்தற மேபுரி தற்கியல்
    பாகிய தென்னைகொலாங்
    குருந்தய லேகுர வம்மர
    வின்னெயி றேற்றரும்பச்
    செருந்திசெம் பொன்மல ருந்திரு
    நாகேச் சரத்தானே. 7.99.2
    1008 பாலன தாருயிர் மேற்பரி
    யாது பகைத்தெழுந்த
    காலனை வீடுவித் துக்கருத்
    தாக்கிய தென்னைகொலாங்
    கோல மலர்க்குவ ளைக்கழு
    நீர்வயல் சூழ்கிடங்கிற்
    சேலொடு வாளைகள் பாய்திரு
    நாகேச் சரத்தானே. 7.99.3
    1009 குன்ற மலைக்கும ரிகொடி
    யேரிடை யாள்வெருவ
    வென்றி மதகரி யின்னுரி
    போர்த்தது மென்னைகொலாம்
    முன்றில் இளங்கமு கின்முது
    பாளை மதுவளைந்து
    தென்றல் புகுந்துல வுந்திரு
    நாகேச் சரத்தானே. 7.99.4
    1010 அரைவிரி கோவணத் தோடர
    வார்த்தொரு நான்மறைநூல்
    உரைபெரு கவ்வுரைத் தன்று
    உகந்தருள் செய்ததென்னே
    வரைதரு மாமணி யும்வரைச்
    சந்தகி லோடுமுந்தித்
    திரைபொரு தண்பழ னத்திரு
    நாகேச் சரத்தானே. 7.99.5
    1011 தங்கிய மாதவத் தின்றழல்
    வேள்வியி னின்றெழுந்த
    சிங்கமும் நீள்புலி யுஞ்செழு
    மால்கரி யோடலறப்
    பொங்கிய போர்புரிந் துபிளந்
    தீருரி போர்த்ததென்னே
    செங்கயல் பாய்கழ னித்திரு
    நாகேச் சரத்தானே. 7.99.6
    1012 நின்றவிம் மாதவத் தையொழிப்
    பான்சென் றணைந்துமிகப்
    பொங்கிய பூங்கணை வேள்பொடி
    யாக விழித்தலென்னே
    பங்கய மாமலர் மேன்மது
    வுண்டுவண் தேன்முரலச்
    செங்கயல் பாய்வயல் சூழ்திரு
    நாகேச் சரத்தானே. 7.99.7
    1013 வரியர நாண தாகமா
    மேரு வில்லதாக
    அரியன முப்புரங் கள்ளவை
    யாரழ லூட்டலென்னே
    விரிதரு மல்லிகை யும்மலர்ச்
    சண்பக மும்மளைந்து
    திரிதரு வண்டுபண் செய்திரு
    நாகேச் சரத்தானே. 7.99.8
    1014 அங்கியல் யோகுதன் னையழிப்
    பான்சென் றணைந்துமிகப்
    பொங்கிய பூங்கணை வேள்பொடி
    யாக விழித்தலென்னே
    பங்கய மாமலர் மேல்மது
    வுண்டுபண் வண்டறையச்
    செங்கயல் நின்றுக ளுந்திரு
    நாகேச் சரத்தானே. 7.99.9
    1015 குண்டரைக் கூறையின் றித்திரி
    யுஞ்சமண் சாக்கியப்பேய்
    மிண்டரைக் கண்டதன் மைவிர
    வாகிய தென்னைகொலோ
    தொண்டிரைத் துவணங் கித்தொழில்
    பூண்டடி யார்பரவுந்
    தெண்டிரைத் தண்வயல் சூழ்திரு
    நாகேச் சரத்தானே. 7.99.10
    1016 கொங்கணை வண்டரற் றக்குயி
    லும்மயி லும்பயிலுந்
    தெங்கணை பூம்பொழில் சூழ்திரு
    நாகேச் சரத்தானை
    வங்கம் மலிகடல் சூழ்வயல்
    நாவலா ரூரன்சொன்ன
    பங்கமில் பாடல்வல் லாரவர்
    தம்வினை பற்றறுமே. 7.99.11

    இத்தலம் சோழநாட்டிலுள்ளது.
    சுவாமிபெயர் - செண்பகாரணியேசுவரர்,
    தேவியார் - குன்றமுலையம்மை.
    திருச்சிற்றம்பலம்

    7.100 திருநொடித்தான்மலை


    பண் - பஞ்சமம்
    திருச்சிற்றம்பலம்

    1017 தானெனை முன்படைத் தானத
    றிந்துதன் பொன்னடிக்கே
    நானென பாடலந் தோநாயி
    னேனைப் பொருட்படுத்து
    வானெனை வந்தெதிர் கொள்ளமத்
    தயானை அருள்புரிந்து
    ஊனுயிர் வேறுசெய் தான்நொடித்
    தான்மலை உத்தமனே. 7.100.1
    1018 ஆனை உரித்த பகைஅடி
    யேனொடு மீளக்கொலோ
    ஊனை உயிர்வெருட் டிஒள்ளி
    யானை நினைந்திருந்தேன்
    வானை மதித்தம ரர்வலஞ்
    செய்தெனை ஏறவைக்க
    ஆனை அருள்புரிந் தான்நொடித்
    தான்மலை உத்தமனே. 7.100.2
    1019 மந்திரம் ஒன்றறி யேன்மனை
    வாழ்க்கை மகிழ்ந்தடியேன்
    சுந்தர வேடங்க ளாற்றுரி சேசெயுந்
    தொண்டனெனை
    அந்தர மால்விசும் பில்அழ
    கானை அருள்புரிந்த
    துந்தர மோநெஞ்ச மேநொடித்
    தான்மலை உத்தமனே. 7.100.3
    1020 வாழ்வை உகந்தநெஞ் சேமட
    வார்தங்கள் வல்வினைப்பட்
    டாழ முகந்தவென் னைஅது
    மாற்றி அமரரெல்லாஞ்
    சூழ அருள்புரிந் துதொண்ட
    னேன்பரம் அல்லதொரு
    வேழம் அருள்புரிந் தான்நொடித்
    தான்மலை உத்தமனே. 7.100.4
    1021 மண்ணுல கிற்பிறந் துநும்மை
    வாழ்த்தும் வழியடியார்
    பொன்னுல கம்பெறு தல்தொண்ட
    னேனின்று கண்டொழிந்தேன்
    விண்ணுல கத்தவர் கள்விரும்
    பவெள்ளை யானையின்மேல்
    என்னுடல் காட்டுவித் தான்நொடித்
    தான்மலை உத்தமனே. 7.100.5
    1022 அஞ்சினை ஒன்றிநின் றுஅலர்
    கொண்டடி சேர்வறியா
    வஞ்சனை யென்மன மேவைகி
    வானநன் னாடர்முன்னே
    துஞ்சுதல் மாற்றுவித் துத்தொண்ட
    னேன்பர மல்லதொரு
    வெஞ்சின ஆனைதந் தான்நொடித்
    தான்மலை உத்தமனே. 7.100.6
    1023 நிலைகெட விண்ணதி ரநில
    மெங்கும் அதிர்ந்தசைய
    மலையிடை யானையே றிவழி
    யேவரு வேன்எதிரே
    அலைகட லால்அரை யன்அலர்
    கொண்டுமுன் வந்திறைஞ்ச
    உலையணை யாதவண் ணம்நொடித்
    தான்மலை உத்தமனே. 7.100.7
    1024 அரவொலி ஆகமங் கள்அறி
    வாரறி தோத்திரங்கள்
    விரவிய வேதஒ லிவிண்ணெ
    லாம்வந் தெதிர்ந்திசைப்ப
    வரமலி வாணன்வந் துவழி
    தந்தெனக் கேறுவதோர்
    சிரமலி யானைதந் தான்நொடித்
    தான்மலை உத்தமேனே. 7.100.8
    1025 இந்திரன் மால்பிர மன்னெழி
    லார்மிகு தேவரெல்லாம்
    வந்தெதிர் கொள்ளஎன் னைமத்த
    யானை அருள்புரிந்து
    மந்திர மாமுனி வர்இவ னாரென
    எம்பெருமன்
    நந்தமர் ஊரனென் றான்நொடித்
    தான்மலை உத்தமனே. 7.100.9
    1026 ஊழிதோ றூழிமுற் றுமுயர்
    பொன்னொடித் தான்மலையைச்
    சூழிசை யின்கரும் பின்சுவை
    நாவல ஊரன்சொன்ன
    ஏழிசை இன்றமி ழால்இசைந்
    தேத்திய பத்தினையும்
    ஆழி கடலரை யாஅஞ்சை
    யப்பர்க் கறிவிப்பதே.
    நொடித்தான்மலையென்பது - கயிலைமலை. 7.100.10

    திருச்சிற்றம்பலம்

    சுந்தரமூர்த்திசுவாமிகள் அருளிச்செய்த
    தேவாரப்பதிகங்கள் ஏழாம் திருமுறை முற்றும்.